{مَطُ قـٌلِبَيُ مـًنُ آلحـًشُىَ قـُۈ’ة . . "

[آڷصّغيرۉنہْ ™]

السلآمّ عليڪمَ ۈ رحمـۃَ الله ۈ برڪآتــہ ،*‘
يسعدليَ صباحڪّم ، ۈ مسآڪّم ، بّۈردَ جّۈرَي . .

شحّـآلڪـٌم عرّب فخر ،*‘
. . . . . . . . . ربّڪَم آلا بخيّـر . .


*



{ قصـِـِهْ قِريــُـُـُهإ فأحدِ ألمنتديــًـًـًـأت ؤ حبيـــِـِـِـِـتْ أإنقلِـهـإ لـڪمْ ./

هيْ للڪإتبهْ ™»υм καyєĐ . . ([فقط الأعضاء المسجلين والمفعلين يمكنهم رؤية الوصلات])


{مَطُ قـٌلِبَيُ مـًنُ آلحـًشُىَ قـُۈ’ة . . "


في وقت مغيب الشمس وفي بيت بو عبدالله.. طبعاً العايلة كلها متيمعة ..
ونبدا بالتعريف بالشخصيات

بو عبدالله :
* سعيد * يسمونه بوالجميع طيب لأبعد الحدود و مايحب يرد لعياله طلب و خاصة ريم مدلعنها آخر دلع
أم عبدالله :
* موزة * راعية دار الحي .. ما تحب البنت يوم تاخذ حريتها زياده عن اللزوم
عبدالله :
أكبر اخوانه عمره 28 سنة .. معرس وعنده بنت و ولد وهالإنسان جدي وايد و صالب راشد أخوه
فطيم :
حرمة قرقوش(عبدالله) على قولة راشد .. إنسانة طيبة ومالها في حد
راشد :
عمره 19 خريش و حلو وشعره طويل والخشم سيف مسلول .. يحب يطفر بأخته ريم ومايحب يجابل بنت خاله بعدين بنعرف السبب .. ضعيف بس مب وايد .. مب ابيض ولا اسمر نص ونص حنطي يعني بس لون بشرته كشخه و اهم شيء انه يوييل وشاعر وفارس بعد
ريم :
آخر العنقود عمرها 17 صف ثالث ثانوي أدبي .. بنت أدبي يعني لا شغل ولا مشغله .. وهاي البنت محد رايم عليها لأنها دلوعة أبوها حتى عبدالله اللي الكل يخاف منه ماتسويله سالفة بالمختصر المفيد تلبسه .. و تقدرون تقولون انها طر لانها صدق حلوة .. شعرها طويل وماخذ من دجى الليل السواد وعيونها وساع ترمي بالسهام .. الصراحه اللي يشوفها يتولع فيها .. وبطرانه وتحب تطنز ع خلق الله وشوي هبلا
شوق :
بنت عبدالله عمرها 6 سنوات بريئة طالعه على امها
حميد :
ولد عبدالله عمره 4 سنين أونه يويل وفالجذب نمبر 1 دايماً يظرب اخته وطبعا شوق مايخصها في حد وعلى طول يوم يبا يسويلها مشاكل يخبر ابوه من الحين جيه مسوي فيها الله يعينها عليه يوم بيكبر



ريم : الساعة في العين تشير إلى 7 وفي دبي مادري نفس الشي أظن
( طبعاً ريم تفكر في عيال خالها خليفه اللي في دبي )

بو مايد :
خليفه .. يحب التطور والانفتاح يحب يدلع بناته .. ومايرد لولده مايد طلب لانه الولد الوحيد
أم مايد :
عوشه .. بناتها دوم يحصلن هزبه محترمه منها والسبه انها ماتحب البنات يوم يكشخن وايد يعني كل شي وله حدود
مايد :
عمره 23 طيب و حبوب و متواضع مسكين .. أهم شي عنده فهالدنيا اخته مهره .. وهو الولد الوحيد يعني غالب مايكون ويا ربعه
سلامه :
عمرها 19 تدرس في جامعة زايد وهي عاديه مب حلوه وايد وهالبنت معجبة وايد في ولد عمتها راشد يعني عوق قلبها ماتقدر تعيش اذا ماشافته كل اسبوع وتعرفون حركات البنات حروف وهالسوالف .. يعني حركات مراهقة وحليلها
ميرة :
عمرها 17 وهي كبر ريم ثانوية عامة وأدبي بعد .. وخبالها شرات خبال ريم بالضبط يعني حياتهم بدون بعض سلطة .. يعني الدنيا ماتمشي اذا ما كانو مع بعض .. ترضى على اختها بس ماترضى على ريم تقدرون تقولون توأم روحها
وتحب تكشخ شرات بنت عمتها وهي حليوه اكيد
مهرة :
عمرها 11 سنة دلوعة مايد .. يحبها وايد مادري ليش .. بس تقول الله هالشي حلو ياخذلها ياه مايخلي شي في خاطرها

ريم : يالله والله ولهانة على سلامي وعلى سخافتها وثقالة دمها
راشد (انجلب ويهه) : تولهتي على منو ؟؟؟
ريم : سلااااامة ....
راشد (لايعه جبده): هيييه زين زين الله يديم المحبة
ريم : آميييييين
هند : المفروض تتولهين على ميروه
ريم : اسكتي والله بموت اذا ماشفتها بتخبل بتخبل
عبدالله : امبونج خبلة بعد بتتخبلين ازيد
بوعبدالله : بسم الله ع بنتي وين ياها خبله
ريم : فديت سعوووودي أنا ( أونها اتدلع أبوها )
أم عبدالله : اندوكم هاي صدق تخبلت
ريم : وحليلها الموز تغار هههههههه
عبدالله : بس اصطلبي ماتستحين أنتي
ريم : ابويه شوفه قالي ما أستحي .. أنا أستحي وأخيل أكثر منك
كلهم انصدموا وأولهم راشد
راشد ( في خاطره ) : ليتني مكانج يا ريموه أقدر أسكت قرقوش

و دشوا اليهال عرض ....
حميد : بابا ثوق ثلت الثلق مالي ( شوق شلت الشلق مالي )
ريم : جذاااب من وين لك شلق أصلاً
حميد (زين ما صاح): بابا .. ثوف قالتلي تداب
ريم : هههههههه وحليله بيصيح الياهل
حميد : أنا ريال حمودي
ريم : خخخخ أمحق
عبدالله : بس خليه فحاله
فطيم : لا تكسرين مياديف ولديه
ريم : اندوكم هاذيل محد ياب عيال غيركم
هند : ريموه سيري سيري ذاكري أخيرلج
ريم : جان ذاكرتي أنتي .. بعدين بلحقج
راشد : ماترومون على لسانها خلكم بعيد بتاكلكم
ريم ( تطالع راشد بنظرات ) : سكت دهراً و نطق كفراً
أم عبدالله : يالله أذن العشا قوموا اتيددوا وصلوا
الكل : ان شالله

كل حد سار حجرته بو عبدالله و عبدالله و راشد سارو المسيد

هند : ريموه لوسمحتي لاتطولين ع حسج فليل يعني لا تغردين وايد تراج ماتخليني أرقد
ريم : مشكلتج إذا حجرج مجابلة حجرتي
و حدرت حجرتها و رظت بالباب وراها
هند : غربلهالله من وين يايبه هاللسان ؟
ريم ( من ورا الباب ) : سمعتج ترا
هند : والعثره !!!!

في حجرة ريم صدق حجرة بنوتات الفوشي يقول أنا والأسود يزقر من الصوب الثاني ومن غير انها منزله ستاره بالكريستال أول ماتحدرون الحجرة و فراشات يعني حجرة وحدة ذويقة ومن غير انه أرضية غرفتها باركيه ( خشب ) و ف نص الحجرة شي قطعة زجاج ع الارض ومن داخل حاطه حصا وماي .. وشي سبوت ليت .. يعني ديكور غرفتها من تصميمها بس شكله يوحي انها يايبه مهندس ديكور

ريم : أفففف ملل شو أسوي الحين .. بقوم أصلي وبدورلي شي أسويه

قامت وصلت وعقبها رن موبايلها وكانت ميرة بنت خالها متصلة

ميرة : هلااااا هلاااااااا
ريم : هلوووو ماي كزن
ميرة : اهلين شحالج يالدبة ؟؟
ريم : كووول رقيييص وأنتي ؟
ميرة : ترتوبيشن .. متى بيي الويكند ياخي ؟
ريم : عقب كم يوم .. ليش ؟
ميرة : ترا بني العين ولا ماتستقبلين ؟؟
ريم : أوووووووونه احلفي ماصدق
ميرة : والله .. بسم الله كل اللي في بيتكم يعرفون
ريم : أويه ما خبروني ماعليه يبالهم هزبه
ميرة : عندج ياهم ها ها هاااااا
ريم : أفا عليج
ميرة : اسمعي من زمان ماييت العين يعني لازم تحوطيني
ريم : ماطلبتي ما بنيلس فالبيت أصلاً
ميرة : أقولج يوم قالو بنيكم حسيت انه سلامه استانست شقت الحلج
ريم :خخخخ خليها ف صوب عاد هاي
ميرة : أنا مظاربه وياها .. أظن رشود مايدري إنا بني قوليله مسكين عن ينصدم
ريم : هيه وحليله لالا بنخليه يجابلها طول الويكند ترا قهرني اليوم !!
ميرة : يستاهل دوااااه عيل هههههه
ريم : ميروه يله أنا ميتة من اليوع بسير أتعشى
ميرة : اوكيك دبوتي يله باي
ريم : سي يو !



StoP ./



*

[آڷصّغيرۉنہْ ™]

ظهرت ريم ويلسوا ع العشا كلهم

ريم : ليش ما قلتولي انه قوم خالي بيون في الويكند
راشد : هااه !!!!
هند : انتي وجودج و العدم واحد
عبدالله : جنج مب ويانا فالبيت ماتعرفين شي عن البيت لو دش حرامي وسرق مابتحسين
ريم : أهم شي انه مايدش حجرتيه .. المهم مابطول لساني لاني مب متفيجه
راشد : لحظه لحظه يعني منو بيي بيتنا ورا باجر ؟؟
ريم : عيال خالي خليفه
راشد ( في خاطره ) : الله يعيين
ريم ( وهي تظحك ) : رشوود عاد نباك اتظهرنا يوم بيون
راشد : لا والله غرن محلكن انا ما احوط ابنات
بو عبدالله : واللي يقولك انك بتوديهن
راشد ( خاطره يظرب ريم ) : ان شالله ابويه

و قام يأشر حق ريم على انه بيذبحها طبعاً هي فاهمة الموضوع و تظحك عليه وقامو يطالعون تيلفزون لين ماشبعو ويا وقت الرقاد

راشد : يله يله قومي ارقدي باجر وراج مدرسة يا ويلج اذا أخرتيني
ريم : جب انزين لا تحشرنا
وخلاف كل حد سار حجرته
وفي حجرة راشد
راشد منسدح عالشبريه و كان يرمس بالتيلفون
راشد : افا الغاليه كله ولا زعلج
وتدخل ريم الحجره
ريم : رشووووود
راشد : وويع
ريم : (وهي ترفع له حياتها ) منو ترمس ؟؟
راشد : ربيعي بعد منو
ريم : اها ربيعك اتقوله ( واتقلده ) افا الغاليه كله ولا زعلج
راشد : ريموه فارجي احسن لج عن تنضربين
ريم : اوكي ماي برو ما بخرب عليك المغازل
راشد ( فرها بالمخده وهي شخطته برع الحجره )

و ساروا يرقدون. .


واليوم الثاني نشت ريم من الرقاد غصبن عنها وتغسلت


ريم : أففف شو هالحالة .. النشة اللي من صباح الله خير مادانيها .. عنبوهم الديج ماينش الحين خل ألبس أحسن لي ..


و قامت لبست ثيابها واكسسواراتها و عدلت الشعر وكشخت ولا جنها سايره المدرسة وتجحلت وطلعت بتتريق وشافت راشد يترياها



ريم : صباح الخير خيووو
راشد : هلا صباح النور
ريم : يالله أسميني إلا يوعانه


و قامت ريم تاكل و تاكل و تاكل


راشد : بس بس يله قومي بتأخرينا تراج
ريم : حرام رشود والله يوعااااانه
راشد : بس بس مب زين بتموتين من كثر الأكل بعدين تعالي بسألج
ريم : هااااه ؟؟
راشد : هالأكل اللي تاكلينه وين تودينه والله مايبين شي فيج
ريم : اذكر الله
راشد : انزين يله نشي
ريم : اففف اوكي انزين


ركبوا الموتر ودقوه سلف و خطفوا الدكان عشان ياخذولهم بارد


ريم : خيبه دكان يفتح هالوقت .. أصبحنا وأصبح الملك لله
راشد : خلصينا إلا دكان هو مب فرايديز .. شو تبين ؟
ريم : فيتامين سي
راشد : اوكي .. راجو هات واحد فيتامين سي و واحد ريدبول
راجو ( راعي الدكان ) : ان شالله


شلو اللي طلبوه و شربوا و ويهوا صوب المدرسة و أول مانزلت ريم .. طاحت عين راشد على وحدة و شاف ريم تسلم عليها هنيه طار عقله مسكين


ريم : حيالله شما بنت سيف
شما : يحييج يا ريم بنت سعيد .. شالحال ؟
ريم : اوكيه والله .. توب التوب ومن صوبج ؟
شما : غربالله هالرمسة .. يسرج الحال
ريم : جب جب خخخخ من زين رمستكم عاد
شما : لا تغلطين ههههههه


طبعا راشد بعده ما روح و تام يطالع شما


راشد ( يرمس عمره ) : ياويل حالي ع الظحكه أنا
شما : شو مب ناوين نحدر المدرسه
ريم : رشود أخويه بعده ما روح خل انرد وياه
شما : ما أتخيل ههههههههه


و صدت صوب موتره .. و طاحت عينها ف عينه .. صح انه حلو وعيبها بس مايهزج ريح يا شما بنت سيف


ريم : يالله مافينا نتأخر أكثر من جيه
شما : اوكي


دخلن الثنتين المدرسة و طبعاً ما خلو بنت ما تمصخروا عليها


ريم : شموه لا تفوتج هاي اللي يايه جنها لوزه
شما : شو يخص اللوز ؟
ريم : شبراتها خظر ترا خخخخخخخ
شما : ههههههه والله انج سخيييفه
ريم : يله بندخل الكلاس بنتمصخر ع البنات شوي
شما : هووووووود
الكل : هدااااا قربن
وديمة : ين الخبايل اسمينا الا ما يانا خير يوم حطوهن ف صفنا
ريم : تعااااااااالي ليش مب عايبنج !!!
شما : أنا بعلمها الأدب
ريم : لا خوزي أنا بعلمها
شما : أوكي علميها عيل


زخت ريم وديمة من قميصها


ريم : بتعيدينها مرة ثانية ؟؟
وديمة : لا توبه بس هديني
ريم : هيه اتحريت مره ثانية اتعلمي كيف اترمسين شيخاتج بأدب
وديمة : خلاص خلاص والله بتأدب


وجان اتهدها كانت وديمه بتروح جان تيرها ريم من شعرها


ريم : مب تعيدينها فاهمه !!
شما : مسكين حالها خخخخخخ

[آڷصّغيرۉنہْ ™]

ظهرت ريم ويلسوا ع العشا كلهم
ريم : ليش ما قلتولي انه قوم خالي بيون في الويكند
راشد : هااه !!!!
هند : انتي وجودج و العدم واحد
عبدالله : جنج مب ويانا فالبيت ماتعرفين شي عن البيت لو دش حرامي وسرق مابتحسين
ريم : أهم شي انه مايدش حجرتيه .. المهم مابطول لساني لاني مب متفيجه
راشد : لحظه لحظه يعني منو بيي بيتنا ورا باجر ؟؟
ريم : عيال خالي خليفه
راشد ( في خاطره ) : الله يعيين
ريم ( وهي تظحك ) : رشوود عاد نباك اتظهرنا يوم بيون
راشد : لا والله غرن محلكن انا ما احوط ابنات
بو عبدالله : واللي يقولك انك بتوديهن
راشد ( خاطره يظرب ريم ) : ان شالله ابويه

و قام يأشر حق ريم على انه بيذبحها طبعاً هي فاهمة الموضوع و تظحك عليه وقامو يطالعون تيلفزون لين ماشبعو ويا وقت الرقاد

راشد : يله يله قومي ارقدي باجر وراج مدرسة يا ويلج اذا أخرتيني
ريم : جب انزين لا تحشرنا
وخلاف كل حد سار حجرته
وفي حجرة راشد
راشد منسدح عالشبريه و كان يرمس بالتيلفون
راشد : افا الغاليه كله ولا زعلج
وتدخل ريم الحجره
ريم : رشووووود
راشد : وويع
ريم : (وهي ترفع له حياتها ) منو ترمس ؟؟
راشد : ربيعي بعد منو
ريم : اها ربيعك اتقوله ( واتقلده ) افا الغاليه كله ولا زعلج
راشد : ريموه فارجي احسن لج عن تنضربين
ريم : اوكي ماي برو ما بخرب عليك المغازل
راشد ( فرها بالمخده وهي شخطته برع الحجره )

و ساروا يرقدون. .


واليوم الثاني نشت ريم من الرقاد غصبن عنها وتغسلت


ريم : أففف شو هالحالة .. النشة اللي من صباح الله خير مادانيها .. عنبوهم الديج ماينش الحين خل ألبس أحسن لي ..


و قامت لبست ثيابها واكسسواراتها و عدلت الشعر وكشخت ولا جنها سايره المدرسة وتجحلت وطلعت بتتريق وشافت راشد يترياها


ريم : صباح الخير خيووو
راشد : هلا صباح النور
ريم : يالله أسميني إلا يوعانه


و قامت ريم تاكل و تاكل و تاكل


راشد : بس بس يله قومي بتأخرينا تراج
ريم : حرام رشود والله يوعااااانه
راشد : بس بس مب زين بتموتين من كثر الأكل بعدين تعالي بسألج
ريم : هااااه ؟؟
راشد : هالأكل اللي تاكلينه وين تودينه والله مايبين شي فيج
ريم : اذكر الله
راشد : انزين يله نشي
ريم : اففف اوكي انزين


ركبوا الموتر ودقوه سلف و خطفوا الدكان عشان ياخذولهم بارد


ريم : خيبه دكان يفتح هالوقت .. أصبحنا وأصبح الملك لله
راشد : خلصينا إلا دكان هو مب فرايديز .. شو تبين ؟
ريم : فيتامين سي
راشد : اوكي .. راجو هات واحد فيتامين سي و واحد ريدبول
راجو ( راعي الدكان ) : ان شالله


شلو اللي طلبوه و شربوا و ويهوا صوب المدرسة و أول مانزلت ريم .. طاحت عين راشد على وحدة و شاف ريم تسلم عليها هنيه طار عقله مسكين


ريم : حيالله شما بنت سيف
شما : يحييج يا ريم بنت سعيد .. شالحال ؟
ريم : اوكيه والله .. توب التوب ومن صوبج ؟
شما : غربالله هالرمسة .. يسرج الحال
ريم : جب جب خخخخ من زين رمستكم عاد
شما : لا تغلطين ههههههه


طبعا راشد بعده ما روح و تام يطالع شما


راشد ( يرمس عمره ) : ياويل حالي ع الظحكه أنا
شما : شو مب ناوين نحدر المدرسه
ريم : رشود أخويه بعده ما روح خل انرد وياه
شما : ما أتخيل ههههههههه


و صدت صوب موتره .. و طاحت عينها ف عينه .. صح انه حلو وعيبها بس مايهزج ريح يا شما بنت سيف


ريم : يالله مافينا نتأخر أكثر من جيه
شما : اوكي

[آڷصّغيرۉنہْ ™]

دخلن الثنتين المدرسة و طبعاً ما خلو بنت ما تمصخروا عليها

ريم : شموه لا تفوتج هاي اللي يايه جنها لوزه
شما : شو يخص اللوز ؟
ريم : شبراتها خظر ترا خخخخخخخ
شما : ههههههه والله انج سخيييفه
ريم : يله بندخل الكلاس بنتمصخر ع البنات شوي
شما : هووووووود
الكل : هدااااا قربن
وديمة : ين الخبايل اسمينا الا ما يانا خير يوم حطوهن ف صفنا
ريم : تعااااااااالي ليش مب عايبنج !!!
شما : أنا بعلمها الأدب
ريم : لا خوزي أنا بعلمها
شما : أوكي علميها عيل

زخت ريم وديمة من قميصها

ريم : بتعيدينها مرة ثانية ؟؟
وديمة : لا توبه بس هديني
ريم : هيه اتحريت مره ثانية اتعلمي كيف اترمسين شيخاتج بأدب
وديمة : خلاص خلاص والله بتأدب

وجان اتهدها كانت وديمه بتروح جان تيرها ريم من شعرها

ريم : مب تعيدينها فاهمه !!
شما : مسكين حالها خخخخخخ

و تدخل عليهم مس ال English

شما : والعثره مس انتي علينا من الأولى
المس : yes .. why ?
ريم : يالله صباح خير تونا نقول أصبحنا وأصبح الملك لله
المس : oh really ?
ريم و شما : لا ايدي هاهاهاهاهاها خخخخ خششششمج !!
المس : يله go to your places يعدمني ياكون
ريم : ملعونة الصير تدعي علينا بعد

و يلسن يعلقن على كل صغيرة و عودة

ريم : شمامي لا يفوتج .. شوفي نعالها
شما : خخخخخ شو هالعنقاش .. كعب هالكبر تفصيل شو ؟؟
ريم : عنقوشي عنقوشي خخخ اونها بتخلي شعرها يطقم ويا العباه
شما : لالا اطورت عن السنة اللي طافت
ريم ( وهي تثاوب ) : آآآآآآآه يا شموووه كم باقي مليت ترا
شما : دقيقتين اتريي
واترين لين مادق الجرس وظهرن من الكلاس

ريم : شمامي يقولج في بوي في مدرستنا
شما : وينها اللي ماتستحي ولاتخيل خل أصلبها شوي
ريم : بنسأل ودوم تعرفها ترا
شما : ودووووم يوووو ودييييييييمه
وديمة : هلااااا
ريم : بتخبرج .. وين هاي البوي اللي عدنا فالمدرسة ؟
وديمه : شتبوبها ياهل أقصاها ف ثاني ثنوي
شما : نبا نتمصخر شوي
ريم : هيه هيه بنقردن
وديمه : ههههه عاد تحملن ترا ماتتحمل تشوف بنات حلوات بتحط عينها ع وحده فيكم
شما : تهبي خخخخ
ريم : بنيرب حظنا
وديمه : تشوفونها هي هاي اللي بتخطف علينا الحين
ريم : غربالله هالشعر المنتف جنها ولد حتى شبابنا شعورهم أطول
وديمه : يالله ورانا كلاس انا بسير
ريم : الرب حافظ
وديمة : تبين هزبه من المس ؟؟
شما : ماتروم تهزبنا
وديمه : اوكي أنا ماقدر عليها يله باي
ريم : باي
و خطفن جدام البويه مرة ثانيه
البويه : شيييييت حمدوووه عندكم صواريخ فالمدرسة
ريم : وااااي شموه قامت تلوعلي جبدي
شما : وانا اكثر والله

[آڷصّغيرۉنہْ ™]

البويه قامت تصفر وحالتها لله وعاشت الدور .. صدقت عمرها مسكينه

ريم : هاي من وين يايه ؟؟ خخخخخخخ
البويه : من دار الحي
شما : خيبه تخيبها يعلها الماحي .. كيف تسمع هب اذن عليها
ريم : ايييه حدج عاد مايخصج في دبي واهلها
البويه : أففف لهاي الدرجة تحبينا ؟؟؟
ريم : انتي اييه لا تصدقين عمرج منو يحبج انتي .. أنا اطري هل دبي
البويه : وأنا وحده منهم
ريم : أففف بقره ماتفهم ماتحمل غباءها
شما : من هالكشه والجل اللي ع شعرها وين بتفهم
البويه : لالا أفهم فديتج
ريم : فداااج الند
البويه : أفا أهووون ؟؟
ريم : أعععععععع ماااااااااااااااااااااااالت
شما : انزين يا بابا شغلي مخج انتي من وين الحين
البويه : دبي
ريم : وشو تسوين عدنا فالعين
البويه : هالسنه انتقلنا هنيه ماتشوفيني يديده ماعرف شو سالفة مدرستكم وفالصيف بنرد دبي
ريم : اويييه .. حشى ابن بطوطه مب بنت .. المهم نحن تأخرنا
شما : هيه وااايد يله باي
البويه : لحظه لحظه

سوووولها طااف وساروا الكلاس كان عليهم تاريخ

شما : مرحباااااااا السااااع شحالج الشيخه علووومج

تقردن المس عشان ما تظهرهم

المس : وين كنتن ؟؟
ريم : كنا برع ماتشوفينا يايين من برع ولا يمكن داشين من داخل وأنا مادري
المس : متأخره ولسانج طويل بعد !
ريم : أفا جرحتيني مس اهئ اهئ (اونها اتصيح)
المس : ماتدخلن إلا بورقة من الإدارة
ريم : ان شالله حاظريين
شما : ايه ايه شو انشالله
ريم : تعالي انتي بس

ظهرن من الكلاس و طلعت ريم ورقة

شما : شو هالورقة ؟؟
ريم : تحيدين يوم طلعونا هاك اليوم ؟؟
شما : هيه أسميج إلا ذكيه بس لحظه والتاريخ؟؟
ريم : عادي بنعدله مايستوي انزور الورقة إلا اذا خذنا الختم
شما : لا مانروم له الختم
ريم : خل نعدل التاريخ عيل وندخل
شما : اوكي يله بسرعه

خلصن شغلهن و دشن الكلاس

ريم : هود ياهل الباب المبوب
شما : يوم تم الوعد ييناكم .. ياااابس
ريم : مس هاي الورقه ويبناها
المس : ترا بسير أتأكد من الإدارة
ريم : أفا عليج اتأكدي
شما ( بصوت خفيف ) : غربلج الله وان سارت
ريم : لا بس تبا تشوف ردة فعلنا فخلج ريلاكس يا بابا
المس : بس عن الرمسه الزايده
ريم : انشالله .. انتي بس قولي انشالله وطلعي من الاذن الثانيه
شما : انشالله خخخخخ

واترين الحصه لين ماخلصت .. وطافت الحصه اللي عقبها و فالبريك شافو البويه يايتنهن لين باب الكلاس

ريم : وابوووووووووك تحريتها رشوووود اخويه خخخخخخخخ
شما : يبالنا نوديها الصالون عنبوه مب شنب
ريم : اذكري الله عن يختفي ههههههه
البويه : انتي شو اسمج ؟
ريم : انا ؟
البويه : لا يدوتي
ريم : اسمي صخله وانته ؟
البويه : اسمي تيس
ريم : عاشت الاسامي نايس تو ميت يووو
شما : خخخخخ الله يبحصج يا ريموه
البويه : اسمج ريم عيل
ريم : يعلج الماحي كيف عرفتي
البويه : ترا ربيعتج زقرتج .. وانتي ؟
شما : اسمي بقره ظايعه فالفريج كككك
البويه : ليش جيه انتو تتحروني مصخره
شما : لا لا حشاااااج ( بصوت خفيف ) انتي اكثر من جيه
ريم : هههههههههههه عنلاتج يا شمامي
البويه : اها معناته اساميكم .. ريم وشما
ريم : هيه
البويه : انا اسمي روضه .. انشالله نكون ربع
ريم : خخخ والله ع بالي مدرسه
شما : لالا بستان أحلى خخخخخخ
ريم : حسيتي .. أي ربع الله يهدييج
شما : لالا ما نرابع مستريلات نحن ولا شتقولين ريامي ؟
ريم : نعم نعم وانا وياج في هالنقطه
روضه : أفااا .. والله ما بتشوفون مني الا كل خير
ريم : اخ اخ انتي ماتستحين على ويهج .. عيب عيب
شما : بناات آخر زمن
روضه : هههههههه ماعليه مقبوله منكن
شما : عيل انتي من دبي قلتيلي
روضه : هيه نعم
شما : من وين ف ربوع دبي خخ
روضه : جميرا !!
شما : ريموه انتي عيال خالج من وين !
ريم : جميرا .. تعالي انتي شو يسمونج بو منوو ؟

[آڷصّغيرۉنہْ ™]

روضه : بو نهيان
ريم : انتي مب روضه خالد !!!!
روضه : هيه .. كيف عرفتي .. قمتي تصدميني ؟؟
ريم : تعرفين ميرة ال............ ؟
روضه : هيه ميرة خليفه صح ؟؟
ريم : هيييه هاااي بنت خاليه فديتها والله
روضه : انا اول ماشفتج حسيتج شراتها جيه نفس الستايل ماكنت متوقعه اني ايي هنيه واشوف بنات شرات اللي في دبي
شما : ليش طايحات من عينج بنات العين
روضه : لا حشى ماقصدت والله
شما : هيه على بالي بعد
روضه : المهم انا بسير الكلاس الحين
شما : خير ما تسوين ..الله يحفظج ..
ريم : الدرب اللي يودي .. خخخخخخخ
شما : ريموه ملل ياخي

وطافن الحصص ويا الوقت اللي يردون فيه البيت

شما : ريمووه اويه شو هااا 3 اخوان ع الفاظي ولا واحد منهم يا
ريم : اوصلج ؟؟
شما : لالا شو توصليني شو خانتهم اخوان
ريم : اوكيك بترياج عيل .. بس دقيقه بسير عند رشود
شما : اوكي

سارت ريم عند راشد اخوها

ريم : رشود
راشد : عيونهــــــــــــ
ريم : اوه اخويه شيااااك سبحااان مغير الأحواااال
راشد : لييش اختي الصغيره ولازم ادلعها
ريم : هيه اوكي رشود انا بتريا ربيعتيه لين مايون ياخذونها اوكي ؟؟
راشد : خليها اتي بنوصلها ترا نحن خدام لي جدام ايطولي بعمرج
ريم : مب طايعه .. وبعدين شو هالاهتمام الزايد
راشد : لا عادي ..انزين ماعليه بترياج

سكرت الباب و طبعا راشد يالس يدهن سير اخته عشان شما .. و يا منصور اخو شما ومر عليها وتام يطالع ريم عينه زاغت عليها دشت شما الموتر وتمت ترمسه ولا حياة لمن تنادي الحبيب روحه يالس يفكر في البنت

شما : منصوووووووورووووووه و صلي
منصور : ها ها شتبين
شما : شعنه اطالع ربيعتيه
منصور : حد قالج ترابعين وحده حلوه المهم المهم

و ف موتر راشد

راشد : ريم انتي اختي صح والمفروض افتحلج قلبي واظهر كل اللي فخاطري
ريم : هيه اكيييييد
راشد : لا انتي ينخاف منج ..
ريم : ليش يعني
راشد : عادي تسيرين تسوييين اعلان
ريم : لا أفا عليك اخويه .. افتح قلبك ..
راشد : ريموووه والله انتي ماتحسسيني انج اختي
ريم : افاااا .. انزين عاد قولي أي شي و لو عرفت اني قايله حق حد مول لا تقولي اسرارك
راشد : يعني خلااااص ماشي حل ثاني
ريم : لا ماشي
راشد : اوكي خلاص بقولج و أمري لله .. بس يا ريموه ان.......
ريم : ان قلت حق حد بشوف شي ماشفته صح
راشد : زين يوم عرفتي
ريم : انزين خلصني قولي .. والله فيه لقااافه مش طبيعيه
راشد : انزين ماعلينا منج يوم بنوصل البيت بخبرج
ريم : خلاااااااص اوكي .. بس ياويلك اذا نسيت

[آڷصّغيرۉنہْ ™]

و وصلوا البيت وكانو كلهم يالسين ع الغدا

ريم : حيهــــــــــــــــــــــــم وسهلااااااااااااااااااااااااااا
راشد : الســـــــــلاااام عليكمـ
الكل : وعليكم السلام ورحمة الله
ريم : الله انا يوعااااانهـ شو مسوين
هند : شو تشوفين جدامج ؟؟
ريم : انتي منو رمسج انا يالسه ارمس امااايه
راشد : هندوووه جب كله ولا ريموه تراها اختي الصغيره ومارظى عليها
هند : سبحان الله مسرع ما حنيت على اختك الصغيره توك تعرف انها اختك
ريم : افففف يالغيره .. ليش منقهره ؟؟ ..
هند : مب منقهره ولا شياااته
ريم : عيل شو يسمووونه ها .. مووتي من الحره
راشد : خلها خلها تولي بناكل شو رايج
ريم : هيه بناكل ليش ما ناكل .. يله بسم الله
طبعا ريم هي اللي افتتحت الغدا .. عادي ماتستحي هالبنت ماتحشم اللي اكبر عنها اهم شي عندها فهالدنيا بطنها وقامت تاكل بيدها وريولها خخخخ


و في بيت شما ..

بو حمد :
سيف .. هالإنسان طول الوقت فالعزبة .. يرد البيت يتغدا ويرقد .. ويظهر ويسير العزبه ومايرد إلا فليل يتعشا ويرقد ..
أم حمد :
مريم .. أهم شي عندها فهالدنيا فوالتها ..
حمد :
البجر .. عمره 26 .. دومه مشغول مادري شو اللي شاغلنه هالكثر و معرس

ناصر و منصور :
توم عمرهم 19 سنه .. والخبال كله متيمع فيهم .. خقاقين طبعا .. حلوين .. يعني اذا كانو مع بعض .. يجذبون الناس لهم من جمالهم .. وثنينتهم عندهم رنجات سبورت .. ناصر عنده رنج سبورت برتقالي و حاط عليه اشياء بالاسود اونه ديفل ومن هالسوالف .. و منصور عنده أسود وحاط عليه جيه حركات شرا النار * فاير * بالأورنج .. يعني شي مش طبيعي أهم شي عندهم كشختهم و وناستهم و مواترهم
يحبون يلفتون الأنظار بأي طريقه .. دوم يتظاربون بس مايصبرون عن بعض

شما :
آخر العنقود والبنت الوحيدة بين 3 أولاد وعمرها 17 سنه .. و قويه شوي ودفشه بس حلوه يعني هي من النوع اللي تنحب بسرعه .. تشبه اخوانها التوم الخبايل ناصر ومنصور .. مزااااجية زياده عن اللزوم .. بس طيوبه

شما : أف ماعيبني الغدا .. منصور هاتلي برجركنج
منصور : فاظلج انااا .. اخرب كشختي عشان برجر كنج يله اجلبي ويهج
شما : منصووووووور عاد .. والله يوعانه
منصور : ماشي اكلي من اكل البيت هالمنكر مانحبه
شما : اففففففف شو خانتكم اخوان ..
منصور : انطمي طمج الله
شما : انشالله عميه
منصور : شمووه بتخبرج .. هاي اللي كانت وياج اليوم هب بنت سعيد ال.........
شما : هيييه كيف عرفت
منصور : وانتي وشلج
شما : لالا تعال كيف كيف عرفت والله تخبرني
منصور : اخوها ربيعنا الروح بالروح ودووم مطيح عندنا الميلس
شما : أهااااا أي ميلس ..
منصور : ميلسنا بعد ميلس منو
شما : أهااا اوكي وانته شو تبا فيها
منصور : مادري دشت خاطريه انتي شو معورنج
شما : ايه ايه حدك كله ولا ريموووه
منصور : اسمها ريم بعد .. اسم على مسمى والله
شما : بيرك من شعرك ان ماسكت
منصور : خذي شوي من جمالها مالت عليييييج
شما : اسير انخمد احسن لي من مجابل ويهك
منصور : فكااااااك
شما : ماعليه يالخام ان ماخبرت عليك بويه وامايه ونصور والبيت كله ماكون انا شمامي
منصور : اخاف يعني ؟؟ اتروع ولا شو بالظبط بس دخيلج لا تفظحينيه
شما : عيل لا تيب طاري ربيعتيه
منصور : ميت عليكن عاد انا ..
شما : انزين ماعليه يله برقد انا .. باي
منصور : باي

[آڷصّغيرۉنہْ ™]

سارت شما ترقد .. وفي بيت بو عبدالله كانت الساعة 3 ونص الظهر

راشد : ريموه خلاص بقولج
ريم : يله قووول
راشد : بس لا تزعلين دخيلج
ريم : لا افا عليك ازعل من الكل الا اخويه
راشد : ريم هاي ربيعتج بنت سيف ال........ صح ؟
ريم : هيه .. كيف عرفت ؟؟
راشد : ترا عرفت اخوها
ريم ( تاه فكرها مسكينه قامت تفكر ب منصور )
راشد : ريموووووه
ريم : هلا
راشد : وين سرتي ؟؟
ريم : وياك وياك .. وانته كيف عرفت اخوها
راشد : ربيعي
ريم : انزين
راشد : ريم الصراحه لانج اختي الصغيره بقولج اللي فخاطري
ريم : اوكي لا تطول السالفه
راشد : انا عيبتني ربيعتج ..
ريم : شموووووه !!
راشد : هيه
ريم : رشود انته من صدقك .. تخبلت ولا تخبلت
راشد : شوووو حرام الواحد يعجب ف وحده
ريم : وينه عنك عبوود
راشد : لا قرقوش خليه ف صوب عاد
ريم : مممم اسمع ترا شموه مب راعية هالسوالف
راشد : شو قصدج ؟
ريم : يعني هي مش من النوع اللي تعطي ويه يعني مايهزها ريح
راشد : والله مافي شي ناقصني يعني
ريم : عرفنا انك طر .. بس بعد عيب و منقووود
راشد : افففففف خلاص سكري الموضوع ولاتيبيلي طاريها
ريم : هيه .. احسن ليش اتيب طاريها عيل انته ؟
راشد : لا انا ماكنت معجب ولا شي بس كنت أبا اشوف ردة فعلج يعني كنت ابا اطمن على ختيه منو ترابع
ريم : أيواااااا .. تأكدت انه ربيعتيه اوكي .. انزين تعال بتخبرك شو اسم ربيعك؟
راشد : ملعونة الخير ..وانتي شتبيبه ربيعي .. صدق انج ماتستحين ( و عصب )
ريم : لا بس كنت ابا اطمن على خويهـ تعرف ماباه يرابع أي حد
راشد : ريموه اصطلبي ... لييج طراق يعدل لج ويهج
ريم : شفت كيف عصبت .. حتى انا بعصب يوم بتسألني عن بنت
راشد : لا غير البنت يوم تسأل عن ولد عيب
ريم : هيه تراكم انتو الشباب تسوون كل شي .. عليكم غفور رحيم وعلينا شديد العقاب ونحن البنات مانيسر نسوي ع قولتهم مثقال ذره بتقيمون القيامه علينا بس ماعليه الايام يايه .. اذا مب جيلنا ترا الجيل الياي انشالله بيهووومن مابيردن البيت الا نصايف الليل ويخلن الشباب يحرسن الماما فالبيت شو عبالك
راشد : مسكييينهـ الاحلام ببلاش حبيبتي احلمي احلمي
و طلع راشد من حجرة ريم و هو شاق الحلج ( يظحك عليها وعلى أحلامها وحليلها )

[آڷصّغيرۉنہْ ™]

واتصلت ريم حق بنت خالها ميرة وقالتلها انها بتخبرها سالفة ع المسن يوم بتفظى و رتبوا جدول الطلعه..
ف حجرة راشد .. كان يالس يفكر ف شما و شوي رن تيلفونه وكان منصور متصل ( طبعا منصور الحين متخبل على اخته ف مايبا يخلي راشد ربيعه دقيقه مايدري انه حالة راشد نفس حالته )



منصور : مرحباااا الساااع
راشد : مرحبا باجي .. !!
منصور : شحالهـ بو سنيده
راشد : بنعمه ربي يعافيك ومن صوبك ؟
منصور : يسرك الحال .. مابتظهر اليوم ؟
راشد : لا والله ..
منصور : خلاص انا بخطف عليك عقب ساعه وبنسير ستاربكس
راشد : اوكي ...يالله برايك .. بترياك
وسكر راشد عن منصور .. طبعا منصور ما صدق سار وقال حق شما .. لانه اخته الوحيده ف مايخلي شي فخاطره مايقولها وسارت شما واتصلت حق ريم
ريم : حيالله صديقتي الصدوقه
شما: ريموه بتخبرج .. انا وايد كلوز وياج ولا
ريم : اكثر من الكلوز بعد
شما : انزين يعني لو سألتج سؤال بتردين عليه مابتستحين ولا بتزعلين
ريم : اكيييد لا .. جني فهمت قصدج
شما : ريموه شو رايج ف منصور اخويه
ريم : هههههه شفتي كنت متوقعه .. أنا ويهي مب لوح بس صدق بقولج ياها لا تعتبريني وحده مش اوكيه ..
شما : لا أفااا عليج
ريم : شوفي الشباب ماينعطون ويه صح
شما : بس بيني وبينج .. مب تسيرين تسوين اعلان
ريم : هيه أكيد .. شوفي يعني اللي يشوفه مايقدر ايود عمره يعني يمكن تقولين شفت واحد حلو وانعجبت فيه .. يمكن جيه مب اكثر ولا اقل
شما : اشكر فنج الصراحه
ريم : ليش سألتي
شما : مادري بس هو سألني عنج اليوم !!
ريم : هاااا !!!
شما : شوفي انتي تعرفين الشباب .. اغلبهم يغازلون ومن هالسوالف .. صح دوم يشوف بنات وجيه والله يعلم يرقم ولا لا .. بس عمره ما سألني عن بنت يعني يسوي طاف .. أول مره اشوفه يتعلق بوحده جيه
ريم : اويييييه قمتي تصدميني
شما : بس لا تعطينه ويه مايهزج ريح يابنت ال........
ريم : هههههههه حرام عليج
شما : ع فكره الحين بيي بيتكم ترا
ريم : هااااه !!!!!!!!
شما : بيمر على اخوج
ريم : ايوااااا .. خلاص شمامي انا برمسج عقب اوكي
شما : اوكي باي
سكرت ريم عن شما و سارت تيلس ع الكنبه الي ف غرفتها .. وقامت تفكر وتفكر وتفكر شوي راشد دق الباب ..
ريم : دش
راشد ( أول ما دخل وايهته الستاره أم الكريستال ) : عنبووه داخل حجرة رقاصة مب حجرة ختيه
ريم : هههههه جب جب .. شو تبا ؟؟
راشد : أنا بظهر ماتبين اييبلج شي وانا راد ؟
ريم : سلااامت راسك وابتسمتله
راشد : يله انزين عطيتج ويه وايد
ريم ( فرته بالمخده ) : مالت عليك انا اللي عطيتك ويه
راشد : هههههههههههههه جب جب يله باي
ريم : ربي يحفظك


*
خـلصْ إلـبأرت . . إذأ عيبكمْ بحطْ ألبـإرت إلليْ عقبهْ ./


bye bye ^^

[آڷصّغيرۉنہْ ™]

بأگ ./


تگملة ألـقصه للگأتبة أم كإيدْ ,*

في بيت بو حمد .. وبالتحديد في حجرة منصور

( منصور مب مصدق بيسير بيت راشد .. يتأمل خير مسكين .. يحلم انه يشوف ريم .. ويدري انه دخل مزاجها بس دام شما ربيعتها يعني لا حياة لمن تنادي يعني مابتعطيه ويه الا يوم بيعتدل مزاجها .. وقام يتعطر ويعدل الكشه .. وتسفر سفره عمره ماتسفرها .. يعني اونه من كثر الوناسه ويطالع عمره فالمنظره ويغني وخلص العطر على كندورته .. و سار بيت راشد )

اتصل منصور ف راشد
منصور : يله بو سنيده وينك انا فبيتكم
راشد : يله ياينك
و فنفس الوقت ريم شافت موتر منصور .. جان تنزل وسارت صوب الملاحق و توايج جنها حراميه .. ها كله تسويه بس عشان تشوف منصور وشافت كشخته وتعذبت .. ومنصور كان ناوي يشوفها .. بس يوم شاف راشد ياي صوب الموتر خلاص راحت أحلامه .. و فجأأأأأأأأأأأأأأأأأأأأأأأأأأأأأأأأه استوا شي ماكان متوقع انه يستوي .. ظهر صرصور حق ريم وقامت تباغم ما قدرت تيود عمرها
ريم : آآآآآآآآآآآآآآآآآآآآآآآآآآآآآآآآآآآآآآآآآآآ .. رشوووووووووود الحقني بمووووووت رشووووووووود
هنيه منصور زين ما وقف قلبه وينزل من الموتر
منصور : رشود شو مستوي
راشد : مادري مادري
ويربع راشد جدا المكان اللي ظهر منه صوت ريم وكان منصور لاحقنه آخر شي عرفوا انها كانت واقفه ورا الملاحق
راشد : شياااج ؟؟؟؟؟
ريم ( وهي تصيح ) : رشووود ...صرصور صرصور
راشد : ههههههه و ويع روعتيني اتحرا شي استوابج ليش اتصيحين
ريم : مادري اخاااف
لوى عليها راشد وجتل الصرصور و تم يسبها لانها صدق روعته .. و راشد مايدري انه منصور لاحقنه .. لانه اكيد مابيخليه .. وخاصه انه اخته مش لابسه شيلتها ولا عباتها .. بس منصور محد يغلبه يوم يبا الشي يباه .. وكان يوايج عليهم وارتااح قلبه طبعاً يوم شافها .. و ريم شافته يوم كان يطالعها بس سكتت ماقدرت تبغم عليه ماتبا تفشله جدام اخوها .. و رد منصور الموتر و لحقه راشد وسارو ستاربكس

ف بيت بو حمد كانت الساعهـ 5

شما كانت يالسه فالصاله وبيتهم وبيت عمها ف نفس الحوطه اللي هو عمها محمد
اليدهـ :
عفرا
بو سلطان :
محمد
أم سلطان :
ظبيه توفت من 4 سنين
سلطان :
البجر .. عمره 27 .. عزوبي ومايداني طاري العرس
حمدان :
عمره 22 .. لين الحين ماحصل البنت اللي تناسبه طبعا الريال يبا يعرس ولازم ياخذ بنت ع مزاجه مب هم يختاروله .. احسن شي فيه انه من المسيد لين البيت ومن البيت لين المسيد و ان كثر ترا يسير الكلية ويرد مب اكثر عن جيه
سهيل :
عمره 20 .. لزقة يروح .. لازق ف بنت عمه شما وهي ماتدانيه طبعا .. يبيع الدنيا كلها بس عشان شما ترظى عليه وطبعا هيهااات هيهااات لانها مزاج بالقو وماترمسه الا اذا تبا تتمصلح وياه ..
شما قامت ترمس عمرها من الملل عقب قررت انها تسير بيت عمها وتيلس ويا يدتها شوي .. كشخت وسارت بكامل أناقتها و دشت بيت عمها وكان سهيل يالس ويا يدته و حمدان بعد
شما : الســــــــــلام عليـــــــــــــــكم
الكل : وعليج السلام ورحمة الله
شما تحب راس يدتها : شحالج يدوه ؟
عفرا : يسرج الحال .. وانتي شو مسويه ف دراستج ؟
شما : بس هو ها اكبر همج شو مسويه ف دراستي
سهيل : هههههه ونحن محد يسأل عنا بس عن يدوه
شما : لحوووووول ماشفتك انزين
سهيل : هالكبر ميلس قدامج وماشفتيني
شما : اقصد نسيت يعني بس شفتك
سهيل : هيه بمشيها لج هالمره
شما : المهم يدووه فاتج اليوم
عفرا : شو فاتنيه بعد
شما : اففف عدنا بوي فالمدرسه
عفرا : جوي ماغيرها دريولية بيت بخيتة
شما : طاعو انتو هاي
حمدان : هههههههه امايه بوي بالانجليزي يعني ولد
عفرا : يعلكم البركه من وين يا .. محد وصلنا حق هالمنكر إلا هالانجليزي اللي ترمسوبه .. ماتسيرينها هالمدرسة جان الا فيها رياييل امف يله منقود بنصبلج قفافيط عند الباب تسمعين .. عرسي وبتغدين حرمة بيت بدال هالمنكر اللي اتسوونه
شما : حشى حشى كلتني .. عنبوه ماداني ايلس ويا العيايز والسبه هالسالفه
حمدان : خخخخ اتفاهمي ويا يدتج انا بترخص
عفرا : الرب حافظ
الحين سهيل بتحلاله اليلسه
سهيل : هيه العرس اخيرلج بدال هالمدرسة
شما : اسكت اسكت انته فكنا من حشرتك
عفرا : صدقه الريال ما قال شي غلط ولا عايبتنج اليلسه ويا الرياييل يالخامه
شما : اففففففف مايخصه يدوووه انتي بلاج جيه
عفرا : عيل شو اللي يخصه
شما : يعني عدنا في المدرسة بنت بس مستريله
عفرا : يعلهاااا السااااحق والماااحق والرصااااص المتلاااااااحق
شما : وحليلها بس تغمظ يعني وايد طيبه
سهيل : وانتي ليش تسيرين صوبها
شما : يا بابا انا ماسير حق حد هم اللي ايوني
سهيل : بدينا بالخقه
شما : كيفي من حقي .. انزين يدووه مب بس جيه .. يسمونها بو نهيان .. و والله يا امايه انه شعور منصور ونصور أطول عن شعرها امره منتفتنه اخس عن سلطان
عفرا : عنلاااااااااااتهـــــــــا اللي ماتخيل هاتيها صوبيه بصلبها شوي
شما : خخخخخخ هدي هدي يدووووه ها شوي
عفرا : لا تسيرييين صوبها فالمدرسة هيه من الحين اخبرج
شما : اففففففففف اقولج هي اللي اتيني انا فاظتلها أسيرلها
وسارت اليده عنهم عشان يظاربون روحهم
سهيل : هيه صح اونج .. اخافج الا 24 ساعه مطيحه عندها
شما : جب يالخام انا لو بسير جداها جان قلت مابتروع منك
سهيل : هيه هيه صح
شما : اقولك سؤال انته منو تتحرا عمرك عشان اترمسني انا شما بنت سيف بهالاسلوب هاااا قوووول
سهيل : وياااج سهيل بن سلطان
شما : والعثررررررررررهـ !!
سهيل : والله يا شمووه ان ماصطلبتي بتشوفين شي ماشفتيه
شما : تهبي منو تكوووون .. اقصاااك الا زعطوووط .. انا غلطانه اعطي اللي مثل اشكالك ويه .. أشكال مالهاا داعي

و رن تيلفون شما .. وكان رنتها أغنية ميحد (( أسرتني بحبك وعاجبني أسري ولو قالو انه آسرك قلت أحسن خلوه كيفه يبيع فيني ويشري عذبني أكثر ياحبيبي وتفنن )) طبعا كانت ريم متصله .. بس هي قامت تسوي حركات على انها ماتبا ترد جدام سهيل عشان يشك ويفهم انه هي ماتحبه
سهيل ( معصب ) : ماشالله عندج تيلفون بعد
شما : هيه ليش مب عايبنك !!!!
سهيل : ومنو متصل بعد .. ليش ماتردين ؟؟
شما : بس مالي مزاج أرد
سهيل : عطيني التيلفون أنا برد
شما : لا مايحتاي
سهيل : عطيني ليش متروعه
شما : ليش اتروع منك مالت وايد ماخذ مقلب ف عمرك ترا
سهيل : انزين ماعليه بنشوف شو آخرتها وياج يا شما
شما : سهيل انته ليش جيه لازق فيني ياخي لوعتلي جبدي
سهيل : انتي مستحيل تكونين حق حد ثاني غيري تسمعين ولا لا .. وبنشوف منو بيغلب الثاني .. ماعتقد يوم بسير ارمس ابوج بيردلي طلب وخاصه انا ولد عمج و ابدا بج من الغريب وتراج انتي الخسرانه اذا ماعدلتي اسلوبج ويايه وقمتي تمشين ع شوري من الحين
شما : نجوووم السما أقرب لك مني يا حبيبي
سهيل : أدري انج تحبيني وماتقدرين تعيشين بدوني ف لاتكابرين ماتفيد هالحركات يعني التغلي حركات يهال
شما : حببببببببتك محييه محتك من هالدنيا قول آميييييييييييييييييين مسود الويه أشوفك قمت تاخذ راحتك وايد يالخام ياللي ماتستحي ع ويهك انا غلطانه ييت بيتكم اليوم .. بس الحشيييمه مب لك انته الحشيمه ل عميه ولا جان ماعديتك واحد من الاهل من البداية

[آڷصّغيرۉنہْ ™]

في ستار بكس


منصور : ها شباب شو تبون ؟؟
ناصر : أنا ابا وايت موكا فرابتشينو و ون تايم كاراميل ان بوتوم
منصور : والعثره ماروم احفظ
ناصر : كيفك عاااد و كرواسون جبن
منصور : اوكي رشوود شو تبا ؟؟
راشد : اذا ع حسابي بطلب
منصور : قم عني حسابي وحسابك اونه .. المهم نشرب وناكل يله
راشد : لانك ربيعي بس المره اليايه عليه
منصور : خلاص لك اللي تباه
راشد : ابا هوت جوكليت و دونات
منصور ( يالس يطلب ) : اكسكيوز مي آي وونت ون وايت موكا فرابتشينو آند ون تايم كاراميل ان بوتوم .. ون هوت جوكليت .. كابتشينو .. جيز كيك .. دونات .. آند جيز كرواسون
الفلبيني : ذات سيت سير ؟؟
منصور : ييس
الفلبيني : اوكي .. اتس ...... ديرهاام
منصور : اوووقي خخخخ
خذ منصور الطلبيه وشل الصينيه وسار صوب طاولتهم
ناصر : يالله فديت اخويه .. مايقصر
منصور : قم عيل عن الطاوله لا تيلس .. ماباك تاكل
ناصر : تهبيييي
منصور : شفت انك مصلحجي
ناصر : لالا بس جد يوعان ماتغديت
منصور : هيه صح .. بو سنيده شياك سكت ؟
و راشد كان يفكر ف شما يعني سرحان
منصور : ايييه رشوووود وين وصلت
راشد : هاه .. بعدني ف ستاربكس
منصور : هههههههه انزين شياك
راشد : لا ماشي
ناصر : يفكر في الحب صدقني
راشد : أي حب الله يهديك .. ماشي شغله ولا ماشي شغله !
و قام تيلفون راشد يرن وكانت ريم متصله
راشد : لحووول
ناصر : شفت قتلك الحب متصله
راشد : أي حب الله يهديك
رد ع التيلفون
راشد : هااااه
ريم : وين انته
راشد : ويا ربعي في ستاربكس ليش ؟
ريم : مممم هاتلي فرابتشينووووووو
راشد : يله يله هناااك فاظلج انا
ناصر : شفت قتلك بس ماصدقت
منصور : يالثور يمكن حد من اهله صخ لا ترمس
ناصر : اووه مافكرت فيها الصراحه
راشد ( بصوت خفيف ) : انزين ريم ماعليه بتفاهم وياج عقب
ريم : اوكي يله باي


سكر .. وطبعا منصور سمعه يوم قال ريم .. حتى لو واحد اطرم قال اسمها بيسمعه وبيفهم .. (مبالغ فيها وايد ههههههه)
خطفت وحده حلوهـ حلوهـ حلوهـ بس مش احلى عن ريم وطبعا ناصر ومنصور ما يتنزلون يعطوون أي حد ويه
ناصر : منصور قم قم قم ..
منصور : شو .. شياك ؟؟
ناصر : صارووووووووووووووووووووخــــ وراها وراها وراها
منصور : قم عني انته وصواريخك
ناصر : بتي ولا اروح عنك
منصور : روح روح .. عندي اللي احلى عن هاي
ناصر : رشود مابتي ؟؟
راشد : لا عندي اللي احلى انا بعد
ناصر : خخخخخخخ اسميكم الا فاظين
راشد : مب افظى عنك .. عيل بتلحقلي وحده .. مابتكون فاظي يعني ؟
ناصر ما عطاهم ويه .. و اتروع يتحرا البنت بتظيع من بين ايده بس ما ظاعت عقب حس انها مادشت خاطره وايد حتى لو كانت حلوه و ردلهم .. بالأحرى هي كانت .... ،،


ناصر : ها شباب بتروحون
منصور : ها ما رمت عليها
ناصر : تهبي بس ماعيبتني
راشد : خخخخخ خل عنك ياريال الحين ما عيبتك
منصور : ما عطته ويه صدقني
ناصر (وهو معصب): بتروحون ولا لا
منصور : خويهـ فديتك لا تعصب الدنيا اخذ وعطا وانته حليو شعليك منها بتلاقي اللي احلى عنها
ناصر : انزين قم بس قم
و ظهروا من ستاربكس وسارو بيت راشد عشان يوصلونه

[آڷصّغيرۉنہْ ™]

في حجرة ريم كانت الساعة 7
( ريم شغلت المسن عشان ترمس بنت خالها ميره طبعا بتقولها ماتقدر تصبر )
ريم كان نكها .. ? لي قلب واحــــــد ? ولا يمكن أغامر به ?
وميرة كان نكها??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
? لي قلب واحــــــد ? ولا يمكن أغامر به ?
ميرووووه الحقــــــــــــي عليهـ
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
شو مستوي ريلج مات ؟؟؟؟؟؟
? لي قلب واحــــــد ? ولا يمكن أغامر به ?
بسم الله ع ريلي لا تفاولين عليه مسكين
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
لا تروعيني انزين وقولي لانه الفظول ذابحني
? لي قلب واحــــــد ? ولا يمكن أغامر به ?
اول شي بزي ولا لا؟؟؟
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
لا لا يا ماما بس قولي
? لي قلب واحــــــد ? ولا يمكن أغامر به ?
انزين حد عدالج منيه مناك ؟؟؟ حشراااات ؟؟ الجو مغيم ؟؟؟
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
ريمووووووه والله بجتلج ترا اذا ماقلتي :@
? لي قلب واحــــــد ? ولا يمكن أغامر به ?
اوكي اوكي خلاص بقووول .. ميروووهـ بقولج شي بس لا تعصبين
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
انزين انزين مابعصب
? لي قلب واحــــــد ? ولا يمكن أغامر به ?
هو مادري .. حب من أول نظرة .. لا مستحيل يكون جيه .. مممم يمكن مجرد اعجاب مادري والله
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
أشوووفج قمتي تفرين خيط وخيط .. معجبه ف منوو بالظبط .. لا ترمسين بالالغاز
? لي قلب واحــــــد ? ولا يمكن أغامر به ?
تعرفين شموووه ربيعتيه
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
هيه هاي الخبله
? لي قلب واحــــــد ? ولا يمكن أغامر به ?
هيييييييييييييه عليييج لمبه هي الخبله


??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
أخخخ لااا يعني معجبه ف ربيعتج
? لي قلب واحــــــد ? ولا يمكن أغامر به ?
لا يالعنزززززززززز .. شو ابابها صديقتي الصدوقه هاي
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
عيل لا يكون ف ابوها !!!!
? لي قلب واحــــــد ? ولا يمكن أغامر به ?
لا اخوهااا
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
اوييييييه ..
? لي قلب واحــــــد ? ولا يمكن أغامر به ?
ميرووه والله ماعرف شو اسوي طول الوقت أفكر فيه
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
اييييه ليكون حبيتيه
? لي قلب واحــــــد ? ولا يمكن أغامر به ?
لا أي حب انتي الثانيه .... بس عيبني شكله طررر
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
شوفي أنا بشوفه .. اذا كان حلو ولا لا .. واذا ما دش مزاجي البسيه
? لي قلب واحــــــد ? ولا يمكن أغامر به ?
انشالله عموه .. بس أنا متأكده 100% انج بتقوليلي حلو بس شو الفايده
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
حشى يا ريموه احسج يالسه توصفيلي ملاك .. مب آدمي
? لي قلب واحــــــد ? ولا يمكن أغامر به ?
المشكله انه ربيع رشود اخويه
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
كفففففج عيل .. كشخه انزين عشان يوم يمر ع رشود تشوفينه هاهاها
? لي قلب واحــــــد ? ولا يمكن أغامر به ?
وهو ها اللي استوا اليوم !!
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
هاااا خبريني بالتفصيل شو استوا .. انا بس خليتج كمن ساعه مسرع ماستوا شي

[آڷصّغيرۉنہْ ™]

(و قامت ريم وخبرت ميرة السالفه كلها يوم شافته في المدرسة و يوم يا بيتهم )


??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
ماعليه بنت عموووه انتي بتردين من المدرسة بتلاقيني متقعمزه ف بيتكم لاني مابداوم باجر وانا بسويلج مخططاات ولا أحلى وبنسأل عن الريال زين ولا شين
? لي قلب واحــــــد ? ولا يمكن أغامر به ?
عنبوووج بتخطبين الريال شو
??? ّ ماعشقتج يا دبي لأنج فريدة لا وربي بس فيج هوا اللي قلبي يريده ???
لا فديتج بس مايستوي بنت عمووتي ياخذ تفكيرها واحد أي شي
? لي قلب واحــــــد ? ولا يمكن أغامر به ?
عفكره انتي وايد عشتي الدور وخذتي السالفه جد ترا هو الا اعجاب..... انزين انا بظهر الحين وعقب بتفاهم وياج
؛ ظهرت من المسن ع الساعه 8 من عقب مأ خلصت كل سوألفها ؛


في بيت بو حمد .. شما كانت ف غرفتها .. ودق عليها منصور الباب

شما : شو تبا
منصور : بقولج سالفه بسرعه
شما : اوكي لحظه ( وفتحت الباب )
منصور : شمامي فاااااتج
شما : شو فاتني بعد
منصور : شفت ريم يا ملا ماله مثيل
شما : هااااااه .. حطيت عينك على منو هالمره
منصور : ماحطيت عيني ع حد .. شموه شفت ربيعتج
شما : اونه صدق ؟؟ وياي اتخبرني عن سواد ويهك ( تسوي عمرها ماتعرف شو الموضوع )
طبعا قالها منصور السالفه مايقدر يخلي شي في خاطره .. ولانه مايبا يخبر ناصر ومستحيل يخبر راشد ف ماعنده حد غير شما .. بس بعد ماخبرها كل التفاصيل لانه عيب وخاصه لانها ربيعتها
شما : وطبعا انته ماصدقت خبر
منصور : انا زين ماتخبلت تقوليلي ماصدقت .. المهم المهم تعالي ايلسي ويانا في الصالة
شما : منو فالصالة أصلاً ؟؟؟
منصور : سهــــيل ولد عميه
شما : أخ أخ ها الانسان ما ادانيه بعيشة الله
منصور : لييش شو مستوي ؟
شما : مظاربهـ وياه اليوم
منصور : ليش ؟؟ قالج شي ؟؟
شما : لا بس دمه ثقيل ( طبعا شما ماتبا تسوي مشاكل عشان جيه ماقالت)
منصور : لا ماعليج ثقالة الدم تراها وراثة .. وارثنها من اخوه سلطان
شما : اف هاا خله ف صوب
منصور : تعرفين شو قالي من كم يوم
شما : شو ؟؟
منصور : تم يهزبنا انا ونصوور اونه المريله اليوم الا بالكنادير والمواتر وتم يتفلسف ع راسي ويا كشته تقولين كشة هتلر
شما : يالأهبل .. هتلر مافيه شعر اصلن .. بالمختصر المفيد أصلللللللع
منصور : المهم بس من كم يوم عرفت انه في واحد اسمه هتلر قلت بتفلسف
شما : مالت .. وبعد شو قال ؟؟
منصور : ماخلا شي فخاطره انا كنت برد عليه بس عميه كان يالس ف حشمت
شما : هيه والله الحشيمه مب لهم الحشيمه ل عميه
منصور : الفقير المسكين بينهم حمدان .. وهذا سهيل مال واحد يسدحه فالقاع مسوي عمره هو الكبير والفاهم أقصاك الا اكبر عني بسنة وكل اللي نسويه غلط وهو الصح .. بس ابلعه اكثر من هالعود
شما : صح صح .. هاك بو النصايح والارشادات موول ماشوفه فكاك
منصور : ماعليه خل يولون بتظهرين ولا لا
شما : هيه يله يايتنكم ..
منصور : يله بترياج
و ظهرت شما ويلست في الصالة وجابلت سهيل غصباً عنها بس عشان خاطر اخوها منصور .. وكانت الساعة 9
سهيل : ها شما شو الدراسه وياج ؟؟
شما : ماشي حالها
سهيل : نباج تبيظين الويه عاد
شما : ماحيدك انته بيظت الويه
أم حمد : هيه فهمها خلها تدرس عدل
سهيل : لا والله نسبتي 78 % شو تبين أكثر من جيه
شما : خلاص دام جيه انا بييب 79%
سهيل : لا انتي بنت غير
شما : تبوني افتحلكم الموضوع هذا مره ثانيه
منصور : لاااااااااااا دخييييلج ان فتحتيه مابتسكرينه اليوم
ناصر : خلها اطلع حرتها يا ريال
منصور : لا بتصدعلي راسي
ناصر : لا ترا الحريم مايقدرن يسون شي .. بس يظهرن حرتهن بالرمسه
سهيل : ههههههههه هيه والله صدقك
شما : هههههه مسكين حااااااالك يا نصور .. ماعليه بنشوف منو اللي بيغلب الثاني
ناصر : شو بتسوين يعني ؟

[آڷصّغيرۉنہْ ™]

شما : بتشووووووف ،،
ناصر : ههههههه قول بلا فعل أكيد
شما : اذا انته تسويها انا ماسويها .. انا رمستيه وحده ماغيرها
سهيل : اوه لالا قويه بنت العم خخخخخخخ
منصور : ماعليه خل تحلم شو وراها
ناصر : هههههههه هيه والله صدقك
شما : انا غلطانه عاطتنكم ويه ويالسه أسولف ويا ناس فاظيه شراتكم وانته يا سهيل بدال ماتيلس تنصح وهاتي نسبه عدله جان يبتها انته اول وانا يوم بييب النسبه مابييبها عشان خاطر عيونك وانا قايلتلك ماشي رمسه بيني وبينك محد قالك تتنيحس على عمرك وترمسني .. وانتو الثنينه جابلو دراستكم بعدين تعالو رمسوني فالحين تهومون بمواتركم 24 ساعه
منصور : بل بل بل كلتينا
سهيل : شو هالرمسه بعد منو معلمنج ياها
ناصر : متى ظهرت أنا .. مسكين حالي طول الوقت فاتح الكتب وأدرس
شما : هيه عيل يمكن وانا راقده فليل اشوفك رغيد تهوم فالشوارع
ناصر : هيه صح عبالج أحلامج تتحقق مسكينه تغمظين
شما : هيه شفت عاد .. يله اماايه انا بسير ادرس شوي عشان ارفع راسج انتي و ابويه تعرفين بعد ما باقي شي عن الامتحانات
سهيل : هيه ندريبج بترفعين روسنا
شما : منو رمسك انته .. قلت راس امايه و ابويه .. انته لي راز بويهك ؟؟
سهيل : تعرفين الرزه لزوم الكشخه
شما : مالت عليك وعلى كشختك
منصور : خخخ كنت متوقع هالجمله
سهيل : عنبووج هب لسان عليج
ناصر : ههههه خلك بعيد يا ريال .. ايه انتي لا اطولين لسانج على ولد عمج
شما : اقووولك انته انا يوم بطول لساني مابشاور حد .. وبعدين قلتها لساني هب لسانك يعني انتو كلكم مالكم دخل .. امايه شي فخاطرج ؟
أم حمد : ادرسي عدل .. ولا تسهرين وايد انا بترخص بعد بزهب العشا حق بوحمد
سهيل : لا لا عمتيه من طلب العلا سهر الليالي
ناصر : هيه لازم تسهر
شما : تعرفون انه دمكم ثقيل ولا لا ؟
سهيل : خلاص بنسويله رجيم
ناصر : لالا بنوديه الجيم
منصور : لا الفيتنس أحلى
شما : مالت عليكم عاد حفظتولكم كمن كلمه وييتولي البيت تتفلسون اونكم تعرفون ترمسون انجليزي .. الانجليز يترجونكم مايبونكم تخربون لغتهم ..


سارت شما غرفتها لانها ماقدرت تتحمل سخافتهم وثقالة دمهم .. و درستلها كمن صفحه وقامت و رقدت .. و ريم نفس الحاله درست بعدين سارت ترقد

[آڷصّغيرۉنہْ ™]

التكملهً ,*
شما : بتشووووووف ،،
ناصر : ههههههه قول بلا فعل أكيد
شما : اذا انته تسويها انا ماسويها .. انا رمستيه وحده ماغيرها
سهيل : اوه لالا قويه بنت العم خخخخخخخ
منصور : ماعليه خل تحلم شو وراها
ناصر : هههههههه هيه والله صدقك
شما : انا غلطانه عاطتنكم ويه ويالسه أسولف ويا ناس فاظيه شراتكم وانته يا سهيل بدال ماتيلس تنصح وهاتي نسبه عدله جان يبتها انته اول وانا يوم بييب النسبه مابييبها عشان خاطر عيونك وانا قايلتلك ماشي رمسه بيني وبينك محد قالك تتنيحس على عمرك وترمسني .. وانتو الثنينه جابلو دراستكم بعدين تعالو رمسوني فالحين تهومون بمواتركم 24 ساعه
منصور : بل بل بل كلتينا
سهيل : شو هالرمسه بعد منو معلمنج ياها
ناصر : متى ظهرت أنا .. مسكين حالي طول الوقت فاتح الكتب وأدرس
شما : هيه عيل يمكن وانا راقده فليل اشوفك رغيد تهوم فالشوارع
ناصر : هيه صح عبالج أحلامج تتحقق مسكينه تغمظين
شما : هيه شفت عاد .. يله اماايه انا بسير ادرس شوي عشان ارفع راسج انتي و ابويه تعرفين بعد ما باقي شي عن الامتحانات
سهيل : هيه ندريبج بترفعين روسنا
شما : منو رمسك انته .. قلت راس امايه و ابويه .. انته لي راز بويهك ؟؟
سهيل : تعرفين الرزه لزوم الكشخه
شما : مالت عليك وعلى كشختك
منصور : خخخ كنت متوقع هالجمله
سهيل : عنبووج هب لسان عليج
ناصر : ههههه خلك بعيد يا ريال .. ايه انتي لا اطولين لسانج على ولد عمج
شما : اقووولك انته انا يوم بطول لساني مابشاور حد .. وبعدين قلتها لساني هب لسانك يعني انتو كلكم مالكم دخل .. امايه شي فخاطرج ؟
أم حمد : ادرسي عدل .. ولا تسهرين وايد انا بترخص بعد بزهب العشا حق بوحمد
سهيل : لا لا عمتيه من طلب العلا سهر الليالي
ناصر : هيه لازم تسهر
شما : تعرفون انه دمكم ثقيل ولا لا ؟
سهيل : خلاص بنسويله رجيم
ناصر : لالا بنوديه الجيم
منصور : لا الفيتنس أحلى
شما : مالت عليكم عاد حفظتولكم كمن كلمه وييتولي البيت تتفلسون اونكم تعرفون ترمسون انجليزي .. الانجليز يترجونكم مايبونكم تخربون لغتهم ..

سارت شما غرفتها لانها ماقدرت تتحمل سخافتهم وثقالة دمهم .. و درستلها كمن صفحه وقامت و رقدت .. و ريم نفس الحاله درست بعدين سارت ترقد

[آڷصّغيرۉنہْ ™]

في اليوم اللي بعده في بيت بو حمد


راشد : رييييم خلصينا يله أخرتينا
ريم (وهي تربع ع الدري وتلبس ساعتها) : اوكي اوكي من الله كل يوم غايب عن الدوام بعد حاشرني
راشد : دهديييه .. فكينا من حشرتج
ريم : اففففف اللهم طولج يا روح


وصلها راشد الدوام .. نزلت المدرسة وطاف اليوم الدراسي ع خير طبعا اول مره مايسون مشااكل بس وقت الطلعه
ريم : أففففف شمامي .. رشووود لين الحين ما يا
شما : انزين شو رايج اوصلج ؟
ريم : لالالالاااااااا
شما : الدريول يايني اليوم عااادي
ريم : لااااااااا
شما : انزين ماعليه بس اركبي فالموتر وبنترياه لين مايي
ريم : خلاص اوكي
ركبت ريم ويا شما في الموتر .. واترين راشد لين ما يا .. طبعا ولد ال..... أول مايوصل يظرب هرانه يسمع العين بكبرها انه واصل المدرسه وبياخذ اخته .. نزلت ريم من الموتر وطبعا راشد ماشاف شما .. بس شاف وحده تسوي باي حق ريم
راشد : ريم ويا منو كنتي ؟؟
ريم : ويا شمامي ربيعتيه
راشد ( في خاطره ) : فديت هالـــــــــيد انااا
ريم : تعال .. ليش تأخرت اليوم احترقت وانا اترياك
راشد : انتي لو تيلسين تحت الشمس يوم كامل مابيتغير لونج نحن اللي مالت علينا جنه بشرتنا ماتصدق خبر نيلس دقيقه تحت الشمس
ريم : انزين انزين .. اذكر الله وخلصني وصلني البيت يوعانه
راشد : انشالله عمتيه
و وصلوا البيت وشافت ميره بنت خالتها يالسه تترياها وطبعا بالاحظان ودمووع وكل انواع السب طلعت فهااك الوقت .. تعرفون لحظات الشوق بعد يعني اونه بعد الفراق جيه استوا
راشد:ههههه سيلانيات ما شافن بعض من سنين
ريم+ ميرة اكبر طااااف
ريم : الله يبحصج والله متولهه عليج
ميره : يعني انا اللي مب متولهه عليج .. سيري بدلي الله يخليج وتعالي بنتغدا انا ميته من اليوع
ريم : يله دقايق عيل

[آڷصّغيرۉنہْ ™]

سارت ريم تبدل ثيابها ويت تتغدا .. طبعا العايله الكريمه كلها يالسه ع الغدا

بوعبدالله : ها ريم ابويه .. كم باقلكم عن الامتحانات
ريم : والله يا باباتي هالاسبوع خلص الدوام الرسمي والمحلي لمدينة العين بيعطونا الاسبوع الياي اجازه حق الدراسه .. واللي عقبه ترا بنبدا امتحاناتنا .. بس يوم الاحد بنداوم لانه بيعطونا براكتيس حق الامتحانات تعرفون بعد
هند : عدااااااال يالبراكتيس قومو عنها
بوعبدالله : الله يوفقكم ياربيه ..
أم عبدالله : عاد لو ميره كانت فالعين جان يلسن يدرسن رباعه
هند : لااا ما انصحكم الصراحه
راشد : يعني اذا تبونهن يرسبن عادي هاتو ميره

(سلامه طبعا ذابت فهالوقت سمعت صوت راشد وقامت تبتسمله ومستحيه اونها)

ميره : تعالو ليش طايحين من عينكم نحن
أم عبدالله : لا حشى
ميره : لا عموتي .. ادري .. بس هاييل عياااااااالج
راشد : ولعنه .. ظهرتي أخس عن ريموه فاللسان
ريم : اييييييه حدك عاد كله ولا بنت خاليه .. الا تعالو ليش خاليه ما يا
ميره : بسم الله ريموه .. ترا بيسافر اليوم
ريم : هيه صح نسيييييت .. وخالوتي وين عيل
ميره : تراها يالسه ويا ولدها فالبيت مسكين بيداوم هالويكند و مهاري بعد
ريم : ماينفعش الكلام ده واللهي
عبدالله : مخلفين عليج المصاروه
ريم : والنبي ماتسكت لا أوكلك سد الحنك
عبدالله : انشالله الشيخه بنسكت
شوق : مامااااه شوفي حميد يالس يظربني
ريم : والله انا لو منج جان رديتله الصاع صاعين .. أنا عمتج ع خالي بلاش عيل لازم أعلمج هالسوالف .. الدنيا ماتمشي الا بهالطريقه
عبدالله : لالا بعييد عدنا بنوته هاديه نحن هب شراتج دفاشة الدنيا فيج
ميره : عبدالله لو سمحت يعني .. صح انك اكبر مني بوايد بس لاتغلط على ريم
عبدالله : بعد انتي !! الله يعيني عليكن انا اليوم
ريم : الحمدلله شبعـــــــــــــــــــــــــــــــــتت
بوعبدالله : وين ابويه بعدج ماكلتي شي
راشد : طالع ابويه انته وايد امدلعنها والله لو مخلصه صحنين بتقولها بعدج ونحن ناكل لقمه وحده بتقولنا بس نشو من ع السفره
سلامه : ههههههههه
راشد ( حق ريم بصوت خفيف) : قلت شي يظحك ؟؟
ريم ( بصوت خفيف ) : ههههه ترا الحب لازم تظحك على أي شي انته تقوله
بو عبدالله : الغـاليه هاي
ريم : فدييييييييت باباتي والله
نشو من ع الغدا وكل واحد سار غرفته .. وخذو قيلوله شوي .. واستوت الساعه 4 دقت سلامه الباب على ميره و ريم

ريم : هلاااااا بنت خالي آمري ..
سلامه : ماشي قلت بيلس وياكم
ريم : تعالو شو رايكم نسوي سويت ؟؟
ميره : لالا اخاف اتسمم
ريم : فديييتج انا بنت العين .. اعرف اسوي مجبووووس بالبيض وبرياني بالبيض وصالونه بالبيض
ميره : اخ اخ كيف هاي بعد
ريم : لا يعني أعرف اتفنن ف تحظير البيض خخخخ يعني اعرف اسوي اشكال وانواع بس قلت بتفلسف بقول مجبوس وبرياني يمكن يعيبج
ميره : ماااااااالت عليج .. يله طوفو بنسير المطبخ
سلامه : اوكي يله

[آڷصّغيرۉنہْ ™]

و هم في المطبخ يالسين يسوون السويتات .. دش عليهم راشد .. كان بيشرب ماي
وكان ناش من الرقاد يعني مايشوف الي جدامه و زقر البشكاره وماشاف ريم و ميره وسلامه


راشد : اقووولج انتي حرمة راجو وين الريد بول مالي
جوهرة : هازبند مال أنا مافي راجو
راشد : ها عيل انتي حرمة منو ؟؟ ببو؟؟
جوهرة : شو ببومافي سوي مسكر (( مصخره اونه ))
راشد : عيل ؟؟
جوهرة : هازبند مال أنا في اسمي سيراج
راشد : راكان بن ححثلين عيل ... اقول خلصيني وعطيني ماي
الكل : هههههه
راشد : بسم الله انتو من متى هنيه
ريم : من الصبح
راشد : اويه لحقتو عليه وانا اغازل البشكاره
سلامه (وهي منقهره) : هيه ماشالله شي تطور قمت تغازل بشاكير
راشد : هيه شفتي عاد


والكل لاحظ انها قامت تغار من البشكاره خخخ أصلن هي تغار من أي وحدة يرمسها راشد بس و ميره و ريم يتساسرون ويظحكون ع سلامه و راشد
شوي رن موبايل سلامه وكانت حاطه الرنه هاي حق الكل مسكينه ميننها راشد والرنه كانت أغنية ميحد (( من غلاك وكثر ماحبك حتى درب العين حبيته ))


ريم : اووووووووووب اوووووووووووب سلامووه عاشقتلها واحد عيناوي


راشد قام يظحك فاهم الموضوع ومتأكد منه زين ما زين و سلامه استحت طبعا لانها تعرف انه راشد يعرف انها تحبه


ميره : اويه .. اختي استحت
راشد : انتن خبااااااايل وانا خبله لاني يالس وياكن .. ابا احلي .. سلامه ماوصيج ابا شي حلو من ايدج


( وطلع من المطبخ وهو يظحك وطبعا سلامه مب مصدقه سوتله أحلى سويت فهالدنيا تعرفون الحب شو يسوي بعد )


وهنيه يخلص البارت اتمنى انه عيبكم


وابا توقعاتكم ؟؟
راشد ليش يفكر بشما ؟؟ وريم ومنصور شوو سالفتهم ؟؟
وسلامهـ وحبها لراشد شو نهايتهـ ؟؟


stop ./

[آڷصّغيرۉنہْ ™]

اناا بنزل البارت ^^

في بيت بو سلطان
شما سارت تسلم على يدتها وكان سهيل موجود طبعا طاح الحطب لانهم كل يوم يظاربون ويتمصلحووون ف لازم يرظون على بعض

شما : أباا كرواسون
عفرا : منو كرواسون بعد .. البشكاره اليديده اللي يايتنا ؟؟
شما : شاباها بشكارتكم .. ابا كرواسون يعني جيه تقريبا نفس السندويجه
عفرا : هيييييه سيري المطبخ سويلج سندويج
شما : لحوووول منو بفهم .. امايه مايسوونها فالبيت
عفرا : ياغير استريحي تبين تاكلين ترا الخير فضيل ..
شما : انزين انا ابا من برع عاد شو اسوي
عفرا : اسكتي مابا اسمع نصخج
سهيل : مسكينه سكتووها هههه
عفرا : اقطع مابا اسمع حسك انته الثاني
سهيل ( وهو قافط ) : انشالله امايه

و شما تطالعه وفيها ظحكه ..

شما ( بصوت خفيف ) : والله محد مأدبنا غيرها
سهيل : هيه والله .. اسكتي عن الحين تفلعنا بالملاس
شما : الملاااس شوي .. اخاف ايينا قب آخر شي

سهيل كان مستانس طبعا لانه شما كان مزاجها رايق وعاطتنه ويه و راظيه عليه .. شوي رن موبايل شما .. وسهيل تروع بس يوم ردت ارتاح

شما : هلاااااا رياااامي
ريم : شمامي بسألج سؤال في الطبخ
شما : آمري .. الشيف شما وياج
ريم : هههههه اوكي كيف تسوين هاي مال النوتيلا

وقامت شما تعطيها الوصفه السحريه وسكرت عنها .. وخلاف سوت الكيكه مالها


في بيت بوعبدالله ..

كان ولد عمهم حارب ياي هالإنسان شوي جدي عمره 21 سنه بس اصغر عن هند أخت ريم .. و يدرس في لندن .. مايحب طبع البنات اللي ما تنكسر شوجتهن واللي يحبن يكشخن ويظهرن و يعيشن حياتهن مثل ريم بس بالغصب يبا يكسر هيبتها يعني ظارب برمستها عرض الحايط ونفس الشي هي مب عاطتنه أي اهتمام .. وأول ماحدر شافته ريم

حارب: السلام عليكمـ
ريم (فخاطرها ها ليش ياي): وعليك السلام والرحمه
حارب : شحالج ريم ؟
ريم : بنعمه ربي يسلمك .. علومك ؟
حارب : علوم الخير .. شو الدراسه وياج ؟؟
ريم : الحمدلله
حارب : شدي حيلج عاد ماباقي شي عن الامتحانات
ريم : انشالله .. عيل ليش مايبت اليازيه وياك ؟
حارب : سايره ويا امايه بيت خالتيه .. المهم بطول عند الباب
ريم (تبتسم من ورا خاطرها): أهااااا .. انزين اقرب .. نسيت السالفه انا بعد

و حدر حارب و يلس في الصالة ويلست ريم وياه وهي لايعه جبدها

حارب : عيل وين راشد ؟
ريم : والله مادريبه .. لحظه بسير ازقره

سارت ريم صوب حجرة راشد .. وشافت ميره تتحوط في الممر

ميره : تعالي منو ها اللي ياي ؟؟
ريم : ها ولد عميه حارب اللي اقولج يلوع بالجبد
ميره : انزين الناس يوم يجابلون حد يظحكون مايتمون عاقدين حواجبهم
ريم :اسكتي ها دومه شاوي عوالته على شو مادري
ميره : ماعليج حركات جدامج .. يبا تنعجبين فيه بهالطريقه
ريم : مالت عليه .. انا عقب الغراشيب اللي شفتهم البارحه ماظن اني بنعجب فحد ثاني
ميره : ههههههههه يا حيج والله
ريم : انزين بسير ازقر رشوود عن ياكلني بعد ها
ميره : يخسي الا هو منو يتحرا عمره أندر تيكر

ريم دقت الباب ع راشد وقالتله انه حارب يترياه فالصاله وخلت البشكاره تحط الفواله
راشد كان طايح عالشبرية يريح وعقب طلع من حجرته ساير صوب الصاله ويالس يلبس كندورته وهو نازل عالدري ما جنه عندهم بنات في البيت شباب عادي ويرفع شعره اللي نازل على ويهه وفي هاللحظه سلامه طالعة من حجرتها وماتت من شافته وتمت اتفداااااااااه
سلامه :فديت انا الشعر وهالويه وهالطول ياربي
ريم : ياويلي ياويلي منو هاذا
سلامه: ومنو غيره اخوج يا ربي متى بيحس فيني
ريم : سلامه بقولج شي لا تعبين عمرج ويا رشود ولا تراج بتتريين وايد
سلامه : برايه انشا الله اترياه طول العمر اصلا هو يحبني
ريم : منو قال
سلامه : هو
ريم : هو ..متى؟؟ كيف ؟؟
سلامه: لا هو ماقالي اياه بس انا ححسيت من تصرفاته انتي ما تشوفينه كيف يرمسني
ريم : سلامه حبيبتي رشود من كثر ما يغازل قام يرمس كل البنات بها لسلوب
سلامه : لا تحاولين تكرهيني فيه انزين
ريم : والله كيفج ... انا قتلج .. لا تحاولين رشود ما يباج ( وحدرت حجرتها )

وفي الصالة

راشد ( يسلم على حارب بالخشوم ) :يقولك من طول الغيبات ياب الغنايم ..
حارب : علوومك بو سنيده ؟
راشد : ماشي يديد .. وينك انته لا حس ولا خبر
حارب : والله موجود فهالدنيا ..
راشد : شحالك .. شو الدراسه وياك ؟
حارب : يسرك الحال .. الحمدلله
راشد : ها شو لندن ؟؟ متى بترد تسير
حارب : الاسبوع الياي انشالله
راشد : باذن الله !

راشد وحارب خذتهم السوالف .. و راشد واعد ريم انه يطلعهم ف استحت تظهر فالصالة وتقوله .. وقامت اطرشله مسجات .. يوم روح حارب عنه .. وداهم المول

[آڷصّغيرۉنہْ ™]

التكمله **


في المول

ميره : ريموووه اتخيلي تشوفين ها اللي عايبنج
ريم : لالا ماتخيل .. بذوووووووب الصراحه
ميره : خخخخخخ
ريم : اتصدقين ما اتخيل
ميره : ماعليه احلمي احلمي انج شايفتنه عشان تعيشين الدور
ريم : هههههه الله ينطبج

قامن ع قولتهن يسون ShOppinG وكان منصور ساير ويا ولد عمه حمدان المول وبالصدفه شاف ريم .. طبعا ريم ماتتغشى

منصور ( فخاطره ) : أخيراً شفتجـ عدل
ريم ( وهي منصدمه ) : ميروووه الحقي الاحلام قامت تتحقق
ميره : لا يكون موجود ؟؟؟
ريم : للاسف هيه .. ميروه اخاف شو اسوي
ميره : تحملي لا تموتين الحين استشهدي فالبيت ع راحتج
ريم : مب وقت سخاااااافتج الله يغربلج
ميره : ماعليه ماعليه تحملي

طاحت عين ريم ف عين منصور وتم يروغها .. طبعا راشد كان يالس فالكوفي لين مايخلصن ..
ريم : ميرووه هذا يلحقنا
ميره : اوييه هي والله .. اخاف رشوود يشوفه
ريم : ما اتوقعت منه هالحركه ما قال اخت ربيعي
ميره : هذا شكله مايستحي لو هو يستحي جان ما يلس يطالعج ذاك اليوم وانتي واقفه ويا اخوج
ريم : هيه والله .. اقولج امشي امشي عن يشوفنا حد
آخر شي منصور طرش بالبلوتوث رقمه ..وعقب اتندم وتم يقول فخاطره ( انا شو يالس اسوي كيف اخون ربيعي ويا اخته )..
عقب حس انه بيسويلها مشاكل ف روح وراشد شل البنات و ردهن .. وسلامه طبعا بس يكفيها انها ظهرت ويا راشد
رد منصور البيت وكان مستانس آخر وناسه ويصفر وحالته لله وجابلته أخته شما

شما : هااااااا شعندك ؟؟
منصور ( وهو يغني ) : (( صدفهـ لقيته اللي هويته محلا عيونه واااااايه فديته ))
شما : أنا أشهد انك هب صاحي

في بيت بو عبدالله .. محد كان فالبيت غير عبدالله وكان في غرفته

راشد : يله بنات تبن شي من برع
ريم : وين ساير ؟
راشد : بسير العب بليارد ويا ربعي و خلاف بسير الميلس بعدين انتي ليش تسألين هالكثر ماحيدج حرمتيه
ريم : عاد اللي يسمع حرمتك بتعطيك ويه وبتنشد عنك
سلامه : لاااا لحظه وين ساير .. اول شي تاكل من السويت اللي سويته لك
راشد : هههههه انتي من صدقج سويتيلي سويت ..
سلامه : هيه عيل !!
ريم : هيه حليلها .. متعنيه ومتصرفه .. متعبه عمرها
راشد : خلاص ولا يهمج .. كم سلامه عدنا
ريم : اوووووب
راشد : اسكتي اسكتي انتي لا ترمسين

كل راشد السويت اللي سوته سلامه و عيبه
ريم : لا والله ليش تاكل من سويت سلاموه وما تاكل من سويتي
سلامه : ياربي منج انتي
راشد : انزين انا ماقلت ما باكل يلا سيري ييبيليه منه
ريم سارت تربع ويابت حق راشد من السويت
راشد : الله الصراحه فنان ريموه انتي من متى اتسوين اشياء حلوه
ريم : احم احم .. وبعدين شو قصدك اصلا الزين ما يسوي الا الزين
ميره : الله يخلي شما بنت سيف والا انتي ويه اتسوين شيء حلو
راشد من سمع اسم شما شرج وتم يكح
سلامه : وهي زايغه بسم الله عليك اشرب اشرب ماي
راشد : ( وعقب ما خازت الشرقه عنه ) اشهد ان لا اله الا الله
ريم : ( وهي تضحك على سلامه ) مشكله الحب بعد
راشد : جب جب انتي ما يخصج
سلامه طبعا استحت
راشد : يعني الطريجه من عند شما ها
ريم : هي الطريقه من عندها بس انا اللي مسوتنها
سلامه( وهي محرجه ) : ومنو هاي شما بعد
راشد من شاف سلامه محرجه شرد عنهن وسلامه استلمت ريموه تبغي تعرف من هاي شما
راشد سار يلعب بليارد وسار الميلس وفليل الساعه 2 رد البيت .. سمع حشره وقرقعه ف حجرة ريم جان يدق الباب

راشد : ليش مارقدتي لين الحين .. شو تسوين ؟؟
ريم : ماشي يالسه ..

ريم : شو تبا انزين انا برقد ..
راشد : عطيني تيلفونج
ريم : ليش شو تبااه ؟؟
راشد : ابا مسجات ..
ريم : الحين رشوود يدور عند ريموه مسجات
راشد : اسكتي وهاتي التيلفون باحترامج
ريم : وان مايبته ؟؟؟؟
راشد : بشله عنج ولا بعطيج ياه .. ولا نسيتي يا مامي اني انا اللي ماخذنه لج
ريم : اففففف انزييين

( عطته التيلفون .. وسار يلس في الصالة .. وقام يقرا المسجات .. قرا مسج قوي
قال فخاطره منو اللي مطرشلها هالمسج و ربع صوب حجرتها )

وكان مكتوب في المسج .. (( أنا وياك تدري لـ وين ؟؟ .. لآخر لحظه أحياها ..
معك باحساسي وقلبي .. لأغلا عيون أهواها ..
انا جيتك وتدري منين ؟؟ ..
من أقصى الشوق و أحلامي ..من إحساس الوله فيني
و روحي حيل تمناها .. أنا أحبك تدري كيف ؟؟؟
( صعب أوصل لمعناها ) !!! ))

راشد : ريمووووه بطلي الباب
ريم : افففف يا رشود التيلفون وعطيتك ياه
راشد : بطلي الباب احسلج
ريم : انته ماتستحي انا عندي بنت فالحجره
راشد : ليش و هاي تسمينها بنت
ميره : شو قصدك يالسبااااااااااااااااااااااال
راشد : سبال ريلج ومب وقتج انتي الثانيه (ريموه ان ما يتي بتشوفين شي ما شفتييييه
ريم: انزين يايه اففففففف

( بطلت له الباب .. قبظها من شعرها ويرها صوب الصاله .. )

ريم : آآآآآآي بلااااك ؟؟
ميره : اويييه ريمووووه بلاج ( وتربع صوب الصاله )
راشد : انتي ردي محلج .. سالفه وبين اخوان شو تبين انتي
ميره : افااااا وانا اللي اتحرا عمري حسبة اختكم
راشد : ترا مب متفيجلج الحين بحطج وياها
ميره : لالااا ( وتربع صوب الحجره وتسكر الباب )
راشد : منو اللي مطرشلج هالمسج ..؟؟
ريم : الحين هاي السالفه .. ربيعتيه بعد منو
راشد : ربيعتج بتطرشلج كلام جيه
ريم : شو قصدك انا اختك .. تربية بو عبدالله
راشد : وليش ماتسيفين اسمها
ريم : بس جيه ..
راشد : قوليلي منو هي عشان أتأكد
ريم : اففف .. شمامي منو غيرها
راشد : منو هاي بعد
ريم : شما بنت سيف .. ارتحت الحينه ؟؟؟؟؟
راشد : لا اتصليبها
ريم : شو اتصلبها هالوقت ؟؟
راشد : هيه بسرعه قدامي
ريم : شو أشوفك قمت تشك فيني
راشد : بتتصلين ولا اسير اطالع الرقم باسم منو !!!!

( قامت ريم تصيح وعقب اتصلت وسمعتها شما وتروعت )

شما : ريموووه شيااااج .. ليش متصله هالوقت .. بلاج تصيحين في شي مستوي
ريم (حطته ع السبيكر) : هااا،،ااا،،اا سمـ،،ـعت تـ،،ـأكـ،،،،،،ـدت انها بنـ،،ـت ..

( شما كانت متروعه .. و ريم فرت التيلفون و ربعت صوب حجرتها )

شما : ريمووووه ........ ألووووو .. ويييينج .... بلاااااج صخيتي ؟؟؟؟؟
راشد (وهو مستانس ) : السموووحهـ الشيخه ع المغثه .. بس تعرفين دلع البنات
شما : مسموح الشيخ .. مع السلامه
راشد : فداعت الله
راشد طبعا ما فوت الفرصه وخذ رقم شما
اليوم اللي عقبهـ نشو متأخرين .. والبشكاره سارت توعي راشد

جوهره : راااااااااااااشيد .. راشيييد
راشد : و ويع انشالله
جوهره : قوم في سوي نماز
راشد : نماز ف عينج شو نماز بعد
جوهره : سلاااه سلاااه
راشد : عيل لا تقولين نماز مره ثانيه
جوهره : يلا رااشييد قوم .. نوم واجد واجد مافي زين
راشد : اولا اسمي راشد .. مب رااااشيييييد جني هذا مال سوق الخظرا .. وثانيا بس بنش حشرتيني سويتي ازعااااج ياخي

روحت جوهره عنه و نش وسبح وسار يصلي اليمعه في المسيد .. و ردو وتغدوا واللي رقد واللي تم واعي .. والعصر طبعا راشد يبا يرمس ريم بأي طريقه .. لكن ريم مسوتله أحلى طااف .. لين ما يابلها قطوه صغيرونه وحلوه

ريم : آآآآآآآآآآآآآآآآآآآآآآآآ شو هااااااااااااااااااااااااا
راشد : مادري كائن غريب
ريم : وااااااااااااااي شله شله عيل .. يمكن فيه مرض خبيث
راشد : و ويع يا ريموووه انتي محد اييبلج شي .. خلاص بردها المحل
ريم : لالااااا أتمصخر هاتها .. أهم شي ماتعض
راشد : لالا بريئه حرام عليج

( شلت ريم القطوه عقب ما تأكدت انها ماتسوي شي )

ريم : وااااااااايه فديييت هالعويناااات انا
ميره : غااااويه تصدقين
ريم : هيه ادري .. رشود جان كملت معروفك .. ليش مايبتلي أغراضها
راشد : لا انا بوديج مكان .. وانتي اختاري الاغراض اللي تبينهن
ريم : شي ألوان حلوه ولا لا ؟؟
راشد : كل الالوان اللي تبينهن
ريم : وشي أغراض كشخه ولا أي شي ؟؟
راشد : افا عليج انتي بس .. انا راشد بن سعيد مادش مكان أي كلام
ريم : حييييييييهـ .. خشششششششمك

طبعا ها خبال عادي .. وداها المحل وطبعا ريم ما تظهر من المكان الا متشريه نص اللي فيه .. و سارت اول شي تاخذلها السير اللي ينحط على الرقبه ولقت واحد لونه فوشي و أسود ف أكيد بتاخذه .. وخذت الملة اللي يحطون فيها أكل القطوه كان لونها فوشي بعد وعليه دواير بالاسود .. المهم انها ماخلت شي .. كل الاغراض فيهن فووووشي .. حتى المقراظ مال الاظافر خذتلها .. والاكل اكيد مابتقصر فيها .. والله لو القطوه تاكل سيريلاك وكورن فليكس جان عطتها لانها تحب القطاو الصغار والحلوات بشكل فظييييييييع ..

ريم : انزين رشوود اخاف امايه ما تطيع اني اخليها فالبيت
راشد : هههههه بس ها اللي تحاتينه .. محد يروم يقولج شي انتي

اول ما ردوا البيت شافوا أمهم ف ويهم

أم عبدالله : شو هذااااا
ريم : ماماتي بعد شو ها .. الا قطوه لا تخافين !!
أم عبدالله : ظهروها ظهروها
ريم : لا ما بظهرها
أم عبدالله : بتظهرينها والحين بعد
ريم : ليش عاد .. وين بابااااااتي ( وتصرخ ) ؟؟؟
بو عبدالله ( ياي من غرفته ) : شو فيج ابويه ؟؟
ريم : ابويه رشود يابلي هالقطوه هديه وسرت خذت كل اغراضها واكلها وكل شي والحين امايه مب مخلتني أدخلها البيت
بو عبدالله : ليش موزه .. خليها تستانس بها
أم عبدالله : اول شي بتشغلها عن الدراسه .. ثاني شي هاي الله وصخ
ريم : لا حرام عليج امايه والله انها نظيفه .. حتى خذتلها شامبو
بو عبدالله : لااا ريم اوعديني انج تدرسين عدل والوقت اللي تفظين فيه تجابلينها
ريم : اوكككككككييييييك .. بررررررومس .. أحلى وعد لاحلى ابوفهالدنيا
بو عبدالله : هيه فديت بنتيه تسمع رمسة ابوها
أم عبدالله : انزين هاي الا وصااااخه
بو عبدالله : أهم شي وديتوها البيطري
راشد : هيه ابويه من يومين مطعمينها مسويلها فحص كامل عنبو بشكاره هب قطوه
ريم : اييييه لا تغلط على قطوتي

طاف يوم اليمعه ع خير .. و يوم السبت .. و روحن ميره وسلامه عن ريم وطبعا استانسن أحلى وناسه .. يوم الأحد وصل راشد ريم المدرسه و رد البيت و كمل رقاده ..

[آڷصّغيرۉنہْ ™]

عرب من الهير يايين بيت بو عبدالله .. وعبدالله و بو عبدالله كانو يايين في الدرب من دبي طبعا ماشي ريال في البيت غير راشد .. ف سارت أم عبدالله توعيه و زهبت الفواله وحطوها فالميلس .. سار راشد وتعطر وادخن ولبس كندورته وسارلهم الميلس

راشد : يالله حيهم
وقام يسلم عليهم بالخشوم ..

عمير : بو سيف سرت المركاظ من يومين
بو سيف : لا والله .. منو اللي سبق ؟؟
عمير : بكرة مطر المنصوري اللي سبقت
بو سيف : و شو كانت الشاره ؟؟
مصبح : كلوزر و دراجتين اظن
خليفه : انا احيدهم حاطين عشرة آلاف

راشد صدع من سوالفهم .. وقام اتصل حق عبدالله اخوه

راشد : خويه .. انته وينك .. يايينكم عرب
عبدالله : يايين الحين واصلين صوب البيت .. سولف ويا العرب لا تم جيه
راشد : يرمسون عن المركاظ .. مالي فهالسوالف انا
عبدلله : وانت متى بتغدي ريااال وبتعرف اتويب العرب
راشد (بصوت خفيف) : رياااال غصبن عنك
عبدالله : بلاك تتحرطم ؟؟؟؟؟
راشد : ماشي ماشي بس شسوي الحين
عبدالله : سر العزبه و هات 5 ذبايح
راشد : انا أسير العزبه واركب ذبايح ف موتريه .. حرام عليك انا عنديه رنج سبورت سوبر جارج .. أسود ملكي .. تقولي حط فيه الذبايح
عبدالله : يا خي دبر حالك سير في موتر البيت أي شي

سكر راشد عن عبدالله و شوي و وصلو بو عبدالله و عبدالله وسار راشد بموتر البيت و حط الذبايح و وداهن البيت .. و دخل الميلس

راشد ( بصوت خفيف ) : ترا يبت الذبايح الحين انته راونا شطارتك
راشد ( بصوت عالي ): يله انا بترخص
الكل : وين تو الناس ؟؟
عمير : بعدك بتتغدا ويانا ..

( عبدالله قام يطالع راشد بنظرات احتقار وشوي وبيظربه )

راشد : اسمحولي بس بسير الكليه الحين
الكل : مرخوووص عيل .. الرب حافظ

و ظهر من عندهم و شاف كريم يشغل الموتر

راشد : هااا .. كريم وين ساير ؟
كريم : في سير يجيب ماما ريم داخل مدرسه
راشد : لالاااا عنك افا عليك ليش اتعب عمرك
كريم : لالا بابا راشد انا بيجيب ماما ريم
راشد : لا خلني انا بييبها كلا ولا تعبك
كريم : بابا راشد مافي سوي تأخير حق انا
راشد : تأخير حق انا قال .. قم بس قم

و ركب راشد الموتر .. و سار صوب المدرسه

شما : ريموه .. محد يا لين الحين
ريم : طوفي ويايه .. انا بوصلج
شما : منو ياينج اليوم ؟؟
ريم : الدريول
شما : اوكي يله

ركبن ريم و شما الموتر .. وكل وحده عباتها وشيلتها ف صوب عادي ويا الدريول وهن مايدرن انه راشد اللي ياي

ريم : كريم .. انته في معلوم بيت سيف ال......... هاذا قبل انته يروح .. روح الحين
راشد (وهو يظحك ) : انشالله مامااا .. ( و صد صوبهن )

شما شهقت شهقه ... واول ماشافته تغشت
( وكانت تبغي تنزل من السيارة بس راشد ارفج عليها انها ما تنزل وان هو اللي بيوصلها )
شما : لا الشيخ ما ابا اتعبكم ويايه وخواني بيوني عقب شوي
راشد : متى يوم بتحترقين من الشمس
ريم : يلا عاد شموه عن هالسوالف بعدين اخويه شرات اخوج
شما : وهي ترمس ريم بصوت خفيف ) ما اقدر اركب ويا ريال غريب تبغين ابويه يجتلني
ريم : يعني الدريول هب ريال غريب ..
شما : خلاص انزين امري لله
ريم : وبعدين يا رشود .. ليش ياي بهالموتر
راشد : حكم قرقوش شو نسوي !!

وصلوا شما و كان ناصر يرمس في التيلفون عند باب الحوي (( تعرفونه يالس يغازل ))

شما : اوييييييه شو اسوي انا الحين
راشد : نزلي ماعليج
شما : واذا سألني منو اللي موصلنكم
راشد : قولي الدريول
ريم : هيه والله ليش متروعه .. جان ياج عيل هو بدال هالهذره الزايده
شما : اوكي .. يله باي .. ومشكورين عالتوصيله
راشد : افا عليج الشيخه ما سوينا شي
نزلت شما و شخطه راشد .. ناصر سكر عن اللي يرمسهم

ناصر : تعالي تعالي
شما : شوووو ؟؟
ناصر : منو اللي يايبنج ؟؟
شما : ربيعتيه بنت سعيد ال..........
ناصر : ومنو يسوقبكم ؟؟
شما (وهي مرتبكه) : الدريول بعد منو
ناصر : الدريول جيه يسرع !!!!!!!!
شما : هيه الدريول .. يعني ماتشوف موتر البيت منو بيي فيه اخوها مثلا
ناصر : هيه والله صدقج
شما : اه الحمد الله والله احس قلبي بيطلع من مكانه من الزيغه الله يسامج ياريمووه اللي كنتي تبغين توهقيني انتي واخوج الاهبل (وتمت تضحك على اللي استوا)

في بيت بو عبدالله

ريم قامت تدرس وترقد وتاكل .. حياتها كانت بس اكل و رقاد و دراسه ولعب ويا القطوه .. مسكينه والله

اما راشد تم يحوط في الشوارع لين ما روحو عنهم العرب وعقب رد البيت وشل سيارته لان عبد الله اخوه كان مسكر عليه بسيارته ..

في بيت سيف ال............

شما قامت تذكر اللي استوالها وظحكت ..

شما (في خاطرها ) : هذا ليش يسوي هالحركات .. صدق انه فاضي وماعنده مونه أصلاً انا ليش حاطه هالسالفه في بالي .. خل يولي

سارت تجابل كتبها لانه ماباقي شي عن الامتحانات وعقبها دش عليها منصور

منصور : شموووه
شما : هلاا آمر
منصور : ممممم أنا تعبان نفسياً
شما : وي بسم الله على اخويه
منصور : شمووه فيني فراغ عاطفي
شما : عوووذ بالله .. ليش شياك
منصور : شحااالها بنت سعيد ؟؟
شوي و رن تيلفون شما وكانت ريم متصله وطبعا منصور عفد ع التيلفون مب مصدق
شما : منصور قوم اظهر برمس ربيعتي
منصور : شمووه دخيلج خليني اسمع صوتها دخييلج
شما : اففف
منصور : بس هالمره
شما : هلااااااا صديقتي الصدوقه
ريم : هلا والله
شما : شو فيج ؟؟
ريم : تعبانه نفسيا !!
شما : عوذبالله بلاكم انتو ؟؟ منصور سألتني شحالها .. مسكينه تعبانه نفسيا منصور : أفااااااا ليتها فيه الظيقه ولا فيها
شما : تراها فيك يالخديه
ريم : اويه منو اللي سأل عني ؟؟
شما : منصور بعد منو ..
ريم : أويييييييييييه فشله شمووه سيري بعيد عنه
شما : لحظة شوي خليني اسير بعيد
منصور يرفج على اخته انها ما تسير بعيد عنه وتم ياشر على قلبه ويقولها تعبان غمضها اخوها وتمت عداله بس قالت حق ريموه انها سارت بعيد عنه
شما : المهم غردي غردي عبري عن مشاعرج ف أغنيه حبيبتي
ريم : المشكله في 600 ألف اغنيه اعبر فيها عن مشاعري
شما : لا الاغنيه اللي تركب أكثر

طبعا ريم كان صووتها وايد حلو ماشالله عليها و منصور مب طايع يفج عن شما حاط اذنه عند التيلفون وقامت تغني ريم

(( مشكلتي أهواه وحبه هو مجنني .. والمشكله عن هوايه ماهو بداري
أخاف أبوح بهوايه لا يخجلني .. وأخاف يزعل علي ويزيد في ناري
محتار مدري شأسوي حيل شاغلني .. مليت أفكر ولا هي نافعه أفكاري
مدري أعذره عشانه ماهو فاهمني .. ولا ألومه عشانه سبة أمراري
ساعات أرضى أقول كافي يكلمني .. كافي انه يسأل علي وياخذ أخباري
ساعات أطمع أبيه كل يوم يقابلني .. جنني حبه ولا هو بحالتي داري ))

طبعا منصور هنيه ذاب ما كان متوقع انه صوت ريم جيه .. و ريم ماكانت تدري انه منصور يسمع ولا جان ما غنت .. أصلاً لو تدري انه حاط اذنه جان سكرت عنها

شما : ماشالله عليييييج ربيعتيه .. صوووتج خبال
ريم : شكرا شكرا ع المجامله
شما : ها ها متعلقه ف منووو
ريم : ناس تعرفين زين ما زين
شما : صدق والله .. خبريني عيل
ريم : ماعليه أكيد بيي يوم وبتعرفين
شما : لا ابا اعرف الحين
ريم : كل شي فوقته حلو يا حلو خخخ
شما : لا تغازليني لو سمحتي ههههه
ريم : اوكي دبوووتيه شو رايج انا اخليج الحين واسير ادرس
شما : حتى أنا يله تيك كير
منصور : وااااااي فديت هالصوت
شما : منصور بس عااد افففف انا كيف طاوعتك وخليتك تسمع صوتها .. صدق اني غبيه
منصور : ليش عاد
شما : اتحسسني اني نذله
منصور : مب لهالدرجه عاد
شما : اففف منصور انت شو تبى من البنيه
منصور : عايبتني
شما : منصور انت اتعرف هاي بنت منو واخت منو
منصور : ااااااخ ادري... بس تدرين انسي اللي استوا خلاص

وطبعا منصور ظهر من عندها والحين شما مجابله كتبها

[آڷصّغيرۉنہْ ™]

تكملة البأرت ~

في موتر راشد

راشد طول اليوم يفكر في شكلها و ظحكتها ((( مسكين حاله العاشق الولهاااان )))
وكان مطول على أغنية ..
وقبظ تيلفونه وقام يشوف رقمها ويتفداها .. وبالغلط أرسل ع رقمها

شما : ألووو ..
راشد ( فخاطره ) : فديييييت هالصوت انا
شما : ألووووو ..
راشد ( بيتنهد ) .....
شما : شكلكم ناس فاضين وماعندكم شغله ( ويايه بتبند )
راشد : لا الشيخه لحظه لحظه شوي
شما : خير منو انته ؟؟
راشد : جسد راشد بس الروح عند شما
شما : صدق انك فاضي ..
راشد : فاضي ولا مليان ؟؟؟
شما : يوم اقولك سخيييف
راشد : سخيف بس حلو
شما : حلو ولا مالح ..
راشد : هههههههههههه تنكتين حضرتج
شما : مادري عنك !!
راشد : انزين الغاليه ..
شما : لو سمحت خويه بلا هالحركات وممكن ماتتصل مره ثانيه
راشد : اول شي لا تقولين اخويه .. وانا ما اسوي حركات
شما : شو تسمي اللي تسويه عيل ؟؟
راشد : عنبوه الواحد مايعشق .. مايحب .. !!!!
شما : لالا .. المهم انا امتحاناتي الاسبوع الياي وابا ادرس يعني اذا انته فاضي انا مب متفيجه ودورلك وحده لعابه العب عليها ترا انا بنت عرب اوكي
راشد : يعني انا ولد بتان حتى انا ولد عرب وبعدين انا مب يالس العب ..و اذا عن الامتحانات اوكي بخليج .. وادرسي عدل .. بس انسي اني اخليج في الاجازه
شما : اففف

سكرت في ويهه

راشد : عنبوووها ليش جيه جد وايد ماعليه ماكون انا راشد بن سعيد اذا ماخليتها تلحقني .. عيل انا اتخبل على وحده من متى استوت هاي .. مسكين حاليه والله يلعن يومها اللي خلت قلبي يفز من مكانه

قام راشد يحوط و يحوط و يحوط ماخلا شارع في العين و شما و ريم وميرة يدرسن كلن الكتب أكل ..

يوم الخميس .. في بيت بو حمد

شما سايره صوب المطبخ .. بتيبلها شي تاكله .. مسكينه من كثر ماتدرس تيوع

شما ( ترمس عمرها ) : علم النفس هو .......................................
سهيل : ماشالله انتي الاكل اللي تاكلينه ينهضم ويا المعلومات شو ؟؟
شما : اذكر الله يالسبال
سهيل : قلت ماشالله .. لالا فديتج شاطره
شما : فدااااك الند .. لا تقولي فديتج تسمع ولا لا
سهيل : ولا يهمج بحطج ف عيني الحين ماقدر اخرب مزاجج وراج امتحانات
شما : انته يوم اشوفك مادري ليش ينجلب مزاجي ..
سهيل : من كثر الحب ترا
شما : امحـــــــــــــــــــــــــــــــــــــــــــــــ ــــــــــــــــق
سهيل : خيبه خيبه ليش ؟؟
شما : بس جيه .. تعرف انا بنت مزاجيه
سهيل : هيه ادريبج مب شي يديد
شما : الا تعال بتخبرك
سهيل : آمري
شما : انته تعرف اني يوم اشوفك ينجلب مزاجي
سهيل : هيه من زمان
شما : وانته تباني اييب نسبه اونك
سهيل : هيه عيل
شما : عيل ليش ياي .. دامك تعرف انه ينجلب مزاجي .. يعني تباني اجابلك غصب
سهيل : لا أعودج ع ويهي .. عن تنصدمين عقب اتمين مجابلتني 24 ساعه
شما : هههههههههههههه احس انك غبي خلني ساكته عنك أحسن

سوتله طاف .. وقامت تكمل دراستها ..

في دبي وفي بيت بو مايد
الساعة 4 العصر

ميرة ( فخاطرها ) : مممم أتصلبه ولا لا !! .. مادري أخاف أتصل الصراحه ما با اخون بنت عموتي بس دخل خاطري بعدين هي شدراها اني اتصلت به وهي عقولتها بس عايبنها شكله وهي مستحيل اترمسه

ميرة تمت تطالع الرقم لين ما اشجعت واتصلت فيه

منصور : مرحبا ....!!!!!
ميرة ( ذابت يوم سمعت صوته بس كانت ساكته .. لانه صوت منصور كان خبال )
منصور : ألوووووو .....
ميرة ( بعدهــــــــــــــــا ساكته )
منصور : شكلكم مطولين وماتبون ترمسون.. أفففف قلنا الووو عاد
ميرة ( وبدلع ) : هلا
منصور : نعم ختيه منو انتي
ميرة : مممم لا محد خلاص باي
منصور : انتي منو تبين ؟؟
ميرة : منصور
منصور : هاااه .. ها انا .. انزين ختيه من وين يايبه رقمي ؟؟
ميرة : مادريبك عاد
منصور : انزين متأكده انج مب مغلطه .. يمكن كنتي تبين تتصلين حق اخويه
ميرة : انته مب منصور ؟؟
منصور : هيه نعم انا منصور
ميرة : اوكي خلاص .. شكلك ماتبا ترمسني !! ماعليه برايك
منصور : لالاااا لحظه .. يمكن انتي اللي فباليه .. اذا عاد مب هي سكري الله وياج
ميرة : اوكي و منو اللي فبالك
منصور : ممم انتي ريم شيخة الحريم
ميرة : ماشالله عليــــــــــــــــــــــــــــــــــــــك !!!!!!
منصور : شفتي.. وانتي تعالي جنه عليج امتحانات ليش ماتدرسين
ميرة : اففف لهاي الدرجه تبا الفكه مني
منصور : والله لو الود ودي أرمسج طول اليوم وما أفر السماعه من أذني
ميرة : يالله مانروم عليك
منصور : انزين عاد انا مابا اخرب عليج دراستج عقب تقولين منصور خرب عليه
ميرة : لا والله مابقول .. بس خلاص بخليك الحين لاني صدق بدرس
منصور : خلاص الغاليهـ .. لا تقطعين عاد
ميرة : انشالله .. فداعت الله
منصور : فمان الكريم !!!!!!!

سكر منصور عنها وهو مستانس طبعا مب مصدق انه ريم رمسته وهب مصدق انا عادي عندها سوتله ورمسته وهو ماكان متوقع هالشيء لكن هو استانس لان هذا اللي يباه ( طبعا هو يتحراها ريم لكن هاي ميرة بنت خالها خذت رقمه من تيلفونها يوم هو طرشلها اياه عالبلوتوث )
ومن ناحية راشد ترا كل يوم يطرش لـ شما مسجات يطمن عليها .. وفنفس يوم الامتحان الصبح يدعيلها بالتوفيج مسكين يغمظ وهي لايعه جبدها من هالحركات ونفس الشي بالنسبة لمنصور .. و زادت العلاقه بين منصور و ريم ( اللي هي ميرة ) لدرجة انهم ماقامو يصبرون عن بعض .. لكن العلاقة بين ريم وميرة تغيرت ميرة ماقامت تتصل حق ريم وايد
لين ما عدت الأيام ع خير .. وخلصو امتحاناتهم وكان الجو رقييص طر بمعنى الكلمه .. مايتفوت .. قام منصور واتصل حق ريم( اللي هي ميرة )

منصور : مرررررررحباااااااااا ملااااااااايييييييين
ميرة : مرحبا باجي .. ( وهي شاقه الحلج من الوناسه )
منصور : شحالج غناتيه
ميرة : بخير ربي يعافيك .. وانته
منصور : رقيص دام اني سمعت حسج
ميرة : هههههه يعلني ماخلا
منصور : فديتج يقولون خلصتو امتحانات
ميرة : هييييييه شو تتحرا ههههه
منصور : افتكيتي .. عيل بتم ارمسج طول الوقت الحين
ميرة : هيه صح .. وااااظح
منصور : ههههههه ليش يعني
ميرة : اتخيل ارمسك و رشود وياك .. الله محلاااتني والله ( طبعا لازم تطري رشوود عشان منصور ما يشك انها مب ريم )
منصور : لا منو قال برمسج يوم رشود ويايه
ميرة : ها عيل .. تراكم طول الوقت ويا بعض
منصور : ماعليه اعرف اتصرف انا خليها عليه
ميرة : اوكي بنشوووف ..
منصور : عيوني وين بتظهرين اليوم ؟
ميرة : والله لين الحين ماعرف .. وانته ؟؟!!
منصور : شكلي بسير دبي ويا اخوج عسب ناخذلنا دراجات
ميرة : الله بتون دبي
منصور : بتون دبي ليش انتي مب فالعين
ميرة : ها لا انا اقصد اني بسير بين خالي في دبي
منصور : هي
ميرة : تحوطون ولا .................
منصور : لا فديتج لو ابا اغازل بقولج لكن انا شال من بالي هالفكره
ميرة : يالله يالله اوكي انا ماقلت تغازل .....
منصور : ها عيل شو قصدج ؟؟
ميرة : مادري
منصور : شفتي
ميرة: هههه اوكي اوكي خلاص .. المهم منصوري .. انا بخليك الحين
منصور : الله محلات اسمي يوم ادلعيني وبعدين وين وين وين ..
ميرة : ابويهـ يباني ..
منصور : خلاص دام جيه بسكر .. بس مب تسوين لي طاف
ميرة : لا لا افا عليك
منصور : اوكي فديتج .. تحملي على عمرج

و سكر عنها وسارت ميرة عند ابوها .. ويلست تسولف ويااه شوي ورن تيلفونها وريم كانت متصلتبها

ريم : انتي ويييييينج يالسبااااله .. ؟؟
ميره: في البيت بعد وين
ريم : الحين انا بنت عمتج المفروض تسألين عني
ميره : شو نسوي بعد .. مشكله اللي يحبون ترا
ريم : والله صدقه المثل يوم يقوم من لقى أحبابه نسى أصحاااااابه ..
ميره : خلج عاد انتي اللي ذاكرتني تراج الا شراتي
ريم : لالا فديتج انا اتصلت
ميره : هاااااا عقب شوووو يوم فظيتي ..
ريم : عيل برمسج يوم بكون مشغوووله
ميره : لا يعني بتودريني وبترمسين ناس وناس
ريم : وين يا حسره تيلفوني ما اصكه مول
ميره : علينا انتي بس اللي تبينه
ريم : كرهتج يا ام السعف والليف
ميره : خلج عاد انتي سحيله ام الخلاجين
ريم : خخخخخ عيبتني هااااي
ميره :ريمووه ويت ويت وصلني مسج

كان واصلنها مسج من عند منصور وكان كاتب فيه

(( أشيل الشوق وأمشي به أجي لك شايل شوقي
على صالي لهيب الشوق أحس القلب يشتاقي
سفر حلمي ع طيفك ظهور الفجر و اشروقي
أنا والله على حبك أعيش الوقت بأشراقي
أحبك سالفة عمري وأحبك دم بعروقي
هلا بك عد ماهلت مزون وناضت بروقي
هلا بك عد ماهلت من الخافق لك أشواقي ))

ميره (في خاطرها ) : فدييييتهـ والله يعلني مااخلا
ريم: ها ها منو مطرشلج مسج ؟؟؟؟؟
ميره : شو تبين ليش رازه بويهج ؟؟
ريم : افاااا انا بنت عمتج وماتطيعين تخبريني
ميره: يوم بتخبريني انا بخبرج
ريم : لااااا والله .. انا دوم اخبرج ليش ماتخبريني انتي
ميره : انزين انزين جب خلاص بقولج
ريم : اوكيه يله قولي
ميره : مادري ويت ويت * قامت ترمس عمرها * أقووول ولا ماقوول
ريم : اييه منو ترمسين انتي
ميره: محد محد
ريم : انزين يله لااااه قولي
ميره : شووو .. اشوف الفضول ذابح بعض الناس
ريم : لااااا أي فضول بس لازم اطمن على احوال الرعيه
ميره : فقـتج .. الحين انا رعيه استويت ؟؟
ريم : هيه من زماااان
ميره : تشوفيني عنز جدااامج وانا مادري ؟؟
ريم : أي عنز مايخصه يالهبلا
ميره: ها عيل ؟؟
ريم : رعية معناها غير
ميره : شو معناهااا ؟؟
ريم : اففف اشتغلت الثواره !!!!
ميره : أي ثواره .. توا رعيه والحين ثواره بلاج انتي؟؟
ريم : لالا حبيبتي ميره هاي الكلمه اكبر من مستواج ف مابتفهمينها
ميره : ايوااا قولي جيه من الصبح
ريم ( بصوت خفيف ) : زين يوم ماياني كف
ميره : شو تقولين انتي ؟؟
ريم : لالااا يقطع يقطع
ميره: ليش يقطع ؟؟
ريم : ماشي ارسال ترا
ميره : ليييش بيتكم مسلح ؟؟ عشان مايكون فيه ارسال
ريم : ميرووه و ويع .. لوعتيلي بجبدي وايد تسأليييين
ميره : ليش أسأل ؟؟
ريم : اففف بس بس سكري سكري مابا أعرف شي يله سكري
ميره: ليش أسكر ؟؟
ريم : باي باي باي

[آڷصّغيرۉنہْ ™]

و سكرت ريم عن ميره
ميره : هههههههههههعجيبه الخطه .. والله وجان اطفرها !!!


و طرشت مسج حق منصور(( مشغووولــ ؟؟؟! ))
رد عليها(( لا مغلـقهههههه .. شوي فديتج رشود ويايه .. ليش شي فخاطرج ))
ردت عليه(( هههه سخيييف .. لا ماشي بس أنشد عنك ))


في بيت بو عبدالله الساعه 6 المغرب
ريم يالسه ويا ابوها
ريم (وبدلع ) : باباتي حبيبي ابا اسير المول
بوعبد الله : شو تسوين فيالمول
ريم : ابويه تعرف الحين اشتا ونحن دوم انسير نتحوط بغيت اشتريلي لبس يديد
ام عبد الله : اللي يقول ما عندج لبس في البيت جانهن كباتج مترسات من الثياب
ريم : امايه عاد خلج محضر خير
بوعبد الله : فديتج الغالية انا ما عندي خلافبس منو بيوديج
ام عبد الله : ما بيخرب البنت غيرك بزها عقب قول ما روم عليها
ريم : امايه ليكون اتغارين
ام عبد الله : انا ما عندي مونه يالسه ارمسكمادري اخرتها بتسويلها اللي تباه ( ونشت وظهرت من الصاله )
ريم : حليلها عيوزناازعلت والله
بوعبد الله : ( ويضربها ضربة خفيفه على جتفها ) انتي على منو ظاهرهملسونه جي ؟؟
ريم : على رشود اخويه
بوعبد الله : حليله ولدي من اقوله شيقالي انشا الله هب انتي
ريم : ابويه خلنا من هالسوالف بتوديني المول ولا
بوعبد الله : امري لله بوديج يلا قومي البسي عباتج وانا بسير اشغل الموتر
ريم : ابويه ودني في الفتك
بوعبد الله : انزين انتي الحين سيري لبسي عباتجما فينا نتاخر شوي وبنرد
ريم : انشا الله ابويه
وربعت ريم تلبس عباتها وبوعبد الله سار يشغل الموتر


في موتر بو عبد الله الساعه 6:30المغرب
ريم : ابويه شو هذا ما عندك اشرطه يديده
بو عبد الله : احيد راشد ياخذ ويحطلي
ريم : وين ما شي هذيل كلهن جدام
بو عبد الله : فيالسده شي سيديات يداد
ريم : ياويلي على بو عبد الله بعد عندك سيديات
بوعبدا لله : جيه شو قالولج
ريم : (وتفج السده وطلع السيديات وحصلت سيدي منوعات )الله هذا حلو بحطه
بو عبدالله : انزين حطيه وفكينا
ريم : حطت السيدي وحطتاغنية يوم الوداع ميحد


( لا شفتني ضايق و أهل الدمع وأبكيباقتناع ..
لا تحزنك عيني ولا تشره على دمعاتها ..
أنا فقط حبيت أدربها علىيوم الوداع ..
أحبابنا قاسين والأيام هي عاداتها ..
مهما جلسنا نظحك وناخذ منالحب المتاع ..
لا بد لحظات المفارق نرتشف كاساتها .. )


بو عبدالله : شو هالاغنية البارده حطينا شي غاوي
ريم : هههههههه ابويه عيل تبا اغنيهحاره
بو عبد الله : ويا هاللسان اللي يباله قص

[آڷصّغيرۉنہْ ™]

(

يلست تبدل الاغنية وحطتاغنية صوت المحب.. راشد الماجد ولين مايا المقطع اللي تحبه )





( أنا من بلاني في غرامه هو اللي من ..
عيوني على بيته لا مريت سراقه ..
يا فتان طال البعد وانا عليك أون ..
ونين بدوي (ن) طايح (ن) من ظهر ناقه ..
كسر عظم ساقه ومالت عليه وحن ..
يمسح عليها ويتألم على ساقه ..
وأناطحت من عينك ولا ملت لي لكن ..
حنيني حنينه والغلا ترحم أشواقه .. )


ريم : ها بويه شو رايك ف هاي ؟؟؟
بوعبد الله : هيه هاي غاويه
يلسو يتسمعون الاغاني ويسولفون شوي وبو عبد الله يعطي بريك لي ما تمن التوايريدخنن
ريم : وااااااااااااااااااااااااااااااااااااااااااااا ( تعرفون البناتلازم البغيم )
وقفت السياره
بو عبد الله : ها الغالية استوابج شيء
ريم : لا ابويه بس شو السالفه
بوعبد الله : ما دله هذا اللي جدامي ضرب بريك مرهوحده وانا كنت على سرعه انا بنزله هذا شو هالسواقه اللي يسوقها ( ونزل بو عبد اللهوراعي الرنج نزل بعد ويا واتوايه ويا بو عبد الله ريم تمت تقول في خاطرها هذا جنهمنصور هيه اكيد هو لان شكله يعرف ابويه ولا ما بيتوايه اوياه )
بو عبد الله : ابويه الله يهديك بغيت اتنفدنا بلاك ضربت بريك
ناصر : اسمحلي يا بو عبد الله بستخطيت اللفه اللي اباها وقلت بردلها ريوس وما انتبهت انا في حد وراية
بوعبدالله : يابويه انتبه مره ثانية انا الحمد الله اني انتبهت لك وضربت بريك لو غيريجان دعمك ونفدك ونفد وياك
ناصر : اسمحلي يا بو عبد الله ان شاء الله ما صابكمشي
بو عبد الله : لا الحمد الله .. يلا ابويه انا الحين بسير تامر بشي
ناصر :سلامتك وربي يحفظك
بو عبد الله : في داعة الله
ورد بو عبد الله وركب موتره
ريم : ابويه انت تعرف الريال
بو عبد الله : هيه هذا ولد سيفال........
ريم ( وهي شاقه الحلج لانها اتحراه منصور) : بلاه زين ما نفدنا
بو عبد الله : خليه عنج تعرفين سواقة الشباب
ريم : هي والله ما شي اخير عنسواقه الشياب
بو عبد الله : يا ام لسان انتي .. اقول راشد اخوج وين ما شفتهاليوم
ريم : ايهوم شي عنده غير هو
بو عبد الله : اتصليبه خليني برمسه
ريم : انشا الله ( واتصلت حق راشد ) الووو
راشد : ويع ...صميتي اذني
ريم : ويا ويهك ... وين
راشد : في ضواحي العين
ريم : انزين هذوه ابويه يبايرمسك
راشد : انتو فالموتر
ريم : نعم ..نعم .. سايرين المول
راشد : هيييه اسميج الا قاصه على ابويه
ريم : لا والله يعني لاني خليته ايوديني الموليعني قاصه عليه
بو عبد الله : عن هالهذره الزايده عطيني اياه.... السلام عليك
راشد : وعليك السلام .. اشحالك الغالي
بو عبد الله: يسرك الحال .. وين انامن البارحه ما شفتك
راشد : سرت دبي ويا الربع
بو عبد الله : ماشاء الله دبي ..شوتسوون
راشد : ناخذ لنا دراجات تعرف الحين اجازه ولازم دراجات
بو عبد الله : زين زين والحين وين في دبي ولا رديت
راشد : لا انا الحين في العين وبسيرمبزره
بو عبد الله : مبزره شو تسوي
راشد : ماشي اتكشت
بو عبد الله : زين الغالي الله يحفظك الحين وصلنا نحن انتلاقى انشا الله فليل
راشد : باذن الله يلامع السلامه
بو عبد الله : الله يحفظك
وسكر عنه ونزلو المول طبعا ريم غصصتبابوها من محل لي محل
بو عبد الله: امايه انا عيزت بسير ايلس في الكوفي ويومبتخلصين سويلي تيلفون
ريم : انشا الله
بو عبد الله سار الكوفي ويلست ريم اتشري وهي طالعه من محل يالسه اطلع تيلفونها بتتصل حق ابوها وتداعم ويا واحد وطاحنعنها الاكياس
ريم : شو انت عمي ما اتشوف
الريال : السموحه الشيخه ما انتبهت كنت ارمس بالتيلفون ونزل يشل الاكياس وعطاها اياهن وفي هاللحظة شافته ريم


ْْوتوقعاتكمْْ


راشد شوو يبا من شما ؟؟
منصور شوو نهاية علاقته ويا ميره ؟؟
وريَم من الشخص اللي اداعمت ويااه ؟؟


stop !!

[آڷصّغيرۉنہْ ™]

إحم بأك

~
ويا الباآآآرت الرابــــــــــ ع ..

تذكروون وين كنا ..


بو عبد الله سار الكوفي ويلست ريم اتشري وهي طالعه من محل يالسه اطلعتيلفونها بتتصل حق ابوها وتداعم ويا واحد وطاحن عنها الاكياس
ريم : شو انت عميما اتشوف
الريال : السموحه الشيخه ما انتبهت كنت ارمس بالتيلفون ونزل يشلالاكياس وعطاها اياهن وفي هاللحظةشافته ريم
ريم ( في خاطرها ) : هذامنصور اخو شموه( بس للاسف هذا كان ناصر مب منصور )
ريم : اسمحلي الشيخ
ناصر: انتي اللي اسمحيلنا ( وكان يالس يطالعها بنظرات ...)
ريم ( وهي اترمسابوها ) : ابويه يلا انا خلصت
بو عبد الله : انزين يلا تعاليلي الكوفي
ريم : اوكي
ريم سارت صوب الكوفي بس ناصر تم وراها وهو يحاول يرقم لكن هيه مسوتلهاكبر طاف ولقت ابوها
ناصر : هاي بنت بو عبد الله اخ شو سويت الحين لو تقول حقابوها السالفه يالفضيحه بعد انا الاهبل اشوفها مب مسوتلي سالفه يعني هاي بنت عرب بسشكلها ما يوحي مب متغشية وكاشخه ....يلا لا انا شو اباها خل اروح احسلي بس اسميهاحلوه
طلعو ريم وبو عبد الله من المول وردو البيت

فيمبزره الساعه 8:30راشد تم يحوط وعقب وقف السياره ونزل وتم يتمشى وعقب يلسعلى واحد من الكراسي اللي هناك وشوي وريال ياي صوبه
الريال : بو سناد؟؟
راشد : ( ويطالعه يبى يذكر منوه) منو حمدان
حمدان : هي نعم حمدان (وقامراشد يوايه حمدان )
راشد :شحالك
حمدان يسرك الحال ومن صوبك
راشد : طيبطاب حالك وين يا ريال عدي بك من سنتين
حمدان : تعرف عاد من تحولنا بوظبي يياتناللعين خفت
راشد : افا يعني استوينا من هل العاصمه ونسينا العين
حمدان : لاوالله العين داري بس تعرف الدراسه والكليه ما عدنا وقت
راشد : هيه عيل وين تدرسانت الحين
حمدان : والله ادرس في معهد البترول
راشد: يعني الاخ بيستوي مهندسبترول
حمدان : خلها على الله عسانا ننجح
راشد: جييه الدراسه صعبه
حمدان :هيه والله يكرفونا كراف
راشد : ما عليه انت قدها يا ولد سلطان
حمدان : وانتشو علومك .. ووين تدرس الحين

[آڷصّغيرۉنہْ ™]

راشد : في الجامعة
حمدان : زين يحيك يوم درستما حيدك تبا تكمل الدراسه
راشد : شو نسوي بالوالد يقول الا تدرس
حمدان : زين ..وشو تدرس
راشد : ادارة اعمال
حمدان : او بزنس مان يعني
راشد : روح لا هذا اذا ما فصلوني من الجامعة
حمدان : والعثرة شله
راشد : انذاراتالغياب تارسه الملف
حمدان : اسميك ...اقول بو سنيده
راشد : امر
حمدان : شكلك تعبان
راشدوهو يتنهد ) ااااااه لا عادي
حمدان : كل هذاوعادي .... رشود ليكون اتحب
راشد : ها.. احب... لالا شو احب
حمدان : ههههههذا كله وما تحب .. اسال مجرب ولا تسال طبيب
راشد : يعني انت حبيت
حمدان : هيه حبيت ويا ليتني ما حبيت
راشد : ليش
حمدان خلك مني انت الحين وقولي شوسالفتك ومنو هذي اللي هزت راشد بن سعيد اللي طول عمره يقول (( انا بطبعي اهز الجبالالرواسي ... وترا يصعب على بنات الزمن اهتزازي))
راشد : يالله يا حمدان لينالحين تذكر هالكلام
حمدان : اكيد هذا كلام راشد بن سعيد صديق الطفولة ماينسى
راشد قال حق حمدان كل شي من اول ماشاف شما لين ما سوالها تيلفون هذاك اليوملان حمدان ربيعه من يوم كان صغير ويثق فييه ودووم كان يقوله اللي في خاطره بس اقطعوبعض من اتحولو قووم حمدان بوظبي
راشد : تدري يا حمدان ما اقدر انسى شكلها ولاصوتها ولا ضحكتها اااه منو يصدق ان انا يستويلي جييه
حمدان: ترا هذا هو الحب وفيهاللحظه رن تيلفون حمدان وكانت رنته
( آه العنا بي طالي شايل هموم كبار .. أسهروحيد لحالي كني غريب الدار )
حمدان ( نش واقف وهو يباغم ) شوووووووووووو ....انزين انا ياي الحين
حمدان مشى بسرعه صوب سيارته ونسى انه كان ويا راشد
راشد : حمدان وين ... شو مستوي
حمدان : ما اعرف بس ابويه تعبان ولازم اسيراوديه المستشفي لان محد عندهم غيري
راشد : انزين انا بيي وياك
وتوهم واصلينصوب السياره
راشد : حمدان انا بسوق عنك
حمدان : لا ما عليه
راشد : لاانا ما بخليك اتسوق في هالحاله
وركبو السياره وراشد هو اللي كان يسوق

[آڷصّغيرۉنہْ ™]

شما .. في بيت عمها محمد * بو سلطان * .. وكانت الساعه 9

شما ( ترمس البشكاره ) : انتي .. مادري شو اسمج اليوم ؟
راني : انا اسمي راني
شما : خخخخخخخخ الحبيباااااات جايه
راني : شو يأني ؟؟
شما : لالا ماشي تحريتج فيمتو
راني : ماما شما انا مايدري انتي شو في قول
شما :يعلج ما فهمتي .. انزين سمعي
راني : نأم ماما ؟؟
شما : وينالعيوووووز؟؟
راني : مافي زين قول أجووز بأدين ماما أفرا يجي يضرب انتي داخلمخمه
شما : انا اللي بكفخج بالمخمه .. وين يدووه بتقوليلي ولا أفلعج بالدلة؟؟
راني : انا مافي مألوووم .. بأدين مافي سوي جنجال هق أنااا
شما : حقنا حقاليمن .. بتصخين ولا ولا .. مادري منو البشكاره الحين انا ولا انتي
راني : ماماانا في خدامه .. ماما أفرا كان سوي جنجال هق أنا بأدين سهيل يدخل بأدين قولاماياااااا رفك داخل هيوان واجب ..
شما : خخخخخخخخخخخ الله ينطب ابليسك يا سهيل .. انزين خلينا منج وين سهيل
راني : هادا واجد موشكيل ..واجد سوي قرقر .. واجدسوي مسكره
شما : مسكره ولا آي لينر ههههههه .. انزين سيري سيري ازقريه اناملانه
راني : انتا بأد نفس الشي .. واااجد سوي قرقر
شما : بتزقرينه ولاأشووووتج الحين .. عورتي راسي
راني : ليش انتا في اسمائيل متر بيشوت أنا
شما : غربلج الله .. ثرج ظهرتي مب هينه .. منو قالج عن اسماعيل مطر
راني : انا مافيمألوم شو يأني .. بس أنا يسمأ سهيل قول شديه
شما : سيري ويا الشديه مالج .. يقولووون جذه بلاج انتي بغااام
راني : انا بيسير نادي سهيل واجد أهسن
شما : هيه انا اقول جيه بعد
راني ( تتحرطم بروحها ) : شو هاداا كلوو سوي جنجال هادابيت مافي زين ناس داخل هادا بيت بوت موشكيل
شما : بلاااااج اتحرطمين اسمعجتراني
راني : مافي شي انا بيروه إند سهيل .. بسوي نادي
شما : ههههه أي نادي .. عسب نشجعه ككككككككك والله فاظيه

سارت راني تزقر سهيل .. وطبعا سهيلماصدق يوم قالوله شما تنشد عنك

سهيل : حيهاا بنت عميه ..
شما : يحييييك .. وشحااااالك ؟؟
سهيل : بخير ربي يعافيج
شما : عنبوها مب بشكاره هاي الليعندكم .. هب لسان عليها
سهيل : حليلها .. على الاقل اقصر من لسانج
شما : هابن عمي قمنا نغلط ع بعض خلنا حلوين احسن
سهيل : هههههههه اوكي
شما : وينامايه عيل ؟؟
سهيل : سايره بيت بخيته ع قولتها
شما : يحليلها امااايه بخيتهوالله ولها وحشه
سهيل : ليش انتي تعرفينها
شما : هيه ليش ماعرفها
سهيل : مادري انا اسمع عنها الصراحه بس ولا مره شفتها هي من حارتنا ؟
شما : هييييييهبيتهم قرب بيتنا .. امره فرة حصااااه
سهيل : وانتي شعرفج فيها ؟؟
شما : تراهااتينا الخيمه ف رمضااان .. وحتى فالعيد اتي اتصبح علينا
سهيل : عاد هالعيايزفالعيد ينشن قبل الديج
شما : هيه والله .. انا ف سابع نووومه الساعه بعدها 7مادري 6 أشوفها ادق عليه باب الحجره
سهيل : ليش ادق عليج باب الحجره ؟؟
شما : تعرف بعد يحبن يغصصن عليه هالعيايز
سهيل : الله يعينج الصراحه .. الحمدلله انيريال
شما : خخخخخخخ .. مالت .. انزين شو عندكم أفلام دي في دي
سهيل : وانتيشتبينهن ؟؟؟
شما : ابا اشوف بعد شو اباهن .. بتصور وياهن مثلاً ؟؟
سهيل : مممم ماعندي يداد .. شو من الافلام تبين ؟؟
شما : ابا رعب !!
سهيل : متأكدهانج مابتموتين ؟؟
شما : لعنبوووه من فاااال
سهيل : لا يعني عشان مايقولونسهيل هو اللي جاتلنها
شما : لالا امره لا تحاتي
سهيل : خلااص عقب طرشيالبشكاره وبعطيها
شما : اوكيك .. يله انا بترخص عيل
سهيل : وين وين بعدنا ماشبعنا منج
شما : اسمييني الا ببطي لين ماتشبع انته
سهيل : سبحان الله .. زينيوم عرفتي
شما : انته ماتشبع من الاكل بتشبع مني انا
سهيل : اذكريالله
شما : خخخخ ماشالله .. يله انزين باي
سهيل : باي
وظهرت شما من عندسهيل .. وطرشتله البشكاره عقب .. ويابلها كمن فلم

بيت سلطان الفلاحي
راشد وحمدان توهم واصلين .. حمدان نزل من السيارة قبل لا توقف وربع داخل وراشد كان يبغي يلحقه ويدخل بس اتلوم من هل حمدان .... حمدان طلع وزقرراشد عشان يفزعه ويشل وياه ابوه ... راشد حدر وياه البيت وشلو بو حمدان ودوهالمستشفي ...

مستشفى توام
هل حمدان كلهم يصيحون وحمدان حالته لله كانو زايغين على ابوهم راشد كان يالس ايهدي حمدان وشوي ويظهرالدكتور من عند سلطان
الدكتور : من فيكم ابنه
حمدان : انا دكتور
الدكتور وقف وياهم بعيد شوي عن الحرمات (لان اتعرفون الحريم قلوبهم رهيفه وماتتحمل)
الدكتور : والله يا ابني الوالد عنده جلطه في المخ
حمدان ( وبصوت فيحزن وهو ظاربتنه غبنه ) : جلطه

[آڷصّغيرۉنہْ ™]

راشد : لا حول ولا قوة الا بالله
حمدان : دكتور والحين هو شو حاله
الدكتور: ما اخبي عليك حالته ما اطمن ... الوالد دخلفي غيبوبه والله العالم متى بيصحى منها
حمدان ( وما قدر ايود عمره وبدن دموعه ينزلن على خده ): شو يعني ما في امل
راشد : استهدى بالله يا ريال .. وخل ايمانكبالله قوي
الدكتور : املنا بالله كبير يا ابني ... الله يشفيلكم اياه انشا الله
حمدان : دكتور انزين لو سفرناه برع نعالجه
الدكتور : حالة والدك ما تسمح لهبالسفر... الله يشفيه انشا الله
الدكتور روح عنهم و راشد يحاول يهدي حمدان لكنمب رايم
حمدان : راشد تدري لو صار شي على ابويه انا بموت .. ما اعرف شو اسوي مندونه ... انا انسان وحيد ما عندي اخوان ... كيف بقدر اتحمل مسؤولية عايله
راشد : استغفر ربك يا ريال وبدال هاليلسه قوم وصل اهلك البيت وصل وادع حق ابوك بالشفا
حمدان : كيف اسير واخليه بروحه
راشد : وانت اصلا شو يالس اتسويله ... تراكلب يالس وياه ولا تقدر اتشوفه سير البيت واتعوذ من الشيطان وارقد وباجر الصبح تعالعلك تي وتلقاه بخير
حمدان : الله يسمع منك
ونشو ووصلهم راشد البيت ونزل
حمدان : تعال انت موترك في مبزره
راشد :ما عليه الله ما كثر التكاسي
حمدان : لا قم انا بوصلك
راشد : لا لا توصلني ولا شي انت روحك تعبان يلا معالسلامه
حمدان : راشد
راشد : لبيه
حمدان : مشكور ... انا صدق ان ماعندي اخو بس انت طلعت اخو واكثر من اخو
راشد : يا ريال ما سوينا شي ... يلا فيداعت الله
حمدان : الله يحفظك

[آڷصّغيرۉنہْ ™]

اليوم الثاني بيت سعيدال........
وقت صلاة الفير
بو عبد الله وهو راد من الصلاه صد صوبالقراجات وما شاف موتر راشد
بو عبد الله : عبد الله اخوك ما رد البيت
عبدالله ) وتم يدور السيارة ):هيه والله ماشوف سيارته ... هذا ما ادري متى بيغدي ريالحد يهوم لي هالحزه مب سادتنه هوامة النهار
بو عبد الله : ابويه اتصله شوفه وين .. اخاف مستوي عليه شي
عبد الله : لا تخاف ابويه ولدك ماتعرفه يعني دومه جيوبعدين لو استوا عليه شي جان عرفنا
بو عبد الله : والله انك متفيج اخوك مااندله وين وانت يالس تقرق عراسي
( بو عبد الله قبض التيلفون وتم يتصل حق راشد بسمحد يرد عليه )

بو عبدالله : عبد الله اخوك ما يرد ,,

(عبد الله تميحاول من تيلفونه بس محد )

بو عبد الله : عبد الله انهي شوفه فحجرته يمكن ردورقد
عبد الله : انشا الله ابويه ... بس انت احدر داخل برد برع .. وان شاء اللهبنلقاه
(بو عبد الله حدر الصاله وعبد الله ربع يطالعه في حجرته بس ما لقاه .... ام عبد الله استبطت بو عبد الله ونزلت تطالعه تحت )

ام عبد الله : بو عبدالله شو ميلسنك تحت
بو عبد الله : ولدج مارد البيت ... وما ندله وين ... ومايرد على التيلفون
ام عبد الله : منو منهم
بو عبد الله : منو غيره يعني .. راشد
عبد الله توه نازل من فوق
بو عبد الله : هاااه ابويه لقيته
عبدالله ( وتم يهز راسه على انه ما لقاه )
ام عبد الله : وا حسرتي على وليدي وينسار ( وشوي وبتصيح)
عبد الله : امايه لا تخافين انشا الله بنلقاه
بوعبد الله : يا بويه رد اتصل عليه مره ثانيه يمكن يرد الحينه
عبد الله تم يحاول ويحاول بسماشي فايده محد يرد
بو عبد الله : انا بسير ادوره
عبد الله: ابويه اللهيهديك وين ادوره
ام عبد الله: انزين اتصلو على ربعه يمكن يعرفون عنه شي
عبدالله : زين ( ويلس يتصل على كل اللي يعرفونه بس محد يعرف عنه شي وتمو كلهم مستهمينعليه )

ووصلت الساعه 7 هند توها ناشه من الرقاد وجافت الكل مختبص
هند : شو السالفه(وقالولها عن راشد )
بو عبد الله : بس انا ماروم اتريا اكثر عن جيبسير ادوره
عبد الله : الووووو........ رشود يالسبال وين انت ......نحن اندورك ..... امك وابوك مستهمين عليك وانت ولا داريبهم
حمدان : اخويه شوالسالفه انا مب راشد
عبد الله : هذا مب تيلفون راشد
حمدان : هيه
عبدالله : وشو يسوي عندك ....وانت منو
حمدان : انا حمدان بن سلطانال..............
عبد الله : حمدان !!! شحاك؟؟؟
حمدان: بخير وسهاله شوالسالفه وينو راشد هو نسا تيلفونه في موتري البارحه
عبد الله : راشد ما رد البيتمن البارحه
حمدان : انا عدي به البارحه الساعه 2 في المستشفى
عبد الله : مستشفى ؟؟؟؟
الكل فزو من مكانهم
بو عبد الله : منو في المستشفىراشد
حمدان : لالالا ...ابويه اللي في المستشفى
عبد الله : لا يابويه مب راشد

[آڷصّغيرۉنہْ ™]

حمدان خبر عبد الله عن سالفة البارحه كلها ومتى سار عنهم راشد
عبد الله : الله يعافيلك ابوك ياربي ... والحين هذا وين نلقاه وين سار
حمدان : هو كانمخلي سيارته في مبزره ما ادله جان رد عليها وشلها
عبد الله : مبزره ... خلاصاوكي انا بسير اشوف وسكر عنه
عبد الله :انا بسير مبزره اشوفه جان رد على سيارتهولا لا
بو عبد الله : انزين يلا خلنا انسير
عبد الله: لا يا ابويه انت خلكاهنيه
بو عبد الله : لا والله ما يلست يلا قوم خلنا نسير

وسارو عبد اللهوابوه بس لقو السيارة محلها وهذا اللي زاد من خوفهم وردو البيت وما شي خبر عن راشدوكل دقيقه واحد من ربعه يسويلهم تيلفون يتخبر عنه
وصلت الساعه 10 وما شي خبر عنراشد ريم سمعت حشره في البيت فنشت اتشوف شو السالفه ونزلت الهم تحت

ريم : بلاكم ... شو السالفه ... جنه ميتلكم حد ( وقالولها السالفه )
ريم يلست وياهمشوي
ريم : اوووووووه انا ماصليت
فطيم : سيري اتيددي وصلي
ريم احدرتميلس الحريم بتتيدد وبتصلي شوي وطلعت الصاله وهي ميته من الضحك
الكل : بلاج
ريم ( وهي اتاشر صوب الميلس )
الكل نشو وحدرو الميلس وشافو راشد راقد علىالغنفه
الكل تمو يضحكون على عمارهم وبو عبد الله من الحرجه فصخ اعقاله وشخطراشد شخطه
راشد : اااااااااه ... ونشلهم وهو يفرك عيونه .... بلاكم ..... شوالسالفه
عبد الله : الحين شو السالفه يالهرم عقب ما دارت روسنا ونحناندورك
راشد ( ويثاوب ) : ادوروني ليش ضايع
بو عبد الله( يرد يشخط راشد) : ويالس ينكت بعد ... مب ساد اللي سويته فينا
( وتمو يخبرونه السالفه )
راشد :ههههههههههه حليلكم والله توني ادري ان في حد يحبني في هالبيت
ام عبد الله ( وتلوي على راشد ): جيه ما انحبك فديتك انت الغالي زين جيه روعتنا عليك
راشد : انا راقد في الميلس لاني اعرفج كل يوم ادخنين .. وقلت يوم بتدخلين الميلس بتشوفينيوبتوعيني عشان اسير عند ربيعي المستشفى
بو عبد الله : حليله سلطان ما يستاهلاللي استواله ... وشحاله الحين
راشد : تم يقوللهم اللي قاله الهم الدكتور عنحالة سلطان
بو عبد الله : انزين ابويه قوم اسبح وبدل ثيابك خلنا بنسير الهم
راشد : انشا الله
عبد الله : ابويه انا بسير دبي اليوم
بو عبدالله شوتسوي
عبد الله : عندي شغل
ريم : انزين ودني بيت خالي
عبد الله : انزينيلا زهبي عمرج نص ساعه بالضبط وانا بركب الموتر اذا ما ريتج فيه بويه وما بترياج
ريم : ياله نص ساعه ما يواحيلي اسوي فيهن شي
عبد الله : والله كيفج
ريم : اففففف... انزين خلاص انا سايره اتزهب

[آڷصّغيرۉنہْ ™]

التكملة ؛

في المستشفى
بو عبد الله : ابويه حمدان نحن انترخص عنك الحين وامانه اذا احتيت لشيلا يرد الا لسانك وهذوه اخوك راشد وياك من تبى شي قوله وانا تراني حاضر
حمدان : تسلم يا بو عبد الله وقفتكم ويايه كم تسوى
بو عبد الله : ياله عيل ابويه راشدويهنا
راشد : انشا الله ابويه ... بس اباك اتوديني مبزره اييب موتريه هناك
بوعبد الله : انزين يلا .... مع السلامه
حمدان : الرب عليكم حافظ
حالةابو حمدان الا هيه ماشي لا تحسن ولا غيره ... الله يشفيلهم اياه

في موتر بو عبدالله
بو عبد الله : حليله حمدان .. اسمي انما ياهم خير
راشد : هيه والله
بو عبد الله : هم متى ردوا العين
راشد : لاهم ما ردوا بس يايين هنيييه فالاجازه
بو عبد الله : حليلهم ما تهنو فيها لجازه
راشد : قدر ومكتوب شو يسوون
بو عبد الله : عاد يا بويه هذا اخوك ما باكاتخليه
راشد : لا توصي حريص
بو عبد الله : جيه اباك
ويرن تيلفون راشد
راشد : مرحبا
منصور : مرحب باجي .. وشحالك يا بو سنيده
راشد : ما نشكيباس .. ومن صوبك
منصور : ترتوب
راشد : يعله مديم
منصور : وين ما سمعناصوتك من يومين ؟؟
راشد:والله لاهين في هالدنيا
منصور : شو ملهنك ... ما حيدكتشتغل
راشد خبر منصور عن بو حمدان
منصور : مسكين ... الله يعافيه عاد حمدانمن زمان ما شفته عدي به من كمن سنه
راشد : تراهم تحولو بوظبي
منصور : هيهسمعت ... انزين عيل بو سناد بخليك الحين
راشد : اوكي ... فداعت الله
منصور : مع السلامه
وسكر راشد عن منصور وسار مبزره وشل موتره ورد البيت ويا ابوه

وفي دبي وفي بيت بو مايد

منصور متصل حق ريم ( اللي هي ميرة )
منصور : عيووووووني والله تولهت عليج
ميره : لااااا .. تراك تقول بتتصرف وبترمسني طول الوقت
منصور : شو اسوي عاد اذا اخوج مايفج عني .. ويوم رد عني العين تلاقيت ويا ربع ثانين والتهيت ولا لقيت وقت
ميره : ليش انتبعدك في دبي
منصور : هيه بعدني بتم كمن يوم
ميره : وليش ما اتقولي
منصور : والله نسيت تراني الحين قلتلج
ميره : المهم طوفناها لكهالمره
منصور : ههه ادري اني ماهووون عليج
ميره : طاااع انتوو هااا .. وااااااثق الاخوو
منصور : وليش ما اوثق .. ؟؟ ماتقدرين على بعادي انتياصلاً
ميره : يحليلك والله منو قص عليك ؟؟
منصور : افاااااااااااااااا !!! جرحتيني والله
ميره : ههههههه لا تعرف اني اسووولف
منصور : لااا خلاص انجرحتانا بزعل يعني بصيح وبظايق
ميره : (( الزعل ماهو دموع و ضيقه وحسره ياخلي ومنيقول انه دموع وضيقه وحسره إشاعه ))
منصور : انزين ريماني .. ليش ماتغنينهاااا؟؟؟؟؟؟؟؟
ميره : وليش اغنيها ؟؟
منصور : لا ترا ناسي اللحن
ميره : أفاااعليك الحين بسمعك ياها
منصور (وهو مستانس) : بصووووتج ؟؟؟؟
ميره : لا بصوووتميحد !!
منصور : طاع .. لا اباها بصوتج
ميره : شمعنى بصوتي
منصور : لانهصوتج ماعليه زود الصراحه
ميره : شكلك تطري صوتك هب صوتي
منصور : هههههههههلالا أطري صوووتج
ميره : ليش في مره سمعتني أغني
منصور : هيه
ميره : هااااه .. اخرط على اللي ماتعرفه
منصور : والله سامع صوتج يوم تغنينعيل
ميره : هيه ماشالله صح صح .. ( وفي خاطرها اسمينا اتوهقنا هذا اكيد سامعريموه اتغني ياليت صوتي حلو والا جان بغنيله )
منصور : والله حتى كان صوتج خبالماشالله عليج !!
ميره : هههههههههه وشو كنت أغني
منصور : مشكلتي أهوااه !!!
ميره : ومتى سمعتني انشا الله
منصور : يوم كنتي اتغنين حق شموووه اختي
ميره : يعلــــــــــــــــــــــــج المااااااااااااااحي يا شمامي أكيد هياللي خلتك تسمع( طبعا لازم اتسوي هالحركات عشان ما يشك انها مب ريم )
منصور : لاانا اللي حطيت اذني ع السماعه ماطعت أفج عنها
ميره : اويييييييه سكر سكر .. والله فشله يله باي باي باي
منصور : شو باااي وين تبين .. صوتج حلو وصوتي حلوخلاص بنسوي دويتو
ميره : واثق من عمره الحبيب

[آڷصّغيرۉنہْ ™]

منصور : تقدرين تنكرين وتقولينانه صوتي مب حلووو ؟؟؟
ميره: لا الصراحه
منصور : بس خلاص عيل .. انزين فديتجأي لون يعيبج يعني حق دراجه ؟
ميره : فوووشي و اسود ( طبعا هي وريم كلهن يحبنهاللونين )
منصور : دراجة شباب مب دراجة بنات
ميره : ههههههههه ممم احمر واسود
منصور : تصدقين انا امبوني ماخذ دراجة حمرا و سودا .. بس قلت اذا يعيبج لونثاني ببدل
ميره : لااااااا يعني اونك بتاخذ بشوري الحين
منصور : هيه عيل
ميره : منصور .. بسألك سؤال بس رد عليه بصراحه
منصور : آمري ؟؟
ميره : انته اتحبني
منصور : لا
ميره : شوووووووووو؟؟؟؟
منصور : ههههههههههههههانا اموت فيج
ميره: (وهي مستحيه) يالسبال زيغتني
ميره ( فخاطرها ) : اقولهان انا مب ريم لاني تعبت الصراحه وانا اجذب عليه الحين هو يحب ريم ما يحبني انااااخ شو اسوي
منصور : ليش سكتي ؟؟؟
ميره : لا مااشي .. منصوري انا برمسك عقباوكي ..
منصور : متى يعني ؟؟
ميره : يعني عقب
منصور : ممم اوكي .. تحمليعلى عمرج
ميره: يو تووو تيك كير ..
سكرت عنه وهي بعدها متلخبطه .. عقبسكرت ع الموضوع وسارت الصاله و شافت ................................................( منو تتوقعون )
شافت ريمعندهم
ريم : سربرايز
وعقبها سلمو على بعض
ميره : هلا والله ليش ماقلتيلي انج بتين
ريم : ليش ما تباني ايي
ميره : لا حياج الله بس اول مرهاتين من دون لا تخبريني
ريم : قلت بسويلج مفاجاه
ميره : ياربي اونها البنتحركات
ريم : يلا عمي نحن نسترخص بسير فوق ويا ميرووه
بو مايد : مرخوصهالغاليه
ريم وميره توهن حادرات الصاله اللي فوق شافتهن سلامه
سلامه : ريماني .. ( وتربع صوبها واتسلم عليها ) منو يايبنج ..راشد صح.. وينو تحت
ريم : حشى يا امي مب حب لا الغالية انا يايبني عبد الله
سلامه : افا وليش ما قلتي حقراشد اييبج
ريم : والله رشود البارحه ياي من دبي ما طاع اييبني اونه امس ضاربخط دبي
سلامه : وشو يسوي فدبي
ميره : ياي ويا ربيعه يشترون دراجات
ريم : هاااااااا وانتي شدراج
ميره ( وهي متلخبطه ) : ها ترا انتي توج قلتيلي ونحنصاعدين عالدري
ريم : مع اني ماحيد اني قتلج بس يمكن لاني دوم انسى اللي اقوله
سلامه : زين يوم انا جييه السالفه
ريم : لا بعد سارو المول يغازلون شوي
سلامه ( وتكفخ ريم على راسها ) : خايسه لازم تقهريني بس لا تحاولين عادي عندي
ريم : ههههههههه ... وي ما خبرتكم شو سوابنا رشوود اليوم
ميره وسلامه :شووووو
ريم خبرتهم عن سالفة راشد وتمو يضحكون عالسالفه
ميره : خليها عنجهااي ترانا لو تمينا نرمس عن راشد ما بنخلص اليوم
ريم : يلا سلاموه انا عيزانهعقب الخط بسير اريح شوي
سلامه : برايج اصلا انا بنزل المطبخ اسوي سويت

[آڷصّغيرۉنہْ ™]

وحدرنريم وميره الحجره
ريم : تدرين منو شفت البارحه
ميره : منو
ريم : منصور
ميره : شووو ......منصور .... وين شفتيه
ريم : انزين ليش حرقتي
ميره : لا عادي بس استغربت..... ووين شفتيه انشا الله
ريم تمت تخبر ميره عن سالفهالسياره والمول ( مسكينه الاخت تتحراه منصور هذا ناصر )
ميره ( في خاطرها ) هايكيف شافته وهو يقولي انه امس من الصبح في دبي وبات هنيه بعد )
ميره : انتيمتاكده انه هو مب مشبهه عليه
ريم : اقولج ابويه عرفه وقالي هذا ولد سيفال.........
ميره : اها( عيل هو ليش يجذب عليه ... يا ربي يا هالانسان اللي مااقدر افهمه )
ريم : حوووووه .. وين سرتي
ميره : هااااا . .. وياج وياج
ريم : عطيني تيلفونج شوي
ميره : ها ..تيلفوني .. ليش .. شو تبينه ما فيشي
ريم : انتي بلاج مب طبيعية ابغي مسجات من تيلفونج
ميره : ما عندي ... شورايج انسير عند سلامه هي عندها مسجات حلوه
ريم : زين يلا
ميره( في خاطرها ) : افففف.... زين ما انجكينا ... انا لازم اسويلي رمز حق التيلفون اخاف اتزخه واناما ادري ... ياربي شو هالبلشه ... انا شو سويت ليش رمسته من البدايه ... اللهيغربلني ...)
وهن نازلات تحت رن تيلفون ميروه وكان منصور متصل ميره لو شفتو شواستوابها في هالحزه
ريم : هاتي انا برد
ميره : ها .. لا .. انا برد ...هايربيعتي تباني في سالفه
ريم : سلامه بلاها اختج انا طول عمري ارد على تيلفونهاوهي ترد على تيلفوني بلاها اليوم وتصرفاتها مب طبيعيه
سلامه : انا مالاحظتهالشي ما ادريبها والله انتي تعرفينها اكثر عني
فوق في حجرة ميره
ميره : هلامنصور
منصور : اهلين بلاج مارديتي بسرعه
ميره : لابنت عموتي عندنا وهي دوميالسه ويايه ما اروم ارمسك جدامها .. انت لا تتصلي هاليومين انا اذا فضيت بتصل بك
منصور : انتي ما قلتي انج بتسيرين دبي
ميره : هيه تراني انا اللي يايتنها مبهيه اللي يايتني بس انا من الزيغة متلخبطه
منصور : يعني انتي في دبي
ميره : هيه
منصور : اوكي يلا عيل بخليج الحينه الربع يايين صوبي .. باي
ميره :باي
ريم دخلت الحجره على ميره
ريم : ميروووووووووه
ميره( انقزت من الزيغه ): هاااا
ريم : بلاج تروعتي
ميره : انتي روعتيني ما حيد حد عندي فالحجرة
ريم: انزين ما علينا ...شو رايج انسير مول الامارات
ميره : اوكي .. بنسير .. شو ورانا
ريم : عيل انتي سيري قولي حق امج وانا بسير اقول حق سلاموه عشانتزهب وتسير ويانا
ميره : اوكي
اتزهبن البنات وسارن المول

[آڷصّغيرۉنہْ ™]

مول الامارات
ريم : شو رايكن نحدر لسكي .. انا من زمان ماحدرته
ميره وسلامه : اوكي
البنات توهن واصلات صوب لسكي وجان يجابلهن منصور
ميره من شافته اتروعت
ريم سوتله طاف ومشت ... هو سيده اتصل حق ريم ( الليهي ميره )
منصور : جيه ما قلتيلي انج بتين المول
ميره : ها ما ادري نحن ماكنا معزمين .. مره وحده عزمنا
منصور : ولو لازم اتقوليلي ... بعدين تعالي اناما اشوفج ترمسين بتيلفون
ميره :اااااا لا انا مركبه سماعات بلوتوث
منصور : حركات بعد
ميره : انزين يلا باي بنات خالي يزقرني
منصور انزين لحظه بتحدرنلسكي
ميره : هييه
منصور : خلاص عيل يلا باي
ميره : باي

حدرنالبنات لسكي ومنصور حدر وراهن وتم يروغهن ويطالع ريم بنظرات

ريم : اففف ..هذا بلاه .. شو هالحركات
ميره : خليه يولي لا تسويله سالفه
ريم : انا مبمسوتله سالفه .. بس هو لعوزني ماروم اسير مكان الا والقاه جدامي
ميره : انزينامشي .. امشي خلينا نسير اهناك
تمن البنات يلعبن بالثلج ويتفارن وريم بالغلطوهي يايه اتفر الثلج على ميرووه ميرووه نزلت ويا الثلج على ويه منصور
ريم : اتلومت ....( وسارت صوبه ) السموحه الشيخ كنت ابا افر بنت خالي
منصور : مسموحه .... بس نتفاهم بعدين
ريم ما فهمت قصده بس سوتله طاف وروحت عنه وعقبها طلعنالبنات من لسكي وتمشن شوي وتشرن اغراض وردن البيت
في السياره
سلامه : يواذكرج وانتي تفرين الريال اظحك
ريم : هي الله يغربله ... ما ادري شو سالفته ... طول الوقت يلحقني ... اتخيلي يوم استسمحت منه قالي بنتفاهم بعدين ...
سلامه : شو قصده يعني
ميره ( فاهمة شو السالفه ): يمكن كان يبغي يفرج بعدين
سلامه : هيه صح يمكن
ريم : والله جايز ... يالله لا خل يولي الا منصوروه هو
سلامه : شوووووووو... وانتي كيف اتعرفينه
ريم: اووو انتي ما تدرين هذا اخو ربيعتي وربيعرشود اخويه
سلامه : وافديته

[آڷصّغيرۉنہْ ™]

ميره : منو منصور

سلامه : أي منصور انتيالثانيه رشوووووودي حبيبي
ريم : اسميج قاصه على عمرج ... وهو ما درى عن هوى دارج
ميره : ههههههه
ريم : بس اتصدقون انا واايد مستغربه من حركاات منصور ما كنتاتوقع منه هالحركات وهو يعرف اني اخت ربيعه
ميره : مب انتي اتقولين انه عايبنجيعني عادي
ريم : شوو عادي انتي الثانيه .. جييه الغاليه نسيتي انا بنت منوبعدين عايبني اوكي لشكل بس .. بس مب لشي ثاني
ميره : ( حبت اتغير السالفه ) اااا ريموه شفتي القوتشي اليديده طر صح
ريم : أي وحده ما انتبهت الها والا جانخذتها
سلامه : هيه عاد انتي امره زاهبه اللي فخاطرج بتاخذيينه مب نحن مالتعلينا
ريم : احم احم ... ريم بنت سعيد ال...... يعني لازم
وتمن البناتيسولفن لين ماوصلن البيت
في العين وتحديدا في موتر ناصر ال...........
ناصروهو يسمع اغنية قمه مالت ميحد وكان مندمج وايد ويغني وياه


( هيمن على أرقى الجمال ولمه .. وجمع ثقافات البشر في تاجه
قمه على قمه وذوقه قمه .. ذوق وجمال وغرة (ن) وهاجه
طرف (ن) كحيل وفي رموشه سمه .. والعود يسبي داجهوديباجه
خصر (ن) مثل كسره وراها ضمه .. وفتحه على حد السكون تواجه
أهتم منهمه وهمي همه .. ومنهاج قلبي منهجه منهاجه
دمه على دمي ودمي دمه .. اهوا الدواوانا طبيب علاجه
في ذمتي يا نور عيني ذمه .. ذمه ولا لي حاجه محتاجه
لكن لكشي فوادي ظمه .. يا من على قلبي حكم بأسياجه
يا سيد مغرور الجمال وعمه .. يا تاجراس الحسن زيد احراجه
قل تم يا عمري وقولي تمه .. يا نشوة القلب الشجي وافراجه )


ناصر : اااااااخ صورة هالبنت مب طايعه تخوز عن بالي .. فيها شيعمري ما شفته في بنت ثانية ... غرورها و ثقتها بنفسها كم تسوى ... ااااااخ شوهالحاله اول مره يستويلي جييييييه من متى انا افكر في بنت طول عمري والبنات اللييركضن ورايه .. لكن هاي غير .. اففففففف الله يعيني على هالحاله

[آڷصّغيرۉنہْ ™]

السموحة منج ذبحهم عوقي تراني نزلت البارت الخامس



الــ[ـبـ‘ ــآآرت ْْْ الخـ~آمــ‘ـٍس [فقط الأعضاء المسجلين والمفعلين يمكنهم رؤية الوصلات]

في المستشفى
راشد ساير صوب حمدان وفي هالحزه لمح شما طالعه من وحد من الغرف ( في البدايه هي ما كانت متغشيه ويوم وقفت برع اتغشت ) راشد اتروع وسار صوبها بسرعه
راشد : شما ما من شر شو يايبنج المستشفى
شما ( مستغربه ) : منو انت ... وكيف عرفتني
راشد : افا ما تذكريني .. انا راشد بن سعيد
شما : اها انت اخو ريم ... بس كيف عرفتني
راشد : وحد ينسى قلبه
شما : لو سمحت بلا عالكلام اللي ماله داعي... عن اذنك
راشد : لا دخيلج لا تسيرين ... ماقلتيلي شو اللي يايبنج هنيه بروحج
شما : انا مب يايه بروحي انا يايه ويا امايه عند وحده من ياراتنا منومه اهنيه
راشد : اهااا... عاد انا اتروعت من شفتج
شما : المهم الحين اطمنت .. ممكن تروح عن ايي حد ويشوفك واقف ويايه
راشد ( وهو معصب من اسلوبها ) : والله ما حيدني سويت شي غلط ياي اسوي الواجب واطمن عليكم ... ومشى عنها
شما : هذا بلاه شو سالفته
وتطلع ام شما من الحجره
ام حمد : شما انتي منو كنتي اترمسين ... سمعت حسج وانا داخل
شما : هاا.... انا كنت ارمس بالتيلفون ربيعتي متصلتلي
ام حمد : زين .... يلا خلينا انسير قبل لا يرد ابوج البيت ولا يلقانا
شما : انشا الله
سارن شما وامها صوب الباب بس مالقن الدريول
شما : اماية الدريول مب موجود
ام حمد : يالله يعلني بلاه وين نفد
شما : وانا اشدراني
ام حمد : اتصليبه شوفيه وين
شما اتصلت حق الدريول
محي الدين : الووو
شما : حوووه وين انت
محي الدين : ماماه انا يسير ازبه بابا قولي تعال مناك
شما : شو العزبه ... ونحن منو بيردنا البيت
محي الدين : انا فكر انتو اجلس مناك واجد
شما : يعلني بلاك ... جيه وين سايرين المول اتم وايد هذا مستشفى يالخديه
محي الدين : انا مافي معلوم ...... انا ييجي الهين بس نص ساعه انا سير بيت جيب سياره
شما : والعثره شو نص ساعه جيه وانت شو عندك من المواتر
محي الدين : ماماه انا فيه كروزر
شما : يعلك السم خلاص انزين انا بسوي حق ناصر انت التعن عقب بنتفاهم وياك
وسكرت عن محي الدين
ام حمد : والحينه شو الراي
شما : بسوي حق نصور بشوفه ... ((وتسويله بس ما يرد )) شو هالحاله وهذا بعد مايرد
وفي هاللحظة ظهر راشد من المستشفى وشاف شما وامها ويوم جافهن يتحرطمن سار صوبهن
راشد : السلام عليكم ... شحالج خالتيه
ام حمد : وعليك السلام ... منو الريال ما عرفتك
راشد : افااااا ..خالتي انا راشد بن سعيد ال.........
ام حمد : هيي الغالي فديتك اسمحلي بس تراني ما اشوفك عدل من ورا الغشاه .. وشحالك ؟؟
راشد :بخير وسهاله ... الا بلاكم واقفين هنييه في الشمس
ام حمد : هذا الدريول العله نفد عنا .. ونتصل حق ناصر وما يرد علينا
راشد: انزين خالتيه اتفظلو انا بوصلكم ... (( وهو عينه على شما ))
ام حمد : مشكور يا ولديه بس ما نبا انعبل عليك
راشد : لا عباله ولا شي اتراني شرات ولدج وانا الا ساير البيت
شما ساكته ولا كلمه ومستغربه من نظرات راشد ... حركاته
ام حمد : وانا اشهد انك شرات عيالي يلا عيل امرنا لله بعد شو نسوي .. يلا عيل بنسير
شما : (وهي تصاصر امها ) امايه شو تبين تركبينا ويا ريال غريب
ام حمد : هذا لب غريب ولا شي هذا حسبة ولدي... يلا خطفي خلينا انسير بعد يزاته الريال بيوصلنا
شما : يا ربيه
راشد سمع رمستهن كلها ويته ضحكه بس تم ميود عمره
عقبها سارن وركبن الموتر ووصلهن راشد لين البيت وهو طول الوقت يطالع شما من الجامه وهي لا حظت هالشي بس ما تقدر تقول شي جدام امها
توهم واصين البيت انزلن شما وامها من الموتر
ام حمد : راشد قرب بتقهوي
راشد : لا يطولي بعمرج .. خيركم سابج
ام حمد : حرام لتنزل وتتقوهي
شما ( في خاطرها ) : ياربيه يامايه انا ما صدقت انا وصلنا عشان افتك من نظراته وانتي تبغين اتحدرينه البيت
راشد : ليش اتحلفين ... عاد ما نروم نفيربج
نزل راشد ودخلته ام حمد الصاله لان على قولتها حسبت ولدها
ام حمد : شما ازقري عالبشاكير يحطن لهواله وهاتي له عصير
شما : (وبصوت واطي ) انشا الله امايه
راشد : (في خاطره ) يالله فديت هالصوت انا ( وطول الوقت عينه عليها )
شما سارت ويابتله العصير ويوم يايه بتعطيه اياه شافت نظراته الها وتروعت يوم مد ايده يبا ياخذ العصير عنها جان اتوطي العصير عالطاوله وظهرت من الصاله
راشد تم يضحك على حركتها وعقبها تم يهبش وكانو حاطيله اسويت ويوم اطعمه اذكر السويت اللي مسوتنه ريم اخته
راشد ( فخاطره ) : هذا اكيد شما مسوتنه .... اااااخ هو روحه حلو بس ايديها فيه تخليه احلى واحلى
راشد : ونش عن السماط .... اكرمكم الله
ام حمد : وانته جريم
راشد : اسمحولي انا اترخص الحين
ام حمد : مرخوص يالغالي
ظهر راشد من بيت سيف ال........... وهو مستانس لانه شاف شما صح انها كانت متغشيه بس هو قدر ايشوف ويها لان شيلتها خفيفه ويكفيه يوم شافها في المستشفى يوم عقت الغشوه .. عقبها تم مشغل اغنية المعجزه (( ميحد )) ويغني وياه ويحوط في الشوارع
يا مغشيه عني البياضي ْ~ْْْْْْْ ْ شلي الغشاوه قبل لا موت
يامعجزة كل سبع الاراضي ْ~ْْْْْْْ ْ لو مالفواكه قطعة التوت
يافرض ما انتي بافراضي ْ~ْْْْْْْ ْ يعني حقيقة صورة او صوت
وانتي فعل ماهو بماضي ْ~ْْْْْْْ ْ قربي وانا بالقرب مبخوت
مستقلبي جنة رياضي ْ~ْْْْْْْ ْ مستقبلج في القلب منحوت
مادام اداريبج واحاضي ْ~ْْْْْْْ ْ اوعدج عمرج بالهنا يفوت
القلب قبلج كان فاضي ْ~ْْْْْْْ ْ جيتيه وانشيتيبه بيوت
وانا دخلت الحب راضي ْ~ْْْْْْْ ْ ويموت من هو وده يموت
................................

في دبي وفي بيت خليفة ال............ الساعة 2 من الليل

البنات سهرانات في الميلس اونه شاردات عن مهره عشان ما تيهن ... ويالسات يشوفن فلم رعب
ريم : هالفلم جديم انا شايفتنه كمن مره
سلامه : ياذكية اصلا هذا مالكم نسيتي يوم اخذه من عند رشود
ريم : ايواا
ميره يالسه تسولف ويا منصور بالمسجات
ريم : ميرووووووووووه
ميره (وتنقز من الزيغه ) : وويع يا ريموووه صمختيني انا هنيه عدالج مب في العين
ريم : انتي عدالي ما قلنا شي لكن عقلج ما ادري وين اضني في العين
ميره : انتي شدرات ... كيف عرفتي
ريم : هااااا ...يعني في حد في العين وانا اقول البنت مب طبيعيه ثرها تحب
ميره : ها منو قال انا احب لا حشى عليه
ريم : حشى عليج وانتي طول الوقت سرحانه وقابضه تيلفونج جنه بيسرقونه عنج
ميره : اقولج شي تابعي تابعي الفلم احسن لج
سلامه : بس لا خلوني اتابع الفلم
ريم : عاد قلنا الفلم من عند رشود بس ترا هو ما يمثل وياهم صدقيني لا تندمجين وايد
سلامه ( وتفر ريموه بالمخده ) : سباله
وتمن البنات يتابعن الفلم والحين بدا الفلم يزيغ وطلعن مشاهد الرعب .. وكل ما يطلعون شي يزيغ كل وحده تخش ويها في المخده وشوي وحد يحدر عليهن وشافن ظله على ليدار
ريم وسلامه وميره : واااااااااااااااااااااااااااااااااااااااااااااا (مندمجات عدل )
.
.
.
.
.
.
.
.
ويشغل الليتات : وويع يويعكن بلاكن تباغمن
ريم وسلامه وميره (ويصدن صوبه):ميووود
مايد : لا كاسبر
ميره : سبال زيغتنا
مايد : يحليلكن شكلكن وايد اندمجتن في الفلم
ريم يالسه ومنخشه ورا سلامه لانها كانت ابجامتها وفاتحه شعرها ومب لابسه شيله
سلامه : ميووود انت ما تستحي على ويهك ... يلا قوم اطلع برع
مايد : ليش شو سويت
سلامه : البنت يالسه ابجامتها وانت تام محلك
مايد : أي بنت .... انتي بلاج ... شو السالفة ؟؟
ميره : ميود ريموه بنت عموه عدنا
مايد : ( وتوه ينتبه ان فيه وحده يالسه ورا سلامه ) السموحه والله ما شفتها
وظهر من الميلس بسرعه وهو متلوم
ميره و سلامه :ههههههههه.... بلاه اختبص
ريم : يلا لا فكونا خلونا انشوف الفلم
ويلسن البنات يكملن الفلم لين ما خلص وعقب سارن حجرهن يرقدن

[آڷصّغيرۉنہْ ™]

في حجرة مايد ....الساعة 3 من الليل
مايد : اففففف انا شو سويت الحين شو بتقول عني ريم ... بس كان شكلها وايد حلو وهي فاتحه شعرها انا اول مره اشوفها جييه... اوو انا شو يالس اقول مب انت يا مايد اللي تقول جيه ... ياربي يالفضيحه الحين شو اسوي .. بسير ارمس ميره بخليها تستسمحلي منها
ظهر مايد من حجرته وسار صوب حجرة ميره ودق الباب
%طق..طق..طق % ( اونها دقت الباب ...~ طوفو )
ميره كانت راقده وريم بعدها ما رقدت ... ريم سمعت الدق على الباب
ريم : منو
مايد : انا مايد ابغي ميروووه
ريم ( وهي توعي ميره ) : ميروه .. نشي
ميره : اهممممممممم ... بلاج شو تبييييييييين
ريم : حشى انتي وحالج امره رقدتي تونا حادرين الحجره ... قومي اكووه مايد يباج عالباب
ميره : قوليله راقده
ريم : ميرووه عاد اتنشين والا اصب عليج ماي بارد
ميره : اففففففففف انزين بنش بشوف السيد مايد شو يبا نص الليل
ونشت ميره وهي ما تشوف دربها من الرقاد وفتحت الباب
ميره : هااا بلاك شو تبا موعني من رقادي
مايد سحب ميره من الحجره اوداها صوب الصاله
ميره : بلاااااك
مايد : ميره انا بقولج شي
ميره : قووول
مايد : انا متلوم في ريم والله اني ماشفتها انها كانت وياكن
ميره : اندوكم هذا .... باباتي ما صار شي انت بلاك ماخذ السالفة جد ترا عادي
مايد : شو بتقول عني البنت
ميره : بقولك شي لا تستوي جيه ترا هي ولا على بالها
مايد : صدق
ميره : هيه صدق
مايد : يعني ما قالت شي يوم ظهرت عنكم
ميره : لا .. اصلا ما حطت السالفه في بالها
مايد : الحمد الله ... ريحتيني
ميره : الحين عادي اسير ارقد
مايد : هيه انفدي
ردت ميره الحجره وقالت حق ريم السالفة وتمن يضحكن على مايد
ريم : حليله والله ما توقعت ان مايد جيه .... اتحريته شرات رشووود
ميره : اتصدقين حتى انا استغربت من حركته ... اقولج شي خلينا نرقد احسن

[آڷصّغيرۉنہْ ™]

تااااااااااااااااااااااااابع >>

وفي العين وفي بيت سعيد ال......... وقت صلاة الفير

بو عبد الله وعبد الله نازلين بيسيرون المسيد وشافو راشد يالس في الصالة ويوم شافهم سار وحب ابوه على راسه
عبد الله : طبعا كالعاده الاخ توه راد البيت
راشد : لا انا في البيت من الساعة 12
عبد الله : عيل شو ميلسنك في الصاله
راشد : بسير اصلي ... ولا بعد ممنوع عليه
عبدالله :يعني تبغي تقنعني انك ناش عشان الصلاه
راشد : انا من امس ما رقدت ... وبعدين شوفيها اذا نشيت حق الصلاه
عبد الله : قول انك من امس مب راقد ... وانا اقول انت ما تنش للصلاه
راشد : جيه قالولك يهودي لا ابويه انا انش حق الصلاه كل يوم بس اصلي في البيت لاني ما الحق عالصلاه في المسيد ... وانا شاء الله من اليوم وساير بسير اصلي في المسيد
بو عبد الله : بارك الله فيك يا ولدي .. جيه اباك .. تعال انت جيه ما رقدت شي يعورك مريض
عبد الله : هذا مريض .. ما اتشوفه جنه حصان جدامك
راشد : ( وهو لايعه جبده من عبد الله وخاطره يعطيه طراق على ويهه بس مايروم لانه اخوه العود ولازم يحترمه ): لا ابويه انا بخير وما فيني شي بس قامضني حمدان ربيعي حالته حاله لا ليله ليل ولا نهاره نهار
بو عبد الله : هيه ... عيل يلا يا عيالي خلونا نسير المسيد قبل لا يصلون عنا
وسارو المسيد وعقب ردو واتريقو ويلسو شوي وقام بو عبد الله بيسير صوب العزبة
راشد : ها ابويه وين العزم ؟؟
بو عبدالله : بسير صوب العزبه
راشد : عيل بخاويك
عبد الله : تعال انت شو سالفك اليوم ساير ويانا المسيد والحين بتسير العزبه
راشد : انا لله .... تعال انا بتخبرك شو تباني اسويلك عشان ترضى يعني اذا ما سويت اللي تباه ما عيبك واذا سويت اللي تباه بعد ما عيبك ...شو اسويلك يعني
عبد الله ( وهو مستغرب من اسلوب راشد لانه اول مره يرمسه جذيه طول عمره يتروع منه) : وانت بلاك اترمسني جيه
راشد : ابويه يلا سرنا
بو عبد الله : لا يا ابويه انت ما رقدت من البارحه سر وط راسك وارقد
راشد : ابويه انا ما فيني ارقاد ... واذا فيني ارقاد انته اعرفني ما بتريا حد يقولي سر ارقد
بو عبد الله : صدقت ... عيل يلا نحن انترخص مع السلامه
عبد الله و ام عبد الله : الله يحفظكم

في سيارة بو عبد الله
بو عبد الله : راشد انته بلاك حالك مب عايبني
راشد : ابويه لا تحاتي انا ما فيني شي
بوعبد الله : كيف ما تباني احاتيك وانت ما ترقد وما تاكل ودوم سرحان واتفكر بلاك يا ولدي قولي انا ابوك لا تخبي عليه شي
راشد : ابويه لا تحاتي ولدك ريال ما ينخاف عليه
وتمو ساكتين شوي
راشد : ابويه تبا عزبة الحلال قبل ولا عزبة البوش
بو عبد الله : عزبة البوش
وصل راشد وابوه العزبة .... بو عبد الله سيده سار صوب البوش
راشد حدر الميلس( تعرفون انتو هل البوش لازم يسوولهم ميلس في العزبه ) وقبض تيلفونه وتم يكتب مسج (( صباحك خير ياعمري ... عسا يومك هنا وافراح
)) وكان خاطره يكمل بس ؟؟؟؟؟؟؟؟؟؟؟ وتم متردد يطرش المسج ولا لا وعقبها اتشجع وطرش المسج حق شما ... ويوم طلعله تم التسليم حس ان دقات قلبه تزيد وهو ما يعرف شو السبب ... وتم حاط على رقمها ويطالعه لين ما رقد والتيلفون طاح على صدره ..... بو عبدالله لاهي بالبوش ....وشوي وبدا يطيح نفاف .....والنفاف تم يزيد لن ما ياهم مطر صبيب راشد انتبه على صوت المطر على المظال ونش بسرعه وطلع يشوف المطر
راشد : ما شاء الله الله يزيده .... اوووووه ابويه وين
راشد ( وهو يباغم ) ابويه ... ابويه
بو عبد الله ( وبصوت عالي ) : راشد تعال انا هنيه عند سيم البوش
راشد سار صوب ابوه ولقا العمال يراكضون اللي يحدر البوش في السيم واللي يغطيهن وتم يساعد ابوه والعمال لين ما خلصو وسارو صوب الميلس
راشد : يا الله بردنا
بو عبد الله : خل انت البرد الحين شو الراي ثيابنا خرسن شقا نحففهن الحين
راشد : نرد البيت
بو عبد الله : زين
طبعا الرحمه كانت تقريبا على الامارات كلها

[آڷصّغيرۉنہْ ™]

في بيت سيف ال............ الساعه 8:30 الصبح

شما : يااااااااااااااااااااااااااااااااااااي .. يطيح مطر وتامه اترابع في البيت شرات اليهال وشوي وايي ابوها
بو حمد : السلام عليكم
شما ( سارت صوب ابوها وحبته على راسه ) : هلا ابويه
بو حمد : ها بنتي شو ناشنج من وقت
شما : سمعت صوت المطر ونشيت
بوحمد : هيييه
شما ( واونها تدلع ) : ابويه
بوحمد : لبيه الغاليه
شما : ابويه بتحوطني يوم بيوقف المطر
بوحمد : انشا الله .... عقب الغدا بنظهر وبنتحوط رباعه
شما : الله فديت ابويه انا
بو حمد : الا وين اخوانج
شما : حمد من البارحه ساير بوظبي عند عمه ( ابو حرمته ) .... ونصور ومنصور كالعاده رقود
وفي هاللحظه ناصر ومنصور نازلين
ناصر ومنصور : منو هم اللي رقود
شما : بسم الله ... انتو متى نشيتو
ناصر : من شوي ( وسارو صوب ابوهم يوايهونه )
بوحمد : ها عوين العزم انشا الله .. شكلكم بتطلعون
منصور : بنسير نييب دراجاتنا من العزبه عشان نعبيهن بترول وخلاف بنظهر ويا الشباب
شما : الله ... دراجات انا ابا
ناصر : نعم ..... استريحي استريحي ... هذا اللي قاصر بنات ودراجات .. اقول صكي الدعنه اخير لج
بوحمد : انزين عيالي الله يحفظكم ..بس ها عن السرعه بالدراجات
ناصر ومنصور : انشا الله .... تامرونا بشي
وتدخل ام حمد الصاله : هااا ها وين .... ما شي طلعه قبل ما تتريقون
منصور : امايه الحين بنخطف على بابو بناخذلنا من عنده كرك وسندويج جبن
ام حمد : الحين انتو بتخلون اكل البيت النظيف وبسيرون تاكلولي هالاكل السم ... ماشي حرام ما ظهرتو من البيت قبل ما تتريقون
ناصر: اااااااااه ... الله يهديج يا امايه شله اتحلفين
منصور : يلا خطف جدامي خلنا انتريق بسرعه لا انتحير عالشباب
ناصر : اقول بو سيف ( يطري منصور ) انا خويك فديتك لفلي ويااك خبزه وجبن وصبلي كوب حليب ما اروم اسير لين هنااك
منصور : الغالي ما تباني البسك نعالك بعد
ناصر : اكرم علييك .. نعالي هين روحي بلبسه .. انته سر هاتلنا الريوق الحين
منصور : ( ويدز ناصر ) اقول خطف جدامي لا اهفك بطرااق
الكل تم يضحكون عليهم ... خلاف اتريقو وظهرو من البيت
شما سارت صوب حجرتها وقبضت تيلفونها وشافت المسج اللي من عند راشد حست بعمرها انها استانست بس ما تعرف ليش وجان تكتبله مسج (( صباحك النور .... ومن قال انشا الله )) ويايه بطرش المسج بس وخافت ان هالمسج يخلي راشد يزيد من مسجاته وعقب بتتوهق وما بتقدر عليه .. فمسحت المسج وفرت تيلفونها هالشبريه وتمت اتوايق من الدريشه واتشووف المطر

وفي بيت سعيد ال.........

راشد وابوه توهم واصلين البيت وكل واحد منهم سار حجرته يبدل ثيابه عقب انزلو تحت
راشد ( وهو ساير صوب الدريشه ويوايج برع ) : ما شاء الله
بوعبد الله : الحمد لله على هالرحمه
وفي هاللحظه رن تيلفون راشد وكان حمدان متصل
راشد : مرحبا
حمدان : مرحبتين الساع ..وشحالك
راشد : بخير ربي يعافيك ومن صوبك
حمدان : الحمد لله ... مبروك عليك الرحمه
راشد : علينا وعليك ..... اسمحلي ياريال ماييتك اليوم
حمدان : مسموح ... مب لازم اتعبل على عمرك واتيني كل يوم
راشد : ماشي عباله ياريال انته اخويه وهذا واجب طال عمرك
حمدان : ها شخبار الحب وياك
راشد : والله انك متفيج
حمدان : هههههه ليكون تستحي
راشد : جب ما عليه نتفاهم بعدين ... الا اقول وين انت الحين
حمدان : في المستشفى
راشد : عيل بيي صوبك عقب شوي
حمدان : زين ... عيل ما طول عليك تامر بشي
راشد : سلامك
حمدان : الله يسلمك في مان الله
راشد : في مان كريم
وسكر عنه
بو عبد الله : هذا حمدان
راشد : هيه
بو عبد الله : شو حاله ؟؟
راشد : لا الحمد لله اليوم اسمع حسه احسن ويالس يسولف
بو عبد الله : الحمد لله
راشد : ابويه اسمحلي الحين بسير عند حمدان
بو عبد الله : مسموح وسلملي عليه
راشد : سلام يبلغ بخير
ظهر راشد من البيت وسار صوب حمدان

في دبي وفي بيت خليفة ال..........ريم : الوووووو
شما : وينج يالقاطعه
ريم : هههه.... هلا
شما : اهلين
ريم : شحالج
شما : الدار من عقبكم ماهي بمرغوبه
ريم: ههههههه.... مسكين حالج
شما : ويا ويهج .. علومج
ريم : علوم الخير
شما : يطيح عندكم مطر
ريم : هيه
شما : صبيب شراتنا
ريم : هيه ... بس ياليتني كنت في العين على هالجو جان الحين ابويه يالس يحوطني في البر
شما : حليلج انا ابويه قالي عقب الغدا بيحوطني
ريم : يحظج .... ابا ايي العين
شما : انزين تعالي
ريم : منو بييبني
شما : خلي حد من اخوانج اييج
ريم : هههه ... ضحكتيني ما حصلتي غير اخواني بييوني
شما : عيل ودوج اهناك
ريم : اصلا عبد الله كان اوردي ياي دبي وانا قتله بسير وياك ... اتصدقين يتني فكره بخلي مايد اييبني وبخلي ميروووه اتي ويايه العين
شما : فكره حلوه ... تعالو اليوم عشان باجر نسير رباعه ونقيل في البر
ريم : اوكي ... بس بدون دراجات انا ما بسير
شما : اخواني عندهم دراجات ومنصور شاري بانشي يديده
ريم (من سمعت اسم منصور استانست ) : الله بس كيف انا بسوقها
وفي هاللحظة يحدر منصور على شما
منصور : سلام
شما: وعليكم السلام ... منصور طالبينك طلبه قول تم
منصور : شوه
شما : انت قول تم قبل
منصور : مب قايل
شما : ربيعتي تبغي تسوق البانشي مالك
منصور : لا ... انا خبله اعطي البانشي بنت عشان اتنفدها شو
شما : ريمووووووه ما طاع حاولي ويا اخوج تراه ماخذ شرات بانشي منصور
منصور (من سمع اسم ريم صد صوب شما ): اذا تبا ترا عادي بس بدون سرعه
شما ( وهي مستغربه ليش غير رايه بسرعه ): منصور من صدقك
منصور : عيل اقص عليج
شما : ريمووووه خلاص قال بيخليج اتسوقينها ( وفي هاللحظة منصور شل التيلفون بسرعه وحطه على سبيكر )
ريم : اللاااااااااااااااااااااااااااااه بسوق البانشي شما فديج انا احبج واحب اخوج ثانكس ثانكس
منصور من سمع رمسة ريم اتخبل وتم يضحك وعقبها فر التيلفون على شما وسار وهو مستانس
منصور وفي خاطره ( فديتها تحبني خل اتصل ابها )
شما وريم كملن سوالفهن وتمن يخططن حق رحلة باجر

[آڷصّغيرۉنہْ ™]

وفي حجرة ميرة
رن تيلفون ميره
ميره : الوووووو
منصور : هلا حبيبتي
ميره ( وهي مستحيه ) : اييه منصور انت ما تستحي
منصور : حبيبتي حبيبتي حبيبتي
ميره : ماصخ
منصور : حطيلي ملح هههه
ميره : سخيف
منصور : ريماني
ميره : لبيه
منصور : لبيتي في منى .... قوليلي احبك
ميره : شووووووو
منصور : انزين توج قلتيلي قوليلي مره ثانيه
ميره : متى قتلك
منصور : تراني سمعتج وانتي ترمسين شما واتقوليلها احب اخوج
ميره ( وهي معصبه وتقول في خاطرها هاي اكيد ريمووه بس هاي كيف اتقول حق شما هالرمسه ) : وانت ليش تتسمع الرمسه
منصور : بسم الله بلاج ليش حرجتي
ميره : لا ما شي
منصور : انزين خلاص لا تقولين شي بس لا تحرجين عليه
ميره : سوري
منصور : دونت ووري... حسيتي انا اعرف انجليزي
ميره : هههههه
منصور : تعالي بقولج يوم انج تبين تسوقين البانشي جان قلتيلي ماله داعي ادخلين شمووه في الموضوع
ميره : ها البانشي هيه
منصور : بلاج انتي اليوم ...مب طبيعيه
ميره: ها لا عادي انزين اقول برمسك بعدين انا مشغوله الحين
منصور : اوكي باي
ميره : باي
وفي هاللحظه حدرت ريم الحجره على ميره
ريم : يااااااااي بسوق البانشي
ميره : بانشي حبيب القلب
ريم : هههه وسويتيه حبيب القلب بعد
ميره : ما ادريبج انا والا انتي
ريم : عيل تدرين ( وهي تبا اتغايض ميره ) ... هيه فديته بيخليني اسوق البانشي
ميره : انتي ما تستحين اتقولين هالرمسه
ريم : انتي بلاج اليوم ؟
ميره : انا والا انتي عيل تقولين حق ربيعتج انا احب اخوج
ريم : وهذا اللي مزعلنج ... يا ماما انا ما اقصد الحب اللي في بالج بالغلط ظهرت مني هالرمسه مثل يوم ارمس ابوج او مايد اخوج عشان يودونا مكان ولا يسوولنا اللي نباه
ميره : وانتي اشدراج انه ما فهم رمسه ثانيه
ريم : منو هو ؟؟
ميره : منصور بعد منوه
ريم : وهو اشدراه ... انا كنت ارمس اخته ... ولا ليكون انتي اتحريني ارمسه ... انا ريم بنت سعيد ما اسوي هالسوالف انزين
ميره : وايد واثقه في اربيعتج هااااي يمكن هي كل ما اترمسج اتحط اسبيكر وهو ييلس يسمعج وانتي طبعا ما تقصرين ساعه اتغنين وساعه تقولين احبك وما ادري شو
ريم : انتي شدراج في كل هالسوالف
ميره : ها ... اتراني دوووم وياج واسمعج شو تقولين وانا تراني ما اقولج هالرمسة الا لاني خايفة عليج
ريم : اقولج شي لا تخافين عليه ولا اتعنين انا اعرف شو اسوي وما ابا حد يقولي ... وبعدين انا برد العين اليوم
ميره : ريمووه زعلتي
ريم: لا ... انا ما ازعل من شي تافه بس انا وشمووه مخططين حق رحله باجر وانا قلتلها ان انتي بتسيرين ويايه العين
ميره : انا
ريم : اذا تبين
ميره : اوكي ... بس منو بيودينا
ريم : اخوووج بعد منوه
ميره : قلتيله
ريم : لا الحين بقوله ( وسمعت صوته في الصاله ويا سلامه ) اكوه برع انا بسير ارمسه
ظهرت ريم من الحجره وسارت صوب مايد
ريم: حيا الله ولد خالي
مايد : الله يحييج
ريم : طالبتنك طلبه لا تردني
مايد : ما عاش اللي يردج
ريم : اباك اتوديني العين
مايد : تم الساع ... انا اصلا كنت اليوم بسير العين
ريم : خلاص عيل متى انسير
مايد : الحين
ريم : الحين ..... خلاص عيل بنسير انجهز عمارنا
مايد : ليش منو انتو
ريم : انا وميروووه
مايد : وميرووه وين تبا بعد
ريم : انت تعرف الشتاء ما يحلا الا في العين يوم ما اتسير البر ومبزره
مايد : انزين شاورتن ابويه
ميره : ابويه عادي عنده الحين بسويله وبخبره
سلامه : انزين انا بسير وياكن بعد
مهره : انا بعد
ميره : لا انتي قري محلج ما شي سيره
مايد : اتخسين الا انتي مهاري بتركب السياره قبلج
مهره : انا بسير احط اغراضي
ميره : سيري سيري دلوعة ميييود
مايد : يالله فديتها قصبن عنج دلووعة مايد
اجهزن البنات وركبن السياره وظهرو من البيت وفي الدرب
ميره : ابا بيبسي
مايد : ما شي بيبسي
ميره : حرام
مايد : بنشوف مهره اذا تبا شي بنخطف الدكان واذا ما تبا ما شي دكان
ميره : مهاري فديتج قولي ابا بعطيج اللي تبينه
الكل:هههههههه
مهره : ابا نظارتج الارمني
ميره : اتخسين
مهره : مايد فديتك انا ما ابا شي
ميره : يعلج ... خلاص خلاص بعطيج بس اليوم ( مشكله المدمنين على البيبسي)
مهره : اوكي... ميووود خذلها بيبسي عن اتموت علينا
ريم : يحليلج يا ميروه قاصين عليج لو انا جان محد ييسر يقولي لا
سلامه : عاد انتي محد يروم عليج دلووعة البابا
خطف مايد الدكان وخذ بيبسي حق ميره وخذ حق الباقيات اورنمين سي وكاكاو وكملو دربهم للعين

[آڷصّغيرۉنہْ ™]

وفي المستشفى

راشد توه واصل عند حمدان
راشد : السلام عليك
حمدان : وعليك السلام
واتوايهو
راشد : شحالك
حمدان (والويه بيتشقق من الوناسه ) : الحمد لله.. راشد حالت ابويه بدت تتحسن الدكتور يقول ان حالته استقرت واتعدى مرحلة الخطر
راشد : الحمد لله
حمدان : تدري احس ان الروح ردت فيني
راشد : تستاهل الخير
ويرن تيلفون راشد
منصور : بوسناد وين انت
راشد : موجود
منصور : وين نحن انترياك
راشد : تتريوني ...ليش؟؟
منصور : جييه اترانا بنسير البر بالدراجات
راشد : لا انا اسمحولي ماروم اييكم ... يالس ويا حمدان في المستشفى
منصور : افا عيل حتى نحن ما بنسير السيره بدونك ما تسوى يا ريال
راشد: عيل حرام لتسيرون .. اتهبون اتكنسلون السيرة بسبتيه
منصور : ما ادري بشوف الربع ... انزين عيل سلم على حمدان مع السلامه
راشد : الله يحفظك
وسكر عنه
راشد : يسلم عليك منصور
حمدان : الله يسلمه من الشر ... بلاكم اسمعك اتحولف
راشد : بيسيرون البر ويوم قلتله ما بسير وياهم كنسلو فحلفتلهم عشان يسيرون
حمدان : وانت شله ما تسير ما حيدك تتعايز عن البر والدراجات
راشد : عنبوه اخليك واسير اتحوط واستانس مايصير
حمدان : عيل انت تحرم عمرك من السيره عشاني واللي يقولك انك بتسير
راشد : حمدان
حمدان : ماشي لا تخلين احلفلك
راشد : انزين خلاص بسير بس
حمدان : لا بس ولا غيره يلا لا قوم عطني مقفاك
راشد : ايه مستشفى الحكومه هذا مب مستشفى ابوك لا تيلس تروغ
حمدان : هههه ما بتتغير انا قلت الريال بدا يحب يعني بيعقل
راشد : لا تزيد المواجع .~. خلني قد نسيت
حمدان : هههه يلا يا قيس اتوكل على الله
راشد : اوكي تامرني بشي
حمدان : سلامك
راشد : الله يسلمك ..في داعت الله
حمدان : الله يحفظك
وطلع راشد من المستشفى وركب موتره واتصل حق منصور
راشد : ها سرتو ولا لا
منصور : لابعدنا
راشد : عيل اترييوني
منصور : بتسير
راشد : هيه
منصور : دراجك وين
راشد : في البيت
منصور : خلاص عيل بنيك البيت
راشد : تعال ... القالوصه في العزبه
منصور : نصور عنده قالوصه عوده حمل دراجك وياه
راشد : بتسيرون في رنجاتكم
منصور: لا طبعا انت اتخبلت ..نصور عنده موتر البيت وانا ماخذ الكروزر
راشد : يحيكم وانا عيل شو اسوي
منصور :اركب ويانا
راشد : لا والله انتو بتمون اتشوحون واتصعدون العراقيب وانا تباني ادق عود
منصور : هههه انزين خذ الموتر عن الدريول
راشد :انزين خلاص بشوف
منصور : يلا انتلاقا عند بيتكم
راشد : اوكي
وسكرو عن بعض وراشد سار البيت وبدل ثيابه ولبس بنطلون اسود وبدي احمر عليه شعار الارمني بالاسود وكاب ارمني اسود ( اونه يطقم ويا لون الدراجه ) ونزل تحت وشال جوتيه في ايده وقال حق الدريول يظهر الدراجه برع عشان ايي ناصر ويحملها
راشد( وهو يباغم ) : امايه امايه
ام حمد : ها ها بلاك
راشد : امايه ابا الفتك
ام حمد : جييه وين موترك
راشد : امايه بسير البر تبيني اسير في الرنج
ام حمد : انا بسير عند حرمه
راشد : امايه حرام عليج
ام حمد : انزين خلاص عط كريم موترك
راشد :يخسي انا اخلي كريموه يسوق موتري
ام حمد : كيفك والله
راشد : انزين خلاص مابا موتركم
ام حمد : احسن عالاقل بنسلم على موترنا
راشد : (ويسمع الهرنات عند الباب ) اوه امايه هاذيلا اكيد الشباب وصلو .. مع السلامه
ام حمد : الله يحفظك ... وعن السرعه
راشد : انشاء الله( وظهر برع وجوتيه بعده في ايده )
راشد : نصور حمل الدراجه لين البس جوتيه ( ويلس على الدري مال الصاله يلبس جوتيه )
ومايد والبنات توهم واصلين صوب البيت ويوم لفو شافو الشباب عندهم في الحوي
ريم وميره ............ مب مصدقات اللي يشوفنه كان منصور مجابلنهم وناصر مذري بالسياره
مايد : الحين انا كيف ادخل السيارة هاذيل سادين الدرب
ريم : انزين شو يعني مب لازم ادخل السيارة
مايد : انزين انا بنزل
ريم: ونحن ننزل بعد
مايد : اتخسن ..... وين بتخطفن عن الرياييل
ريم: انزين نحن بنتغشا ما بننزل جييه
مايد : لو رشووود اخوج بيخليج تنزلييين
ريم :.....................................
مايد : ها اشوفج سكتي ( نزل مايد من السياره وسار صوب ناصر ومنصور وسلم عليهم )
منصور : مايد .......... مرحبا والله
مايد : مرحبا بك
ناصر : وين انته يا ريال من زمان ما شفناك
مايد : والله تعرف الدوام انته كرااااف
ناصر : الله يعيييينك
مايد : هيه والله الله يعيني
ناصر :الاهل وياك فالموتر ؟
مايد : هيه نعم
ناصر : خلاص منصور قم بنركب فالموتر عسب ينزلون لومتنا فالعرب زين جيه
منصور : انا شلي انته اللي ظارب سالفه

و ركبو الموتر و نزلن ريم و ميره و سلامه وسارن صوب راشد

ميره: هههههههه حليله ولد البدو
راشد : ها جيه بلاه ولد البدو
ميره : خخخخخخ حدك اليلسه ع الدري والله
راشد : لا والله
ميره : خخخ هيه هيه ولد الحظر ييلس ع الكرسي ويلبس جوتيه هب شراتكم
راشد : لا نحن شدااااد
ميره : تعال تعال ليش بلاهم عيال الحظر
راشد : سلامتج مابلاهم شي
ريم :ههههه رشود قسم بالله شكلك جيه جنك قراااشي يبيع خبز ايراني
راشد : قراااااااااشي ريلج ... وبعدين اقول عايبتنكن الوقفه هني يلا حدرن داخل ما اتشوفن الرياييل
ريم : انزين عنبو متغشيات وبعدين سيارتهم صاده
راشد : بتحدرن والا امرغكن الحين مراغ بالعصا
ميره : ويني هي العصا
راشد : يعني ما بتدخلن
ميره : لا رونا يعني شو بتسويبنا ... جدام الرياييل لا واخونا موجود بعد
راشد : لا دخيلج .. كل ولا اخووج راكان بن حثلين
ميره : اقوول لا تغلط على اخويه .. عن ازقره لك الحين
راشد : يعني ما بتحدرن
ميره : لا
راشد: اوكي ... بس بسير اسلم عالربع وبييكم لا تتحركن من هنيه
ميره : قول بتشرد
راشد سار صوب الشباب
راشد : منصور عندك عصا في الموتر
منصور : هيه شو تبا تيول
راشد : انته هاتها وعقب بقولك
منصور جان يعاطي راشد العصا ورد راشد صوب البنات وهو يربع الشباب التهو بالسوالف وشوي ويسمعون البغيم البنات من شافن راشد ياينهن بالعصا ترابعن وهن يصارخن وهو يربع وراهن مهره سارت عند ميوود اخوها اتخبره وهو واقف عند الشباب
مهره : ميود ميود رشوود يالس يضرب ريموه وميروه
الشباب نطرو عيونهم ومايد اتلوم
منصور : يعله رشوود ما خذ عني العصا عشان يضربهن
مهره : وانت غبي شله تعطيه انت تعرفه انه دووم يضربهن
مايد ( متلوم ) : مهاري بس
منصور ( تم يتصل حق راشد )

[آڷصّغيرۉنہْ ™]

وفي الفله
راشد زخ ميروه وضربها وتمت اتصيح لان راشد متعود يضربهن وهو ما يتفاهم في هالامور بس ريم حدرت عنه الحجره وغفلت الباب
راشد : ريموه فجي الباب
ريم : مابا مابا بتضربني
راشد : ان مافجيتي الباب والله لا اضربج ضرب لين اقطع يلدج .. اظهري احسلج بضربج شوي بس
ريم : لا اخاف رشوود انت دووم اتقول جي ويوم تضربني تضربني بقو
راشد : يعني ما بتظهرين
ريم :......................
راشد : اوكي تمي في الحجره انا مب متحرك من جدام الحجره ( وتربع عند باب الحجره شوي ورن تيلفونه وانه منصور متصل )
راشد: اقولكم سيرو عني انا عندي شغل اهنيه يوم بخلص بييكم
منصور : رشوود انا ادريبك شو يالس اتسوي عنبوه ما تستحي تضرب بنات
راشد : ياخي كيفي
منصور : انزين خلاص ياخي حشم
ريم بطلت الباب وظهرت المسكينه اتحراه ما بيضربها دامنه يرمس بالتيلفون راشد انتبهلها وقبضها من ايدها
راشد : منصور يلا باي ( وما اترياه سيده سكر في ويهه ) جيه يوم اقولج بطلي الباب ما اتبطلينه
ريم : رشووود دخيلك توبه والله والله توبه
راشد : لا الغاليه انتي مب احسن من هاذيج اكيه مسويه مناحه تحت
ريم : انزين بشوي شوي
راشد ( ويضربها بالعصا ضربه وحده بس كانت قويه )
ريم : اااااااااااااااااااااااااااااااااااااااااااااااااا ااااااااااه
راشد ( سكر على حلجها بيده ) : الله يغربلج سخي
ريم : حرام عليك يعور
راشد : عشان مره ثانيه تتعلمن شقا اترمسن شيخكن
ونزل عند الشباب وسارو صوب البر وتمو يلعبون دراجات
راشد : شباب بتسابقون
ناصر : اوكي
منصور : انا ما با بخلي مايد يتسابق وياكم بدراجتيه لان الدراجه اللي عنده مب مزوده
مايد : لا ابويه انا مب لابس بنطلون يعني ما اروم اسابق بتلعوزني الكندوره وبتسبقوني
راشد : منصور يلا عاد خل عنك وقوم اتسابق ويانا
مايد : انا الحكم شوفو بسير اترياكم عند هاذيج الغافه عشان اشوف منوه اللي بيوصل قبل
راشد : يلا 1....2.....3
بدا السباق وكان راشد اللي مجدمنهم وناصر ثاني واحد ومنصور كان وراهم
واللي فاز راشد
مايد : حييه بو سناد
راشد : احم .. احم ... عشان اتحرمون تسابقون راشد بن سعيد
منصور : انا قلتلكم من البدايه اني ما بسابق لاني بردان وايدي تنتفض ما رمت اسوق عدل
راشد : لا ابويه لا تحاول كنت بردان ..حران ... سابقنك سابقنك
عقبها تمو يصعدون ويصيحوون ويلات لين ما عيو ويلسو يسولفون

راشد : اطلب وآمر على قلبي وتدلل
منصور (قام يشل ) : فالحب كووون انسان حساس من دون لا تشره و تزعل
راشد : حييييييييييييييييييييييييييييييييهـ
منصور : هيه هيه شو اتحرا عيل ؟؟
راشد : كنت اتحراك أي شي بس طلعت شي الصراحه
منصور : خخخخ خل صراحتك حقك عيل
ناصر : كنت ارمس انا
مايد : انته عاطنهم ويه .. ممكن كل واحد منكم يلم لسانه ف ثمه وينطب
راشد : شباااااااااااااااب نسينا أهم شي
الكل : شوووو ؟؟
راشد : الغدااااا .. !!
ناصر : لا وحياااتك يايبين سندويجات وبارد
راشد : اشكرك الصراحه تفهمني
ناصر : افا عليك بطيني شراتك !
راشد : لالاا بدينا نغلط ههههههه خلنا حلوين ويا بعض
مايد : يله شبااب ترا مأذن الظهر من متى خل نقوم نصلي
الكل : انشالله

و قاموا يصلون وعقب ما صلوا .. تغدوا وشبعوا

راشد : عوذبالله انا احيد الاكل يعطينا نشاط وحيويه
منصور : هيه والله انا احيده يمد الجسم بالطاقة
ناصر : هيييه ويساعد على الحركة
مايد : بس بس سمعتوا كتاب الأحياء كااامل .. صدق انكم مخلصين الثانويه العام .. بس لوعتولي جبدي
راشد : انزين انا بغفل شوي نص ساعة بس
مايد : نص ساعة مب أكثر تسمع ولا لا
راشد : انشالله انشالله
منصور : وانا وياه بعد
ناصر : عيل مايد قم ويايه نحوط بالدراجات شوي
مايد : اوكي قمنا

قامو مايد وناصر وحاطوا بدراجاتهم وخلو راشد ومنصور منخمدين طبعا تعبو من الحواطه ربع ساعه بس سووا فيها بلاااوي وشل وخربطيشن و ردو صوب الاثنين وطاحو عدالهم وتيموا المنبه انه يدق عقب ربع ساعه بس الحبايب انخمدوا خمده ماعقبها خمده رن التيلفون ومحد درابه لين ماستوت الساعة 3ونص نش راشد

راشد : آآآآآآآآآآآآآآآخ .. صباااااح اللييييييل
منصور (توا يفج عينه) : صفعك الله بالخير
ناصر (نص راقد) : افففففففف خلووونا نرقد
راشد : نحن ظاهرين عسب نرقد
مايد(مسكر عيونه) : مادري منو اول واحد منخمد فينا
منصور : قم قم خل نتيدد و نصلي العصر .. ترا أذن .. وعقبها بنحشرهم لين ماينشون

نشو منصور و راشد و تيددوا و صلوا ..

راشد : تقبل الله خووويهـ
منصور : منااااا ومنكم انشالله
راشد : يله قم بنوعيهم .. بنخمس بالدراجه وبنغبر عليهم شو الراي ؟؟
منصور : تم السااااااااااع
راشد : فوقه عيل

قاموا وخمسوا وغبروا عليهم

ناصر : يعلني بلااااااااااا هالشيف
مايد : و سم انشالله
راشد : ومن قاااااااااال خخخخخخخخ
مايد : ماعليه انا براويك
ناصر : انا بلحق خويه وانته الحق هااا الخديه

ويربعووون ويشغلوون دراجاتهم ولحقووهم

منصور : عنلاااتك يا نصوووور انا اخوووك شقيقك منك وفيك
ناصر : انا براويك
راشد : منصووووور سو الحركه الشقلبيه الفتاكه
مايد : منو هاااااي ؟؟
راشد : مايخصك الخلطه السريه

و منصور سوا حركه غريبه عجيبه عسب يتعب ناصر ومايلحقه وقام يشل ع تايرين ويغبر فويه ناصر لين ما لاعت جبده وطفر منه وقامو يترايسوون عقب طبعا أكييييييد راشد اللي بيسبقهم

راشد ( يصرخ عسب يسمعونه) : ههههههههههههه كليناااااهمـ
ناصر : جب جب ..
راشد (يبا يقهره ) : يقووولك واحد اتهموه بالذكاء طلع براءه خخخخخخخ
ناصر : سخييييييييف ما تظحك
منصور : خخخخ انا عيبتني
مايد : لانك سخيف شراته
راشد : لا تغلطون على صديقي هيييه حدكم
ناصر : مالت عليك انته وربيعك الثور
منصور : اذا انا ثور انته شو بتطلع تراك الا ثور شراتي
راشد : خخخخخخخ سووووووله
ناصر : جب عن اصطعك الحين
راشد : كككككككككككك
مايد : انزين فكووونا من حشرتكم ما باقي شي عن المغرب خل نتخبل شوي
منصور : هيه خل نطفر الاوادم
راشد : اووووكي يله خل نظهر جدام المواتر ونشل استعراض اونه
ناصر : مال اول انته
راشد : يله شو اليديد عيل
ناصر : يظهروون جدام شاحنات الحين
راشد : عوووذبالله ربنا قال ولا تلقوا بأيديكم إلى التهلكة
منصور : عااااااااااااااااش صديقي أعلن اسلاااااامه
راشد : استغفر الله ..لا بس سمعت المطوع يقولها فخطبة اليمعه
مايد : خخخخ انا اقول مسرع ما اتدين
راشد : هييييه ليش مب عايبنكم
مايد : لا افا عليك يعيبنا ليش مايعيبنا

و قاموا يطفرون بالاوادم ويظهرون جدام المواتر وتخبلوا خباال مش طبيعي وطبعا راشد هو اللي متجدمنهم و وراه منصور .. و ناصر ومايد يمشون مع بعض وراهم

ناصر : يله ظلمت الدنيا خل نصلي

نشوا يصلون المغرب طبعا الوقت يطوف بسرعه و وروا ضو ويلسوا
راشد : اااااااااااااااااااااااااخ الجو الصراحه شي
منصور : هيه والله ينفع حق مواعد
راشد : اخ لا ..الحين في هالجو الفنان اتسير اجابلي الرغد
ناصر : رشووووووود شو السالفه شكلك هاوي
مايد : هاوي مال الماي
ناصر: ترا عفكره حتى انته ظهرت سخيف
مايد : تراني رابعتكم
راشد : ودك
منصور : رشووود شللنا شله
ناصر :شلك طهف
منصور : برايك انته اللي بتصيح عليه
ناصر : من قال .. ودي بفراقك
راشد : استغفر الله العظيم ... الله يغربل هالرمسه
ناصر : منصور لا يشلك طهف ولا شي قر محلك وفكنا ... عن رشوود يخطب ابنا خطبة اليمعه الحين
راشد : سبلان
مايد : بسكم ضرابه
راشد : يا خفوقي جاوب الورقا دامك المطرود ملحوقي
يوم قصدك للعلا ترقا بالسما بتسوي اطروقي
عارف انك جارع العلقا والسبب تلعات لعنوقي
لصفاته من الصفا انقا عاللذيب وصوفه يفوقي
ما خلج له حد فالشرقا لا ولا فالغرب مخلوقي
في هواه اعانق الشهقا لي عليها الخافق يتوقي
فارع فالطول والعنقا من التقاي وقصدي اوذوقي
اعلا ما في ودنا فرقا يوم فرقا شمل لخلوقي
العجارب عالنحر طلقا تذبح الخفاق برفوقي
وان تبسم فالثغر تلقا ماسكنه شمس بشروقي
حطلي وسط الحشا عرقا واحتباس الدم فعروقي
دامني في حبهم ارقا والله لا خلي السما اطروقي ... وسوالم السامعين
منصور : مسكين حالك
مايد : يعلك اسمي ان صوتك فنان
منصور : فنان ولا مطرب
مايد : ااااااخ ما اقدر اتحمل سخافتكم
ناصر : يا خي يوم اقولكم الريال يحب ما اتصدقوني
راشد ( ويالس يطالع ناصر بنظره ) : ااااااااااااااااااااااه
منصور : اوه اوه الريال مب الا يحب الا متعذب
مايد : ما ظني رشوود ... ما يخصه في الحب ولا يعرفه رشوود مال لعب ومغازل
راشد ( حرج ) : جيه مب انسان ما عندي قلب ونش عنهم وركب دراجته وتم يحوط بالدراجه ( راشد من يذكر شما وصدها له في كل مره يحاول يتقرب منها فيها يحرج )
مايد : عوذ بالله جيه انا شو قلت
ناصر : صدقوني يحب ولا ما بيحرج جيه
منصور :معقوله .. رشووود ... ما اصدق
ناصر : انا بتصل به ( واتصل حق راشد ) رشووود انته شاللي حرجبك الريال ما قال شي يلا تعال خلنا انرد
راشد : اوكي يلا انا ياي ( ورد عليهم راشد وعقبها كل واحد رد بيته .... وراشد توه داخل البيت

[آڷصّغيرۉنہْ ™]

راشد : السلام عليكم
الكل : وعليكم السلام
ميره : وين اخويه
راشد ( وتم يوايج في مخباه ) : اتصدقين محد اضني طاح عني
ميره : اففف .... وانتو هل العين كلكم سخيفين
راشد : انتي شكله الضرب ما اثر فيج يبالج مراغ مره ثانية
ميره : لا خلاص خلاص السموحه
راشد : (وينزل راسه صوب ميره ) حبيني عراسي
ميره : اتخسي انا امايه ما احبها عراسها احبك انته
ريم : غربلج الله ما اتحبين امج عراسها
ميره : لا ساعات في المناسبات
راشد : ساعات ولا دقايق ككككككك
ريم : لا ثواني
راشد : لا انا اتحريتهن ايام
ريم :هههههههه.... مشكله نحن عيال بن ....... ما نتوالف الا عالشر
ميره : زين يوم اتعرفون
راشد : انزين يلا جب صخن وفكني من حشرتكن ان تعبان بسير ارقد
ريم : رشووود بسم الله عليك ... انته فيك شي
راشد : ليش ؟؟؟
ريم : ترقد الحين .. انته اتعرف الساعه كم
راشد : هيه الساعه 10
ريم : رشوود يرقد الساعه 10 شو مستوي في الدنيا
سلامه : خليه يمكن تعبان
ريم : خلج عاد انتي امره لازم ادافع عنه
راشد : ياخي ولد عمتها خليها ادافع عني ( وتم يطالع سلامه بنظرات سلامه ماتت منهن )
هند : راشد انزين انته اتعشيت
راشد : لا.. بس مابا مب مشتهي
هند : انزين بسويلك شي خفيف
راشد : لا مشكوره الغاليه بس والله مب مشتهي
ريم : رشوود يقول مابا اكل ..اوويييه تطور
راشد : يعلج السم ... جيه شو اتشوفيني بطيني
ميره : الحين انته مب تبا ترقد يلا اجلب ويهك وفكنا من ماذاتك
راشد : ايه عفكره ترا انتي في بيتنا يعني انا اللي يوم اقولج شي تسمعينه اوكي ... يلا تصبحون عخير
الكل : وانت من اهله
سار راشد حجرته اتسبح .. وانسدح عالشبريه يبا يرقد وقبل لا يرقد تم يلعب في تيلفونه وشاف رقم شما وتم يذكر شكلها
راشد : اه يا شما كيف قدرتي تاخذين قلبي انا طول عمري اشوف بنات عمره قلبي
ما فز لوحده غيرج وما حس بعمره الا وهو مرسل عرقمها
شما : الووووو
راشد : فديت هالصوت
شما : نعم
راشد : اااااااااخ منج... سؤال انتي شو فيج غير عن البنات
شما : اني ما اعطي ناس مثلك ويه ( وبندت التيلفون فويهه )
راشد : يلعن يومها ... كل يوم اكتشف فيها شي يحببني فيها اكثر واكثر ( ورد واتصلبها وما ردت وتم يتصلبها واايد بس شما مسويه اكبر طاااف وطرشلها مسج ~ صدقيني والله ان ما رديتي لا ايي الحين بيتكم واخطبج ~
شما : الله يغربله .. هذا اتخبل ( وجان تتصله ) الووو
راشد : يا ويلي .. ان قلت بتردين عليه ما قلت انه هالمسج بيخليج تتصلين بي جان من زمان قلتلج جي
شما : لا اتحرى اني زايغه منك انا اتصلت عشان اقولك الزم حدودك ويايه لانك ما عرفتني انا منوه وبنت منوه
راشد : ومنو قالج اني ما اعرفج انا اللي اعرفج عرف انتي شما اااااه شما بنت سيف ال......... والا انا غلطان
شما : منوه انت ؟؟
راشد : انا راشد بن سعيد ال...........
شما :شووو ؟؟ راشد اخو ريمووه ..انت ماغيرك .. انته مب ربيع اخواني
راشد : هيه
شما : كيف قدرت اتخون ربعك في اختهم
راشد : لاني اعرف اني ما سويت شي غلط ولا بسوي .. انا اباج حليله ... بس انا ابا اسوي شي لين ما اتاكد انج تبيني من خاطرج
شما : وانا ما اباك ممكن الحين تخليني فحالي
راشد : انا احــــــبـــج تعرفين شو يعني احبج
شما : لو واحد من اخواني تم يقول حق ريموه اختك هالرمسه ترضاها
راشد :......................
شما : ها عيل اشوفك سكت ... بقول لك شي صدقني لو حد من اخواني قال حق اختك مثل هالرمسه وحتى لو شفت رقم واحد منهم عتيلفونها جان جتلتها واضرابت ويا اخواني ترا عفكره انا اروم اقوول حق اخواني عن هالسالفه بس انا ما ابا افرق امبينكم لاني اعرف انكم ربع ... ويلا الحين مع السلامه
راشد : في كل حرف تنطقيبه اتخليني احبج اكثر واكثر رمسج رزينه ورمسة وحده عاقله مب شرات باقي البنات ... انتي السبب منو قالج اني ما فكرت بخوانج وربعتهم لي لكن بس كل ما ابا انساج تطلعيلي في مكان واتقوليلي كلام بدال ما يخليني ابعد عنج يزيد حبي لج ... انزين بقولج شي عادي اتم ارمسج مب لازم انسولف بس لو اتقوليلي الوووو واتسكرين بس اسمع صوتج دخيلج
شما : راشد
راشد : دخيلج انا يالس اترجاج وانتي تعرفين شو يعني ان الريال يترجا بنت حرام عليج انا من اول ما شفتج وانا لا اكل ولا ارقد مثل الناس صورتج دووم في بالي انتي تتحريني مستانس على هالوضع انا ودي بالساعه اللي انساااج فيها لان مب انا اللي اتم اركض ورا بنت ولب انا اللي اخون ربعي بس والله ما اقدر صدقيني حاولت بس ما اقدر ...اااه
شما : راشد انا اللي ارجوك خلني في حالي
راشد : بقولج ان ما وافقتي على طلبي بتلقيني عند باب بيتكم الحين صدقيني بيي وبخطبج وانا اعرف انه لا ابوج ولا اخوانج بيردوني وبيوزونا قصبا عنج
شما : ما تقدر
راشد ( حرج ) : انا ما اروم ... عيل بعدج ما عرفتيني (وبند عنها ولبس ثيابه بسرعه وشل سويج موتره ونزل عالدري وهو يتسفر لبس كندوره كحليه وسفره بيضا يعني شكله كان طرر وطبعا سلامه يالسه في الصاله واتشوفه وهي ميته عليه )
ام عبد الله : وين يا ابويه
راشد : امايه عندي شغل .. مع السلامه ( وظهر عنهم شغل سيارته واشخطه صوب بيت قوم شما )
ريم : ما جنه ساير يرقد
هند : انزين ترا قالكم ان عنده شغل
ريم : وانتو مصدقين .. تلقيلهم سووله الشباب تيلفون متيمعين مكان وطبعا رشوود ما يفوت
ام عبد الله : برايه.. الله يحفظه
راشد وصل بيت قوم شما اوقف عند باب الحوي وطرشلها مسج ~ ترا انا عند باب البيت اذا مب مصدقتني وايجي من الدريشه ~ وشما سارت بسرعه صوب الدريشه وتمت توايج واللي ما اتعرفه الشيخه ان اللي برع يشوف اللي داخل اذا الليت يشتغل راشد من شافها اتوايج تم يضحك عليها ورد وطرشلها مسج ~ ها تاكدتي اني برع .. والحين موافقه ولا لا ~

[آڷصّغيرۉنہْ ™]

شما : يا ربي هذا اللي يبا يفضحني اليوم بعدين هذا شكله جاد دام انه وصل للبيت ياخوفي ايسوي شي ثاني بس لا مب انا اللي يلعبي واحد شرات هذا ( وطرشتله مسج ~ لاطبعا ولا تحاول واعلا ما في خيلك اركبه ~ )
راشد : هاي شكلها ما تعرف ويا منو اعلقت( وتم يدقق هرانه الا شل الفريج بهرانته شوي ويظهر له منصور وسار صوبه )
منصور : هوووب .. هوووب بلاك ياخي وعيت الفريج
راشد : كيفي
شما فوق تتحرقص ومتروعه من حركات راشد
منصور : تدري توك عبالي
راشد : والله
منصور : اتحريتك زعلت علينا
راشد : افا انا ازعل عليكم لو ازعل عالدنيا كلها ما ازعل على عيال سيف
منصور : وهذا الرجا فيك
راشد ( رفع عينه صوب دريشة حجرة شما ولقاها بعدها اتوايق عليهم وعقب شغل اغنية هد اللعب وطول عليها )
منصور : عاشو ( وحط ايده عقبة السيارة وتم ايبس ويغني ويا عيضه ((هد اللعب يا ملهمي يا زريف الطول خذني بروف الله وترفق بحالي~- ~ دنياك بكملها على عرضها والطول بلياك ماتسوى معي ربع مثقالي))
وعقب تم يمشي وهو قابض فروخته وايول ابها وراشد ايبس في السياره راشد طلع العصا من الدريشه وعطاها منصور عشان ايوول ابها وتم منصور ايوول وراشد ايبس في الموتر واثنيناتهم يغنون ويا عيضه(( ممن من المسؤول قلي من المسؤول اذا جار بي طرفك وانا عندك لحالي~ - ~ تقدم بي الفاعل وتخر بي المفعول ظليمه ومنك الظلم ياسيد يحلالي)) منصور فج الباب عن راشد وقبضه من ايده ونزله ايوول وياه راشد تم اييول اشوي وكانت عينه عشما اللي كانت تطالعهم من فوق بس المسكينه ما تدري انها تنشاف راشد سار صوب دبه موتره وظهر اسلاحه وتم اييول به ويغني وايسوي حركات بايده (( عيونك توديني الى مالم المجهول ودارت بي بجون خلي من البشر خالي~ -~ لا حول من عينك ومن رمشها لا حول رمتني على غفله ويا الاولي التالي)) وتم ياشر على عينه وهو يطاله شما في هاللحظه شما حست انه يشوفها فسكرت الستاره وفجت شوي عطرف وتمت تطالعهم لان شكلهم كان وايد حلو كانو وايد ربشه .. ناصر فج باب الصاله وشاف الربشه اللي مسوينها راشد ومنصور وربع صوبهم وتم ايول وياهم طبعا راشد ما شاء الله عنده خمس كلاشنات في الموتر فظهر حق ناصر ومنصور كل واحد كلاشن وتمو اييولون وهل السيايير اللي اتخطف في الشارع عيونهم عليهم ((زها العود بجعوده وخصرن خفج معزول لدين يميله الهوا وين ما مالي~ - ~جمالك تعدى واقع العقل والمعقول وحبك تجاوز منطق الحب ياغالي )) شوي وتدخل سياره البيت وهم من ربشتهم ما سوولها سالفه وينزللهم واحد مرتبش ربشه مب طبيعيه وتم ايوول وياهم هذا طلع سهيل ولد عم قوم ناصر ومنصور((على حب قولك يا حبيبي اجيد القول واسطر لك اجمل ما تهيا بالاقوالي ~ - ~ ما دمت حي حبكم ساري المفعول منه استمد محبتي واجمل امالي ~-~هد اللعب يا ملهمي يا زريف الطول خذني بروف الله وترفق بحالي)) وخلصت الاغنية وعاد انتو اتعرفون الشباب ما تحلالهم الربشه الا يوم اتخلص الاغنية يبدون يفرون السلاح ويتزامطون عالفر طبعا راشد بن سعيد محد يروم عليه في شي كان مسكتنهم شما تمت تطالهم وعيبها شكل راشد وهو يفر السلاح شكله كان حلو لان سفرته طاحت وشعره يطير يوم ينزل تحت ويفر.. شوي وياهم بو حمد اللي هو ابو ناصر ومنصور سارو الشباب وسلمو عليه وانتو اتعرفون الشواب يعيبهم يوم ايشوفون الشباب اييولون وحطلهم شاره (2000درهم ) للي يفر اعلى شي وبدو الشباب يفرون اسلحتم بس مافي امل دام ان راشد بن سعيد وياهم خذ عنهم الشاره.. وعقب تمو الشباب يسولفون ويا بو حمد
راشد : اسمحولي عاد انا الحين
منصور : وين ياخي بعدنا يالسين
راشد : والله ما ودي اخلي يلستكم هذي ..بس والله تعبان ابا اسير ارقد
منصور : شوو يرقدك الحين بعده وقت
راشد : ياخي انا من امس ما رقدت ,, الا غفيت لي ساعه الصبح في العزبه ونص ساعه الظهر .. اسميني ميت رقااد تراني قوه مصلب عمري
سهيل : بس با جر اتينا
راشد : باذن الله .. يلا مع السلامه
الكل : الله يحفظك
بو حمد : ما شاء الله عليه سنافي
ناصر : ابويه لازم تراه اربيعنا ترا عيالك ما يرابعون ناس منيه والدرب
سهيل : انا اول مره ايلس واسولف وياه الصراحه ريال وما عليه كلام .. دووم اشووفه وياكم بس ما جد يلست وياه الا سلام
منصور : انا لو مب شما ختيه محيره لسهيل جان يوزتها اياه
سهيل : لا بوي خل شما بعيد
ناصر : ابويه لو راشد خطب شما بتيوزها اياه ولا لا
بوحمد : اشهد اني بيوزه حد يرد ريال شرات راشد
سهيل في هاللحظة يدخن من حرجته عناصر ... وناصر ومنصور يضحكون عليه
سهيل : عمي جيه نسيت ان شما محيره لي
بو حمد : لا ما نسيت بس نحن انقول اذا ماكانت محيره لك
سهيل : اشوه
ناصر و منصور : ههههههههههههههههههههههههههه
سهيل : ضحكتو من سركم يالسبلان ... يلا عمي تصبح عخير انا بسير البيت ( وتم يطالع ناصر ومنصور ابعين )
راشد اول ما وصل بيتهم وقبل لا ينزل من السياره طرش مسج حق شما ~ تصبحين عخير زوجة المستقبل ~ شما اول ما وصلها المسج اتروعت انه رمس ابوها و لا خوانها وردت وطرشتله مسج ~ اتخسي ~ راشد اول ما وصله المسج هلك من الضحك
راشد : فديتها والله هههههه ( ونزل وحدر الصاله ) السلام عليكم
الكل : وعليك السلام
ريم : رشوود انته وين سرت
راشد : وانتي شلج حرمتي وانا ما ادري
ريم : سخيف
راشد : طالع عختيه
ام عبد الله : ابويه راشد روعتنا عليك ظهرت مستعيل
راشد : امايه وانتي من ادنات الدون تتروعين .. انا سرت عند الشباب في بيت سيف ال............
ريم : سرت بيت قوم شموه ... يعلها الخايسه والله اني متولهه عليها من بدت الاجازه ما شفتها
ميره ( تذكرت منصور وسارت فوق عشان اترمسه )
بو عبد الله : عيالي اترانا باجر بنسير انقيل فالبر
ريم : ياااااااااااااااااااااي .. فديت باباتي
راشد : الراي العدل والله .. انا بعزم ربعي لاني ما اداني اسير بدونهم
ريم : هيه صح .. وعزم خوان شموه وخلهم اييبون اهلهم وياهم
راشد ( طبعا يباها من الله ) : خلاص اوكي
سلامه : عيل انا بسير اسوي حق مايد وبقوله انا بنسير وياكم
راشد : جيه وينو ميوود
سلامه : رد دبي
راشد : شوووو ... السبال شله ما قالي
سلامه : ما ادله
راشد سوى حق منصور وعزمه وقاله اييب اهله وياه

[آڷصّغيرۉنہْ ™]

الـــــ ب ـــــآرًت الــــ‘ســأدس

في بيت سيف ال.......... منصور قال حق ابوه وامه ووافقو انهم يسيرون
ناصر : انا بسير اقول حق شموه
منصور: انا بسير وياك اليوم ما شفتها السباله
شما يالسه فحجرتها واتفكر براشد وكلامه
شما : يا ربي هذا من صدقه يحبني ولا يالس يلعب ... لا اكيد يلعب دامنه ربيع نصور ومنصور اكيد يلعب شوي تسمع الدق عالباب ( ما اتقولون دق امعلايه )
شما : منوه
ناصر ومنصور : احلا شباب العين
شما : هههه .. ( ونشت اتفج الباب وتمت زايغه انهم يطرولها راشد )
شما : هلا والله ( ووايهتهم بالخشوم )
ناصر ومنصور : شحالج
شما : طيبه دامني اشوفكم
ناصر : انتي وين ما شفتج اليوم
شما : موجوده الا انتو اللي وين
منصور : سرنا ويا الشباب البر
شما : يحيكم انا ابويه وداني ربع ساعه وردني
منصور : خلاص نحن باجر بنسير البر من الصبح وبنتم لين فليل
شما : والله .. شو الطاري
منصور :بنسير ويا قوم سعيد ال............ .. يعني بتحصلين اربيعج
شما : اللااااااااااااااااااااااااااااااه .. وناسه
منصور : شو الساعه 8 اتكونين جاهزه ولا بنسير عنج
شما : جان تباني اجهز الساعه5 عادي عندي
ناصر : ههههه ... عنبو ما يسوا عليج
شما : منصور بعدك عالوعد
منصور : أي وعد
شما : انك اتخليني انا وريموه ربيعتي انسوق دراجتك
منصور ( ومن سمع طاري ريم ) : اكييييييييييييييييييييييييد
ناصر : غريبه انته اتخلي بنات يسوقن دراجتك
منصور : عادي شو يعني حليلهن خلهن يستانسن
ناصر : يلا انا بسير ارقد عنكم ... تصبحون عخير
شما : وانته من اهله
منصور : حتى انا تعبان من الحواطه اليوم بسير ارقد تصبحين عخير
شما : وانت من اهل الخير
سارو ناصر ومنصور حجرهم عشان يرقدون
منصور اول ما طاح عالشبريه قبض تيلفونه وشاف مس كول من ريم ( اللي هي ميره ) ورد يتصل ابها
منصور : مرحبا
ميره : مرحبتين
منصور: شحالج
ميره : بخير انتي شحالج
منصور : اوووه اكيد حد عدالج
ميره : هيه
منصور : انزين عيل بخليج بس شوفي باجر لازم اشوفج
ميره : ...........
منصور : بلاج سكتي .. بشوفج لو من بعيد
ميره : بحاول
منصور: يلا عيل تصبحين عخير
ميره : وانتي من اهله
منصور طرش مسج حق سهيل وقاله اسير وياهم باجر
وفي هالوقت الكل رقد عشان سيرت باجر

[آڷصّغيرۉنہْ ™]

اليوم الثاني
الساعه 7 الصبح في بيت سعيد ال.......... الكل ناش من وقت ومتزهب
ريم : ها امايه زهبتو الريوق
ام عبد الله : هيه كل شي زاهب وفي السيايير .. الا البنات كلهن نشن
ريم : ميروه يالسه تتلبس
هند : وحتى سلامه متزهبه ويالسه بس سارت اطلع عق مهاري اثيابها
وفي هاللحظه رن تيلفون ريم
ريم : اوووه هاذي شموه ( وردت عالتيلفون )
ريم : صباح الخير
شما : صباح النور
ريم : علومج ؟؟
شما : طيبه طاب حالج .. الا اقولج ريموه انتي شو لبستي
ريم : وهذا يباله سؤال اكييييد بنطلون
شما : خاطري البس بنطلون بس اخاف امايه واخواني يهزبوني
ريم : شله .. البسي بنطلون و عباه مسكره محد بيدريبج
شما : هزرج
ريم : هيه
شما : عيل خلاص انا بسير اتلبس
ريم : اوكي سي يو
شما : يلا باااي
ريم :باااي
سلامه توها نازله من فوق ويا مهاري اختها
سلامه : السلام عليكم
الكل : وعليكم السلام
سلامه : ليكون اتاخرنا عليكم
ريم : لا لا اتاخرتي ولا شي اصلا نحن بعدنا
ام عبد الله : ريم اخوج ما نش لين الحين
ريم : لا بعده بعدين من متى رشود انش بدون ما حد يوعيه
وفي هاللحظه راشد نازل عالدري ويسمعم يطرونه
راشد : انا لله .. بلاه بعد رشوود ... من صباح الخير تحشون فيني
ام عبد الله : لا نحش فيك ولا شي بس اسالهم اذا نشيت ولا لا
راشد وقف جدام المنظره ويلس يرفع شعره عن ويهه ويلبس الكاب ( كان لابس كاب قوتجي بيج ولا بس بنطلون بني وبدي بني ومكتوب عليه بربري بالبيج طبعا راشد محد يروم ينافسه فالكشخه واللبس دومه يلبس ماركات )
ريم : اللاااه عليك يا خويه دومك كشخه
راشد : احم احم اخجلتي تواضعي
ريم : هههه بلاك جنك ام خماااس
سلامه : الحين كل هالكشخه حق البر
راشد ( وتم يطالعها بنظره ) : الشيخه انا راشد بن سعيد اكشخ حتى لو بسير الدكان
ريم : عاش اخويه ... يا ويل حال البنات اللي بيشوفنك جي اظني بيغمى عليهن من حلاك
راشد : ااااااااااخ ... الله يسمع منج واعيبهم
سلامه : من هااااي
راشد : بنات العين
ريم : انتي تعرفين نحن بنات العين ما يعيبنا العجب مب شراتكن
سلامه : لا والله جيه ونحن بلانا
راشد : بنات دبي مطيرات
سلامه : سبلان
راشد : طالعين على بنت خالنا
سلامه اونها زعلت
راشد : حشى مدته البووز .. حووه انسولف بلاج
ام عبد الله : بسكم ضرابه ويلا سيرو اركبو المواتر
راشد : في كم موتر بتظهرون
ام عبد الله : 3 مواتر
راشد : انا ابا الفتك
ام عبد الله : الفتك بيسير فيه ابوك وكريموه حملنا عنده الاغراض فالكروزر وعبد الله وعياله فلستيشن
راشد : ابويه جيه ما يسير في موتره
ام عبد الله : والله انا شدراني سير عنده ورمسه
راشد : بو عبد الله يو بو عبد الله
بو عبد الله : لبيه
راشد : لبيت حاي .. ابويه في أي موتر بتسير
بو عبد الله : في الفتك
راشد : ابويه شله ما اتسيرفي موترك انا ما عندي موتر اسير فيه
بو عبد الله : خلاص سير انته في الفتك انا بسير في موتريه
راشد : تسلم يالغالي
ظهرو كلهم برع فالحوي يركبون المواتر بوعبد الله ام عبد الله ركبو مو ترهم وعبد الله وحرمته وعياله في موترهم راشد ركب الفتك
بو عبد الله : ريم يلا تعالي اركبي
ريم : لا ابويه انا ابا اسير ويا رشوود
ميره وسلامه ومهاري : ونحن بعد
راشد : هنوده تعالي اركبي ويانا
هند : لا فديتك انا بركب ويا ابويه اللي يقول ما اعرف سواقك
راشد : انتي تعالي صدقيني ما بسوي شي
هند : لا انا بسيرويا قوم ابويه محد وياهم
ركبن البنات ويا راشد
عبد الله : رشوود شل البشاكير وياك
راشد : نعم .. لا ابويه انا ما اركب ويايه بشاكير هذا اللي قاصر
عبد الله : بتشلهن يعني بتشلهن
في هاللحظه راشد رمح الموتر وما شافو الا دخانته
عبد الله : الخايس السبال والله ليشوف انا برويه
بو عبد الله : عنبوه بلاك عاخوك انا بشلهن البشاكير الموتر عندي خالي
ظهرو كلهم من البيت

وفي بيت سيف ال........
بو حمد : يلا يا عيالي خلونا نظهر بنتحير عالعرب
منصور : يلا ابويه نحن جاهزين
شما : ابويه انا ابا اسير ويا نصور ومنصور
منصور : لا الغاليه استريحي نحن بنخطف الشيشه نعبي الدراجات بترول
شما : افففففف منكم عفانا الله ما جني اختكم ( واونها ازعلت وسارت بتركب موتر ابوها )
منصور : خلاص انزين تعالي انا ما بخطف الشيشه بخلي نصور اييبلي بترول
شما : يس ........... ( وربعت واركبت فالموتر )
منصور : هههه .. صدق انها ياهل
وظهرو من البيت ناصر سار صوب الشيشه
وبو حمد ومنصور سارو صوب قوم بو عبد الله
اول شي كانو متفقين انهم يتلاقون في عزبة بو عبد الله ومن هناك بيظهرون وبيدورولهم مكان اوكي يقيلون فيه

[آڷصّغيرۉنہْ ™]

تااااااااااااااابع >>>

في موتر راشد
البنات : وااااااااااااااااااااااااااااااااااااااااااااااااا ااااااااااا
طبعا راشد مخبلبهم خبال الا يصيح ابهن ويلات وايشل عتايرين ويصعد ابهن العراقيب وينزل الموتر عطرف
ميره : رشوووود حرام عليك بس بتنفدنا
راشد : انتن تراكن تبن اتن ويايه
ريم : ما عليه يا خويه بنات دبي مب متعودات على هالسوالف ضاريات على دريول يسوقبهن ايوديهن المولات في اللكسز
راشد :هههههههههههههه
ميره : لا والله يالسين تطنزون علينا
ريم : رشوووووود
راشد : لبيه
ريم : عطها
راشد : اوكي ... فوقه
راشد شل بالموتر عتايرين وكانت ميره يالسه وراه هو وهي كانو صوب التواير النازله
ميره : يعني اتحراني بتروع .. عادي
راشد : اوكي ( سار وفج الدريشه من صوبها حست بعمرها شوي وبطيح من الموتر )
ميره : وااااااااااااااااااااااااااااااااا.. والله لاخبر عليك ابويه تبا تجتلني
راشد ( ويعدل الموتر ) : ها عيل اتقولين ما تتروعين
منصور كان ورا موتر راشد هم كانو يايين من درب ثاني بعيد عن مواتر الشواب علا يهزبونهم عن هالحركات
شما : اللاااااااااااااااااااااه .. موتر منوه هذا
منصور : هذا اكييد رشووود
شما : وناسه منصور شل عتايرين شراته
منصور : فالج طيب ( ودق هرن حق راشد عشان يشل هو بعد )
راشد : اووه هذا منصور يالس ايشل .. لا وبعد حد وياه في الموتر شكلها بنت
ريم : هاي اكييد شموه ... رشووود يلا شل شراتهم
راشد : اوكي
وتمو هو الاثنينه الا يشلون ويخمسون ريم وشما مستانسات الا ميره وسلامه ومهاري ميتات من الزيغه )
وصلو كلهم عزبة بو عبد الله وتمو يتريون ناصر وسهيل
منصور وراشد وقفو مواترهم عدال بعض ونزلو واتساندو عبنيت موتر راشد وتمو يسولفون
ريم : اوووووه منصور كاشخ
ميره : وانتي شتبينه كاشخ والا غيره
ريم : عوذ بالله وانتي بلاج متواكله
ميره : افف ما شي ماشي
ريم : انذل فيهم
سلامه : شو بتسوين
ريم : شوفي ( سارت ريم ودقت هرن )
هم كانو متساندين عالبونيت ومن الهرن نقزو نقزه شكلهم كان يضحك
البنات : ههههههههههههههههه ( وحتى شما اللي في الموتر الثاني شافتهم وتمت تضحك عليهم )
راشد : يلعن يومهن .. اسمحلي منصور بسير اشوي اادبهن
منصور ( يلحق راشد ويقبضه من ايده ) : حشم حشم يا بو سنيده
ريم : والعثره رشوود شكله ياي يضربنا
ميره : لا لا منصور قبضه ما بيخليه
سلامه : كله منج
ميره : الحين شكله بيلعن خيرنا من الخاطر
ريم : شو رايكن ننزل عنه ونركب ويا ابويه ولا وياعبد الله
سلامه : هي صح ولا صدقوني ترا راشد ما بيطوفلنا اياها
ريم قبضت تيلفونها وسوت حق ابوها وقالت له يقرب موتره من موتر راشد عشان ينزلن ويركبن وياه .... قرب بو عبد الله موتره ونزلن البنات وركبن وياه بس مهاري وسلامه ما كان الهن مكان فسارن اركبن ويا عبد الله
منصور : ههههههههههههه
راشد : شو اللي يضحك
راشد كان مجفي وما شاف البنات وهن ينزلن من الموتر بس يوم شاف منصور يضحك صد صوب الموتر وشافهن وهن يركبن موتر ابوه
راشد :شردن ما عليه انزين وين بيسيرن عني انا برويهن
منصور : هاذم ناصر وسهيل وصلو .. يلا نركب مواترنا
ركبو مواترهم وتحركو وبو عبد الله هو اللي كان جدامهم ..... وصلو مكان كان وايد حلوو بقعه نازله بين عراقيب يعني صاد عن اللي يخطفون من ذيج البقعه ونزلو ونزلو اغراضهم راشد ركب موتر ابوه ومنصور ركب موتر ابوه اوقفوهن في الوسط ورابعض عشان الحريم ييلسن في صوب والرياييل الصوب الثاني اول شي الحريم حطن الريووق لان محد اتريق في بيته ...... تريقو ويلسو الرياييل يسولفون والحريم بعد يلسن يسولفن

صوب الرياييل
بوعبد الله : راشد شوف كريموه ياب الذبايح ولا لا
راشد : انشا الله ( نش راشد وسار صوب الحريم عشان يسال امه عن الذبايح ويوم وصل صوبهن
راشد : ييييييييييييييييييها
ام حمد : تعال يا ولديه محد غريب
راشد : امايه .. كريموه ياب الذبايح
ام عبد الله : هيه يابهن
راشد : زين عيل ... انتو شي ناقصنكم
ام عبد الله : لا الغالي يبنا كل شي
راشد : اوكي امايه انا بسير اذا بقيتو شي اتصلولي
ام عبد الله : انشا الله
سار راشد صوب الشباب ...
راشد : يلا شباب خلونا نركب الدراجات
الشباب : اوكي
ركبو الشباب دراجاتهم وخطفو طايرين عدال الحريم
ام عبد الله : ربي يحفظكم
ام حمد : يالله تعينا عليهم اللي ما يسمعون الرمسه انا قايلتلهم ما يسرعون
شما : امايه امايه شوفي منصور شو يسوي بالدراجه
( منصور كان شار عالتواير الورانيه وراشد وياه )
ام حمد : الهرم يبا ينفد عمره .. عطيني تيلفوني خليني اتصله واهزبه ( سوتله بس ما رد عليها لانه يعرف انها بتهزبه )
ريم : امايه متى بتسوون الغدا
ام عبد الله : عقب شوي لكن تعالو وين الحطب
ام حمد : جييه ما يابو حطب
ام عبد الله : لا
شما : اشرايكم نحن انسير نيمع الكم حطب
ام عبد الله : زين بس لا تسيرن بعيد عن لا يحتشرون اخوانكن
ريم : انشا الله
سارن البنات ييمعن الحطب ميره وريم سارن فصوب وسلامه وشما فصوب ومهاري تمت يالسه ويا الحريم
في الوقت اللي كانن فيه شما وسلامه ييمعن الحطب كان راشد راد عشان يشل نظارته لان عينه انترست من تغبير الدراجات ومن شاف شما اللي ما انتبهت له وما كانت متغشيه وقصتها كانت نازله ومغطيه على نص ويها .... راشد وقف بعيد عن لا يسمعن صوت دراجته وتم يطالع شما وسيده سار واتصل حق حمدان
راشد : حمدان الحق عليه
حمدان : بلاااااااااك
راشد : الغلا جدامي اااااااااااااخ يا حمدان احبهااااا
حمدان : ويا ويهك روعتني
راشد : قولي شو اسوي
حمدان : اقبضها وقوللها انا احبج وانتها الموضوع
راشد : قلتلها امس في التيلفون وما فاد
حمدان : قوللها مره ثانيه يوم انته جدامها بتصدقك اكثر
راشد : خلاص اوكي يلا بااااااااااااي
راشد اجدم صوبهن بالدراجه شما من شافته اتغشت
راشد : سلامه
سلامه : لبيه
راشد : لبيتي حايه
سلامه ( وهي متروعه ) : بلاها عيونك
شما من قالت سلامه جيه صدت صوبه عشان اتشوف عيونه .. عيونه كانت محمره جنه صايح
راشد : ماشي هذا من غبار الدراجات ... اباج اتسيرين موتريه وتيبين نظارتي ييبي النظاره الذهبيه مب السودا
سلامه : وليش ما اتسير روحك
راشد : تبيني اسير عشان اتشوفني امايه جي واتسويلي سالفه
سلامه : خلاص اوكي ( اربعت سلامه عشان اتيب النظاره وشما اتحركت بتمشي

[آڷصّغيرۉنہْ ™]

راشد : الشيخه
شما : نعم
راشد : ما عليج اماره ممكن تيبيلي ماي عشان اغسل عيني
شما : انشا الله ( سارت شما ويابت الماي ويوم ردت شافته يالس ومنزل راسه وحاط ايده على اعيونه شكله كان يغمض )
شما : راشد
راشد (رفع راسه وشافها وخذ عنها الماي ) : مشكوره
راشد فصخ كابه وفي هاللحظه نزل شعره على ويهه ... رفع شعره باييد وعطا شما دبة الماي
راشد : ممكن اتصبيلي الماي عاييدي
شما وبدون ما تتكلم شلت الدبه وتمت تصبله الماي وهو يغسل عينه
راشد : مشكوره الشيخه ... انا متاكد ان امايه داعتلي اليوم
شما : ليش ؟؟
راشد : شفتج وسمعت صوتج ويلستي اتصبيلي الماي ... اااااه يا ويل حالي منج
شما وطت دبة الماي ويايه بتسير
راشد : احبج ........ والله احبج .........صدقيني احبج
شما من سمعته يقول جيه اربعت عنه
شوي ويت سلامه ويابت النظاره
راشد : مشكوره .. يطولي بعمرج
سلامه : العفو
روح عنها راشد وردت شما صوبها
سلامه : اااااااااه احبه ... بس ما يعطيني ويه
شما : شوووو ؟؟ اتحبين راشد
سلامه : هيه بس هو مب معبرني وشكله يحب وحده ثانيه
شما : شووو ؟؟ في حد يحب هالايام .. حبييبتي الشباب ما يحبون الشباب بس يلعبون عالبنات
سلامه : انتي لانج ما تعرفين راشد اتقولين جيه .. راشد غير مب مثل باقي الشباب صح انه كان يغازل .. بس راشد انسان حنون وطيب
شما : وين يته الطيبه ريمووه دووم اتقولي انه يظربها
سلامه : لا في الظرب عادي انا وميروه بنات خاله دومه يظربنا بس ايي ويتسامح منا وييبلنا هدايا
شما : لهالدرجة اتحبينه .. لدرجة انج اتشوفينه غيرعن كل الشباب
سلامه : شو الفايده اذا هو وجودي جدامه والعدم
شما : الله يعينج
سلامه : هيه والله ... بس بنصحج نصيحه اذا بقيتي اتحبين لا اتحبين واحد ما يحبج لانج بتتعذبين عذاب ... واذا لقيتي اللي يحبج لا تفرطين فيه تراج بتندمين
شما ( منصدمه من رمسه سلامه )
كملن البنات تيميع الحطب ردن صوب الحريم وورو الضو وبدن الحريم يسون الغدا والبشاكير يساعدنهن
عقب ساعه ردو الشباب
عبد الله : ها شبعتو من الحواطه
ناصر : الصراحه لا
عبد الله : انتو لو اتمون عمركم كله اتحوطون ما بتشبعون
بو عبد الله : جيه ولدي بلاك لابس نظاراتك
عبد الله : شمس عليه
راشد : ههههه ...يعني اضحك
منصور : عيونه انترست رمل ونحن نلعب دراجات
عبد الله : محد قاله
سهيل : عبد الله عنبوه بلاك هذا اخوك مب عدوك نحن ما ردينا الا عشانه
بو عبد الله : راشد ابويه عق النظاره بشوف عيونك
راشد : يا ابويه شتباها ما فيها شي
عبد الله : يوم اقولكم ما فيها شي بس اونه حركاات
راشد حرج ونش عنهم
بوعبد الله : راشد
راشد : نعم ابويه
بو عبد الله : صد صوبي
راشد صد صووب ابووه
بو عبد الله : عق نظارتك
راشد : انشا الله ( وعق نظارته )
الكل انصدم من شكل عيونه كيف كانت حمرا وتهمل .. لان راشد عينه بسرعه اتحسس من كل شي ودوم يتعالج بس ماشي فايده
بو عبد الله : يا بويه جيه مخلي عينك غسلتها
راشد : هيه ابويه
بو عبد الله : من انرد سيده اتسير العياده
راشد : يااااله يا بويه ما ترزى حدر فيها رمل وحمرت بس
بو حمد : لا يا ولدي هذي عين ما حد يهمل عينه
راشد : انشا الله
عبد الله كان ساكت ومتلوم فاخوه ... والكل كانو يطالعونه بعتااب
راشد ( يبا يغير السالفه ) : شباب بتلعبون كره
منصور : حووه وين تبا تلعب وعينك جييه
راشد :عادي
ناصر : قومو قومو خلونا نلعب
راشد : انا ومنصور فريق وسهيل ونصور فريق
الشباب : اوكي ( شلو نعول وحددو ابهن القول وبدو يلعبون )
منصور : رشوود شوتلي الكوره اخافك ما اتشوف القول واتشوت برع
راشد : يالسبال ... اوكي ماعليه ... ( ويشوت راشد الكوره عراس منصور )
منصور: يلعن شكلك يالهرم
راشد : عشان تتادب
وكملو الشباب لعبهم وكانت النتيجه 6-5 والفوز كان لفريق راشد
يا وقت الصلاه نشو كلهم يتمسحون ويصلون وعقب غرفو الغدا وتمو يتغدون ويلسو يسولفون
ريم : بنات تبن تلعبن دراجات
البنات : هيه
ريم : اوكي انا بسوي حق رشوود وبقوله ( وسوتله تيلفون )
راشد :الوووووو
ريم : هلا والله بهالصوت شحالك اخي العزيز
راشد : خلصيني شو تبين
ريم : نبا نلعب بالدراجات
راشد :شوووووو
ريم : حرام عليك كلهن هنيه البنات يبن .. اكو عيل منصور ما قال حق شموه لا
راشد : انزين خلاص حشا كلتيني
ريم : انزين يلا ييبولنا الدراجات
راشد : خلاص اوكي
شوي ويو الشباب ويابو الدراجات حق البنات ناصر ومنصور وسهيل وقفو الدراجات وردو الا راشد بحكم ان كل الموجودات من هله الا شما اللي كانت واقفه بعيد ومتغشيه ركبن البنات الدراجات وتمت دراجة راشد محد ركبها
ريم : شموووه يلا تعالي
راشد : ( وبصوت عالي عشان تسمعه شما ) انا بسير بس اللي بتركب دراجتي تحافظ عليها اشوف فيها شمخ واحد بس في ذمتي اني بشمخ ويها
سار عنهن راشد ويت شما واركبت الدراجه
شما : هاي دراجة منو
ريم : دراجة رشووود اخوويه
شما : الله يعين
ريم : اظني سمعتيه شو يقول
شما : هيه
سارن البنات يلعبن ميره وسلامه ما باعدن لانهن ما يعرفن المنطقة يعني اذا سارن بعيد ما يرومن يردن بس ريم وشما متعودات عالمكان فسارن بعيد وتمن يتسابقن .... راشد ياه تيلفون ونش عن الرياييل وتم يرمس بالتيلفون وهو يتمشى وسار بعيد عنهم
ريم : شموه بتسابقين مره ثانيه
شما : لا تحاولين تسبقيني
ريم : والله هاي دراجة اخوج قحط والله وانتي راكبه دراجة اخويه الفنانه
شما : يلا يلا ما يخصه بعدين هن نفس الشي
ريم : اوكي يلا بنتسابق لين عند العرقوب هاذاك
شما : خلاص اوكي
ريم : يلا 1......2........3
وبدا السباق شما روحت عن ريم وما وعت الا ابغيم وراها وردت بسرعه كانت ريم منجلبه بالدراجه اويها كله عليه دم وريلها كانت تحت الدراجه وكانت كلها دم
ريم: ااااااااااااااااااااه ...شموه الحقيني
شما : ريموه ... ( حاولت ترفع الدراجه عن ريل ريم بس ما اقدرت الدراجه وايد عوده وثجيله ) ريموه ... دخيلج اتحملي انا بسير بزقر حد يساعدنا
اربعت شما تزقر حد شوي وتلقا راشد يرمس بالتيلفون وتربع صوبه
شما ( وهي اتصيح ) : راشد اهيييييييييييئ هئ هئ
راشد : بلاج
شما : ريـ .....ريمـ .... ريموه انجلبت بالدراجه
راشد :شووووو.... وينيه الحين
شما : ( واتاشر بايدها ) هناك
راشد ربع جدامها كان زايغ على اخته وشما تربع وراه
اول ما وصل راشد عند ريم رفع عنها الدراجه وظهر ريلها من تحت الدراجه وشلها وهي اتصيح وربع ابها صوب السياره
راشد : شما بسرعه بطليلي باب السياره
بطلت شما الباب وكلهم يو صوبهم ام عبد الله وشما اركبن وياهم
راشد رمح الموتر وخطف عالرياييل طاير طبعا الرياييل ما كانو يدرون عن شي ميره تمت اتصيح ام حمد سارت وخبرت الرياييل
بو عبد الله من سمع السالفه ركب موتره وارمحه وراهم المستشفى والباقين تمو ايحطون اغراضهم في السيايير عشان يردون

[آڷصّغيرۉنہْ ™]

في سياره راشد
ريم اتباغم بقو وريلها كانت تنزف وايد وراشد يمشي 200 واول ما وصل المستشفى نزل بسرعه وشل ريم وربع ابها داخل وسيده دخلوها غرفه الاسعاف ام عبد الله ما قدرت اتحدر وياها ما تقدر اتشوف بنتها وهي اتباغم شما وراشد احدرو وياها ...
ريم ( وهي اتصيح واتباغم) : رشوود ابا ابوويه ييبلي ابويه قبل ما امووت
راشد : ريمووه شوو هالرمسه انتي ما فييج شي
ريم : رشوود اااااااخ جسمي كله يعورني بمووت
راشد تم يهديها
كانت ريلها منيرحه يرح عود وتمو ايخيطولها اياه شما كلا ما يخيطون غرزة وحده كانت تصد عورا وراشد انتبه عليها بس هو باله كان عند ريم دلوعتهم ما هانت عليه وهو يشوفها وهي تتالم كان قابض ايدها وايهديها شما كانت تطالع راشد وتصرفاته وشقا يالس يهدي ريم وذكرت رمسه سلامه عنه يوم اتقول انه حنون وطيب ... خلصو خياطه ريلها خاطولها اياها 14 غرزة وكان في يبهتها يرح بس كان صغير خاطولها اياه بغرزتين وكان ويها متشمخ وجسمها بكبره مترضض لانها انجلبت وهي كانت مسرعه .... شوي ووصل بو عبد الله المستشفى وسار صوبهم وكانو بيحدرونها غرفة الاشعه عشان يتاكدون ان ما فيها كسور .... والحمد لله ما ظهر فيها كسور عقب نقلوها غرفة خاصة وركبولها مغذي لانها نزفت وايد وقالو انهم بينومونها كمن يوم .. لين يتاكدون انها غدت بخير
عبد الله وصل عياله وفطيم البيت وياهم المستشفى وام حمد تيلفونها ما بند عنهم كانت تتصل ابهم كل شوي عشان تطمن على ريم ... منصور من درا وهو يتحرقص خاطره ايسير ويطمن عليها بس بصفته شو ايسير الهم ...
بو عبد الله : راشد ابويه انته سر البيت بدل اثيابك وييب حق اختك ثياب عن هالثياب اللي كلهن دم
راشد : انشا الله
سار راشد البيت اتسبح واتلبس وقال حق فطيم اتزهب ثياب حق ريم ورد الهم بسرعه .. واول ما وصل عطاهم ثياب ريم ويلسن شما وامها يساعدنها عشا تبدل ثيابها
ريم : اااااه ... امايه ظهري يعورني ما اروم اطيح عليه
شما : ريم فديتج لازم بيتم ظهرج يعورج وجسمج كله يعوج فتره وبيخوز
ريم : راشد ... وين
شما : اكوووه برع
ريم : خليه ايي اباه
ام عبد الله : امايه شما بو عبد الله وعبد الله وراشد بيحدرون
شما اتغشت وسارت ووقفت عطرف
بوعبد الله : الحمد الله عالسلامه ( وحبها عراسها )
ريم من شافت ابوها واخوانها بدت المناحه وتمت اتصيح
راشد : ريماني فديتج .. ليش اتصيحين انتي احمدي ربج انها يت عجيه
عبد الله : والله انتي محد قالج اتسيرين اتهومين عالدراجه
راشد : انته متفيج بدال ما تخفف عالبنت يالس تنازع وتهازب
شما واقفه ومنصدمه من اللي يستوي جدامها اتحيد ريموه اتقوللها ان راشد يتروع من عبد الله بس اللي تشوفه جدامها عكس كلام ريم ( ما تدري ان راشد من شافها وهو متغير 180 درجه وما عاد يهمه حد في الدنيا غيرها )
رن تيلفون راشد ظهر راشد من الحجره وكان منصور متصلبه يطمن على ريم
منصور : انزين راشد عيل اقولك اذا ما عليك اماره خل ختيه اتيني عند السياره انا واقف عند باب الطواري
راشد : عنبوه تباها اتيك لين اهناك روحها تعال انته وشلها من هنيه
منصور : ما اروم انزل
راشد : انزين نحن اترانا في قسم الحريم بعيد عن قسم الطواري
منصور : اوكي يلا بس خلها تترياني عند باب القسم
راشد : انزين يلا مع السلامه ( وسكر عنه وحدر الحجره ... وصد صوب شما بس ما عرف اشقا يرمسها )
راشد : الشيخه .. منصور ياي يقولج اترييه عند باب القسم
شما سارت صوب ريم وباستها
ريم : تمي عندي
شما ( وبصوت واطي ) : بييج عقب
ريم : اكيييد
شما : انشا الله .... يلا مع السلامه
الكل : الله يحفظج
بو عبد الله : راشد وصل البنيه عند اخوها هب اتخليها اتسير روحا
راشد تم يطالعها بس هي تمت ساكته وما قالت شي .. ظهر من الحجره وهي ظهرت وراه
راشد : مشكوره
شما : على شو؟؟
راشد : لانج تميتي ويا ريم ... ريموه محظوظه ان عندها ربيعه شراتج
شما : ......................
راشد : ها اكوووه منصور
شما سارت صوب منصور وعيون راشد كانت عليها لين ما وصلت ... راشد تم يتمشى في المستشفى شوي وعقب سار صوب حمدان وخبره عن اللي استوا كله
حمدان : تستحجون سلامتها
راشد : الله يسلمك .. الا شحاله ابوك
حمدان : الحمد لله الحين احسن عن قبل ابوايد ... يحرك ايده ويفتح عيونه
راشد : الحمد لله .. الله يقوملكم اياه بالسلامه
حمدان : امين يا رب

وفي بيت سعيد ال.........
ميره : ابا اسير عند ريموه
سلامه : منو بيودينا
فطيم : عبد الله بيي المغرب عشان يوديني عندها اذا بتسيرن ويايه
ميره : هيه بنسير
فطيم : خلاص عاذان المغرب خلكن جاهزات
ميره : اوكي

[آڷصّغيرۉنہْ ™]

وفي بيت سيف ال.........

منصور وشما توهم واصلين
ام حمد : ها ابنيتيه شحالها ربيعج
شما : الحمد لله بخير خاطولها ريلها 14 غرزة ويبهتها غرزتين
منصور : حليلها
ام حمد : انزين يوم انهم خيطوها اشله منومينها بعد
شما : تراها انزفت وايد لازم ايتمون ايحطولها مغذي وبعدين جسمها كله مترضض من اطيح عينب تمت اتباغم من الويع
ام حمد : منصور اباك اتوديني الهم عقب المغرب
منصور : انشا الله
شما : انا بعد بسير وياج
منصور: نعم ... لا الغاليه قري محلج في البيت
شما : حرام عليك انا قلت حق ريموه اني بييها
ام حمد : انزين بنوديج
منصور: امايه
ام حمد : جيه هي وين سايره الا عند ربيعتها لا وفالمستشفى وانا وياها ومب انا اللي اقولك عن عيال سعيد ال.........
منصور: انزين خلاص فكونا
منصور سار حجرته وتم يفكر بريم غامضتنه كل ما يتخيل انها اتباغم واتصيح قلبه يعوره عليها

وفي المستشفى
بو عبد الله : انا تعبان ابا اسير البيت ارتاح
ام عبد الله : حتى انا ابا اسير البيت ما اداني المستشفيات راسي يعورني منهن
ريم : وانا يتخلوني روحي
راشد : افا وانا ... انا تراني بيلس وياج
عبد الله وانا عقب شوي بييب فطيم بتبات وياج
ام عبد الله : راشد ايلس عند اختك ولا تسير عنها لين اتيها فطيم
راشد : انشا الله
وظهرو عنهم وسارو البيت وعقب المغرب يت شما وامها ... واول ما حدرو ما انتبهو لوجود راشد لانه كان يالس عالكرسي وعاطي الباب ظهره ومتساند عالكرسي ومتلثم بغترته ومربع ايده من البرد وغافل
حدرن شما وامها الحجره وسلمن عريم بس ريم مب عارفه كيف اتقوللهم ان راشد في الحجره شما افترت وشافت راشد وشهقت
ام حمد : بلاج
شما ( وبصوت واطي ) : امايه اخوها اهنيه
ام حمد : حليله راقد
ريم : هو ناش من الفير ويالس عندي من الظهر اظني تعب وغفل
ام حمد : يلا عيل يا بنتي نحن بنسير
ريم : لا خالتي وين توكم يايين راشد الحين بينش ... تمو ويايه انا الايالسه روحي
ام حمد : جيه وين امج
ريم : امايه ظهرت من شوي سارت البيت امايه ما اداني المستشفيات راسها يعورها من اتحدرهن ويرتفع الها الضغط
ام حمد : صدقها منو ثره يداني المستشفيات
شما : عيل انتي منو بيبات عندج
ريم : فطيم بتيني خلاف
شما : زين
ريم : راشد ... راشد
ام حمد : حليله خليه يرقد
ريم : لا بخليه يسير يرقد في البيت اصلا ظهره بيعوره من هالرقده
شما : حرام عليج شكله راقد رقاد تعب
ريم: راشد ....راشد
راشد ( مغمض عيونه ): امممممممممم...... امايه خليني ارقد
شما وبدون قصد ضحكت
راشد سمع صوت ضحكتها وفج عيونه ونش واقف
ريم : راشد بسم الله بلاك انته اهنيه عندي في المستشفى
راشد ما رمس ولا شي حدر الحمام وغسل ويهه واتمسح و ظهر
راشد ( صوته كان خشن عقب الرقاد ) السلام عليكم
الكل : وعليك السلام
راشد : ريموه اذن المغرب صح
ريم : هيه اذن .. اكييه السياده جان تبا اتصلي
فرش راشد السياده وتم يقيم الصلاه حق عمره وصلا المغرب
وعقب ظهر عنهم ويلس فاللوبي
منصور اتصل حق امه عشان تظهر له
ام حمد : يلا عيل بنيتيه نحن بنسير
ريم : لا وين بتسيرون تمو ويايه
ام حمد : انزين بخلي شما عندج .. ( وصدت صوب شما ورمستها ) يوم بتي فطيم سوي حق منصور عشان ايي ويشلج
شما : انشا الله
ظهرت ام حمد من الحجره راشد انتبه لظهرتها بس ما انتبه انها ظهرت روحا بدون شما وقام بيرد الحجره عند ريم
اول ما وصل عند باب الحجره فج الباب بقو ( تعرفون شباب دفاشه ) وحدر الحجره ولان بشما اتنش بسرعه وتتغشا بس هو شافها وتم متيبس عند الباب راشد : اااالسموحه ... اتحريت محد عندج ( وياي بيظهر)
ريم : رشووود تعال محد غريب هاي الا شموه
راشد ( وهو يطالع شما ): يعني احدر
ريم : تعال اشرب من هالكستر حلو يدفي
راشد حدر ويلس عالكرسي اللي مجابل شما وعيونه بتاكلها
ريم : شموه ما عليج اماره صبي حق راشد كستر
شما نشت اتصب حق راشد وهو تم يطالعها ... ويوم يت بتعطيه مد ايده هي اتروعت ووطت الكوب عالطاوله وردت تيلس
راشد : ( يته ضحكه عحركتها لانها دووم اتسوي وياه هالحركه بس ما رام يضحك وتم يتبسم وهو يشرب الكستر ) اللاااااااااااااه .. وايد حلو .. تسلم ايد اللي مسونه
ريم : هاي شموه مسوتنه
راشد : ما ظني
شما : نعم
راشد ( هالمره ماقدر يقبض عمره ):هههههههههه
شما : شو اللي يضحك الحين
ريم : لا ما عليه هذا اخويه جيه اهبل يضحك بلا سبب
راشد : انا اهبل يالسباله ( ويكفخها على ايدها )
ريم : ااااااااااااااااااااااااااااااااااه
راشد : اويع
شما : حرام عليك روحا منجلبه ومترضضه وحالتها لله بعد اتزيدها
راشد : يحليلج وايد اتحاتين حالها
شما : هي وليش ما احاتي حالها ربيعتي
راشد ( وفي خاطره ) : وانا متى بتحاتين حالي
ريم : رشوود
راشد : ها
ريم : شللنا شله انا دووم اقول حق شموه ان صوتك حلو سمعها اياه
راشد : فالكم طيب ( وتم يشل ويسوي حركات بيده وملامح ويهه وهو يشل تبين انه متعذب وكان طول الوقت يطالع شما لان يعنيها في الشله )
يابوي انا اسهر والملا ارقود ~- ~ يابوي انا عفت المنامي
يابوي انا لي قلب مصيود ~ - ~ مصطاب من حلو القوامي
يابوي انا اشكي ناعم العود ~ - ~ ياللي عليه القلب ظامي
وسوالم السامعين .. اسمحولي عاد الصوت والله انه عقب الرقااد
ريم : ها شرايج
شما : .....................
شوي وفطيم حادره الحجره ووياها هندو ميره وسلامه ومهره
ميره : ( اربعت صوب ريم ولوت عليها ) الحمد لله عالسلامه
راشد : شكله بيبدا الفلم الهندي يلا انا ساير ريم تبين شي
ريم : سلامك
راشد : مع السلامه
الكل : الله يحفظك
ظهر راشد وسار صوب الشباب
شما : انا بسوي حق منصور اييني
ريم : لا تمي
شما : ودي بس تعرفين اذا اتحيرت ازياده منصور ما بيخليني ايي مره ثانية انتي اتعرفينهم من يستجلبون ( واتصلت حق منصور شوي ويا ها وردت البيت وسيده رقدت من التعب )
هند و ميره وسلامه ومهره ياهن عبد الله عالساعه 10 وردهن البيت وفطيم باتت عند ريم
راشد رد البيت عالساعه 12 وسيده سار ورقد

[آڷصّغيرۉنہْ ™]

اليوم الثاني

ام عبد الله وبو عبد الله وهند سارو المستشفى عند ريم
وعبد الله لحقهم ورد فطيم البيت
بو عبد الله : ها بنتي شحالج اليوم
ريم : الحمد لله احسن صح ان ظهري يعورني بس احسن عن امس
وتمو يسولفون شوي وبو عبد الله ظهر عنهم وسار صوب العزبه
وراشد بعده راقد ... حدرو عليه حميد وشوق وهم يظاربون حميد شال عروسه شوق وشارد عنها
شوق : ييب عروستي
حميد : مابا بكثلها عنت ( بكسرها عنج )
شوق : وااااااا ... عمي راشد شوفه
راشد ( نشلهم وهو ما يشوف اللي جدامه خربو عليه ارقاده قبض كل واحد بييد من كندورته ونزل ابهم تحت
وفرهم عند امهم
حميد وشوق : وااااااااااااااااااااا
راشد : قبضي عيالج عني لا اجتلهم
فطيم : عنبوه تحط عقلك وعقل يهال
راشد : فكينا ... وانتو اسمعوني انا بسير ارقد خلوني اسمع نصخ واحد منكم شوفو شو بسويبكم .. ان ما حطيتكم تحت تاير الرنج
حميد وشوق كل واحد حط ايده على حلجه عشان ما يظهرون صوت لان راشد يوم يحرج ما يشوف اللي جدامه وهم عارفين هالشي
رد راشد وكمل ارقاده لين اذان الظهر ونش واتسبح واتلبس ونزل تحت في الصاله ما لقى حد في البيت
راشد : جوهره ...جوهره
جوهره : ها شو يريد
راشد : يلعن شكلج رمسيني عدل
جوهره : يلا قولي شو يريد انا في شغل
راشد : يلعنج حرمه اتشوفيني جدامج قولي قول مب قولي ... انزين وين ماما
جوهره : كلو نفر داخل بيت سير هوسبيتال
راشد : انزين اقولج ييبيلي شي حار ادفابه شوي
جوهره : في جاي هليب يريد
راشد : اوكي يلا ييبي
سارت جوهره ويابتله الكرك ( جاي هليب عقولتها ) وشربه وسار صوب المستشفى عند هله يلس وياهم شوي وسار عند ربعه مسوين غدا ومتيمعين في مبزره وهله ردو البيت يتغدون وهند تمت ويا ريم اختها في المستشفى

وعالعصر في بيت بو حمد
شما : ابويه عادي اسير عند اربيعتي المستشفى
بوحمد : منيه ربيعج ... بنت سعيد
شما : هيه ابويه
بو حمد : هيه جان الا عند بنت سعيد امره لا تشاوريني يوم بتسيرين عندها
شما : انزين منو بيوديني
بو حمد : سيري ويا الدريول وشلي البشكاره وياج
شما ( وتحب ابوها عراسه ) : مشكور ابويه ( واربعت حجرتها عشان تلبس عباتها وتسير عند ريم )
وسارت عندها وهند يوم شافت انه شما يت سوت حق الدريول ورد البيت
تمن شما وريم يسولفن وشوي ويحدر عليهن راشد شما من شافته اتغشت بسرعه وهو استانس يوم شافها بس هالمره ماظهر الا حدر الحجره
راشد : السلام عليكم
ريم وشما: وعليكم السلام
راشد : الله حيها بنت سيف عدنا اليوم
شما ( وبصوت واطي ) : بك حي
ريم : رشوود انته ما تعرف ادق الباب قبل لا تحدر
راشد : جيه الغاليه حادر مكتب الوزير
ريم : يا ربي انته متى بتتعلم الايتيكيت
راشد : ولد منو هذا
شما : هههههههههه
راشد : ( واياشر عشما ) لا اتحريني ما عرف شو يعني الايتيكيت انا اعرف بس ابا استهبل
ريم : يعني تعترف انك اهبل
راشد : اهبل ريلج
ريم : تبا كيك
راشد: لا
ريم : كيفك انته الخسران ... لذيذ
راشد : كيك جوهروووه مثل ويهج يلوع بالجبد وين ياه لذيذ
ريم : لا ابويه هذا مب كيك جوهره هذا كيك بنت سيف
راشد : والله .... عيل لا ابا منه ... اكيد حلو
شما : لا مالح
ريم : هههههههه .... مسكينه من كثر ما تيلس ويانا استوت سخيفه شراتنا
راشد : ترا شكلي بغير رايي ( شما فهمت قصده بس ريم مثل الاطرش في الزفه )
ريم : في شوو؟؟
راشد : ما باكل الكيك
ريم : عادي كله واحد وفرت
راشد ( نش اونه بيظهر )
شما : خلاص تعال بنسويلك اللي تباه
راشد : صدق ( هو كان يقصد شي ثاني بس شما فهمت قصده )
شما نشت وحطت له الكيك في الصحن ووطته عالطاوله وردت ويلست ... راشد تم يا كل من الكيك
راشد : والله ربيعج هااي ( وياشر عشما ) ما عندها سالفه
ريم وشما نطرن عيونهن
ريم : رشووود
راشد : وايد مسوتلج سالفه ... كل يوم اتسويلج الاكل واتيج وتيلس عندج
ريم : والله هاذيل الربع مب شراتكم انتو الشباب ما تسوون سالفه حق ربعكم
شما ساكته وما قالت شي
راشد : ابا اسير القريه بس مب لاقي حد يخاويني
ريم : اللااااااااااااااه ... انا فخاطري القريه السنه ما سرنا لها
راشد : والله العظيم ... مكسوره واتبرد .. الحين انتي منسده عهالشبريه .. وتامتلنا ااااه .... واييييه وتبين اتسيرين القريه
شما : ما عليج انتي ظهري من المستشفى انا بقول حق امايه وبنسير
راشد : ليش وانتن عكيفكن
شما : هيه عيل شورنا عند ابوتنا
راشد : نحن ما عدنا بنات يسيرن القريه ... القريه كلها شباب شو ايوديكن
شما : لا والله .... ايه ابويه جنك نسيت عمرك انا مب اختك عشان تفرض رمسك عليه
راشد ( وحرج عليها ) : والله انا لو ما اباج اتسيرين اروم امنعج بقول حق اخوانج وما بيخلونج ( ونش وظهر من الحجره )
شما : بلاه هذا حرج
ريم : اشدراني ... غريبه اصلا السالفه ما تسوى
شما ( كانت تدري ليش هو حرج )
ريم : اقولج انتي يبتي شهادج
شما : لا
ريم : طلعتي شراتي
شما : شنباها بيعطونا اياها يوم بنداوم
ريم : شكلج مزفته
شما : لا عادي
وكملن البنات سوالفهن وراشد سار صوب امبزره وتواعد ويا حمدان عشان ايه هناك .... ياه حمدان وخبره راشد بالسالفه
حمدان : هههههه
راشد : يا ربي منك من اقولك شي تضحك عليه
حمدان : لان تصرفك يضحك ... اشلك اتامر عالبنت هاي مب اختك وانت ما خطبتها عشان يكون لك امر عليها
راشد : بس انا احس اني مسؤول عنها
حمدان : قلتها ... اتحس بس الواقع غير جذيه
راشد : مرات اكره عمري لاني حبيتها .. احس انها ما تستاهلني
حمدان : يا ربي وانت متى بتخوز عنك هالخقه
راشد : والله انك متفيج
حمدان : تعال بقولك شي
راشد : شووو
حمدان : نحن قررنا ان انرد نستقر فالعين
راشد : صدق ... خير ما تسوون والله .. هذا احلى خبر سمعته اليوم
حمدان : عمي شار علينا انا انتم هنيه .. لان اتعرف نحن عايشين في بوظبي شرات المقطوعين ... هلنا كلهم اهنيه
راشد : زين .. الراي العدل والله .. اصلا انا اتعودت عليك ... ولا جان ريتني كل يوم عندك في بوظبي
حمدان : لا بويه لا تحلم .. اصلا اساسا انا بسير بوظبي وما برد الا خميس ويمعه ... شو انت نسيت اني ادرس
راشد : لا تقول
حمدان : بقول
راشد : انزين حول اهنيه
حمدان : يوم اقولك ان الحب لاعب بك لعب... .. ايه انا ادرس في البترول اشقا احول اهنيه
راشد : اوه ... نسيت
ويرن تيلفون راشد
راشد : مرحبا
منصور : مرحبتين الساع
راشد : شحالك
منصور : بخير ونعمه .. ومن صوبك ؟؟
راشد : طيب طاب حالك
منصور : وين
راشد : فمبزره ويايه حمدان
منصور : يحيكم ... خلاص عيل انا بسير المستشفى برد الرضيعه البيت وبيي صوبكم
راشد (وفي خاطره ): لا شقا يشلها قبل لا اشوفها
منصور : راشد
راشد : ها
منصور : وهوا ... وين سرت
راشد : هوا يشلك ... وياك .. اقولك انت الحين وين
منصور : في البيت
راشد (وفي خاطره ): زين يعني شي وقت
منصور : ليش تسال
راشد : شرايك انتلاقا في المستشفى
منصور: خلاص .. تم
راشد : يلا في داعت الله
منصور :سلم عـ حمدان
راشد : سلام يبلغ بخير
وسكر عنه
راشد : يلا حمدان انا برد المستشفى
حمدان : جيه
راشد : منصور بيي يشلها .. ابا اشوفها قبل لا تسير
حمدان : توك زعلان عليها
راشد : انا ازعل عالدنيا كلها ولا ازعل عليها
حمدان : يااااااله يالحب
راشد : جب ... يلا برايك
حمدان : انزين شوي شوي عن السرعه
راشد : بلاك مستولي جنك امايه ...
حمدان : هههههههههههه
راشد : انشا الله امره ما بسوق فوق الميتين
حمدان : ويا ويهك
وسار راشد صوب المستشفى ولحق عشما قبل لا ايي منصور ويشلها
راشد اول ما حدر الحجره وشافها استانس
ريم : ها عيل اشوفك رديت
راشد: كيفي
ريم : تعال انته شو اللي حرجبك
راشد : ما شي انا امبوني كنت عطريف وانتن ييتن وزتني
ريم : زين ما ظربتنا
راشد : لو كنتي بروحج جان ظربتج ... بس ما نروم
ريم : شموه عيل انا بسكنج في بيتنا عشان ما يظربني رشوود
راشد : ليش لا ..( شما فهمت قصده )
ريم: اللااااااه وناسه ... جان زين شموه ويانا في البيت
ويرن تيلفون راشد
راشد : هذا منصور ...اكيد وصل
ريم : ليكون ياي يشل شموه
راشد : هيه
ريم : ليش حرام ... خله ايخليها شوي
راشد ( صد صوب شما ورمس بصوت واطي ) : ودنا
وظهر راشد صوب منصور ويلس يسولف وياه شوي ويت شما وردو منصور وشما البيت

[آڷصّغيرۉنہْ ™]

وفي السياره
منصور : شحالها الحين
شما ( في وادي ثاني يالسه تفكر براشد )
منصور : شموووووووووه
شما : ها .. ها
منصور: وهوا ... بلاج ارمسج ما تردين عليه
شما : ما سمعتك بلاك
منصور : اقولج شحالها ربيعج اليوم
شما : وانت ليش وايد مهتم فيها
منصور : عنبو ربيعج واخت ربيعي وانا مب مهتم ولا شي بس اسال
شما : الحمد لله اليوم بخير ..
منصور : عيل شله مخلينها في المستشفى
شما : ترا دمها نازل من كثر ما انزفت ... وبعدين ترا هي دلوعه كل دقيقة اتقوللهم ظهري يعورني ... ايدي تعورني
منصور( وفي خاطره ) : فديت الدلع انا
وتمو يسولفون لين ما وصلو البيت

وفي بيت بو عبد الله ( عقب صلاة المغرب )
عبد الله وابوه وامه وفطيم حرمته كانو يالسين في الحوي
شوي ويحدرن ثلاث سيارات البيت
( فتك اسود _ ومرسيدس sl_ واستيشن ابيض )
هذا خليفه اخو سعيد ( بو عبد الله ) اللي في بوظبي
خليفه ( بو حارب ) حرمته موزة وعيالهم
حارب ( اتعرفونه طريناه من قبل )
هزاع
عمره 20 سنه خريش وربشه وايد المكان اللي يحدر فيه يجلبه ربشه في ربشه .. هو مرشح في كليه الشرطة سنه ثالثه
اليازيه
كبر ريم يعني السنه ثانويه عامه ( علمي ) وشاطره وهي محيره لراشد
وعندهم اخت عوده اسمها العنود معرسه ماخذنها اجعبي من عيمان
نزل بو حارب من موتره .. وهو يهود ما انتبه انهم يالسين فالحوي
بو حارب : هووود .. يا اهل البيت
بو عبد الله : مرحبا الساع
بوحارب : مرحب باجي ( وسارو صوبهم وتوايهو وياهم وقربوبهم في الصاله
بو عبد الله : يا مرحبا الساع
بو حارب : الله يرحبك حفظله
بو عبدالله : وشحالكم
بو حارب : بخير ربي يعافيك
بو عبد الله : زين والله يوم ييتونا من زمان ما شفناكم
بو حارب : هاي مشوره اليازيه فديتها
بو عبد الله : زين يوم يبتيهم يا بنتي
ام عبد الله وفطيم سارن المطبخ عشان يرتبن لفواله
بو عبد الله : وشحالك يا هزاع
هزاع : بخير ربي يعافيك
بو عبد الله : وين انته من زمان ماشفناك
هزاع :شو نسوي يا عمي في هالكليه ترانا ننزللنا يومين هبابنا نرتاح فيهن وما انتفيج نظهر من بوظبي
بو عبد الله : الله يوفقك
هزاع : من قال يا ربي
اليازيه : عمي وين ريم
بو عبد الله : ريم في المستشفى
بو حارب : ما من شر
بوعبد الله : من يومين سايرين نقيل فالبر .. فانجلبت بالدراجه
هزاع : (وهو يرمس حارب بصوت واطي ): ليكون هاي البزيا
حارب : هيه
بو حارب : شو استوابها
بو عبد الله : جسمها مترضض وخايطيلها ريلها
بو حارب : تستحجون سلامتها
بو عبد الله : الله يسلمك
بو حارب : عاد اشوفكم كلكم هنيه منو عندها
بو عبد الله : امبونها ختها عندها وتوها يايه عنها والحين راشد يالس عندها ونحن بنسير الها عقب شوي
بو حارب : خلاص عيل نحن بنخاويكم
بو عبد الله : قبل بتقهويون وخلاف بنسير
حطو لفواله واتقهويو وسارو صوب ريم وسلمو علها واتحمدولها بالسلامه ويلسو عندها وتمو يسولفون وهزاع وحارب تمو يالسين في اللوبي ماحدرو عندها وياهم راشد وتم يسولف وياهم
راشد : هزاع زين يوم شفناك
هزاع : والله شو نسوي ..انزين يوم نحن ما ني شله انته ما تينا
راشد : والله ودنا .. نعرف انا مقصرين بس شو نسوي انا العين ما اظهر منها الا في الشهر مره
هزاع : بقوللكم شي انتو عايبتنكم اليلسه هنيه .. قومو خلونا نظهر
حارب : وانته ما تعرف اتقر
هزاع : يا خي الحين شو الفايده من يلستنا
راشد : وين تبون اتسيرون
حارب : بنسير المول
هزاع : لا مابا .. انتو هنيه ما تتيمعون مكان
راشد : يعني انته تبا يمعت شباب وربشه وجيه
هزاع : ايواااا ... هذا المطلوب
راشد : لحظه اشوي بطالع الربع وين متيمعين وبنسير عنده (واتصل حق منصور وقاله انهم بميلسهم وعندهم سهيل ولد عمهم )
راشد : خلاص عيل منصور نحن يايين صوبكم
منصور : حياكم الله ( وبند عنه وسار راشد ويا هزاع وحارب صوب بيت قوم منصور ... هزاع وحارب كانو يايين ويا ابوهم فسارو ويا راشد في موتره .... وفي السياره هزاع طار المسجل طر ومرتبش وتام ايبس وربش راشد وياه الا حارب ما تيوزله هاللعلوم )
هزاع : رشوود حطلنا ميحد
حارب : هيه ..حط دافي الصوت
هزاع : البرد وايد مؤثر عليك
راشد : ههههههههه
حارب : ههه .... سخيف
هزاع : رشوود حط يوم الوداع فنانه
حارب : اتحريت مطربه
هزاع : وانا اقول ظاهر سخيف عمنو ثره على اخويه العود
راشد: اقولكم شي بحطلكم راشد الماجد ( وحطلهم صوت المحب )
هزاع : عاشو ... يابس ( هو يالس ورا بس مجدم راسه من بين السيتات ويالس ايبس ويا راشد ... وراشد تام ايبس وادق هرانه وضارب خط التجاوز ويديم حق المواتر اللي جدامه عشان يخوزن عنه ... لو ما يطفر الخلق في الشارع لا تسمونه راشد .. شوي ووصلو بيت قوم منصور حارب نزل عنهم وتم متساند عالبونيت يترياهم ينزلون وهم بعدهم مرتبشين ويا الغنيه مب طايعين ينزلون الا لين اتخلص لغنيه ... منصور سمع صوت السياره وظهر الهم وشاف الربشه اللي مسوينها .. وتم يضحك عليهم وسار صوب حارب اوايهه )
حارب : دخيل الله .. نزلهم من الموتر
منصور : اوكي ( وسار صوبهم وفج الباب عراشد عشان ينزله من الموتر .. بس راشد قبض ايد منصور ونزل من الموتر وهو اييول وايبس ويسحب منصور وياه منصور امبونه ما يبى اييول بس ارتبش وما رام ايود عمره .. ونزل هزاع وتم اييول وياهم بفروخته .. ويوهم ناصر وسهيل وتمو اييولون وياهم ( اللي عنده عرس اييبهم ويفك عمره فرقه ماشاء الله ) الشباب مرتبشين وحارب واقف عصوب سار ناصر وقبضه من ايده واسحبه وياهم وخلاه اييول قصبن عنه .. وعقب ما خلصت الاغنيه ... حدرو الشباب الميلس وراشد بس تم خاري عشان يبند الموتر .. ويوم نزل من موتره صد صوب دريشة حجره شما وشافها يالسه تطالعهم .. بس من شافته اندست )
راشد : فديتها والله
وحدر الميلس عند الشباب وتمو يسولفون شوي
هزاع : شباب شرايكم باجر انسير صوب القريه
راشد : جان زين انا في خاطري اسير
منصور : انا ما عندي خلاف
ناصر : ها سهيل بتخاويينا
سهيل : اكييد
حارب : بس مب اتقولولي بنحدر الميدان
هزاع : لازم عيل نحن شعنه بنسير ... ما شي بس ساعه وبنظهر وبنتم نتمشى شوي وبنسير صوب الالعاب وبنتعشى وبنرد
حارب : ما عليكم منه تراه ان حدر الميدان ما بيظهر الا يوم بيبندون الليتات في القلعه
راشد : لا ما عليك نحن بنظهره .. قصبن عنه
سهيل : في كم موتر بتسيرون
ناصر : موتر واحد يسدنا .. ما نبا كل حد يتم روحه
راشد : موتر واحد ما يسد نحن كلنا عندنا رنجات
هزاع : درينا ... درينا عندك رنج .. يعني لازم اتقول
راشد : ويا ويهك انا قصدي ان الرنج ما يشلنا كلنا
هزاع : وانا موتري شخانته
منصور : وانته شو عندك من المواتر
هزاع : احم ... احم .. انا عندي فتك
ناصر : حيه
منصور : وانت يا حارب
حارب : انا عندي مرسيدس sl
ناصر : اوووب ما نروم عليك
راشد : هيه هذا الموتر مب موتر هزاع
هزاع : حليلي انا الا مرشح في الكليه ما ادرس برع وينزللي معاشين كل شهر
حارب : حاسدني على هالمعاشين وهن ما يسون شي قبل لا يخلص الشهر اني مفلس
هزاع : لازم بتفلس دام انك هناك كل يوم ماجر لك موتر اكشخ عن الثاني يوم فراري ويوم بورش
سهيل : هزاع الحين انته في الكليه
هزاع : هيه ( وجان يعق سفرته ) الدليل ( اونه ما فيه شعر )
سهيل : عيل اشوفك ابيض اتلق عنبوه انا اللي بطالي انته ابيض عني
هزاع : اهبي ... اذكر الله يا ريال
سهيل : ما شاء الله ... بس اول مره اشوف واحد في الكليه وابيض
هزاع : ترا نحن هالسنه تطبيق يعني كله انداوم برع ما شي كراف
سهيل : ايوااااا
ويلسو يكملون سوالفهم وحطولهم العشا واتعشو ويلسو يلعبون ورقه لين الساعه وحده وعقب ردو بيتهم ورقدو

[آڷصّغيرۉنہْ ™]

اليوم الثاني
الكل نشو واتريقو ويلسو في الصاله يسولفون الا راشد وهزاع وحارب
بو حارب : اليازيه اخوانج ما نشو
اليازيه : لا ابويه بعدهم رقود
بو حارب : فديتج بنيتيه سيري وعيهم
اليازيه : ابويه وين اسير اوعيهم هم رقوود في حجرة راشد
بو عبد الله : انزين سيري ودقي عليهم الباب خليهم اينشون .. عنبوه استوا الضحى وهم بعدهم ارقود
سارت اليازيه فوق وشافت ميره يالسه في الصاله الفوقيه
اليازيه : ميره اقولج أي وحده حجره راشد
ميره ( وباستغراب ) : وانتي شتبينها حجرة راشد
اليازيه : ابويه مطرشني اوعي اخواني بسير ادق عليهم الباب
ميره : هيه ... اتشوفين الممر اللي هناك اخر حجره فيه حجرة راشد
اليازيه : انزين اقولج تعالي ويايه
ميره : لا الغاليه لا ايي وياج ولا الله قاله تبين رشود يجتلني
اليازيه : ليش؟؟؟
ميره : حبيبتي .. انتي اتخبلتي بدقين الباب على حجرة راشد يعني بتوعينه ورشوود موته ان حد خرب عليه ارقاده
اليازيه : امييييه ... اخاف
ميره : لا انتي عادي سيري ما يروم يقولج شي .. الا نحن مستقوي علينا
اليازيه : هزرج
ميره : سيري .. موفقه .. الله ينصرج انشا الله .. تشاهدي وقري المعوذات
اليازيه : لا تزيقيني
ميره : اسولف وياج .. يلا سيري
سارت اليازيه صوب الحجره ويوم وصلت كانت متردده انها ادق الباب بس عقب تمت ادق الباب محد توايب الها وردت ودقته بقو
راشد : وساااااااااااااااااااااااااااااااااااااااااااااااا ااااااام ( ونش وفج الباب عشان يلحق عاللي كان يدق ويادبه .. بس وين اليازيه من سمعت حسه العين ما تشوفها شردت ... ظهر راشد من الحجره لانه مستحيل يفوتها .. وسار صوب الصاله اللي فوق وهو بوزار وفانيله ما اتقولون عندهم بنات في البيت وشاف ميره يالسه واليازيه يت ويلست وياها )
راشد : منو هالحيوان اللي يا ودق الباب عحجرتي
ميره : انا ما يخصني
راشد : ميروه بتقولين منوه ولا لا
ميره : انا توني يايه اهنيه ما شفت حد سار صوب حجرتك
راشد : ما عليه انزين اخرتي بعرف بس يويلج يا ميروه ان كنتي انتي ( ورد صوب حجرته ودخل الحجره وكان حارب يتسبح ترياه لين ما ظهر ودخل يسبح ... ويوم ظهرحارب كان نازل تحت وهزاع بعده راقد )
راشد : هزاع ... هزاع
هزاع : امممممممم
راشد : هزاع يلا نش
هزاع : انزيييييييييييييين
راشد : انزين وانته بعدك طايح يلا نش يا ريال بنسير انحوط
هزاع : انته اظهر من الحجره وسكر الباب وانا الحين بنش
راشد : هزاع ... ان ما نشيت بطرش لك ابوك يوعيك
هزاع : لا الشيمه .. كلا ولا ابويه
راشد : يلا انا بنزل ... اترياك
نزل راشد تحت ولقا الشواب يالسين في الصاله
راشد : السلام عليكم
الكل : وعليك السلام
بو حارب : انا مطرش اليازيه اتوعي خوانها مب اتوعيك
اليازيه ( وفي خاطرها ) : ابويه شو سويت
راشد : (وصد صوب اليازيه وتم يطالعها وهي فالخه من نظراته): يعني اليازيه اللي موعتنا
بو عبد الله : عيل هزاع وين
راشد : انا وعيته بس مادله نش ولا لا
ام عبد الله : راشد ابويه سر انته وحارب واتريقو
راشد : بنتريا هزاع وبنتريق ارباعه
حارب : عزات انا ما اتريقنا عيل
راشد : لا ما عليك اشوي وبيي
حارب : ما ظني
تمو يالسين شوي وعقب نزل هزاع وسارو يتريقون وعقب ظهرو .. والحريم سارن عند ريم المستشفى والشواب سارو العزبه لين حزت الغدا وردو البيت راشد عزم ناصر ومنصور وسهيل عالغدا ويوم يو ... ميره كانت في المطبخ عند الحريم اتساعدهم فشافت منصور وكانت ميته تبى ترمسه بس ما اتروم عاساس هي ريم وريم في المستشفى ... اتغدو الشباب وظهرو وسارو المول ويلسو في الكوفي والشواب سارو يقيلون ... ام عبد الله قالت حق البنات ايسيرن عند ريم

في المول عند الشباب

هزاع : الله يهديكم في الشتا حد ييلس فكوفي
حارب : اقول اسكت وفكنا من حلجك .. ترانا بنسير وياك القريه بعد شو تبا
هزاع : رشوود .. ما عندكم هنيه حلبه حق الويلات
راشد : شوارع العين كلهن عندنا حلبه
هزاع : لا نبالنا مكان انصب فيه اَااايل ونصيح ويلات
سهيل : جدام مدرسة البنات
حارب : عنبوه قلت عليكم الاماكن ... اتصيحون ويلات جدام مدرسة البنات
راشد : شو نسوي عاد
هزاع : عيل يلا قومو
ناصر : وين
هزاع : بنسير هناك
حارب : تبون انتو سيرو انا بتم يالس اهنيه
هزاع : برايك ... انا بسير و رشوود بيخاويني
سهيل : انا بعد بسير وياكم
ناصر : انا بتم ويا حارب
منصور : عيل انا بخاويهم بعد
سارو الشباب صوب المدرسه وبدعو في الويلات وعالعصر ردو بيوتهم عشان يزهبون حق سيرة القريه ... اتفقو كلهم انهم يلبسون كنادير كويتيه سود وغتر حمر ... اتيمعو كلهم في بيت قوم راشد عشان يظهرون في موتر هزاع ... ركبو كلهم السياره كان كل واحد منهم اكشخ من الثاني الا راشد واقف جدام باب الصاله ويتسفر لان الباب فيه زجاج مستوي جنه منظره .
هزاع : ييه ييه يا رشوود ما بنسير اليوم جانا بنترياه
شوي ويا راشد صوبهم وكان صاك عليهم في الكشخه ويوم فج الباب بيركب السياره فاحت ريحة عطوره
هزاع : حشى رشوود انته متسبح بالعطر
سهيل : لا ما عليكم بو سنيده باريس غاليري متنقل
هزاع : يا خي شو هالكشخه كلها بتصك علينا .. الحين نحن محد بيسويلنا سالفه
راشد : لازم ... عيل حد يشوف راشد بن سعيد ويسويكم انتو سالفه
هزاع : انزين يلا اركب وفكنا خلنا نسير
ركب راشد الموتر ... هزاع كان يسوق وحارب يالس عداله ... راشد ومنصور يالسين فالسيت النصفاني ... وناصر وسهيل في السيت اللي ورا ... هزاع طبعا طار المسجل طر وكانو كلهم مرتبشين وهزاع ضارب الخط 180-200 رادارات الخط اظني كلهن زخنه وصلو القريه عالساعه خمس ونص حدرو وتم يتمشون شوي وعيون البنات عليهم ... وعقب المغرب حدرو الميدان ... وبدو بالربشه ويا يويلت الميدان

في العين وفي المستشفى تحديدا

الدكتوره كانت عند ريم وقالت الها انهم بيظهرونها بالباجر عقب ما يبطلون عنها الخياطه اللي في راسها وعالساعه 7 يتهم شما ويايبتلهم وياها عشا كالعاده وهالمره مسوتلهم بيتزا
ريم : رشوود السبال ما ياني اليوم
اليازيه : ملتهي ويا اخواني
شما : تراهم سارو القريه اليوم
البنات : شووووووووووو
ريم : يعلهم ... سارو القريه والسبال ما قالي
اليازيه : هذا اكييد هزاع اخويه اللي ربشهم
شما : اظني لان منصور قالي انه هو اللي شار عليهم السيره
ميره من سمعت طاري منصور سرحت عنهم وتمت اتفكر فيه
ريم : ميروووووه
ميره : ..............................
ريم : ميرووووووووووووووووووه
ميره : ها
ريم : وين وصلتي
سلامه : اكيد دبي
ميره : شدراج
ريم : اووه يلا اعترفي بسرعه فمنو تفكرين
شما : حسيتو انا نحن كلنا ثانويه عامه
ريم : لا وكلنا ادبي بعد
اليازيه : لا الغاليه انا علمي
ميره : عاشت الزلمه
اليازيه : لا والله يعني اللي تدخل علمي زلمه
ريم : هيه اكييد
اليازيه: ويا ويوهكن
تمن البنات يسولفن لين الساعه 10 شما ردت بيتهم والبنات بعد ردن البيت يوم يت فطيم لانها هي اللي تبات ويا ريم
اما الشباب بعدهم في القريه يوم اظهرو من قلعة الميدان سارو يلعبون وتعشو وردو يلعبون وعالساعه 12ونص ظهرو من القريه وردو العين وصلو البيت عالساعه 1ونص طبعا كلهم سارو بيت قوم راشد لانهم كانو موقفين سياييرهم هناك وعقب كل واحد سار بيته ورقد

اليوم الثاني

راشد توه ناش من الرقاد ونازل الصالة وهو يغني ((............................))
راشد : صباح الخير
الكل : صباح النور
عبدالله : قول مساء الخير... انت جايف الساعه ... حد يرقد لي هالحزه
راشد :يكمل يغني ولا هامنه عبد الله
عبد الله : الساعة كم رديت البيت امس انا رقدت وانت ما ييت
راشد : الا ابويه اقول عوين العزم
عبد الله ( وهو محرج ) : رشووووود.... يوم ارمسك اترد عليه
راشد ( التفت صوبه واطالعه ورد وصد صوب ابوه )
عبدالله : ايه انت عن هالنظرات لا اييك طراق يعدل لك ويهك
راشد ( وصل حده وقام واقف ) : جان فيك خير يله
عبد الله :انت متى بتغدي ريال وبتخلي عنك حركات اليهال
راشد : ريال غصبن عنك .... انت لين متى بتم اتعاملني جييه
الكل استغرب من رد راشد على عبدالله لان اول مره راشد يرمس عبد الله جييه والا طول عمره يسمع كلامه ويزييغ منه
عبد الله : الحشيمة لبويه والا انا برويك شغل الله
بو عبد الله ( وهو مضايج من عياله) : الحمد لله يوم تذكرتوا اني يالس امبينكم ... ونش وظهر عنهم
ام عبد الله ( تبغي اتغير السالفه علا يضاربون صدق ) : راشد يلا قوم خلنا انسير المستشفى
راشد ( وهو يطالع عبدالله بحتقار ) : انشا الله امايه ... انا بترياج في السياره (وظهر من الصاله وسار وشغل موتره ويابه جدام الصاله وفي هاللحظة اتصله حمدان وبشره ان ابوه غدا بخير ويلس يسولف وياه ونساه اللي استوى بينه وبين عبد الله ويوم اركبت ام عبد الله السياره اتشوف راشد ميت من الضحك من سوالف حمدان استانست يوم شافت راشد )
راشد : الحين بيي صوبك
حمدان : خلاص عيل اترياك ... يلا في داعة الله
راشد : مع السلامه
ام عبد الله : وين .... بتسير صوب منوه نحن الحين ترانا بنرد
راشد : جيييه ما بتيلسين عند بنتج
ام عبد الله : لا ابويه نحن الحين بنيب اختك وبني
راشد : شووووووو..... ريموه بتظهر اليوم
ام عبد الله : بسم الله الرحمن الرحيم ....بلاك .... هي بتظهر اليوم
راشد ( حس بقبضه في قلبه لانه عرف ان اذا ريموووه ظهرت من المستشفى ما بيشوف شما وهو عقب ما اتعود على شوفتها كل يوم واتعود على صوتها ... وهو كل يوم يتريا فيه اليوم الثاني عشان يشوفها )
راشد : امايه مب جنه توه الناس عليها يمكن ما صحت عدل
ام عبد الله : عنبوه بلاك حد يتمنا ان اخته اتم في المستشفى .. وبعدين هي الحين بخير وما فيها شي
راشد ( من هاللحظه انجلب حاله و تم يسرع عشان يوصل المستشفى بسرعه ويشوف شما ويشبع عينه منشوفها ) وفي هاللحظه وصلو المستشفى راشد ومثل ما هو متعود يفج الباب ويحدر الحجره بسرعه عشان اتطيح عينه على شما قبل لا تتغشى

[آڷصّغيرۉنہْ ™]

الـــــ ب ـــــآرًت الــــ‘ســأبـــــع
راشد ( من هاللحظه انجلب حاله و تم يسرع عشان يوصل المستشفى بسرعه ويشوف شما ويشبع عينه منشوفها ) وفي هاللحظه وصلو المستشفى راشد ومثل ما هو متعود يفج الباب ويحدر الحجره بسرعه عشان اتطيح عينه على شما قبل لا تتغشى ..... راشد من دخل الحجره وعيونه ادور شما لكن للاسف شما ما كانت موجوده
ام عبد الله : ( توها حادره الحجره ) السلام عليكم
ريم + فطيم : وعليكم السلام
راشد ( دخل ويلس عالكرسي وهو مضايج )
فطيم : راشد ... بلاك عنبوه لا سلام ولا كلام
راشد:.....................
ريم : ( واتلوح بيدها جدام ويه راشد) رشوووووووووووووووووود
راشد : وويع .... عنبوه ويا الحس صمختيني .. بلاج
ريم : ما بلاني شي لكن انت شو اللي بلاك
راشد : ااااااااااااااااااااااااااااااااااااااااااه
ريم : لا الريال حالته ما تسر
راشد : يوم بتون تظهرون سوولي تيلفون انا عند حمدان
ام عبد الله : انزين
وظهر عنهم وسار صوب حمدان لكن حالته لله
حمدان اول ما شاف راشد استغرب من حالته توه كان يسولف وياااه وما كان فيه شيء
حمدان ( وهو يوايه راشد ) غريبه ما تميت عندهم واايد
راشد :ااااااااااااااااااااااااااااااااه
حمدان : والخيبة ........... بلاك
راشد : محد
حمدان !!!!!!!!: منو محد ؟؟؟
راشد : غلايه محد ما يت اليوم
حمدان : افااااااااا ما عليه انزين بتي عقب شوي
راشد : ما ظني
حمدان : جيييه
راشد : لان ختيه بتظهر اليوم
حمدان : ويعني
راشد : يعني اني ما بشوفها كل يوم ولا بسمع صوتها
حمدان : ههههههههههه
راشد : يالهرم انا يالس اشكيلك حالي وانت تضحك عليه لكن الغلط هب منك من اللي يرمسك (ونش بيسير )
حمدان : (وبعده مب رايم يسكت ) هههههههههههههههههه (ويقبض راشد من ايده عن لا يسير)
راشد : يالسخيف ممكن تقولي شو اللي يضحك
حمدان : خلاص خلاص ما بضحك ( ويرد يضحك ) هههههههههههه
راشد : اوووووووووووووووووووووه (ويسحب ايده من ايد حمدان ويسير عنه
حمدان ( وهو يربع ورا راشد ) بو سناد تعال خلاص خلاص والله ما بضحك
راشد : ...........................
حمدان : رشووووووووود عاد ( وتم يلحقه ويرمسه لكن راشد لا جواب لين ما وصل السياره وركبها حمدان سار وركب عالسيت الثاني عشان يرمس راشد ويستسمح منه لكن راشد ما همه شخطه وظهر من المستشفى وسار البر ... في السياره حمدان طول الوقت يرمس راشد بس راشد مب عاطنه ويه وصلو صوب مكان كله عراقيب نزل راشد من السياره وسار ويلس فوق العرقوب حمدان نزل وراه كان الجو مغيم وبراااد )
حمدان : رشوود عاد ما تسوى علينا هالضحكه
راشد : اتشوف هالعراقيب كلهن
حمدان : هيه بلاهن
راشد : اتروم اتعد حبات الرمل اللي فيهن
حمدان : !!!!! ... لا طبعا
راشد : احبها اكثر من حبات الرمل هاذيلا
حمدان ( وهو مستغرب من كلام راشد ما كان يتوقع انه هالكثر يحب يتحراها نزوه وبس ) :راشد اسمحلي
راشد : مسموح يا حمدان .. انت ما سويت شي انت اللي سمحلي
حمدان : مسموح
وتمو ساكتين فتره وعقبها رمس راشد
راشد : تذكر يوم اتقولي اسئل مجرب ولا تسال طبيب
حمدان : هيه
راشد : يعني انت حبيت
حمدان : وياليتني ما حبيت
راشد : شو اللي استوا
حمدان : يوزوها ولد عمها
راشد : كانت تحبك
حمدان : هيه .. لكن شالفايده دامنا ما صرنا لبعض
راشد : ودامنها كانت تحبك ليش ما رفضت ولد عمها
حمدان : ومن متى البنت الها شور عندنا
راشد : ااااااااااااااااااااااااااااااااااخ .........ما اتخيل ايوزونها واحد غيري
حمدان : ليش ما تخطبها وتفك عمرك عالاقل لا ايي واحد وياخذها عنك
راشد : ما ابا اخطبها لين ما اتاكد انها تباني .... لو اني احبها بس ما اباها تاخذني وهي مب راضيه على قولك البنت مالها شور اخاف ان خطبتها ما يشاورونها
حمدان : وايد واثق ان اهلها بيوافقون عليك
راشد : ودهم جان الا راشد بن سعيد بيناسبهم
حمدان: ههههههههههههههههههههههه... الحين انت راشد اللي اعرفه
راشد : ويا ويهك
حمدان : انزين تعال خلنا انرد انا ثلجت اهنيه برد عالاقل انت لا بس جاكيت الا انا خليتني اركب وياك بلا جاكيت ولا شي
راشد : اوكي يلا عيل نسير صوب السياره

[آڷصّغيرۉنہْ ™]

ومن الصوب الثاني وفي المستشفى
ام عبدالله : ها امايه ريم مارد عليج اخوج
ريم: لا امايه حرقت تيلفونه من كثر ما اتصل مايرد
ام عبد الله : هو قال بيسير عند حمدان .. ويعرف انا شوي وبنظهر شله ما يانا اخاف الا شي استوا عليه
ريم : يا امايه وانتي اللي مايرد على التيلفون قلتي استوى عليه شي
ام عبدالله : الغالية فطيم اتصلي حق راشد شوفيه
فطيم : انشا الله عمتي ( وتمت فطيم تتصل ابراشد لكن محد يرد عليها )
ام عبد الله : ها ما رد عليج
فطيم : لا والله ما رد
ام عبد الله : يالله عن هالولد اللي بيجتلني قاصرت عمر من كثر ما احاتيه
ريم : بسم الله عليج الغاليه .. امايه انتي اتعرفين رشود من ييلس عند ربعه ينسى عمره واكيد حاط تيلفونه عالصامت اتريي شوي وبتلقينه ياي
وعند راشد وحمدان توهم وصلو عند السياره
راشد ويشهق مره وحده بقو
حمدان ( نقز من الزيغه ) : شووووووووووووو
راشد : انا كيف ييت البر في الرنج
حمدان : يعلك .... عنبوه فلختني ... انا قلت شي الحين
راشد : في شي اهم عن جييه ( وتم يدور عالموتر وهو يقطع في عمره ) يا ربي امس امبلس التواير
حمدان : هههههههههه.... عنبوه لو ولدك ما حاتيته جيه
راشد : والله انك متفيج ... اركب اركب الموتر توكب بردان والحين اشوف عيبتك الوقفه
حمدان : اوكي
واركبو السياره
حمدان : رشوووووووووووود تيلفونك شكله يرن اشوفه يوالع .... اووه بند
راشد ( قبض التيلفون وتم يشوفه ) : والعاااااااااااثره 34 مس كول
حمدان : خيبه من منوه
راشد : هاذيل الهل نسيتهم في المستشفى
حمدان : الله يخسك تلقاهم الحين مستهميين عليك
راشد ( وهو يحط السماعه في اذنه ) : الله يعينا الحين عالعيوز بتلقاها شاله الدنيا ( واتصل حق ريم
ريم : يالسبال وين انت امايه اتحاتيك وين ذلفت عنبوه لطعتنا في المستشفى وسرت ( ويقاطعها راشد)
راشد : خيبه خيبه عنبوه سارطه راديو ..... وبعدين سبال ريلج يالسباله
حمدان في هاللحظه ضحك عراشد وريم
ريم سمعت ضحكت حمدان لان صوته كان عالي وهو يضحك : ضحك من سره بلا
راشد : حووووووووووووه اصطلبي والا اتراني بدبغج دباااااااااغ
ريم : ما اترووم بخبر باباتي
راشد ( ويحرك السياره ساير صوب المستشفى ) : خلاص انا ياي وبشوف باباتي شو بيسويلج
ريم : رشوووووووووود انت تتكلم جد
راشد : لا عم هههههههه .... اتريي شوي وبتشوفين
ريم ( اتروعت من راشد لانه كان يتكلم بنبره جاده ): رشووووووووود انا اسولف وياك ... والله سوري
راشد : الحين سوري بس هالسوري مب عندي ( ويبند التيلفون في ويهها )
حمدان : ههههههههههههههههههههههههه..... يحليلها زاغت
راشد : اكيد بتزيغ ... بتنضرب وما بتزيغ
حمدان : حوووووه انت من صدقك بتضربها
راشد : هيه عيل اتحراني اسولف
حمدان : حرام عليك البنت بعدها ما ظهرت من المستشفى تبا ترضضها ازياده
راشد : والله فكره
حمدان : شوووو
راشد : اضربها واخليها اترد تترقد في المستشفى وارد اشوف شما كل يوم
حمدان:ههههههههههههه... لا انت ما منك فايده الحب لاعببك لعب عنبوه تضرب اختك عشان اتشوف غلاك
راشد : عندك حل ثاني
حمدان : لا حول ولا قوة الا بالله الريال استخف
وتمو يكملون سوالفهم لين وصلو راشد سوا تيلفون حق امه عشان ايينه لانه ما يروم ينزل وتم يسولف ويا حمدان لين يو قوم امه ريم كانت اتعري شوي من ويع ريلها ويوم وصلت عند السياره وقفت جدام السياره اتروعت تركب اتخاف راشد يضربها وكانت مب متغشيه لان محد كان هناك هي ما تدري ان حمدان في السياره حمدان من شافها تم مبهت فيها ويشوفها بس من شافه راشد نزل راسه راشد نزل الدريشه وظهر ويهه منها واشر بايده على ويهه حق ريم بمعنى ( اتغشي) ريم ما فهمت قصده شوي واتشوف الباب اللي عدال راشد يتبطل وحد ينزل ريم من شافته بهتت كان لا بس كندوره سودا ومتسفر بسفره حمرا ولاف جزء من السفره على رقبته من البرد وشعره كان طالع من تحت السفره من ورا ريم ما استوعبت الوضع لين ما دق راشد هرن وعقب ححست بعمرها واتغشت ... حمدان كان يمشي صوبها وعينه عليها وهي نفس الشي كانت تطالعه لين ما خطف من عدالها وسار صوب امها وسلم عليها وحدر المستشفى عقبها اركبو كلهم السياره
راشد : الله يفضحج مثل ما فضحتيني ويا ربيعي عنبوه يايتنا جيه بدون غشوه ولا شي
ريم : وانا اشدراني ان وياك ريال
راشد : لا والله ويعني هاذيلا مب رياييل يعني شله ما تغشين عنهم
ريم : انزين رشووود السموحه منك والله اخر مره ... رشود لا تزعل عليه حرام عليك
راشد : المشكله ما اروم ازعل عليج يالسباله
تمو كلهم يسولفون لين ما اوصلو البيت واول ما اوصلو البيت نزلو وحدرو الصاله ميره اول ما شافت ريم اربعت صوبها ولوت عليها
راشد :ههههههههه ... سيلانيه راده بلادها
ريم : سيلانيه حرمتك
راشد : يالله فديت حرمتيه انا
سلامه المسكينه مصدقه عمرها متشققه من الفرح
وتمو كلهم يسلمون على ريم ويتحمدولها بالسلامه وكل حد يايبلها هديه
راشد : ايه اتراها هيه الا منجلبه بدراجه مب ناجحه في الثانويه
ميره : يا خي انت اشحارنك
راشد : اقوول ريموووه ترا الهدايا النص بالنص
ميره : هدايا بنت شو بتستفيد منهن
راشد : الحين انا ارمس ريمووه انتي شو مدخلنج رون_ سيد ترا مخالفتها 400 درهم
هند: ما شاء الله عندك خبره
اليازيه : اكيد جانه طول الوقت يخالف ...اظني اكثر واحد يخالف في العين هو
راشد ( عاد ما يدانيها ) : دافعه من مخباج الشيخه يوم بتدفعين انتي تعالي ارمسي
اليازيه ( اونها عصبت من راشد ) : اسمحولي انا الحين بسير فوق
راشد : ( وهويقلد صوتها وبنبرة دلع ) مسموحه الشيخه بتسوين مكان
اليازيه ( تمت تطالعه بعين ) : معبله عليك ( وسارت فوق صوب الحجره واول ما دخلت الحجره تمت تحرطم .... اليازيه : الحين هذا اونه محييريني له انا اشوفه ما يواطني شقا يقولولي انه يبا ياخذني ولا يعني هو بلعماله يسويلي هالحركات . اففففففففففف منه السبال
وتحت العايله متيمعه ويسولفون دخلو عليهم حارب وهزاع عيال عمهم

[آڷصّغيرۉنہْ ™]

هزاع + حارب : السلام عليكم
الكل : وعليكم السلام
حارب : (صد صوب ريم ) الحمد لله عالسلامه
ريم : الله يسلمك
هزاع ( ما يعرف ريم ايحيدها من يوم كانت صغيره لان هو الوحيد اللي من عيال عمهم اللي ما اييهم دوووم ): انتي ريم
ريم : يعني تسمع اخوك يقولي الحمد لله عالسلامه يعني اكيد انا ريم
هزاع: وانا اللي اتحرا بس يزوي ختيه تلوع بالجبد ثرهن كلهن البنات جذيه
الكل : هههههههههههههههههه
راشد : في هذي صدقت
ريم : لا والله بعد في الويه جدامنا واتسبونا ... ويا وييوهكم
ميره : عاد اللي يقول انتو مره .... تراكم حتى انتو اتلوعون بالجبد
هزاع : هاي الرزة بعد منوه
راشد : هذي بنت خالي ... خت ميوود
هزاع : هييه انا اقول الشيفه شيفه بنات دبي
ميره : ( وتشهق )جييه بلاهن بنات دبي .... طايحات من عينك
هزاع : رشوود .. سكت هالياهل عني لا انش الها
راشد : اييه انتي قبضي مذهبج وصخي لا اخبر عليج اخوج
ريم : عاد اللي يسمع اخوها ..... مدري منوه الا هو ميود
سلامه : ايه ايه حدكم لا ترمسون عن اخويه
راشد : اووه صباح الخير انتي توج ترمسين
سلامه : هيه يوم بتوصل السالفه لخويه برمس
هزاع : رشود رشود ما عليك منها ....
ميره : ايه انتو الثنينه منو تتحرون عماركم
هزاع : الغاليه نحن بني جتب ... انزين يعني شوخج
ريم : عاش عاش هزاعووووووووووووووووووووه
هزاع : ايه منو هزاعوووه
ريم : اووه اسفه الشيخ هزاع
هزاع : هيه توج
راشد : بنات دبي سكتن لا نتعافد عليكم نحن ال...............
ميره : عادي تسوونها انتو
هزاع : انسويها وزوووووووود
هند : ايه بس عاد حشرتونا عن هالضرابه لو سمعكم عبد الله بيلعن خيركم
هزاع ( صد صوب هند وتوه ينتبه لوجودها ) :.................
راشد : الحين انتي من ساعه ساكته ويوم ترمسين اتيبين طاري عبود وتعكرين مزاجي
ريم : اشوف الحين استوا عبود
راشد : جب انتي
هزاع : تعالو على طاري عبد الله وين هو
فطيم ( وتصد صوبهم): عبد الله سار دبي عنده شغل
ريم : ياله وانتي من سمعتي طاري عبد الله امره صديتي
هزاع : مسكينه انتي ترا قاص عليج عفكره يعني
فطيم :؟.؟؟ شو قصدك
هزاع : يعني انتي مصدقه ان ساير دبي عشان الشغل
فطيم : هيه اكيييييد
هزاع : لا الشيخه ريلج يسير دبي عشان يغازل
راشد : ههههههههههه
فطيم ( اطالعتهم باحتقار ونشت وسارت صوب الحريم )
راشد : ههههه ما اتخيل عبوود يغازل
هزاع : جييه ابويه اتحراني اقص عليك ... صدق انا شايفنه قبل يروق وحده
راشد : شوووووووووووووووو .... هزاع من صدقك انته
هزاع : هههههههه.... صدق انكم مال مقصه
راشد : يعلك .... ياخي انت تنفع اتسوي مقالب رمسك تنصدق
حارب : اللي يقول هو مقصر ....... كل يوم مسوله مقلب ويا حد
هند : حرام عليكم .. قصيتو عالحرمه ... بس تبغون اتسوون مشاكل وبس
راشد : اوووووووووووه ما فينا عاد اتوصل السالفه حق عبوود ولا وين بنسير عنه يا هزاع
هزاع : فطيم .. اسمحيلنا الشيخه انسولف وياج
فطيم ( صدت صوبكم وابتسمت) : امبوني مب مصدقتنكم
هزاع : امره جانج منتفخه وشوي وبتنطرين وبعدج ما صدقتينا
الكل :ههههههههههههههههههههههههههههههههههه
فطيم : نعم شو قلت
هزاع : انا لا ما قلت شي ... بس اقول رشود شرايك انسير صوب الشباب
راشد : أي شباب ... الله ما كثرهم الشباب
هزاع : صوب قوم نصور الصراحه ربعك سوالف ويلستهم تونس
راشد : عيل يلا نسير
هزاع : حويرب بتي ويانا
حارب : لا انا برد بوظبي
راشد : جيه انشا الله ما يلست
حارب : بسير ازهب عمري حق السفر
راشد : جيه انت متى بتسافر
حارب :عقب يومين
راشد : يالله يا حارب حد يخلي شتا لبلاد ويسافر
حارب : شو نسوي عاد الدراسه بتبدى الاسبوع الياي .. ولازم اسير من قبل عشان ارتب امووري هناك
ريم : الدراسه برع حلوه صح
راشد: ليش تسالين ؟؟؟
ريم : شدراك يمكن اسير ادرس برع
راشد : ترا هذا اللي قاصر
ريم : شو يعني عادي
هزاع : جان تبيني امرغج مراغ
ميره : وانته شلك
هزاع : يا ربي ردت ورزة ويها
راشد : يوم يرمسون بني ........... ال............ يسكتون
ميره : وايد طايحين من عينك
هزاع : وبعدين انا ولد عمها ... جيه اتقوليلي اشلك ( وعقبها نشو يتغدون وردو الصاله مره ثانيه وتمو يسولفون )
ريم : ( نشت من مكانها مره وحده وشهقت بقو )
هزاع : ولعنه .. بلاج
ريم : ما شفت قطوتي
هزاع : شووووووووو....قطوه
راشد : هيه قطوه الاخت مربتلها قطوه
هزاع : قاله عليج المونه الصراحه والا في حد يربي قطوه
ريم : ميروه تعالي بنسير برع ابا العب ويا القطوه
هزاع : اندوكم انتو هاي من صدقها .. صدق ياهل
راشد : الا
ربعت ريم ويا ميروه برع عند القطوه
راشد وهزاع سارو فوق بيسبحون وبيتلبسون وبيظهرون
في الحوي ريم يالسه تلعب ويا القطوه وميره وياها
وفجاه دخلت البيت ( بورش كايين تيربو ذهبيه ) القطوه ربعت عن ريم جدام السياره
راعي السياره كان مب منتبه يالس يسمع اغاني الريال وما حس بعمره الا وهو واطي شي
شوي ويشوف وحده يايه تربع صوبه وهي تباغم اتروع الريال ونزل من الموتر بسرعه
ريم : الله يغربلك شو سويت جتلتها
الريال من سمع جتلتها اتروع وصد وشاف اللي تحت التاير ولقاها قطوه
الريال( تساند عالبونيت وتم يضحك الا فطس من الضحك ):هههههه
ريم ( وهي تصيح ) شو اللي يضحك يالسبال جتلت قطوتي هييييييئ هئ هئ
الريال ( من شافها اتصيح جنها ياهل غمضته ) : الشيخه انزين انا ما شفتها الا هي قطوه تفدا راسج
ريم : ما با مابا قطوتيييييييييييه هييييييئ هئ هئ هئ
ميره اربعت تزقر راشد
يلست ريم عالعشب في الحديقة وحطت راسها بين ركبها وتمت اتصيح
الريال يالس يطالعها شوي ويظهر راشد من باب الصاله ويسمع صوت صياح ريمووووه سار صوب الريال بسرعه
راشد : السلام عليك( ويوايه حمدان )
حمدان : وعليك السلام ... بو سنيده ..( ويقاطعه راشد )
راشد : اسمحلنا يا ريال ..( ويصد صوب ريم ) حووه انتي سيري داخل بسرعه ( نشت ريم وسارت داخل واربعت سيده حجرتها وتمت اتصيح )
حمدان : والله اتحريت عمري في لندن
راشد : هههههه .. اسمحلنا يا ريال ترا هذي ياهل ابويه مبزنها وااايد ولين الحين تتحرا عمرها ياهل شوق بنت عبد الله يمكن اعقل عنها
حمدان : عاد حد يصيح عقطوه ... بقولك شي اترا انا ضحكت عليها بس ضهرت احسن عنك بهدلتني
راشد : هههه في ذمتك ... لا يكون غلطت عليك
حمدان : لا هي ما قالت لي شي امره بس قالتلي سبال
راشد : ههههههههههههههه.... بس سبال حليلك
حمدان : يا خي لو مب بنت جان رويتك شغل الله وياها
راشد : لا والله وانت مب قادر الا عالشباب الا البنات ما اتروم عليهن
حمدان : لا اروم بس هذي اختك
راشد : اصلا ما اتروم ترا هاي لسانها اطول عنها وترا عليها حصانه
حمدان : لا لا
راشد : خلني بسوي حق كريموه يشل القطوه ويدفنها المسكينه
حمدان : وقول حق اختك جان بتسويلها خيمه حق العزا .. قسم بالله اسميها روعتني وهي يايتني تربع وتصيح اتحريت عمري وطيت ادمي
راشد : ههههه ... ( راشد اتصل حق كريم وقاله ايي ويشل القطوه وعقب ظهر ويا حمدان)

[آڷصّغيرۉنہْ ™]

وفي السياره
حمدان يالس يذكر شكل ريم وهي يالسه اتصيح كان شكلها حلو شرات اليهال وتم يبتسم
راشد: بلاك تتبسم
حمدان: لا ما شي ( خطف حمدان الشيشه )
حمدان : انا باخذلي كوفي تبا شي
راشد : خذلي وياك كوفي
حمدان : اوكي
نزل حمدان وراشد اتصل حق ريم عشان يضحك عليها
راشد : الووو
ميره : هلا
راشد : اهلين
ميره : ها رشوود شو تبا
راشد : وين ريموه
ميره : يالسه اتصيح
راشد : ههههه ... حشا ما يسوى عليها
ميره : عاد شو نسويبها
راشد : عطيني اياها برمسها
ميره : اوكي لحظه اشوي
راشد : احسن الله عزاج ههههههههه
ريم : ( وهي تصيح ) سخيف ويا ويهك وانت وربيعك السبال
راشد : هههههههههههه( فاطس من الضحك على ريم .. وشوي ويرد حمدان ويركب الموتر )
حمدان : يود ( وعطاه الكوفي ماله )
راشد : سلمت
ريم : رشووود
راشد : هااااا
ريم : امايه احلفت انه ما تخليني احدر قطوه البيت
راشد : الحمد لله وفرت عليه
ريم : رشووود ... ابا قطوتي
راشد : ايه عن اليهاله ... الا هي قطوه
حمدان : انا لله ما خلصنا من سالفة القطوه
ريم : ليكون هذا ربيعك اللي جتل قطوتي
راشد : هيه
ريم : يعله السم ياربي
راشد : ايه اصطلبي ... ويلا اجلبي ويهج وترا لا اتحراني بسكت لج على اللي سويتيه بس حسابج يوم برد البيت .. يلا بااي
وبند عنها وسار هو وحمدان صوب المول الشباب كانو متيمعين هناك وراشد حلف على حمدان الا يسير وياه ويغير جو عن المستشفى ... وسارو صوب الكوفي وكانو هناك ناصر ومنصور وهزاع وياهم .... الشباب نشو ايوايهون حمدان
هزاع : الويه مب قريب عليه
راشد : هذا حمدان بن سلطان الفلاحي
هزاع : اتلاقينا من قبل
حمدان : ماظني
راشد : ترا الريال من بوظبي
هزاع : اووه من دارنا وانا اقول ... انا دوم اشوفك في المارينا ويا راشد القبيسي
حمدان :هيه راشد ربيعي بس اسمحلي انا ما اعرفك
هزاع : انا اعرف راشد ربيعك .. هو يارنا
ناصر : شباب ... شباب غراشيب
هزاع : ( وهو يتلفت ) وين
الشباب كلهم تمو يضحكون على هزاع
راشد : مال اول انتو لين الحين اتغازلون
هزاع : جيه ابويه شو اليديد
حمدان : ( وهو يطالع راشد ) : الحين يحبون
هزاع : نعم
منصور : يا ريال يسولف وياك ... الحين البنات هن اللي يغازلنا
هزاع : هي يغازلونكم انتو الا انا محلط من الكليه منو بيعطيني ويه
الشباب : هههههههههه
راشد : لا افا عليك تعال بتمشى وياك ... وبخليهن اينك يربعن
هزاع : عيل يلا .. تعال
وتمو يتمشون ظهرن في ويههم من المحل هنتين يتمشن حشا عرس ما جنهن يايات المول كل وحده جنه يبل عراسها ووحده مسويه ميك اب احمر وحاطه بلشر وايد
هزاع : رشووود .. حاسب .. حاسب .. اشاره حمرا
راشد : ( فطس من الضحك تم قابض بطنه ويضحك )
البنات وهن يطالعن راشد ومتخبلات عليه
هزاع : عنه يابوك ناويات يتخطن برج دبي
راشد : هههههه
البنات منقهرات من هزاع بس ما يرومن يقولن له شي لانهن يترين راشد يعطيهن ويه
تمو شوي يتمشون وردو الكوفي عند الشباب
حمدان : ها وين سرتو
راشد : فاتكم هالانسان تحفه ما خلا وحده الا وقطعها من التعليق
منصور : اشكر فنه انا خله يادبهن شوي
حمدان : اسمحولي عاد الحين انا بسير
هزاع : وين يا ريال .. ما يلسنا وياك
حمدان : مره ثانيه انشا الله ... الحين انا بسير المستشفى عند ابويه
هزاع : ها ليكون ابووك يدلع عليكم مثل بعض الناس ( في هاللحظه ملامح ويه حمدان اتغيرن )
راشد : هزاع
حمدان : لا ماعليه خله ما قال شي هو الا يالس يسولف
هزاع : جني قلت شي غلط
ناصر : انته بكبرك غلط
سار عنهم حمدان وراشد تم متلوم فيه
راشد : هزاع انته تستهبل .. شقا اترمس الريال جذيه ... ابوه كان بين الحيا والموت .. وانته يالس تستهبل عليه
هزاع : اسمحولي .. انا كنت اسولف .. والله ما ادري ... شدراني انا بحال ابوه
راشد : انا يايب الريال اونسه واغير له جو وانت يالس تستهبل عليه
منصور : انزين خلاص عاد بو سنيده الريال غلط واستسمح منكم
هزاع : راشد عطني رقمه انا بتصله ( هزاع خذ الرقم من عند راشد واتصل به واستسمح منه و حمدان قاله انه ما شل في خاطره عليه .. وانه يدري انه يسولف )
هزاع : ربيعك ... الصراحه ريال ما ينهان به
راشد : ادري
هزاع : اقول شباب ما تبونا انسير صوب القريه
راشد : جيه انته عيبتك السالفه
هزاع : يا خي الاسبوع الياي برد الكليه خلوني اتهنا في الاجازه
راشد : وانته ما تتهنى الا في القرية
هزاع : عندك مكان يربش اكثر من القريه .. يلا عايدك
ناصر : شو رايكم انسير الهير .. صوب احمد العامري
راشد : هي والله انا من زمان ما سرت هناك
منصور : عيل .. عقب المغرب بنسير صوبهم
هزاع : لحظه ...لحظه منو هذا
ناصر : هذا واحد من ربعنا كل يوم نص شباب العين ييتمعون عنده في الميلس .. والجو عندهم ربشه ... يعني ايوزلك
هزاع : خلاص عيل بنسير صوبهم
راشد : خلاص عيل انتلاقا المغرب في بيتنا
منصور : جيه .. والحين وين بتسير
راشد : بسير البيت برقد

[آڷصّغيرۉنہْ ™]

هزاع : يا خي انته وايد ترقد ... ياليته عمي دخلك الكليه عشان اتعرف معنى الرقاد من العدل
راشد : اسكت ومنو قالك انه ما كان بيدخلني الكليه ... عاد انا اتعلثتله قبل و قتله نسبتي ما تنفع ... قالي عادي برمسلك الشوخ .
هزاع : جيه انت كم كانت نسبك
راشد : ياخي لا تفضحنا بين الشباب .. ولد عمي ما تعرف كم يبت نسبه
هزاع : والله اذا كل سنه يخلصون الثانويه 2-3 من العايله تباني احفظ نسبهم ... حشا استويت ارشيف وزارة التربية
منصور :هههههه .. حلوه منك
هزاع : انزين ..قول كم كنت يايب
راشد : 75.5
هزاع : ولعنه يالزلمه
ناصر : أي زلمه هذا يايب هالنسبه
منصور : عيل الشيخ هزاع كم كنت يايب
هزاع : احم ...احم ....51.1 وحياتك
راشد : فرحان
هزاع : جيه مب عايبتنك هالنسبه ... اتحراني يايبنها بالساهل يا ما سهرت ليالي
منصور :لا حول
هزاع : والله ... كل يوم اخذ من عند ابويه فلوس واسير احوط في الشوارع لين الساعه 1 فليل .. واوني سرت عند المدرس .. عاد انا ما اروم ارد قبل الساعه 1 عن يجكني
ناصر : والله انك خطير
منصور : ظهرت احسن عنا ... توفرهن فلوسك مب نحن انييب لمدرس ونخليه يتقهوي في الميلس ونشرد عنه ونسير عند رشوود .. وابويه يتحرانا جاتلين عمارنا عالمذاكره
هزاع : وانته شيخ الشباب ( وكان يقصد راشد )
ناصر : عاد هذا كان مسكت .. عبوود مصادر عنه الموتر
راشد : لا تذكرني الله لا عادها من ايام
منصور : بس رشوود كان يونس عمره ... اييب لمدرس ويلعب وياه ورقه
هزاع : امحق مدرس
راشد : ومنو قالك انه مدرس .. هذا حموود ربيعنا كل يوم اخليه يلبس بدله واييني عاد ابويه وعبوود يشوفونه من بعيد يتحرونه مدرس وطبعا محد يروم ايي صوب الميلس عن لا يخربون عليه جو المذاكره ...
ناصر : امحق مذاكره
هزاع : عيل يالزلمه يوم انك ما تذاكر شقا يبت هالنسبه
راشد : عنبو اذكر الله ... عن يوم اداوم الكورس الياي في الكليه يقولولي راسب
منصور :بسكم فكونا من هالطاري
راشد : يلا برايكم بسير ارقد
وسار عنهم راشد البيت و حدر حجرته وطاح عالشبريه وقبض تيلفونه وتم يطالع رقم شما وطرشلها مسج (( مشتاق لك موووووت ياللي طول غيابك ذبحني الشوق وانت عني مو داري )) ورقد بدون ما يحس بعمره ... ويوم حدرت عليه ريم وشافته راقد ومب متلحف ... لحفته وظهرت عنه

وفي بيت بو حمد
وفي حجرة شما
شما توها داخله حجرتها وقبضت تيلفونها وشافت المسج ... وانصدمت منه
شما : هذا من صدقه يحبني هالكثر ... ياربي اخاف يسويلي سالفه ويا حركاته ... افففف... انا ليش يالسه اكابر الصراحه هو ينحب جمال ومرايل ما شفتها في حد ... اففف ... انا شو يالسه اقول مب انتي يا شما اللي يقص عليج واحد .. خل امسح المسج عن لحد يشوفه ... ( مسحت المسج .. وقبضت لابها وتمت تسمع اغاني ... وحدرت النت ومن الملل تحدر منتدى وتظهر من الثاني لين عقب المغرب )

وفي بيت بو عبد الله
هزاع توه حادر البيت وشاف ريم في ويهه
هزاع : اييييه رشوود نش
ريم : شو ايييه انت بعد يوم بترمس شيختك تحترم نفسك
هزاع : ( وهو يجدم صوبها ) ايه انتي منو تتحرين عمرج ...
ريم : ريم بنت سعيد ال..........
هزاع : ترا انا من شفتج وانا متقصص منج لا تخليني اطلع حرتي الحين ( ويجدم صوبها )
ريم : اميييييييييييييييييه ( وتربع فوق عنه )
التفت هزاع وشاف هند يالسه وتقرا مجله
هزاع : السلام عليج
هند : وعليك السلام
هزاع : راشد نش
هند : لا بعده
هزاع : عيل انا بسير اوعيه ( وسار عنها وهو عينه عليها تم يتاملها وهي يالسه بلا حس وان حد رمسها اترد بهدوء .. عكس بنات هالزمن اللي لسانهن اطول منهن )
هزاع توه حادر عراشد الحجره ... شغل الليت وسار صوبه
هزاع : راشد ... راشد
راشد : .......................
هزاع : رشووووووووووود
راشد : امممممممم
هزاع : يلا نش ترانا بنسير صوب الشباب
راشد : ( ويلحف ويهه ) انزين
هزاع : انا بحدر اسبح يوم اظهر اشوفك واعي ( وحدر الحمام ~ عزكم الله ~ واتسبح وظهر ولبس كندورته واتسفر وكان لا بس كندوره بيج وشال ... وراشد بعده ما نش )
هزاع سار صوب راشد وسحب عنه اللحاف
راشد : هزاع حرام عليك برد
هزاع : نش بسرعه
راشد : حرام عليك والله اني تعبان
هزاع : شو متعبنك ... اقولك نش ربعك بييون عقب شوي .. هب تلومبنا فيهم واتخيلهم يتريون
راشد : انزين
ظهر هزاع من الحجره ونزل الصاله وكانن البنات روحهن في البيت ويالسات في الصاله ... سار ويلس وياهن
ريم : ها وعيته
هزاع : وعيته .. بس بعده منسدح عالشبريه
ميره : ريموه مايد بيي عقب شوي
هزاع : منو بعد هذا مايد
ميره : اخويه
هزاع : هيه حياه الله
ريم : اييه انت هذا بيتنا انا اللي اقول حياه الله مب انته
هزاع : انا ما ادري انتي عشو مبزنج عمي تلوعين بالجبد .
اليازيه : عادي عادي هزاع ترا يقولك السبال في عين امه غزال
ريم : سبال ريلج
هزاع : يعني رشوود اخوج
اليازيه اونها استحت من طاري الريل ... وميره تمت فاجه حلجها مب فاهمه شو السالفه
ريم : يا ربي السخافه في دمك
هزاع : اوووف كوورس ... تراني ولد عمج
اليازيه : عاش اخويه ... يعرف انجليزي
هزاع : افااا ... عليج .. اعيبج
شوي ويسمعون الهرن عند الباب
هزاع : هذا اكييد منصور يا والشيخ راشد ما خلص
ريم : انزين .. جربه في الميلس .. لين يخلص راشد
هزاع : انا بظهرله وانتي سيري شووفي اخوج
ريم : اوكي
هزاع ظهر عند منصور وريم سارت عند راشد
هزاع : شباب اقربو في الميلس راشد بعده ما خلص
منصور : جريب يا ريال ... بس نحن لازم انسير الحين

[آڷصّغيرۉنہْ ™]

وفي حجرة راشد
ريم : رشوود يلا نش اكم ربعك يو
راشد : افففف
ويرن تيلفون راشد وكان منصور اللي مسوي
راشد : الوووووو
منصور : ياخي بسك رقاد قوم خلنا نسير
راشد : مارووم اسير
منصور : جيه بلاك
راشد : ماشي
منصور : انزين شوف نحن بنسير الحين وانته الحقنا
راشد : اوكي
وبند عنه وسارو الشباب صوب الهير وراشد واخيرا نش واتسبح واتلبس وكان لابس كندوره كحليه وغتره بيضا .. ونزل تحت وكانت اليازيه يالسه في الصاله تطالع التلفزيون ... راشد يا ويلس عالغنفه وما انتبه لوجودها
اليازيه : صح النوم
راشد ( صد صوبها وتم يطالعها عدل جنه ما يشوفها )
اليازيه : راشد بلاك
راشد : ها ... ما فيني شي ... اليازيه اذا ما عليج اماره ابالي شي حار
سارت اليازيه وصبتله كوب حليب ويابته او وطته جدامه عالطاوله
راشد : مشكوره ( راشد تم يبطل عقم كندورته جنه ما يقدر يتنفس )
اليازيه : راشد انته بخير
راشد : هيه ( وتم يشرب الحليب بس شرب منه شوي او وطاه )
اليازيه : جيه ما كملته
راشد : بس ما اروم اشرب ازيد ( ونش من مكانه ) اكرمج الله يا بنت خليفه
اليازيه : وانت كريم
راشد : تامرينا بشي
اليازيه : سلامك
ويوم يا راشد بيظهر
اليازيه : راشد
راشد : نعم
اليازيه : شكلك تعبان لا تظهر
راشد : لا تخافين ولد عمج سبع .. ما عليه شر
اليازيه : الله يحفظك
ظهر راشد من الصاله وركب سيارته وظهر من البيت
وفي الهير ( في ميلس احمد العامري )
عبد الله : منصور عيل وين بوسنيده
منصور : هو كان بيي ويانا بس رقد ونحن يينا وقال بيلحقنا
هزاع : تعالو نحن نسيناه ...انا بتصله ( وتم هزاع يتصل حق راشد بس راشد ما يرد عليه ) ما يرد اخاف الا رد يرقد
ناصر : لا تستبعد هالشي عراشد ...
منصور : انزين رد اتصله
هزاع : اوكي ( ورد وتم يتصله ... بس مايرد ... حرق تيلفونه من كثر ما يتصله ... بس هالمره رد )
هزاع : الووووو رشوود وين انت يا ريال
ريم : الووو ... منو ... هزاع ... انا ريم مب راشد
هزاع : ( نش وظهر عن الشباب ) راشد وين
ريم : ظهر من البيت ... ونسى تيلفونه
هزاع : من متى ظاهر
ريم : كمله نص ساعه
هزاع : نص ساعه ... الدرب من البيت لين اهنيه ما يبا نص ساعه.
ريم : هزاع لا تزيغني عليه
هزاع : عنبوه وانتو زيغتكم زاهبه ما عليه شر انشا الله يمكن خطف مكان قبل لا يينا
ريم : يمكن
هزاع : اقول برايج انا بترياه .. اذا رد البيت اتصليبي
ريم : اوكي .. يلا باي
هزاع : باي
وبند عنها وحدر داخل
منصور : ها ريته
هزاع : لا ... وناسي تيلفونه في البيت .. وظاهر من البيت من نص ساعه
احمد : نص ساعه ... الدرب ما يباله نص ساعه عسواقة راشد 5دقايق
هزاع : والله ما ادري .. انا روحي الشيطان يلعبي لعب ... اسمحولي انا بسير اشوفه يمكن رد البيت
منصور : ترياني بيي وياك
احمد : طمنونا
منصور : انشا الله
ظهرو هزاع و منصور من الميلس وسارو صوب البيت هزاع اتصل بالبيت وردت عليه اليازيه
هزاع : ها ما رد راشد
اليازيه : لا ... هزاع هو يوم ظهر من البيت كان تعبان وايد
هزاع : افففف ... انا شباه اوعيه ... الحين لو استوابه شي انا بكون السبب
منصور : لا تقول جيه ياريال ... ما عليه شر انشا الله
هزاع : اقوول لو رد سوولنا
اليازيه : اوكي ( وبند عنها )

[آڷصّغيرۉنہْ ™]

الــــــــبآرتً الـــثٌــآمنَ ‘‘

راشد يوم ظهر من البيت كان تعبان وايد والتعب مبين عليه ... ويوم وقف عالاشاره نزل راسه عالسكان ... و ما حس بان الاشاره فتحت الا يوم تمو يدقوله هرانه
وتحرك ... وهو يمشي ما قام يشوف الشارع ... حس بان راسه يدور وما رام يقبض السكان عدل وتم يشوح بالموتر شرق وغرب
.
.
.
.
.
.
.
.
.
.
.
.
.
.
.
.
.
.
.
.
.
.
.
.. وعقب وقف عطرف الشارع ونزل راسه عالسكان (( خخخخ .. تراني مب شريره شرات توقعاتكم هع ))

منصور : هزاع ... وقف .... وقف
هزاع : بلاك
منصور : هذاك مب موتر راشد
هزاع : هيه
وقفو الموتر واترابعو صوب موتر راشد اللي كان موقف عطرف الشارع وظارب اربع اشاير ...
هزاع : راشد
راشد : ( كان عرقان وويهه احمر ويتنفس بصعوبه )ها
هزاع : راشد بلاك
راشد : لا .. لا .. ماشي
هزاع : شو موقفنك هنيه
راشد : ها .... انا واقف وين ..
منصور : شكله تعبان وايد خلنا نوديه المستشفى
راشد : لا شو مستشفى انا ما فيني شي
منصور: أي ما فيك شي ما اتشوف عمرك
هزاع : راشد انزل اركب الصوب الثاني
راشد : شله ... اروم اسوق
منصور : هزاع .. سندله يا ريال عن يطيح علينا
هزاع قبض راشد وبينزله من السيت وبييلسه عالسيت الثاني بس راشد اغمى عليه بين ادين هزاع من كثر ما كان تعبان
هزاع ( وبزيغه ) : راشد .. راشد
منصور : يا ريال بسرعه خلنا نتلاحقه المستشفى
هزاع حط راشد عالسيت وربع صوب موتره ومنصور ساق الموتر براشد وسارو صوب المستشفى .....
ودخلوه عند الدكتور وفحصه ..
هزاع : طمنا دكتور
الدكتور : حرارته مرتفعه وايد .. 39.5 وجسمه ما فيه سوائل نحن الحين بنحاول انزل له الحراره وبنركب له مغذي وانشا الله بيصير بخير والهبوط هو اللي سبب له الاغماء
هزاع : يعني الحين هو بخير
الدكتور : الحمد لله انتو يبتوه في الوقت المناسب ولا تخاف عليه ترا ما فيه شي
ويرن تيلفون هزاع
هزاع : اوووه هذيل الاهل نسيت اطمنهم عـ راشد
منصور: رد عليهم بسرعه بتلقاهم شالين الدنيا في البيت
هزاع : هيه والله صدقك ( ورد عالتيلفون ) الووو
ريم : ها ياكم راشد
هزاع : هيه
ريم : الحين انتو وين
هزاع : في المستشفى
ريم : شوووو..... مستشفى... راشد فيه شي ( الكل سمعها ويا صوبها )
هزاع : فيه حمى وتعب علينا ويبناه بينزلون حرارته وبيركبون له مغذي وبنرد البيت
ريم : هزاع .... احلف انك ما اتقص عليه
هزاع : اشله احلف ... يا بنت الحلال قلنا لج ما فيه شي ساعه وبنرد البيت وبتشوفينه ... وتعالي بقولج يا ويلج ان طريتي شي جدام ابوج ولا امج ... بزوالج يا ريموه ( منصور من سمع ريموه صد صوب هزاع وتم يقول في خاطره ( فديتها من زمان ما رمستها )
ريم : انزين ... بس طمني عليه اوكي
هزاع : اوكي
و بند عنها واتصل حق الشباب في الميلس وطمنهم عن لا يتمون يحاتونهم وسار ويا منصور وحدرو عند راشد
هزاع : سلامات ... يا بو سنيده
راشد : الله يسلمك
منصور : ها شو اتشوف عمرك الحين ... انشا الله اهون
راشد : الحمد لله ..
هزاع : اسميك روعتنا عليك
راشد : عنبوه انا شو فيني الا هي حمى
هزاع : ليتني صورتك ... ولو بتقول شو فيني .. كان شكلك شوي وبتموت
منصور :عنبو ذا الفال
راشد : ليكون قلتو حق حد اني في المستشفى
هزاع : لا ما قلنا حق حد .. الا .... ( وسكت يوم انتبه لمنصور .. عاد اتعرفون يعني هي ما بيطري ريم جدام منصور )
راشد : الا منو
هزاع : ( ويوخي ع راشد وبصوت واطي ) ريموه اختك
راشد : يا خي انت اتخبلت هاي روحا وكاله cnn
هزاع : لا تخاف وصيتا ما تخبرحد
راشد : انزين ممكن تزقرون هالعله(يقصد الممرضه) وتخلونها اتبطل عني هالواير
هزاع : اتخسي ... ما شي لين يخلص المغذي
راشد : عنبو جني موتر مفضي ... مركبيلي هالوايرات
منصور :ههههه ... حتى وانت مريض تنكت
هزاع : تعرف العرج ... السخافه في دمنا
منصور : وانتو كلكم جيه .. انا امبوني افكر اناسبكم .. الحين شكلي بتعايز
راشد : اصلا منو قال انا بنيوزك
منصور : شووو
راشد : جانا انشوفك اتغازل جدامنا بعد تبانا انيوزك
منصور : (وهو محرج )عدال .... ولد السديس .. ما اتسوي شي انت اللي يقول
راشد : منصور انت خذت السالفه جد انا اسولف
منصور : هيه تحريت
راشد : ( يوم شاف الممرضه خاطفه ) ايييه حوووووو
منصور : عفانا الله ... ما اتقول شيبه
راشد : اقولج تعالي فجي عني عالواير
الممرضه : ما يصير اخويه لازم يخلص المغذي
راشد : عاد انا ما با الحين غديت بخير
الممرضه : تراك صرت بخير الا من المغذي
راشد : انزين ممكن تبطلينه الحين .. ولا تراني بمجعه روحي
الممرضه : اوكي ... بس لحظه شوي بقول حق الدكتور ( وسارت عنه
راشد : اففففف
هزاع : انزين بلاك متواكل شوي وبيبطلونه عنك
ويا الدكتور
الدكتور : خير يا راشد الممرضه اتقول انك تبى تبطل المغذي
راشد : هيه لاعت جبدي من هالطيحه
الدكتور : بس المغذي لازم يخلص .. انت جسمك ما فيه سوائل ... واذا ما خلصت المغذي يمكن ترجع وتتعب مره ثانيه
راشد : ياخي وانت شو معورنك .. انا اللي بتعب والا انت
هزاع : راشد
منصور : اسمحلنا دكتور بس تراه وايد عنيد وما يداني شي اسمه مستشفى
الدكتور : خلاص نحن بنبطلك اياه بس اذا رجعت وتعبت لازم ترجع وتحط مغذي مره ثانيه
راشد : خلاص اترياني انت بس
الدكتور : لا حول ولا قوة الا بالله ... تتصرف مثل اليهال
راشد : ( وبصوت واطي) يهلت مذاهبك
الدكتور : قلت شي
هزاع : لا دكتور كان يرمسني
وبطل الدكتور المغذي عن راشد ويوم يا راشد بيوقف حس ان الدنيا ادوربه ورد ويلس وحط ايده على يبهته
هزاع : ها بلاك
الدكتور : هذا لانك ما تسمع الكلام
راشد : انا ما فيني شي.. منصور ممكن تسندلي شوي
سند منصور حق راشد وطلع من الحجره وسار صوب الموتر وهزاع سار ياخذ الدوا

[آڷصّغيرۉنہْ ™]

وفي سيارة راشد

راشد نزل السيت وتم جنه طايح
منصور : يوم انقولك تم في المستشفى ... شوف بعدك تعبان
راشد : والله انا ما شكيت لك ... انت سوق وفكني
ويوم وصلو البيت
منصور : هاه اتروم تمشي والا ايي اسند لك
راشد : لا والله قلنا تعبت شوي بس ما شوبت
منصور : ( وتم يهز راسه ) اااخ منك انته
نزل راشد وحدر الصاله ومنصور كان اوردي موقف سيارته في بيت قوم راشد فخذ سيارته وروح .... يوم دخل راشد ربعت ريم صوبه
ريم : راشد فديتك شو يعورك
راشد : انت خليني ايلس عن لا اطيح الحين
سار راشد وطاح عالقنفه
ريم : اهون الحين
راشد : الحمد لله
اليازيه : ما تشوف شر يا ولد العم
راشد : الشر ما ييج
هند : فديتك تبا شي اييبلك عشا تبا شي حار
راشد : لا بس ابا لحاف بردان
هند : انشا الله الحين بسير اييبلك لحاف
سارت هند ويابت اللحاف حق راشد ولحفته
راشد : عيل وين بنات خالي
ريم : ردن دبي
راشد : ردن منو وداهن
ريم : مايد يا وشلهن
راشد : ميوود وصل لين هنيه وما كلف عخاطره انه يسلم علينا
ريم : لا حليله هو تم يتصلك بس انت ما رديت فروح لان بيرد عندهم عرس واحد من يرانهم
شوي ويدخل هزاع البيت ويايب ويا كيس الدوا
هزاع : السلام عليكم
الكل : وعليكم السلام
هزاع : ها الشيبه شحالك
راشد ( قبض الكوشنه وفرها على هزاع )
هزاع : ها يود دواك
راشد : مابا دوا انا الا الدويات ما دانيهن
هزاع : صدقه الدكتور يوم قال عنك ياهل

[آڷصّغيرۉنہْ ™]

ويرن تيلفون ريم
ريم : هاااااي شموه
راشد ( من سمع طاري شما حس ان العوق خاز عنه )
ريم : الووو
شما : مرحبا
ريم : مرحبتين
شما : شحالج ؟؟
ريم : بخير وسهاله ربي يعافيج .. علومج ؟؟
شما : علوم الخير
راشد : هند تعرفين تسوين كستر
هند : جوهره تعرف اتسويه
راشد : لا مابا الكستر هذا البارد ... ابا الكستر اللي يسوونه في الدله ويشربونه
هند : لا ماعرف
ريم : شمووه تعرف ... جان تباها اتسويلك
شما : شو تبيني اسوي وحق منوه
ريم : شموووه رشووود مريض
شما : حليله شو فيه
ريم : فيه حما ... وتعبان هذوه طايح هنيه في الصاله ومتلحف
شما : حرااام ... جان يغمضني ... قوليله سلامات
ريم : رشووود شموه تقولك سلامات
هزاع ( كان قابض الريموت ويبدل ومن سمع سلامات جان يكمل ) حبيبي مو على بعضك سلامات
راشد : (في خاطره ) يا ليتها منها مب منك يا هزاع
ريم : شمووه رشوود يبا كستر
شما : بس كستر ما طلبتي ... الحين بسوي وبطرشه ويا الدريول .. انزين اقولج فضيحه اطرش كستر بروحه شو اسويلكم وياه
ريم : لا فضيحه ولا شي
شما : اتلوم ... انزين انا مسويه بيتزا .. تحبون البيتزا
ريم : انا احبها .... اقولكم شموه اتقولكم تحبون البيتزا
هزاع : هيه .. نحن ناكل كل شي امره اطرش اللي تبا اطرشه
اليازيه : حشا يايبينك من مجاعه
ريم : رشووود بما ان اليوم انت مريض فنحن لازم ناخذ رايك
راشد : انا ما اروم اكل .
هزاع : هيه تملنا جيه لا اكل ولا حياة لين اطيح علينا
ريم : انا وهزاع نبا ورشوود يقول ما يروم ياكل
شما : شوفي انا بطرش ..بس انتي خليه ياكل .. لانه اذا ما كل بيتعب زياده ما بيصح
ريم : اوكي ( وبندت عنها )
شوي وتحدر ام عبد الله ومن شافت راشد طايح ومتلحف
ام عبد الله : والقعتي ... بلاك
ريم : امايه رشوود مريض
ام عبد الله : يالله فديتك بلاك الغالي
راشد : ما شي يا امايه .. بس حما دقتبي شوي
ام عبد الله : سرت الدختر
هزاع : هيه عمتي وديناه وهذا ادواه وتراه مب طايع ياخذه ..
ام عبد الله:... عكيفه هو ما ياخذه
هزاع : عندج اياه
راشد : ما عليه انت يالهرم (وفي هاللحظة نش هزاع وسار فوق )
ام عبد الله : هند سيري حطي العشا حق اخوج عشان ياخذ دواه
راشد : امايه ما روم آكل
ريم : امايه .. هو قال يبا كستر ... وانا قلت حق شمووه اتسويله .. والحين بطرشه و قالت بطرش وياه بيتزا
ام عبد الله : انزين جان اترييتوني انا بسوي شله اتعبلون عبنت العرب
ريم : امايه ... شموه شرات اختنا ... يعني عادي
ويسمعون الهرن عند الباب
ريم : هذا اكييد دريول قوم شموه
ام عبد الله : سيري ازقري البشكاره عشان تظهر له
ريم : شله انا بظهر له
ظهرت ريم وشافت ( استيشن بيضا )
ريم : انا احيد الاستيشن مالهم سودا ... ولا يمكن هاي استيشن ابوها ( سارت ريم صوب السياره تتريا الدريول ينزل بس الدريول ما نزل )
ريم : يعله السم شو يباني انا انزل الاغراض من السيارة
وجان تجدم صوب السيارة وتمت تدق له عالدريشه
بس اللي كان في السياره مب الدريول اللي كان في السياره حمدان وكان ياي في موتر ابوه
حمدان : هاي بلاها ... ليش يالسه ادق عالدريشه ... معقوله يالسه ادق عليه .. ولا هي يالسه اتريا حد ثاني ... انا الحين شو اسوي
ريم : ( وتبغم مره وحده ) ايه رفيق يلا نزل سامان
حمدان : ههههههههههه ... رفيق مره وحده ... هاي شكلها كانت تتريا دريول ( ونزل الجامه وقاللها وهو ميت من الضحك ) نعم ماما شو يريد
ريم : ( تمت واقفه محلها وهي منصدمه ويوم استوعبت الموضوع اتغشت واربعت داخل )
حمدان : هههههههههه ... ياحليلها والله
ريم دخلت الصاله وهي تربع
راشد : بلاج .. تربعين
ريم : اللي ياي مب الدريول ... طلع ريال في السياره
راشد : ريال
ويرن تيلفون راشد وكان حمدان متصل
راشد : ( وصوته كان تعبان ) الووو
حمدان : مرحبا
راشد : هلا
حمدان : شحالك
راشد : الحمد لله بخير
حمدان : بلاه صوتك
راشد : ما شي بس صايبتني حمى داقتبي دقه
حمدان : الله يعينك ... عيل ما تروم اتسير ويايه ... ترا انا واقف
فحويكم
راشد : انت اللي برع
حمدان : هيه ... ووو...
راشد : لا تكمل عرفنا السالفه
حمدان : اسمحلي
راشد : انت اللي اسمحلنا
حمدان : انزين تعالي في السياره
راشد : يا ريال والله ماروم روحي طايح في الصاله ومتلحف .. انت احدر لي داخل
حمدان : اوكي ... عيل سولي درب
راشد : اوكي ( وبند عنه )
راشد : بنات ادخلن داخل اربيعي بيحدر
ريم + اليازيه + هند : انشاء الله
شوي ولان حمدان عند الباب
حمدان : هووود
ام عبد الله : هدا
حدر حمدان وسلم على ام عبد الله
حمدان : اشحالج خالتي
ام عبد الله : بخير وسهاله ... انت شحالك
حمدان : بخير ربي يعافيج
ام عبد الله : وشحال ابوك
حمدان : الحمد لله بخير
ام عبد الله : الله يعافيه
حمدان : امين ( ويصد صوب راشد ) سلامات الشيخ
راشد : الله يسلمك
ام عبد الله : انا بسير ازهب الكم العشا
حمدان : لا مشكوره خالتي انا ساير ما با عشا
ام عبد الله : ما شي سيره بتيلس وبتتعشى ( وسارت عنهم )
حمدان : وعلومك ... بو الشباب
راشد : تعبااااااان
حمدان : ادري
راشد : عن شو
حمدان : بتقولي راسي يعورني ومادري شو
راشد : لا ... قلبي يعورني
حمدان : ؟؟؟؟؟؟ .من شو
راشد : من الحب
حمدان : ويا ويهك ... انا قلت شي فيه الريال
شوي ويسمعون هرن عند الباب
راشد : هذا اكيد الدريول وصل
حمدان ( من اتذكر السالفه تم يضحك ) : هههههههه
راشد : شو اللي يضحك
حمدان : ما شي
راشد : الحين هذا منو بيظهر له
حمدان : انا بظهر له
راشد : لا جيه ما شي بشاكير في البيت
حمدان : يا ريال جيه الا بظهر هنيه عند باب الصاله ما بسير مكان
راشد : ما نبا نعبل عليك
حمدان : لا عباله ولاشي ( وظهر عند الدريول وهو يضحك ويذكر شكل ريم وهي ادق عليه الدريشه وكيف ردت تربع داخل كانت تربع شرات اليهال .... وياب الاغراض اللي عند الدريول ورد داخل عند راشد )
حمدان : شكله عشا
راشد : هيه
حمدان : يقول انه دريول سيف الرميثي
راشد : ادري ... ترا الغلا اللي مطرشتلي هالعشا
حمدان : شووووووو... شو هالحب كله
راشد : بس هي ما تحبني ... انا كان خاطري في كستر وهي تعرف اتسويه واونها تتلوم اطرش بس كستر فسوتلنا شي وياه
حمدان : ما شا الله عليها هابت ريح
راشد : ادري .. وانا شو مخبلبي غير صفاتها اللي كل يوم اكتشف فيها شي احلى عن الثاني
حمدان : انزين اصبلك كستر
راشد : هيه
حمدان صب الكستر حق راشد وراشد يلس عشان يشربه
حمدان : هاه يود
راشد : مشكور
يت ام عبد الله ويابت وياها العشا وحطته عالطاوله جدام راشد وحمدان كان يالس عداله
ام عبد الله : يا الدريول
راشد : هيه
ام عبد الله : يلا اباك تاكل من هالفطاير
راشد : امايه ما اروم اكل شي
ام عبد الله : انزين ..قطعه بيتزا
راشد : امايه مابا
حمدان : ما عليه خالتي خليه عليه انا بخليه ياكل
راشد : انتو بلاكم اقولكم ما با .. ما اشتهي
سارت عنهم ام عبد الله عشان ياخذون راحتهم
حمدان ( خذله قطعة بيتزا وكلها ) : افف الصراحه لذيذه
راشد : لازم
حمدان : بقولك يوم بتاخذها انا كل يوم بيي عندكم عالعشا
راشد : خلني اخذها قبل ... بعدين تعال يوم باخذها اتحراني بخليها تطبخ لك ... اتخسي الا انت
حمدان : هههههههه ... اقولك ما تبالك قطعه
راشد : لا ...
حمدان : افااااا الحين الغلا مسوتلك اياها وما تاكل منها
راشد : ودي بس والله العظيم ما اشتهي اكل شي
حمدان : انزين قطعه صغيره ما تضر
راشد : خلاص ... قطعه صغيره
حمدان عطا راشد قطعة بيتزا بس راشد كل شوي وما رام يكملها
حمدان : جيه وطيتها
راشد : ما اروم اكل زود
حمدان : انزين خذت دواك
راشد : لا ... انا الا الدوا ما ادانيه
حمدان : رشوود هب تغديلي ياهل ... بتشربه قصبن عنك (ونش وشل كيس الدوا ويلس عدال راشد ) ها يود خذ
راشد : يا ربيييه ( وخذ دواه ورد وطاح وتلحف )
وفي هاللحظه نزل هزاع من فوق
هزاع : يا مرحبا الساع .. هلا بهل بوظبي
حمدان : مرحب باجي ( وتوايه وياه )
هزاع : شحالك
حمدان : بخير ونعمه ربي يعافيك
هزاع : من متى هنيه
حمدان : من شوي
هزاع ( ويصد صوب راشد ) : ها الشيبه شحالك
راشد : ( تم يطالعه بقهر يبا ينش يكفخه بس مب رايم .. صد عنهم الصوب الثاني جابل مسند الغنفه وحط اللحاف عويهه )
حمدان : عوذ بالله بلاك غادلي جنك موميا
هزاع : شوو يعني
هني راشد وحمدان هلكو من الضحك عليه
وتمو هزاع حمدان يسولفون وراشد طايح ومتلحف ومب مسولهم سالفه من كثر ما هو تعبان ... وياهم بو عبدالله ويلس يسولف وياهم

[آڷصّغيرۉنہْ ™]

في بيت سيف ال..................شما يالسه في حجرتها وقابضه كيمرتها وتتصور .. وتمت تطالع صورها
شما : احس ما فيني زود عن باقي البنات شو اللي خلا واحد مثل راشد البنات يتخبلن عليه من يشوفنه .. والف وحده تتمناه انه يحبني .. الحين هو صدق يحبني ولا يالس يلعب عليه .. انزين انا مب مسوتله سالفه شو اللي يخليه متعلق فيه لين الحين .. يمكن هو بس يوم ايشوفني ايتم يسوي هالحركات عشان يقص عليه ... بس سلامه بنت خاله اتقول انه يحب وحده .. معقوله هالوحده هي انا ... اففف يا ربي تعبت وانا افكر في هالسالفه ... بعدين انا شله متعبه عمري هو اذ يباني يدل بيتنا بيي وبيخطبني .

وفي دبي و في بيت بو مايد
مايد توه موصل خواته البيت كل وحده منهن سارت صوب حجرتها
ميره : تولهت على حجرتي ...( ويلست عالشبريه وقبضت تيلفونها واتصلت حق منصور )
منصور : هلا والله بريم الفلا
ميره : اهلين ... شحالك
منصور : بخير من سمعت صوتج ... فديتج والله تولهت عليج من زمان ما رمستيني
ميره : شو اسوي ... ما اروم ارمسك طول الوقت اخاف حد يسمعني
منصور : برايه ان حد سمعج ... دقيقه وبيي عند ابوج وبخطبج منه
ميره : .............................
منصور : ريم
ميره : لبيه
منصور : احبج
ميره : ...............
منصور : والله العظيم اني احبج
ميره : منصور بس عاد استحي
منصور : تدرين خلاص ما اقدر اتحمل اعيش بعيد عنج برمس هلي وبني نخطبج
ميره : ها .... ترمس هلك وتخطبوني ....
منصور : ليش انتي ما تبيني اخطبج ولا شو
ميره : لا مب جيه السالفه بس
منصور :بس شوو ... لا تتحريني اني يالس العب انا ما خنت فربيعي ورمستج الا لاني حبيتج
ميره : منصور بس انا ما اباك تخطبني
منصور : لا والله عيل شو تبيني اسوي .
ميره : انزين اسمعني .. ( ويقاطعها)
منصور : سمعيني يا بنت الناس ازيد ما اتصلتي عهالتيلفون لا تتصلين مره ثانيه
ميره : منصور .... منصور ... اسمعني انا مب ( وسكر التيلفون في ويها هي كانت تبا اتقوله انها مب ريم )
ميره تمت اتصيح وما قدرت ترقد تمت اتفكر في منصور هي حبته بس منصور ما حبها منصور حب ريم ويبا يخطب ريم هي حاولت اتقوله انها مب ريم بس هو ما عطاها فرصه ..

[آڷصّغيرۉنہْ ™]

وبيت بو عبد الله

روح حمدان عنهم وسارو كلهم يرقدون راشد من كثر ما هو تعبان رقد في الصاله ما رام ايسير لين حجرته
اليوم الثاني الجو كان وايد حلو وشكله بيطيح مطر

وفي بيت بو حمد
شما ناشه من الصبح ونزلت الصاله وكانت امها يالسه في الصاله سارت وحبتها عراسها ويلست وياها
ام حمد : ها شعندج ناشه من وقت اليوم
شما : ما شي بس شبعت رقاد
ام حمد : انزين سيري اتريقي
شما : انا بسير بيت عمي بتريق عند يدتي
ام حمد : زين
نشت شما وسارت صوب بيت عمها وهي تمشي في الحوي سلطان كان حادر البيت وتم يسرع اونه سوى عمره يبا يدعمها
شما : (حطت ايدها عويها وابغمت )
سلطان : ( وقف السياره ونزل ) مرحبا ببنت العم
شما : الحين مرحبا يالسبال وانت توه تبا تدعمني
سلطان : انا الا اسولف وياج والا انا ادعمج من الله بنت وحده في هالعايله كلها ... ما تهونين يا بنت العم .. الا اليوم يايه عدنا
شما : يايه اسلم على يدتي
سلطان : جان اتريتي لين ينش سهيل
شما : اصلا انا ياييه هالحزه عشان ما اتلاقا وياه
سلطان : حرام عليج عطيه ويه شوي
شما : اقولك شي خلنا نحدر لاني هلكت من البرد هنيه
سلطان : اوكي (وحدرو داخل )
شما اول ما حدرت سارت صوب يدتها اللي كانت يالسه في الصاله
شما : السلام عليج ..يدتي ( وحبتها عراسها )
عفرا : زين يوم اتذكرتي ان عندج يده
شما : افااا يا يدتي .. شكلج الا محرجه عليه
عفرا : هيه ... عنبوه يمرن الايام ما اشوفج ولا انتي ولا اخوانج الا حمد فديته من ايي من بوظبي سيده ايي ويسلم عليه
سلطان : عندج اياها ..يدتي
عفرا : جب انته اللي يقول الحين انته امره .. تراك الا شراتهم ويايه في البيت وما اشوفك بالايام
شما : احسن اهزبوه
سلطان : الحين زين يدتي ضحكتي هالياهل عليه
وينزل سهيل من فوق ومن شاف شما
سهيل : يا ربي انا اقول ليش بيتنا منور اليوم ثرا شما عندنا
شما : هذا شو ناشنه الحين
سلطان : مشكله روميو حس ان جولييت عندنا
شما : جب
سلطان : ها شو ناشنك من وقت
سهيل : قلبي وعاني يا ريال
سلطان :مسكين حالك
سهيل : هي والله صدقت .. مسكين حالي ( وهو يطالع شما )
عفرا : يالهيس ... شله ما تسلم عليه
سلطان : يدتي خليه الريال مشغول الحين باله مب عندج
عفرا : شو اللي شاغلنه .. انشا الله
سلطان : امايه شما بنت سيف عندنا وما تبينه ينشغل
شما : يلا يدتي عيل انا اترخص عنج
سهيل : لا وين وين ما يلستي
شما : (تمت تطالعه بعين )
سلطان : ارحمي حاله يا بنت الحلال
عفرا : تراج اتقولين يايه اتريقين ويايه ما اتريقتي
سهيل : هيه حتى انا ما اتريقت
عفرا : انزين يلا كلنا بنسير نتريق ارباعه
سلطان : انا متريق
شما : وانا ما اشتهي
عفرا : شو بعد ما تشتهين خطفي جدامي بنسير نتريق
شما : يدتيي
عفرا : جدامي اشوف
سلطان : حليلج ... ناس بتنفتح عندهم الشهيه وناس بتنسد نفسهم عن الاكل
شما : هي والله
سهيل : افااااا .... يعني انا الحين اسد النفس ... اسمحيلنا يا بنت العم عيل بنخليج اتريقين بروحج عشان ما تنسد نفسج الشيخه ( وظهر عنهم وهو محرج )
سلطان : اووووه الريال حرج
شما : ابيييييه .... خذ السالفه جد
عفرا : بلاه اخوك
سلطان : اشدراني ( وسارت شما اتريق ويا يدتها وعقب ماخلصت تمت اتسولف وياها .... بس سهيل حليله تم يحوط في الشوارع )
سلطان : اقول شمووه متى بتبدا الدراسه
شما : اسكت لا تذكرني ... يوم الاحد الياي
سلطان : حليلكم ما اجزتو وايد
شما : شفت عاد
سلطان : شو نتيجت الكورس اللي طاف
شما : ما ادري
سلطان : جييه
شما : ما يبت الشهاده
سلطان : اكييد مزفته
شما : لا حليلي .... بس روحي ما اتفيجت اسير اييبها وبعدين بيعطونا اياها يوم بنداوم
سلطان : حيج
شما : انا اترخص الحين بسير البيت
سلطان : مرخوصه يا بنت العم
شما : يلا مع السلامه يدتي
عفرا : الله يحفظج
ظهرت شما وهي تمشي وسايره صوب حدرت سياره البيت شما اتغشت وتمت تمشي بسرعه عشان توصل البيت ... السياره وقفت جدام باب صالتهم يعني هي عشان اتحدر الصاله لازم تخطف عدال هالسياره ... راعي السياره من شاف شما تم يرد ريوس ويجدم ... عشان يلعوزها وما يخليها اتحدر ... واشكره ينبان انه يالس يطالعها ... بس شما اربعت وحدرت الصاله كانت زايغه من حركاته شوي و ناصر اخوها نازل من فوق
ناصر : بسم الله بلاج تناهين
شما : ها ... لا بس كنت حادره وانا اربع لان في سياره تحدر البيت فقلت احدر الصاله قبل لا اتحدر هي البيت
ناصر : اوووه هذا اكييد علي يا
شما : منو علي
ناصر : وانتي شلج ( وظهر عنها وسار ويا علي ... علي هذا ربيعهم من زاخر ..... شما سارت صوب حجرتها وهي منقهره من حركات علي )

وفي سيارة علي
ناصر : اقولك شرايك انسير صوب راشد
علي : أي راشد
ناصر : راشد بن سعيد
علي : الله يهديك رشوود شو ينشه هالحزه
ناصر : حليله الريال مريض لازم انسير صوبه
علي : خلاص .. تم
وسارو صوب راشد .... راشد من نش حق صلاة الفير ما رد يرقد وكان يالس في الصاله ... شوي ورن تيلفونه
راشد : ( وصوته كان تعبان ) الووو
ناصر : مرحبا
راشد : مرحبتين
ناصر : شحالك
راشد : بخير ربي يعافيك
ناصر : عساك اصبحت اهون
راشد : الحمد لله
ناصر : اقول ترا انا وعلوووه يايين صوبك
راشد : مرحبابكم ... عيل انا بترياكم في الميلس من تون سيده احدرو
ناصر : خلاص اوكي ... ما تبانا نيبلك شي ويانا
راشد : لا ..يطولي بعماركم .. ما اتقصرون
ناصر : نحن بنخطف ناخذلنا سندويجات ما تبانا نيبلك
راشد : شو سندويجاته بعد ... بتريقون عندي
ناصر : يا ريال ..
راشد ( ويقاطعه ) : ما شي قلت اتريقون عندي يعني اتريقون
علي : شو مسويين يرووق
ناصر : يعلك ... ميوع
راشد : جيه برايه خله قوله عندنا كل خير بس انتو تعالو
ناصر : اوكي يلا باي
راشد : باي ( وبند عنه وسار صوب امه )
راشد : امايه
ام عبد الله : نعم ... الغالي
راشد : امايه ما عليج اماره اباج ازهبيلنا الريوق ربعي بيوني
ام عبد الله : انشا الله ... وين تبانا انحطلك اياه
راشد : في الميلس
ام عبد الله : انشا الله
سار راشد ويلس في الميلس يتريا ناصر وعلي ... شوي ويووه وتمو يسولفون ... راشد حاله كان حاله احسن عن البارحه ... ويابولهم الريوق واتريقو وكملو سوالفهم ... شوي ورن تيلفون ناصر
ناصر : اوووه هذا ابويه ( ورد عليه ) مرحبا
بو حمد : هلا ناصر اقولك وين انت
ناصر : انا هنيه عند راشد بن سعيد
بوحمد : اقولك انزين تعال شلني من عند الغسيل
ناصر : ابويه حد يغسل الموتر في هالجو ... شكلها بتمطر يعني ما شي فايده من الغسيل
بو حمد : عليك خساره انت انا بسير المرموم اليوم تباني اسير بالموتر وهو خايس
ناصر : انشا الله الحين بييك ( وبند عنه ) اما ان ابويه خقاق ساير يغسل الموتر بس لانه بيسير المرموم .. نحن الشباب ما غسلنا مواترنا في هالجو
راشد : انزين سير شله عن يغسلك غسال بدال الموتر
ناصر : والله انه يسويها ... علوووه عطني سويج الموتر
علي : كم تدفع
ناصر : متفيج ... اللي يقول عاد سويج الماي باخ الا هو استيشن مديل 2000هات السويج اقول
علي : بعد اتعلق عموتريه وتبا اتسير فيه
ناصر : علوووه عاد
علي : عاد ولا ثمود ههه
ناصر : سخيف
راشد : (فر عــ ناصر سويج موتره) ... ها يود وفكنا
ناصر شل السويج وسار ايشل ابوه من الغسيل ويوديه البيت
علي : وعلومك بعد يا بو سنيده
راشد : ماشي علوم يا بو حسن ... العلوم عندك
علي : خلهن فحالهن علومي
راشد : اوووه شكله عندك شي يديد

[آڷصّغيرۉنہْ ™]

علي : اسكت يوم سرت بيت قوم ناصر عشان اشله شفت ذيج الغرشوووب .... ااااه ... تعق الطير من السما ... ياخي عندهم اخت ويل حالي منها عليها ذاك العود .. والا المشيه
راشد ( وهو محرج ويقاطعه لانه عرف انه يقصد شما ) : شوووو ... انته ما تستحي
علي : جييه شو سويت
راشد : تطالع اخت ربيعك وما سويت شي
علي : شو يعني هي غير عن باقي البنات اللي نطالعهن
راشد : والله البنات اللي تطالعهن الا رغد شراتك مب بنات عرب
علي : لا والله ... يعني انا ارغيد
راشد : والله اللي يخون بربعه شو يسمونه
علي : اللي يقول انت ما اتسوي شي
راشد : عالاقل انا محترم نفسي وما ايلس ارمس عن خوات ربعي جدام الرياييل
علي ( ونش بيظهر ) :يعني انا مب محترم مشكور يا بو سنيده ( وظهر عنه وشخط الموتر ويل قبل لا يظهر )
راشد : وذلفه ... الله يغربله الخايس السبال النذل
شوي وايي ناصر
ناصر : عيل علووه وين
راشد :ذلف
ناصر :بلاك عليه
راشد : خلنا منه انت وين سرت اتحيرت
ناصر: سرت اييب ثياب ابويه من الدوبي يوم اقولك انه خقاق مودي الثياب الدوبي حق السيره
راشد : وانا اقول انتو عمنو ظاهرين
ناصر : حليلنا نحن بعدنا ما نسوي شي جدام بو حمد
راشد : لا انتو ما اتسوين شي ماجنكم يوم اني انسير مكان تلبسون امية كندوره لين تقتنعون بوحده
ناصر : عدال الشيخ ما جنك اخس عنا
راشد : انا حليلي
ناصر : الحين اونك مريض وكاشخ هالكشخه كلها ... حتى القلم ما نسيت اتحطه
راشد : اذكر الله ... اصلا انا ما مرضت الا من تفهيراتكم فيه
وتمو ايسولفون شوي
ناصر : اوووه انا منو بيوديني البيت ... علووه سار عني
راشد : انا شو خانتي هنيه
ناصر : تراك مريض
راشد : مريض مب متجسح
ناصر :هههه ... يلا عيل قوم ودني
راشد : يلا نسير ( وسارو صوب بيت ناصر )

وفي بيت بو حمد

شما وامها وابوها ويدتها وسلطان يالسين في الحوي
شما : الجو اليوم روعه يبالنا نتغدا هنيه
سلطان : هيه والله
شما : شرايك ابويه
بوحمد : الغاليه انا اليوم بتغدا في المرموم
شما : افاااا يعني ما بتغدا ويانا
بوحمد : شو اسوي عاد معزوم
شوي ويحدر سهيل البيت وهو مسرع
عفرا : منو هذا
سلطان : هذا سهيل اخويه
عفرا : بلاه حادر البيت جذيه
سهيل شافهم انهم يالسين كان يبا ايسير صوبهم بس يوم شاف شما وياهم اتعايز مسوي عمره زعلان عليها ... المسكين ما يدري انها ولا على بالها ... نزل سهيل من السياره وياي بيحدر البيت
بو حمد : سهيل ....سهيل
سهيل : نعم ... عمي
بو حمد : تعال صوبنا
سهيل( سار صوبهم وهو من خاطره ما يبا ) : السلام عليكم ( ووايه عمه وحب يدته عراسها )
بو حمد : وين انت من زمان ما شفتك ...
سهيل : موجود ...بس انت اتعرف ما نفضى ويوم انا موجود انت محد
سلطان : عاش اللي ما يفضى
سهيل : ( وصد صوبه ) جب انته
عفرا : سهيل .. بلاك شكلك تعبان
سهيل : ما شي
شما : وين سرت اتحوط من الصبح
سهيل : ( صد صوبها ) وانت شلج
سلطان استغرب من رد سهيل ... سهيل ايرد على شما بهالطريقه وهو اللي يتمنا انها اترمسه
شما : السموحه الشيخ .. ما دريت انك خليتني غريبه عنك
سهيل : اسمحولي .. انا ساير ارقد
عفرا : حد يرقد الحين بياذن الحين وحزة غدا صل واتغدا وخلاف ارقد
سهيل : يدتي لين اسير فوق وابدل ثيابي جد اذن بصلي وبرقد
شما : والغدا
سهيل : انسدت نفسي ... ما با اتغدا ( وسار عنهم )
بو حمد : سلطان بلاه اخوك اليوم متواكل
سلطان : ما دله ... انا بسير اشوفه (وسار صوب سهيل ... وحدر عليه الحجره وشافه يالس عالشبريه ومنزل راسه وحاط ايده على يبهته )
سلطان : انت بلاك اليوم
سهيل : ممكن تظهر واتخليني
سلطان : مب ظاهر .. لين ما تقولي بلاك ... هذا كله عشان اللي استوا الصبح
سهيل : ليش هذا عادي عندك
سلطان : انتو طول عمركم على هالحاله .. دوم تتناقرون شو اليديد في الموضوع .. شو اللي خلاك تحرج هالمره
سهيل : لاني تعبت .. خلاص ما اقدر اتحمل ... لاعت جبدي من حركاتها ومن اسلوبها ويايه .. جني خادم عندها مب ولد عمها .. اتعامل الدريول خير عني .. شايفه عمرها يعني هذا كله لاني اباها ..خلاص ما اباها .. اخذ لي وحده رغيد من الشارع خير عنها
سلطان : سهيل شو هالرمسه .
سهيل : ( وبدا يصارخ ) عيل شو تباني اسوي احبها عراسها عشان ترضا عليه ... ازيد ما ذليت عمري الها خلاص ما بذلها اكثر
ويحدر عليهم حمدان اخوهم يوم سمع صراخ سهيل
حمدان : بلاكم
سهيل : انا هالاسبوع بسير دبي صوب خالي وبخطب وحده من بناته
حمدان : شووو ... وشما ... سهيل انت صاحي
سهيل : انا الحين صحيت وعرفت اني عاق بعمري عليها وهي ما تباني
سلطان : وتتوقع ابويه بيخليك
سهيل : والله اذا ما خلاني بتم شراتك والله مب لازم اعرس
سلطان : لا ابويه انته غير
سهيل : غير في شو
سلطان : شما امحيره لك من زمان وابويه وعمي يتريونها اتخلص دراسه وبييوزونكم
سهيل : انت اتقص على عمرك والا عليه .. البنت ما تباني شقا بيوزونا
حمدان : والله ومن متى البنت الها شور عدنا .
سهيل : والله انا مابا اخذ وحده ما تباني ... شقا تباني اعيش وياهم عمر وهي ما داني تيلس ويايه دقيقه
سلطان : انت تقول هالرمسه لانك محرج يوم بتهدا روحك بتسير صوب بيتهم عشان اتشوفها
سهيل : لابا اشوفها ولا شي .
حمدان : بو مييد خلنا نظهر عنه خله بروحه احسن
سهيل : اتسوون خير
ظهرو عنه وردو ويلسو ويا هلهم في الحوي شوي ويحدر راشد البيت وهو يايب ناصر
حمدان : شما قومي احدري البيت ريال ياي ويا ناصر
حدرت شما البيت بس راشد انتبه الها وتمت عينه عليها .. وهي اربعت صوب حجرتها وتمت توايق عليهم من الدريشه

[آڷصّغيرۉنہْ ™]

بو حمد : يا مرحبا بـ بو سنيده
راشد : الله يرحب بك عفظله
بوحمد :وشحالك
راشد : بخير ربي يعافيك
عفرا : انت ولد سعيد ال..............
راشد : هي نعم
عفرا : انته رفيجهم هالثنينه
ناصر : هيه ..يدتي هذا رفيجنا
عفرا : عيل ما منك فايده
راشد : ( وهو يضحك ) افاااا ... ليش ؟؟
عفرا : دام ان هذيلا ربعك ... من وين بتيك الفايده
راشد : ههههههه
ناصر : يدتي .. نحن عيال ولدج بدال ما تمدحينا اتذمينا ويا ربيعنا
عفرا: امدحكم وانتو ما فيكم شي يمدح ... ترا حتى يوم بنسير نخطبلكم اتراني بقول حق اهل العروس عن سواياكم
ناصر : عزات انا ما عرسنا
عفرا : عيل اتحروني بمدحكم ... انا الجذب ما دانيه .. شو تبونهم ايوزونكم وهم مغشوشين فيكم لازم اقولهم عنكم اذا رضوبكم بشينكم برايهم
راشد : انزين عيل يدتي .. وانا بعد شراتم
عفرا : بو حمد ولدي.... راشد شراتم ولا غير
بو حمد : لا ... راشد ريال ما عليه كلام .. يا بخت اللي بيظويها
عفرا : عيل بنيوزه شما
راشد تم يتبسم وهو مستانس
بو حمد : والله لو بنتي مب محيره لسهيل جان يوزتها راشد
راشد ما انتبه للي قاله بو حمد لانه سرح يفكر بشما
ناصر : ابويه ... اشوف رشووود دافعت عنه الا انا ولدك ما سويتلي سالفه
بو حمد : يوم بحيدها قالت شي غلط عنك بدافع عنك ... بس امايه ما قالت الا الصدق .. والحين اسمحولي بسير اتلبس .. وبسير المرموم ( ونش عنهم )
راشد : وانا بعد اترخص
عفرا : وين ما قهويناك
راشد :يطولي بعمرج ... بسير مره ثانيه انشا الله ... نسلم عليكم
الكل : في داعت الله
راشد سار صوب موتره ويوم يا بيركب جابل دريشة حجرة شما بس ما قدر يشوفها لان في النهار اللي برع ما يشوف اللي داخل

وفي حجرة شما
شما : ااااخ منه.. يا ربي شكله بعده تعبان .. شو مظهرنه من البيت ( وردت شما وانزلت تحت ... الكل حدر داخل الا شما وحمدان تمو يالسين )
حمدان : شما بسالج سؤال ممكن اتجاوبيني بكل صراحه
شما : اوكي .. يلا
حمدان : انتي تبين سهيل ولا لا
شما : ................

[آڷصّغيرۉنہْ ™]

الــــــــبآرتً الــتٍاسِعّ ‘‘

حمدان : انتي تبين سهيل ولا لا
شما : ................
حمدان : بلاج سكتي
شما : ما ادري شو اقولك
حمدان : قوليلي تبينه ولا لا
شما : ما ادري
حمدان : شو يعني ما تدرين ... سهيل اكوه يالس فوق وحالته لله يبى يخطب وحده من بنات خالي .. وهو يحبج .. حرام عليج روفي بحاله
شما : والله يوم هو يبى ياخذ وحده من بنات خاله .. لا يرد السالفه عليه .
حمدان : انتي تعرفين انه ما يبى وده من بنات خالي هو يباج انتي.. يباج انتي وبس
شما : اصلا هو ما يباني لو يباني جان ما قال انه يبى ياخذ غيري
حمدان : شما قولي انج ما تبينه .. ولا اتمين اتسويين هالحركات .. وايلومونا انا وسلطان لان ما عرسنا .. جان الحريم كلهن جيه .. اسمينا ما بنعرس
شما : حمدان انا بقولك شي انا ما ابا سهيل ولا ادانيه بعد ولا اواطنه بعيشة الله ... انزين انا عاطتنه ويه بس عشان ابويه وعمي
سهيل كان واقف وراهم وسمع كل الكلام اللي دار مبينهم
سهيل : مشكوره الشيخه .. ايي منج اكثر .. بس تدرين بقولج شي انا امبوني ما ابا اخذج لانج ما تدانيني وحتى انا ما ادانيج بس الحين اسميني لاخذج ..وابوج بيوزج اياني رضيتي وان رضيتي .. وبذلج ذل مثل ما ذليتيني ... وخلاف بفرج وباخذ عراسج وحده تسواج انتي واهلج
شما : ما تروم
سهيل : اروم ..
حمدان : سهيل
سهيل : لازم اخذها واذلها عشان تبرد النار اللي في يوفي
شما تمت اتصيح واربعت داخل وسارت حجرتها وانفجرت من الصياح ..... وسهيل ركب موتره وظهر من البيت

في بيت بو عبد الله
حزة الغدا الكل يالس عالسفره
ام عبد الله : ها الغالي شحالك الحين
عبد الله : حاله احسن عن حالج .. انتي الا مهتمه منه ورافعه ضغطج عالفاضي وهو ايحاوط في الشوارع واموره طيبه
راشد : جيه ابويه وانته من متى حطوك مراقب عليه
ريم : بسكم حتى عالاكل بتضاربون
راشد : هيه انتي تعالي متى بتبدا المدرسه
ريم في هاللحظة شرقت
ام عبد الله : بسم الله عليج
راشد : (وايمد قلاص الماي صوبها ) يودي .. شربي
ريم : اه ... اشهد ان لا اله الا الله ... بغيت امووت
هند : هذا كله من طاري المدرسه
ريم : الله يغربل المدرسه اللي مب سلمانين منها ... زين ما مت
راشد : انزين ما رديتي عليه
ريم : يوم الاحد بنداوم
راشد : حليلج ... بداومين عيل
هند : راشد ترا عفكره حتى نحن دوامنا يوم الاحد
ريم : الله يخليج ومن متى رشوود يداوم
راشد : لا والله حليلي .. اسير امتحن
ريم : وايد عليك .. بعد زين يوم اتسير تمتحن
اليازيه : وليش ما يفصلونك
راشد : نعم .... ليش انتي تبينهم يفصلوني
اليازيه : لا بس غريبه يعني .. ما ادوام وما يفصلونك ... عدنا في بوظبي اللي يغيب ثلاث ايام بدون عذر يفصلونه
راشد : هذا عند الباقين مب عند راشد بن سعيد
هزاع : الله يغربل الخقه
خلصو يتغدون وعقب يلسو يسولفون
ام حارب : هزاع ترا ابوك رد بوظبي
هزاع: ها.. متى
ام حارب : اليوم الصبح ...وقالي تمي ويا عيالج وتعالو العصر
راشد : لا ... وين ما شي سيره ما شبعنا منكم
ام حارب : بنسير حارب باجر بيسافر .. وبيتنا من متى مخلينه
اليازيه : هيه وانا ما خذت شي حق المدرسه
راشد : حليلج وايد تحاتين المدرسه .. مب مثل هالعنز اللي عدنا ... يوم اتنش الصبح اتقول ( وهو يقلد صوت ريم ) ويه ما يبت كندورتي من الخياط
الكل :ههههههه
راشد : ولا يوم الامتحانات ... تقولي (( رشووود ما عندي قلم )) يوم اخذلها قلم من الدكان ما اطيع اونه فضيحه ... عقب اتسير وتاخذ قلم ابويه
هزاع : اووه والعم بعد عنده قلم
ريم : هيه .. جيه شو اتحرا ... لا وقلمه ارماني بعد
هزاع : عاش العم
راشد : مال اول .... امسات ماخذ واحد يديد عليه فصوص الماس
هزاع : قومو عنه ... مب ابويه
اليازيه : كله ولا باباتي عاد
ريم : بو سنيده
راشد : خير شو تبين ... هذا الاحترام الزايد مب لله
ريم : رشوود ابا اسير القريه
راشد : اتولمي
ريم : حرام عليك .... ابويه شوف رشوود خله يودينا القريه
هند : عاد القريه شو فيها
اليازيه : ياله ... جان القريه شو فيها
راشد : هيه انتي خربي البنات
اليازيه : حرام عليك ... الحين انا اخرب البنات
ريم : ما عليج منه .. انتي سرتي السنه
اليازيه : هيه
هزاع : هاي ما تسير
راشد : مبزينها
هزاع : نحن .. هذا ابويه
راشد : عمي ايسير ايوديها
اليازيه : هيه ابويه ايوديني فديته
ريم : باباتي .. سمعت اكوه عمي يودي يزوي القريه .. الا انا حليلي محد يوديني .. لاابو متبرض لي ولا اخوان
بو عبد الله : افااا عليج .. وانا بو عبد الله .. اليوم بوديج .. كم ريم عندي انا
راشد : والله ان هالبنت ما تنرام اللي تباه بتسويه
هزاع : امايه عيل نحن بعد بنسير ويا عمي وخلاف بنسير بوظبي
اليازيه : هيه .. انا ابا اسير القريه الباكستانيه ابا اخذ لي جاكيتات وشالات حق المدرسه
ريم : هيه حتى انا ابا ما عندي جاكيتات
راشد : انتي ما عندج جاكيتات .. عيل وينن مالج اللي ماخذتنهن يوم سرنا لندن
ريم : لبستن يوم الامتحانات .. خلاص شافنهن البنات
هزاع : يالبطره .. هذا الا جاكيت .. انا من ايي الشتا لين يخلص ما البس الا جاكيت واحد ويوم يكون الجو دافي البس سديري
ريم : والله .. نحن عيال سعيد ال........ لازم نكشخ
هند : والله ما عطيت راشد ..نص جاكيتاته في كبت الحجره اللي تحت ... مالهن مكان عنده
هزاع : عاد رشوود يدور له شي بس عشان يكشخ به
راشد : حرام عليكم وايد ظالميني
هزاع : رشوود تعال ... انا من زمان خاطري اسالك سؤال ... نحن من نسير وياك مكان انت اللي تدفع ... ومن نحدر محل ما تخلي شي ما تشتريه ... انت من وين تيب هالفلوس كلهن انا اللي عندي معاش ما اصرف هالصرف كله
ريم : الله يطول فعمر ابويه
راشد : هيه والله صدقتي
هزاع : ليش عمي كم يعطيك كل شهر
راشد : ينزل لي 25 الف في الرصيد ويوم يخلصن ما يقصر يعاطيني غيرهن
هزاع : بالله عليك
راشد : صدق
هزاع : عمي ما بتتبناني
الكل : هههههههههههه
هزاع : صدق ... والله ان عمي مبزنكم بزى وانتي البزيا العوده كم يعطيج
بو عبد الله : هاذي حلال بو عبد الله كله تحت امرها
ريم : احم .. احم
هزاع : يالله ... يالله ... ما نروم عليها
راشد : ريموه كل شهر تاخذ الها يا شنطة ولا ساعه ماركه
اليازيه : ماشاء الله اظني فاتحه محل فوق عيل
راشد : الا .... في الصيف في لندن الشيخه لاعبه لعوبها مشاريها روحا 50 الف
هزاع : ضربتني ويعه في بطني دخيلكم بس .. الحين لو عاطتني هالخمسين الف ازود موتري مب احسن
راشد : لا وسير افتح بوكها بتلقا فيه قوم بو الف وخمسميه
هزاع : ( طلع بوكه وفجه وطلع اللي فيه ) ستميه وعشرين درهم
راشد : هزاع .. تامر على اللي عندي
هند : حرام شكله يغمض
هزاع : ريموه
ريم : هاا
هزاع : وهوا شلج ... اقولج ما بتاخذيني
الكل : ههههههههههههههههه
ريم : اخييي عليك يالمادي تبا تاخذ وحده عشان الفلوس
هزاع : هيه بخليها تصرف عليه وتغنيني وياها .. خلاف بدور لي وحده ثانيه اخذها
بوعبد الله : اتهبي انت ... بنتي ما بياخذها الا اللي يعرف قدرها
هزاع : عاد اللي يقول انا ميت عليها هالبزيا .. قاصر انا
راشد : ابويه اصلا بنتك هذي منو يتحملها .. اظني اللي بياخذها بالباجر بيردها
ام عبد الله : غربل هالفال
راشد : هههه.. امايه صدق عيل بنتج هاي منو بيوازيها انا ولايعه جبدي منها لو الاخت تتبدل جان ببدلها
هزاع : رشوود ما تبانا انسير البر اليوم الجو فنان
ريم : يااااااااااااااي وناسه ... ودونا وياكم نبى نلعب دراجات
عبد الله : نعم وانتي ماتبتي
ريم : ليش اتوب
هزاع : اصلا منو قال انا بنشل ويانا حريم نحن بنسير ويا الشباب
راشد : خلاص اوكي
ام عبد الله : راشد انت روحك تعبان ... وبعد بتسير في هالبرد
هزاع : ماعليج عمتي ما بنخليه يركب الدراجه

[آڷصّغيرۉنہْ ™]

راشد : نعم ... اتخسي الا انت اصلا انا قبلكم بركب الدراجه .. والحين بسوي حق الشباب ( ونش واتصل حق منصور وقاله انهم بيسيرون البر واتفقو انهم يتيمعون في بيت قوم منصور )
راشد : هزاع يلا خلنا انسير نبدل ثيابنا
هزاع : انا مب يايب بنطلون
راشد : اوووه ... انت امتن واقصر عني ما ظني ثيابي بيوزلك
ريم : رشوود تذكر الجنز اللي خذته من مول الامارات كان وسيع عليك .. انت قلت بتاخذه حزام .. اظني هاذاك بيي اوكي عليه
راشد : هيه صح ... يلا تعال
واربعو فوق وحدر راشد الحجره وهزاع وراه .. راشد فج الكبت اللي فيه البناطلين وتمو يدور هاذاك البنطلون
هزاع : خيبه شو هاللوث كله
راشد : هالبناطلين ما البسهن الحين
هزاع : انزين اللي ما تباه عقه
راشد : شو اعقه هاذيل كلهن ماركات .. وبعدين هاذيل برمودات وبناطلين اشلهن ويايه يوم اسافر
هزاع : اهاااا
راشد : ايوا ... اظني ان هذا
هزاع : هات بسير البسه ( لبس هزاع البنطلون وكان اوكي عليه )
راشد : حيه يوم يازلك
هزاع : انزين ... والبدي
راشد : بلبسك بدي ارماني ... مع انه انت مب ويه ارماني
هزاع : ويا ويهك
راشد : انزين يود هذا هو البدي
وسار راشد يلبس ولبس بنطلون جنز وبدي اسود وكاب اسود ... وظهر في الصاله وسمع ريم اخته وهي ترمس بالتيلفون
ريم : شما حياتي بلاج ليش اتصيحين ... شموه ارمسي لا توقفيلي قلبي
حدر راشد الحجره
راشد : بلاج
ريم : ماادري شمووه متصلتلي وهي تصيح ومب طايعه ترمس
راشد : عطيني التيلفون ( وخذ عنها التيلفون ) الووو .. شما ... بلاج (شما من سمعت صوت راشد سكرت التيلفون ) افففف .. بندت
ريم :رشوود اتصل حق اخوانها شوف يمكن شي مستوي عندهم
راشد :شو تبيني اقوللهم ... اقوللهم ليش اختكم اتصيح ... بيقولولي اشدراك
ريم : قوللهم ان انا اللي قتلك
راشد : شو تبينهم يقولون ان انت تيبيلي اخبار اختهم
ريم : افففف .. والحين شو الحل
راشد :شوفي انا بتصل حق منصور عادي .. جني اقوله انا خلصنا وبني صوبهم ... واذا في شي روحه بيقولي
ريم : اوكي ( راشد قبض التيلفون واتصل حق منصور .. منصور كان عادي .. راشد اطمن ان مب مستوي عندهم شي .. واكيد شما .. كانت اتصيح لسبب شخصي )
راشد : الريال كان عادي ويايه
ريم :يا ربي عيل شمووه بلاها كانت اتصيح من الخاطر
راشد : اتريي شوي وردي اتصليبها .. بتكون هدت وبتقدر اترمسج
ريم : اوكي
راشد : عيل يلا باااي ان ساير
ريم : الله يحفظك
نزلو راشد وهزاع وسارو صوب بيت قوم منصور وعقب سارو كلهم صوب البر وقفو مواترهم في صوب وركبو دراجاتهم وتمو يتسابقون ويصيحون ويلات
ناصر : رشوود البس نظارتك عن تلتهب عينك ترا ما فينا لك
راشد : اصلا انا الحين مب فعيوني ... صدري يعورني
هزاع : يوم اقولك لا تركب انت بعدك مريض .. الهوا تم يرد عليك
منصور : راشد دخيلك انزل بسك
راشد : مابا
ناصر : عيل اقولك سر صوب موتريه .. بتلقى غتره عالسيت الوراني اتلثم ابها
راشد : هيه .. صدقك جذيه احسن ( سار راشد صوب السياره واتلثم بالغتره ورد صوبهم )
راشد : اقوول ... سهيل وين اليوم
منصور : اسكت سهيل ماندله شو صايبنه اليوم .. باله مب ويانا ومحد ييسر يرمسه .. من حد يرمسه يا يهب في ويهه ولا يظهر عنا .. نفسه في خشمه ولا له بارض شي
راشد : جيه بلاه
منصور : اشدرانا
راشد : انا بسويله
ناصر : نصيحه لا تحاول
راشد : جيه عاد
ناصر :بييلس ايهازبك وبيغلط عليك .. وهو ما يدري شو يقول
راشد : اله لهالدرجه
ناصر : واكثر .. عشان جيه خله عنك
راشد : لا .. مهما كان هذا رفيجنا .. يمكن الريال فيه شي لازم انكون وياه ولا شو فايدتنا ربع
منصور : والله انك يا راشد قلبك طيب ليت الكل شراتك
راشد قبض تيلفونه واتصل حق سهيل
راشد : مرحبا
سهيل: ( ومن دون نفس ) خير
راشد : وين انت يا ريال .. نحن انترياك سايرين البر ونحوط بالدراجات ... نباك اتينا
سهيل : تدري انك متفيج ... يوم انت انسان فاضي ما عنك شغله اتحرا الناس كلها شراتك
راشد : سهيل .. انا شو قلتلك الحين
سهيل : يلا مع السلامه ( وسكر التيلفون )
راشد اتغير ويهه
منصور : اكيد طول السانه عليك
راشد : ها .. لا حليله ما قال شي بس يقول انه مشغول .. ما يقدر ايي
منصور( وفي خاطره ): صدق انك ريال والنعم يا راشد .. انا سمعت كل اللي قاله سهيل وبعدك ادافع عنه ... لو انا جان سبيته ولعنت خيره ... ياخي والله انهم قله اللي شراتك
راشد : اقول شباب ما تبونا انرد البيت انا تعبت
هزاع : رشوود تونا يايين
راشد : انا تعبت
منصور : راشد انت متاكد ان سهيل ما قالك شي
راشد : الحين شو يخص سهيل في السالفه اقولكم اني تعبت .. برايكم جان تبون اتمون ... انا برد البيت ورانا سيرة دبي
منصور : دبي ... من ورانا شو اتسوي
هزاع : لا من وراكم ولا شي بس نحن بنسير انودي الاهل
منصور: ايوااا ... انزين نحن بعد بنيب الاهل وبني وياكم
راشد : اوكي ( وهو مستانس لان اكيد شما بتي )
راشد رد البيت والشباب عقبه تمو شوي وردو .... هزاع توه حادر البيت

[آڷصّغيرۉنہْ ™]

هزاع : ريموه ... وين رشوود
ريم : ليش هو مب وياك
هزاع : لا رد قبلي
هند : راشد فوق في حجرته
ريم : متى يا .. انا ما شفته
هزاع : اصلا انتي ما تدرين عن شي في هالبيت
اليازيه : بس هند حليلها تتريا اخوانها لين ما يردون وانا لاحظت انها ما ترقد لين ايرد راشد
هزاع : ياله .. اتمين تتريين رشوود لين يبيت
هند : هيه
هزاع : ليش عاد
هند : عيني ما تغفي قبل ما اتاكد انه حدر البيت
هزاع : ( في خاطره ) حليلها .. والله انها غير عن بنات هالزمن
ريم : اقول متى بنسير القريه
هزاع : وانتي ما شي يهمج غير الطلعه
ريم : وفي شي اهم
اليازيه : ايه ... هيدو مافينا حق الضرابه
هزاع : انا بسير اتلبس الساعه 5 القاكن جاهزات .. واللي بتحيرنا بنسير عنها
ريم : اوكي
سار هزاع فوق ويوم حدر الحجره كان راشد شاف راشد فاج الدريشه ويالس على حدها والهوا كان يطير شعره
هزاع : تدري شكلك حلو
راشد : وتدري انك متفيج
هزاع : انت بلاك انا من ييتكم وانت حالتك حاله مب انت راشد اللي اعرفه
راشد : اااااااااااه
هزاع : هاي الااااااااااااااه وراها شي
راشد : لا ما شي بس انا تعبان
هزاع : متاكد بس عشان جيه
راشد : هيه
هزاع : يلا عيل قوم اتلبس بنسير القريه .... اكن البنات مشتطات
راشد : انت اتلبس قبلي انا بنزل تحت شوي
هزاع : اوكي
نزل راشد تحت ويلس ويا البنات في الصاله
راشد : اقوول ريموه ترا قوم ربيعج بيون ويانا
ريم : منو شمووه
راشد : هيه
ريم : عيل غريبه انها ما قالتلي
راشد: انا توني قايل حق اخوانها .. قالو ان هم بييبون اهلهم وبيون ويانا
ريم : ياااااي وناسه .. انا بسير اسويلها
راشد : اشله اتسيرين ... سويلها من تيلفون البيت
ريم : هي صح ...شله افزع لين فوق
وسوت حق شما
شما : الووو
ريم : هلا والله
شما :اهلين
ريم :شما بنسير القريه ارباعه
شما : هي توه منصور يقولي بس انا تراني ما بسير
ريم : شووو ... ليش حرااام .. تعالي
شما : ما اقدر والله اني تعبانه
ريم :شو متعبنج
شما : ريم دخيلج
ريم : خلاص عهواج .. بس انا كنت اتمنى انا انكون ارباعه
شما : مره ثانيه انشاء الله
ريم : خلاص عيل ما اطول عليج .. مع السلامه
شما : الله يحفظج
وبندت عنها
ريم : شموووه ما بتي
راشد : ليش
ريم : اشدراني ايها اونها تعبانه
راشد : ( وفي خاطره ) حرام عليها ... ما بغت تتعب الا في اليوم اللي بقدر اشوفها فيه
ويرن تيلفون راشد
راشد: الووو
حمدان : مرحبا
راشد : مرحبتين الساع
حمدان : البشاره يا بو سنيده ابويه صحا وطلعوه في غرفه خاصه والحين يرمسنا .. والدكتور قال انه غدى بخير ونقدر خلال يومين انا انظهره من المستشفى
راشد : بشرك الله بالخير ... تدري انا الحين بيي صوبك
حمدان : اترياك
وبند عنه
ريم : وين بتسير ونحن منو بيودينا القريه
راشد : هزاع بيوديكن
ريم : رشووود
راشد : وويع ... انا مب ساير خلاص .. قتلج سيرن ويا هزاع
وربع وسار صوب حجرته
راشد : هزاع .. انا ما بسير القريه انت ودهم
هزاع : شووو ... وانا منو بيتم ويايه هناك .. ليكون تباني اتبع الحرمات
راشد : منصور ونصور بيون وياك
ويرن تيلفون راشد
راشد : ها هذوه منصور ... الووو
منصور : هلا
راشد : اهلين
منصور : اقولك الاهل ما بيون ويانا .. يعني نحن ما بني
راشد : وشله ما تون تعالو سيرو ويا هزاع .. لان انا ما بسير
منصور : جيه ما بتسير
راشد : بسير صوب حمدان ... ابوه صحا بسيرله اسلم عليه
منصور : ياخي نتلوم اني روحنا
راشد : وشله اللوم انتو سيرو رواحكم وهناك بتلاقون ويا هزاع لان روحه ماكلني لاني ما بسير وياه
منصور : خلاص عيل نحن بنسير الحين قول حق هزاع يوم يوصل يتصل ابنا
راشد : خلاص .. اوكي ..باااي
منصور : باااي
وبند عنه
راشد : ها .. اكم منصور ونصور بيسيرون وياك

[آڷصّغيرۉنہْ ™]

وفي بيت بو حمد
وفي حجرة منصور

منصور : خلني اتصل حق ريم فديتها ... ما اروم ازعل عليها ( واتصل حق ريم اللي هي ميره )
ميره : مرحبا بالزعلانين
منصور : ما اروم ازعل عليج ... ازعل عالدنيا كلها ولا ازعل عليج
ميره : انزين ... شحالك
منصور : بخير دامني اسمع صوتج
ميره : منصور عاد ..استحي
منصور : اللااااااااااااااااااااااااااااااه ... قولي اسمي مره ثانيه
ميره : يا الطفس
منصور : ريم ...... انا مستانس
ميره : شو اللي مونسنك
منصور : اني بشوفج
ميره : بتشوفني ... وين ؟؟؟
منصور : اليوم في القرية
ميره : بس انا ما بسير القريه
منصور : شووو ... عيل رشوود يقول بيودي الاهل منو يقصد بالاهل
ميره : (في خاطرها ) اوووه هاي اكييد ريموووه بتسير القريه .. الحين انا شو اسوي .. هو اكييد بيشوفها هناك ... يا ربي يا ريمووه حتى في حبي اتشاركيني
منصور : بلاج صخيتي
ميره : ههههههه... اسولف وياك .. انا بسير القريه بس روحي اسويلك هالحركات اشووف ردة فعلك شووو
منصور : ويا ويهك روعتيني انا حليلي مستانس لاني بشوفج
ميره : انت متى بتظهر من البيت
منصور : عقب شوي
ميره : خيبه بعده وقت
منصور :وين وقت لين اوصل
ميره : اووه نسيت انت في العين
منصور : لا والله ليش انتي وين
ميره : ها ... لا بس يالسه استهبل عليك
منصور: هيه .. وانا اقول بلاها شفرت البنت
ميره : عيل يلا سر ازهب
منصور : جيه بعرس
ميره : سخيف
منصور : طالع على اخوج
ميره : هههه ... يلا بااااي
منصور : باااااي
وبندت عنه
ميره : اففففف ... الحين انا شو اسوي ... الحين بيسير وبيشوف ريمووه ... اخاف الا يقوللها شي ... خل اسويلها واشوف علومها
( وسوت حق ريم )
ريم : هلا والله بالقاطعه
ميره : اهلين
ريم : شحالج
ميره : تمامو...
ريم : دومززز
ميره : ها ... شو علومج
ريم : ما شي علوم
ميره : ما بتسيرين مكان
ريم : جنج تدرين .... اليوم بنسير القريه
ميره : اونه
ريم : شفتي عاد
ميره : منو بيوديكن
ريم : هزاع ولد عمي
ميره : هزاع ...وع وع
ريم : حرام عليج
ميره: أي حرام .... ما ادانيييه ... يلوع لي بجبدي
ريم : هو صح مرات يتغيلس بس والله انه طيب
ميره : المهم خلينه منه ... منو بيسير وياج
ريم : امايه وحرمة عمي وهندوه ويزوي
ميره : زين والله ... يا حيكم ... بس انتن كلكن ويا هزاع
ريم : رشوود كان بيسير بس عقب اتعايز ... وحتى قوم شموه اربيعتي كانو بيون ويانا بس اتعايزو
ميره : والله كلهم اتعايزو
ريم : هيه
ميره : حتى اخوانها
ريم : لا اخوانها اظني بيسيرون ... بس انتي شو يهمج في الموضوع
ميره : لا بس يعني احييدهم دوم لا صقين فيكم
ريم : هو اكثر شي منصور ويا راشد بس الثاني ولا مره شفته ( المسكينه ما تدري انها شايفتنه اكثر من مره بس هي تتحراه منصور ما تدري انهم توم )
ميره : هيه انا لا حظت ان منصور دوم ويا رشوود اخوج
ريم : هيه .. اصلا هو من طقه رشوود انسان كشيخ وحلو
ميره( وهي محرجه ) : اشوفج يالسه تتمدحينه
ريم : وانتي شو اللي حرجبج
ميره : لا ما شي بس اشوفج اتغيرتي وقمتي ترمسين عن الشباب
ريم : ميروه .. اعتقد اني ما قلت شي غلط .. اوكي ..بعدين انا يالسه اقولج انه شرات رشود اخويه وما يلست ارمس عنه بس جييه ... وبعدين انا ما اتغيرت ولا شي انا بعدني ريم بنت سعيد شيخة البنات ... ما ادري منو اللي تغير .. يلا باااي
وبندت عنها
ميره : افففف ... انا شو سويت الحين هاي ازعلت .. ومنصور الحين بيسير عشان ايشوفها .. افف انا شو سويت عشان يستويبي كل هذا ... بس انا الغلطانه انا من البدايه ليش رمسته عاساس اني ريم الحين هو يالس يتعلق في ريم اكثر واكثر بسببي انا ... اااااااااااااااه

وفي بيت بو عبد الله
راشد توه طالع من البيت وسار صوب حمدان
وهزاع نزل تحت
هزاع : ها زاهبات
ريم : يس
هزاع : عيل يلا روحنا
وسارن الحريم والبنات وركبن في الموتر

[آڷصّغيرۉنہْ ™]

في المستشفى
راشد توه واصل عند حمدان وسار وسلم على بو حمدان واتحمد له بالسلامه
راشد : تستاهل السلامه يا عمي
بو حمدان : الله يسلمك
راشد تم يطالع حمدان وهو مستانس ويسولف ويا ابوه
راشد : انا اترخص الحين
حمدان : وين توك ياي
راشد : اطمنت على عمي .. والحين بنخليه عشان يرتاح
بو حمدان : حمدان ابويه سر ويا ربيعك وخلاف سر البيت وارتاح .. انا الحين بخير
حمدان : بس يا بويه...
بو حمدان : لا بس ولا غيره ... راشد ما عليك امر شله وياك
راشد : انشا الله
ظهرو راشد وحمدان وركبو السياره وظهرو من المستشفى
حمدان : ما تتخيل اشكثر انا مستانس
راشد : انشا الله دووم
حمدان : بس ... اممم
راشد : شوووو
حمدان : الدراسه بتبدا الاسبوع الياي وانا ما ادري شو اسوي
راشد : شو اتسوي بعد سر وداوم
حمدان : واهلي
راشد : هلك هم هلي ... وانشا الله ابوك بيظهر من المستشفى وانا بخطف عليه كل يوم وبطمن عليه و يوم مراجعاته في المستشفى انا بودييه
حمدان : والله لو عندي اخو ما اظني بيوقف ويايه كثرك
راشد : وانا اتراني اخوك
حمدان : وانا اشهد انك اكثر من اخو ..... بس انا يايني شور اني اخلي الدراسه واشتغل
راشد : شووو حمدان شو هالرمسه ... شو اتخلي الدراسه
حمدان : راشد انت تدري ان ابويه تعبان و انا اخاف على امايه وخواتي لو يبون شي محد عندهم
راشد : حمدان وانا وين سرت
حمدان : وتتوقع ان هن لو يبن شي بيطلبنه منك
راشد : انزين عمك موجود .. انا متاكد انه ما بيقصر
حمدان : عمي .... ابويه تم في المستشفى هالفتره كلها ما يانا غير مرتين واتقولي عمك
راشد : حمدان يعني لو هديت الدراسه شو بتشتغل ... ابوك راعي ارجاب وانت مالك في هالشغله
حمدان : ادري بس نحن عندنا مكتب اسهم افكر اني اديره بروحي احسن من السوريين اللي فيه
راشد : حرام عليك ... اتخلي دراسك
حمدان : راشد انت تدري اني كنت احلم اني استوي مهندس بترول مب هين عليه اني اخلي الدراسه بس شو اسوي غصبن عني
راشد : بس محد غصبك
حمدان : الدنيا .. الدنيا يا بو سنيده اتخلي الواحد يسوي وايد اشياء ما يباهن
راشد : انزين انت بهالرمسه جنك يالس تفاول على ابوك انشا الله هو بيغدي بخير وبيرد شرات قبل واحسن
حمدان : الله يسمع منك
راشد : وفي هالفتره انت خذلك اجازه
حمدان : بس هم ما يعطونا اجازات
راشد : ليش هو عكيفهم ... اشرحلهم اظروفك وانا متاكد انهم بيعطونك اجازه عالاقل اسبوع
حمدان : ما ادري
راشد : اسمع من اخوك ولا تفرط بدراستك
حمدان : بشوف
راشد : خلاص باجر انا بسير وياك وقدم على اجازه ... اصلا هم يوم بيشوفوني وياك سيده بيعطونك اجازه مفتوحه جان تبى
حمدان : هههههههههههه ... ما تخلي سوالفك
راشد : الله لايحرمنا هالضحكه .. اضحك يا ريال شو وراك عيش يومك
حمدان : عقولك خلنا انعيش يومنا
راشد : حمدان .. تدري خاطري اسوي شي
حمدان : شوو؟؟
راشد : اتريا
نزل راشد من الموتر وسار صوب دبة الموتر وظهر اسلاحه ورد وشغل المسجل وحط اغنية دافي الصوت ( ميحد ) ونزل من الموتر وتم اييول في الشارع ويغني ويا ميحد
راشد : يا دافي الصوت غطيني باهدابك ... ودي رموشك تظللني وتحميني
حمدان : ( ويظهر راسه من الدريشه ) رشوود عن الفضايح تعال واركب الموتر
راشد : اروي خفوقي وتربع في شراييني
حمدان : لا حول .. الريال اتخبل رسمي
خطفت سياره عدالهم ولان راعيها مرتبش ويا راشد وييبس ويدق هرانه
راشد ما انتبه للمكان اللي كان واقف فيه بس يوم صد شاف شما وهي تمشي في الحوي سايره صوب بيت عمها ... حس بعمره انه واقف جدام باب بيتهم ... من شافها اتيبس وتم يطالعها بس عقب اتذرت في اليدار وما قام يشوفها ...
حمدان من شاف راشد وقف محله دق له هرن
راشد انتبه للهرن وسار وركب في الموتر وحرك
حمدان : بلاك
راشد : شفت الغلا
حمدان : ها .. وين .. وانت واقف جدامي ما اتحركت
راشد : هذا بيتهم .. وهي كانت تمشي في الحوي
حمدان : زين عيل لازم تستانس مب تبوز
راشد : استانس .. انا ما بستانس الا يوم بتستوي لي
حمدان : قلنالك سر واخطبها وفك عمرك
راشد : وانا قتلك اني ما بخطبها لين اتاكد انها ما بترفضني
حمدان : وكيف بتتاكد انشا الله
راشد : هذي خلها عليه
حمدان : لا تغدي شراتي انا سويت شراتك بس شو استفدت هي كانت تباني مثل ما انا اباها بس يوم خطبها واحد ثاني يوزوها اياه اهلها ولا شاوروها ... خلاف شو بتستفيد
راشد: لا تخاف انا بخلص الموضوع اليوم
حمدان : اليوم ... كيف
راشد : يوم بخلص بقولك
حمدان : طول عمرك عنيد ولا تسمع من غيرك
راشد: والحين وين تبانا انسير
حمدان : ما عليك اماره ودني البيت ابا ارقد وارتااااااااااااح
راشد : انشا الله
ودا راشد حمدان بيتهم

في القريه
هزاع طول الوقت عينه على هند اللي مب طالعلها حس مب شرات ريم واليازيه من يشوفن شي الا بياخذنه و يبن يحدرن كل مكان .. وبعد كانت متغشيه برضاها محد قاللها اليازيه اتغشت يوم هزاع هزبها وريم ما طاعت تتغشى .. طبعا هاي محد يروملها
هزاع : امايه انا بسير صوب الشباب .. يوم بتخلصون سوولي تيلفون
ام حارب : انشاء الله
سار عنهم هزاع
ريم : يزوي شرايج انسير نلعب
اليازيه : ما بيخلونا
ريم : ما عليج هزاع روح وامايه ما بتقول شي وامج مقدور عليها
اليازيه : يلا عيل روينا شطارج
ريم : امايه انا ابا اسير العب
ام عبد الله : انا بنتك يا بويه ..... ياهل انتي تبين تلعبين
ريم : امااااايه .. اصلا منو قالج انا هالالعاب حق اليهال هذيل العاب مسوايات حق الكبار
اليازيه : امايه حتى انا ابا العب
ام حارب : والله قولي حق اخوج اذا خلاج سيري
اليازيه : اماايه الحين شو دخل هزاع
ريم : الحين شو انسير ولا لا
ام عبد الله : سيري فكيني .. كلتيلي فوادي
اليازيه : امايه وانا
ام حارب : انزين سيري
ام عبد الله : ايه انتي دخلي قصج لا اقصلج اياها
ريم : انزييين
اليازيه : هنوود ما بتين ويانا
هند : لا انا بتم ويا امايه
ريم : عهواج ..
سارن ريم واليازيه صوب الالعاب .... وهن يتمشن كان واحد يسوي بااي حق ريم ..
ريم : هالسخيف بلاه
اليازيه : مشي .. مشي عنه
مشن عنه بس هو تم يلحقهن
اليازيه : هذا بعده يلحقنا
ريم : صدق ان الشباب فاضين ما عندهم شغله الحين هو شو بيستفيد من ملاحقتنا
اليازيه : قلتيها فاضي
الريال : بلاج مسوتلي طاف
ريم : نعم هذا شو يقول ( وصدت صوبه وشافته وهو تم يتبسم الها ) اووه هذا منصور اخو شموه
اليازيه : انتي متعوده اترمسينه
ريم : لا اصلا انا اتغشى عنه
اليازيه : عيل كيف عرفج
ريم : يا ربي ... تدرين اخاف يشوفنا هزاع ويسويلنا سالفه
اليازيه : انزين يلا خلينا انرد صوب قوم امايه
ريم : والله كان خاطري العب
اليازيه : مره ثانيه
ريم : انزين انا قايله ابا اسويلي ميداليات
اليازيه : انزين عيل يلا تعالي خلينا انسير
ريم : اوكي
سارن صوب الميداليات
وهن يالسات يختارن الميداليات في واحد ضرب جتفه بجتف ريم
ريم : شو هالاستهبال
الريال : السموحه الشيخه .. بالغلط
ريم : أي غلط انت من حدرنا القريه وانت تلاحقنا واتسوي حركات ووصلت فيك قلة الادب لهالدرجه
الريال : الشيخه لو سمحتي عن الغلط .. انا استسمحت منج وبعدين انا ما لحقتج ولا شي
ريم : هيه عيل منو اللي يلحقنا من ساعه .. طيفك وانا ما ادري
الريال : يا بنت الحلال قتلج اني ما لحقتج
اليازيه : ريموه خلينا انسير
الريال : اقولج والله اتسوين خير اذا شليتيها عني
ريم : يالسه في بيت ابوك وانا ما ادري .. لا بعد شينه وقوات عينه هذا بدال ما انت اتسير من هنيه
الريال : ردت وقالت لي شينه جيه شو مسوبج
ريم : هذا المراوق كله وبعد ما سويت شي
الريال : انا منو افهم انا لا رقتج ولا شي ..... ايواااا انا الحين فهمت السالفه
ريم : أي سالفه
الريال : ماشي ( وسار عنها )
ريم : الله يغربل الاستهبال
اليازيه : ريموه خلينا انسير لا يشوفنا هزاع
ريم : اوكي
ردن ريم واليازيه صوب قوم امهاتهن شوي وياهن هزاع وردو صوب العين طبعا هزاع ياله ياله قدرن يظهرنه من الميدان
وهم رادين في الدرب طول الوقت هزاع وريم يضاربون كل واحد يبى يسمع اغنيه غير

وفي العين

راشد يحوط في الشوارع
راشد : الحين انا شو اسوي كيف اعرف انها ما بتردني اذا خطبتها .. اقول حق ريموه اترمسها .. لا شو اقول حق ريموه هاي روحها فضيحه ... بجرب اتصلبها ( وتم يتصلبها وهي ما ترد عليه ... عقب رد البيت وتم يالس في الحوي )

في سيارة منصور

منصور كان يتصل حق ريم اللي هي ميره بس هي ما اترد عليه
ناصر : بمنو تتصل
منصور : اتصل حق رشوود
ناصر :متاكد
منصور :ليش ؟؟
ناصر : تعال جييه ما قلتلي انك سرت اتغازل في القريه
منصور : شووو .... انا سرت اغازل ..حشى عليه
ناصر: هيه ما جنك مشكلتني ويا البنت اللي كنت تلحقها
منصور : انا ... كيف ...شو السالفه
ناصر : انا بقولك شو السالفه ( ويلس يخبر منصور عن اللي استوا بينه وبين ريم )
منصور : بالله عليك
ناصر : عيل اقص عليك .. اقولك بهدلتني
منصور : غريبه
ناصر : شو اللي غريبه
منصور : كيف اتحرتك انا
ناصر : وهي اشدراها اني اخوك التوم
منصور : بس انا اتحراها اتعرف ....و اصلا هي اتعرف ان انت غير ولا ما بتم تنطحن عليك
ناصر: وشو اللي يخليك وايد واثق
منصور : لانها مستحيل اتقولي هالكلام
ناصر: منصور .. انت اتعرف البنت
منصور : ااااااااا .... هيه
ناصر : تعال انا هالبنت شايفنها من قبل
منصور : مستحيل وين بتشوفها يعني
ناصر : ما ادري يمكن مشبه عليها
منصور : هييه اكييد
ناصر : بس انا ...

[آڷصّغيرۉنہْ ™]

الــــــــبآرتً الـ ع ــآشر ‘‘


منصور : مستحيل وين بتشوفها يعني
ناصر : بس انا متاكد اني شايفنها .. هيه شايفنها وبعد استوالي وياها موقف وهزبتني
منصور : اكييد مب هي
ناصر : لا هي الحين ذكرتها ... منصور .. هاي ..منصور انت كيف قدرت اتسويها
منصور :شو سويت
ناصر: هاي اخت راشد ... كيف اتخون بربيعك
منصور : ناصر انت فاهم الموضوع غلط
ناصر : ليكون اترمسها
منصور : ( ونزل راسه ) هيه ارمسها
ناصر : مستحيل .. ما اتوقعت من بنت سعيد هالحركه لا ومنو اخوها راشد اللي طول عمره يمشي وهو رافع راسه
منصور : ناصر انزين نحن نرمس عادي وما نسوي شي غلط
ناصر : ليش شي غلط اكبر من جيه اترمس اخت اربيعك ومب أي ربيع هذا راشد .. راشد يا منصور ومب انا اللي اقولك منو راشد
منصور: حرام عليك لا تكرهني فعمري عاللي سويته
ناصر : ليش سويت جذيه
منصور : حبيتها
ناصر : نعم .. حبيتها .. أي حب هذا ... انزين وبعدين
منصور : ابا اخذها
ناصر : بتاخذ وحده اتجرات ورمستك في التيلفون كيف بتوثق فيها
منصور : ناصر بس عاد
ناصر : ما اتوقعت منك هالحركه يا منصور صح انغازل صح انرمس بنات ..بس عمرنا ما رمسنا بنات عرب ولا خنا في ربعنا في خواتهم
منصور : ناصر دخيل الله اسكت عني .. انا ما فكرت في هالشي كله يوم رمستها .. انا حبيتها قلبي اتعلق ابها من اول ما شفتها .. صدقني ما فكرت اني اخون في راشد انا بس كنت ارمسها عشان اشبع قلبي بصوتها .. والله اني ابا الخير .. وكنت ناوي اني اخطبها
ناصر : تخطبها ... فكر في السالفه يا منصور ترا العرس مب لعب
وفي هاللحظة وقف منصور في البيت ونزل عنه ناصر ورد منصور وطلع من البيت وتم يحوط في الشوارع وهو مب عارف شو يسوي
منصور :ااااااااااااااااااااااااااااااااه انا كيف سويت جييه ..كيف خنت راشد .. الله يلعني .. الله يلعني
ووقفته اشاره وكانن سيايير جدامه هو كان يبى يخطف بس ما قدر وتم يدق هرانه للسيايير بس هل السيايير اكيد ما بيتحركون .. راشد كان واقف عالاشاره وشاف منصور حالته كانت ما تسر لا عدو ولا صديق .. راشد نزل الجامه وحاول يرمس منصور بس منصور صد عنه الصوب الثاني مب لانه مايبا يرمسه بس لانه مستحي من اللي سواه ... فجت الاشاره واتحركن السيايير ... راشد تم يتصل بمنصور عشان يشوف بلاه بس منصور ما رد عليه ... منصور سار صوب عزبتهم ... وراشد اتصل في ناصر عشان يتخبره عن منصور
ناصر : راشد خل منصور في حاله هاليومين
راشد : يا خي ما روم انت ما شفت حاله انا ما اروم اخليه وهو في هالحاله .. شخانتي ربيع عالفاضي
ناصر ( وفي خاطره ) : ااخ يا راشد ليت منصور فكر بربعتك قبل لا يسوي اللي سواه .. ليته شراتك تهمه المخوه
راشد : انت اتعرف بلاه
ناصر : هيه .. بس نحن لازم نخليه روحه عشان يفكر عدل
راشد : شو مستوي
ناصر : لا تخاف .. يومين وبتلقا منصور رد شرات قبل واحسن
راشد : باذن الله .. يلا عيل بخليك انا الحين ..تصبح عخير
ناصر: وانته من اهله
راشد رد البيت وكان هزاع والحرمات توهم رادين من القريه
هزاع : بو سناد فاتك ياخي ... اليوم راشد حارب بدع في الفر سكتهم كلهم
راشد : ممبونه مسكتنهم
هزاع : لا اليوم غير شي ثاني ... السلاح يخفي عنا ما نشوفه
راشد : يا حيه والله
هزاع : ( ويرمس امه واليازيه ) ها زاهبات
راشد : وين
هزاع : دار الظبي
راشد : يا ريال الحين حد يضرب خط
هزاع : أي خط كله ربع ساعه
راشد : هزاع استهدا بالله ... شو ربع ساعه تبا اتنفدهم
هزاع :جييه شو قالولك دريول جوله
راشد : لا ... فرن
هزاع : يا ربي طلع عرج السخافه
راشد : عشان تذكرني وانت في الكليه
هزاع : انا لو عندي وقت في الكليه برقد .... متفيج ايلس اذكرك
راشد : ههههههه
اليازيه : هزاع يلا
هزاع : انزين
وسلمو عليهم وردو بوظبي
راشد تم يالس في الحوي جان اتييه ريم وتيلس وياه
ريم : رشوود شو يالس تعد نجوم
راشد : ههه .. ما تضحك
ريم : اصلا انا ما قلت نكته
راشد :ريموه مب وقتج
ريم : انزيد برد انت شو ميلسنك هنيه
راشد : اذا بردانه احدري داخل
ريم : لا ما بخليك روحك
يلست عداله وحطت راسها على جتفه
ريم : راشد
راشد : عيونه
ريم : تسلم عيونك ... انت بلاك من فتره وايد اتحب تيلس روحك وطول الوقت سرحان
راشد : يعني هذا كله ينلاحظ عليه
ريم : هيه .. حتى ابويه لاحظ هالشي بس روحه ما يبا يقولك
راشد : انا ما فيني شي بس روحي
ريم : اكييد
راشد : اكييد
ريم : ا.. اا .. اه ... برد
راشد فصخ جاكيته ولبسها اياه
ريم : ثانكس
شوي واتحدر سياره البيت بس راعي السياره من شاف ريم ويا راشد رد ريوس
راشد : قومي احدري البيت بسرعه
ريم : انشا الله
ريم حطت شيلتها عراسها واربعت داخل بس هي كانت فاتحه شعرها وشعرها طويل فتم ظاهر من تحت الشيله
حمدان كان في السياره وتم يطالعها لين ما حدرت البيت ... ياه راشد نزل حمدان من الموتر ووايه راشد
راشد : وين اللي بيرقد
حمدان : ما ياني ارقاد قلت ايي ويلس وياك
راشد : حياك الله
حمدان : الله يحييك
راشد : بتغرب في الميلس ولا تبانا نيلس هنيه
حمدان : لا نيلس هنيه خير
وسارو ويلسو عالكراسي اللي في الحوي
حمدان : علومك
راشد : علوم الخير
حمدان : ها شو سويت .. قلتلي بتخلص السالفه اليوم
راشد : ما قدرت بس صدقني ما بطول لين ما اخلص السالفه
حمدان : زين
راشد : وانت علومك
حمدان : ما عندي علوم
ويلسو يسولفون لين الساعه 1 من الليل وخلاف حمدان رد بيتهم وراشد تم يالس محله ... شوي وياه عبد الله .. عبد الله كان يايب وياه جاكيت
عبد الله : يود البس الجو بارد

[آڷصّغيرۉنہْ ™]

راشد : مشكور
لبس راشد الجاكيت
عبد الله : من زمان ما يلسنا ارباعه صح
راشد : هيه صح
عبد الله : شو علومك
راشد : ما عندي علوم
عبد الله : تونا يالسين داخل ويا ابويه وامايه .. وقالو انهم يبون ايوزونك
راشد : شووو
عبد الله : اليازيه السنه بتخلص الدراسه .. فقلنا بنسير نخطبها رسمي وفي الصيف الملجه والعرس
راشد : اليازيه ومنو قالكم اني ابا اخذ اليازيه
عبد الله : نعم .. عيل منو تبا
راشد : ما في حد في بالي .. بس اليازيه لا
عبد الله : ليش شايف شي عالبنت
راشد : حشى ..اليازيه بنت عمي ولا شفت منها الا كل الخير .. بس انا ما ابا اخذها
عبد الله : البنت محيره لك وانت اتقولي ما باها
راشد : هيه ما باها
عبد الله : راشد ترا هذا مب لعب يهال
راشد : ادري انه مب لعب يهال عشان جييه انا اقولك ما ابا اليازيه
عبد الله : لا والله .. جييه امبونك ما رمست الحين ياي ترمس .. عمي من حد يخطب .. يرده .. ويقول ان البنت مخطوبه لولد عمها
راشد : والله من البدايه انتو اللي رمستو فيها انا ما قلت اباها ولا شي
عبد الله : واللي يقولك انك بتاخذها غصبن عنك
راشد( وهو محرج ) : مب انا اللي انغصب عشي تسمع
وسار وركب موتره وظهر من البيت
عبد الله : انا مادري هذا متى بيخلي عنه حركات اليهال
شوي ويظهر بو عبد الله
بو عبد الله : عبد الله اخوك وين ساير عالحزه
عبد الله : ما ادريبه يالس ارمسه واونه حرج وظهر من البيت
بوعبد الله : سوله وخله ايرد
عبد الله : انشا الله ( وتم يتصله بس ما رد عليه وخلاف بند التيلفون ) بند تيلفونه
بو عبد الله : والله ما احيد ان عنده تيلفون واحد اتصله على تيلفوناته الثانيه
عبد الله : ما اعرف غير هالرقم
بو عبد الله : اخووك ما اتعرف ارقامه
حدر بو عبد الله وسار صوب حجرة ريم يسالها اذا اتعرف ارقام راشد الثانيه ... ريم من اسمعت الدق على حجرتها عالحزة اتروعت
ريم : منو
بو عبد الله :هذا انا يا بنتي فجي الباب
ريم : ابويه ( ونشت وفجت الباب )
بو عبد الله : ريم ما اتعرفين ارقام تيلفونات راشد
ريم : بس راشد موجود في البيت
بو عبد الله : ظهر توه وهو محرج ..اظني اتضارب ويا اخوه ..
ريم : ليش ابويه انت ما عندك رقمه
بو عبد الله : رقمه اللي كلنا انعرفه مبندنه
ريم : انزين انا بجرب اتصله على رقمه الثاني ( واتصلتله على تيلفونه الثاني )
راشد : انا ببات في العزبه لا تحاتوني
ريم : را... ( وبند التيلفون )
ريم : قال انه بيبات في العزبه وبند التيلفون
بو عبد الله : عالاقل اطمنا عليه ... يلا عيل بنتي تصبحين عخير
ريم : وانته من هل الخير
راشد تم يحوط في الشوارع وخلاف سار العزبه بس ما قدر يرقد كان يالس يفكر في شما ... ما يقدر يتخيل انه بيعيش ويا وحده ثانيه غيرها ..
راشد : اااااخ يا شما ليش ما اتحسين فيني .. ( وقبض تيلفونه واتصل ابها )
شما : بس عاد انت تراك مصختها ... كيف تتصل بي هالحزه ... شو تبا مني .. انا مب من هالبنات الرغد اللي تقصون عليهن بكلامكم
راشد : شما
شما : لا تنطق بسمي على السانك
راشد : انتي اتعرفين الحب... انا احبج من اول ما شفتج وانا ما اشوف بنات غيرج .. حرام عليج حسي فيني .. صدقيني انا مب يالس اقص عليج .. والله اني صادق في قولي عيني ما تشوف غيرج وقلبي ينبض باسمج ... انا بيي وبخطبج من هلج بس ما اقدر قبل لا اعرف رايج فيني .. انتي تبيني ولا لا ..
شما : كيف تجرا وتسالني هالسؤال .. صدق انك فاضي ... ولا وتتوقع اني بصدق هالكلام اللي قلته .. انت غلطان ... مب انت اللي اتقص على شما بنت سيف
راشد : والله اذا انتي شما بنت سيف انا راشد بن سعيد وبنشوف من اللي بيكسب في النهايه
شما : جنك يالس تعلنها حرب
راشد : هيه حرب .. بس حرب بشكل ثاني .. الجنود فيها احاسيس .. والسلاح مشاعر ... وساحه الحرب قلبي ... والغنايم حب وانشا الله اكسب حبج
شما : عيل من الحين اقولك انك خسران .. خسران اتعرف شو يعني خسران
راشد : اوكي ( وبند عنها )
شما : اااااااااااااااخ منك يا راشد والله لو اني ما اعرفك جان صدقتك بس انا اعرفك واعرف انك لاعب على نص بنات العين

وفي عزبة بو حمد
منصور يالس وموري ضو وكانت حالته لله وميره حارقه التيلفون تتصله وهو ما يرد عليها وناصر اخس عنها
بس منصور كل ما يفكر في ريم وان عقب الكلام اللي قاله اياه ناصر ما بيقدر يرمسها وهو لازم ينساها لانه اصلا ما بيوثق ياخذها وهي من عطاها رقمه رمسته
منصور قبض تيلفونه واتصل بخاله علي
( خاله علي هو اصغر خواله عمره 27 وهو دبلوماسي في لندن )
علي : مرحبا
منصور : مرحبتين
علي : من وين طاله الشمس اليوم
منصور: من الشرق
علي : زين يوم اتذكرت ان عندك خال
منصور : دوم عالبال يا بوحسن بس اتعرف مشاغل الدنيا
علي : منصور بلاه صوتك ... شو مستوي عندك
منصور : لا تخاف ما شي بس انا روحي متضايج
علي : شو اللي مضايجبك
منصور : سالفه طويله بقولك اياها بعدين ... خالي بغيت منك طلب
علي : انت تامر
منصور : ابا ايي عندك ... ضايج من البلاد وابا اظهر منها
علي : انزين تعال
منصور : مب جييه السالفه بس ابويه منو بيقنعه .. بيقولي الدراسه ومادري شو
علي :صح انزين دراستك متى بتبدا
منصور : عقب يومين
علي : اووه .. عيل انت شو بتسوي
منصور : اصلا انا مالي بارض عالدراسه ومفكر اني اوقف عالكورس
علي : اتوقف كورس عشان انك متضايج الحين .. ياخي الضيجه بتخوز عنك
منصور : مب جييه بس انا ابا اتم عندك فتره طويله شهر شهرين او اكثر
علي: تدري روعتني .. شو اللي صاير عليك
منصور : لا تتروع ولا شي .. بس الحين عطني سالفه اقنع فيها ابويه
علي : شوف انت مب بتوقف الدراسه تعال هنيه وادرس انجليزي .. خذلك دورة لغة انت شخسران قول حق ابوك انك مب رايم اتمشي في الدراسه بسبت الانجليزي ولازم تاخذ دورة لغة .. واونه انا قتلك انك اتي وتاخذها هنيه لانها احسن
منصور : خلاص اوكي بس انشا الله ابويه يوافق ... انا من باجر بسير وبسوي الفيزا وانشا الله خلال يومين انا عندك
علي : خلاص انا برمس لك ربعي في السفاره يخلصولك الفيزا بسرعه
منصور : عخير انشا الله ... مشكور يا خالي
علي : ما سوينا شي .. بس انت ادع ان ابوك يوافق .. يلا سر الحين ورمسه
منصور : وين الحين الساعه 2 فليل
علي : والله عيل انت شو مسهرنك لهالحزه .. وين نصور عنك غريبه ما له حس
منصور : انا يالس في العزبه
علي : في العزبه شو تسوي
منصور :تراني اقولك ضايج وطفران مب رايم اقر في مكان ييت العزبه احسن مكان لي ما فيه حد يغثني ... ويوم بيي ابويه الصبح برمسه
علي : خلاص عيل انت الحين ارقد باجر وراك وايد اشغال اتخلصها باجر الصبح
منصور : والله ما اظن اني اقدر ارقد
علي : لا بترقد .. يلا تصبح على خير
منصور : وانت من هل الخير .. والسموحه عالمغثه
علي : مسموح
وبند عنه
وتم منصور عحاله لين الفير وخلاف نش اتمسح وصلا الفير وتم يتمشى بين الرجاب ويشوف العمال لين ما يا ابوه
منصور : صبحك الله بالخير ( وسار وحبه عراسه )
بو حمد : حي به ... ما شا الله .. شو يايبنك العزبه من الصبح
منصور : انا بايت هنيه
بو حمد : شله
منصور : بس جييه ضجت من البيت قلت ايي ابات هنيه
بو حمد : زين ( وسار صوب البوش )
منصور : ابويه بغيتك في سالفه
بو حمد : انزين تعال بنيلس في المنامه
سارو ويلسو في المنامه
منصور : ابويه انا ابا اسير لندن عند خالي علي
بوحمد : شو تسوي .. وبعدين الدراسه بتبدا الاسبوع الياي وين بتسير
منصور : ابويه تراني انا بوقف الدراسه وبسير ادرس انجليزي في لندن لاني مب رايم امشي في الدراسه بسبت الانجليزي
بو حمد : يعني لازم
منصور : هيه ومنها تغيير جو
بو حمد : خلاص عيل الله يحفظك .. سر بتلقا في درج الموتر دفتر الجيكات هاته
منصور : انشا الله
سار منصور وياب الدفتر
بو حمد : كم يبالك ؟؟
منصور : ما ادري مب وايد لاني بسكن ويا خالي ... يعني يبالي جيمة التذكره ومصاريف المعهد اللي بدرس فيه
بو حمد : شوف انا الحين بكتب لك خمسين الف .. وكل شهر بنزل لك مصروفك في الحساب
منصور : اوكي .... مشكور يا بويه يطولي بعمرك .. انا اترخص الحين بسير اسوي الفيزا
بوحمد : وشله لعيله
منصور : بس ابا اسافر بسرعه ...يلا مع السلامه
بو حمد : الله يحفظك
سار عنه منصور صوب البيت ... اتسبح وبدل ثيابه وشل اوراقه اللي بيحتايهن عشان يسوي الفيزا وسار السفاره

[آڷصّغيرۉنہْ ™]

في بيت سلطان ال........حمدان ناش من الصبح ومتزهب عاساس انه بيسير ويا راشد عشان يقدم على اجازة .. وتم يتصل براشد بس راشد مبند تيلفونه .. فسار حمدان بروحه وقدم على اجازة وهناك ما قصرو ويا يوم عرفو ظروفه عطوه اجازة اسبوعين .. ورد صوب العين وهو راد اتصلبه راشد
حمدان : صح النووم
راشد : والله مب راقد .. اسمحلي نسيت اني متواعد وياك عالسيره
حمدان : مسموح ... يا ريال ما صار شي سرت بروحي وقدمت على اجازة اسبوعين والحمد لله وافجو عليها
راشد : زين .. حيهم .. بس بعدني متلوم فيك
حمدان : اشله تتلوم
راشد : انت وين الحين
حمدان : راد في الدرب
راشد : حيك .. ادل عزبتنا
حمدان : لا
راشد : عيل وين انتلاقا
حمدان : انا من اوصل بسير البيت بشل الاهل وبنسير المستشفى ... تدري شرايك نتغدى ارباعه
راشد : اوكي .. بس بشرط انتغدى في بيتنا
حمدان : خلاص عيل انتلاقا خلاف ... مع السلامه
راشد : الله يحفظك
راشد رد بيتهم وقاللهم انه عازم حمدان عالغدا عشان يزهبوله الغدا وسار حجرته وطاح عالشبريه عشان يريح لين ايي حمدان
وشوي ويندق باب الحجره
راشد : منووه
ريم : انا
راشد : اشتبين
ريم : يعني ما احدر
راشد : اففف .. احدري وفكيني
حدرت ريم وسارت ويلست عداله عالشبريه
ريم : شو اللي خلاك تضارب ويا عبد الله امس
راشد : ما شي
ريم :شو اللي ماشي تظهر من البيت وتبد تيلفونك واتقولي ماشي
راشد : ريمووه ممكن تظهرين
ريم : عشان سالفة العرس صح
راشد : وانتي تدرين بعد
ريم : راشد كلنا انعرف ان اليازيه محيره لك من زمان
راشد : يعني عادي اخذ وحده ما اباها واعيشها عيشه ما تتمناها
ريم : لا مب عادي بس انت اكييد عقب ما بتاخذها بتحبها
راشد : منو قالج .. انا طول عمري اعتبرها شرات اختي وبعدين اليازيه مب هي البنت اللي ممكن تستوي حرمتي
ريم : انت في بالك وحده صح
راشد : لا .. ما في بالي وحده بس انا اليازيه ما اباها
ريم : قلت حق ابويه
راشد : لا
ريم :اقوله انا
راشد : لا .. يوم بتي حزتا انا برمسه
ريم : انت تدري ان عمي ياي عشان يسال ابويه اذا لين الحين يبى اليازيه لك ولا لا
راشد : وابويه شو قاله
ريم : طبعا قال انه يباها
راشد : ااخ .. ليش سويت جييه يا بويه .. انزين هم ليش ما يشاوروني انا اللي باخذها ولا هم
ريم : والحين شو بتسوي .. عمي من اييه حد قاله ان البنت مخطوبه لولد عمها
راشد : ( يلس وحط ايده على يبهته ) اااخ .. شو اللي يالس يستوي ويايه
ريم : الله يعينك ( وظهرت عنه )
راشد نش وسبح وبدل اثيابه ونزل يتريا حمدان في الميلس
وصل حمدان وتوايه ويا راشد ويلسو يسولفون
حمدان : شله ما تسوي حق ناصر ومنصور اييون يتغدون ويانا
راشد : اوكي الحين بسويلهم ( سوا حق منصور بس منصور ما رد عليه ورد سوا حق ناصر )
ناصر : الووو
راشد : مرحبا
ناصر : مرحبتين
راشد : وين
ناصر : في البيت
راشد : عيل انا اترياك انت ومنصور عندي حمدان ياي يتغدا عندي ونباكم اتون اتغدون ويانا
ناصر : عخير انشا الله بس منصور ما ادله وين من البارحه ظاهر من البيت ايقولولي يا الصبح بدل اثيابه وظهر واتصلبه ما يرد
راشد : هيه حتى انا اتصلبه ما يرد .. المهم اطالعه وين وخله ايينا
ناصر : اوكي ( وبند عنه)
راشد كمل سوالفه ويا حمدان ويوهم بو عبد الله وعبد الله ... شوي ووصل ناصر
ناصر : السلام عليكم ( ووايهم )
راشد : وين منصور
ناصر : سويتله قالي انه مشغول ما يروم ايي
راشد : الحين منصوروه شو اللي شاغلنه
ناصر : انا ادري
بو عبد الله : يلا عيل اتفضلو عالغدا
ونشو كلهم واتغدو وخلاف ايلسو يسولفون بو عبد الله سار عنهم شوي ويحدرون عليهم حميد وشوق وهم يضاربون على نظارة ابوهم
حميد : باباه ثوف هاي ام كثه ( كشه ) تبا تاخد نظالتك
شوق : جذاب هي كانت عندي قبل بعدين هو خذاها
عبد الله : خلي النظاره عنده وفكوني من الصدعه ( شوق برطمت وكانت بتصيح )
راشد : شوق حبيبي تعالي انا بعطيج نظاره حلوه احلى من مال ابوج هاي من سنة سكتو
عبد الله : يالهرم الحين نظارتي من سنه سكتو ... والله اني ما خذنها الشهر اللي طاف
راشد : هاي ما خذنها الشهر اللي طاف ... عيل يا خي انت ما تعرف تاخذ نظارات ... هذي النظارة جديمه ... ولا شو تقول يا ناصر
ناصر : الصراحه هي النظاره جديمه .. بس حلوه
حمدان :مسكين نصور اونه يعدل السالفه
راشد : ليكون ما خذنها من عند هذا اللي في العين مول
عبد الله : هيه ... قالي يديده اخر موديل
راشد : قاص عليك انت يوم تبى تاخذ شي سر مول الامارات
عبد الله : ما لقيت غيري بفزع لين هناك عشان نظاره
راشد : يااااله يالهيازه
عبد الله : منو اخويه
ناصر : عاد بو سنيده مب هيز لو اتقوله ايبيعون نظارات في السلع بيسير .... عشان كشخته ايسير أي مكان
الكل : هههههه

[آڷصّغيرۉنہْ ™]

حميد ربع ويلس في حضن حمدان
حميد : عمي انت ما عندك نداله( نظاره ) حلوه
حمدان : هيه عندي
حميد : بتعتيني اياها
راشد : حميد عيب
حمدان : راعيج يا سمحه .... أي عيب هذا
حميد : عمي لاشد اسكت ولا بخبل عليك باباه
حمدان : ليش شو سوا
راشد : حميد
حميد : بخبل عليك ليس تعتي سوقوه نداله ما تعتيني ... عمي لاسد يوم اثيل وياه يحلي الفتك يمثي على تايلين ويقولي لا تحبر باباتك
الكل :هههههههههههه
عبد الله : وانت يالهرم يوم تبى اتنفد عمرك اشله اتشل ولدي وياك
راشد : الحين يوم بشل بنفد عمري
عبد الله : هيه عيل ...لو تنجلب وانت شال ياهل وياك
راشد : يعني انا عادي انفد المهم ولدك
عبد الله : والله انت كيفك ... بس ولدي ياويلك ان شليته مره ثانيه يا ويلك مني
حميد : عمي يلا ما بتعتيني النداله
حمدان : انشاء الله يلا تعال بنسير عند السياره
حميد : اوكي ... ويو ثوقوه بيعتوني نداله حلوه
شوق : عادي حتى انا عمي راشد بيعطيني
سار حميد ويا حمدان عند موتره .. حمدان ركب في السياره عشان يظهر النظاره من الدرج ... شوي وتظهر ريم من الصاله وكانت مجابله حمدان بس هي ما تشوفه ... حمدان من شافها اتيبس
ريم : حميد ... شوق ...حميد
حميد : عموه ليم انا منيه
ريم : شو تسوي
ونزلت عنده اونها بتيبه
حميد : عمي بيعتيني نداله
ريم ( المسكينه تتحراه يقصد راشد .. ويوم انتبهت للي في السياره اتحرته راشد .. وسارت صوبهم )
ريم : انتو وين سرتو اكيه ماماتك ادوركم من ساعه
حميد : نحن سلنا الميلث عن باباه ... وعمي قال بيعتيني نداله
ريم : رشوود هذا موتر منوه
حمدان : ( من سمع رشوود اتاكد ان ريم فاهمه الموضوع غلط فنزل من السياره وهو منزل راسه ) السلام عليكم
ريم : ( بعدها مب مستوعبه السالفه .. وتمت تطالعه .. عقب اتغشت وسحبت حميد واربعت تبى اتحدر داخل )
حميد : عموه .. هديني ..هديني .. ما خديت النداله
ريم يوم تم يلعوزها حميد وما خلاها اتحدر هدته .. واحدرت داخل .. وهو رد صوب حمدان
حميد : افففف ثمختني على ايدي دفولها توال
حمدان : هههههههه
حميد : عمي انت ليث تدهك
حمدان : لا ماشي .. هذي منوه
حميد : هاي عموه ليم
حمدان : انزين انت شاطر وما بتخبر حد ان عموه يت عندنا
حميد : اوكي
حمدان : يلا عيل خلنا انرد داخل
ردو واحدر الميلس
حميد ( لبس النظاره ) : باباه ثوفني انا حلو
عبد الله : هيه بابا حلو .. الحين يلا رد عط عمي نظارته
حمدان : لا والله ماردها
عبد الله : حمدان
حمدان : انا حلفت
حميد : عمي لاسد ثولني في تلفونك
راشد : انزين يلا تعال
حمدان : لا لا صبر شوي ( وفصخ سفرته وسفر ابها حميد ) الحين صوره
ناصر : اووه هذا يوم بيكبر بيخبل ابهن بنات العين
راشد : احم .. احم .. طالع على عمه
عبد الله : الفايده جان طالع على عمه
حمدان : ههههه
حميد يلس عدال حمدان وتم يلعب ابشعره
حميد : عمي سعرك حلو ... انا باباه ما يخليني اسوي كثه كله ايوديني عند هذاك الاثود المتين يقثها عني
الكل : ههههههههه
حمدان : منو الاثود المتين
راشد : الحلاق
حمدان : حبيبي لو الشعر ينعطى جان ما يغلى عليك
راشد : ياله .. ياله .. يا حميدوه .. حصلتلك واحد يلبيلك طلباتك
حمدان : ( ويلوي على حميد ) ياله فديت روحه
عبد الله : يلا عيل عرس وييب ولد شراته
حمدان :....................
راشد : بلاك صخيت
حمدان : لا صخيت ولا شي ... انشاء الله جريب
راشد : انتم السابقون ونحن اللاحقون انشاء الله
عبد الله : بالله عليك انت ويه عرس
راشد : جييه بلاني
عبد الله : والله ما عنده سالفه اللي بيعطيك بنته
راشد : طايح من عينك
ناصر : حرام عليك يا عبد الله راشد محد يرده
حمدان ويصاصر راشد ) شو تبى بعد ضمنت موافقة النسيب
راشد : جب انت
عبد الله : بلاكم تصاصرون
راشد : لا ما شي
حميد : انا بسير عند عموه بحليها اتثولني بكيملتها
راشد : انزين يلا سر ... وشل اختك وياك
ظهرو شوق وحميد من الميلس شوق سارت عند امها وحميد سار عند ريم
حميد : عموه ثوفيني انا كاسخ
ريم : وفديت الكاشخ انا
حميد : عموه ثوليني
ريم : انزين ... منو لبسك النظاره والسفره
حميد : عميه
ريم : غريبه راضي عليك اليوم ( تتحراه راشد )
حميد : يلا انزين ثوليني
ريم : اوكي ( وتمت اتصوره )
وفي الميلس
حمدان : انا اترخص الحين
راشد : وين يا ريال
حمدان : بسير
راشد : اتريا انزين هذاك شل نظارتك وسفرتك ولا رد
حمدان : برايه انزين
ظهر حمدان من الميلس وركب سيارته وروح عنهم ... والحقه ناصر ... وراشد وعبد الله حدرو داخل
ريم بعدها يالسه اتصور حميد
حميد : بس حلاس انا تعبت
ريم : انزين تعال عطني النظاره
حميد : لا مابا هاي مالي
ريم : بعطيك اميه
حميد : اااااااااااااااااااااااام ... مابا تعتيني هنتين
ريم : يالهرم ... الحين انت اتقص عليه لو ابا باخذها بدون شي
حميد : حلاس انزين هاتي اميه
ريم : اوكي ( وعطته لميه وخذت عنه النظاره ... هو روح عنها وقبضته امه وحدرته في الحجره وقفلت عليهم الباب هو وشوق .. عشان ما يشردون عنها )
ريم : اففف عليها من نظاره الصراحه شي انا اول مره اشووفها ما جد شفتها عند رشوود من قبل .. متى خذها .. ما ظني انها يديده لو يديده ما بيعطيها حميد .. بس لا شكلها يديد ( تمت تلبس النظاره واتصور عمرها وهي لابستنها ... النظاره كانت وااايد حلوه وراكبه عليها .. عاد انتو اتعرفون البنات لازم ايتمن يتصورن )

[آڷصّغيرۉنہْ ™]

في بيت بو حمد
منصور توه حادر البيت .. سار سيده صوب حجرته وظهر الشنطه وتم يحط اثيابه ...حدرت عليه شما
شما : منصور .... وين بتسير
منصور : بسافر
شما : بتسافر .... ليش .. ووين
منصور : بسير لندن عند خالي علي
شما : الحين .. مب وقت سفر
منصور : عاد انا بسافر اصلا انا بسير ادرس هناك
شما : تدرس ... اصلا انت فالح في الدراسه هنيه عشان اتسير تدرس في لندن
منصور : اصلا انا بسير ادرس انجليزي عشان امشي في الدراسه هنيه
شما : ونصور
منصور : بلاه نصور
شما : ما بيسير وياك
منصور: لا .. بعدين انتي بدال هالاستجواب اللي مسوتنه لي تعالي افزعيني
شما : انشا الله ( ويلست اترب وياه شنطته .. شوي ويحدر عليهم ناصر )
ناصر : يالهرم وين سرت من البارحه
منصور : ما يخصك
ناصر : شو يالس اتسوي
منصور : مثل ما اتشوف
شما : منصور بيسافر
ناصر : شوووو ... بتسافر
منصور : هيه
ناصر : ليش ؟؟
منصور ( والضيجه باينه من كلامه وهو يصارخ ) : بس جييه عايف الدنيا .. ضايج .. كاره كل شي البيت الشوارع ... العين .. عايف كل مكان
شما : منصور بلاك
منصور يلس عالشبريه وحط ايده علي يبهته
شما : منصور
ناصر : شما اظهري ... خلينا بروحنا شوي
شما : انشا الله
ظهرت شما وناصر سار ووقف جدام الدريشه وتم يطالع برع
ناصر : هذا هو الحل عندك
منصور : عيل شو تباني اسوي
ناصر : لا تسوي شي انسى البنت وخلها في حالها وانت عيش حياتك
منصور : ما اقدر
ناصر : شو بتستفيد من السفر بتشرد
منصور : من رمستني انت وانا عايف عمري عاللي سويته .. انا خنت فربيعي .. خنت راشد .. صدقني هالشي مايا في بالي من قبل .. ما اروم اشوف راشد والله اني متلوم منه وهو من الصبح يتصل بي
ناصر : والبارحه يوم شافك اهتم منك ..
منصور : اهتم مني انا انا اللي ما سويتله حساب وسرت ارمس اخته من وراه
ناصر : شو بتستفيد من السفر
منصور : ما ادري ابا اغير جو ما ابا اتلاقا ويا راشد
ناصر : يعني بتسافر بدون لا تسلم عليه
منصور : هيه
ناصر : بس راشد بيزعل .. وانت اتعرفه بيسويها سالفه وبيقول اكيد منصور شال فخاطره عليه
منصور : انت قوله اني كنت مستعيل وما لحقت اسلم على حد
ناصر : بس هو اكييد بيتصل بك
منصور : انا ببند تيلفوني .. ما ابا ارمس حد .. اصلا هي مؤذتني تيلفونات
ناصر : والله ما اتوقعت ان اخت راشد اتكون من هالنوع مع ان تصرفاتها غير جييه
منصور : حرام عليك لا تظلم البنت .. انا اللي تميت وراها لين رمستني
ناصر : والله جايز ..بس
منصور : لا بس ولا شي دخيلك سكر عالموضوع .
ناصر : ومتى السفر
منصور : باجر الصبح بتخلص الفيزا باخذها وسيده بويهي عالمطار
ناصر : انزين عيل انا اللي بوديك
منصور : باذن الله
ظهر ناصر عن منصور وسار يرقد اما منصور كمل ايرتب اغراضه والعصر سار وقال لامه انه بيسافر وخلاف سار ويلس ويا عيال عمه ويدته .. ورقد من المغرب عشان ما يظهر ويتلاقا ويا راشد مكان

وفي بيت بو عبد الله
حمدان متصل حق راشد
راشد : مرحبا الساع
حمدان : مرحب باجي .. كيف الحال
راشد : بخير ربي يعافيك
حمدان : وين
راشد : والله في البيت
حمدان : غريبه شو ميلسنك في البيت .. ما بتظهر
راشد : لا مالي بارض
حمدان : جييه بلاك
راشد : ماشي بس مكسل اليوم
حمدان : ليش فتك مب رايم يصعد العرقوب
راشد : ههههههههه
حمدان :امممممم ... راشد
راشد : امر
حمدان : والله ما عرف شو اقولك
راشد : قول وانا خوك
حمدان : بغيت من خدمه
راشد : انت تامر
حمدان : انا باجر ساير بوظبي ويا الاهل بييبون اغراضهم لان خلاص شاورنا ابويه انا ان تم في العين .. وما خالف .. وبنبات هناك عشان يوم الاحد اسير اييب اوراق خواتي من المدرسه عشان انقلهن هنيه
راشد : انزين
حمدان : عاد بغيتك اتخطف على ابويه .. اتشوفه محتاي شي ولا شي
راشد : افاااا عليك يا حمدان انا عند ويهك
حمدان : مشكور
راشد : حمدان قتلك انا اخوك ومره ثانيه لا تستحي اذا بتطلب مني طلب
حمدان : انا اشهد انك اخو واكثر من اخو ( ويلسو يسولفون شوي وخلاف بندو عن بعض )
راشد ما ظهر من البيت ويلس ايسولف ويا هله وخواته ... حمدان رد البيت

اليوم الثاني
منصور نش من الصبح وشل اغراضه وسلم على هله وسار وخذ الفيزا ووداه ناصر المطار وسافر
وحمدان شل هله وسارو بوظبي
راشد من نش سار صوب بو حمدان
وريم من نشت وهي اتحن على ابوها تباه يوديها المول وهو مب طايع .. بس اخرتها وداها لان ريم اللي تباه اتسويه هو اللي رباها على هالشي خله يتحمل بزاها
شما يوم عداها العصر سارت صوب يدتها
عفرا : سافر اخوج
شما : هيه
عفرا : الله يحفظه
وفي هاللحظه كان سهيل نازل من فوق من شافها سلم من بعيد وظهر
عفرا : بلاه هذا
شما : انا اشدراني .. خليه عنج
عفرا : باجر عيل بتسيرين المدرسه
شما : هيه
عفرا : بلاج اتقولينها من غير نفس
شما : يدتي حد بيسير المدرسه ويكون له نفس
عفرا : والله اذا ما تبين تدرسين مب لازم اتسيرين
شما : والله يحيج يدتي امورج طيبه
عفرا : هيه ها نحن ما درسنا مب ناقصنا شي .. خير عنكن انتن اللي درستن .. بتعرسين وبتيبين عيال وبجابلينهم هم وابوهم خيرلج من الدراسه
شما : جان الا جيه السالفه ادرس وايد احسن
وتمت شما اتسولف ويا يدتها لين المغرب وردت بيتهم .. وهي ظاهره سهيل كان حادر البيت ويوم شافها تم واقف بعيد لين اخطفت وخلاف حدر وسار سيده حجرته
سهيل :اااااااااااخ منها كل ماابا اشلها من بالي القاها في ويهي ..يا ربي منها انا احبها وهي مب معبرتني ... شو هاي ما اتحس ... افففف ليكون ازعلت من كلامي .. ااااخ لازم بتزعل انا شو قلتلها .. اااخ الحين هي بتصدق كلامي بس والله هي ما اتهون عليه انا مستحيل اذلها انا الا بحطها في عيوني ... انا لازم اعدل كل شي ..
منصور وصل لندن بالسلامه من وصل اتلقاه خاله في المطار وخلاف اتصل بناصر وقاله انه وصل عشان يطمن هله وقاله انه بيسكر تيلفونه واذا يبونه بشي يرمسون خاله
راشد عالمغرب سار عند الشباب اللي كانو متيمعين في عزبه واحد من ربعهم ... واول ما حدر عليهم
راشد : السلام عليكم
الكل : وعليك السلام
راشد : وشحالكم يالربع
الكل : بخير ربي يعافيك
راشد : نصور منصور وين
ناصر : اااااااا منصور سافر
راشد :شوووو ... سافر
ناصر : هيه سافر
راشد : وين
ناصر : سار لندن عند خالي علي
راشد : ليش ... وشله ما قالي ولاسلم عليه قبل لايسير
ناصر : هو كان مستعيل ولا حد درابه الا شال شنطته وساير المطار
راشد : ناصر منصور بلاه .. اتصلبه مايرد اعزمه ماايي ايسافرما يقول ولا يسلم .. زعلان عليه شي ..
ناصر : لا مايخصه اسال جان حد من الربع يدري انه بيسافر اقولك محد يدريبه
راشد : والله .. يصير .. انزين هو وصل
ناصر : هيه وصل المغرب
راشد قبض تيلفونه بيتصل له
ناصر : لا اتعب عمرك امبند تيلفونه
راشد : ليش
ناصر : بس جييه.. اونه بياخذ رقم من هناك
راشد : انزين بس اول ما ياخذ الرقم عطني اياه ابا ارمسه
ناصر : انشا الله
راشد : ومتى بيرد .. وخذ اجازه من الكليه
ناصر : هو وقف هالكورس لانه بيطول في لندن
راشد : لا .. يوم اقولك ان فيه شي
ناصر : قتلك ما فيه .. بس خالي عزم به لانه يبى حد وياه وبعدين هو بيدرس هناك
راشد : منصور يدرس .. يا خي خل يلعب غيرها هو هنيه ومب مجبل عالدراسه بيسير لندن بيدرس .. صدقني ان فيه شي
احمد : ايه انتو يايين هنيه عشان اتسولفون روحكم
راشد : لا بس كانت عندنا سالفه
وتمو يسولفون ... وخلاف بدا وقت الشلات والقصايد وطبعا راشد بن سعيد يبدع في هالاوقات .. وكان من يخلص قصيده ولا شله يطلبون منه غيرها وتمو يالسين لين الساعه 2 من الليل وخلاف كل واحد رد بيته

[آڷصّغيرۉنہْ ™]

اليوم الثاني
اليوم بتبدا الدراسه والكل ناشين وما لهم بارض
وفي بيت بو عبد الله
ريم يالسه تضارب ويا البشكاره ما خلصت اتكويلها عباتها وشيلتها .. وراشد في هالحزه نازل
راشد : اييه انتي شو هالصدعه من صباح الله خير
ريم : له له له .. راشد بن سعيد ناش من الصبح .. شو الطاري عليك الشيخ
راشد : جيييه ترا ورايي جامعه
ريم : سبحانك ربي .. راشد بيسير الجامعه
راشد : متوله عالدكاتره
ريم : حلوه منك .. بس العب غيرها
راشد : تدرين انا كنت بوديج .. بس الحين شكلي بغير رايي
ريم : اللااااااااااااااااااه وناسه قول والله بتوديني
راشد : لا اتعايزت
ريم : رشودي حياتي انت
راشد : لا تحاولين
ريم : يعلني فدا هالخشم انا
راشد : بودييج عشرط
ريم : شووو
راشد : تكتبين رقمي على ورقه واتعلقينه على ظهرج شهر كامل في المدرسه
ريم : لا بوي اسير ويا كريموه ولا انفصل من المدرسه
راشد : ههههههههههههه اسولف وياج .. بوديج
ريم : ( سارت ولوت عليه ) فديت روحك
راشد : ما يسوى عليج الا بوديج المدرسه مب اتلانتس
ريم : هيه تعال عطاري اتلانتس شله ما اتوديني
راشد : اقول قومي البسي عباتج خلينا انسير
ام عبد الله : وين .. ما بتريق
راشد : لا ما اشتهي
ام عبد الله : وانا يالسه اترياك
راشد : يلا عن خاطرج باخذ لي كوب حليب
ويلس يشرب الحليب
ريم : انا جاهزه
راشد : وين اختج
ريم : أي ها هندووه سارحه من متى
راشد : خيبه شعندها
ريم : اخي العزيز الساعه الحين ثمان
راشد : يالسباله وانتي شله ما سرتي .. الحين بدا الدوام
ريم : عااادي
راشد : انتي عمنو ظاهره جييه .. انا احيد البنات اتعيبهن الدراسه
ريم : على اخويه الغالي وانا عندي غيره
راشد : اخطفي اخطفي انتي خليني اوديج
وظهرو من البيت

وفي بيت بو حمد
شما حليلها زاهبه من الصبح وتتريا ناصر اينش يوديها .. ظاري منصور يوديها ... بس واخيرا نش ناصر ووداها
راشد وناصر وصلو في نفس الوقت المدرسه .. من اول ما وقف راشد ناصر يا وقف وكانت سيارته مجابله سيارة راشد ... وراشد كان مجابل شما الويه بالويه
شما وريم اتغشن وانزلن راشد وناصر اتريوهن لين ما احدرن واتحركو
ناصر : افففف .. هالبنت شو سالفتها مشيتها وثقتها في عمرها ما توحي انها هي نفسها اللي ترمس منصور
راشد : ويل حالي من هالمشيه انا .. فديت هالزول
ريم وشما احدرن رباعه ويالسات يمشن بسرعه عشان ما تنتبه الهن الاخصائيه .. بس للاسف شافتهن
الاخصائية : بنات
ريم وشما وقفن محلهن
شما : ياك الموت يا تارك الصلاه
وعقب افترن صوبها
ريم : مرحبا الساع .. حيا الله ابله عليا
الاخصائيه : الشيخات ليش هي وكاله بدون بواب حادرات الا جييه والا الاجازة نستكن قوانين المدرسه
ريم : ابله الله يهديج .. اليوم بعده اول يوم
الاخصائيه : ليش متاخرات
ريم : اتريا البشكاره لين اتكويلي عباتي وشيلتي
الاخصائيه : وانتي الشيخه شما
شما : ابله اتريا اخويه لين ما نش ويابني
الاخصائيه : يعني عذر اقبح من ذنب ... انتي ما اترومين اتخلين البشكاره اتكويلج ثيابج فليل .. وانتي الثانيه شي باص ليش ما اتيين فيه
ريم : ابله هي مكوتلي عباه فليل بس انا يوم نشيت الصبح غيرت رايي وقلت ما ابا البسها
شما : وانا اخواني ما يخلوني ايي في الباص
الاخصائيه : انزين يلا سيرن صفكم بسرعه .. اليوم سماح لانه اول يوم بس اشوفكن اتن مره ثانيه متاخرات
ريم : افاا عليك امره ما بنتاخر غير هالوديه
وسارن صوب الصف ويوم حدرن
ريم + شما : السلام عليكم
البنات كلهن تمن يباغمن من شافنهن ... لان ريم وشما البوس في الصف
ريم وشما سون طاف حق الابله وكان عليهم تاريخ ويلسن ايسلمن على ربعهن
الابله : خلصتن
ريم : هيه
الابله : لا والله متاخرات وبعد يايات اتضيعلي الحصه
شما : افااا عليك ابله اذا ضاعت بندورها
البنات :ههههههههههههههههههههه
الابله : والله قوات عين بعد يالسه تطنزين
ريم : شموووه عينج قويه ... عيل بشركها في الريس
البنات : هههههههههههه
الابله : انتن الهنتين اذا ما يلستن باحترام اظهرن من الحصه
ريم : لا استهدي بالله لا نظهر من الحصه ولا شي خلاص بنيلس
ويلسن وطافت الحصه وطاف هاليوم عالبنات بشوي شوي الحصه عن سنه وقبل لا تخلص الحصه الاخيره بعشر دقايق سمعن البنات الهرنات عند باب المدرسه ( طبعا بنات الثنويه يسمعن الصوت لان صفهن قريب عالباب)
البنات : راشد ال........... وصل
ريم : وفديت اخويه ... حس ابي اني طفرانه من الحصه ( ونشت ويلست تلبس عباتا ويايه بتظهر من الحصه وكان عليهن دين )
الابله : ها وين على الله
ريم : ابله اخويه يا
الابله : لا والله يعني اخوج يا تظهرين جييه من الحصه .. ماشي طلعه لين يدق الجرس
ريم : لا ابله اخويه ما بييلس يترياني لين يدق الجرس .. بعدين عيب اخلييه يتريا .. ابله الحين انتي اتعلمينا نحترم اللي اكبر منا والحين اتقوليلي لا تسيرين ما يصير هذا مب احترام اخويه واقف برع وانا يالسه هنيه
ابله : اقولج شي .. سيري فكيني من لسانج
ريم : يلا بنات باااااي
ظهرت ريم وركبت السياره
ريم : الله يغربلها من ابله كانت مب مخلتني اظهر
راشد : وطبعا انتي قلبتيها
ريم : اكييييد والدليل اني عندك
راشد : شو رايج باستعراض
ريم : جان زيين
راشد : اووكي شو تبين
ريم : ويل عشان يسمعنه البنات
راشد : اوكي
راشد شخط ذاك الويل اللي ما بعده
البنات في الصف تمن يباغمن
ريم : تلقا الصف مشتل الحين ... بس حرام شمووه فديتها تمت روحها
راشد : اووه لو دريت جان سويت حق اخوها ايي ايشلها
ريم : يلا مره ثانيه
ردو راشد وريم البيت
والعصر رد حمدان من بوظبي واليوم الثاني سار وسجل خواته في المدرسه
اخته عنود صف ثاني ثانوي وسجلها في المدرسه اللي تدرس فيها ريم
واخته عهود صف سابع وسجلها في مدرسه اعداديه قريبه من بيتهم
وعقب ما طافن كمن يوم ظهر بو حمدان من المستشفى وردت لحمدان ابتسامته مره ثانيه عقب ما شاف ابوه رد شرات قبل

وبعد اسبوعين
يوم الخميس الساعه 10 فليل
راشد اتصل حق هزاع
راشد : السلام عليك
هزاع : وعليك السلام
راشد : وشحالك
هزاع : حالي اخير عن حالك
راشد : اوووه الريال مستانس خير انشا الله ونسنا وياك
هزاع : باجر انشا الله بتعرف
راشد : وليش مب الحين
هزاع : جييه
راشد : انزين باجر متى
هزاع : باجر المغرب .. ترا نحن بني نتعشا عندكم
راشد: حياكم الله
هزاع : الله يحييك
ويلسو يسولفون شوي وخلاف سكر عنه

[آڷصّغيرۉنہْ ™]

الــــــــبآرتً الـ ح ـــادي عشر ‘‘ اليوم الثاني
المغرب وفي بيت بو عبد الله
بو حارب وعياله يايين عندهم الرياييل كانو يالسين في الميلس
تمو عندهم لين الساعه 10 وخلاف ردو بوظبي
بو عبد الله وعبد الله وراشد حدرو البيت
ام عبد الله : ها روحو خطاركم
بو عبد الله : هيه ... يا ام عبد الله وين هند
ام عبد الله : في حجرتها
بو عبد الله : ازقريلي اياها
راشد : انا بسير ازقرها
سار راشد وزقر هند وحدرت ويا امها وابوها الحجره
ريم من شافت راشد زقر هند نزلت تحت
ريم : رشوود شو مستوي
راشد : اتريي شوي وبتعرفين
ريم : انت تعرف
راشد : هيه اعرف
ريم : عيل قولي
عبد الله : قالج شوي وبتعرفين .. يعني ما تعرفين تسكتين
ريم : افففف .. انزين خلاص سكتنا
شوي وظهرو بو عبد الله وام عبد الله وهند من الحجره
راشد : ها انقول مبروك
بو عبد الله : هيه
راشد : عيل مبروك يا هند
ريم : ايييييه انتو بلاكم على شو اتباركولها
ام عبد الله : اختج انخطبت
ريم : والله .. وناسه بيستوي عندنا عرس وبلبس فستان وبتعدل
راشد : اندوكم بشو اتفكر .. بدال ما اتقولين الله يسعدها ويا ريلها
ريم : هيه تعالو من اللي خاطبنها
عبد الله : هزاع ولد عمي
ريم : منووو.. هزاع
راشد : هيه هزاع ليش بلاه
ريم : لا ما بلاه شي عالعموم مبروك يا خويتيه ( وسارت وباستها )
هند ( كانت مستحيه ومنزله راسها وعقب سارت عنهم فوق )
ريم : تعالو هزاع مب في الكليه كيف بيعرس
راشد : هم الحين بيملجون وفي الصيف العرس .. وهو السنه اليايه اخر سنه له في الكليه
ريم : يعني السنه اليايه هي شو بتسوي وهو في الكليه
راشد : بتي هنيه عندنا لان هي روحها عندها دراسه
ريم : مب حلو جييه ... ما يشوفون بعض الا في الويك اند
راشد : وانتي اشعليج .. بعدين انتي مالج في هالامور .. صخي احسنلج
ريم : يا ربيييه

وخطف هالاسبوع
بالجمعه يو قوم بو حارب واتفقو على الملجه انها اتكون بعد اسبوعين والعرس بيكون شهر سته
وفي الصاله وعقب ماروحو قوم بو حارب
ريم : اللااااااااااااه يعني الحين شي حواطة سوق
راشد : هههاي ... تحلمين .. اصلا ابويه قاللهم سدو الزهاب ارواحكم
ريم : ليييش .. حرام
عبد الله : الحين العروس مارمست انتي شخصج
ريم : وانتي الواحد ما يروم يقول رايه عندكم
راشد : هيه ... يوم بتعرسين قولي رايج على كيفج
ريم : ومنو قالكم اني بعرس
راشد : ها عيل بتمين مجابلتنا طول العمر
ريم : هيه .. معبله عليك
راشد : هيه
ريم : والله يالسه في بيت ابويه وهو اللي يصرف عليه يوم بتعطوني اريال واحد ارمسو
راشد : لسان محد يروم عليه

وفي لندن
علي : منصور بس عاد من ييت وانت على هالحاله ما تبى اتقولي بلاك
منصور : خالي دخيل الله خلني بحالي
علي : من متى وانا مخلنك على هواك .. بس عاد ما اتشوف حالتك من ييت وانت ما طلعت ولا شي سر شوف شكلك اشقا قادي لحيك اشكبرها
منصور : صدقني بييك في يوم وبقولك بلايه بس مب الحين
علي : متى يوم بيظهر الشيب في راسك من الهم والتفكير
منصور : خالي دخيلك خلني بروحي
علي : على هواك انا طالع .. تبى شي
منصور : مشكور
وظهر علي عنه وتم منصور على حاله وهو يفكر ومب عارف شو يسوي هو يحب ريم ويباها بس مب قادر ايسير يخطبها لانه ايحس ابعمره انه ما بيوثق فيها عقب ما رمسته... وميره تعبت من كثر ما تتصله واطرشله مسجات بس هو مبند تيلفونه
وفي بيت بو حمد
شما طول الوقت ملانه ظاري منصور ييلس ويسولف وياها ناصر طول الوقت طالع واذا كان موجود في البيت ايكون راقد ومن اتسير عند يدتها عشان تقصر الدوب وياها اتشوف سهيل ويتم يضايقها فترد بيتهم

[آڷصّغيرۉنہْ ™]

وفي بيت بو حمدان
حمدان يالس ويا خواته
حمدان : ها عنود شو المدرسه
عنود : اوكي ..بس مب شرات مدرستي في بوظبي
حمدان : افااا ..ليش مب مرتاحه هنيه
عنود : هو عادي بس هناك ربيعاتي والابلات اعرفهن هني ما اعرف حد تامه شرات المقطوعه
حمدان : انزين ليش ما ترابعين البنات اللي وياج
عنود : هو انا عادي وياهن هن يعاملني اوكي بس انا ما احب اخالطهن وايد ما اعرف بس هم غير عني
حمدان : انزين ...اااا اخت ربيعي راشد بنت سعيد ال........تتلاقين وياها في المدرسه
عنود : هيه اول ما داومت تمت ويايه واتعرفني عالبنات والابلات
حمدان : انزين ليش ما اترابعينها
عنود : هي ثانويه عامه وانا ثاني ثنوي وبعدين هاي ما تنخلا بروحا طول الوقت البنات وياها مسوتلها حزب في المدرسه
حمدان : والله
عنود : هيه هاي من تقول كلمه سيده تنفذ .. بس هي اكثر شي ويا وحده اسمها شما بنت سيف هالهنتين دووم ارباعه ومخبلات بالابلات خبال
حمدان : تدرين انا وراشد كنا جذيه
عنود : اووه يعني هي ظاهره على اخوها
حمدان : يمكن
عنود : بس تراها وااايد خقاقه
حمدان : هههههههه ... عاد الحين صدق ظاهره على اخوها ... هم اتشوفينهم جييه بس صدقيني يوم اتعرفينهم هم غير طيبين وايد ويدخلون القلب
عنود : جايز
حمدان : عنود انا اجازتي خلصت وباجر برد بوظبي ... ما اوصيج ابويه يوم الثلاثاء مراجعته اذا انا ماقدرت ايي ودوه انتو ويا دريول قوم عمي انا مرمسنه من اتسووله تيلفون اييكم ... ليين ..اييب الكم دريول
عنود : انشا الله
حمدان : واذا احتيتو حق شي لا تقولون حق ابويه سوولي تيلفون وانا بييبلكم اياه
عنود : اوكي

وطاف هالاسبوع
ويوم الخميس رد حمدان من بوظبي
وريم شاله البيت تبى اتسير دبي تاخذلها فستان حق ملجة هند ... هند المسكينه لين الحين ما خذت الها فستان ... وريم مشتطه
ريم : رشوووود دخيلك ابا اسير اخذ لي فستان
راشد : انا ما اروم سيرن ويا الدريول
ريم : رشوود انت تعرف ان الدريول ما يدل في دبي
راشد : انا ما يخصني .. هذا اللي قاصر اسير احووط ابكن جني دريول الا هالمحل .. الا هالمول الا هالشارع انا هالشغله ما اتيوز لي
ريم : رشوود حرام عليك .. اكييه شموه من اتقول حق اخوانها تبى اتسير مكان ايودونها ... والله احييد يوم عرس اخوها ما تم مكان ما ودوها اياه عشان تاخذ الها فستان وما يعيبها شي اخر شي فصلت عند وليد عطله ... وانت مب طايع اتوديني حتى اشتري جاهز
راشد : ( وفي خاطره ) فديت هالطاري وعقبال ما اتفصل فستان عرسنا عند وليد عطله
ريم :رشووووووووووود
راشد : وويع يا ربي .. خلاص بوديكن بس ان تميتيلي اتحنين يويلج
ريم : خلاص انا ما برمس
راشد : هيه جيه احسن
واليوم الثاني عالعصر وداهن راشد دبي عشان ياخذون فساتين
ريم ختلها فستان اسود وعنابي كان وايد حلوو عليها .... بس هند ما حصلولها فستان ملجه زاهب .. فسارو محل اللي ياجرون فيه فساتين الاعراس ... ولقولها فستان وردي
يوم كانت هند اتقايس الفستان ... راشد كان واقف برع ويطالع الفساتين جان يشوف فستان ذهبي كان وايد حلو
راشد : ريموووه
ريم : هاه
راشد : اتشوفين هالفستان يوم بملج بخلي حرمتي تاخذه
ريم : والله انك متفيج ... اصلا هي ما بتشاورك يوم بتاخذ فستان الملجه
راشد : ليش هي عكيفها
ريم : عيل عكيفك
راشد : هيه
ريم : انا من الحين اقول الله يعين حرمتك عليك
راشد : جب انتي جب اصلا انا الغلطان اللي ارمس وحده هبله شراتج
ريم : هبله حرمتك
راشد : ما تسوينها انتي حرمتي
ريم : يااااله هذا انت وبعدك ما خذتها ادافع عنها جييه الله يعين يوم بتاخذها
راشد : بتشوفين .. اصلا انا حرمتي ببزيها بزا بسفرها وبحوطها ما بخليها تيلس يوم واحد في البيت ... بقديها في مطعم وبعشيها في غيره وبوديها وين ما تبى
ريم : هيه الحرمه بتتبرض عليها الا نحن بالموت يااله اتودينا مكان
راشد : كيفي
وفي هاللحظه رن تيلفون راشد
راشد : مرحبا الساع
حمدان : الله يرحبك عفظله
راشد : حي به الظبياني
حمدان : بك حي يا بو سنيده .. بعدين خلاص انا استويت عيناوي الحين
راشد : لا مكس عيناوي ظبياني
حمدان : هزرك
راشد : وعلومك
حمدان : علوم الخير
راشد : وين انت امس ما ريناك
حمدان : تدري من رديت شليت خواتي ووديتهن دبي يبن يشرن طول الاسبوع محتايات للاغراض ويتريني لين ايي ... فوديتن
راشد : يا حيك
حمدان : وين انت الحين
راشد : فدبي
حمدان : شو اتسوي
راشد : حالي من حالك يايب خواتي تدري عندنا ملجه الاسبوع الياي
حمدان : هيه صح .. مبروكين
راشد : الله يبارك في حياتك ... عقبالك
حمدان : وانت بعد
راشد : الله يسمع منك
حمدان : ههههه يحليلك تغمض
راشد : ويا ويهك
حمدان : اقول متى بترد العين
راشد : عالعشر بكون عندكم انشا الله
حمدان : خلاص عيل بغيتك في سالفه
راشد : امر
حمدان : يوم بنتلاقا بنرمس انشا الله
راشد : خلاص عيل .. وين تبانا انتلاقا
حمدان : يوم بتوصل اتصل لي وبقولك انا وين
راشد : خلاص عيل .. في مان الله
حمدان : في مان كريم
وبند عنه شوي وخلصن البنات ووداهن خلاف مول الامارات واتشرن اللي يبنه وخلاف ردو العين ... راشد من وصل اتصل بحمدان وقاله حمدان انه في مبزره .. وسار صوبه
حمدان كان موقف الموتر ويالس فيه ويتريا راشد واول ما وصل راشد .... نزلو وتمو يتمشون
راشد : خير شو السالفه اللي بغيتني فيها
حمدان :ااااااااااااااا ما عرف شو اقولك
راشد : حمدان ارمس
حمدان : راشد باختصار السالفه وبدون مقدمات انا ابا اناسبكم
راشد ( انصدم )
حمدان : راشد انا ...
راشد : انت اخو عزيز وغالي ... والساعه المباركه يوم بتناسبنا نحن ما بنلقا اخير عنك يا حمدان ... بس ترا انا مالي شور الشور عند ابويه .. بس انا متاكد ان ابويه بيوافج
حمدان : بس
راشد : شو
حمدان : ترا انا انت اتعرف اني لين الحين ادرس وابويه يصرف عليه لين الحين .. بس صدقني ما بقصر عليها بشي لين ما اشتغل
راشد : حمدان نحن نناسب ريال مب فلوسه
حمدان : هذا الرجا فيك يا بو سناد
وتمو يسولفون وخلاف كل واحد منهم رد بيته
راشد سار سيده صوب ابوه عشان يرمسه في السالفه
راشد : ابويه انت تعرف حمدان ربيعي
بو عبد الله : حمدان
راشد : حمدان بن سلطان
بو عبد الله : هيه .. بلاه
راشد : ابويه حمدان يبى يخطب ريم
بو عبد الله : والله ونعم الريال وما اظني نحن بنلقا حد اخير عن حمدان
راشد : وانا قلت جذيه .. هو رمسني عشان يعرف ردنا قبل لا ايون يخطبون رسمي
بو عبد الله : والله انا ما عندي مانع بس اختك ما يندرابها
راشد : ودها هي يوم بيظويها حمدان
بو عبد الله : جنك ما تعرفها ... بتقول مابا عرس وانا بعدني صغيره وما دري شو
راشد : ابويه لا تسويلها شور صدقني انك بتطمن عليها وهي عند حمدان
بو عبد الله : انت خلنا انخلص من ملجة هند وخلاف بنتفيج لريم
راشد : بس هو يبى مني رد عشان اييون يخطبون
بو عبد الله : عقب ما تملج هند حياهم الله في أي وقت
راشد سار حجرته وخبر حمدان عن اللي قاله ابوه... حمدان استانس وايد وباليوم الثاني قال لهله انه يبى يخطب .. اهله فرحو ... لان حمدان ولدهم الوحيد ومنى عينهم يشوفونه معرس
بوحمدان : خير ما اخترت يا ولدي ونعم العايله اللي بتناسبها
حمدان : ابويه هم الاسبوع الياي ملجة بنتهم والاسبوع اللي عقبه نحن بنسير نخطب
بو حمدان : باذن الله
حمدان : مشكور ... يطولي بعمرك ( وحب ابوه عراسه وظهر عنه )
عنود نازله من فوق
عنود : حمدان صدق اللي سمعته
حمدان ( والابتسامه على ويهه ) : هيه صدق
عنود اربعت ولوت عليه وتمت اتصيح
حمدان : ( وهو يضحك ) بلاج انا بعرس ما بسير الحرب
عنود : ( وهي اتصيح ) ما اعرف ليش صحت بس صدقني انا مستانسه وايد لانك مستانس .. الله يوفقك يا خويه
حمدان : انتي عرفتي منو هي اللي انا باخذها

[آڷصّغيرۉنہْ ™]

عنود : لا
حمدان :ريم
عنود : أي ريم
حمدان : ريم اخت راشد ربيعي
عنود : ريييييييييم
حمدان : هيه
عنود : انته شايفنها صح
حمدان : هيه
عنود : وانا اقول الريال قبل يرمسني عنها ويمدح فيها وفي اخوها ثرك حاط عينك عليها
حمدان : ههههههه ... اااااخ منج انتي فاهمتني صح
عنود : الصراحه البنت حلوه ...اي حلوه الا قمر
حمدان : اسكتي عني انا روحي بمووت عشوفها وانها اتكون ويايه وانتي بعد اتزيديني
عنود : انشا الله هالمره تتوفق وما ( وسكتت )
حمدان : وما تفقدها كملي ليش سكتي
عنود : انت لين الحين اتفكر بغاليه
حمدان : تدرين غاليه كانت طول الوقت في بالي بس من شفت ريم تفكيري فيها قل .. بس ما اظن اني بقدر انساها
عنود : حمدان لا تقول جييه انت لازم تنساها عشان تقدر تعيش بسعاده ويا ريم
حمدان : بحاول ولو اني اعرف اني ما بقدر ... غاليه الانسانه اللي سكنت قلبي وحبيتها بس ... الله يسامح اللي كان السبب ( ونش وسار صوب الباب عشان يظهر )
عنود : حمدان ... انا اسفه
حمدان : على شو انتي ما سويتي شي
عنود : انا دووم جييه دووم انا اللي اضايقك ( وتمت تصيح )
حمدان : ( سار ولوا عليها ) عنوودي حبيبتي انتي ما ضايقتيني
عنود : انت تقول جييه عشان ما اصيح بس انا اعرف انك متضايق
حمدان ( وتم يمسح دموعها من على خدها ) : صدقيني انا مب متضايق وعشان تتاكدين شو رايج نظهر ارباعه
عنود : الحين
حمدان : هيه ما حد يدريبنا ... بنتحوط شوي وبناخذ النا سندويجات وبنرد
عنود : اوكي .. بس لحظة بسير البس عباتي
حمدان : وشله العباه مب لازم شيلج هاي اتسد
عنود : عادي
حمدان : هيه
وظهر وتم يحوطها في شوارع العين وخلاف سار صوب الكافتيريا بياخذ سندويجات ... وفي هاللحظه اتصل له راشد
راشد : وين
حمدان : عند الكافيتيريا ياي اخذ لي سندويجات
راشد : شو بتاخذ شوارما
ريم كانت يالسه عدال راشد وسمعته وهو يقول شوارما
ريم : اللاااااااااه .... شوارما انا ابا
راشد فرها بالكوشنه عشان تسكت
حمدان : اقول بو سناد انتو كم شخص يالسين
راشد : ليش
حمدان : بييب الكم سندويجات ويايه
راشد : لا لا تعبل ععمرك
حمدان : لا عباله ولا شي .. خلاص انا بييك عقب شوي
طلب حمدان سندويجات ازياده
عنود : حق منوه
حمدان : حق رشووود واهله
عنود : ايوااااا بدينا من الحين بعدك انزين حت خطبه رسميه ما خطبتها
حمدان : عندووووه صخي
عنود : يا بختج يا ريم
عقب ما خذو السندويجات سار حمدان صوب بيت قوم راشد ... ويوم وصل دق هرن
ريم : هرن غريب
راشد : هذا موتر .. ( وسكت الاخ كان بيقوللها ريلج بس الله ستر انه سكت )
ريم : موتر منوه
راشد : موتر ربيعي
ظهر راشد وسار صوب حمدان بس يوم قرب من السياره انتبه ان في حد وياه في السياره .. فوقف بعيد ... ونزل حمدان وكان شال وياه الكيس ومشا صوب حمدان وعطاه اياها
راشد : جييه ابوي يايب حق فريج
حمدان : يااله عاد انا شو يايب
شوي ويظهر حميد من البيت ويربع صوب حمدان ..
حمدان : هلا والله ( وشل حميد )
حميد : عمي انت من ذمان ما ييتنا
حمدان : تراني مشغول
حميد : مسغول ليس انت تيلفون ... انا يوم اسوي حق باباه يقولي التيلفون مسغول
حمدان وراشد : ههههههههههههههه
حمدان : ماشا الله عليه
راشد : سنافي ظاهر عليه
حميد : عمي تدري النداله مالتك خدتها عمووه ليم
حمدان : افاااا خلاص تبا غيرها
حميد : هيه
راشد : لا والله الشيخ حميد يازتلك السالفه
حميد : عيل خل عمووه تعتيني النداله
راشد : انزين ... يلا انت ادخل داخل برد عليك
حمدان : حميد بتسير ويايه البيت
حميد : هيه
راشد : جييه ابويه ربيع من خطف
حمدان : خله يسير ويايه باجر برده الكم
راشد : لا يابويه ما فينا على ابوه و امه بياكلوني
عنود من شافت حميد اتخبلت عليه .. جان ادق حق حمدان هرن
حمدان : اسمحلي شوي اكييد تبى حميد خواتي يموتن عاليهال ( وشل حميد ووداه عند عنود )
عنود : فديته محلاه
حميد : انتي منوه
حمدان : هاي عنود اختي
حميد : ما اثوفج بطلي هادي ( وكان يقصد الشيله لان عنود متغشيه )
عنود : ما اروم ريال هنيه
حميد : منو
حمدان : راشد
حميد : عادي هدا عمي لاسد عمووه ليم ما اتحت السيله على ويها يوم اتسوفه
عنود: ههههههه .. فديته سوالف
حمدان : اسكتي انا امووت عليه .. توني اقول حق راشد بشله ويايه البيت
عنود : هيه خلهم يخلونا انشله انا بطالع عليه
حمدان : ما طاع ... انزين يلا هاتي الولد خليني ارده على عمه اكووه رشوود شكله بردان .. فضيحه من متى موقفينه
حمدان شل حميد وعطاه راشد وخلاف رد البيت هو وعنود وسار كل واحد منهم حجرته ...

اليوم الثاني
الساعه ثمان فليل
وفي بيت بو حمد
شما : نصور .... انا اتولهت على منصور ليش ما يتصل النا
ناصر : اشدراني انا روحي ما ارمسه مبند تيلفونه ... بس ارمس خالي علي و انشده عن اخباره ... تعالي هم ما يتصل حق امايه وابويه
شما : يتصل الهم مرات يرمسهم دقيقه ويبند
ناصر : زين والله يوم يرمسهم الا انا ما يسويلي سالفه
شما : بتظهر
ناصر: هيه
شما : انزين ايلس سولف ويايه شوي حرام عليكم والله اني مليت بروحي في البيت
ناصر : امايه وين
شما : سارت بيت وحده من ياراتنا
ناصر : انزين سيري عند يدتي
شما : ما اداني اسير هناك
ناصر : ليش
شما : جييه هناك عيال عمي ما اخذ راحتي يوم اسير هناك
ناصر : شمووه انزين انا مواعد ربعي الحين .. يلا باااي
شما : بااااي
شما ايلست بروحها بس خلاف ملت .. سارت اتصلت بريم بس ريم كانت مبنده تيلفونها ... سارت واتصلت الها عالبيت ... وشما كانت تدعي ان ما يرد عليها راشد ... بس ~ ما كل كا يتمناه المرء يدركه ... تجري الرياح بما لا تشتهي السفن ~ رد عليها راشد
راشد : الووو
شما : السلام عليكم
راشد : وعليكم السلام ورحمه الله
شما : ريم هنيه
راشد ( راشد عرف انها شما لانه ما يقدر ينسى صوتها ) : ريم فوق ... بس انا موجود
شما ما سوتله 1....2 ... سكرت التيلفون في ويهه
راشد : مردوده يا بنت سيف
فرد اتصل الها ... شما ردت بسرعه تتحرا ريم ردت تتصل ابها
شما : الووو
راشد : لا تعيدينها مره ثانيه ( وسكر في ويها )
شما : سبااااااااااااااااااال ... يا ربيه انا الحين شو اسوي لاعت جبدي .. اسير اتمشى في الحوي احسن لي
ظهرت شما تتمشى وخلاف يلست وتمت تطالع السما
وفي هاللحظه راشد كان خاطف من الشارع اللي جدام بيتهم ولمح وحده يالسه عالكراسي وتطالع السما وعرف انها شما لان ما عندهم بنات غيرها ... واتصل الها ... شما ردت عالتيلفون بدوون ما تطالع الرقم
شما : الووو
راشد : احبج كثر النجوم اللي تشوفينهن ( وبند عنها )
شما تمت منصدمه مكانها
شما : هذا كيف عرف اني اطالع النجوم
سهيل : منو هذا

[آڷصّغيرۉنہْ ™]

الــــــــبآرتًْْ الـثانيِ عشّرْ ‘‘

شما : هذا كيف عرف اني اطالع النجوم
سهيل : منو هذا
شما : ( اتروعت ... ما اتحيد ان في حد في البيت )
سهيل : بلاج اتروعتي
شما : هذا انت روعتني ويا ويهك
سهيل : بعدج ما جاوبتي على سؤالي منو هذا ؟؟
شما : منصور اخويه يعني منو بيكون
سهيل : متاكده
شما ( وهي محرجه ): انت شو تقصد
سهيل : يمكن اللي رافضتني عشانه
شما ( وهي شوي وبتصيح من رمسته ) : يالسبال يالحقير انت كيف تسمح لعمرك اتقولي جييه ( واربعت داخل وسارت حجرتها وتمت اتصيح )
سهيل ( يلس وتم يضرب بيده على ريله ) اااخ .. انا شو سويت كيف قلتلها هالرمسه ... يا ربيييه بدال ما اعدل الوضع اخربه

وطاف هالاسبوع عخير
يوم الخميس الساعه 2 الظهر
في بوظبي .. وفي بيت بو حارب
هزاع توه واصل من الكليه ... واول ما حدر البيت اتلقاله حارب
حارب : حيا الله المعرس
هزاع : حروووب متى ييت ( وسار وسلم عليه )
حارب : ما اروم ما احضر ملجه اخويه الغالي .. مع انك منقع خيانه ومعرس قبلي بس ما عليه
هزاع : انزين ما شي مشكله بندور لك وحده واملج عليها وبنسوي عرس جماعي
حارب: امورلك طيبه
هزاع : عيل
حارب : اسولف وياك ياريال انا اخر شي افكر فيه العرس
هزاع : شله
حارب : خلني اخلص الدراسه وخلاف افكر اني افكر في الموضوع
اليازيه : اوووه المعرس وصل .. يا مرحبا الساع ( وسلمت عليه )
هزاع : اللااااااااه وناسه بعرس
حارب : لا تصدق عمرك تراها الا ملجه
هزاع : ما عليه انزين العرس جريب انشا الله
حارب : ليش متى العرس
هزاع : شهر سته
حارب : وشله لعيله ... اتريا لين تتخرج
هزاع : نعم ... املج باجر واتريالي سنه لين اعرس .. خبال هو
حارب : انزين عيل يلا سر اتسبح وخلاف سر خلص امورك حق باجر
هزاع : اوووه انا مفصل ثياب في دبي بس ماعندي وقت اسير اييبهن
حارب : لا اتقول انك تباني اسير اييبهن
هزاع : دخيلك
حارب: ااااخ ... امري لله ... من العين يالمعرس
هزاع : نخدمك في عرسك انشا الله

وفي العين
وفي بيت بو عبد الله
البنات توهن رادات من الصالون
وفي الوقت راشد نازل من فوق وهو لابس مال الفروسيه
ريم : عوين العزم
راشد : بسير الوثبه
ريم : وقته الحين
راشد : من زمان ما سرت اركب خيل
ريم : انزين شلني وياك
راشد : وين اشلج هناك البقعه كلها شباب
ريم : يا ربييه يا هالشباب ليش هم في كل مكان
راشد : هيه ... يوم بسويلي عزبة خيول روحي بشلج
ريم : يوم
راشد : اقولج وين البوت مالي
ريم : ما ادري
هند : فوق في حجرتك
راشد : ما حصلته
هند : انا بسير اييب لك اياه
ريم : لا العروس افااا عليج استريحي انتي انا بسير اييبه
هند ( استحت )
سارت ريم اتييب البوت
راشد : ها هند شو المعنويات
هند ( نزلت راسها ) عادي
راشد : اشتريتي كل شي تبينه مب ناقصنج شي
هند : هيه
راشد : الله يسعدج انشا الله هزاع انتي روحج اتعرفينه ريال ونعم وانشا الله ما بيقصر عليج بشي
يت ريم ويابت البوت
ريم : ها يود
راشد : ما شي اسلوب احسن عن جييه الله يعين ريلج انتي جان بترمسينه جذيه
ريم : رشود بلاك انته من اقولك شي تميتلي ريلج وريلج
راشد : ليش ما بتعرسين
ريم : لا
راشد : ليش هو عكيفج
ريم : عيل عكيف منو
راشد : انا مب فاضلج الحين ... يلا باااي
ظهر عنهم وسار بالفتك

وفي دبي وفي بيت بو مايد
سلامه : ميوود متى بتودينا العين
مايد : وليش العين
سلامه : ميوود جيه نسيت باجر ملجة هند
مايد : هيه صح نسيت .. انزين الملجه باجر بنسير الهم باجر المغرب
سلامه : لا والله .. عيل نحن بنسير ويا ابويه جان الا باجر المغرب .. نحن نبى انسير يا اليوم يا باجر الصبح
مايد : ليش انشا الله
سلامه : اترانا نبى نتعدل وياهن
مايد : وشله تتعدلن اصلا جييه انتن العرايس
ميره : انا مالي خاطر اسير
مايد : شووو انتي مالج خاطر اتسير
ميره : هيه ... ورايه امتحانات يوم الاحد مب متفيجه
سلامه : يويلج من ريموه اذا ما سرتي
ميره : والله امتحاناتي اخير لي من ريموه ( ونشت وسارت عنهم حجرتها )
مايد : بلاها اختج من فتره متغيره
سلامه : اشدراني
مايد : 24 ساعه في حجرتها ما تظهر ولا شي ومن اقولها شي اتقولي اذاكر
سلامه : يمكن المسكينه تبا اتييب نسبه
مايد : ايصير
سلامه : المهم متى بتوديني
مايد : باجر الصبح وعيني بوديج ..
سلامه : اوكي .. بس اتنش بسرعه مب تيلسلي بنش وبنش وخلاف تكمل رقادك

[آڷصّغيرۉنہْ ™]

و في العين
عايله بو عبد الله كلهم متيمعين في الصاله ما عدا هند
عبد الله : ابويه ما تبانا نسوي خيام .. اخاف ايونا عرب وايدين ونتلوم فيهم
بو عبد الله : ما يحتاي ... ميلسنا عود ويشل وبعدين نحن مب عازمين ناس وايديين هاي الا ملجه بنعزم انشا الله في العرس
راشد : ابويه هزاع اتراه حاجز حربيه وقالي ارتب الهم مكان ... ما دلكم عاد تبونهم في الحوي ولا خاري
ام عبد الله : لا خاري احسن يوم في الحوي الحرمات اللي بيينا ما بيرومن يحدرن
راشد : خلاص عيل .. باجر بييبون الكراسي بخليهم يرتبونهن خاري
عبد الله : عيل يوم انهم بييلسون خاري بنرتب العشا في الميلس وفي غرفة الطعام عشان يشل
بو عبد الله : الراي العدل ... راشد عزمت ربعك
راشد : هيه
بو عبد الله : عزمت حمدان وابوه
راشد : هيه
ورن تيلفون راشد .. نش راشد وظهر في الحوي عشان يرمس
راشد : مرحبا
ناصر : مرحبتين .... اسمحلي مارديت عليك كنت في السينما وحاط التيلفون سايلنت
راشد : زين ... يحيك ... ناصر انا ابا رقم منصور
ناصر : ما عنده رقم
راشد : كيف يعني ما عنده رقم انتو شقا اترمسونه
ناصر : تدري اني مارمسته من سار وهو يتصل يرمس امايه وابويه من تيلفون خالي دقيقه ويبند
راشد : الحين كمل له قراب الشهر من سار لا رمسنا ولا شي .. يوم اقولك ان الريال هب خالي شي في خاطره علينا
ناصر : لا هو جييه روحه
راشد : شو روحه قبل يوم يسافر يرمسني 3..4 مرات في اليوم والحين من سار من شهر ما سمعت صوته
ناصر : والله ما ادري شو اقولك يا بو سنيده .. يوم انا اخوه ما يرمسني تباه يرمسك انت
راشد : انزين عطني رقم خالك
ناصر : خلاص بطرشلك اياه مسج
راشد : اوكي يلا اترياه
وبند عنه ووصله المسج ... اتصل راشد بعلي
علي : الووو
راشد : السلام عليك
علي : وعليك السلام ... منو الريال
راشد : وياك راشد بن سعيد ال........
علي : ونعم .. يا حيا الله هل العين
راشد : بك حي .. يا بوحسن
علي : وشحالك
راشد : بخير ونعمه يسرك الحال
علي : اكييد تبا منصور
راشد : هيه .. اذا هو عدالك
علي : هيه هذوه .. راشد انا اللي اعرفه انك رفيجه الروح بالروح .. جانك بتروم عليه ما ادري شو صايبنه من ياني وحالته حاله لا يظهر لا شي طول الوقت يالس وسرحان ويفكر
راشد : ما عليك امر عطني اياه
علي : انشا الله ... منصوور هذوه راشد خويك يباك
منصور : قوله ما يبى يرمس حد
علي : منصور
منصور( وهو يباغم ) : الله يلعن منصور والساعه اللي يا فيها منصور خلوني في حالي ( ونش وظهر وهاي اول مره يظهر فيها من يا لندن )
راشد : ( وفي خاطره ) معقوله هذا منصور ... منصور ما يبى يرمسني .. ليش انا شو سويت له .. ما حييد اني غلطت عليه في شي )
علي : اااا ... بو سنيده اسمحلي
راشد : لا تستسمح ولا شي ... يلا في داعت الله
علي : الله يحفظك
وبند عنه ورد راشد حجرته وهو يفكر بمنصور شو اللي صابه ليش استوى جذييه ... منصور اللي ما يقدر يقضي اليوم بدون راشد ولا ناصر اخووه ... (تم يالس شوي وخلاف رقد )

وفي حجرة ريم
الباب يندق
ريم : منوووه
هند : رقدتي
ريم : لا احدري الباب مفتوح
هند : ( احدرت وسارت ويلست عدال ريم عالشبريه ) ما فيني رقاد قومي سولفي ويايه
ريم : ياااله لهالدرجه زايغه
هند : مب زايغه بس ما اعرف ... يوم بتكونين في محلي بتعرفين شو يعني
ريم : انزيين شو تبينا انسوي
هند : ما اعرف .. أي شي
ريم : اتشوفين فلم
هند : اوكي
ريم : بس بشرط انتي اتسوين البوب كورن
هند : وليش البوب كورن شي جبس امس فطيم سايره الجمعيه ومب مخليه شي
ريم : خلاص عيل انتي سيري ييبي الجبس وانا بسير اييب الفلم
هند : من وين
راشد : بسرق من عند رشوود واحد .. الافلام اللي عنده كلهن كشخه
هند : واذا كان واعي
ريم : لا رقد قبل لا احدر حجرتي شفته انه راقد
هند : اوكي يلا عيل
سارت هند ويابت الجبس وريم احدرت حجرة راشد واسرقت الها فلم رعب
راشد انتبه للقرقعه اللي في حجرته بس ما بقا اينش
يلسن البنات يطالعن الفلم ... كانن مبندات الليتات ومسويات الهن جو .. هند من اتشوف لقطه اتزيغ اتقمض عيونها وريموه اتحط الكوشنه على ويهها
راشد قام على صوت التلفزيون .. وسار يوم ظهر شافهن بس هن ما شافنه لانه كان وراهن
راشد رد الحجره وبطل فراش الشبريه ( الابيض اللي تحت)
راشد : انا ارويكن ... عشان اتحرمن تسرقن من عندي شي مره ثانيه
راشد حط الفراش عراسه ويا يربع ونقز من عالقنفه ويلس امبينهن
ريم + هند : وااااااااااااااااااااااااااااااااااااااااااااااااا ااااااااااااااااااااااااا
عبد الله اخوهن نش زايغ من الصريخ وياهن يربع .. راشد من سمع صوت باب حجرة عبد الله ينفج ربع ورد حجرته وسوا عمره راقد .. طبعا هن ما انتبهن له لانهن متبريدات من الزيغه ومغمضات عيونهن
عبد الله : بلاكن
ريم : عبووود وسارت تربع صوبه طلع النا شي
عبد الله : شوو
ريم : جنييييييييي
عبد الله : جني
ريم : هيه نحن يالسات انشوف الفلم عقب شفنا شي يالس امبينا كان لونه ابيض
عبد الله : لا ابووي يتراوالكن ماشي هنيه بس انتن اتاثرتن وايد بالفلم
هند : لا عبد الله والله شفنا شي
عبد الله : سمن باسم الله وسيرن ارقدن وما شي بييكن
ريم : هندوووه تعالي ارقدي ويايه
هند : انزين
عبد الله : ههههههه .. صدق انكن بنات ... روعتنا وخليتنا انش من رقادنا
ريم : شو اتحرانا انقص عليك
وسارن وحدرن الحجره وقفلن الباب وعبد الله رد يرقد
وراشد في حجرته ميت من الضحك عليهن
راشد : انا اادبكن ان ما خليت ليلتكن هاي رعب ما كون راشد بن سعيد ... تبن تشوفن فلم رعب ... افااا عليكن برويكن اياه عاللايف
وتم يحوط يدور الهن شي ازيغهن به وهو يمشي في الصاله حصل
نفاخه .... ( اكيد استغربتو بتقولون النفاخه ما اتزيغ .. بس بفناتك راشد اتزيغ) سار وياب الفودر ماله و جبه عند باب حجرتهن ونفخ النفاخه بس ما ربطها خلا هواها يطير الفودر ويحدره عليهن في الحجره
ريم : هندو .. هندوه .... شووووفيييييي دخان ابيض
هند : ريمووووه ... اخاف بيتنا مسكون
راشد برع يسمعهن وهو ميت من الضحك
راشد : بيتنا مسكون ههههههه وانا اللي ساكننه
ريم : هندووووه اقري قران ...اقري قران
هندوه : انزين ... بس انتي ارقدي
راشد : والله ما خليتكن ترقدن اليوم
وتم يفكر بطريقه يزيغهن ابها .. بس ما حصل .. اتصل بحمدان
حمدان ( وهو زايغ ) : الوو
راشد : ايييه .. ايييه ... بلاك
حمدان : انت اللي بلاك شي مستوي عندك
راشد : لا ..بس روحي متصل
حمدان : وي تحاسب عدوك ... فلختني ياريال
راشد : بلاك مستوي مثل امايه تتروع من ادنات الدون
حمدان : هههههههه .. حلوه منك بس لا تعيدها
راشد : انت كنت راقد
حمدان ( وبطنازه ): لا مسوي بارب كيووو ويا الاهل ... يعني هالحزه شوو بسوي اكيييد راقد
راشد : اووووووه .. عيل اسمحلنا الشيخ ..
حمدان : انت تبى شي
راشد : لا بس انا مستوي جني واباك تفزعني
حمدان : جني !!!!
راشد : هههههههه ... يالس ازيغ خواتي خلصن كل الطرق عندي ابا شي يديد
حمدان : حراام عليك ... ليش انزين
راشد : هاي السباله خطيبتك حادره حجرتي وانا راقد وسارقه عني فلم رعب ويالسات يشوفنه هي واختا .. عاد انا دقني الخبال وتميت ازيغ هن
حمدان ( من قال راشد خطيبتخ استانس )
راشد تم يخبر حمدان عن الطرق اللي سواهن
حمدان : ههههههههههه .. صدق انهن بنات زاغن من هالاشيا
راشد : هيه عاد انا ضابط الدور ... يلا عطني طريقه ثانيه
حمدان : لا .. حرااام عليك ما بتخليهن يباتن اليوم
راشد : عاد انا منو ارمس .. اكييد ما ترضى عالخطيبه
حمدان : لا .. مايخصه بس
راشد : اذا مايخصه يلا عطني حركه اسويها
حمدان : انا ما اعرف في هالامور
راشد : ياله انت ما تعرف .. حمدان يلا عاد
تم حمدان يفكر
حمدان : رشووود لا ما شي في بالي
راشد : خلاص عيل ما منك فايده انا يتني فكره
حمدان : شووو
راشد : عقب بقولك
وبند عنه
راشد اتصل بريم
ريم وهند انقزن من سمعن صوت التيلفون
ريم : هذا تيلفوني
هند : منو متصل لج هالحزه
ريم : هذا رشوود
هند : ردي عليه
ريم : ( ردت عليه ) : الووووو
راشد : اه ... اه .. ريموه الحقي عليه ... انا تعبان .. بموووت .. ريمووه .. انا في ميلس الحريم .. ريموه سرعه ( وبند عنها التيلفون سيده )
ريم اربعت تحت بسرعه

[آڷصّغيرۉنہْ ™]

هند : ريموه وين سايره
ريم ما ردت عليها ونزلت تحت اول ما حدرت الميلس كان ظلام هي زاغت وتمت تمشي بشوي بشوي ... راشد يا من وراها وسكر على حلجها وحط ايده الثانيه على ارقبتها .... ريم اتيبست ... راشد استغرب انها ما سوت شي .... شوي ويت هند ومن حدرت شغلت الليتات
هند : رشوووود
راشد هد ريم وتم يضحك الا هلك من الضحك ... ريم بعدها مب مستوعبه السالفه
ريم : رشووود هذا انت
راشد تم يهز راسه بمعنى هيه
ريم : ( وتباغم ) يالهرم ... يالسبال
راشد : هههههههه
هند : شو السالفه انا مب فاهمه شي
ريم : وانت اللي كنت فوق
راشد : هيه
ريم : يعلك السم طيحت قلوبنا
هند : ليكون انت اللي كنت يالس اتزيغنا
ريم : هيه هو
راشد : عشان تحرمن تسرقن افلام من حجرتي
هند : والله انا ما يخصني هذي ريموووه
ويرن تيلفون راشد
راشد : اوووه هذا المعرس ... شكله ما ياه ارقاد
ريم : أي معرس
راشد لف بعينه صوب هند ... وهند استحت من نظرة راشد
راشد ( رد عليه ) :مرحبا بالمعرس
هزاع : مرحبتين
راشد : شو مسهرنك لهالحزه
هزاع : ما ادري ما ياني ارقاد ... زين يوم انت بعدك واعي عشان اسولف وياك
راشد : انا رقدت بس في حراميه سطو على حجرتي عشان جييه نشيت
هزاع : حراميه !!!
راشد : ريمووه وهندوه ( وخبره بالسالفه كلها ... وهو حاط اسبيكر عشان ريموه وهند يسمعن رده )
هزاع : يالهرم اتزيغ حرمتي ... ما تباني باجر احطك تحت تاير الفتك
راشد : اتروم انت
هزاع : ارووم
راشد : وماتباني انا بعد اشل هندووه واشرد ابها واخرب عليك الملجه باجر
هزاع : والله اتسويها ... اعرفك نذل
راشد : الحين انا نذل
هزاع : والله انك متفيج قابضلي عالوحده
راشد : انزين صح متفيج حد قالك عندي شغله
هزاع : انزين انا ضايج تعالي .. بسولف وياك
راشد : ها ها .. حلوه هذي انت ضايج .. وانا اضرب خط نصايف الليل
هزاع : اتراك اتقول ما عندك شغله
راشد : ما عندي شغله اوكي بس ما اضرب خط هالحزه
هزاع :والييه بوظبي اتسميها خط بعد
راشد : هيه خط عيل شو
هزاع : شو يبالها بالكثير ربع ساعه
راشد : هيه ربع ساعه .. والمستشفى نص ساعه .. والمعشره نص ساعه .. والعزا ثلاثه ايام .. اوكي
هزاع : اهبي شو هالفال
راشد : انا ادريبك .. عيل الحين الدرب من بيتنا لين بيتكم ربع ساعه كم تباني اسوق 260
هزاع : اللي يقول الحين انت عمرك ما سقت عالسرعه
راشد : اوكي اسوقها في شارع اعرف ان مافيه سيايير واايد مب خط بوظبي
هزاع : انزين انا بييك
راشد : عين خير وين اتي هالحزه ... تبى سولف في التيلفون
هزاع : عفانا الله ... بدال ما اتقولي حياك الله
راشد : والله اذا تبى اتي تعال حياك الله ... بس انا اقول جييه عشانك اباك ترقد يا بويه باجر بيصورونك في الملجه عن تطلع عيونك مسوده من قلة الرقاد
هزاع : هزرك
راشد : عيل
هزاع : خلاص عيل برايك .. بس تم سولف ويايه
راشد : ما تباني اعطيك هند تسولف وياها
هزاع ( مصدق الريال ) : والله ما عندي خلاف هاتها
ريم : هههههههههههههه
هند استحت وردت فوق
ريم : شردتوها
راشد : ههههههه حليلها شردت
هزاع : افااااااااااااا
راشد : وانت صدقت اني بخليك ترمسها
هزاع : يعني اللي يقول انا ما جد رمستها من قبل تراني ولد عمها عادي لو غريب بنقول
راشد : لا ما شي منقوووود آها ..
هزاع : لا والله
راشد : هييه .. ترا حتى عقب الملجه ما شي رمسه بعد
هزاع : اتخسي الا انت اتحراني بشاورك
راشد : انا اخسي .. انزين ما عليييه رقمها بسمي وان ما سرت وقطعته
هزاع : برايه انا بييبلها رقم غيره
راشد : والله اختي ظاريه على ارقام ثلاثيه ومتسلسله .. ما تبى ارقام منقعه
هزاع : انا الحين رقمي منقع
راشد : الصراحه .. هيه
هزاع : وهوا شلك يا رشووود تدري انا الغلطان اللي يالس ارمسك .. اسير ارقد اخير لي منك
راشد : وانا اقوول جذييه بعد
هزاع : ما عليه يالهرم باجر انتفاهم
راشد : هزاع .. صدقني أي حركه اتسويها فيني .. بتندم عليها
هزاع : شو بتسوي يعني
راشد : بخرب عليك الملجه
هزاع : ما اتروم
راشد : اوكي جرب وشوف
هزاع : شو بتسوي يعني
راشد : اروم اسوي وايد اشيا
هزاع : مثل
راشد : مثلا اسير اجلب عمري .. طبعا الكل بيفزع لي وبتتكنسل الملجه
ريم : رشووووود شو هالرمسه .. استغفر ربك
هزاع : اتغربلت جانك ... تبى اتنفد عمرك عشان اتغايض بي
راشد : انا اموري طيبه عادي عندي اسوي أي شي عشان مره ثانيه ما اتقولي ما اتروم
هزاع : خلاص ابويه اتروم .. اتروم بس دخيلك لا تسوي شي في عمرك خلاف انتوثم فيك
راشد : ههههههه ... انزين عيل اجلب ويهك وسر ارقد
هزاع : وانت بعد .. يلا تصبح عخير
راشد : وانت من هله
وبند عنه
راشد : وانتي شو ميلسنج لين الحين يلا حجرتج لا اييج جني صدقي هالمره
ريم : اميييييييه خلاص انا سايره حجرتي
وهي تصعد عالدري
راشد : ووووو
ريم انقزت نقزه
راشد : هههههه
ريم : رشووووود عن الاستهبال والله باجر خبرك عند ابويه يالسبال
راشد : تعالي .. انتي من ساعه اتسبين ما قتلج شي
ربع راشد وراها وهي من شافته ياي صوبها اربعت وحدرت الحجره وغفلت الباب
راشد : هههههههه ..صدق انها ياهل ينقص عليها ... الله يعينك يا حمدان جانك بتاخذها
ورد حجرته وقبض تيلفونه وتم يسمع الشلات اللي عنده في التيلفون .. وهو كل ما يسمع بيت في الشله يذكر شما وشكلها وصفاتها
راشد : اااااااااااااااخ يا شما اسميج انج ملكتي قلبي .. يا الله والله اني ما كنت اتوقع ان في بنت بتقدر على قلبي .. ااااخ شو سويتيبي من شفتج وانا عيني ما تشوف غيرج .. ( ونش وقبض ورقه وقلم وتم يكتب قصيده ... شوي واذن الفجر نش اتمسح ... وسار المسيد صلى ورد البيت وقبل لا يرد يرقد طرش مسج لشما ~ الصلاااااااه يا عباد الله ~ ... وصل المسج لشما وهي كانت اصلا ناشه للصلاه
شما : يا ربييييه منه مب عارف شقا يطرشلي مسجات يدور أي شي(وردت وطرشتله مسج ~ الحمد لله صليت ما ابا منبه للصلاه ~ ) واول ما وصل المسج لراشد ضحك .. وشوي ورقد

[آڷصّغيرۉنہْ ™]

الصبح الساعه 11
وفي بيت بو عبد الله
الكل ناش من وقت ومرتبش للملجه الا راشد
ريم : امااااايه وين فستاني
ام عبد الله : ويدي ... فستانج واتخبريني عنه
ريم : ترا البارحه يايبينه من الدوبي ومادري وين حطوه
ام عبدالله : اسألي جوهره عنه
ريم سارت عن جوهره
ريم : جوهرااااااااااااااااااااااااااااااااااااااه
جوهره : جييين جييييين ... شو يريد ؟
ريم : وين فستان مال أنا ؟؟
جوهره : أنا مافي معلوم
ريم : شو مافي معلوم عيل وين ساااااار ؟؟
جوهره : قولي هق كريم
ريم : ويدي الحين كريم شو يخصه ؟
جوهره : يمكن هوا جيب
ريم : اففف وينووو انزين ؟؟؟
جوهره : داخل حجره ماله
ريم : ويدي تبيني اسير حجرته بعد .. سيري سيري ازقريه .. الله يغربلج وياه !
سارت جوهره و زقرت كريم
ريم : كريييموه يبت فستاني من الدوبي ؟
كريم : اوووووه انا في نسيت !!
ريم : يعلك الماااحي يمحيييك اليوم الملجه ومايبت الفستان بسرعه جدامي مابا اشوف شكلك لين ماتيب الفستان
كريم : انزين ماماه ... بس انا ما في سياره في بس كروزر
ريم : وسم بتيب فستاني في الكروزر
كريم : شو يسوي
ريم : وين الفتك
كريم : سويج عند باباه راشد
ريم : يا ربيه وقته رشوود ... اففف انزين انا بسير اييب لك السويج
سارت ريم حجره راشد
ريم : رشووووووووووووود قوم نش
راشد :امممممممممممم
ريم :رشوووود وين سويج الفتك
راشد : .........................
ريم : افففف هذا انا شقا اوعييه الحين ... احسن شي ادور السويج بروحي
ويلست ادور السويج في الحجره ...بس مالقته
ريم : افففففف هذا وين يحط اغراضه ... يا ربيييه ما شي وقت .... رشووووووووووود نش
راشد : ......................
ريم : ما عليه انزين انا بوعيك ... رشووووووود الحق موترك اندعم
راشد : ها ..ها .. موتري( ونش واقف وياي بيظهر من الحجره )
ريم :هههههه ...رشوود اصبر اصبر اقص عليك
راشد : الله يغربل هالويه يا ربيي .... انتي كفو تجذبين عليه وتوعيني من ارقادي ما عليه يالهرمه .. وين بتسيرين عني ( ويا صوبها بيضربها )
ريم : رشووود .. دخيلك .. الشيمه .. لاتضربني حرام عليك ورانا ملجه ما فيني عالكدمات
راشد : اصلا وناسه بدال ما تحطين شي فوق عيونج بحطلج اياه طبيعي ( بالبكس)
ريم : لااااااااااااااااااااااااا
ويرن تيلفون راشد
راشد : الووووووووو
حمدان : خيبه بلاك
راشد : مشغول
حمدان : مشغول ليش انته تيلفون
راشد : هههههه سخيف
حمدان : شو اللي شاغلنك انشا الله
راشد : عندي ناس يبون تحفيز
حمدان : منو
راشد : ناس خلاف بخبرك منو هم
حمدان : لا عرفت ... رشووود حشم
راشد : هذيل ما يستاهلون الحشمه
حمدان :حرام عليك شو مسوين
راشد : موعيني من الرقاد
حمدان : يااااله ما يسوى عليك .. تضربهم عشان رقادك
راشد : ورقادي هين
حمدان : يا ريال ورفجه تحشم
راشد : خلاص بس لانك ارفجت .. بس والله ياليوم اني كنت بسوي علوم ( وفج ريم وهي شردت ووقفت عند باب الحجره )
حمدان : اقول ... ابوك تحت يرتب المكان وحالته لله وانت بعدك راقد
راشد : حرااام عليكم يا ناس والله راقد عقب الصلاه
حمدان : والله محد قالك مستولي سكني تالي الليل ... انزين يله قوم اسبح واتلبس وتعال النا تحت انترياك
راشد : شو تبوني
حمدان: رشوووود عن الكسل يله تعال
راشد :اااااااه .. انزين بيي يلا اجلب ويهك
حمدان : أي صفحه
راشد : سخييييييف .. يلا باي
حمدان : باي
وبند عنه
ريم : رشوود
راشد : وسم
ريم :بلاك انزين
راشد : شوفي واصل حدي .. انتي احمدي ربج فلتي من ايدي لا تخليني ارد عليج
ريم : لا خلاص خلاص .. بس انا كنت ابا سويج الفتك
راشد : شله
ريم : عشان الدريول ايسير اييب فستاني من الدوبي
راشد : وانتي موعتني عشان فستانج ... يعلج الماحي وياه
ريم : رشووود
راشد : افففف .. سيري بتلقينه في الرنج
ريم :انزين وين سويج الرنج
راشد : ااااااااااااخ
ريم : خلاص خلاص هذوه السويج عالتواليت
راشد : يلا شليه واطلعي لا اطلع روحج
ريم : انزيييين ( شلت ريم السويج وظهرت من الحجره وهي تتحرطم )
سلامه : هااااااااااااااااااااااي
ريم : سلااااااامووووه .. هلا والله ( وسارت وسلمت عليها وعلى مهاري )
سلامه : شحالج
ريم : بخير وسهاله ربي يعافيج .. عيل وين ميروووه
سلامه : امممممم والله ما ادري شو اقولج .. ميروه ما يت
ريم : اكيييد راقده وانتو سرتو عنها ... الحين منو بييبها هالسباله ...بتم لين العصر تتريا
سلامه : ريم ميرووه حتى العصر ما بتي
ريم : شووووو .. ليش ؟؟
سلامه : اشدراني ابها اتقول عندها امتحانات
ريم : تلعبها على غيري .. وميروه من متى يهمنها الامتحانات انا احيدها تتمنى اللحظه اللي بتي فيها عندي .. بس هي اصلا شي فيها عليه .. الحين لا تتصل ولا شي واذا انا اتصلتلها ترمس من ورا خاطرها
سلامه : ريموووه انتي اتعرفين ان ميرووه ما تشل في خاطرها عليج هي ما فيها شي بس يمكن صدق عليها امتحانات
ريم : الحين كمن ساعه بياثرن على امتحاناتها
سلامه : والله ما ادريبكن ... الحين خلينا من ميرووه العروس وين
ريم : في حجرتها
سلامه : عيل انا بسير عندها
في هاللحظه ظهر راشد من حجرته وهو بوزار وفانيله ويالس ايحك ايده وعيونه نص مبطله ونص مسكره
سلامه تعالو دوروها ماتت من شافته
راشد : ريموووه ابا جراجة تيلفون
ريم : بسم الله انزين جييه ظاهر جذييه استح عويهك عندنا عرب
راشد : أي عرب ( راشد ما انتبه لوجود سلامه ... المسكين شكله بعده راقد )
سلامه : السلام عليك
راشد ( شاف سلامه ورفع ايده بمعنى انه يسلم عليها ... سلامه سارت عنهم وحدرت عند هند )
راشد : ايه وين الجراجه
ريم : وين جراجك
راشد : مب طايعه اجرج اضني اختربت
ريم : انزين بييب لك اياها عقب شوي قبل انا بسير اعطي الدريول السويج عشان اييب لي الفستان
راشد : زين ... انا بحدر اسبح انتي هاتي الجرج و حطي الكروم يجرج ... وشغليلي الموتر عشان يحر
ريم: اوكي
حدر راشد يسبح .. وريم نزلت تحت

[آڷصّغيرۉنہْ ™]

وفي لندن
منصور يالس في الصاله ... وعلي توه ياي من برع
علي : السلام عليك
منصور : وعليك السلام
علي : اوووه اليوم ترد عليه بنفس
منصور : خالي اسمحلي اذا رفعت حسي عليك بس صدقني تراني ما كنت قاصد
علي : مسموح يا منصور .. وانا تراني ما اشل في خاطري عليك بس ليتك تقولي و اللي صابك
منصور : خالي الشيمه لا تيب هالطاري انا روحي ابا انسا
علي : خلاص انزين
منصور : بو حسن ما تبانا نظهر
علي : ها ... شو قلت نظهر .. يلا قم
منصور : شو ما صدقت
علي : اكييد ما اصدق انت تبا تظهر
منصور : ابا اغير جو شوي
علي : يلا عيل خلنا نقوم نبدل ثيابنا
وفي هاللحظه رن تيلفون علي
علي : هذا ناصر
منصور : عطني اياه انا برمسه
علي ( مستغرب من منصور ... وعطاه التيلفون .. وسار يبدل ثيابه )
منصور : مرحبا بهل العين
ناصر : منصور!!!
منصور : شحالك ؟؟
ناصر : بخير دامك بخير .. انت شحالك ؟
منصور : الحمد لله
ناصر : هااا متى بتي ... ياخي والله متوله عليك
منصور : حتى انا يعني اتحراني مستانس وانا بعيد عنكم .. تعرف اني ما اروم ايلس بلاك بس ....
ناصر : بس شووو .. خلاص انسى .. ترا السالفه ما تستاهل كل هذا
منصور : عندك انت ما تستاهل بس انا اشوفها تستاهل
ناصر : راشد شال في خاطره عليك
منصور : ادري .. دوووم يتصل وما ارمسه
ناصر : ليش انزين هوو شو يخصه
منصور : شوو يخصه ... اصلا هو السالفه كلها .. انا مسافر عشان ما اشووفه عشان ما ارمسه .. انت اتحراني ما ابا ارمسه والله اني متوله على سوالفه بس انا خنته خنت ربيعي ... مب هذا كلامك
ناصر : خلاص انزين .. انت البنت وما قمت اترمسها
منصور : ما اقدر
ناصر :ترا اليوم ملجت اخته عالاقل اتصل وبارك
منصور : شوووو ملجت اخته ... أي اخت
ناصر : ما اعرف ... بس انت شو يخصك ما قلنا خلاص انتهينا من هذيج السالفه
منصور : منو قالك .. ما ارمسها هيه بس مب معناته اني خلاص نسيتا .. انا احبها .. انت اتعرف شوو يعني احبها
في هاللحظه علي دخل الصاله وتم يسمع رمسه منصور وهو مب فاهم شي
ناصر : اول شي اللي بتملج مب اللي في بالك .. اختها العوده
منصور ( وهو يتنهد ) : ريحتني ... منو بياخذها
ناصر : هزاع ولد عمهم
منصور : الله يوفقهم .. انشا الله
ناصر : انزين ما بتتصل حق راشد
منصور : ناصر صدقني ما اقدر .. انت رمسه وبارك له عني وقوله اني كنت بتصله بس انشغلت
ناصر : ولو ان راشد ما بيقبل عالعذر السخيف بس بقوله
منصور : يلا عيل تامرني بشي
ناصر : سلامك
منصور : في داعت الله
ناصر : الله يحفظك
وبند عنه
علي : منصور انت تحب
منصور : هاااا .. انت سمعتنا
علي : هيه بس ممكن اتفهمني السالفه بالضبط
منصور : انت خلنا نظهر وانا بخبرك السالفه خلاف
علي : امري لله ... يلا خلنا نظهر

وفي العين
وفي بيت بو عبد الله
ريم اركبت في رنج راشد وشغلته ويلست تدور سويج الفتك ... شوي وحد يبطل عليها باب السياره
الريال : ما بغيت اتنش ( وانتبه ان اللي في السياره مب راشد ) اااااا .. السموحه الشيخه اتحريت راشد ( وسار عنها وهو يمشي بسرعه )
ريم بعدها يالسه في السياره ومنصدمه ... شوي وتشوف حميد يربع ورا هذاك الريال
حميد : عمي حمدان
حمدان : لبيه ( وشل حميد ووايهه وتم يسولف وياه لانه يمووت على سوالف حميد )
ريم حصلت سويج الفتك ونزلت من الموتر وسارت صوب الملاحق عشان تعطي كريم السويج ... وهي تمشي كانت عينها على حمدان ..بس ما قدرت اتشوف ويهه زين من ورا الغشوه والشمس ساطعه في عينها ... بس انتبهت انه يطالعها وعينه عليها ... نزلت عينها وتمت تمشي بسرعه .. وعطت كريم السويج وطرشته اييب فستانها وحدرت البيت وسارت عند هند وسلامه
سلامه : وين سرتي هالكثر
ريم : سكتن استوتلي سالفه توه
هند + سلامه : شوووو
ريم ( يلست اتخبرهن عن اللي استوالها تحت ويا حمدان )
هند : هذا اكييد واحد من ربع راشد .. ولا حميد شقا بيعرفه
ريم : ما اعرف اصلا انا ما قدرت اشوف ويهه زين
سلامه : الا راشد وين .. ليكون رد يرقد
ريم : اندوكم هذي انا في وادي وهي في وادي .. الحين شو ياب طاري راشد
سلامه : اااااا ريمووه عاد
هند : ههههه... الله يعينج الصراحه بتعانيين وايد جانج بتميين ورا راشد
سلامه : هيه انتي افتكيتي من هالسوالف اليوم بتملجين وبتضمنين الريل
ريم : اصلا هنووود ملجت ولا غيره امبونها ما اتفكر في هالامور
هند : هيه والله صدقتي
سلامه : هنووود مستانسه
هند : عااادي
ريم : ليش العرس يونس
سلامه : اكيييييد .. بس اذا كنتي ماخذه اللي تحبينه
ريم : مسكين حالج يا سلاموووه
سلامه : جب
ريم : تدرين مقهوووره من ميرووه السباله
هند : هيه صح حتى انا قوليلها اني زعلانه منها عنبووه ما تحضر ملجتي
سلامه : شوو انسويبها حايلناها انا وميوود اونه ورايه مذاكره وما ادري شوو واذا سرت بيضيع عني الوقت وما بسوي شي
ريم : لا والله ..والمذاكره ما اتخليها تتصل تيلفون وما اترد عليه يوم اتصل ابها ولا ترد على مسجاتي ... لا وتعطيني بلووك في المسن
سلامه : الصراحه انا ما ادري عن هالاشيا كلها يعني هي شكلها زعلانه عليج
ريم : بس انا ما سويتلها شي
شوي والبشكاره حادره عليهم
جوهره : ريم وين انا يهتي فستان مال انتي
ريم : هاتييه ( وخذت عنها الفستان ) سلااامووه شو رايج
سلامه : وايد حلو
ريم : عيونج الاحلا
سلامه : اسميج بتصكين عالمعازيم كلهم
ريم : اكيييد
هند : ريمووه مب جنه الفستان ما فيه ايد
ريم :هييهى
هند : وغربلات عدوج
سلامه : عااادي شو يعني ملجت اختها
هند : هذا عندكم بس نحن عندنا قص ارقاب
سلامه : خيبه .. خيبه ما يسوى عليكم
ريم : اييه انتن بلاكن سويتنها سالفه .. انا بلبس عباه فوقه
هند : هيه اشواا
سلامه : حراام عليج محد بيشوف الفستان
ريم : يا ماما بلبس عباه تور
سلامه : ايوااا
تمن البنات يسولفن
راشد خلص يسبح ونزل تحت عند ابوه وحمدان
راشد : صبااح الخير ( وحب ابوه عراسه .. ووايه حمدان )
حمدان : أي صباح الساعه 12ونص قول مسا الخير
راشد : حموود مب وقتك ... رووحي فيني ارقاد لا اتخليني اطيح هنيه واكمل رقدتي
حمدان : ههههههه... ما اتخيل شكلك راقد هنيه شو بتسويلهم مطبه
راشد : ما شا الله متى يابو الكراسي ورتبتو المكان انا ناش اوني بيي ارتب
حمدان : جان يلسنا انترياك عزات ان العرب يو المكان مب مرتب ... بعدين سر بند موترك لانه بيفضي من متى مشغل
راشد : ولعنه .. نسيته ( وسار يربع صوبه )
حمدان : تعال .. تعال .. انا بندته
راشد : زين سويت ..الاسبوع اللي خطف مبدل بطاريه مب وقته اغرم غيرها ..(ويلسو يسولفون ويا بو عبدالله والرياييل اللي ميتمعين عنده )
حمدان : انا اترخص
بو عبد الله : وين .. بتغدا ويانا
حمدان : يطولي بعمرك .. بسير البيت بريح شوي والعصر بنييكم انا وابويه
بوعبد الله : ما يصير حزت الغدا تويه عنا
حمدان : اسمحلي ..مره ثانيه انشا الله
بوعبد الله : برايك .. الله يحفظك
راشد : حمدان هات سلاحك ورانا يواله
حمدان : مالي فيها
راشد : اتهبي انت بس ما تيوول
حمدان : شو بتسويبي
راشد : جرب وشووف اشووفك ياي من غير سلاح
حمدان : يا ريال تبا اتضحك عليه العرب اتعرف اني مب ذاك الزود في اليواله
راشد : منو قال.. يولك فنانه
حمدان : عخير انشا الله
سار حمدان .. و بو عبد الله وعياله سارو يتغدون
عقب الغدا يت مال الصالون حق البنات ويلسن يتعدلن
راشد يالس في حجرته يطالع التلفزيون ... ورن تيلفونه
راشد : مرحبا الساع
ناصر : مرحب باجي
راشد : شالحال
ناصر : بخير وسهاله .. علومك
راشد : علوم الخير
ناصر : الله حيه بو سنيده
راشد : بك حي
ناصر : قبل انوصل الامانه يسلم عليك منصور ويقولك مبروكين
راشد : الله يبارك فحياته ... بغيته منه
ناصر : هو قالي اوصلك السلام واستسمحله منك تراه مشغول
راشد : هو العذر مب مقبول بس ما عليه
ناصر : تراني عزمت الربع اللي وصيتني عليهم وقالولي انهم بيون انشا الله بس احمد العامري عنده دواام
راشد : افاااا كان ودنا انه ايينا ... ترا ابويه بيحط شاره
ناصر : زين بس انته ما تحدر اتيوول
راشد : شله
ناصر : ان حدرت خذت الشاره وظهرنا نحن منها
راشد : خلاص انا بيول واذا خذت الشاره بقولهم ما يعطوني اياها تنعطا الثاني
ناصر : عاد انته لازم تلفت الانظار
راشد : اكييد
ناصر : ياخي انت سر شارك في الميدان وفكنا
راشد : مابا
ناصر : فالح بس تاخذ الشور عنا سر خذ كاس فزاع
راشد : ما ابا احطم اليويله اللي هناك
ناصر : بدا راشد بن سعيد
راشد : صدق يعني هم يوم بيشوفوني مشارك بيظهرون من المنافسه
ناصر : مسكين حالهم
راشد : هيه والله
ناصر : انزين عيل انا بخليك الحين بسير اريح
راشد : لا دخيلك هب ترقد تراك ان رقدت ما بتينا
ناصر : هههه .. شدراك .. لا ما عليك بخلي الاهل يوعوني
راشد : اوكي .. في داعت الله
ناصر : الله يحفظك
وبند عنه وتم يطالع التلفزيون لين العصر ...العصر سار سبح ولبس كندوره بيضا وغتره وعقال وظهر من حجرته بينزل تحت
ريم : رشووود
راشد : عوذ بالله من وين ظهرتيلي انتي
ريم : من هنيه الا انت ما ادري وين عقلك ... اقووول شو رايك فيني
راشد : فنااانه ... اليوم بيخطبونج
ريم ( وهي تتحيس اونها مستحيه ) : رشووود
راشد : انزين وانا شو رايج فين
ريم : طر ... شكلك بتصك عالمعرس
راشد : عادي راشد بن سعيد لازم اكون احلا واحد حتى لو كان المعرس
ريم : تعال مسويلك مدخن
راشد : توني بقولج ابا مدخن
يلست ريم ادخنه وخلاف نزل تحت ياه حمدان وابوه وعقبهم ناصر ... شوي ووصلو قوم هزاع الحريم حدرن البيت والرياييل كانو مرتبيلهم البراحه اللي جدام البيت .. عالمغرب وصلت الحربيه وبدت الرزفه الكل اشتل يرزف
حارب : بو سنيده نبا يواله منك مب يالسلنا ترزف
راشد : اليواله خلاف عالليل حلاتها
حمدان :ياخي قول عشان ما تخرب الغتره والعقال
راشد : جب انته
حارب : اوووه يعني جييه السالفه
حمدان : هيه عيل
وتمو يرزفون وخلاف املجو .. راشد شل الدفتر ووداه عند هند عشان اتوقع .... وعقب الملجه اتعشو الرياييل وبدت اليواله راشد عق العقال واتسفر وتم اييول ويا ربعه خلاف ياهم بو عبد الله وحطلهم 5000 شاره
حمدان : اقول شباب ترا رزفة الحربيه ما تربش وايد يبالنا مسجل
ناصر : هيه صدقك
حارب : انا بسير اييب موتري
راشد : لا ابووي انت استريح ... ايدد سي دي عندك ماخذنه من شهرين قبل لا تسافر .. انا بييب موتري
حارب : والله انا كنت بجدم الكم خدمه بس برايكم
راشد سار وياب موتره ووقفه جدامهم وحط الهم اغنيه اعمار مال ميحد اونها اربش اغنيه حق اليواله
ريم كانت فوق تطالع اليوله من دريشه حجرتها كانت مبنده الليتات عشان محد يشوفها ... وهي اترمس شما
ريم : والله يا شمووه فاتج تعالي وشوفي الربشه اللي مستويه هنيه
شما : ودي .. انتي اتعرفين اني استانس على هالاجوا
ريم : فديت اخويه مسكتنهم كلهم في اليوله
شما : أي واحد فيهم
ريم : اكييد راشد
شما ( من سمعت اسم راشد سكتت )
ريم : شمووه بلاج
شما : لا ماشي
شوي وتحدر اليازيه على ريم
اليازيه : ريمووه يلا هند بتنزل
ريم : اوكي .. اوكي ... شمووه يلا برايج الحين هنووده بتنزل لازم انزل وياها
شما : اوكي يلا بااي ... اتصليلي فليل
ريم : اوكي ..باااي ( بندت عنها ونزلت ويا اختها )
وعند الشباب

[آڷصّغيرۉنہْ ™]

وبدت اليواله على اصولها .. الشباب ارتبشو ربشه ما عقبها ... بس راشد حاله ثانيه اييول وما يدري بعمره ايرمسونه وما يسمعهم كان يغني واييول ومرتبش اخر ربشه مب طبيعيه الشباب والشواب كانو متخبلين على يولته وكلهم كانو يصفقوله ... راشد من كثر ما كان مرتبش ما حس ان اليويله كلهم اظهرو من الساحه وخلوه اييول روحه كلهم كانو يصورونه ويالسين ايبسون ويصفقون .. يوم خلصت الاغنيه انتبه راشد ان محد يالس اييول غيره بس استانس ان كلهم عيبتهم يولته حتى الشواب ظاريين ما ييلسون وايد بس هالمره يلسو .. حمدان رد وشغل الاغنيه
حمدان : بو سنيده .. نبا السلاح يلعب العوبه في السما
راشد : افااا عليك
تم راشد يفر السلاح لين ما خلاه يخفي
طبعا الشاره لازم اتكون من نصيب راشد بس هو قايل انه مب داخل في المنافسه ... وبجييه الشاره اتكون للثاني اللي هو علي المحرمي
خلاف الشواب تمو كل واحد منهم ايحط شاره
وعند الحريم
هند نزلت ... وكان الكل يسمي عليها ... الفستان الوردي كان طالع واايد حلو عليها .. خلاف تمن الحريم يسلمن عليها ... بس ريم كانت مسكته بفستانها العنابي والاسود .. وشعرها كانت ناشلتنه ومسويه بف ... ام حمدان كانت عينها طول الوقت على ريم .. وام عبد الله كانت عينها عاليازيه اللي ودها ان راشد ياخذها .. وخص هالمره اتخبلت عليها .. كانت لابسه فستان فوشي .. وشعرها مسوتنه فير ويايبتنه عطرف لان شعرها مب واايد طويل ...

شوي ودخل هزاع كان ويااه ابوه وبوعبد الله وعبد الله وراشد
هزاع حبها عراسها ووقف عدالها .. والباقين سلمو عليها ووقفو عدالهم عشان يصورون وياهم ... ريم كانت يايبه لابها ومركبتله سماعات كبار .. اربعت وشغلت اغنية الساعه في لندن ... حسين الجسمي .. راشد دقه الخبال .. سار وشل الطاوله اللي كانت في نص الصاله وحطها عطرف .. الكل كان يطالعه مب عارفيين شو بيسوي ..شوي و لان بريم اتفرله اسلاح وبدا ايول ... الكل استانسو عليه ... وسلامه واليازيه ميتات عليه .. كان ايول ويغني ويسوي حركات بايده .. شوي وايي حميد ولد عبد الله واونه ايول وياه .. ( عاد انتو اتعرفون يولة اليهال )
راشد : حميد ... ياااابس
راشد عطى حميد السلاح ويلس عطرف وتم يصفق له وايبس وحميد ايول جدامه ... راشد من شاف نظرات سلامه واليازيه له بقى يخبل ابهن شوي خذ السلاح وسار ويلس جدام ريم اخته وتم ايبس وهن اصلا كانن واقفات عدالها .. عاد هن ماتن من شافنه .. وهو خاطره يضحك على اشكالهن
راشد : ريمووه يابس
ريم: ايه انت اتخبلت هنيه حريم
راشد : ما عليج لا عادي
ريم : هيه عادي هذم ابويه وعمي هنيه تباهم يجتلوني
وكمل راشد ربشته وخلاف ظهر ويا ابوه وعمه وعبدالله
هند وهزاع تمو يتصورون ... شوي وروح الكل
بو عبد الله ( ويرمس اخوه .. بو حارب ) : وين بتسرون هالحزه باتو عدنا
بوحارب : ياله بعده وقت .. بوظبي الا هنيه فرت حصاه
بو عبد الله : عهواكم ( وسرا بو حارب وعياله )
في بيت بو عبد الله الكل كان تعبان وسارو يرقدون
الا ريم ما ياها ارقاد سارت عند هند تبا اتشوف هديه هزاع
ريم ادق باب حجرة هند
هند : منو
ريم : انا ريمووه
هند : ادخلي الباب مفتوح
ريم : رقدتي
هند : لا
ريم حدرت الحجره وسارت ويلست عالشبريه
ريم : اقوول
هند : قولي
ريم : شو هديه هزاع
هند : ما شفتها
ريم : شوووو ما شفتيها شو تتريين انشا الله
هند : تبين سيري انتي افتحيها
ريم : عفانا الله لو انا منج جان فاجتنها بحينها .. وما اخلي حد يشوفها قبلي
هند : ريموووه عن الصدعه تبين شوفيها واذا ما تبين برايج
ريم : لا افاااا عليج بشوفها
سارت ريم وفجت الهديه ... هو كان حاطنها في بكس ابيض وعليه ربطه حمرا ..
ريم : اللاااااااااااااااااااه
هند : ها شو لقيتي
ريم : هندووووه ما خذلج ساعه شوبارد اليديده ... وماخذلج كروم اضني فيه بطاقه ... صبري خليني اشوف
هند : شله معبل على عمره انا عندي تيلفون
ريم : مالت عليج هذا عشان يرمسج منه
هند : ومنو قالج اني برمسه
ريم : شووووو ... ما بترمسينه
هند : لا طبعا
ريم : ليش
هند : استحي .. اليوم اسميه رمسني وانا مب مسوتله سالفه
ريم : شله تستحين .. ما عندج سالفه الا هو هزاع لا وولد عمج بعد لو واحد غريب ما ادري شو كنتي بتسوين
هند : انتي اتعرفين اني حتى قبل العرس ما كنت ارمس ويااه
شوي ويندق الباب عليهن
ريم : منو
راشد : شيخج
هند : راشد احدر الباب مفتوح
دخل راشد وسار ويلس عدال هند
راشد : العروس شخبارج
هند ( وهي مستحيه ) : بخير
ريم : رشوود تعال شوف هديه هزاع
راشد : اوووه .. اوووه .. زين والله يوم طلع منه شي
هند : ليش يعني
ريم : ايواااا عاشت عاشت ما ترضى عالريل
راشد : لا والله هديته فنانه .. يا حيه .. اوووه وتيلفون بعد ... لا ومسيف رقمه الريال ... اقوول شو رايكن انذل فيه
هند : شو بتسوي
راشد : انا برويج شو بسوي
ريم : عندك ايااااه
راشد اتصل حق هزااع وحطه عالسبيكر
هزاع :مرحبا والله ... هلا بالغلا
راشد :.....................
هزاع : هند ... هنوووده ... بلاج ليش ما ترمسين
راشد : ( واونه يقلد صوت البنات ) هلا هزااعي شحالك ؟؟
هزاع : ( وهو محرج ) رشووود يالهرم انت متى بتصطلب
راشد :حياتي شو فيك معصب
هزاع : رشووود عن هالسخافه
راشد : هههههههه
هزاع : وويع يا ربي
راشد : ايه انت .. لا ادعي عليه تراك بتندم
هزاع : مب فااايج حق استهبالك .. بسير ارقد ( وبند عنه )
راشد : طاع السبال بند في ويهي
ريم : ها ها ها
راشد : ( ويصطع ريم طراق )
ريم : ااااااااااااااااااااااااااااااااااي
راشد : عشان اتعرفين كيف تضحكين عليه مره ثانيه
ريم : انا اسير حجرتي اخير لي
راشد : انجلعي ....( وظهرت عنهم ) وانا بعد بسير ارقد .. تصبحين على خير
هند : وانت من هله
سار راشد حجرته وطاح عالشبريه .. وبتيلفونه يرن
راشد : مرحبا
حمدان : مرحبتين ...شو راقد
راشد : لا ..
حمدان : علومك عقب الربشه
راشد : والله تمام .. بس اسميني مدوخ
حمدان : عقب اليوله وين ما تبى ادوخ
راشد : ما حسيت بشي الا الحين
حمدان : امبونك مرتبش ما بتحس بشي
راشد : ( ويتنهد بقو ) عقبالي يا رب
حمدان : ههههه ... انت لين الحين اتعاني
راشد : اااااااااااااااااااخ .. الله لا رواك يا ريال معاناتي
حمدان : مسكين حالك
راشد : ما اعرف شو اسويلها عشان اتصدقني
حمدان : قتلك سر واخطبها ما اظني بيردونك
راشد : انت تدري اني ما بخطبها لين ما اتاكد انها تباني
حمدان : انت نسيتني السالفه اللي متصل عشانها
راشد : خلاص قول
حمدان : الحين اختك واملجت متى تبونا انييكم
راشد : شله مستعيل عنبوه بعدنا تونا امخلصين من الملجه
حمدان : ..............................
راشد : بلاك صخيت يا ريال اسولف وياك .. متى ما تبون اتونا حياكم الله
حمدان ( استانس ) : والله ... خلاص باجر المغرب نحن عندكم
راشد : انا اول مره اعرف انك مستلغث عالعرس
حمدان : يا ريال مب مستلغث بس ابويه وامايه ايحنون عليه يبوني اعرس
راشد ( وبطنازه ) : هيه ابوك وامك
حمدان : رشووود عن لستهبال
راشد : اااااااااااااااااااخ ... تقهرون سبلان
حمدان : انا ولدك يا بويه .. شله
راشد : كلكم بتعرسون .. الا انا بعدني
حمدان : ياللاااه .. انشا الله انت بعد بتعرس جريب
راشد : آاااااامين
حمدان : هههه ... يله عيل برايك .. بسير ارقد
راشد : اوكي ..تصبح عخير
حمدان : وانت من هله
وبند عنه .. وكل واحد منهم سار يرقد

وفي دبي
وفي بيت بو مايد
قوم بو مايد توهم واصلين من العين .. وكل واحد منهم سار حجرته ... ميره اربعت عن سلامه اختها
ميره : ها .. شو سويتو تعالي قوليلي شو الملجه ... وهنووده كيف طالعه حلوه .. وريمووه شو لابسه
سلامه : خيبه .. خيبه .. خيبه ... تبيني اقولج كل هذا يوم انتي هالكثر بالج هناك جان ييتي الكل كان يسال عنج
ميره : والله سالو عني .. منو اللي سال عني
سلامه : كلهم .. ريمووه .. هنود .. عمووه .. حتى اليازيه اخت هزاع
ميره : وع .. وع ..وع هاي الا ما ادانيها شايفه عمرها
سلامه : حرام ليش حليلها
ميره : حليلها انتي اتقولين حليلها .. ليش ما تدرين انها محيره حق راشد

[آڷصّغيرۉنہْ ™]

الــــــــبآرتً الــثــآلث عشّرْ ‘‘

سلامه : كلهم .. ريمووه .. هنود .. عمووه .. حتى اليازيه اخت هزاع
ميره : وع .. وع ..وع هاي الا ما ادانيها شايفه عمرها
سلامه : حرام ليش حليلها
ميره : حليلها انتي اتقولين حليلها .. ليش ما تدرين انها محيره حق راشد
سلامه : عادي شو يعني اذا هو يباها الله يوفقهم
ميره : لا انتي مب صاحيه .. اتحبين واحد واتقولين الله يوفقه مع غيرج
سلامه : انا احبه هيه بس اذا هو ما يباني انا شو اسويبه
ميره : والله انج انسانه غريبه
سلامه : لا غريبه ولا شي وتدرين انا مراات احس اني ما احبه احس انها سوالف مراهقه وبس
ميره : شووو ... مراهقه
سلامه : هيه .. صدقيني مشاعر الوحده في هالعمر ما هي الا مراهقه .. تدرين انا من فتره قمت احس بشعور عادي تجاهه مب شرات قبل صح اني اتخبل عليه .. بس ما عاد يهمني شراات قبل
ميره : ............
سلامه : والحين ممكن اتخليني ابا ابدل ثيابي وارقد لاني تعبانه وباجر انشا الله بقولج عن كل شي .. اوكي
ميره : اوكي
وظهرت عنها وسارت حجرتها وهي اتفكر برمست اختها معقوله اتكون مشاعرها هي تجاه منصور مشاعر مراهقه
ميره : لا .. لا .. مستحيل انا احب منصور وهو يحبني ..... اااااخ .. يحبني ... يحبني وهو من شهرين مبند تيلفونه وما اعرف عنه شي ..ااااااخ .. يا خوفي انه كان يقص عليه ويوم مل مني بند هالتيلفون ( وتمت اجرب تتصل له .. بس بعد كان مسكر تيلفونه )

اليوم الثاني
وفي بيت بو حمد
شما وكالعاده يالسه روحها في البيت .. ويوم ملت من اليلسه سارت صوب يدتها
عفرا : مرحبا ببنتي
شما ( واتحب يدتها عراسها وتيلس عدالها ) مرحبابج زود ... شووو بعد انتي شرااتي يالسه روحج
عفرا : شوو نسوي محد ينفع هالزمان لا لعيال ولا عيالهم بعد
شما : افااا يدتي نحن ما ننفع
عفرا : وانا منو مبرد جبدي غيرج انتي لا خليت منج
وفي هاللحظه نزل سهيل
شما : اففففففف ... هذا هنيه بعد ( وتمت تعدل شيلتها )
سهيل : ( واونه يبا يعدل العلاقه ويا شما ) يا مرحبا والله ببنت العم يايتنا اليوم ما شا الله
شما : يايه ليدتي مب الكم
سهيل : افاااا اليوم بنت العم مب راضيه علينا
شما : ( واطالعته بطرف عينها ) دوووم اصلا
سهيل : يدتي انا ابا حليب ما عندكم حليب
عفرا : هذي الدله موطايه ... شما فديتج صبي حق ولد عمج
شما ( ومن دوون نفس ) : انشا الله يدتي
سهيل : ( تم يضحك على شكل شما وهي لايعه جبدها منه )
شما : ها ..يود
سهيل : مشكووووره يا بنت العم يطولنا بعمرج ( وتم يشرب الحليب ) ...الحليب وايد حلو اليوم
عفرا : اكيييد مزيده الشكر هالسباله انا عييت عنها لي ما تسمع الرمسه
سهيل ( تم يضحك هو كان يقصد ان شما اللي صابتنه مب طعمه )
شما ( لايعه جبدها من سهيل ومن سخافاته وخصوصا عقب السالفه الاخيره اللي استوتلها وياااه ) : يدتي انا اترخص الحين عنج
عفرا : ياااااله ما يلستي توج يايه
شما : لا يدتي ذكرت ان عندي واجب بسير احله .. تدريين باجر مدرسه
عفرا : برااايج .... تعالي الا امج وين
شما : سايره الجمعيه تشرا اغراض حق البيت
عفرا : هيه
شما : يلا مع السلامه
عفرا : الله يحفظج
ظهرت شما من بيت عمها ولن بسهيل ظاهر وراها
سهيل :شما
شما ( سوت عمرها ما تسمعه ومشت عنه )
سهيل : شما
شما : خير
سهيل : انتي زعلانه مني
شما : ولا هميتني اصلا
سهيل : بلاج مب معبرتني
شما : لاني ما اسوي سالفه حق ناس شراتك
سهيل : شو تقصدين بهالرمسه
شما : ما ادلك اذكر رمسك وخلاف تعال ارمس
سهيل : شما انا ما قلت شي بس انا كنت محرج
شما : واللي يحرج يرمس بهالرمسه ... اصلا لو انت ريال بتستحي اترمس بنت عمك اللي رابيه جدامك بهالرمسه .. بس للاسف طحت من عيني
سهيل : شما ..
شما ( مشت عنه ولا سوتله سالفه وردت بيتهم )

وفي بيت بو عبد الله
ريم توها نازله تحت .. وكان راشد يرمس ابوه من يتهم اسكتو
ريم : صباح الخير
الكل :صباح النور
ريم : اوووه منو يالسه اشوف جدامي راشد بن سعيد ناش من وقت
راشد : جيييه مب عايبنج
ريم : لا عايبني .. انشا الله دووم
راشد : ها ابويه خلاص عيل ارد عالريال
بو عبد الله : هيه قولهم اني اترياهم اليوم عقب المغرب
راشد : انشا الله
ريم : شو السالفه .. منو هالريال
راشد : وانتي شلج
ريم : اففففف ... انزين وين امايه
بو عبد الله : في المطبخ هي واختج
ريم : حشى شو يسون في المطبخ من صباح الله خير
راشد : عالاقل احسن منج اللي ما منج فايده
ريم :ابويه شوفه
راشد : ( ويقلد صوتها ) ابويه شوفه
ريم : سخيف
راشد : طالع عليج
ويرن تيلفون البيت ... اربعت ريم وردت عليه
ريم : هلا والله
شما : اهلين ... شو هالكسل لين الحين ارقاد .. عنبوه انا من متى اتصل لج
ريم : اونه محد قالي ... يا بنت الحلال مب ساد باجر بنسرح المدرسه .. خليني ارقد
شما : شو هالحشره عدالج
ريم : هذا رشوود يرمس ابويه
شما : ( صخت من سمعت اسم راشد )
راشد : اييه انتي اصغر عيالج رشوود ويا هالويه بعدين شله تطريني ومنو هاي اللي طارتني جدامها
ريم : هاي شموه اتقول شو هالحشره اللي عدالج .. قلتلها هذا رشوود
راشد : ( وفي خاطره ) فديت هالطاري
شما : ريمووه يالسباله اشله اتقولين شمووه جدام اخوج قولي اربيعتي وخلاص
ريم : يا هي بلشه الا هو ليش اتقولين رشوود وانتي ليش اتقولين شمووه انا ابتلشت اتراني ... اقولج شي انا بسير فوق بتصل لج من تيلفوني .. اوكي
شما : ايكون احسن
وبندت عنها واربعت ريم فوق عشان اترد تتصل الها وراشد ظهر من البيت

وعقب المغرب
في بيت بو حمدان
حمدان : ها ابويه انسير
بوحمدان : اتوكل على الله
حمدان : عمي عيل وين
بو حمدان : عمك بيينا هناك
حمدان : زين عيل
وسار حمدان وابوه صوب بيت بو عبد الله ولحقهم عمه هناك .. واخطبو ريم من ابوها ... وبو عبد الله قرب ابهم لان ما يحتاي انه يسال عن الولد لانه يعرفه ويعرف هله .... واتعشو عندهم وخلاف ردو بيتهم

وفي دبي
وفي بيت بو مايد
ميره لين الحين وهي اتحاول تتصل بمنصور .. بس هالمره كان تيلفونه مفتوح بس مارد عليها .. وطرشت له مسج ~ منصور انت ليش مبند تيلفونك .. حراام عليك رد عليه .. ابا ارمسك ~ .... وصل المسج لمنصور لكنه ما شافه لانه فار تيلفونه في الدرج

وفي بيت بو عبد الله
الساعه 10 فليل
العايله متيمعه عالعشا وعقب العشا تمو يسولفون ... بو عبد الله ..لمح حق راشد وعبد الله انهم يظهرون من الصاله وراشد زقر هند وياه .. وتمت ريم ويا امها وابوها
بو عبد الله : بنتي ابا ارمسج في سالفه ... وعشان ما اطول السالفه اترا في واحد خطبج ونحن قربنابه
ريم : شوووو .. ابويه انا قايلتلكم من زمان اني ما ابا اعرس الحين
بو عبد الله : يا بنتي انتي الحين مب ياهل كم من شهر وبتخلصين المدرسه
ريم : بس انا ابا اكمل دراستي
بو عبد الله : وهو ما عنده خلاف
ريم سكتت وانتفخت على ابوها .. طبعا بو عبد الله ما تهون عليه ريم
بو عبد الله : ريم انتي اتعرفين غلاتج عندي ..صدقيني لو ما كان الريال ونعم جان ما قربتبه .. وواحد مثل حمدان ما يرد
ريم : حمدان ومنو يطلع هذا
بو عبد الله : حمدان ربيع اخوج راشد ... ريال ما عليه كلام وانا ما بطمن عليج الا عنده ... ها شو قلتي
ريم : يوم انتو قربتوبه .. بعد شو تبوني اقول .. اصلا رايي مب مهم عندكم واربعت حجرتها
شوي واييهم راشد وشاف ان حال ابوه ما يسر
راشد : ابويه بلاك
بو عبد الله : ما جنا استعيلنا يوم قربنا بالريال
راشد : ليش
ام عبد الله : اختك سوتها سالفه اونه ما تبى اتعرس الحين
راشد : وليكون بتسمع شورها
بو عبد الله : انت اتعرف اني ما برد حمدان .. بس اختك ما تهون عليه
راشد : ابويه ريمووه خلها عليه
ام عبد الله : والله جان زين اتروم عليها واتخليها توافج
راشد : انتو خلو هالسالفه عليه ... و ابويه انت لا تضيج بعمرج عشان هالسالفه
بو عبد الله : انا مب مضايج بس اشوفني استعيلت هاي بعدها ياهل
راشد : لا ياهل ولا شي .. انت اتريا وبتيك لخبار
بو عبد الله : انشا الله
سار راشد عند ريم ودق الباب
ريم : منو
راشد : انا
ريم : ادخل
راشد : عوذ بالله بلاج منتفخه
ريم : يعني اتسوي عمرج ما تدري
راشد : عشان انخطبتي يعني .. انا اول مره اشوف وحده تنخطب وتزعل انا احيد اللي ينخطبن يستانسن ... وبعدين اللي خاطبنج كل البنات يتمننه ..ريال ونعم قايم بهله وخواته ولو نحن مب واثقين فيه ما قربنابه ... وانتي اتعرفين غلاتج عند ابويه وهو مستحيل يرخص بج
ريم : ادري والله اني ادري وانا مب معترضه عالريال
راشد : عيل بلاج منتفخه ومضيجه بابويه
ريم : انا ما ابا اعرس الحين وبس
راشد : ومن قال انج بتعرسين الحين .. الملجه والعرس بيكونن في الصيف
ريم : لا والله ترا الصيف وايد بعيد
راشد : ريمووه اعقلي وخلي عنج سوالف اليهال وقومي الحين وسيري عند ابويه وحبيه عراسه وقوليله انج موافجه
ريم : ............................
راشد : يله
ريم : انشا الله
اتبسم راشد وقبضها من ايدها ونزل وياها عند ابوهم
ريم : باباتي .. واربعت ولوت عليه .. ابويه خلاص سو اللي تشوفه انا موافجه عالعرس
بو عبد الله صد صوب راشد وهو يبتسم

[آڷصّغيرۉنہْ ™]

اليوم الثاني
وفي مدرسة البنات
ريم : عليوووه ما شفتي شمووه
عليا : لا
ريم : افففف . هاي بلاها متحيره اليوم
وتمت ريم تتريا شما بس شما ما داومت
ويوم وصلت الحصه الثالثه ريم لاعت جبدها من المدرسه لانها ظاريه تتسلى ويا شما بس شما ما داومت ... وبدا منكر البنات .. سوت عمرها تعبانه .. راسها يدور وشوي وبيغمى عليها ... سارت الاخصائيه واتصلت حق امها وقالتلها ان ريم تعبانه .. المسكينه ام عبدالله صدقت واتصلت براشد عشان ايسير اييبها من المدرسه .. حتى راشد صدق وظهر من كلاسه بسرعه وسار صوب مدرسه البنات ... واول ما وصل تم يدق هرانه طبعا الكل عرف ان راشد هو اللي ياي
الاخصائيه : ريم هذا اخووج اللي ياي صح
ريم ( وبصوت واطي اونها تعبانه ): هيه
الاخصائيه : يله عيل قومي سيري
وطلعت ريم من المدرسه وركبت السياره
راشد : ها .. بلاج
ريم : ما شي
راشد : شو ما شي .. عيل امايه اتقول انج تعبانه واايد
ريم : وانت اتصدق هالحركات .. لاعت جبدي من المدرسه قلت اتمنكر اشوي
راشد : خس هالويه وانا حليلي على ويهي امايه مظهرتني من كلاسي قوم اختك تعبانه وحالتها حاله
ريم : اوووووه .. ليش انت اداوم
راشد : هيه عيل شو قالولج .بطالي
ريم : i`m sorry ما ادري ان امايه بطرشك انت عبالي بطرش الدريول
راشد : ما دواج الا انزلج واخليج اتردين المدرسه
ريم: لا الشيمه ... حراام عليج لايعه جبدي ... شموووه غايبه اليوم
راشد : ( من سمع طاري شما فز قلبه ... وهو متروع ) ليش بلاها
ريم : وانا اشدراني ...انا ظاهره من المدرسه عشان اعرف .. تدري والله اني زايغه عليها .. هذي اول مره .. شمووه اصلا مب من النوع اللي تغيب .. اصلا هي تستانس على ييت المدرسه لانها تغير جو عن البيت
راشد : ( وايمد بتيلفونه صوب ريم ) يودي اتصليلها
ريم : اتخيل انت بس
راشد : ليش
ريم : اتصل الها من تيلفونك
راشد : انزين عادي شو يعني اتصليلها وامسحي رقمها خلاف
ريم : اوكي .. ( واتصلت الها )
شما كانت مريضه ( محمومه ) ويوم شافت رقم راشد
شما : افففف منه هذا ما يبى يخليني فحالي انا لازم اوقفه عند حده ( وردت عليه وهي محرجه ) الوووو
ريم : بسم الله بلاج
راشد ضحك
شما : ريمووه
ريم : هيه ريموووه
شما : ليش حتى انتي غايبه اليوم
ريم : لا داومت بس لاعت جبدي بدونج الدوام مب شي ... بعدين انتي شله غايبه
شما : مريضه
ريم : بلاج
شما : فيني حمى ... مب رايمه احترج من الشبريه
ريم : وليش ما تسيرين المستشفى
شما : يا حسره منو بيوديني
ريم : واخوانج شو مونتهم
شما : هه ..اخواني ... اللي لاهي في شغله واللي مسافر وما ادري عنه شي واللي لاهي ويا ربعه وسيراته ويياته ( شما كانت تعبانه وايد وتتنفس بصعوبه )
ريم : الله يعينج ... انزين سيري ويا ابوج ولا ويا الدريول واكييد امج بتسير وياااج
شما : ابويه انا اشوفه في اليوم والا ما اشوفه و امايه ما اداني اتسير المستشفيات
ريم : بس حراام انتي تعبانه واايد لازم اتسيرين المستشفى
شما : لا ما عليج انشا الله شوي وبتخف عني الحمى وبقدي بخير
ريم : انشا الله ... عيل برايج بخليج ترتاحين الحين ... بس خلي تيلفونج عدالج انا كل ساعه بسوي
شما : اوكي .. يلا باااي
ريم :باااي
راشد : بلاها
ريم : فيها حمى وتعبانه وااايد ومحد عندها يوديها المستشفى
راشد : شووو محد عندها ..ابوها واخوانها وين
ريم : كلهم لاهين عنها ... والله انها تغمض لو سمعتها وهي اترمسني جان قلبك عورك عليها
راشد ( وفخاطره ) امبونه قلبي مصطاب منها .. ما يحتاي اسمعها عشان يعورني قلبي
شوي ووصلها البيت .. على اساس انه يرد الجامعه بس تفكيره بشما ما خلاله بارض للجامعه .. وتم يتحوط في سيارته وهو منقهر من اخوان شما اللي مب مسويلها سالفه
راشد : ااااااااااااااااااخ ليتني الحين ماخذنج يا شما جان ما احتيتي لاخوانج اللي ما منهم فايده .. والله انهم يقهرون عنبوه اختهم مريضه مب رايمين يودونها المستشفى .. يمكن لو كان منصور هنيه جان بيكون احن منهم عليها ( وطرش الها مسج ) ~ الله يعافيج الغاليه .. وياليته فيني ولا فيج ~ شما تتحرا المسج من ريم لانها توها مرمستنها من تيلفون راشد وردت عليه بمسج ~ مشكوره حياتي ~ راشد من وصله المسج اتخبل من شاف كلمة حياتي .. وخلاف انتبه لمشكوره .. وتم يضحك على عمره

الساعه 5 العصر
وفي بيت بو سلطان

ام حمد يايه عند عمتها ( اللي هي عفرا )
ام حمد : السلام عليكم
عفرا : وعليكم السلام
ام حمد : اشحالج عمتي
عفرا : بخير وسهاله .. انتي شحالج .. وشحال لعيال
ام حمد : كلنا بخير وسهاله
وفي هاللحظه ادخلو عليهم سلطان وسهيل
سلطان وسهيل : السلام عليكم
الكل : وعليكم السلام
سلطان : عمتي اشحالج ( بحكم انها حرمة عمه يسميها عمتي )
ام حمد : بخير وسهاله .. انتو وين من زمان ما شفتكم
سلطان : موجودين
ام حمد : وين موجودين انا كل ما ايي هنيه ما القاكم يا رقوود يا ظاهرين
سلطان : شو نسوي لا هين في هالدنيا
ام حمد : عنبوه ما ترومون اتخطفون عليه لو دقيقه اتسلمون
سلطان : شو نسوي ما نفضى
ام حمد : عنبوه وياكم في نفس البيت وما نشوفكم .. الله يعينا نحن لو كل واحد منا في بيت اظني ما بنتشاوف مول
سهيل : الا عمتي اشوفج بروحج عيل وين شما عنج
عفرا : هيه صح انا ما شفتها اليوم
ام حمد : شما محمومه .. ومبريدتنها هالحمى مب رايمه تحترج من محلها
سهيل : حد وداها المستشفى
ام حمد : لا
سهيل : ليش
ام حمد : هي ما تبى اتسير
سهيل : ليش هو عكيفها .. عمتي قومي انا وياج بنسير انوديها الحين
ام حمد : ما بطيع
سهيل : عمتي انتي قومي قوليلها تلبس عباتها وتنزل
وسارت ام حمد صوب شما وقالتلها بس شما ما طاعت مع انها تعبانه واايد والحمى اتزيد عليها بدال ما تخف .. ونزلت ام حمد وقالت لسهيل ان شما ما طاعت
سهيل : ما تبى اتسير المستشفى .. ولا ما تبى لان انا اللي بوديها
ام حمد : والله ما ادري
سهيل : خلاص انا بسوي حق ناصر ايي يوديها
ام حمد : ما لقيت غير نصوور بتلقاه الحين يا فدبي ولا في بوظبي ..بعد هذا وين ييلس
سهيل اتصل بناصر بس ناصر كان فدبي
سهيل : والحين شو الراي هذا بعد فدبي
ام حمد : وانا شو تباني اسويبهم هالعيال محد يسمع رمستي لا بنت ولا ولد
وطاف هاليوم على خير

اليوم الثاني
شما خازت عنها الحمى وقدت بخير بس بعد ما قدرت اتسير المدرسه .. اما ريم وقصبن عنها خلاها راشد اتسير المدرسه وقاللها.. حتى لو اتصلوبي وقالولي انج بتموتين مب ياينج ..

[آڷصّغيرۉنہْ ™]

والعصر في بيت بو عبد الله
ريم اتصلت بشما
ريم : مرحبا
شما : مرحبتين
ريم : شحالج
شما : الحمد لله .. تمام
ريم : ها ...شو اهون الحين
شما : الحمد لله ... رقيص
ريم : شموووه بقولج شي
شما :قولي
ريم تمت اتخبر شما عن سالفة خطبتها
شما : هههههههه
ريم : والحين شو اللي يضحك
شما : انتي
ريم : شووو
شما : اول شي رفضتي وانتفختي وحالتج لله واخر شي رضيتي
ريم : والله انا ما وافقت الا عقب ما رمسني راشد وتم يمدح في الريال والاهم هو ابويه ما بقيت اضيج به
شما : والله زين ما سويتي .. مع اني كنت اباج لواحد من اخواني ...بس تبين الصدق يمكن هذا يكون احسن منهم
ريم : ما احيد ان اخوانج مب اوكي
شما : لا مب جييه بس اخواني تقدرين اتقولين عايشين حق عمارهم ما يهتمون بحد هبابهم بعمارهم وكشختهم ومواترهم
ريم : حتى رشوود اخويه جذييه بس رشوود نحن اهم عنده من أي شي .. ويحب يساعد الكل
شما : وهذا اللي يخلي اخوج احسن من اخواني
ريم : بس انا زايغه
شما : من شوو
ريم : ما ادري ...شوفي يعني هند خذت ولد عمي يعني واحد اتعرفه واتعرف اطباعه بس انا باخذ واحد ما اعرفه ولا عمري شفته
شما : والله مب لازم اتكونين اتعرفيينه ... انتي ما تقولين انه ربيع اخووج ويعرفه
ريم : هيه وهو وايد يمدحه
شما : عيل خلاص شله زايغه ... اكييد هو ما بيمدح الريال الا جييه
ريم : يله انشا الله يكون اوكي .... انزين تعالي انتي بداومين باجر ولا لا
شما : اكيييد بداوم روحي لايعه جبدي من هالبيت
ريم : ما ادري كيف اتلوع جبدج من البيت عالاقل البيت اهون من المدرسه
شما : تعالي عيشي حياتي عقب ارمسي .. عالاقل قبل منصور فديته شوي يسويلي سالفه يظهرني بين حين وحين
ريم : ليش منصور وين
شما : مسافر
ريم :وين
شما : ساير يدرس في لندن
ريم : يحيه والله
وتمن يسولفن

وفي العين مول
راشد يالس في الكوفي ويا ربعه
شوي ورن تيلفونه
راشد : مرحبا
حمدان : مرحبتين
راشد : اشحالك
حمدان : بخير ربي يعافيك .. انت شحالك
راشد : بخير وسهاله
حمدان : وين .. اسمع صدعه عدالك
راشد : يالس في الكوفي ويا الربع
حمدان : يحيك .. انزين انا بغيتك في سالفه
راشد : آمر
حمدان : ما يامر عليك ظالم .. بس انا ما اروم ارمس في هالحشره اللي عدالك ... اظهر من المول ورمسني
راشد : عخير انشا الله
وظهر راشد من المول ورد اتصل بحمدان
راشد : خير انشا الله روعتني
حمدان : لا اتروع ولا شي .. السالفه عاديه .. عمي خلفان عنده مكتب تاجير سيارات والحين يبى يبيعه وابويه شار عليه اني اخذه .. بس انا ما اروم اخذه داام اني ادرس في بوظبي المحل يباله حد يجابله .. بس اذا انته اتروم اديره انا بتوكل على الله وباخذه ... ودخل المكتب بيغطي مصاريفه والباقي النص بالنص
راشد : هو بكم يباه
حمدان : هو مصفي المكتب ومب تام فيه الا ثلاث سيارات اللي هن بعدهن يداد ... هو يباه ب700 الف بس قالي اذا انا باخذه بيعطيني اياه ب 650 ... و المكتب ترا شغله ماشي ودخله وايد
راشد : خلاص عيل انا موافج بس كل واحد منا يدفع نص الجييمه
حمدان : لا المكتب فلوسه جاهزه وانا ما باك تدفع شي بس ادير المكتب يوم انا مب موجوود
راشد : انت ما تقول ان الدخل النص بالنص
حمدان : هيه
راشد : عيل تباني آخذ فلووس حراام مب دافع شي في المحل واخذ عنك نص الدخل
حمدان : عنبوه نحن اخوان وما مبينا فلوس يا ريال ... وفلووس المكتب جاهزه عندي
راشد : اذا ما ادفع اسمحلي ما بشتغل وياك
حمدان : خلاص عيل انا عندي حل اشرايك انت تاخذ سيايير يداد
راشد : خلاص جذييه تصافينا .. بس قولي شو المواتر اللي في المحل
حمدان : شي استيشن ليديده ... ولكسز صالون ... وبورش كايين
راشد : اوكي خلاص عيل انت اتوكل على الله وخذه
حمدان : اوكي عيل انا باجر بيي العين لان عندي اجازه وبخلص اوراقه
راشد : خلاص عيل اتوكلنا على الله
وبند عنه .. وراشد رد سيده صوب البيت وخذ الفتك وسار صوب ابوه العزبه وخبره عن المكتب اللي بيشترونه هو وحمدان
بو عبد الله : والله زين اتسون ... اتسوولكم شي ينفعكم .. انا ما عندي خلاف واللي تحتايله انا حاضر
راشد : ابويه مثل ما قتلك حمدان هو اللي بياخذ المكتب وما طاع اني ادفع ويااه شي ... ويوم ما طعت انا اني اشاركه بدون ما ادفع شي قالي اخذ سيارات يداد لان المكتب ما فيه الا ثلاث سيارات
بو عبد الله : خلاص عيل انت دور السيايير اللي تبونهم وشوف بكم وانا حاضر
راشد : مشكور يا بويه ( ونش وحبه عراسه وخلاف تم وياه شوي يطالعون الحلال وخلاف ردو كلهم البيت ارباعه )
وعقب صلاة المغرب بو عبد الله تم يخبر عبد الله عن مكتب راشد وحمدان
عبد الله : والله يا بويه جان هالشغله بتخليه يحس ويتحمل المسؤوليه .. ليش لا.. الله يوفقه .. بس انشا الله يكونون جاديين مب يلعبون لان هذي تجاره والتجاره ما فيها لعب
راشد كان ياي صوبهن وسمع رمست عبد الله
راشد : انشا الله إنا جاديين وبتيك لعلوم
عبد الله : والله انا ما اقول الا الله يوفقكم

واليوم الثاني
راشد وحمدان كانو لا هين بمكتبهم يخلصون الاوراق وحالتهم لله ..... و الاسبوع الثاني .... شرولهم سيايير يداد ( همر .... ورنج سبورت ... وFJ... وفتك ) والاسبوع اللي عقبه فتحو المكتب ... واتوفقو الحمد لله .. والسيايير ما قامن ايتمن عندهم والمكتب مرات يفضى وما اتم فيه ولا سياره لان السيايير اللي عندهم كلهن يداد وفنانات

وطافن الايام
وراشد الصبح يداوم في الجامعه هذا طبعا عقب ما قنعه حمدان انه يجابل دراسته والعصر يجابل المكتب ... وحمدان طول الاسبوع في بوظبي عشان الدراسه وفي الويك اند هو اللي يجابل المكتب بدال راشد .... وهزاع المسكين يحيج الكليه وفالويك اند ايي العين عشان يشوف هند بس هي تستحي منه وما تيلس ويا واايد ... وشما وريم لاهيات في الدراسه خصوصا انهن ثانويه عامه ... وميره لين الحين وهو اتحاول انها تتصل لمنصور عل وعسى يرد عليها .. ومنصور قنعه خاله علي انه يدرس بدال يلسته اللي ما منها فايده ... وبدا يدرس عشان يضيع وقته ... وناصر يوم يداوم في الجامعه واسبوع لا وما يخلي مول في الامارات ما يسيره عشان ...... طبعا انتو اتعرفون ليش ..وسهيل مب عارف شو يسوي عشان يكسب قلب شما .. بس هيهات ان شما تعطيه ويه عقب هذيج المره ......

اليوم الخميس
وما شي باقي عن امتحانات الثانويه الا كمن يوم
وشما وريم وميره واليازيه مجابلات كتبهن ويذاكرن طبعا كلهن ادبي الا اليازيه علمي

وفي بيت بو عبد الله
راشد ياي من المول ويايب وياه باسكن حق خواته
وسار عند ريم حجرتها .. ودق الباب
ريم : منوو
راشد : انا
ريم : رشوود شو تبى مب فاضتلك يالسه اذاكر
راشد : تدرين انا اللي ما عندي سالفه يايبلج باسكن .. مااالت عليج ( وياي بيروح عنها ... وطلعت له )
ريم : رشووودي ... I`m sorry ... اتحريتك ياي اتسولف
راشد : اااخ منج يالمصلحجيه ...( ومد صوبها الباسكن ) يودي
وريم سيده بطلته ويلست تاكله
راشد : حشى ... عاطنه وحده في مجاعه
ريم : حرااام عليك ... بعدين من وين طالعه الشمس اليوم يايبلي باسكن لا والعود بعد
راشد : اصلا مب انا اللي يابنه .. هذا حمدان اللي ماخذنه
ريم شرقت بالايس كريم وتمت اتكح
ريم :كيف يعني هو يايبنه ... يعني يابه وقالك هذا حق اختك
راشد : لا طبعا يالغبيه ... هو سار خذ حق خواته وخذ ازياده وعطاني اياااه وقالي وده حق الاهل
ريم : هذا الاخو مب انت عفانا الله ... ما يسير مكان الا ياخذ حق خواته شي
راشد : ترا انا عشان جييه ابا ايوزج اياااه
ريم استحت
ريم : اقووول ممكن تجلب ويهك لان ورايه مذاكره ( وحدرت عنه الحجره وسكرت الباب )
راشد : حليلها اختي والله اتعرف المستحى بعد ( وسار حجرته )
ريم يلست اتكمل مذاكرتها
وطافن الايام وبدن الامتحانات
وشما وريم اعتكفن بزياده عشان المذاكره .. وهن حاطات في بالهن انهن اييبن نسب عدله

وبعد اسبوعين
جدام مدرسة البنات .. وكان اخر يوم في الامتحانات
راشد وناصر وحمدان كل واحد منهم ياي يشل اخته .. راشد وحمدان كانو واقفين عدال بعض وفاجيين الدرايش ويسولفون وناصر كان راكب ويا راشد في السياره لان البنات اتحيرن عليهم وما ظهرن بسرعه .. اتعرفون بنات واخر يوم ييلسن ويا ربيعاتهن ويودعنهن ... ويوم شافو ان البنات بدن يطلعن من المدرسه .. نزل ناصر من موتر راشد وسار صوب موتره .. وريم وهي ظاهره شافته .. اما راشد كان عالم ثاني شوي وبيركب ويا ناصر في الموتر
وفي موتر حمدان عنود توها تركب
عنود : السلام عليك
حمدان ما يدري عن هوا دارها عينه كانت على ريم ليش ما ركبت
عنود : حمدان .. عينك اخاف عليها لا تطلع وتركب وياها الموتر .. ياخي عن لعيله ترا عقب اسبوع ملجتك عليها
حمدان : هههه ... ها لعلوم شو سويتي في الامتحان
عنود : والله الحمد لله زين
اما في موتر راشد
راشد : ها شو امتحانج اليوم
ريم : جب لا تطريلي الامتحانات ... اقول شغل المسجل خلني اغير جو
شغل راشد المسجل وحط اغنيه راعي الدلع وبالصدفه كان خاطف من جدام بيت قوم شما وشافها وهي تنزل من الموتر وكان يحس ان كلمات الاغنيه راكبه عليها ... وتم يغني ويا السامي
ريم : رشوود ما ابا اسير البيت
راشد : عيل وين تبين اطسين
ريم : رشوود عاد .. حوطني شوي
راشد : خلاص عيل بنسير الشيشه بناخذ ايس كريم وبنرد البيت
ريم : اوكي .. راضيه .. بس انسير شيشه بعيده شوي مب اتقص عليه اتوديني هالشيشه اللي عدالنا
راشد : اوكي
ووداها الشيشه وخذو ايس كريم وتم يحوطها شوي في الشوارع وخلاف ردو البيت
ريم حادره البيت اتغني يوم الوداع
ريم : انا فقط حبيت ادربها على يووم الودااع ..
عبد الله : ايه .. ايه انتي بلاج مستهويه
ريم : يوم الوداع يا خويه يوم الوداع
وحدر راشد وراها ويوم سمعها اتقول يوم الوداع كمل الغنيه وراها
راشد : احبابنا قاسين والايام هي عاداتها ...
عبد الله : انا اشهد انكم مخبل
ريم : يا خي خلنا انعبر عن شعورنا .. تدرون البنات كلهن زعلانات وتامات يصايحن الا انا مستانسه
راشد : والعثره يتصايحن ..شله
ريم : اونه ما بنتلاقا مره ثانيه
راشد : مصير الحي يتلاقا

[آڷصّغيرۉنہْ ™]

عبد الله : توه جلسة طرب والحين امسيه شعريه ...
ريم : بس تدرون انا ما غمضتني الا شمووه حراام وانا وهي ما نصبر عن بعض
راشد ( وفخاطره ) : انشا الله اني باخذها وبتشوفينها يا ريم
ريم : عيل .. يلا انا بخليكم الحين بسير ابدل ثيابي(وسارت عنهم )
عبد الله : وانته علووم الشغل ويااك
راشد : والله تمام .. الشغل ما شي والحمد لله ... واصلا نحن مب ملحقين الحين انشا الله الشهر الياي بناخذ مواتر يداد
عبد الله : ليش انتو كم سياره عندكم
راشد : سبع
عبد الله : بس
راشد : هيه كبدايه
عبد الله : عاد خذو سيارات يبونها الخلق
راشد : اكثر الطلب عدنا عالرنج ... والحين بناخذ واحد يديد واستيشن
عبد الله : والله زين يحيكم وعاد ادخلون شي من وراه
راشد : اقولك مب ملحقين .. والسيايير ما يتمن اتينا ايااام ما عدنا ولا موتر في المكتب .. والحمد لله حتى الحين الفلوس اللي يعطيني اياهن ابويه يتمن محلهن في البنك ولا اييهن دخل المحل مكفني وزوود
عبد الله : والدراسه ..شخبارها
راشد : طيبه الاسبوع الياي عندي اخر امتحان
عبد الله : جييه اباك تهتم بدراستك وشغلك واتخلي عنك الحواطه اللي ما منها فايده
راشد : تدري انا لو مب حمدان ما اظني كملت الدراسه ولا ظني اشتغلت ولا سويت شي
عبد الله : والله ان هذا الولد ريال ونعم وما غلطنا يوم قربنابه
راشد : تعال على هالطاري .. تراهم يبون يملجون الاسبوع الياي .. وانا ما قلت حق ابويه ... اسمحلي عاد انا الحين بسير اقوله
عبد الله : توكل على الله
وسار راشد وقال لابوه عن الملجه وبو عبد الله ما خالف ... بس الصاعقه يوم قالو حق ريم
ريم : شووووو .. امايه انتي من صدقج شوو الاسبوع الياي لا ما يستوي
ام عبد الله : شوو اللي ما يستوي
ريم : ماشي وقت
ام عبد الله : حق شووو
ريم : متى بشرا اغراضي ومتى باخذ الفستان ومتى بسير الصالون
ام عبد الله : الغاليه الملجه الاسبوع الياي مب باجر
ريم : لا ما با مابا
ودخل عليهم راشد
راشد : حوووه انتي بلاج شاله الدنيا
ام عبد الله : ما تبى الملجه الاسبوع الياي
راشد : شله انشا الله
ام عبد الله : اونه ما عندها وقت تشرا
راشد : افااا عليج انا بوديج السوق متى ما تبين
ريم : والله مب وقته الحين انا يالسه على اعصابي اتريا النتايج وانتو اتقولولي ملجه
راشد : النتايج بيظهرن قبل الملجه
ريم : انزين عيل باجر اتوديني دبي
راشد : انشاالله بوديج .. بس فكينا من ماذاتج

والمغرب
ريم يالسه اترمس شما
شما : اووووه مبروك عيل
ريم : أي مبروك انتي الثانيه انا ما ابا الاسبوع الياي
شما : ريمووه الاسبوع الياي ولا غيره ترا اخرتها بتملجين
ريم : يا ربييييه ... انزين اقولج اتيين الملجه
شما :ااااااااا ... ما اوعدج بس بحاول
ريم : اتخسين ما اتيين
شما : اخاف ما يخلوني
ريم : انتي قوليلهم ريم بنت سعيد وبيوافقون
شما : امايه مقدووور عليها بس ابويه واخواني
ريم : تبين اخلي ابويه يرمس ابوج
شما : لا مايحتاي روحي برمسه ... هو لو كان منصور موجود جان يمكن بيساعدني
ريم : ليش هو منصور وين
شما : بسم الله عليج تراني قايلتلج انه مسافر
ريم : ما رد
شما : لا
ريم : بس ما جني انا اليوم شايفتنه عند المدرسه
شما : لا هذا ناصر
ريم : لا مب ناصر انا متاكده انه منصور
شما : عكيفج هو عنبوه اخواني اتعرفينهم اكثر عني يعني
ريم : مب معقوله يتشابهون لهالدرجه
شما : تراهم توم يعني شتبينهم يكونون
ريم : شووووو ... اخوانج توم
شما : هيه .. ليش انتي ما تدرين
ريم : لا حشى اول مره اعرف .. اللاااه حلو
شما : شو اللي حلو
ريم : انهم توام
شما : عادي ... بس معقوله انج ما تعرفيين
ريم : لا ... انتي دووم اتقولين ناصر ومنصور بس ماجد قلتي انهم توم
شما : ما جد شفتيهم ارباعه
ريم : لا .. تلقيني انا اشوف ناصر واتحرااه منصور
ويلسن يسولفن

وفي دبي .... الساعه 11 فليل
وفي بيت بو مايد
سلامه : ميرووه ترا قوم ريمووه بيون باجر
ميره : اونه .. ليش
سلامه : هم بيسيرون السوق بس بيخطفون علينا
ميره : بعده وقت سفرهم شله مستعيلين عالسوق
سلامه : ليش انتي ما تدرين
ميره : عن شووو
سلامه : ريمووه بتملج الاسبوع الياي
ميره : شوووووو
سلامه : بسم الله بلاج
ميره : ومنو بياخذها
سلامه : يقولون واحد من ربع راشد
ميره : لا ...لا .. لا
سلامه : ميرووه بلاج
ميره اربعت حجرتها وتمت اتصيح
ميره : ااااااااااخ .. يعني بياخذها انا اللي حبيته وهو بياخذها هي... ليش يا منصور ( وتمت اتحاول تتصل له ) منصور دخيلك رد حراام عليك رد ..... وهي رقدت وهي اتصيح وهو طرش الها مسج .. ~ ريم دخيلج خليني في حالي اكثر ... ما خنت اخوج ما اروم اخونه اكثر .. انا حبيتج صدقيني ما كنت العب عليج ... بس يوم اذكر راشد اخوج جنه سجاجين اتقطع قلبي راشد اخوج مب الا ربيعي هذا اخويه واكثر من اخويه بعد وانا يوم ارمسج احس اني يالس اخونه وانا ما ابا هالشي يستوي .. اللي يحبج وما يقدر ينساج .. منصور ~

واليوم الثاني
اسرحو .. راشد وهند وفطيم وريم صوب دبي واول شي سارو بيت بو مايد لانهم يبون يشلون سلامه وياهم
واول ما وصلو
ريم اربعت عند ميره لانها من زمان ما شافتها وولهانه عليها .. ويوم ادخلت حجرتها كانت ميره راقده وتيلفونها عدالها ... سارت ريم بتشل التيلفون وبتحطه عطرف وشافت ان واصلنها مسج .. وعاد هن الهنتين متعودات ان كل وحده تلعب بتيلفون الثانيه عادي .... ريم فجت المسج اللي كان من منصور ويوم قرته انصدمت ..
ريم : منو هذا منصور اللي ترمسه على انها انا وتمت تطالع المسجات القبليه ... وشافت صورته وعرفت انه منصور اخو شما
وفي هاللحظه ميره نشت من الرقاد وشافت ان ريم قابضه التيلفون وهي منصدمه
ميره : ريم
ريم : ....................

[آڷصّغيرۉنہْ ™]

الــــــــبآرتً الــرَابــ ع عشّر ‘‘


وفي هاللحظه ميره نشت من الرقاد وشافت ان ريم قابضه التيلفون وهي منصدمه
ميره : ريم
ريم : ليش سويتي جذييه
ميره : ...................
ريم ( وهي اتزاعج ) : كيف قدرتي .. من وين يتج الجراه انج اتسوين هالحركه .. لا وما لقيتي الا ربيع اخويه
ميره : ريمووه انا حبيته
ريم : تحترقين انتي ويااه .. بس ليش اترمسينه على انج انا
ميره : لان هو يحبج
ريم : شوووو
ميره : هيه يحبج .. وهذيج المره يوم طرشلج رقمه انا خذته ورمسته .. ما قدرت اقوله اني مب انتي لان هو ما عطاني فرصه بدا يرمسني على اني انتي
ريم : والحين شو صار
ميره : ترا بياخذج وخلاص
ريم : منو اللي بياخذني
ميره : ليش مب هو اللي ..
ريم : لا.... اللي بياخذني واحد اسمه حمدان
ميره : ااا انا اتحريت ان هو اللي بياخذج
ريم : انتي فاهمه شوو اللي سويتيه ... انا ملجتي عقب كمن يوم و اللي ما تعرفينه ان حمدان ربيع منصور بعد كيف تبيني اخذ واحد ربيعه يتحرا اني كنت ارمسه
ميره : ريمووه والله ما كنت ادري ان كل هذا بيستوي
ريم : عيل انتي شو تتحريين بيصير .. ربيع اخويه يتحراني وحده لعابه ارمس شباب لا ومسوي عمره احسن مني خايف على شعور راشد
ميره بدت اتصيح
ريم : انتي خربتي سمعتي .. عنبوه ما حاتيتيني ما قلتي بنت عمتي وربيعتي الروح بالروح .. كيف قدرتي اتسوين جييه ... بس صدقيني عندج يومين اذا ما قلتيله كل شي صدقيني لاخبر كل حد عن هالسالفه واولهم ابوج ومايد
ميره : لا دخيلج لا تخبرين حد صدقيني بحل الموضوع .. صدقيني انا من زمان ابا .. ااقوله بس هو ما يرد عليه
ريم : انا ما يخصني ... لازم اتقوليله الصدق فاهمه
وسمعت صوت هند اختها تزقرها لانهم بيسيرون وظهرت عنها وتمت ميره اتصيح وحتى ريم اخترب مودها
وسارو المحل اللي اجرت منه هند فستان حق ملجتها لان عنده فساتين حلوه
بس ريم ما كان بالها ويا الفساتين
سلامه : هذا الفستان روعه ... والا شو رايكم
هند : الصراحه واايد حلو
سلامه : ريم ... ريموووه
ريم : ها
سلامه : بلاج يالسين انقولج شو رايج في الفستان
ريم : ما اعرف عادي عكيفكم
فطيم : شو عكيفنا انتي اللي بتلبسينه
هند : ريمووه انتي مب طبيعيه فيج شي
ريم : ما فيني شي خلوني في حالي وسارت عنهم بعيد وكان راشد يالس هناك ويرمس حمدان
حمدان : شو اتسوي في دبي
راشد : والله انت تملج وانا اللي مبتلش احاوط الاسواق
حمدان : هههههههه
شوي وشاف ريموه يايه صوبه وويها متغير
راشد : ريمووه بلاج .... حمدان برمسك بعدين ( وبند عن حمدان)
ريم من شافت راشد تمت اتصيح .... ويا ولوا عليها
راشد : ريمووه حبيبي بلاج
ريم : ااا ما شي
راشد : شو ماشي وانتي ميته من الصياح
ريم :راشد ردني العين انا ما ابا اتم هنيه
راشد : انشا الله ... بس انتي قوليلي ليش
هند : انتي هنيه ونحن اندورج ... ريمووه بلاج .. ليش اتصيحين ..|( وصدت صوب راشد ) بلاها
راشد : ما ادري
ريم : راشد خلنا انرد
هند : وين اتردين والفستان
سلامه : برايها خليها عراحتها .. نحن بناخذلها الفستان وبنشتريلها اللي تباه ... وانا الحين بسوي حق دريولنا ايينا هنيه
راشد : خلاص عيل انا وريم بنرد العين

وفي سيارة راشد
ريم هدت شوي
راشد : ما تبين اتقوليلي بلاج
ريم : ماشي
راشد : شو ما شي وانت هلكتي من الصياح
ريم : اتضاربت ويا ميروه
راشد :بس
ريم ( وفخاطرها ) ياليتني اقدر اقولك السالفه يا خويه ..
راشد : شوفي مب اتيني عقب اتقوليلي ودني دبي ما شي انا ما اتسخر دووم
ريم : والله انك متفيج
راشد : ما تبينا انرد صوبهم
ريم : لا ما لي خاطر بعدين هم بياخذولي كل شي
ويرن تيلفون راشد
راشد : اوووه هذا حمدان .. المسكين قتله برمسك بعدين ولا اتصلت له ( ورد عليه ) مرحبا
حمدان : هلا .. وينك قلت بتتصل ولا اتصلت
راشد : لهيت شوي
حمدان : يا خي روعتني
راشد : ادريبك اتلمح تباني اقولك شو استوى ماابا اقولك بخليها فخاطرك
حمدان : رشووود عن الملاقه
راشد : حموود انت ما عندك شغله
حمدان : لا
راشد : عيل سر جابل المحل احسن لك
حمدان : مابا اليوم الدوام عليك
راشد : تعال انت وين
حمدان : ساير بوظبي
راشد : شو اتسوي انت ما خلصت امتحاناتك
حمدان : لا مخلص بس بسير افصل لي ثياب
راشد : ايوااا ايواااا المعرس ما يحق يفصل في العين رابع بوظبي
ريم : رشوووووووووود انتبه
راشد فر التيلفون وتم يشوح بالموتر
حمدان اتيبس محله ما يدري شو استوى عندهم
راشد : الله يلعنه ... الهرم ... والله ما اخليه
ريم : رشوود دخيلك بس خله
راشد : ما با خليه لو نفدنا الحين
( ادريبكم تبون اتعرفون شو اللي استوا ... واحد راعي استوت طلع جدامهم وقبض الخط وراشد كان عسرعه 180 وكان شوي وبيدعمه بس لف عنه على اخر لحظه ويوم لف كانت سياره ثانيه جدامه ورد ظهر عن كتف الطريق ياله رام يخوز عن السيايير والحين لحق راعي لستوت ووقفه والله يعين شو يبى يسوي ) ( هااي السالفه استوت الناا ) 
ريم : رشوود اشتباه خله يولي
راشد : اخليه ايولي ايخسي الا هو ( وشل العصا ونزل له )
ريم : يا ربييييه
راشد تم يضرب الهندي لين ما كسر العصا عليه
راشد : انت حيوان ما اتشوف سياره يايه شله تظهر جدامي ... وين ليسن مالك .... وين
الهندي : بابا والله سوري .. سوري
راشد : شو سوري هات الليسن
الهندي : بابا حراام ما في سوي مشكل حق انا انا سوي شغل من شان بجاه مالي
راشد : انزين يله انفد
وخلاه يولي ورد ركب الموتر
ريم : حراام عليك اشتباه
راشد : هيه حرام عليه ... لو تميت فدربي ودعمته بتقولين حراام عليه .. انتي احمدي ربج اني رمت اتصرف
ويوم مشى في السياره .. حس بالموتر يرفل
ووقف ونزل يطالعه .. ورد ركب
ريم : ها شو السالفه
راشد : اففف.. التواير اتسحتن من التلفيف والبريكات .. الله يستر ما يبنجر علينا تاير لين ما نوصل ...تعالي انا كنت ارمس حمدان .. بتلقينه متروع الحين ..وين تيلفوني ...
ريم : ما ادلك وين فريته ( ويلست ادوره وعصلته طايح تحت وعطته اياه )
راشد اتصل بحمدان
حمدان ( وهو متروع ) : انت وين سرت شو استوا
راشد يلس يخبر حمدان عن اللي استوالهم
حمدان : يعله السم زين ما نفدكم
راشد : اسكت تواير موتري اللي نفدن واتسحتن
حمدان : زين يوم يت في التواير ولا فيكم
راشد : عاد لاتسوي عمرك واايد اتحاتيني .. قول انج خايف عالحرمه
حمدان : بقولك شي .. انت متى بتخلي هالحركات عنك يا قيس بن الملوح
راشد : الوضع ما يسمح ولا انا اعرف ارد عليك
حمدان : يلا عيل بخليك الحين وصلت الخياط
راشد : وينك ... اذا حصلت قطع عدله فصلي ويااك
حمدان : شتباهن بعدك من يومين مفصل كنادير
راشد : اخخ يالبخل ما تبى اتفصل لي كنادير وانا بعطيك اغلى شي عندي ( اونه يقصد ريم ) ريموووه خلاص شكلنا بنهون عن الريال ظهر بخيل
حمدان ( حرج ) : يالهرم .. يا رشوود الحين انا بخيل
راشد : هههههه .. يا ريال اسولف ويااك
حمدان : اتسولف جذييه
راشد : افاااا الريال زعل خلاص يا خي ما هونا عنك بنيوزك بنيوزك
حمدان : تدري انك سخيف بس انا الغلطان اللي يالس ارمسك يلا باااي
راشد : بااي
وبند عنه
راشد : ههههههههه .. حليله حمدان والله زعل
ريم : الحين صدق هو بخيل
راشد : لا حليله انا يالس اسولف انتي صدقتي بعد .. حمدان محد اكرم منه
ريم : هيه اتحريت بعد

وفي بيت بو حمد
شما : نصووور حرام عليك طلعني بموووت ... ضايجه
ناصر : شموووه ما اروم الحين رياييل يتريوني
شما : افففف من هالعيشه اللي تقصر العمر ( وسارت حجرتها واتصلت بريم )
ريم : هلا والله
شما : اهلين
ريم : شمووه اشبلاه صوتج
شما : ماشي بس ضايجه ولايعه جبدي بموووووت
ريم : بلاج انزين اتباغمين عليه
شما : سوري ... بس من الضيج ما اعرف شوو اسوي .. انتي وين ... صوتج في سياره
ريم : هيه راده من دبي ويا رشوود اخويه
شما : اوكي عيل برايج برمسج وقت ثاني
ريم : اوكي بااي
شما : بااي
راشد : بلاها اربيعتج
ريم : ضايجه ومب عارفه شوو اتسوي
راشد : ليش ما تظهر
ريم : ومنو بيظهرها .. ابوها ولا اخوانها
راشد : مسكينه هالبنت
ريم : هيه والله ... شوي ووصلو البيت .. راشد سار سيده صوب حجرته واتصل بشما لانها كانت غامضتنه .. بس هالمره اتصل الها من رقم ثاني عشان اترد عليه
شما : الوووو
راشد تم يشل
(( تدري اني مووت احبك ... وان مالي غير حبك
واللي ينبض في ضلوعي .. ماهو قلبي هذا قلبك ))
وبند عنها
وريم سارت حجرتها واتصلت بميره
ميره : الوو
ريم : ها شو سويتي
ميره : مارد عليه
ريم : ميروه اتصرفي ( وبندت عنها )
وفليل ردن هند وفطيم من دبي وخذن حق ريم كل اللي كانت تباه

[آڷصّغيرۉنہْ ™]

واليوم الثاني
وفي دبي
وفي بيت بو مايد
بنات خالت ميره يايات يبنها اتسير وياهن السينما .. طبعا هي ما كانت تبى اتسير الا هن قصبنها عالسيره ... وسارت وياهن
ويوم يايات بيحدرن .... ميره شافت ناصر وكانت تتحراه منصور
ميره : اووه بنات انا نسيت شي في السياره بسير اييبه ..انتن ادخلن الحين وانا بييكن
وسارت وراه
ميره : منصور .. منصور
ناصر صد صوبها لانه ظاري على هالسالفه ان يسمونه منصور ويوم شاف انها بنت وحلوه سوه عمره منصور وما قاللها انه ناصر
ميره : منصور بغيت ارمسك في موضوع مهم
ناصر : اوكي .. بس هنيه
ميره : شو رايك انسير نيلس مكان .. بس يكون صاد عن حد يشوفني
وسار ويلس وياها على كرسي
ميره : منصور ابا اقولك سالفه بس دخيلك لا تقاطعني وخلني اقولها لنهايه
ناصر :اوكي اتفضلي
ميره : منصور انا ربيعت ريم
ناصر : أي ريم
ميره : ريم اخت راشد ربيعك
ناصر : اوكي وبعدين
ميره : منصور مب ريم اللي تكلمك وريم عمرها ما اتسوي هالشي انت في يوم طرشت رقمك على تيلفونها وانا كنت وياها وخذت الرقم وانا اللي كنت اكلمك طول الفتره اللي طافت .. انا من زمان ابا اقولك بس انت ما تعطيني فرصه .. واتاكد ان ريم ما اتسوي هالسوالف انت اتقول انك ما تقدر اتخون راشد ربيعك بس انته ما خنته لان انت عمرك ما كلمتها وهي اصلا ما بتخون اخوها وبترمسك
ناصر : انتي متاكده من هالكلام ... يعني مب اخت راشد اللي كانت اترمسني
ميره : لا
ناصر : مشكووره .. مشكوووره ( وسار عنها وهو مستانس )
ميره سيده اتصلت بريم وقالتها انها قالت حق منصور كل شي ريم ارتاحت .. وحتى ميره حست ان حمل كبير كان على ظهرها وخاز وردت عند بنات خالتها
ناصر ركب سيارته وتم يحاول يتصل بمنصور بس منصور ما رد عليه .. وتم يتصل بعلي وحتى علي هالمره ما رد عليه
ناصر: ااااخ .. يا منصور لو تسمع هالكلام اللي انا سمعته .. اااخ لو اتعرف الحقيقه .. يا ربييي هذيل ليش ما يردووون .. اووه انا ما اعرف وقتهم ليكون عندهم ليل

وفي العين
وفي بيت بو حمدان
بو حمدان : ها حمدان رتبت حق الملجه
حمدان : هيه
بو حمدان : حجزت حربيه
حمدان : اووه نسيت انا اوني بقول حق راشد ونسيت
بو حمدان : شله اتقول حق راشد روحك احجز
حمدان : ابويه اتعرف اني مالي فهلعلوم هو يعرف الفرق الزينه وبيحجزلنا فرقه عدله
بو حمدان : وتراني عبلت عمك بالعشا
وحمدان يلس يرمس راشد
ونزلت عنوود
عنود : هههههههه ... حموود تدري شكلك يضحك .. الا خيام وحربيه وعشا وما ادري شووو
حمدان بند عن راشد
حمدان : شفتي حال اخوج .. عيل انا ويه هالسوالف
بو حمدان : جييه مب ويه هالسوالف .. هذا حال الرياييل . عيل انت وراك بيت وحرمه
حمدان : ابويه لا بيت ولاشي انا بسكن وياكم امره هب ظاهر عنكم
بو حمدان : جييه ابويه عيل انا قايل برتب لك بيت بوظبي عشان تسكن فييه
حمدان : جييه ابويه تباني اسكن في بوظبي
بو حمدان : تراك تدرس هناك .. عيل تبى اتخلي حرمك اهنييه وانت في بوظبي
حمدان : يعني بس وقت الدراسه
عنود : هيه اكييد بس وقت الدراسه .. نحن وين نروم نصبر عنك
حمدان ( ويلوي على اخته ) : حتى انا ما اصبر عنكم

وفي بيت بو حمد
ناصر توه واصل من دبي .. وحدر البيت وكانت شما يالسه في الصاله
ناصر : شمووه منصور ما اتصل اليوم حق امايه
شما : ما ادري ...ليش ؟؟
ناصر : اففف منه ليش ما يرد
شما : اتصل حق خالي علي
ناصر :اتصلت له ما يرد
شما : جرب مره ثانيه
ناصر ( اتصل بخاله علي وهالمره رد عليه ) : الوو
علي : مرحبا
ناصر : خالي عطني منصور
علي : عنبوه بلاك لا سلام ولا شي
ناصر : اسمحلي خالي بس ابا منصور بسالفه
علي : جييه شوو مستوي عندك
ناصر : خالي انت عطني منصور
علي : انزين لحظه شوي منصور في حجرته بسير له
وسار علي عند منصور وعطاه التيلفون
ناصر : منصور
منصور : بلاك خالي يقول انك تباني ضروري
ناصر : عندي لك خبر
منصور : شووو
ناصر : منصور انا اليوم عرفت الحقيقه
منصور : أي حقيقه
ناصر : منصور البنت اللي كنت اترمسها
منصور : تقصد ريم اخت راشد
ناصر : هالبنت .. طلعت مب اخت راشد
منصور : كيييف .. وانت اشدراك
ناصر : منصور انا اليوم كنت ساير دبي ولحقتني بنت وكانت تزقرني منصور اتحراني انت وقالتي
منصور : شوو قالتلك
ناصر : قالتلي ان هي اللي كانت اترمسك ... وهي خذت رقمك من تيلفون ريم يوم انت طرشتلها اياه
منصور : انزين
ناصر : وهي يوم شافتك متولع بريم وايد قالتلك انها ريم عشان تسويلها سالفه
منصور : انت من صدقك
ناصر : اعتقد ان الحين ما في شي يخليك اتم هناك .. يلا تعال اتولهنا عليك
منصور : نصور .. صدق ..صدق .. انت ما تقص عليه
ناصر : بشوو احلف لك ان اللي قتلك اياه صدق .. والله انا ظلمنا البنت .. انا كنت مستغرب ان بنت سعيد اترمسك
منصور : ..............
ناصر : بلاك صخيت
منصور : شوو تباني اسوي
ناصر : قوم احجز وتعال شوو بعد
منصور : اوكي عيل خلني اخلص اموري هنيه وبيي .. تعال بقولك راشد ما يسال عني
ناصر : هيي يا راشد والله ان هالريال ماشي شراته.. عالحركات اللي سويتها فيه وتطنيشك له الا انه ما يرمسني الا يسال عنك .. انت اول شي اتسويه يوم بترد اتسامح منه
منصور : اكييد ... وثاني شي بخطب اخته
ناصر : خلاص عيل مبروك من الحين
منصور : وينك لا تخبر حد اني برد خلها مفاجاه
ناصر : اوكي
منصور:يلا عيل مع السلامه
ناصر : الله يحفظك
وبند عنه
منصور : بو حسوون
علي : لبيه
منصور : لبيت حاي ..... خالي انا برد لبلاد
علي : في ذمتك
منصور : هيه
علي : سبحان اللي يغير ولا يتغير ... شو سوابك نصوور عشان يقنعك انك اترد
منصور : ما شي بس قالي شي ما كنت اعرفه
علي : زين .. زين ... بس انا اتعودت عليك
منصور : حتى انا بس شوو اسوي
علي : تعال ودراسك
منصور : شووو ترا باجر اخر يوم وورا باجر برد لبلاد
علي : عخير انشا الله

وفي بيت بو عبد الله
الساعه 12 فليل
راشد توه راد من عند الشباب
وريم كانت تطالع التلفزيون في الصاله
راشد : انتي شو اتسوين لين الحين
ريم : ما فيني ارقاد
راشد : ليش
ريم : متروعه
راشد : من
ريم : النتايج باجر
راشد : ايوا انا اتحريت من الملجه
ريم : مب فاضيه افكر ابها انا همي في النتايج
راشد : تدرين اتحسسيني انج زلمه وايد مهتمه
ريم : انتو الاولاد عفانا الله ما تهمكم هالاشياء ما شي احساس
راشد : انا يوم نتايج الثانويه كنت في عرس يالس ايول طرشولي مسج قالولي نسبك جي جي وحتى ما انتبهت الها يوم رديت البيت فليل شفت نسبتي عدل
ريم : والله على ايامكم احلى النتايج تظهر من الوزاره انروم انيبها لكن يوم انتم عالمدرسه لوعه جبد
راشد : انزين انا تعبان بسير ارقد .. يلا انتي بعد قومي سيري حجرتج مب اتمين هنيه روحج
ريم : انشا الله
وقامت بندت التلفزيون وسارت فوق ويا راشد
راشد : شي تيلفون ايرن
ريم : اوووه هذا صوت تيلفوني ... مخلتنه فالحجره
راشد : منو متصل هالحزه
ريم : اشدراني ( وسارت تشوف تيلفونها ) ما اعرف الرقم
راشد : عطيني انا برد عليه ( ورد عليه ) الووو
شما : الوووو .. منو يتكلم
راشد ( عرف انها شما لانه يعرف صوتها ويميزه من بين الاصوات .. بس حب يستهبل عليها شوي ) انتي اللي منو انتي اللي متصله
شما : هذا مب تيلفون ريم
راشد : لا
شما : يا ربييي راشد عرفتك لو سمحت عطني ريم
راشد : كيف عرفتيني
شما : اففففففففف
راشد :خيبه خيبه يا بنت الحلال زين ما طيرتيني
ريم : منو عندك
راشد : هاي ربيعج الخقاقه ( وفر التيلفون على ريم )
شما : الحين انا خقاقه .. عيل هو شو يظهر
ريم : ههههه
راشد : جنج تضحكين عليه
ريم : اتقولك اذا هي خقاقه .. انت شو تظهر
راشد ( وبصوت عالي ): شيخ شباب العين
شما : ما يحتاي
ريم : لاشمووه هنيه وحدج كله ولا بو سنيده
راشد : اووه زين يوم ادافعين عني ( يلا عيل برايج انا بسير ارقد)
ريم : اوكي برايك
راشد سار حجرته وريم تمت اترمس شما
شما : اخووج سخيف
ريم : حرام عليج
شما : شو عيل ما رقدتي
ريم : ليش انتي ياج رقاد
شما : لا
ريم : عيل شقا تبين اييني ارقاد
شما : اسميني متروعه
ريم : سكتي انتي متروعه من شي واحد .. انا ورايه شيئين
شما : هههههه ..ياحليلج يا ريمووه بتعرسين عيل
ريم : عقبالج انتي بعد
شما : بعيد .. بعيد
وتمن يسولفن شوي

[آڷصّغيرۉنہْ ™]

وفي حجرة راشد
راشد : اااااااااخ منها ..... متى بتحس فيني ... لين متى بتم اسوي فيني هالحركات ... اااااخ والمشكله انها كل ما اتصدني واترد عليه اتخليني احبها زوود الا اتخبل عليها .... ( وقبض تيلفونه واتصل ابها )
شما : انت بلاك اتخبلت كيف تتصل لي هالحزه انت ما تستحي
راشد : هيه انا اتخبلت .. اتخبلت من شفتج ... شو انتي ما اتحسين انا احبج .. والله اني احبج .. صدقيني اني ما العب عليج .. انا من اسمع اسمج شي يصيبني انسى الدنيا وما فيها لانج انتي دنياي دخيلج روفي بحالي .. انا ما ابا منج شي ... بس سؤال واحد وجاوبيني عليه ... اذا خطبتج بتوافقين ؟؟ ( في هاللحظه شما سكرت التيلفون )
شما : هذا من صدقه معقوله انه يحبني ..

راشد : اوكي بندتي هالمره ما بتبندين مره ثانيه ... والله ما اخليج .. اذا ما خليتج اتحبيني ما اكون راشد بن سعيد









اليوم الثاني
وهو يوم نتايج الثانويه العامه
ريم ناشه من الساعه 6 وما صدقت توصل الساعه ثمان واتصلت المدرسه ورمست الاخصائيه وعطتها نتيجتها وهي 90.1 وسالت عن نتيجة شما وهي 94.3 ...
ريم : امااااااايه .. اماااااايه
ام عبد الله : بلاج ؟
ريم( اربعت ولوت على امها ) : امايه باركيلي .. باركيلي يبت 90
ام عبد الله : مبروك يا بنتي ..بشرتي ابوج
ريم : لا توني ماخذه النتيجه وين ابويه
ام عبد الله : ابوج في العزبه اتصليله تيلفون
ريم : اوكي بس قبل بتصل بشموووه بقوللها نسبتها
ام عبد الله : وكم يابت ؟
ريم : 94.3
ام عبد الله : ما شا الله عليها تستاهل عيل باركيلها عني
ريم : انشا الله ( واربعت عند التيلفون واتصلت بشما )
شما ( وكان صوتها انها راقده ) : الوو
ريم : شموووه شكلج راقده
شما : هيه
ريم : شمووه تراني يبت نسبج
شما ( اتنشطت شوي ) : والله .. كم
ريم : ااااااا
شما : ريمووه بلاج ليكون مب اوكي
ريم : هي يعني
شما : ريمووه لا اتروعيني قولي كم
ريم : 94.3
شما : واااااااااااااااااااااااااا .... تجذبين قولي والله
ريم : والله العظيم
شما : وانتي
ريم :90.1
شما : مبروك
ريم : الله يبارك في حياتج .. وحتى انتي مبروك
شما : الله يبارك فيج .. الحين انتي متاكده
ريم : هيه اتصلت بالاخصائيه وعطتني النسب
شما : عيل بقوم ابشر امايه وابويه
ريم : يلا عيل برايج انا بعد بقول حق ابويه
وبندت ريم عن شما واتصلت بابوها وبشرته ... واستانس وايد بنسبتها .. وعقب اربعت وخبرت عبد الله وفطيم وهند
وشما من صوبها بعد سارت وبشرت امها وابوها واخوانها
وحمدان حليله يتريا راشد يتصل ويقوله كم نسبه ريم .. عاد مشكله الخطيبه يحاتيها .. وخلاف نش واتصل له
راشد : الووو
حمدان : راقد
راشد : هييييه
حمدان : افااا يا ريال اليوم النتايج
راشد : وخير انشا الله ... انت طالب ثانويه عامه وانا ما ادري
حمدان : اااااااااخ مشكله رشوود يوم يستهبل
راشد : ايواااااااا ... الحين فهمت لا ابشرك عيل عندها دور ثاني
حمدان : من صدقك
راشد : جييه شو قالولك جذاب
حمدان : لا محشووم بس
راشد : لا بس ولا شي ...بعدين ترا خلاص الملجه اتاجلت مب باجر
حمدان : رشووود انت تتكلم جد والا تتمصخر
راشد : لا صدق البنت يايبه دوور ثاني الحين يالسه اتصيح وانت متفيج بتملج
حمدان : انزين الملجه باجر
راشد : انزين انا اختي بتصيح من اليوم لين ما تنجح
حمدان : اففف انزين يلا برايك كمل رقادك
وبند عنه
راشد ( هلك من الضحك على حمدان شوي وتدخل عليه ريم )
ريم : رشووود يبت 90.1
راشد : جذابه
ريم : و الله
راشد : حشى زلمه مب اختي
ريم : اذكر الله يالسبال
راشد : اسولف وياج ياحرمه ... يلا مبروك
ريم : الله يبارك فيك
راشد : عيل بتصل حق المعرس ببشره المسكين سويت له فلم هندي
ريم : ليش
راشد : متصل لي المسكين يبا يعرف كم يبتي قتله عندج دور ثاني والملجه اتاجلت وسالفه
ريم : وصدق
راشد : هيه بس لاول مره اعرف انه غبي
ريم : ليش
راشد : متصل لي يقولي راقد اقوله هيه ويوم سالني عن نسبج قتله هذيج السالفه يعني اقوله راقد كيف بعرف
ريم : ههههههه .. صدق غبي
راشد : ايه كله ولا حمدان عاد حدج
ريم : لا والله وانت من ساعه طايح فيه
راشد : انا عادي ربيعه اموون انتي لا
ريم : لا والله وانا بعد ...
راشد : وانتي شووو
ريم : اووووو رشوود والله انك سبال ( وسارت عنه )
راشد : ههههههه ( واتصل بحمدان )
حمدان : الووو
راشد : اوووه المعنويات هابطه شكلها
حمدان : الا شكلها
راشد : حموود بقولك شي
حمدان : انت اخبارك اليوم مثل ويهك انا افضل انك ما اتقول
راشد : افاااا ... ليش .. لا هالخبر عاد يفرح
حمدان : ولو اني اشك .. بش يلا قول خلصني
راشد : حشى اسمي انك مالك بارض عليه
حمدان : جنك تدري
راشد : انزين بقولك اترا انت كنت ويانا في برنامج صادوووه ... ريم يابت 90.1 والف مبروك ترا ملجك باجر
حمدان : في ذمك
راشد : والله
حمدان : صدق رشووود
راشد : والله ان صدق
حمدان: تدري لو انت جدامي شو بسويبك
راشد : شوو
حمدان : بعطيك بكس على فجك عشان اتحرم تجذب مره ثانيه
راشد : هههه .. عثره بكس مره وحده
حمدان : جييه شويه اللي سويته فيني
راشد : والحين
حمدان : لا الحين ردت الروح فيني
راشد : ياااله هالكثر العرس يونس
حمدان : هيه
راشد : اللهم اوعدنا
حمدان : انا ارمسك اقولك سر اخطبها ما اطييع خلك جييه لين اطير البنت من ايدك
راشد : عن هالفال انشا الله اني باخذها وهي راضيه ..ولك عين تنظر
حمدان : انزين يله عيل اجلب ويهك انا بسير بو ظبي الحين
راشد : انت شو اتسوي كل يوم وربعت بوظبي
حمدان :عوذ بالله بسير اييب كناديري
راشد : انزين يلا عيل برايك يوم بترد بنتلاقا
حمدان : عخير انشا الله .. يلا مع السلامه
راشد : الله يحفظك
وبند عنه ونش راشد اتسبح واتلبس ونزل تحت

[آڷصّغيرۉنہْ ™]

راشد : السلام عليكم
الكل : وعليكم السلام
راشد : مبروكين نجاح بنتكم
ريم : جنك ترمس اليران جييه وانت ما تعرفني
راشد : الله يغربلج تراني ما عرفت جقا اييبها
ريم : واا وهقتك
راشد : ويا هالويه
ريم : اوووه ما سالت عن ميرووه ويزووي
هند توها نازله من فوق
هند : ميروه يابت 77.5
ريم : شووو .. معقوله
راشد :زين .. بس عليها ام لسان .. تعالو هيه من زمان ما يتنا
هند : اليوم بيون
راشد : خيبه انا ليش اطريهم عيل اليوم انا ببات برع البيت
ريم : حراام عليك الا هن سلامووه وميروه
راشد : ااااااخ اللي يسمع سلامووه وميروه يقول بنوتات ما يخصهن في حد .. سكتي ... سكتي .. جان الا هالقوايا ما اداني ايلس وياهن
هند : حليلهن شوو سون قوايا
راشد : اااااف انا شله اييب طاريهن انزين يلا فكني انا طالع
ريم : وين
راشد : بسير المكتب .. حمدان ساير بوظبي ومخلي الشغل كله عليه
ريم : عاد لا تنسى هديتي
راشد : تراني يايبلج هديه
ريم : متى
راشد : يايبلج خطييب
ريم : ابويه شوف رشوود
بو عبد الله : بلاك عالبنت
راشد : ماشي ... تبا من عندي هديه قلتلها يبتلج حمدان هديه
بو عبد الله : وانا اشهد انها اخير هديه
ريم : ابويه انت بعد درت عليه
راشد : ها ها هاااي ... عشان تعرفين ان هذا الشبل من هذا الاسد
بو عبد الله : خلاص ولا تزعلين لج الهديه اللي تبينها انتي اطلبي بس عندج من الالف لين لميه الف
راشد : الحزن اميه الف ... جييه شو مسويه مكتشفه الذره الا مخلصه الثانويه
عبد الله : الشيخ وانت كم جيمه هديتك يوم خلصت الثانويه
ريم : ها ما تقول
بو عبد الله : حليله راشد انا ما خذت له هديه
راشد : يعيش ابويه خلك ويايه عالخط
بو عبد الله : لا انا بسير عالدوار
الكل : ههههه
راشد : ابويه انت وصلتك العدوى بعد وقمت اتنكت نكت سخيفه مثل ويه عبوود
عبد الله : منو عبوود
ريم : انت بعد منوه
عبد الله : نعااااام
راشد : لا انا ما قلت انت انا قلت عبوود انت عبوود
عبد الله : هيه اتحرا
ريم : ابويه انا ابا ساعه رولكس اليديده ( الماستر )
بو عبد الله : انشا الله ... راشد تعال بعطيك البطاقه و سر خذ حق اختك الساعه اللي تباها
راشد : وانا مالي شي
ريم : شو تبى انت بعد
بو عبد الله : عنبوه بلاج حاسده .. خذ اللي تباه
شوي وياهم حميد
حميد : عمي لاسد
راشد : مرحبا الساع .. حيه
حميد : حسمك ... حسمك ( ووايهه بالخشوم ) عمي وين بتسير
راشد : بسير احوط اتسير ويايه
حميد : هيه
عبد الله : لا ما شي سيره
حميد : ليس هو عكيفك
راشد : هههههه
عبد الله : يا الهرم انا ابوك شو بعد عكيفك
راشد : انزين برايه خله يسير ويايه
عبد الله : الا ما اخليه يسير
حميد : عمي لاسد ما عليك منه خلنا نثير يلا
عبد الله : حميدووه سر فوق احسنلك
حميد : ما با اثير ثو بتثوي يعني .. بضارب
راشد : هههههه
ريم : عاش حميدووه
عبد الله : حسبي الله عليكم خربتو ولدي
راشد : ها حدك ولدك مايخصنا فيه روحه جذييه .... يالسلنا تبا تصلبنا اونك يلا اصلب ولدك جان فيك خير
عبد الله نش وشل حميد ووداه فوق وحميد تم يصارخ ما يبا ...
ريم : ابويه ترا بنت سيف ال.......... مخلصه ويايه بعد عادي اخذلها هديه
راشد كان ناسي سالفة شما ..
راشد : وكم يابت
ريم : 94.3
بو عبد الله : ماشا الله عليها .. خذيلها الهديه اللي تبينها والفلوس عند راشد
راشد : انتو خلو الهدايا عليه
ام عبد الله : ها اسمعكم تطرون هدايا لمنوه
ريم : حقي وحق شمووه
ام عبد الله : هيه ترا اليازيه يابت 88.8
ريم : معقوله انا يايبه اعلى عن يزوي
هند : تراج انتي الا ادبي وهي علمي
ريم : عادي المهم انا اعلى وحده في العايله
بو عبد الله : اوووه عيل بنت اخويه تبالها هديه بعد
ام عبد الله : حتى انا بنت اخويه تبالها هديه
بو عبد الله : راشد عيل هاي عبالك الهدايا
راشد : خلاص اوكي بس ميروه ويزوي ما يستاهلن
ام عبد الله : جييه حليلهن
راشد :اضني كلهن اخذ الهن سوع
ام عبد الله : هيه
ريم : بس شمووه اتوصى فيها هاي ربيعتي
راشد : ( وفي خاطره ) بدون ما تقولين اصلا
شوي وظهر راشد وسار ياخذ الهدايا حق البنات ... وعالساعه 2 الظهر يت المحنيه حق ريم

الساعه 10 فليل
في بيت بو حمدان
عنود : اللااااااااااااااااه حلو .. بس ليش هديتين
حمدان : وحده هديه النجاح والثانيه هديه الملجه
عنود : يا ويلي يا ويلي
حمدان : بس الحين شكلي بتعايز وبخليها هديه وحده
عنود : ليش
حمدان : امبوني كنت بوديلها هديه النجاح اليوم بس اتلوم شو بيقولون اهلها
عنود : لا بالعكس احلى اذا خليت هديه النجاح بروحا عشان اتعرف انك مهتم
حمدان : ما ادري بس كيف بوديلها اياها
عنود : انزين شو رايك اتوديني الها انا بوديلها اياها اهلها بيتحرون ان الهديه مني بس انا بقوللها انها منك
حمدان : خلاص عيل شورج وهداية الله .. قومي البسي عباتج
عنود : اوكي بس بقول حق امايه قبل ما انسير
حمدان : وقولي حق عهود اذا بتسير عن تزعل عليه بعد دووم اتقولي انت اتودي عنود ما اتوديني
عنود : اوكي
سارت عنود وقالت حق امها ولبست عباتها وسارو صوب بيت قوم ريم واول ما وصل حمدان كان راشد بعد توه واصل ... نزلو راشد وحمدان واتوايهو ... وعنود انزلت وادخلت داخل وهي كانت متصله بريم وقالتها انها بتيها ...
حمدان سار فج دبة موتره ونزل منها ثلاث اكياس كبار وعطاهن راشد
راشد : شو هذيل
حمدان : شو اتشوف كنادير وغتر ( حمدان فصل حق راشد شرات ثيابه كل واحد منهم 10 كنادير وكل وحده لون وماخذ حق كل كندوره غتره شرات لونها )
راشد: مشكور بس شله معبل ععمرك ... قلنا فصلي بس مب هالكثر
حمدان : لا عباله ولاشي الا هن كنادير وغتر
راشد : اقرب في الميلس
حمدان : جريب ... بس انا مب مطول شوي وساير
راشد : عنبوه عيل بتم واقف جذييه بنص الحوي
حمدان : لا تعال خلنا نركب الموترونسولف

وفوق عند البنات
عنود سلمت على ريم وباركتلها بالنجاح وعطتها الهديه
عنود : حمدان يسلم عليج ويقولج مبروك النجاح وهالهديه من عنده
ريم ( وهي مستحيه ) : الله يسلمه ويبارك فيه .. شله معبل على عمره
عنود : لا عباله ولا شي هو روحه متلوم منج .. يلا عيل عروستنا برايج اشوفج باجر انشا الله
ريم : وين ما يلستي
عنود : مره ثانيه انشا الله بس حمدان يترياني تحت
ريم : ما عليج تلقينه الحين هو وراشد يسولفون وما يدرون بالدنيا
عنود : لا وين قايللي ما تتحيرين تبيلي هزبه
ريم : ههههه .. جان جييه السالفه عيل سيري له
عنود : يلا مع السلامه
ريم : الله يحفظج
نزلت عنود وراشد يوم شافها يايه نزل من الموتر ... وسار صوب موتره واتصل بريم
ريم : هلا
راشد : ريمووه تعاليلي خاري عندي وايد اغراض ما اروم اشلهن
ريم : اوكي
ونزلت له

[آڷصّغيرۉنہْ ™]

راشد كان شال بكسين كبار واكياس هنتين
راشد : ريموه شلي الاكياس اللي هناك
ريم : شو هالاكياس
راشد : ثيابي
ريم: خيبه هالكثر ثياب
راشد : والله هذا ريلج ما يقصر مفصللي اياهن
ريم : ما عنده سالفه
راشد : ويا ويهج
وادخلو الصاله
ريم : يلا روني هديتي
راشد كان يايب بكسين واحد لونه فوشي والثاني احمر وعطا ريم البكس الفوشي
ريم : اللاااااااه فوشي ( وفتحت البكس ... راشد كان ماخذلها الساعه الرولكس اللي كانت تباها هذي اونها من عند ابوه .... وهو بعد كان ماخذلها عطورات وشنطه بربري من عنده وحاطنهن كلهن في البكس )
ريم : ثانكس رشوودي ... والبكس الثاني لمنوه
راشد : حق ربيعج مب انتي قايله اتوصا فيها
ريم : روني شو خذت الها
راشد : كل شي مغلف داخل شو بتشوفين
ريم : لا والله عيل انا ما غلفت لي
راشد : والله هذي حقج ... تبينا انوديها حق البنت جذيه شو تبينها اتقول عنا ما يعرفون يسوون هدايا مثل الناس
ريم : انزين قولي شو خذت الها
راشد : ساعه اقنر ... وعطورات شرات مالج ... وشنطه بربري .. وميروه ويزوي خذت الهن سوع ديور
ريم : بس
راشد : هيه بس هذا ووايد عليهن
ريم : هههههه ميرووه وبنقول بعد ويزوي حليلها خطيبتك
راشد : اتخسي الا هي
ريم : جييه انت ما بتاخذ يزوي
راشد : لا طبعا منو قالج
ريم : بس انا اللي اعرفه انهم كلهم يقولون ان اليازيه لك
راشد : قلتيها كلهم ... بس مب انا
ريم : بس انا اللي سمعته ان اااا
راشد : شووو سمعتي قولي
ريم : عقب كمن يوم قوم ابويه بيسيرون بوظبي يباركون الهم بنجاح يزوي وبيخطبونها لك
راشد : شوووو ومتى صار هالكلام
ريم : قبل شوي
راشد : ليش هو عكيفهم وانا وين سرت شله ما يشاوروني
ريم : ما اعرف انا اتحراك تدري وانك موافق على اليازيه
راشد : اففففف شو هالحاله هذيل متى بيسوولي سالفه في هالبيت وبيشاوروني قبل لا يسوون شي ... يودي هذي بطاقه ابويه عطيه اياها .. انا طالع
ريم : وين
راشد : جهنم .. شتبيني وظهر عنها
ريم : اففف انا شو سويت هذا من صدقه حرج
هند : منو اللي ظاهر توه
ريم : راشد
هند : بلاه شله ظاهر جييه مسرع بالموتر
ريم يلست تخبر هند عن راشد
هند : معقوله راشد ما يبا اليازيه .. بس هم من زمان كانو يقولون انها له وهو عمره ما اعترض ولا قال شي .. حتى هزاع من يطري راشد يقول يوم بياخذ اليازيه انا بقصص عليه شرات ما مقصص عليه
ريم : بس انتي لو شفتيه شقا كان يرمس وهو محرج
هند : ونحن شلنا كيفهم وياه
ريم: تعالي شوفي هذي هديتي وهذيل حق يزوي وميروه وهاي حق شمووه
هند : وشمعنا شمووه بكس وسالفه
ريم : ترا انا قايلتله يتوصا فيها هاي ربيعتي فديتها .. اطرشلها اياها اليوم والا باجر
هند : اليوم احسن باجر محد بيتفيج
ريم : اوكي بسير اخلي كريمووه يوديها
وسارت ريم وطرشت الهديه لـ شما
وشما من وصلتها الهديه اتصلت بـ ريم
ريم : هلا
شما : اهلين .. مشكوره عالهديه
ريم : العفو
شما : متى سرتي تتشرين ما قلتيلي انج ظهرت من البيت
ريم : انا ما سرت رشوود اللي ما خذنها
شما ( صخت من سمعت اسم راشد )
ريم : اووه شموه وين سرتي
شما : ها وياج .. وياج
ريم : بتين باجر
شما : تدرين اني ماقلت حق ابويه لين الحين
ريم : شمووه شو تتريين .. تراني بزعل ان ما ييتي
شما : ريمووه انتي اتعرفين عاد ... يمكن ما ايي
ريم : ما اقبل أي اعذار اتيين يعني اتيين
شما :ريمووه
ريم : ما شي
شما : اوكي بحاول
ريم : يلا الحين سيري عند ابوج ....
شما : الحين ما اروم
ريم : شمووه يلا سيري .. يلا بااي
شما : بااي
بندت شمووه عنها وسارت عند ابوها وشاورته انها اتسير ملجه ريم وهو يوم عرف انها بنت سعيد ال....... ما عارض .. وخلاها اتسير وهي ظاهره من عند ابوها .. ناصر كان حادر البيت
ناصر : شمووه .. شمووه
شما : هلا
ناصر : شمووه منو بيملج من بنات سعيد ال.........
شما :اصلا هو ما تمت عنده غير وحده اللي هي ريمووه ربيعتي
ناصر : شوووو
شما : بسم الله الرحمن الرحيم .. بلاك
ناصر : لا ماشي بس استغربت
شما : ليش تستغرب عادي اصلا هي مخطوبه من كمن شهر
ناصر : من كمن شهر عيل ليش انا ما عرفت
شما : غريبه ان راشد ما قالك
ناصر: ( وبصوت واطي ) ويل حالك يا منصور
شما : شو اتقول
ناصر : لا ماشي .. انا ساير تامرين على شي
شما : سلامك
وظهر عنها وركب موتره وظهر من البيت
ناصر : اااااخ والحين شو الحل .. مسكين يا منصور ياي باجر وانت كلك امل انك اتسير وتخطبها ... الله يعينك كيف بتقدر تستوعب انها بتملج

وفي بيت بو عبد الله
مايد وخواته توهم واصلين من دبي وميره وريم اول ما شافن بعض كل وحده لوت عالثانيه وتمن يصيحن بس اتصالحن من بعد اللي استوا مبينهن مهما كان يتمن خوات على قولتهن ... وهالليله كانت سهره عند البنات وتمن يسولفن لين الساعه 3 وخلاف رقدن
وقت صلاة الفير بو عبد الله وعبد الله ظاهرين يبون المسيد وفي هاللحظه كان راشد حادر البيت
عبد الله : انت توك ياي
راشد : هيه .. شعندك
بو عبد الله : راشد مب انت اللي اتم برع البيت لي هالحزه
راشد : ابويه اسمحلي انا كنت مضايج وتميت يالس في مبزره ويا الشباب
عبد الله : أي شباب اللي يالسين لي هالحزه
راشد : ربعي
عبد الله : أي رياييل انتو يالسين لي هالحزه برع بيوتكم
راشد : عبد الله دخيل الله صخ عني لان روحي واصل حدي
بو عبد الله : راشد سر اتمسح والحقنا المسيد
راشد : انشا الله
سار راشد اتمسح وسار صلى في المسيد ورد ورقد .. وشوي ويو العمال وسوو الخيمه حق الرياييل
وحمدان من الصبح عند بيت بو عبد الله يرتب ويخلص حق الملجه

وفي مطار العين
منصور توه واصل من لندن اتلقاه ناصر في المطار وسارو صوب البيت
وفي السياره
منصور :اللاااااه يالعين اااااخ الواحد ما يروم يصبر عنها
ناصر : والله روحك شردت منها
منصور : نصوور خلنا انسير صوب رشوود ابا اسلم عليه
ناصر : اااا ... رشوود تلقاه الحين راقد خله بعدين بتسير له .. الحين بنسير البيت سلم على امايه وابويه وشمووه حليلها متولهه عليك ... وريح شوي ...
وهم ما شين لفو من جدام بيت قوم راشد لانه على درب بيتهم ناصر روحه انصدم يوم شاف الخيمه
منصور : نصوور شو عندهم قوم رشوود مسوين خيمه
ناصر : اااااا ما ادري
منصور : نصور وقف
ناصر : ليش
منصور : اقولك اوقف
وقف ناصر ونزل منصور من الموتر وشاف بو عبد الله وسار وسلم عليه وساله عن الخيمه
بو عبد الله : حمدان بن سلطان بيملج عندنا
منصور : ( انصدم ) ااا مبروكين انشا الله يلا عمي عيل بخليك الحين بسير صوب لهل
بو عبد الله : الله يحفظك
منصور ركب السياره
منصور : نصور راشد عنده خوات غير ريم
ناصر : ............................
منصور : نصور ارمس
ناصر : لا
منصور : يعني اللي بتملج هي ريم
ناصر ( هز راسه بمعنى هيه )
منصور : ليش .. ليش انا كنت ياي اخطبها ليش تملج ...
ناصر : منصور خلاص
منصور : شو اللي خلاص انت ما تفهم البنت اللي حبيتها بتعرس خلاص ... وانا اللي كنت افكر فيها كل يوم وكل ليله ضاعت من ايدي ... انت ما جربت اتحب عشان اتقولي هالرمسه ولا تعرف شو معنى الحب ولا ذقت عذابه .. ااااااااااااااااااااااه ياريم كيف بعيش بدونج ااااااااه
ناصر : اللي صار كله بسببك انت... اللي من البدايه بديت غلط ... يوم انك حبيتها على قولك جان سرت وخطبتها ربعت تروق البنت واطرشلها رقمك لين صار اللي صار ...
منصور : وانا شدراني ان مب هي
ناصر : اصلا بالعقل نحن انعرف راشد وهله من سنين مب من اليوم ونعرف تربيتهم .. كيف يا في بالك ان بنت سعيد بترمسك في التيلفون
منصور : والحين خلاص يعني ريم ما بتكون لي .. ليش قتلي ان مب هي اللي كانت اترمسني يمكن لو كنت اتحراها هي جان يمكن ايكون عادي عندي وما يتقطع قلبي عليها
ناصر : شو تبغي اتكون ظالم بنت الناس طول عمرك انت احمد ربك انك عرفت الحقيقه والا تراك بتم تنظر للبنت نظره دونيه .. خلاص البنت راحت انساها
منصور : انساها .... انسا حبي ... انت لو جربت اتحب ما بتقولي انساها
وخلاف تمو ساكتين لين ما وصلو البيت
منصور ما كان يبى يدخل البيت بس ناصر غصبه وكلهم استانسو بييته واكثر حد شما ... منصور سلم عليهم وسار وسلم على يدته وعمه وعياله وخلاف رد ودخل حجرته واتصل بميره
ميره من شافت رقمه اتيبست وما عرفت شو اتسوي وقالت حق ريم انه متصل الها وريم قالتلها اترد عليه واتشوفه بلاه لانه ما وقف من اتصالاته

[آڷصّغيرۉنہْ ™]

ميره : الوو
منصور : ليش سويتي جذييه .. لييييش
ميره : منصور بلاك .. انا شو سويت
منصور : ليش قصيتي عليه وقلتيلي انج ريم لين ما خليتي ريم اتضيع من ايدي
ميره : منصور اناااااا
منصور : اقول ابا رقم ريم
ميره : شووو
منصور : اقولج ابا رقم ريم ابا ارمسها
ميره : منصور عن هالخبال البنت خلاص اليوم بتملج
منصور : برايه ... انا بس ابا اقول الها شي
ميره : مستحيل .. مستحيل اعطيك رقمها
منصور : انا لازم اقول الها اني احبها .. الا امووووت فهواها .. اعشق اسمها .. حرام عليكن ليش سويتبي جذيييه .. ربيعج ملكت قلبي وانتي قصيتي عليه
ميره : انا ما قصيت عليك انا حبيتك .. وانا كنت بقولك اني مب ريم بس انت ما كنت اتعطيني فرصه
منصور : وما لقيتي تقولين الحقيقه الا الحين جان رمستي من قبل
ميره : ليش انت كنت اترد على تيلفونك
منصور : الله لا يسامحج على اللي سويتي فيني ( وبند التيلفون في ويهها)
ميره تمت اتصيح ودخلت عليها ريم الحجره
ريم : بلاج شو قالج منصور
ميره يلست تخبر ريم عن اللي قاللها اياه منصور
ريم : معقوله انه حبني
ميره : هيه وما تتخيلين كيف كان يرمسني وهو يتالم ... ريم سامحيني انا السبب في اللي استوى ادري انج بعد كنتي اتحبينه
ريم : لا انا ما حبيت منصور ولا عمري بحبه بس كان يعيبني شكله وبس
ميره : يعني انتي ما كنتي اتحبينه
ريم : لا طبعا ... ويلا انتي قومي غسلي ويهج وبسج صياح .. خلاف يوم بتتصورين ويايه بتظهر عيونج متورمه
ميره : هههههههه
وعالساعه 3 يت مال الصالون عشان اتعدل ريم والبنات

وفي بيت بو حمد
منصور سار خذ تيلفون شما اخته وخذ منه رقم ريم

وفي بيت بو عبد الله
وفي حجرة راشد
راشد كان راقد ورن تيلفونه ووعاه
راشد : الووو
حمدان : انت وين
راشد : راقد
حمدان : ويا ويهك انا من الصبح ما قريت وانت راقد
راشد : ليش شو اتسوي
حمدان : واقف ويا العمال اللي يسوون الخيمه ويرتبون الكراسي ويركبون الكشافات ... امية شي كان عراسي
راشد : انزين والحين شو تبى
حمدان : رشوود راسي داير ما اعرف شو اسوي لا تيلس تتفلسف عليه .. قوم افزعني
راشد : لا والله .. ليش انا اللي بعرس
حمدان : ما عليه يالهرم يوم بتعرس بتقول حمدان شوو اسوي ما اعرف وما ادري شو شوف جان سويت وياك شي
راشد : اذا ييتك لا تعطيني ويه
حمدان : ويا ويهك يلا قوم
راشد : خلني ارقد
حمدان : عنبوه بياذن العصر لين متى بتم راقد
راشد : في ذمك ... جييه الساعه كم الحين
حمدان : ثلاث ونص
راشد : اووووف ما شي وقت عيل بنش الحق عالحلاق
حمدان : عيل يلا قوم بسرعه
راشد : اوكي يلا برايك
نش راشد وسار الحلاق

وعقب المغرب
في بيت بو حمد
شما وامها كانن جاهزات وبيسيرن الملجه ونزل منصور تحت وشافهن
منصور : وين ما شاالله
شما : بنسير ملجه ريموه اربيعتي
منصور حس جنه شي اطعنه في قلبه
ام حمد : وانت ما بتسير
منصور : لا اشوفني ما اروم
شما : امايه يلا اكووه ابويه بيسير
ظهرن شما وامها وسارن ويا بو حمد
ودخل ناصر البيت وكان منصور يالس في الصاله
ناصر : منصور انت لين الحين ما اتلبست
منصور : ليش
ناصر : عشان انسير الملجه
منصور : انت تستهبل و لا شو
ناصر : منصور بس عاد .. انت لازم اتسير عشان خاطر راشد
منصور : ما اروم
ناصر : انزين شوي ورد ... صدقني راشد بيستانس وايد بييك
منصور : آآآخ يا راشد آآآآآآآآآخ .. خلاص امري لله
نشو ناصر ومنصور وبدلو ثيابهم ولبسو كنادير بيج وغتر حمر وسارو الملجه واول ما وصلو سلمو على بوعبد الله ناصر سار صوب الشباب ومنصور تم يسولف ويا بو عبد الله ويا راشد صوبهم .... راشد كان يتحراه ناصر
راشد : نصوور
منصور ( التفت صوب راشد )
راشد : منصوور ( وسلم عليه ) الحمد لله على السلامه .. متى ييت
منصور : اليوم الصبح
راشد : من الصبح هنيه وما اشوفك الا الحين
منصور : عشان اسويلك مفاجاه
راشد : أي مفاجئه .. قصدك مفاجعه
منصور : طااع الهرم
راشد : ههه .. اسولف ويااك وياويهك .. مع اني زعلاان منك بس ماعليه مب وقتك بتفاهم وياك خلاف
منصور : الله يعيني عيل
شوي ويا المطوع ودخلو الميلس يملجون .. وعقب الملجه بدت الربشه عند الرياييل وبدت الرزفه واليوله .. بس عند منصور الدنيا كلها اسودت ... وتم واقف عطرف الكل كان يبارك حق حمدان الا منصور
ناصر : منصور جييه ما سرت اتبارك له
منصور :ابارك له عشوو اباركله عشانه خذ مني قلبي
ناصر : منصور لا تفضحنا بعدين حمدان ما يخصه .. عالاقل هو احسن منك يوم بقى البنت خطبها من اهلها مب شراتك تميت اتروقها في المولات
منصور : نصوور بس اسكت عني
وياهم راشد
راشد : ايه انتو شو موقفنكم هنيه يلا نبى يوله
منصور : انا ما اروم ايول
راشد : ليش هو عكيفك ( وسحبه من ايده ودخل ايول وياه )
منصور يال شوي وظهر وطرش مسج على تيلفون ريم ~ بحضر زفافك يا غناتي... بحضر زفاف اللي هويته ... برزف عشانك لا تحاتي ... ~ ورد ايول وكان ايول من خاطره بس ريم ما شافت المسج لانها كانت فاره تيلفونها في السده وما تدري عنه
حمدان : بو سنيده
راشد : نعاام
حمدان : اقول منصور بلاه عليه
راشد : ليش
حمدان : لا سلم عليه ولا شي ولا حتى بارك لي ويوم اشوفه وايي بسير صوبه اشوفه جنه يشرد عني
راشد : يتراوالك .. منصور ما يسويها وبعدين ما في شي بينك وبينه .. بس تلقاه ارتبش ونسا انه ما سلم عليك
حمدان : والله .. جايز ...
وخلاف ادخلو الرياييل الخيمه عشان يتعشون
وعند البنات فوق
سلامه : اللاااااااه متى انا بملج
شما : يا حليلج احس انج وايد مطيره عالعرس
ميره : اكثر مما تخيلين
ريم : انشا الله كلكن بتعرسن
شما : لا انا بعيد
سلامه : ليش يالهبله ما شي احلى من العرس
ريم : بسكن لا فكني
شما : اوووه ريمووه شكلها متحفزه
ريم : وايد
عنود : ياااله هالكثر اخويه يزيغ
ريم : لا مب عشان جييه بس استحي ما اباه يدخل
عنود : هيه ما لقيتي غير حمدان ... جانه ميت عشان يدخل ويشوفج وبعد اتقوليلي ما يدخل
ريم استحت
ميره : ايوا .. ايوا ...
شما : يحليلج يا ريمووه .. منو كان يقول ان ريمووه بتعرس بهالسرعه
ريم : شو نسوي مقدر ومكتوب
عنود : اووه هذا تيلفوني يرن ( وردت عليه ) هلا والله بالمعرس
حمدان : هلا .. اقول ريم نزلت
عنود : لا
حمدان : ليش شو تتريا لين الحين ... انا ابا احدر
عنود : انت بلاك مشتط بعده وقت
حمدان : شو وقته الساعه الحين تسع يعني متى بتنزل
عنود : يلا الحين الحين فكنا
حمدان : اوكي يلا بااي ( وبند عنها )
عنود : يلا قومي انزلي الريال متخبل يتحرقص تحت يبى يدخل يلا
ونزلت ريم ... وكانت طالعه قمر ... كانت لابسه فستان بطيخي فاتح .. والميك اب مالها كان وايد حلو ... وشعرها كانت رافعتنه كله وتسريحتها كانت وايد حلوه
وكانن البنات كلهن يالسات عدالها ويسولفن وياها .. شوي ورن تيلفون شما .. وما قدرت ترمس من الحشره ظهرت من الباب الوراني وتمت تمشي ورا الفله وترمس ... ويم يايه بتحدر داخل سمعت صوت ياهل يصيح .. وسارت صوبه ويوم اتغربت منه كان حميد
شما : حميد حبيبي بلاك
حميد تام يصيح وما قاللها شي ... هي تمت لاويه عليها وتباه يسكت
بس اللي ما كانت تعرفه ان مب بس هي اللي سمعت صوت حميد وهو يصيح لان راشد بعد كان ياي صوبه بس من شافها اتيبس مكانه .. هو عالطبيعه يتخبل عليها وين الحين وهي متعدله .. وكانت لابسه فستان اسود ولانها بيضا طالع عليها وايد حلو وحاطه ميك اب بنفسجي خفيف وشعرها فاتحتنه بس كانت حاطتنه تحت العباه بس عباتها كانت رفيعه وينبان من تحتها ... وقصتها كانت طايحه على عينها ... وراشد في خاطره انه يمد ايده ويرفع قصتها من على عيونها
حميد شاف راشد وهد شما وربع صوبه
راشد : بس حبيبي ليش اتصيح

[آڷصّغيرۉنہْ ™]

الــــــــــــــــــبـــــــــــــــــارت الــ خ ـــامس عشر ..

.
.
.
حميد شاف راشد وهد شما وربع صوبه
راشد : بس حبيبي ليش اتصيح
شما اتيبست من سمعت الصوت ويوم صدت شافت انه راشد .. واتغشت عنه واربعت داخل
راشد تام محله مب مصدق ان اللي شافها هي شما ... عقب شل حميد وسكته وسار صوب الرياييل
وعقب نص ساعه دخل حمدان وكان وياه ابوه وبو عبد الله وعبد الله وراشد
اول ما دخل ريم وقفت وكانت منزله راسها .. يوم يا حمدان وحبها على راسها رفعت عينها وشافته
ريم ( شهقت):............























































ريم : انت اللي جتلت قطوتي
حمدان هلك من الضحك والكل كان يطالعه ومن كثر ما يضحك ما رام يوقف ويلس
راشد : حمدان بلاك
حمدان تم يسويله حركه بايده بمعنى ان عقب بقولك
شوي ويابو الشبكه والدبله عشان حمدان يلبسها ريم ويصورونهم
ويلس شوي وتم راشد ايول بس هالمره باله ما كان ويا اليوله لان عينه كانت ادور شما ... شوي والعنود بنت عمه زقرته ... ويوم سار صوبها شاف ان شما كانت واقفه وراها العنود كانت اترمسه وهو ما كان وياها كانت عينه على شما .. وشما انتبهت له وسارت ووقفت ورا .. العنود خلت راشد يشل ولدها مايد عمره 3 سنين وايول وياه ... تم راشد ايول ويا مايد شوي وخلاف ظهرو الرياييل وتم حمدان شوي وخلاف ظهر ... وكان فرحان ومستانس
راشد : ها بلاك شاق الحلج
حمدان : يوم بتملج بتعرف
راشد : اسكت لا تعور قلبي شفتها
حمدان : وين
راشد : داخل
حمدان : زين يحيك
راشد : تعال بلاك تميت تضحك اول ما دخلنا
حمدان رد يضحك
راشد : عوذ بالله اتخبل الريال يا خي لو درينا ما يوزناك
حمدان : اختك ضحكتني
راشد : ليش
حمدان : تدري يوم شافتني شو قالت
راشد : شو
حمدان : قالتلي انت اللي جتلت قطوتي
راشد : ههههههه .. لين الحين تذكر السالفه
حمدان : هي ما كانت اتعرف ان انا من قبل
راشد : لا اشدراها .. اتعرف ان حمدان ربيعي وهي ما كانت اتعرف ان انت نفسك اللي جاتل قطوتها
حمدان : انزين تعال ويايه بعطيك شي اتوصله الها
وسار وياه صوب سيارته وحمدان نزل من السياره بكس كبير وعطاه راشد
راشد : هذا كيف ادخله الحين
حمدان : حطه في موترك لين خلاف
راشد : اوكي ... ( راشد حط البكس في موتره )
وشوي وروحو العرب كلهم
وعالساعه 12 رد راشد البيت وسار فوق وكانن ريم وميره يضاربن على ريموت التلفزيون
راشد : لا حول وانتن بعدكن فيكن طاقه عقب الربشه
ميره : قل اعوذ برب الفلق
راشد : العروس شحالج
ريم : بخير
راشد : شو سويتي بالريال خليتي يهلك من الضحك جدام الناس
ريم : تعال انت ليش ما قلتلي ان هو نفسه اللي جاتل قطوتي
راشد : لا والله ليش ... كنتي بتعايزين
ريم : هيه
راشد : هههههه .. تعالي على هالطاري
ريم : شووو
راشد : لا ماشي (ونزل تحت وياب البكس من السياره ورد الهن )
ميره : وااااااو شو هذا
راشد : هذي هدية ريمووه من عند حمدان
راشد وطا البكس ودخل حجرته هو كان تعبان ويبى يرقد بس ما قدر لان صورة شما ما اتخوز من باله
وريم وميره شلن البكس وحدرن الحجره وتمن يشوفن هديه حمدان .. كان ما خذلها تيلفون وحاطلها في بطاقه وماخذلها ساعه وعطورات وشنطه فندي ... وكانن الهدايا مغلفات بشكل حلو وبلون فوشي واسود لان عنود اخته قايلتله انها اتحب هاللونين ... ريم فتحت التيلفون ... واول ما فتحته وصل مسج من حمدان وهو كان مسيف رقمه ~ الله يحفظج لي ولاهلج ... والله يقدرني واسعدج ... حمدان ~
ميره : يا ويلي .. يا ويلي
شوي ورن التيلفون وكان حمدان اللي متصل
ريم : ميروه .. ميروه ... حمدان
ميره : انزين ردي عليه
ريم : لا استحي
ميره : يلا لا شو تستحين ترا ريلج خلاص
وردت عليه
حمدان : مرحبا
ريم ( وكان صوتها واطي ) : مرحبتين
حمدان : شحالج ؟؟
ريم : الحمد الله .. انت شحالك ؟؟
حمدان : بخير دام اني اسمع صوتج
ريم ماتت من المستحى
وحتى حمدان ما كان يعرف شو يقول
حمدان : ريم عيل انا ما اطول عليج ... بس انا حبيت اسمع صوتج قبل ما ارقد ..اااا تصبحين عخير
ريم : وانت من اهله
وبند عنها
ميره : ههههههه
ريم : ويا هالويه شله تضحكين
ميره : مساكين ما عندكم رمسه اونه شحالج بخير وانت شحالك بخير هههههه
ريم : ويا ويهج اصلا هو متصل عشان يسمع صوتي قبل لايرقد
ميره : شدراج
ريم: هو قالي
ميره : في ذمج قالج جذيه
ريم : والله
ميره : زين عيال البدو ظهر منهم شي والله
ريم : طايحين من عينج عيال البدو ويا ويهج .. وين رشوود عنج
ميره : لا دخيلج كله ولا رشوود
ريم : تعالي تيلفوني وين
ميره : بسم الله هذوه فايدج
ريم : يالعنز .. تيلفوني الثاني
ميره : هيه .. ما ادري
ريم نشت ادور تيلفونها ويوم فجت السده لقته وشافت ان واصلنها مسج ويوم قرته تمت متيبسه محلها
ميره : بلاج
ريم ( مدت التيلفون صوب ميره ) : اقري
ميره ( قرت المسج اللي من عند منصور )
ريم : اخاف يتم لي على هالحاله ويفضحني
ميره : ما يروم صدقيني
ريم : تعالي من وين ياب رقمي ليكون
ميره : لا والله ما عطيته اياه وغلاتج مب من عندي
ريم : عيل من وين يابه
ميره : ما اعرف
ريم : خله يولي لا تعرفين شوو انا ببند هالرقم وبتم استعمل الرقم اللي من عند حمدان
ميره : احسن لج
وتمن يسولفن شوي وخلاف رقدن

[آڷصّغيرۉنہْ ™]

اليوم الثاني
في بيت بو عبد الله
الكل كان يالس في الصاله
بو عبد الله : عيالي خلكم جاهزين ترا العصر بنسير صوب بيت عمكم
راشد : انا مب ساير
عبد الله : اصلا انت اول واحد بتسير
راشد : ليش انشا الله
بو عبد الله : عشان نخطب لك اليازيه
راشد : نعم ... ومنو قالكم اني ابا اعرس
عبد الله : والله مب لازم اتعرسون الحين ..بس بنخطبها الحين
ريم شافت ان النقاش بدا يحمى بينهم فقامت هي و بنات خالها وهند اختها وسارن فوق
راشد : ابويه انت اتعرف اني ما ارد لك طلب بس الحين اسمحلي انا اليازيه ما ابا اخذها
بو عبد الله : ليش
راشد : بس
بو عبد الله : راشد البنت محيره لك من زمان مب من يوم ولا يومين ... وعمك يتريانا بس اني ونخطب
راشد : ابويه دخيلك افهمني انا ماباها
بو عبد الله : ليش ما تباها انت شايف عليها شي
راشد : لاحشى ... بس اليازيه مب هي البنت التي تصلح لي حرمه
عبد الله : عيل منو هاي اللي تصلح لك حرمه وحده من اللي يهومن في الاسواق
راشد : عبد الله لو سمحت ممكن ما تدخل
عبد الله : انا اخوك العود
راشد : اخويه العود على عيني وعلى راسي .. بس لا تدخل في حياتي
بو عبد الله : راشد انا رمست ورمستي وحده اليوم نحن بنسير وبنخطب لك اليازيه
راشد ( طول الوقت كان يرمس بهدوء بس الحين بدا يحرج ) : ابويه انت تباني اخذها واطلقها
بو عبد الله : شو هالرمسه بعد
راشد : ما ادلكم تبوني اخذ وحده على شوركم
عبد الله : عيل تبى تاخذ وحده عشورك
راشد : ابويه دخيل الله لو ما اعرس اليازيه ما اخذها
بو عبد الله : راشد بنت عمك بتاخذها يعني بتاخذها وانا رمسك والعصر اباك اتكون جاهز عشان انسير بوظبي
راشد ( وقف ) : لا ما باخذها لو شو يستوي وانا ظاهر الحين وما برويكم ويهي ( وظهر من البيت وهو محرج وقبض تيلفوناته وبندهم كلهن )
بو عبد الله اضايج وايد من رمسة راشد لانه ما اتوقع انه يلقى من واحد من عياله هالرد وهو اللي عمره ما قصر وياهم بشي
بو عبد الله ( اتساند عالقنفه وكان يتنفس بصعوبه )
عبد الله : ابووويه ... ابوويه .. بلاك
بو عبد الله :عبد الله ..اااه .. سو حق اخوك خله يرد .. هذا خبيل اخاف يسوي شي بعمره ..ااه .. ااه
عبد الله : ابويه لا تخاف عليه بيحوط شوي وبيرد .... ابويه خلني اوديك المستشفى .... امااايه اماااااااايه .... ريم رييييييم
ام عبد الله وريم ين بسرعه
ريم : ابويه بلاك
عبد الله : انتو يلسو وياه انا بسير اييب الموتر
ربع عبد الله اييب الموتر
ام عبد الله : ريم اربعي هاتي عباتي
سارت ريم ويايب عباتها وعبات امها ... وياب عبد الله السياره وسارو المستشفى
وهم في السياره بو عبد الله كان طول الوقت يقول الهم سوو حق راشد ... و ريم كانت اتحاول تتصل به بس هو كان مبند تيلفوناته
ووصلو المستشفى
ودخلو الدكاتره سيده يشوفونه ويوم ظهر الدكتور
عبد الله : ها دكتور بشر
الدكتور : ضغطه مرتفع وااايد وما قدرنا انزله
ريم وامها كانن يصيحن
عبد الله : والحين دكتور
الدكتور : نحن لازم اندخله العنايه ..
عبد الله : عنايه
الدكتور : ارتفاع الضغط مب شي بسيط والخوف ان اتكون له اثار ثانيه .... بس الحمد لله ترى حالة الوالد احسن من غيرها بوايد ... ادعوله الله يقومه بالسلامه
ريم لوت على امها وتمت اتصيح
عبد الله ( تم يضرب بايده على اليدار ) : اااخ كله من راشد كله منه
ام عبد الله : عبد الله شو اللي استوا
عبد الله تم يقول الهم عن اللي خلى ابوه يتعب
ريم : ما اصدق راشد مستحيل يسوي جذييه .. راشد ما يزعل ابويه منه .. انا بسويله ( وتمت اتحاول تتصل له على كل الارقام بس هو مبندنهن كلهن ) مبند تيلفوناته
وتمو يالسين وعقب ساعتين الكل يا بو حارب وعياله .. وبو مايد وبو حمد وعياله
منصور : عبد الله راشد وين
عبد الله : شدراني به نافد ومبند تيلفوناته كلهن
منصور : شو اللي صار
عبد الله : منصور اسمحلي ما اروم اقول لك
منصور : عراحتك
......
وصوب الحريم
هند : ريموه ما قدرتي تتصلين براشد
ريم : مبند كل تيلفوناته
هند : وين سار ربعه كلهم هنيه ومحد يعرف عنه شي
ريم : حمدان
هند : بلاه
ريم : حمدان الوحيد اللي مب موجود ولا يعرف شي وهو اكثر واحد ويا راشد
هند : عيل شو تتريين اتصليبه
ريم : استحي
هند : ريمووه وقتج اتصلي بسرعه
ريم : انزين
ريم سارت شوي بعيد عن الحريم واتصلت بحمدان
حمدان : هلا والله
ريم : حمدان
حمدان : بلاه صوتج
ريم : انا في المستشفى
حمدان : شووو ... ليش
ريم تمت اتقوله عن اللي صار كله
ريم : والحين مب قادرين نحصل راشد ما نعرف وين سار انا قلت يمكن انت اتعرف
حمدان : انا بحاول اتصل له ... وبييكم الحين
ريم : اوكي .. يلا بااي
حمدان : بااي
حمدان تم يتصل براشد على كل تيلفوناته بس كان مبندنهن وسار المستشفى
حمدان : هاه عبد الله شو حاله عمي الحين
منصور من سمع حمدان يقول عمي حس بشي طعنه في قلبه
عبد الله : مااروم اقول لك شي ضغطه ارتفع ومب رايمين ينزلونه
حمدان : الله يعافيه يا رب
عبد الله : وما ادل هذاك وين طس
حمدان : راشد
عبد الله : ومنو غيره ساس البلا
حمدان : ما يرد عالتيلفون
عبد الله : ابويه طايح بسبته ولين وصلناه المستشفى وهو يقولي سو حق اخوك لا يسوي بعمره شي
حمدان : صح انا اعرف وين القاه
عبد الله : وين
حمدان : لا انا بسير روحي
ظهر حمدان عنهم وسار مبزره ولفها كامله يتحرا انه بيحصل راشد هناك .. بس ما لقاه
حمدان : اااخ .. وين سرت يا راشد .. وين ( وتم يلف في الشوارع وسار الاماكن اللي يسيرهن راشد بس ما لقاه .. و خلاف رد المستشفى )
عبد الله : ها لقيته
حمدان ( تم يهز راسه على ان لا )
عبد الله : ااااخ .. وين ذلف هذا
حمدان : راشد انا اعرفه شوي وبيرد
وتم الكل يالس في المستشفى وكل ساعه اييهم حد لان بو عبد الله انسان طيب وايد والكل يحبه وربع راشد بعد كلهم كانو هناك لانهم يعتبرونه ابوهم ... وكل ما يدخلون عنده يسالهم عن راشد ويوم يقولوله انهم ما يعرفون وين يضايج اكثر وخلاف الدكتور منعهم من الدخول عنده
فليل عبد الله قال حق امه والبنات ايردن البيت وهو تم في المستشفى ويا ابوه وحمدان تم يالس ويا لين الساعه 1 بس خلاف عبد الله حلف عليه انه يرد البيت مع انه كان يبى يتم وياه

اليوم الثاني
وراشد لين الحين محد رايم يوصل له
ومن الصبح والكل في المستشفى عند بو عبد الله .. والكل كان يسال عن راشد وعبد الله تعب وهو يتعلث الهم ... وشوي وياهم حمدان وابوه
عبد الله : ها حمدان ما عرفت شي عن راشد
حمدان : لا .. انا روحي ياي واتحراك بتقولي انه يئ
عبد الله : تدري انا بديت اخاف عليه وين بيسير ... مب ظاري يوم يحرج يسير شوي ويرد بس لين الحين ما رد
حمدان : عبد الله لا تقول هالرمسه انشا الله انه بيرد
ولين العصر والحال مثل ما هو
حمدان العصر سار صوب المكتب لان في اوراق لازم يوقعهن .. هناك ياه ريال
علي : السلام عليكم
حمدان : وعليك السلام
علي : اووه اليوم احيده دوام راشد اشوفك انته
حمدان : هيه والله .. رشوود ما ادله وين مبند تيلفوناته كلهن
علي : ترا هو امس شاري عن اخويه رقم
حمدان : والله .. اتعرفه كم
علي : هيه
حمدان : عطني اياه
علي عطى حمدان الرقم ... وحمدان سيده اتصل براشد
راشد : الووو
حمدان : انت وين ... وين سرت من امس مب رايمين نوصلك
راشد : انت كيف عرفت رقمي
حمدان : مب وقته الحين انت وين
راشد : في الفجيره
حمدان : شووو شو اتسوي هناك
راشد : حمدان لا تقول حق حد اني هنيه ... خلوني في حالي
حمدان : أي حال .. انت لو اتعرف اللي مستوي عندنا جان ما رمست
راشد : ليش شو عندكم
حمدان : راشد انت لازم اتي الحين
راشد : مب ياي
حمدان ( وهو محرج على راشد ) : رشووود اقولك لازم اتيي العين الحين
راشد : حمدان لا تحاول مب ياي
حمدان : راشد ابوك في المستشفى
راشد : شووو ... ابويه ليش بلاه شو صابه
حمدان : انت تعال الحين بسرعه
راشد : خلاص انا الحين ياي .. برايك
وبند عنه وحمدان سار المستشفى وقال الهم انه اتصل براشد وهو ياي الحين
وراشد في الدرب كان ضارب الغيج كامل .. وما تمت رادار الا وزخته ... وعقب ساعه ونص وصل راشد المستشفى ووقف موتره عالباب ونزل بسرعه ... وما بند السياره ولا سكر الباب حتى ...
راشد : ابويه .. وين
عبد الله ( يرمس ويمشي صوب راشد وهو محرج وشوي وبيضربه لكن حمدان كان واقف امبينهم وقابض عبد الله : الحمد لله على السلامه جان ما ييت مب سادنك اللي سويته فيه بعد ما اتي اشوفه وهو كل دقيقه يسال عنك انتو شو من الناس
راشد : حمدان وين ابويه
حمدان اشرله عالعنايه
راشد دخل عند ابوه واول ما شافه اتيبس مكانه والدمع ملا عينه وهو يشوف ابوه والاجهزه متحاوط تبه من كل مكان .. وسار صوب ابوه وقبض ايده
راشد ( كانت قبنته في حلجه ومب رايم يرمس عدل ) : ابويه اسمحلي والله ما كنت قاصد ... واللي تباه بيستوي ...وعمري ما برفض لك طلب ... ابويه دخيلك سامحني ... صدقني بسوي اللي تباه وبنت عمي باخذها بس انت لا تضيج بعمرك ( ونزلن دموعه من عينه لان مب سهل عليه انه يشوف ابوه على هالحاله والالعن عن جذيه ان هو السبب )
بو عبد الله ( مد ايده ومسح دموع راشد ) : راشد ما اباك اتصيح
راشد ( وهو منزل راسه ) : ما اروم اشوفك على هالحاله وانا السبب في اللي صابك
بو عبد الله : راشد ارفع راسك ورمسني .. بعدين مب انت السبب بس اتعرف ابوك شوب .. وترا الكبر شين ( بو عبد الله حتى وهو في هالحاله ما يحب يشوف عياله زعلانين )
يت النيرس وقالت حق راشد انه يظهر .. ظهر راشد وسار عند امه وامه من شافته لوت عليه وسوت الهم مناحه
شوي ويا منصور
منصور : راشد انت وين كنت
راشد : ..............
منصور ( مد سويج الموتر صوب راشد )
راشد : شو هذا
منصور : شو هذا بعد سويج موترك ... حد يخلي موتره يشتغل لا وبابه مبطل ويسير عنه
راشد : ليش انا بالي ويا الموتر
منصور : تراني وقفته لك في الباركنات
راشد : مشكور
وعقب يومين ظهرو بو عبد الله من العنايه ... وفي هاليومين كان راشد يالس عند ابوه ... بس يسير البيت يسبح ويبدل ثيابه ويرد .. وما يرقد الا شوي يغفل وهو يالس عالكرسي .. ولا اكل ولا حياه .. عايش عالريد بول وبس .. الا اذا قصبه حمدان انه ياكل ..
وعقب يومين ظهرو بو عبد الله من المستشفى

[آڷصّغيرۉنہْ ™]

وفي بيت بو عبد الله
العايله كلها متيمعه في الصاله
ريم ( لاويه على ابوها ) : والله ان البيت من دونك ما يسوى
بو عبد الله : والله انا لو ادري ان طيحتي هذي بتخليكم تيلسون ويايه وتسمعون رمستي جان طحت من زمان
راشد : ابويه لا تقول هالرمسه .. الله يعاطيك الصحه والعافيه يا ربي
عبد الله : من وين بتيه الصحه وانته ولده
راشد ( ما رام يرد على عبد الله لانه يعرف عمره انه غلطان)
بو عبد الله : عبد الله خف على اخوك ولا اتم اتحسسه ان هو السبب
عبد الله : احسسه ان هو السبب .. اصلا هو السبب بعينه
راشد : انا اترخص ( وياي بيظهر )
عبد الله : هيه ترا هذا هو اللي هامنك الطلعه ما عندك شي ثاني
بو عبد الله : عبد الله بس عاد
عبد الله : انا احسن شي اني اسير حجرتي ( ونش وسارعنهم )
بو عبد الله : راشد ولدي تعال ايلس عدالي
راشد ( يا ويلس عدال ابوه وهو منزل راسه )
بو عبد الله : راشد ما اباك اتملي جذييه ... اباك اترد راشد اللي اعرفه طول الوقت يسولف ويضحك مب مغندم ومضايج
راشد : انشا الله
بو عبد الله : والحين سر حجرتك وارقد انت تعبان من كمن يوم ما رقدت مثل الناس
راشد : انشا الله
سار راشد حجرته ومن اول ما وطى راسه رقد لانه كان تعبان ... ريم وهي سايره فوق سمعت تيلفونه يرن ودخلت عنده الحجره وشافته انه راقد ومن كثر التعب ما سمع تيلفونه وهو يرن .. حطت تيلفونه عالسايلنت .. وظهرت عنه وسارت حجرتها وكان تيلفونها يرن
ريم : الوو
حمدان : هلا بـ هالصوت
ريم : اهلين
حمدان : شحالج ؟؟
ريم : بخير يسرك الحال
حمدان : تستاهلين سلامة ابوج
ريم : الله يسلمك من الشر
حمدان : بو سنيده وين
ريم : راقد
حمدان : يحيه والله ... وانتي شو اتسوين
ريم : ماشي يالسه
حمدان : متوله عليج مووت
ريم ( استحت ) : والله ما جنك امس شايفني
حمدان : وهذا اتسمينه شوف .. الا هي لمحه من بعيد
ريم : بس اتسد
حمدان : لا ما اتسد ... انزين طرشيلي صورج
ريم ( وهي تدلع ) : ما ابا
حمدان ( واونه يعيب عليها ) : ليش ما تبين
ريم ( حرجت ) : اونك اتعيب عليه
حمدان : يا بنت الحلال اسولف وياج
ريم : مره ثانيه ما اتسولف ويايه جذيه .. اوكي وبندت التيلفون في ويهه
حمدان : هاي من صدقها حرجت ( وتم يتصل ابها وهي ما اترد عليه .. ويوم تم يتصل ابها وايد بندت التيلفون وسارت اترمس شما من تيلفون البيت
شما : الوو
ريم : مرحبا
شما : اهلين ... العروس انتي وين ما يسوى علينا هالريل الي خلاج تقطعين
ريم : لا الريل ولا شي بس اتعرفين التهينا ويا ابويه شوي
شما : هي صح تستاهلون سلامته
ريم : الله يسلمج
شما : وانتي قوليلي شخبارج ويا حمدان
ريم : زفت
شما : العثره ليش
ريم : توني متضاربه وياه
شما : افف ليش
ريم يلست اتقول حق شما اللي استوا بينها وبين حمدان
شما : حرام عليج .. المسكين ما سوى شي
ريم : ما سوى شي عيل ايعيب عليه السبال
شما: ههههه .. تبين الصدق .. الله يعينه عليج
ريم : ويا ويهج وانتي واقفه وياه
شما : لا مب جييه السالفه بس يعني انا اللي اشوفه انه ما سوى شي انت شله زعلتي عليه
ريم : خلينا من طاريه .. اقول انتي اتعرفين اليازيه بنت عمي
شما : هيه شفتها في ملجتج
ريم : تدرين ان راشد اخويه بياخذها
شما : هااا
ريم : بلاج
شما : لا ما شي بس استغربت
ريم : وشو اللي خلاج تستغربين
شما : ما اعرف بس جييه ( وفخاطرها ) وين الحب اللي كنت اتقولي عنه يا راشد .. انا كنت متوقعه انه يلعب عليه .. بس اتيني مرات واصدقه من كلامه ..)
ريم : شموووه وين سرتي
شما : وياج
ريم : تدرين غامضني رشوود
شما : ليش
ريم : لانه بياخذ اليازيه غصبا عنه
شما : شوو .. غصبن عنه .. كيف ؟؟
ريم : شمووه انا بقولج السالفه بس لا تطرينها حق حد
شما : ومن متى انا اطري شي جدام حد
ريم : مب قصدي بس
شما : لا ما عليج قوليلي شو السالفه
ريم تمت اتقول حق شما السالفه اللي خلت راشد يوافق على اليازيه
شما : معقوله .. انزين هو ما قال ليش ما يبا ياخذها مع انها ما تنعاب حلوه وبعدين بنت عمه
ريم : ما اعرف بس هو يقول ان مب هي البنت اللي يباها
شما : يعني في حد في باله
ريم : ما اعتقد بس هو اليازيه ما يباها
شما ( وفخاطرها ) معقوله يكون رافضنها عشاني
ريم : الله يعينك يا اخويه
شما : والحين يعني خلاص بياخذها
ريم : شو تبينه يسوي يوم رفض شفتي شو استوى ابويه تعب وطاح علينا
شما : بس هو اذا ما يباها يعني بيظلمها وياه
ريم : وهذا اللي ما يباه راشد ... بس تدرين انا لازم اساعده
شما : شو بتسوين يعني
ريم : ما اعرف بس اول شي .. بقول حق ابوبه انهم ما يسيرون يخطبون لين عقب عرس هند
شما : وكم تام عن عرس هند
ريم : اسبوعين
شما : اونه .. انزين وهذا ما بيفيده بشي
ريم : يعني اناجل شوي يمكن هو يقدر يقنع ابويه لين هذيج الحزه
شما : والله جايز
ودخل منصور على شما
منصور : منو ترمسين
شما : ريم اربيعتي
منصور صخت به الدنيا
ريم : منو هذا
شما : منصور
ريم : ااا اقول شمووه انا بخليج الحين عقب برمسج اوكي
شما : اوكي
ريم : يلا باااااي
شما : باااي
وبندت عنها
منصور : ليش بندتي عنها
شما : هي اللي بندت
منصور ياي بيسير فوق
شما : منصور ابويه وين
منصور : في الميلس ويا عمي وعياله
شما : ليش ؟
منصور : اضني يايين يخطبونك حق سهيل
شما : شووووو ... لا ما اباه
منصور : ما تبينه .. ليش ؟؟
شما : بس جييه ما ابااه .. ما ابااه (وربعت حجرتها وتمت اتصيح)
وشوي ودخلو بو حمد وحمد وناصر
بو حمد : منصور وين اختك
منصور : فوق في حجرتها
بو حمد : ازقرلي اياااها
منصور : ابويه انا قلتلها ان قوم عمي يايين يخطبونها حق سهيل .. وتمت اتصارخ واتقولي ما اباه وخلاف سارت حجرتها وهي اتصيح
ناصر : شوو اتصيح شوو اللي صيحها
منصور : ما اعرف
بو حمد : انا بسير الها وبرمسها
سار بو حمد عند شما وقاللها ان سهيل خطبها
شما ( وهو اتصيح ) : ابويه دخيلك انا ما ابا سهيل ابويه دخيلك لا اتيوزوني اياه
بو حمد : ليش انزين .. هذا ولد عمج و انتي محيره له من سنين
شما : ابويه دخيلك ما اباه
بوحمد : ليش هو لعب يهال انتي ما تبينه بتاخذيه يعني بتاخذينه ( وظهر عنها .. وهي تمت اتصيح وبزياده
حمد : ها ابويه رمستها
بو حمد : هيه وتمت لي ما اباه
حمد : والحين
بو حمد : اصلا انا قلتلها بتاخذه غصبا عنها
منصور : ابويه حرام عليك شو غصبن عنها
بو حمد : عيل نحن بنيلس نتبع شور البنات
منصور : لا مب جييه بس يمكن هي عندها سبب انها ما تباه
بو حمد : اذا عندها شي جان قالته
منصور : ابويه انزين خلني انا برمسها
بو حمد : برايك جان بترمسها بس تقنعها مب اتيني واتقولي لا اتيوزها اياه
منصور : يصير خير
دخل منصور عند شما ورمسها في السالفه
شما : منصور حرام عليكم انا ما اباه
منصور : انزين ليش قوليلي عشان اقدر ارمس ابويه
شما : منصور سهيل اصلا ما يباني
منصور : شما شو هالرمسه كلنا انعرف ان سهيل يباج وهو يتريا الساعه اللي بياخذج فيها
شما : هو ما يباني وما يدانيني وهو قايللي هالرمسه بروحه وقالي انه بياخني عشان يذلني وخلاف بيفرني وبياخذ عراسي وحده ثانيه اونه تسواني وتسوى هلي
منصور : شما انتي من صدقج سهيل قايل هالرمسه
شما : هيه والله وانت اتعرفني انا ما اجذب عليك واذا مب مصدقني اسال حمدان اخوه هالرمسه مستويه جدامه
منصور :الحقير النذل هذا منو يتحرا عمره عشان يقولج هالرمسه انا برويه
ظهر منصور من عند شما وقال لابوه واخوانه السالفه
حمد : انا ما اصدق
ناصر : ليش ما اتصدق اصلا سهيل يسويها
بو حمد : منصور انت متاكد
منصور : هي اتقول انه مرمسنها جدام حمدان اخوه يعني حمدان يعرف السالفه كلها ابويه بعدين شما تربيتك انت اتعرف انها ما تجذب
بو حمد : يا وييله مني اذا كانت هالرمسه صدق
ناصر كان يطالع من الدريشه برع .. ودخلت سياره البيت
ناصر : هذا حمدان ياي
بو حمد : ازقرلي اياه
ظهر ناصر وزقر حمدان ...
حمدان : نعم عمي امر
بو حمد تم يقول حق حمدان الرمسه اللي قايلنها سهيل حق شما ) حمدان هالرمسه صدق ولا لا
حمدان ( نزل راسه وما نطق بكلمه )
بو حمد : حمدان ارمس اقولك وقول الصدق
منصور : حمدان شما اختك مثل ما هيه اختي وانت ما ترضى عليها
حمدان : اكيييد ..بس
حمد : بس شوو
حمدان : سهيل كان محرج وما كان يعرف هو شو يالس يقول
بو حمد : يعني قال هالرمسه لبنتي
حمدان : ..........................
بو حمد : هيه ولا لا
حمدان : هيه .. بس عمي صدقني هو ما كان يقصد الرمسه هو يبا شما
بو حمد ظهر من بيته وسار صوب بيت اخوه .. وحمدان وعياله ظهرو وراه
منصور : ابويه .. وين ساير
بو حمد : بعلم هالسبال الادب
دخل بو حمد البيت وكانت امه يالسه
عفرا : سيف .. بلاك
بو حمد ( تم يزقر على سهيل ): سهييييل .... سهيييييل
نزل سهيل من فوق وهو يربع
سهيل: نعم عمي
بو حمد ( قبض سهيل من كندورته صوب ارقبته ) : انت قد الرمسه اللي قلتها حق بنتي يالسبال
سهيل : عمي شو السالفه أي رمسه
بو حمد : عيل انته بتاخذ بنتي عشان اتذلها وخلاف بتفرها وبتاخذ عراسها وحده
سهيل ( انصدم ما اتوقع ان شما بتقول حق ابوها انه قاللها هالرمسه )
بو حمد : انا امبوني اتحراك ريال بامنه على بنتي وانت ثرك ما تسوى التراب اللي تمشي عليه .. بنتي تنساها .. واحلم انك تاخذها
وشوي وياهم بو سلطان
بو سلطان : بو حمد بلاك عالولد
بو حمد ( دز سهيل ) : خل هالزفت يقولك ( وظهر عنهم وظهرو وراه عياله )
بو سلطان : سهيل شو السالفه
سهيل ( ما رام يرمس ظهر عنهم وركب موتره وظهر من البيت )
بو سلطان : حد منكم يقولي شو السالفه
حمدان يلس يقول حق ابو هاللي استوا
بو سلطان : سود الله ويهك من ولد جانك فضحتني ويا اخويه
حمدان : ابويه ترا سهيل يوم قال هالرمسه ما كان يقصد بس هو كان محرج
بو سلطان : وانت كنت تدري
حمدان : هيه .. انا كنت وياهم هذاك اليوم
بو سلطان : جان قلتلي عشان ما نسير نخطب البنت .. زين الحين فضحتوني ويا اخويه .. الله يفضحكم من عيال ... والناس حاسديني عليكم يقولون عندك عيال رياييل .. أي رياييل خلهم اييو يشوفون الرياييل اللي عندي ( وظهر عنهم )

[آڷصّغيرۉنہْ ™]

وفي بيت بو حمد
بو حمد اول ما رد البيت سار عند شما
بو حمد : بنتي اسمحلي يوم اني كنت بقصبج على هالسبال .. وانتي ليش ما قلتيلي من قبل
شما : انا روحي رديت عليه وقتله اني ما بوافق عليه لو شو يستوي واتحريت انه ما بيي يخطبني .. وبعدين انا ما ابا اسوي مشاكل بينك وبين عمي
شوي ورن تيلفون بو حمد
بو حمد : هذو عمج اتصل اكييد قالوله ( ورد عليه ) مرحبا بو سلطان
بو سلطان : اسمحلي يا خويه .. عاللي سواه سهيل
بو حمد : انت اللي اسمحلي
بو سلطان : ما ابك اتشل في خاطرك علينا
بو حمد : افاا عليك نحن اخوان .. ما يخربون مبينا لعيال .. وبعدين هذيل يهال وما يعرفون شو يقولون وشو يسوون .. بس اسمحلي تراني ولدك ما بيوزه
بو سلطان : احسن انزين يستاهل انا اصلا ما اباك اتيوزه .. ترا شما بنتي مثل ما هي بنتك وانا بعد تراني ما ارضى عليها
بو حمد : هذا الرجا فيك يا بو سلطان
بو سلطان : يلا عيل برايك
بو حمد : الله يحفظك ( وبند عنه )

وفي بيت بو عبد الله
العصر الساعه 4 بو حارب وعياله يايين عند بو عبد الله عشان يتحمدوله بالسلامه
راشد كان توه ناش وياي بينزل تحت ويوم سمع الحشره في الصاله رد .. وشاف ريم
راشد : ريم منو عندنا
ريم : عمي وعياله
راشد : شووو .. عمي وعياله ( سار سيده ودخل حجرته )
وتحت في الصاله
هزاع : عمي عيل بو سنيده وين
بو عبد الله : اضني راقد
هزاع : رقاد لي هالحزه .. انا بسير اوعيه ( وسار هزاع صوب حجرة راشد ... ويوم ياي بيحدر عليه سمعه يرمس في التيلفون )
راشد : حمدان الحق عليه ترا قوم عمي عندنا .. وانا اخاف ابويه يرمس عمي ويخطبلي بنته
حمدان : راشد عيل شو بتسوي ... انت روحك قلت لبوك انك موافق
راشد : انت تعرف انا ليش وافقت .. انا ما وافقت ولا كنت بوافق لو لا اللي استوى حق ابويه .. وانا من خوفي عليه وافقت
حمدان : خلاص عيل تم على رايك وكمل حياتك شوو بتسوي
راشد : وشما البنت اللي حبيتها
حمدان : انساها
راشد : انساها .. انت اتقولي انساها انسا حياتي انسا عمري انسا دنياي .. انت شوو اتقول انا اذا نسيتها يعني هذا اخر يوم في عمري ...انا الرقاد ما ارقده من كثر ما افكر فيها وتباني انساها
حمدان : راشد .. انت لازم تنساها عشان تقدر اتكمل حياتك .. خلاص تلقا ابوك الحين رمس عمك وانتهى الموضوع وبعدين انت اللي بتاخذها بنت عمك مب أي وحده
راشد : بنت عمي على عيني وراسي .. وهي ما عليها كلام .. بنت محترمه ومربايه احسن تربيه .. بس انا شوو اسوي بقلبي .. والله لو بيدي جان خليته يحب بنت عمي وخذتها عشان ارضي ابويه وارضي الكل .. بس انا شكلي انكتب عليه الهم في دنياي .. اااااه

[آڷصّغيرۉنہْ ™]

ْْْ~ البارت الســ16ـــادس عشر ~ْْْ

هزاع ( واقف عند الباب ومنصدم من الكلام اللي يسمعه ... ورد خطوتين ورا ورد يمشي ويسوي صوت بنعاله عشان راشد ينتبه له .. ودخل عليه الحجره وهو مسوي عمره ما يعرف عن شي )
هزاع : بو سنيده ( وسار صوبه ووايهه) .. اوووه انت واعي .. قالولي راقد وانا اوني ياي اوعيك
راشد : من حسن حظك اني واعي ولا يا ويلك مني لان انا اكره انسان عندي اللي يوعيني من الرقاد( ويرمس حمدان ) اقول حمدان برايك الحين برمسك بعدين
حمدان : اوكي ( وبند عنه )
راشد : وشحالك ؟؟
هزاع : الحمد لله .. تعال نحن بنيلس هنيه وايد يلا خلنا ننزل تحت
ونزلو تحت وراشد سلم على عمه وعياله وتم يالس عطرف ولا رمس ولا قال شي والكل كان مستغرب لان راشد ضاري هو اللي يرمس ويسولف والكل يسمعه ..
بو حارب : بو سنيده ... بلاك انت مريض
راشد : لا
بو حارب : عيال بلاه ويهك مصفر ... وعيونك مسوده
بو عبد الله : هذا من السهر .. راشد طول الوقت كان ويايه في المستشفى وما خلاني
بو حارب : ونعم به راشد ريال ما يخلي ابوه
وتمو يسولفون ... واتعشو عندهم وعالساعه 10 فليل سرو عنهم
واول ما ظهرو عنهم راشد رد حجرته
بو عبد الله : ريم وين سار اخوج
ريم : اضني سار يرقد
بو عبد الله : يرقد ... شوو يرقده هالحزه وهو اللي توه العصر ناش من الرقاد ... هو يوم ينش من الصبح ما يرقد الا الفير
ريم : شدراني .. ابويه اصلا راشد من يوم قلتوله انكم بتخطبوله اليازيه وحاله متغير
بو عبد الله : بس هو وافق انه ياخذها
ريم : ابويه انت اتعرف راشد ليش وافق
بو عبد الله : يا بنتي نحن البنت رامسيبها من سنين ... وهاي بنت عمه لازم ياخذها ... شو تبينا انقول حق عمج ..
ريم : والله برايكم انتو دورو رضا عمي وراشد خلوه يولي
عبد الله : انتي ما يخصج في هالسوالف
ريم ( نشت وسارت حجرتها )

وفي بو ظبي الساعه 11 فليل
هزاع ساير المارينا وهناك اتلاقا ويا علي ربيعه
هزاع : انت وين يا ريال من زمان ما شفناك
علي : موجود .. بس شو انسوي لاهين في هالدنيا
هزاع : هذا انت بعدك ما عرست اتقول جذييه اضني عقب ما اتعرس ما بنشوفك امره
علي : هههههه ... تبا الصدق انا اباك في هالسالفه
هزاع : خير انشا الله
علي : اااااا .. تبى الصدق ما اعرف شو اقولك
هزاع : علي .. قول اللي في خاطرك
علي : هزاع الاهل مدحولي رضيعتك ... وانا بغيت اناسبكم
هزاع : اااا ... علي انت ريال ما تنعاب .. انشا الله انا برمس الاهل وبرد عليك ( وفخاطره ) ييت في وقتك يا علي بس انشا الله ابويه يوافق
وتمو يسولفون شوي وخلاف كل واحد رد بيته ... هزاع كان يتمنى انه يحصل ابوه بس للاسف ابوه كان راقد

وفي العين وفي بيت بو عبد الله
الساعه 12 فليل
ريم كانت اترمس شما وشما قالتلها عن السالفه اللي استوتلها
ريم : يعني خلاص الحين ابوج اقتنع
شما : هيه
ريم : يلا الله فكج منه
شما : ما اتخيل اني كنت باخذ سهيل ... شكله في حد يتصل لج
ريم : هيه هذا حمدان
شما : انزين ردي عليه
ريم : ما ابا خله يتادب
شما : حراام عليج ... من الصبح وانتي مسوتله طاف
ريم : اوكي خلاص برد عليه .. يلا بااي
شما : بااي
ريم ردت على حمدان
ريم : الوو
حمدان : هلا والله .. حراام عليج .. كيف تحرميني من صوتج يوم كامل ..
ريم : لا والله
حمدان : اووه الحلو شكله لين الحين زعلان
ريم : هيه
حمدان : آآمري اللي تبينه بسويه بس ارضي عليه ... انا ما اروم ارقد اذا انتي ما رضيتي عليه .. اهوون عليج اتم واعي طول الليل
ريم ( وهي تدلع ) : خلاص رضيت عليك
حمدان : فديت روحج .. ادري اني ما اهوون عليج
وحد يدق باب حجرة ريم
ريم : منووو
راشد : انا
ريم : هذا راشد
حمدان : سيري شوفيه شو يبا
ريم : اوكي .. ريم وطت التيلفون وسارت فجت الباب حق راشد
راشد :السموحه عالمغثه ... بس ريم القى عندج بندول نايت
ريم : ليش راسك يعورك .. عندي اكسترا اذا تبا
راشد : لا انا ابا نايت عشان ارقد
ريم : اوكي لحظه شوي ( سارت ويابت له البندول .. وعطته اياه )
راشد : مشكوره
ريم : العفو
راشد رد حجرته وريم ردت اترمس حمدان
حمدان : شو كان يبا
ريم : يبى بندول نايت مب رايم يرقد
حمدان : الله يعينه
ريم : والله انه غامضني ومب رايمه اسويله شي
حمدان : حتى انا ... بس قلتيها ما نروم انسوي له شي
ريم : بس تدري اليازيه محيره لراشد من زمان وهو عمره ما قال شي .. الا الحين
حمدان : العرس مب لعبه .. هو بيعيش ويا هالانسانه عمره كله اتخيلي كيف بيعيش ويا وحده ما يباها .. هو ما عليه بيعيش حياته بس حرام هي بتنظلم ويااه ... هو قبل ما كان يفكر بهالامور بس تلقينه الحين فكر بالسالفه وشاف انه ما يقدر يعيش وياها
ريم : تدري اييني شور اقول حق عمي ان راشد ما يبا اليازيه عشان ما ايوزه اياها
حمدان : شو انتي اتخبلتي ... شو تبين ابوج يسوي
ريم : عيل شو اسوي حرام انت لو اتشوف حالة راشد اللي عمره ما شفته في هالوضع من قبل راشد طول عمره فرحان ومستانس ومن يسير مكان يجلبه وناسه وضحك ويربش الموجودين كلهم .. بس الحين اللي يشوفه يقول حد ميت عنده
حمدان ( وفخاطره ) اااااخ يا ريم لو تدرين باللي في راشد جان عذرتيه
حمدان : اقول تراني حجزت حق العرس
ريم : متى
حمدان : اول ثمانيه
ريم : لا تقول
حمدان : ليش
ريم : حرام عليك ما عندي وقت اتزهب ... لا ابووي اجله
حمدان : لا والله .. لا الغاليه استريحي .. انا ادور حجز جريب وانتي اتقوليلي اجل
ريم : وانت شو عايلنك
حمدان : ما ادلج .. حد يشوفج وما يستعيل
ريم ( استحت ) : ايييه عاد ( وبندت التيلفون )
حمدان : ههههههه فديت اللي يستحون انا

اليوم الثاني
وفي بوظبي .... الساعه 11 الصبح
هزاع توه ناش من الرقاد وسار عند ابوه
ابوه وحارب كانو يالسين يسولفون في الصاله
هزاع : ابويه بغيتك في سالفه
بو حارب : قول
هزاع : ابويه اتعرف عبد الله القبيسي
بو حارب : أي واحد
هزاع : اللي ساكن الشهامه
بو حارب : هيه عبد الله بو علي
حارب : علي ما غيره صاحبنا
هزاع : هيه .. ابويه علي ربيعي وحارب يعرفه ريال و نعم وما عليه كلام
بو حارب : انزين
هزاع : ابويه علي يبا يخطب اليازيه
بوحارب : هزاع انت شو تقول انت اتعرف ان اليازيه حق راشد ولد عمك
هزاع : ابويه هاي الا رمستكم انتو وبعدين هم لين الحين ما يو يخطبونها رسمي يعني ما استوا شي وبعدين راشد ما اضني انه بيعرس الحين .. والبنت خلصت الثانويه لين متى بتم تترياه .. وبعدين راشد واليازيه ما شي فرق امبينهم الا سنه ولا سنتين يعني كلهم يهال ... يوم بياخذها واحد اكبر منها بكمن سنه خير
حارب : ابويه .. ترا صدقه هزاع راشد واليازيه كلهم صغار ما ينفعون لبعض
هزاع : وعلي ريال ما عليه كلام اصل وفصل واخلاق ومعاني
بو حارب : انا ما قلت شي عن الولد وانا اعرف ابوه ونعم لكن انا ما اروم اوافق عليه الا اذا رخصنا عمك
هزاع : ابويه يعني انت موافق
بو حارب : عالريال هيه نعم موافق لكن قلتلكم اذا ما رخصنا عمكم ما شي
هزاع : وانا اقولك ترا عمي بيرخصك
بو حارب : انا بسير الحين وخلاف بتصل بعمك وبخبره بالسالفه
وظهر عنهم بو حارب
هزاع : اففف الحمد لله .. والحين تم عمي لازم نقتعه
حارب: تعال انت ليش مهتم بالسالفه وايد
هزاع : اذا تم اللي في بالي بخبرك ( وسار هزاع حجرته واتصل بهند )
هند : مرحبا
هزاع : مرحبتين ... شحالج ؟؟
هند : يسرك الحال .. انت شحالك ؟؟
هزاع : بخير وسهاله .. اقول هنووده ابوج في البيت
هند : هيه اضني
هزاع : اوكي ... هند انا بطلب منج طلب
هند : آمر
هزاع : اسمعي انا اعرف ان راشد ما يبى ياخذ اليازيه
هند : ها ... انت شدراك
هزاع : دريت وخلاص .. وراشد مثل اخويه ومثل ما انا خذت اللي اباها اباه هو ياخذ اللي يباها وما اباه ينغصب على اليازيه .. لان هو وهي بينظلمون ..
هند : بس هو الحين وافق
هزاع : هند لا تقصين عليه وعلى عمرج انتي اتعرفين راشد ليش وافق .. وترا انا عادي عندي لا اتحرين اني بزعل .. صح اني اتمنى ان راشد ياخذ اختي بس بعد ما اباه ياخذها غصبا عنه ... وانا الحين اباج اساعديني
هند : اوكي شو تباني اسوي
هزاع : واحد من ربعي رمسني البارحه وقالي انه يبى اليازيه والريال ما عليه كلام وانا قلت لبويه عنه وابويه قال ما بيوافق الا اذا عمي رخصه ... انتي الحين سيري تحت وقوليلهم ان اليازيه انخطبت وان ابويه موافق وشوفي شو بيقولون وخلاف قولي حق ابوج ان ابويه ما بيوافق الا اذا هو رخصه ... واذا ما طاع تمو حنو عليه لين ما يوافق .. ترا ابويه عقب شوي بيتصل حق عمي وبيرمسه في السالفه
هند : اخاف ابويه ما يطيع
هزاع : لا بيطيع عشان راشد بيطيع .. وانتو لا تقصرون وياه تمو حنو عليه لين ما يوافق
هند : اوكي انا الحين بسير ارمسه
هزاع : اوكي خبريني شو بيستوي وياج
هند : انشا الله ... ( وبندت عنه وظهرت من حجرتها ويايه بتنزل تحت شافت ريم ظاهره من حجرة راشد )
هند : شو اتسوين
ريم : ( وروتها البندول ) شوفي
هند : شو
ريم : انا امس عاطتنه راشد متروس اتخيلي ماخذ 3 حبات بس عشان يرقد
هند : وانتي ليش تعطينه اياه الحين لو استوابه شي
ريم : وانا اشدراني اتحريته بياخذ حبه وحده
هند : ريمووه تعالي ويايه
ريم : وين
هند : بنسير انرمس ابويه
ريم : ليش
هند : انتي تعالي وبتعرفين
ونزلن تحت وكان ابوهن وياه امهن وعبد الله وفطيم يالسين في الصاله
هند وريم : السلام عليكم
الكل : وعليكم السلام
بو عبد الله : اخوكن ما نش
ريم : لا
ام عبد الله : اقول بو عبد الله متى تبانا انسير بوظبي
بو عبد الله : ما ادلكم بس خلها بعدين انا الحين ما اروم
هند : اقول سمعتو اخر خبر
الكل :شوو
هند : اليازيه بنت عمي انخطبت
بو عبد الله : شو اشقايل انخطبت ونحن محيرينها حق راشد
هند : توه هزاع مرمسني وقالي
ريم : احسن زين يوم يت منهم ولا منا .. ابويه انت اتعرف ان راشد ما يباها وهو وافق عليها عشان يرضيك وعشان ما اتلوم في عمي والحين خلاص
هند : ترا عمي موافق عالريال ..بس يباك اترخصه
بو عبد الله : ..........................
ريم : ابويه شو قلت بترخصه ولا لا
بو عبد الله : ما ادري
ام عبد الله : عشان ولدك يا بو عبد الله دام ان البنت ياها نصيبها خلها اتوكل
بو عبد الله : خلاص عيل شو اسوي امري لله بوافق
الكل استانس ... هند سارت اتصلت بهزاع وقالت له وهو استانس وايد ... وريم اتصلت بحمدان وقالت له
حمدان : في ذمج
ريم : والله العظيم
حمدان : اسمي ان راشد بيستانس ... قلتوله
ريم : لا بعدنا لانه راقد
حمدان : اقولج خلي هالسالفه عليه
ريم : اوكي
حمدان : يلا عيل غناتي بخليج الحين
ريم : اوكي الله يحفظك
حمدان بند عنها واتصل براشد
راشد : الوو
حمدان : انت بعدك راقد
راشد : هيه
حمدان : رشوود اباك في سالفه عند 10 دقايق وانا عند بابكم
راشد : حموود والله مب وقتك ما اروووم
حمدان : رشوود عقب 10 دقايق اباك عند الباب ..يلا باااي ( وبند عنه )
راشد : اففف منه ( ولحف ويهه وبيكمل رقاده ... ورد اتصل له حمدان )
راشد : اففففف ... خلاص نشيت ( وبند عنه )
نش راشد اتسبح واتلبس ونزل تحت وكان حمدان يترياه عند الباب .. وركب وياه الموتر .. وظهرو من البيت
راشد ( ومساند على السيييت وفيه رقاد ) : بلاك شو تبا موعني
حمدان : انت اصبر شوي
راشد : افففف تدري مرات تستوي واحد كريييه يلوع بالجبد
حمدان : الله يسامحك .. صدقني عقب شوي بتغير كلامك ( حمدان شغل المسجل وحط اغنية الحب خالد .. راشد الماجد )
الحب خالد وحبي خالد وباقي ..للي احبه واحب دار سكن فيها
راشد بند المسجل

[آڷصّغيرۉنہْ ™]

حمدان : ليش بندته
راشد : بس .. شوو انت تبى تقهرني
حمدان تم يضحك
راشد ( وهو متنرفز ولايعه جبده ): ما يضحك
حمدان : هههههههههه
راشد : حموود اذا بتم تستهبل نزلني احسن
حمدان : وين بتنزل في هالشمس
راشد : برايه .. نزلني اقولك
حمدان : اوكي ... ( وقف حمدان على طرف الشارع .. وراشد فج الباب وياي بينزل )
حمدان : هيه صح يقولون بنت عمك انخطبت
راشد : هااا ... ورد ركب الموتر وسكر الباب
حمدان : انت ما كنت بتنزل توه
راشد : حمووود مب وقتك .. شو قلت
حمدان : يقولون ان في واحد يا وخطب بنت عمك وعمك وافق واترخص من ابوك وابوك بعد وافق
راشد : تجذب
حمدان :صدق
راشد : في ذمك
حمدان : والله العظيم
راشد فج الباب ونزل من السياره وسار صوب باب حمدان وبطل الباب عليه
حمدان : بلاك
راشد : حمدان حووم عالسيت الثاني
حمدان : ليش
راشد : انت حووم
حام حمدان عالسيت الثاني وركب راشد الموتر
راشد : الحين بنشغل المسجل .. ( شغل راشد المسجل وحط اغنيه الحب خالد مره ثانيه بس عالمره تم يغني ويا الاغنيه .... وكانت مدرسه عدالهم حدر راشد في باركناتها وتم يشوح بالموتر شوح ... ويلات من الزين
حمدان : رشوود حرام عليك تواير موتري بيتقطعن
راشد : يفدنك انا بركب لك يداد
وتم راشد يصيح ويلات شوي وخلاف رد البيت ...
راشد : اماااايه .. اماااايه
ام عبد الله : ها ها .. بلاك اتباغم
راشد : امايه زهب غداكم انا يوعان
ام عبد الله : وانت اتباغم روعتني بس لانك يوعان
راشد : وهذي هينه يا امايه
ام عبد الله : الغذا زاهب بس اتريا ابوك واخوك لين يردوون من المسيد وخلاف بنحط الغدا
راشد : صح انا ما صليت ... خلاص امايه انا بسير اصلي ..بس دخيلك ابا ارد القى الغدا محطاي .. دخيلج تراني بمووت من اليوع
سار راشد فوق وكانت ريم ظاهره من حجرتها
ريم : ما شا الله اليوم الابتسامه شاقه الحلج
راشد : اتسوين عمرج ما تدرين .. ويا ويهج جان قلتيلي روحج دازه عليه ريلج السبال
ريم : حراام عليك .. هذا يزاه يبا يفرحك
راشد : هيه يفرحني .. عقب ما رفعلي ضغطي وقصص بي خلاف خبرني
ريم : يلا المهم انك خلاص افتكيت من اليازيه
راشد : هيه والله .. نسيتيني انا ياي اصلي وتميت اسولف وياج
ريم : يلا انزين سر صل
حدر راشد حجرته وصلى الظهر ونزل تحت وبنزلته حدرو بو عبد الله وعبد الله البيت .. سار راشد وحب ابوه عراسه ... وهم يايين بييلسون في الصاله
راشد : وين ... وين ... بنسير انتغدى الحين خلاف تعالو ايلسو هنيه
بو عبد الله ( استغرب من راشد وخصوصا ان حاله انجلب ورد راشد اللي يعرفونه وعرف انه درى بالسالفه ) عوذ بالله تونا يايين من المسيد خلنا نيلس شوي ولاحقين عالغدا
راشد : لا ابويه ما شي انا بمووت من اليوع
بو عبد الله : انزين يلا اخطف جدامي حشى اللي يقول ميوعينك هالكثر مستلغث عالغدا
وسارو يتغدون .....وعقب الغدا
بو عبد الله : راشد دريت ان بنت عمك انخطبت
راشد : هيه
بو عبد الله : وانت شرايك
راشد : في شوو
بو عبد الله : يعني مرخصنها اتعرس
راشد : وانا شلي الله يوفقها انشا الله ومنه المال ومنها العيال و زواج سعيد انشاء الله ... وبالرفاه والبنين
الكل تم يضحك على راشد وعلى رمسته وهم يعرفون انه هذا احلى يوم عنده .. بس ابوه حب يتفلسف عليه شوي

وفي بوظبي
هزاع رد على علي ربيعه وقاله انهم موافقين ...وعقب يومين يا علي وهله وخطبو اليازيه

وبعد اسبوعين ... يوم الخميس
وفي قاعه الخبيصي للاعراس
هند دخلت القاعه والكل عينه عليها ويسمي عليها لانها طالعه قمر وريم كانت تمشي عدالها وهي الثانيه كانت وايد حلوه لابسه فستان اسود وطالع عليها وايد حلو وشعرها ناشلتنه وحاطه ميك اب احمر ..... و عقب نص ساعه دخل هزاع وابوه وبو عبد الله وعبد الله وراشد ... بس راشد هالمره ما يال لان ايده كانت منيرحه ومخيوطه ... تمو شوي وخلاف اظهرو ... وهند وهزاع دخلو الحجره وتمو يتصورون ... وعقب يو بيسيرون .. الكل روح وما تم غير راشد وريم لانها بترد وياه يتريون هند وهزاع لين ما يروحون ... وهم كانو بيسيرون دبي ... راشد يلس يحط شنطه هند في السياره
هزاع : نخدمك في عرسك يابو سنيده
راشد : انشا الله .. جريب
هزاع : عاد اليازيه وفكيناك منها ... جييه ما تسير تخطب اللي تباها وتفكنا
راشد : ها اا .. شو تقول
هزاع : شو انت تتحراني ما ادري انك ما كنت تبا اليازيه وانك تحب وحده ثانيه
راشد : انت منو قالك هالرمسه .. حمدان صح
هزاع : لا
راشد : عيل من وين بتعرف محد يعرف بالسالفه غير حمدان
هزاع : انا سمعتك مره وانته اترمسه في التيلفون .. وعرفت
راشد : وفي حد غيرك درى بالسالفه
هزاع : لا تخاف سرك في بير يا بو سناد
راشد : وهذا الرجا فيك
هزاع : يلا عيل نحن بنسري الحين .. مع السلامة
راشد : الله يحفظكم
الكل ركب موتره وسار

وفي موتر راشد
ريم : اااااه هند وسارت وبتم روحي في البيت
راشد : تراج الا بتلحقينها عقب شهر
ريم : وانت مب ناوي اتعرس
راشد : ااااااااااااه لو الود ودي اليوم قبل باجر بس .. الله المستعان
ريم : وشو اللي يمنعك .. اليازيه وخلاص راحت في حال سبيلها
راشد : خلينا من هالطاري الحين ... اوووه هذا حمدان
ريم : وين
راشد : هذا اللي جدامنا ( راشد عادل حمدان ونزل الدريشه عشان يرمسه ... ريم سيده اتغشت )
حمدان : شوو الحين راد
راشد : هيه
حمدان ( سوى حق راشد حركه بايده بمعنى منو هاي اللي وياك )
راشد : هاي حرمتك
حمدان : شووو
ريم : رشوود خلنا انرد البيت بسرعه
راشد : اوكي .. حمووود باجر انت داوم في المكتب انا ما اروم
حمدان : ليش ابووي انا من متى قابض الشغل عنك
راشد : حموود دخيلك انا ما اروم
حمدان : اااااااخ .. اوكي امري لله بداوم
راشد : مشكور .. يلا عيل برايك
وكل واحد منهم رد بيته .. حمدان اول ما وصل البيت اتصل بريم
ريم : الووو
حمدان : شو هالحركه اللي سويتيها
ريم : شو سويت
حمدان : لا والله تسوين عمرج ما تدرين
ريم : عن شوو
حمدان : ليش يوم عادلتكم اتغشيتي .. ليش لين الحين اتشوفيني غريب
ريم : لا مب جييه
حمدان : عيل
ريم : حمدان عاد
حمدان : تدرين انج قهرتيني .. بس انا ما رمت اقول شي جدام راشد
ريم : حمدان بس عاد انت ليش محرج الحين
حمدان : لاني كنت ابا اشوفج
ريم : استحييي
حمدان : يعني الكل شافوج وانا ريلج حراام عليه اشوفج
ريم : انزين عقب شهر عرسنا وبتشوفني لين ما اتلووع جبدك
حمدان : انا اتلوووع جبدي من شوفج ... انا اموت واحيا وانا اشوفج
ريم : حمدان بس عاد
حمدان : اصلا خلاص انا زعلان عليج وما اباج اترمسيني لين ما ارضى عليج .. يلا باااي ( وبند عنها )
ريم : هذا من صدقه زعل اوكي انا اعرف اشقا اخليك ترضا ( وهي كانت متصوره بتيلفونها وكانت صورتها وايد حلوه .. سارت وطرشتله ايااها ..وكتبت له ~ ما اقدر على زعلك حبيبي ~ حمدان من وصلته الصوره اتخبل خبال ومن قرا كلمة حبيبي زاد خباله وتم يتصل الها بس هي هالمره ما ردت عليه ... لانها روحها انصدمت من اللي سوته طرشت له صورتها وكاتبتله حبيبي ....

اليوم الثاني
من الصبح وحمدان متصل حق ريم
ريم : صباح الخير
حمدان : صباح النور والسرور
ريم : شحالك ؟؟
حمدان : ولج ويه تساليني عن حالي عقب اللي سويتي فيني
ريم : شووو بعد
حمدان : خبلتيبي خبال ...
ريم : هههههه
حمدان : هيه انتي اضحكي وانا المسكين اللي اتعذب
ريم : ويدي شو اللي يخليك تتعذب
حمدان : اتعذب لاني بعيد عنج
ريم : حمدان .. تراني ببند
حمدان : اقول ريموووتي
ريم : لبيه
حمدان : لبيتي في منى .. غناتي ممكن اتقوليلي الكلمه اللي كنتي كاتبتنها في المسج البارحه
ريم بندت التيلفون سيده لانها اتعرف انه بيتم ايحن عليها
حمدان : فديتها والله ..

وعقب اسبوع ....
وفي بيت بو حمد .... الساعه 3 الظهر
شما : امايه ابا اسير السوق
ام حمد : قولي لخوانج يودونج
شما : قلتلهم ومحد طاع منهم يقولولي سيري ويا الدريول
ام حمد : انزين انا شو اسوي لج
شما : امايه قومي سيري ويايه .. نص ساعه ما بطول .. هو شي واحد باخذه وبرد
ام حمد : انا ما اروم
شما : يا ربيييي عيل انا منو بيوديني
ام حمد : انزين انتي وين تبين اتسيرين
شما : الجيمي مول .... امايه شويه دخيلج
ام حمد : قتلج انا ما اروم
شما : امااااااايه
ام حمد : اسميج انج اكلة فواد .. انزين اييج راي يوم انتي بتسيرين الا الجيمي .. شلي ميري وسيري روحج .. بس هب تتحيرين عن ايي ابوج والا اخوانج وايسوولنا سالفه .. قبل اذان العصر انتي هنيه
شما : اوكي
سارت شما المول... المول تقريبا كان فاضي .. الظهر محد فيه ... وكانت حادره محل عطور ... ويوم يت تروح العطر رفعت الغشاه شويه .... وبالصدفه كان راشد هناك وشافها ... واتيبس مكانه واستغرب انها روحها .. ويوم ظهرت من المحل لحقها و هي انتبهت له وخافت ان الخدامه اتحس بشي
شما ( عطت ميري الكيس ) :merry take this and go to the car I will come now
ميري : ok
شما التفتت صوب راشد ) انت وبعدين وياك
راشد : ااااااخ اسميني متوله على هالصوت من زمان ما سمعته
شما : انت شووو تبا تفضحني
راشد : انتي روحي .. حد يفضح روحه
شما ( وتامه تتلفت بس المكان كان شبه فاضي ) راشد دخيلك خلني في حالي انا تعبت منك
راشد : وحتى انا تعبت من جفاج ... شما دخيلج هو سوال ودووم اسالج اياااه اذا خطبتج بتوافقين
شما : لا طبعا .. انا ما اخذ واحد شراتك
راشد : نعم ... شو تقصدين بواحد شراتي
شما : انت ادرى ... اكبر مغازلجي في العين وراعي سوالف بنات وانا ما اخذ واحد من هالنوعيه
راشد : ومنو قالج اني جذييه
شما : هذا شي مب مخفاي عشان حد يقولي عنه .. راشد ياخي روح في حالك وخلني في حالي ولا تتحرى اني بصدقك .. انا بنت عرب وما ..
راشد : رديتي وقلتيلي انج بنت عرب .. جييه شو اتشوفيني جدامج ... ولد شوارع .. بس عالعموم مشكوره عالمدح الطيب وما هقيت انج جذييه .. بس شو اسوي بقلبي الاعمى اللي حبج .. انا عقب ما زعلت ابويه عليه وخليته يطيح في المستشفى .... وعقب ما خليت بنت عمي وهذا كله عشانج كنت احسب اني احارب الكل عشان وحده تسوى الناس كلها بس ما اتوقعت هالكلام منج ..( ومشى عنها )
شما اتيبست مكانها من كلام راشد وعقب تمت تمشي بسرعه وهي ما تشوف جدامها وعيونها امتلت بالدمع كلام راشد حرك فيها مشاعرها .. شما ظهرت من المول وسايره صوب السياره ويوم يايه بتخطف عن الدرب كانت سياره يايه مسرعه ..
شما : آآآآآآآآآآآآآآآآآآآآآآآآآآ

[آڷصّغيرۉنہْ ™]

الـــــــــــــــــباآرت الـــــــــــســـ17ــــأبع عشر


شما : آآآآآآآآآآآآآآآآآآآآآآآآآآآآآآآآآآآآآآآآآآآآ














راعي الموتر : اخويه شو استوابك ( وحط ايده على جتفه وهو رفع راسه )
شما : آآآ .. راااااشد
راعي الموتر : اخويه خلني بوديك المستشفى
راشد : لا ما يحتاي انا ما فيني شي
شما ( وهي اتصييح ) : راشد راسك كله دم
راشد ( رد لف سفرته على راسه ولف ابها راسه وين انطر وقام ويرمس شما وهو يصارخ ) انتي قومي سيري البيت بسرعه
شما ( وهي اتصيح ) : راشد انت بخير
راشد : هيه انا بخير ..يلا قومي ردي البيت بسرعه
راعي الموتر : اخويه ما تباني اوديك المستشفى
راشد : لا يا ريال انا بخير بس انت يوم بتخطف هنيه مره ثانيه هب تسرع هذا هب مكان سرعه هالمره عدت .. لو كان ياهل خاطف جدامك جان نفدته .. والحين انت اتوكل
راعي الموتر : يا ابن الحلال راسك يجب دم بالحيل خلني اوديك المستشفى
راشد : لا تخاف عليه .. روحي بسير
راشد سار وركب موتره ورد البيت وكان راسه يدور ... سار حجرته وتم يغسل راسه عن الدم بس الدم ما وقف وياب اللزق ولزقه ... وطاح عالشبريه لان راسه كان يدور

ادري تبون اتعرفون شوو استواا الله يسلمكم راشد كان ورا شما ويوم شااف السياره اتقربت منها وبتدعمها ربع ودزها من جدام السياره هي طاحت عالرصيف وراشد ما لحق يخطف دعمه طرف السيااره وطاح وضرب رااسه عالرصيف

وفي بيت بو حمد
شما من ردت اربعت حجرتها عشان محد يشوفها لانها كانت اتصيح .. وكل شوي يتراوالها راشد وهو طايح وراسه كله دم واتصيح زياده

وعالساعه اربع ونص .... وفي بيت بو عبد الله
هند وهزاع كانو رادين من دبي وخطفو العين قبل وخلاف بيسيرون بوظبي ... والكل ميتمع عشانهم .. وسلمو عليهم وتمو يسولفون وياهم
هزاع : الا بو سنيده وين .. موتره هنيه
ريم : اكييد راقد
هزاع : نحن عاد قلنا بنسلم عليه لانا بنسير بوظبي
عبد الله : شوق .... سيري وعيي عمج راشد قوليلهه عمي هزاع وعموه هند هنيه
شوق : اوكي
سارت شوق بتوعي راشد ادخلت الحجره وصعدت عداله عالشبريه عشان اتوعييه
شوق : عمي راشد ( وحاطه ايدها على جتفه واتهزه ) عمي راشد قوووم
بس راشد ما قام ... وسارت له من الصوب الثاني وكان شعره على ويهه .... شووق حطت ايدها على شعره ورفعته عن ويهه ... وشافت ان راسه كله دم وحتى ايدها غدت كلها دم
شوق تمت اتصيح) .. عمي راشد .. عمي راشد قوووم ( وطلعت عنه من الحجره وهي اتباغم
هزاع : منو يصيح
عبد الله : هذا صوت شووق
ريم : هذي ضحيه من ضحايا راشد .. المسكينه اشله اطرشونها اتوعيه .. انتو اتعرفون ان رشوود ما يداني حد يوعييه من الرقاد عنبوه انا يضربني ما بيضرب هذي الياهل
هزاع : عفانا الله يا هل الانسان شقى يمووت عالرقاد
شووق انزلت تحت واربعت صوبهم وهي اتباغم وما ده ايدها اللي كلها دم
شوق ( وهي اتصيح ): هئ هئ بااااابا
عبد الله ( وهو متروع ) : بلاج .. من وين ياج هالدم
شوق : هئ هئ عمي راااشد هئ هئ
هزاع : هذا شو سوى بالبنت
شوق : عمي راشد راسه كله في دم اييييي هئ هئ
عبد الله : شووو .. راشد ( عبد الله ربع فوق وهزاع ربع وراه والكل لحقوهم .. عبد الله دخل الحجره و شاف راشد وراسه كله دم )
عبدالله : راشد ( ويهزه من جتوفه ) راشد
هزاع : عبد الله انت سر شغل الموتر انا بييبه
عبد الله ربع وشغل الموتر وهزاع شل راشد ووداه الموتر وركبت ام عبد الله وياهم ... وشوي ويدخل بو عبد الله البيت ويركبن وياه ريم وهند وقالن له السالفه والحقوهم المستشفى
وفطيم تمت في البيت ويا عيالها اللي فحمو من الصياح من شافو عمهم

وفي المستشفى
الدكتور ( توه ظاهر من عند راشد ) : كيف انجرح راسه وما جبتوه على المستشفى بسرعه
عبد الله : دكتور نحن ما ندريبه يوم سرنا انوعييه من النوم لقينا راسه كله دم
الدكتور : عالعموم نحن خيطناله الجرح ... بس هو نزف دم كثير ومحتاج لدم
عبد الله : شو يعني تبا دم منا
الدكتور : لحظه انا قلتلهم يشوفو اذا عندنا دم يناسبه بس اذا ما لقينا بنرجع الكم
عبد الله : اوكي دكتور .. مشكور
الدكتور : هذا واجبنا
سار الدكتور عنهم والحمد لله لقو دم يناسب راشد ... وهو تم ساعتين وصحى
بو عبد الله : الحمد لله على السلامه
راشد : الله يسلمك.. بس انا شو يابني هنيه
عبد الله : انت اللي لازم اتقول النا شو صارلك وشو اللي طر لك راسك
راشد(كان راسه بعده يعوره ومن كلامه الواحد يحس به انه يتالم) ااا انا طحت
عبد الله : وين
راشد : في باركنات المول
عبد الله : وشو اللي ردك البيت
راشد : شو بيردني بعد موتري
ريم : رشوود حتى وانت في هالحاله اتنكت
راشد : انا ما نكت ... روحي رديت البيت ورقدت
هزاع : وانت الله يهديك .. يوم انطر راسك ما اتروم اتسير المستشفى عشان يخيطولك اياه
راشد : انا اتحرا يرح عادي ... امايه درت
ريم : هيه وسوت النا مناحه هي الحين في المسيد اتصلي المغرب وهند وياها
شوي ودخلت ام عبد الله ومن شافت راشد تمت اتصيح

[آڷصّغيرۉنہْ ™]

وفي المستشفى
الدكتور ( توه ظاهر من عند راشد ) : كيف انجرح راسه وما جبتوه على المستشفى بسرعه
عبد الله : دكتور نحن ما ندريبه يوم سرنا انوعييه من النوم لقينا راسه كله دم
الدكتور : عالعموم نحن خيطناله الجرح ... بس هو نزف دم كثير ومحتاج لدم
عبد الله : شو يعني تبا دم منا
الدكتور : لحظه انا قلتلهم يشوفو اذا عندنا دم يناسبه بس اذا ما لقينا بنرجع الكم
عبد الله : اوكي دكتور .. مشكور
الدكتور : هذا واجبنا
سار الدكتور عنهم والحمد لله لقو دم يناسب راشد ... وهو تم ساعتين وصحى
بو عبد الله : الحمد لله على السلامه
راشد : الله يسلمك.. بس انا شو يابني هنيه
عبد الله : انت اللي لازم اتقول النا شو صارلك وشو اللي طر لك راسك
راشد(كان راسه بعده يعوره ومن كلامه الواحد يحس به انه يتالم) ااا انا طحت
عبد الله : وين
راشد : في باركنات المول
عبد الله : وشو اللي ردك البيت
راشد : شو بيردني بعد موتري
ريم : رشوود حتى وانت في هالحاله اتنكت
راشد : انا ما نكت ... روحي رديت البيت ورقدت
هزاع : وانت الله يهديك .. يوم انطر راسك ما اتروم اتسير المستشفى عشان يخيطولك اياه
راشد : انا اتحرا يرح عادي ... امايه درت
ريم : هيه وسوت النا مناحه هي الحين في المسيد اتصلي المغرب وهند وياها
شوي ودخلت ام عبد الله ومن شافت راشد تمت اتصيح
ريم : امايه بس انزين هذو اتشوفينه جدامج بخير
ام عبد الله : فديتك الغالي شو صابك
راشد : امايه خلاص انا الحين بخير
ويرن تيلفون ريم ... ريم ظهرت برع الحجره عشان ترمس
ريم : الووو
حمدان : هلا انتو وين من متى اتصل لج ما اتردين واتصل بخوج وما يرد
ريم : نحن في المستشفى
حمدان : شووو.. عمي فيه شي
ريم : لا بسم الله عليه ..بس راشد اللي في المستشفى
حمدان ( وهو متروع ): راشد
ريم خبرت حمدان عن اللي صار وحمدان سيده ياهم
حمدان : بو سنيده .. الحمد لله عالسلامه
راشد : الله يسلمك
حمدان : شو صابك
راشد : ( وبصوت واطي ) خلاف بقولك ..
وعقب صلاة العشا حجرة راشد اتحولت من حجرة مستشفى لين ميلس شباب .. لان ربعه كلهم يوه
ناصر : اسمي لو الدكتور قرعك جان اجدى فيك
راشد : ايهبي الا هو جان ما تباني احط الموس في حلجه
الكل : ههههههه
ناصر : يمكن لو قرعك تعقل شوي ويخوز عنك الخبال
راشد : حراام عليكم الحين انا خبيل
حمدان ( وبطنازه ): لا حشى انت العقل كله فيك
راشد : مالت عليك اونك نسيبي بدال ما اتدافع عني اتحط عليه
منصور من سمع راشد يقول نسيبي انقهر
منصور : يلا بو سنيده .. انا اترخص الحين
راشد : لا وين الحين بييبون العشا بتعشون خلاف بتسير
حمد ( ربيعهم ) : ما شا الله حتى في المستشفى عشا وسوالف
منصور : لا مشكور يطولي بعمرك .. بس تعبان ابا اسير البيت ارقد
ناصر : اقص ايدي اذا بترقد
منصور : جب انت
ناصر : ويا هالويه
حمد : لا ... التوام بعد قومو ادافنو هنيه جدامنا
منصور( ويطالع ناصر ) : دواك في البيت
ناصر : هيه صح حاطنه عالكوميدينو
منصور : نصور عن الملاقه ...
راشد : شباب .. بس خلاص
حمدان : ههههه ... مشكله يوم يكونون اثنينه توام
منصور : ( ويطالع حمدان باحتقار ) ما اعتقد انه يضحك ( وظهر عنهم
الكل انصدم من رد منصور
حمدان : انا كنت اسولف
ناصر : حمدان ما عليك هذا روحه ما ادري شو صايبنه اليوم خله يولي عنك

وفي بيت بوعبد الله
ريم يالسه في حجرتها واتصلت الها شما
ريم : هلا
شما : اهلين شحالج
ريم : زفت
شما : ليش
ريم : شمووه انتي اللي بلاه صوتج
شما : لا ماشي بس مزجمه
ريم : يلا الله يعافيج
شما : انتي بلاج
ريم : هامني رشوود اخويه
شما : ها ليش بلاه
ريم تمت اتقول حق شما اللي صار .. شما ما قدرت تقبض عمرها وتمت عيونها تدمع
شما : ريم انا بخليج الحين ابويه يزقرني
ريم : اوكي يلا برايج
وبندت عنها
وشما تمت اتصيح
شما : معقوله هالكثر اتحبني يا راشد ... معقوله ترخص بعمرك عشاني اااااخ يا راشد ما كنت اعرف انك جذيييه .. انا هبله كيف جذبتك ... بس الحين شو الفايده عقب ما قتله هذاك الكلام ما اضني انه بيرد وبيطالع في ويهي ....

[آڷصّغيرۉنہْ ™]

وفي المستشفى
الساعه 11 الكل سار عن راشد
راشد قال حق حمدان السالفه الصدقيه
حمدان : الحين انت لو نفدت عمرك بسبتها
راشد : برايه عساني فدا روحها
حمدان : راشد بس عاد عن هالخبال .. خلاص البنت قالت لك ما تباك خلها اتولي
راشد : ما اروم .. لو بيدي جان من اول مره صدتني فيها خليتها بس انا حبيتها ما اروم اتخيل حياتي من دونها
حمدان : خلك على هالحال .. وما ادري وين بتوصل
ووصل مسج على تيلفون راشد .. وكان من شما .. راشد يوم شاف رقمها ما صدق وفتح المسج بسرعه ~ الحمد لله على السلامه ... ومشكور على اللي سويته لي وانا اعرف ان لولاك جان انا الحين ميته ... واسمحلي على الكلام اللي قلته وانا اعرف اني غلطت في حقك ~
حمدان : بلاك تتبسم من منو المسج
راشد : اااا هذا احمدووه العامري مطرشلي مسج ( ورد طرش الها مسج ~ الله يسلمج من الشر وانا ما سويت شي .. بس انقذت حياتي من الموت .. ومسموحه على كل شي بس شي واحد ما اسامحج عليه ~ وطرش الها المسج وهي استانست من كلامه وردت طرشت له مسج ~ شو الشي اللي ما سامحتني عليه وانا بسوي أي شي عشان اتسامحني ~ وهو رد عليها ~ سرقتي قلبي اذا اترومين اتردينه لي بسامحج ~
حمدان : ايه انت حق منو اطرش مسجات
راشد : ياخي شو هالفضول
حمدان : عيل انا ميلسني وياك سامن ديقا
وردت شما وطرشت مسج حق راشد ~ وكيف ارده ~ وراشد رد عليها ~ انا بيي عند ابوج .. واعتقد اتعرفين كيف اتردينه لي ~
شما ردت طرشت له مسج فاضي .. وهو رد عليها ~ شو يعني السكوت علامة الرضا ~ وهالمره ما ردت عليه
راشد : حمدان قوم انسير البيت
حمدان : لا بوي انت شو يضهرك لازم اتم لين باجر
راشد ( ما سوى سالفه حق حمدان ووقف اونه بيسير بس ما قدر لانه راسه تم يدور ورد يلس ) اااخ
حمدان : يوم اقولك انت روحك ما فيك دم وين تبى اتسير
راشد : حمدان ابا اظهر .. عشان اسير اخطب باجر
حمدان : شوووو .. تخطب .. تخطب منو
راشد : ومنو غيرها
حمدان : انت من صدقك
راشد : هيه
حمدان : والله انا مب فاهم عليك .... بس عالعموم مبروك والله يتمم عخير
راشد :آآآآمين

واليوم الثاني
في المستشفى .. الساعه 10 الصبح
راشد كان حاله احسن اليوم .. ومؤذنهم من الصبح يبى يطلع من المستشفى ... خلاف الدكتور طفر منه وخلاه يظهر

وفي بيت بو عبد الله
الكل يالس في الصاله
وهند وهزاع كانو وياهم لانهم باتو عندهم وما سارو بو ظبي
هزاع : هند صبيلي قهوه ..آآنس بعدني فيني رقاد خليني اصحصح شوي
هند : انشا الله
راشد : جييه امس شكلك مب راقد
هزاع : رشوود اصطلب
راشد : اقول المعرس تنصحني اعرس ولا لا
هزاع : ( ويطالع هند ) اذا تبى شوري ترا العرس ماشي احلى منه
راشد : عيل خلاص .. ابويه هزاع يقولي عرس انا ابا اعرس
الكل مستغرب من راشد
بو عبد الله : زين ما شي خلاف بنخلي امك ادور لك وحده وعرس وفكنا
راشد : زين عيل .. انا اسمحولي الحين تعبان ابا اسير حجرتي اريح شوي
ام عبد الله : بس هب ترقد ما شي باقي عن الغدا اتغدى وخلاف ارقد
راشد : امايه ما اشتهي اكل
ام عبد الله : ليش هو عكيفك بتاكل غصبا عنك ...
راشد : ايييه هااااا استوت السالفه الحين امايه بتستلمني ....
ريم : كيفك عاد
راشد : ريمووه اقول انتي تعالي اباج اظهريلي شي
ريم : اوكي
وسارت وياه فوق
راشد : ريم بغيتج في سالفه
ريم : آآمر
راشد : ااا اسمعيني ريمووه انا بختصار وبدون لا لف ودران انا ابا اخذ بنت سيف ال...........
ريم : منووو ... شمووه
راشد : هيه ... اظني ما بلقى اخير عنها
ريم : اكييد بس انت صدمتني
راشد : ليش
ريم : تدري انا وايد احب شمووه ودووم افكر اقول الحين عقب المدرسه ما بنتشاوف والحين بتستوي وحده منا ... بس شو اللي يابها على بالك ..
راشد : البنت انا اعرف اخوانها واهلها كلهم والصراحه ودي اني اناسبهم .. وانتي تراج دووم تمدحينها جدامنا
ريم :انزين
راشد : اللي اباه منج انج اتقولين حق امايه عنها ولا اتقوليلها اني انا اللي قايللج ...سوي عمرج انج روحج تمدحينها
ريم :اوكي
نزلت ريم عن راشد ... هزاع وهند سارو بوظبي .. وبو عبد الله سار صوب الرياييل .. وتمن ريم وامها في البيت
ريم : امايه الحين رشوود من صدقه يبا يعرس
ام عبد الله : يقول
ريم : وانزين منو يتخطبيله
ام عبد الله : ما ادري ..
ريم : امايه شو رايج بشمووه
ام عبد الله : أي شما
ريم : امايه شما بنت سيف ال...............
ام عبد الله : هيه هيه والنعم فيها من بنت
ريم : ليش ما تخطبينها حق راشد
ام عبد الله : والله ودي بس انا احيدها محيره لولد عمها
ريم : لا ولد عمها ما بياخذها
ام عبد الله : ليش
ريم : امايه ترا اكوو راشد ما بياخذ اليازيه
ام عبد الله : انزين بنشاور اخوج وبنشوف
ريم : رشوود ما اظني بيعارض لانه ما بيلقا وحده اخير منها
وعالغدا ام عبد الله قالت حق راشد عن شما وهو سيده وافق ... وشاور ابوه وابوه بعد وافق

[آڷصّغيرۉنہْ ™]

وعقب اسبوع
يوم الخميس .. الساعه 7 المغرب
في بيت بو حمد
بو عبد الله وعياله يايين يخطبون شما حق راشد
راشد اول ما وصل بيتهن طرش الها مسج ~ واقف على بابكم ولهان ومسير ... اسال عن اللي حصل محبوبي لصغير ~ شما سيده اربعت صوب الدريشه وشافته واقف ويا اخوانها عند الباب .. وهو كان لابس كندوره عربيه بيضا وغتره وعقال وشكله كان وايد حلو وهو مردد الغتره وكشته طالعه من تحتها
شما : اااااخ منك يا راشد انا من متى اشوفك.. عمري ما حنيت لك كيف خليتني احبك .. ( وتمت تطالعه لين ما حدر الميلس )
وعالساعه 9 روح بو عبد الله وعياله من عندهم .. عقب ما اخطبو وطبعا بو حمد قرب ابهم لانه يعرفهم ويعرف راشد زين ... وقال حق ام حمد اتشاور شما
ام حمد : ها بنتي شو قلتي
شما : والله يا امايه اللي تشوفونه واذا ابويه راض به عكيفه
ام حمد : يعني اقول لبوج انج موافقه
شما : .............
ام حمد قالت لبو حمد ان شما موافقه والكل استانس وخاصه ناصر ومنصور لانه وا يد يعزون راشد ويتمنون انه يناسبهم
وهذا اليوم راشد مرتبش اخر ربشه وصايبنه خبال ومب رايم يقر مب مصدق انه واخيرا بياخذ شما الانسانه اللي من اول ما شافها حبها وسكنت قلبه ... يمع الشباب في عزبتهم و سوولهم سهره فنانه
احمد : راشد مب الا يامعنا نبا نسمع منك شله
راشد : والله فالكم طيب
احمد : فالك ما يخيب
راشد : شو تبون
احمد : اللي تباه
راشد : انا ... انا
احمد : اوكي روح
ناصر : لحظه لحظه
احمد : بلاك
ناصر :شوي برمس في التيلفون وبييكم
راشد : اوكي خلاص بنترياك سر بسرعه
ظهر ناصر واتصل بشما
ناصر : شمووه بسمعج اهداء اوكي
شما : اوكي
ناصر : انا بحدر عند الشباب الحين وبحط عالسبيكر .. انتي اسمعي ولا ترمسين اوكي
شما : اوكي
ناصر رد دخل عند الشباب
ناصر : يلا بو سناد رووح
راشد : راشد بدا يشل وهو متعايش ويا الشله ومن تفاسير ويهه وحركة ايده ..
الحب لو ما يغرقك شوق واشجان*~* اتعن من تلقا نفسك خيوله
واتاسسه تاسيس دوله بعنوان*~* اتعيش حاكم حب والشوق دوله
تبددت كل المشاعر على شان *~*لان الحياه بلا مشاعر خجوله
انا انا لو عشت في كل الازمان*~* شخصيتي لي والغلا للي هوله
الى هنا ياللي اتقول الوعد حان *~*تعال قلي ولفله وش فصوله
مجامل واهات وجروح واحزان *~*وانا مرشحكم لدور البطوله
يمكن اجامل ناس احيان واحيان *~*الا مصيري لين اقول انسجوله
ان قلتو استبداد رديتو الان *~*اتذكرو احلى فصول الطفوله
عطيتكم منها لالئ ومرجان *~*واليوم خلوني بدور الرجوله
ترا الغلا زوده مع الوقت نقصان*~* الا من يحبك تغير ميوله
هذا كلام قلوب ينطق به انسان *~*ويبين في وجهه قبل ما يقوله
ما هو كلام انسان ينطق به السان *~*احساسه بمعناه ماهو بحول
وسوالم السامعين
الكل : تسلم يا بوسناد
ناصر بند التيلفون عن شما .. وشما مستانسه وهي اعرفت ان راشد اللي كان يشل
وتمو الشباب على هالحال قصيد وشلات لين الساعه 2 وخلاف كل واحد رد بيته
اليوم الثاني
حزة الغدا في بيت بو عبد الله
ريم :ابويه ما قررتو متى الملجه
بو عبد الله : لا ... بس انا اقول عقب عرسج اخير
راشد ( غص باللقمه ) كح .. كح ..كح
ريم ( ادحه على ظهره وتعطيه ماي ) ها يود اشرب
راشد : اااااه ....
ريم : اشياك
راشد : ابويه شو الملجه عقب عرس ريمووه
بو عبد الله : وشله لعيله
راشد : لا ابويه انا ابا الملجه جريب
ريم : اضني رشوود لو الود وده يملج اليوم
راشد : هي والله
الكل :هههههههه
راشد : ها ابويه شو قلت
بو عبد الله : خلاص مب الخميس الياي اللي عقبه
راشد : لا بعيد ابويه خلها الخميس الياي ... ابويه دخيلك
بو عبد الله : خلاص انزين فكنا خلنا انعرف ناكل ... ام عبد الله رمسي ام حمد وقوليلها انا نبا نملج الاسبوع الياي
وفي بيت بو حمد
شما : نصور مشكور عالاهداء البارحي
ناصر : أي اهداء
شما : الشله
ناصر : هيه شو رايج فيها عيبتج
شما : واايد .. الا منو اللي كان يشل ( مشكله البنات يوم يتمنكرن .. هيه اتعرف انه راشد )
ناصر : واحد من الربع
منصور : منوو
ناصر : خلاف بخبرك
منصور : لا خلاص عرفت
ناصر : اسمي ان البارحه اليلسه طرر فاتك الصراحه
منصور : صدق
ناصر : شوو البارحه الشباب بدعو
منصور : اووه فاتني
ناصر : والله روحك ما طعت اتيي
منصور : حمدان كان موجود وانت اتعرف اني ما اداني هالانسان
ناصر : حرام عليك حمدان ريال ونعم .. بس انت روحك خلاص انسى السالفه وترا هو ما يخصه
منصور: نصوور شرايك اتغير السالفه
شما : اقولكم تعالو انسير عند يدتي من زمان ما شفتها
منصور : وجييه انشا الله ما اتسيريلها
شما : انتو اتعرفون اني ما اداني اطب بيت عمي بروحي اذا يوتو انتو ويايه يكون احسن
منصور: اوكي يلا عيل انسير .. نصوور قوم
ناصر : انا ما اروم
منصور : اقولك قوم
ناصر : انزيين
وسارو صوب بيت عمهم
عفرا : مرحبا الساع بعيالي قربو .. قربو
يو وحبو ها عراسها
منصور : شحالك يدتي
عفرا : بخير دامكم بخير .. وانتي وين من زمان ما رييتج
شما : يدتي شوو اسوي اتعرفين لاهيه شوي
ناصر : يدتي اشوفج بروحج وينم عنج
عفرا : انا ثرني اشووف حد منهم ... ر قوود طول اليوم وما ينشون الا يوم يعديهم الليل ... بعد سلطان وحمدان ها اشوفهم شوي الا هذاك ما ينشاف
منصور : منو سهيل
عفرا : ومنو غيره من يظهر اكووه سيره بالايام ما اشوفه
منصور :يا حيج والله يا يدتي
شوي وينزل سهيل من فوق
سهيل : مرحبا بعيال العم ما شا الله اليوم عندنا
شما نشت وظهرت عنهم وردت البيت
سهيل : هاي بلاها اشردت انا ما اكل
منصور : سهيل ما يخصك فيها
سهيل : ليش اتبريتو مني بعد
منصور : يلا عيل يدتي نحن انترخص الحين
عفرا : الله يحفظكم يا عيالي
ظهرو ناصر ومنصور وظهر وراهم سهيل
سهيل : يعني هالكثر كارهيني حتى ما اترومون تيلسون في المكان اللي انا فيه
ناصر : ايه انت بلاك من شفتنا وانت مستلمنا
منصور : ناصر بس صخ عنه
سهيل : اختكم هذي اللي ما طعتو اتيوزوني اياها خلوها اطييح في جبدكم واخرتها بتقولولي تعال خذها
منصور : سهيل احترم نفسك وعن هالكلام
ناصر : ههههه
سهيل : بلاك تضحك
ناصر : لان شما ياها اللي اخير عنك بمليون مره
سهيل : شووو شما انخطبت
منصور : الحمد لله انخطبت يعني ريح عمرك عمرنا ما بني انقولك تعال خذها
سهيل : منصور انا مب قصدي
منصور :قصدك ولا غيره ... انا رغم كل اللي استوا ادافع عنك لكن عقب هالرمسه خلاص طحت من عيني
سهيل : ومنو هذا اللي بديتوه عليه
ناصر : واحد ونعم يسواك مليون مره
منصور : اللي خطبها راشد بن سعيد ال............
سهيل : شوو راشد .. راشد ما غيره
منصور : هيه راشد
ناصر : جييه مب عايبنك
سهيل : الحين بديتو الغريب عليه
منصور : الغريب على قولتك ياينا بخيره ما يا يضارب شراتك
سهيل : حسافه عليكم عيال عم ( وسار عنهم وركب موتره .. وظهر من البيت وتم يحرق عليهم )
ناصر : اطالع الهرم
منصور : خله يولي عنك منقهر
ناصر :اوكي ان ما رديتها له بالبرتقالي مب هو قاص على عمره بموتره مالت عليه
منصور : اخطف .. اخطف انت جدامي

وفي موتر سهيل
سهيل كان واصل حده ومنقهر ومن قهره تام يضرب بايده عالسكان
سهيل : ااااااااخ الحين بدو عليه الغريب وما عبروني ..الله يلعنهم .. الله يلعنهم ووقف عالاشاره ... وكان راشد واقف عداله .. راشد يوم شافه دق له هرن وسلم عليه وهو مبتسم ... سهيل من شاف راشد ما قدر يتحمل خطف الاشاره الحمرا .. وكانت سياره يايه مسرعه ودعمها
راشد : سهييييييييييييييل ( ونزل يربع من موتره وسار صوبه )

[آڷصّغيرۉنہْ ™]

ْْ..الــــــــــــــبارت الثامن عشر ..ْْ


سهيل من شاف راشد ما قدر يتحمل خطف الاشاره الحمرا .. وكانت سياره يايه مسرعه ودعمها
راشد : سهييييييييييييييل ( ونزل يربع من موتره وسار صوبه )
راعي الاستيشن كان بخير ونزل من الموتر وسار صوب موتر سهيل
راشد : اتصلو بالاسعاف بسرعه ... ( ووقف عدال موتر سهيل ) سهيل
سهيل كان حاط راسه على السكان ورفعه
راشد : سهيل انت بخير
سهيل : .............
راشد حاول يبطل الباب الثاني وما رام السياره شكلها قفلت .. لان الباب اللي عند سهيل كانت الدعمه لاحجتنه وما ينفج
راشد : سهيل فتح الغفل
سهيل تام مكانه متيبس وما يسمع راشد شو يقول
ريال : اخويه ترا البترول ينزل من الموتر اخاف السياره اتبق
راشد : سهيل فتح الغفل بسرعه السياره بتحترق
سهيل : ...........
راشد سار ياب من موتره سبانه وكسر ابها الجامه ودخل ايده وفتح الباب
راشد : سهيل يلا انزل
سهيل : انت بعد شو تبا حتى هنيه لاحقني خلني فحالي
راشد ( عصب ) سهيل عن لعب اليهال انزل اقولك ( ومد ايده وقبض ايد سهيل ) يلا
ريال : يلا يا اخويه انزل
سهيل ظهر من الموتر وما كانت يايتنه ظربات قويه تزليق شوي ..بس ريله تمت اتعوره وتم يعري
شوي ووصلت الشرطه والاسعاف

وفي المستشفى
راشد اتصل بناصر ومنصور وقاللهم عن اللي صار وهم قالو حق اخوانه ويو كلهم المستشفى
منصور : الحمد لله عالسلامه
سهيل : شو يايين تتشمتون فيني
ناصر : شو نتشمت فيك بعد حتى وانت في هالحاله ترمس بهالرمسه
حمدان( اخو سهيل ) : اسمحولنا تراه ما يقصد
منصور : يقصد ولا غيره نحن ما نشل فخواطرنا على سهيل تراه اخونا
ويدخل عليهم راشد ... وهو كان ساير يلف ايده لانها اتيرحت من الجام يوم كسر الجامه
راشد : تستاهل السلامه
سهيل تم يطالعه ولا قال شي
راشد حس ان الوضع كان متكهرب مبينهم فظهر عنهم
منصور : راشد ( وظهرو راه ) وناصر لحقهم
حمدان : انت بلاك شو حركات اليهال اللي يالس اتسويها .. هذا الريال اللي ما سويت له سالفه هو اللي انقذ لك حياتك والا جان انت الحين الله يعلم بحالك
سهيل : ادري
حمدان : يوم انك تدري شله ما سويت له سالفه
سهيل : انت تدري انه
حمدان : بياخذ شما ادري ... تبا الصدق وانا اخوك ترا راشد يستاهلها
سهيل : قصدك ان انا اللي ما استاهلها
حمدان : هيه ... شما رابيه جدامنا وانا اعرفها بنت سنعه وراشد ما عليه كلام يستاهلها
سهيل : ترا هذا اللي ذابحني انه ما ينعاب وكل الشباب يتمنون انه يناسبهم وحتى انا كنت اتمنى ان عندي اختك عشان ايوزه ايااها
حمدان : واعتبر ان شما اختك ويوزتها اياه وخلاص انتهت السالفه
سهيل : وهذا اللي بيصير .. حمدان انا متلوم من راشد ومن عيال عمي غلطت عليهم وايد
حمدان : ما عليك ترا هم ما يشلون في خواطرهم عليك وباجر بتلقاهم يايينك
.
.
ومرن الايام وظهر سهيل من المستشفى وقرر انه يسير دبي عند خاله ويعيش عنده ويشتغل وياه في شركته

[آڷصّغيرۉنہْ ™]

يوم الخميس
الساعه 10 الصبح
اليوم ملجت راشد على شما
وفي بيت بو عبد الله
راشد ناش من الصبح عشان يخلص اموور الملجه
راشد : اماااااايه اماااااايه
ام عبد الله : ها .. ها بلاك
راشد : امايه وين ادلالكم
ام عبد الله : بسم الله اكن عالطاوله
راشد : وين .. اووه ما شفتهم .. مدوخ وفيني ارقاد .. باخذلي فنيان قهوه جان يخليني اصح صح
ام عبد الله : قهوه عالريج تعال اتريق
راشد : لا امايه ما اشتهيه
ام عبد الله : برايك
راشد : ابويه وين
ام عبد الله : يعني ما اتعرفه ابووك اكييد عند ارجابه
راشد : يلا عيل امايه تامريني بشي
ام عبد الله : سلامك
راشد : مع السلامه
ام عبد الله : الله يحفظك
راشد سار صوب بيت قوم شما عشان يشوف ترتيبات الخيمه وخلاف اتصل بمنصور
منصور : رشوود شو تبا من صباح الله خير
راشد : انت راقد
منصور : هيه
راشد : منصور دخيلك قوم اباك اتي توقف ويا العمال اللي بيرتبون الكراسي
منصور : رشوود ما اروم
راشد : منصور دخيلك الشيمه ابا اسير اتحلق حرام عليك
منصور : افف انزين خلاص بنش
راشد : ايه تراني مروح هب اترد ترقد
منصور : انزين
راشد سار الحلاق ومنصور نش ووقف ويا العمال
وعالساعه 1 الظهر راشد رد البيت
ريم : اوووه نعيما اخويه
راشد : الله ينعم عليج ( وسار يسلم عليها )
ريم : شو الطاري عليك
راشد : ارويج النعومه
ريم : ههههه .. حلوه منك
راشد : تعالي ريلج وين
ريم : ما ادله ما رمسته اليوم
راشد : الهرم ما عبرني اليوم
ريم : جان ما تلقاه راقد
راشد : لا تطريلي الرقاد انقهر يوم اسمع حد راقد وانا واعي
ريم : انزين سر ارقد لين العصر
راشد : ترا هذا اللي بسويه بس ابا حد يوعيني الساعه اربع
ريم : ايييي انا بتيني مال الصالون وبيلس اتعدل اخاف انسى
راشد : برايج بخلي هالعله ريلج يوعيني
ريم : حرام عليك الحين حمدان عله
راشد ( اتصل بحمدان ) ها وين مختفي اليوم
حمدان : راقد ترا المسا ورايه ملجه قيس وليلى يعني سهره
راشد : ويا هالويه عن السخافه الحين ريمووه عدالي خلاف نتفاهم
حمدان : ليش شو قلت ما قلت شي عشان قيس وليلى يعني والله اللي استوا امبينكم قصه اسطوريه
راشد : حموود اصطلب
حمدان : خلاص خلاص انسولف وياك يا ريال
راشد : انزين اقولك انا بسير ارقد الساعه اربع وعني
حمدان : لا والله حرمتك وانا ما ادري
راشد : ايه انت ما يخصك في حرمتي
حمدان : ياخي ما قلنا عنها شي ... انزين يلا سر ارقد واذا ذكرت بوعيك
راشد : ايه انت شو اذا ذكرت حط تيلفونك عالمنبه ووعني
حمدان : وانت جييه ما اتحط تيلفونك عالمنبه واتنش
راشد : لاني اعرف عمري ببنده وبكمل ارقادي
حمدان : عادي شو يعني
راشد : لا والله ما تباني املج
حمدان : مب لازم لاحق عالملجه
راشد : يالهرم بفضالك خلاف
حمدان :ههههههه
راشد : يلا اجلب ويهك انا بسير ارقد ( وبند عنه وسار يرقد )

[آڷصّغيرۉنہْ ™]

و في بيت بو حمد
شما يالسه اترمس ريم
ريم : ها عروستنا شخبارج
شما : والله تمام
ريم : تدرين مب مصدقه انج بتستوين حرمة اخويه
شما : ريمووه
ريم : يحليلج تستحين
شما : ريموووه بس عاد
ريم : اقول متى بتيج مال الصالون
شما : عقب شوي
ريم : تدرين كان ودي ايي اتعدل وياج بس اتلوم اخوانج في البيت
شما : جان ييتي والله بصرفلج اياهم من البيت
ريم : اتخيلي
شما : عادي حميتي اسويلج أي شي
ريم : اوووب ..اووووب جنج قلتي حميتي
شما : والله مب هذا اللي بيستوي .. تراني باخذ اخووج يعني انتي حميتي
ريم : تدرين ياحظ راشد يوم بياخذج
شما : ويحظي انا يوم انه بياخذني
ريم : ايوااا .. ايوااا عاشت شموووه ... وينك ياخويه يا ولد امي وابويه تعال اسمع هالكلام
شما : هههههه
ريم : شله تضحكين
شما : لا ماشي بس ذكرت شي
ريم : شمووه بسالج سؤال
شما : اسالى
ريم : شمووه انتي وافجتي عليه من خاطرج
شما : تبين الصدق .. هيه
ريم : اليوم انتي تعطين اعترافات خطيره لو يسمعج رشوود ياويل حاله
شما : ريمووه يت مال الصالون يلا انا الحين بخليج عيل
ريم : اوكي .. اشوفج خلاف
شما : اوكي بااي
ريم : بااي
وبندت عنها ...
وعالساعه اربع حمدان اتصل براشد ووعاه من الرقاد
وفي حجرة ريم . الساعه ست
ريم يالسه اترمس حمدان
حمدان : وينج اليوم لازم اشوفج
ريم : لا مب لازم
حمدان : ريمووه
ريم : عيونها
حمدان : فديت عيونج انا ... خلج حرمه عدله واسمعي الرمسه اليوم اشوفج يعني اشوفج
ريم : اييييي والله حسب الظروف
حمدان : هب تستهبلين
ريم : انزين قتلك بشوف
حمدان : اوكي عيل بخليج الحين بسير ازهب عشان اسير عند الرياييل
ريم : اوكي الله يحفظك
وبندت عنه .. ونزلت تحت
ريم : جني خلصت من وقت
ام عبد الله : لا ترانا بنسير عقب شوي لازم انكون هناك قبل العرب
شوي وينزل راشد من فوق .. وكان لابس كندوره بيضا وغتره وعقال وشكله كان وايد حلوو ...
ريم : الله الله عالمعرس
راشد ( ابتسم ) : ماشا الله زاهبين قبلي
بو عبد الله : شو نسويبك يوم انته ما اتحلحل
راشد : اقول شوو رايكم في شكلي
ام عبد الله : بلاه بعد شكلك غاوي ولا حد اغوى منك
ريم : لا ما عليك ترا السبال في عين امه غزال
راشد : انا سبال يا السباله لو مب ورايه ملجه جان رويتج الادب
ريم : خيبه شو بتسويبي
راشد : اقول النعال الابيض والا الاسود اخير
عبد الله : الابيض احلى
راشد : والله .. انا قلت بكسر اللون شوي بلبس نعال اسود
ريم : لا صح صدقه عبد الله الابيض احلى
راشد : انزين العقال هذا اوكي والا البس اللي فيه الربذ
بو عبد الله : انا لله اذا انت جذييه عيل العروس شو تسوي
عبد الله : الساعه بتوصل سبع ونحن ما سرنا يلا بيون العرب
بو عبد الله : يلا توكلنا على الله
كلهم ظهرو من الصاله وراشد بعده يعدل غترته في المنظره
ريم : رشووود يلا
راشد : انزين ياي
بو عبد الله وام عبد الله سارو في موتر ... وعبد الله وحرمته وعياله في موتر وراشد وريم في موتر

[آڷصّغيرۉنہْ ™]

وفي موتر راشد
راشد كل دقيقه يطالع عمره في المنظره ويعدل الغتره
ريم : رشوود والله ما بتخترب الغتره
راشد : تعالي انتي سوي حق حمدان خلييه ايي الحين
ريم : مرمستنه قبل شوي يقول بيسبح وبيتلبس وبيسير
راشد : افف وما يندرا بالحربيه يو ولا لا
ريم : ياخي بيون انتو ما بترزفون الا عقب الملجه
راشد : منو قال هاي ملجه راشد بن سعيد بيرزفون من الحين لين يروحون العرب
ريم : حشا ... حشا .. بتجسح اريولهم
راشد : يلا وصلنا
ريم : نزلني عند باب الصاله
راشد : انشا الله
سار راشد ووقف عند باب الصاله نزلت ريم وحدرت الصاله
راشد سار صوب الرياييل
وفي الصاله ريم يالسه اتسلم على ام حمد ومجبله صوب الدري وفي نفس اللحظه منصور نازل من فوق و طاحت عينه عليها وقف مكانه وتم يطالعها وقلبه يتقطع عليها .. هي انتبهت له واتغشت بسرعه
منصور : ييييييييييي هااا
ام حمد : تعال يا ولدي محد غريب
منصور : السلام عليكم
الكل : وعليكم السلام
ام عبد الله : شحالك يا منصور
منصور ( كانت عينه على ريم ) : بخير وسهاله ربي يعافيج .. انتو شحالكم
ام عبد الله : ما نشكي باس
منصور : نسيبنا وصل
ام عبد الله : هيه بتلقاه خاري
منصور : يلا عيل تامروني بشي
ام عبد الله : سلامك
وظهر عنهم
ريم : خالتي ابا اسير عند شما
ام حمد : سيريلها فوق حجرتها اول حجره عاليمين
ريم : محد فوق
ام حمد : لا ما ظني كلهم ظهرو
سارت ريم عند شما
ريم : مرحبااااا
شما : اهلين
ريم : واااااااااااااااااااااااااو ما شا الله عليج طالعه قمر
شما : ثانكس
ريم : ويل حالك يا رشوود
شوي ويتصل راشد حق ريم
ريم : حشى لو طاريه مليون
شما : يعني المليون اخير عنه
ريم : ايواا ايواا ان ما قتله
شما : ريمووه اتخسين
ريم : ( ردت على راشد ) هلا
راشد : اهلين
ريم : وينك يا اخويه تعال شوف اللي يالسه اشوفه ما شا الله قمر يالس عالارض
راشد : منو تقصدين شما
ريم : هيه بعد منوه
راشد : والله لو انا ما ادلها انها قمر جان ما خذتها
ريم : اسمعي شو يقول اونه لو ما ادلها انها قمر جان ما خذتها ..
راشد : فديتها هي عدالج سلمي عليها
ريم : ايييه لا تيلس اتفدا بنت العرب انت بعدك ما خذتها
راشد : جب انتي ما يخصج .. وبعدين لا اتقوليلي بنت العرب ما اداني هالكلمه
ريم : ليش يعني
راشد : بس جييه ما ادانييها
ريم : انزين اتعرف بخبرك عنها شوو قالت عنك
راشد : شووو
شما : ريمووه والله يويلج لا اتخليني ازعل عليج اليوم واحلف ما ارمسج
ريم : خلاص خلاص ما بقوله
راشد : ريمووه ارمسي ولا بعمرج
ريم : لا والله وانتو الثنينه طايحين فيني تهديدات من الصوبين
راشد : ما عليج منها قولي
ريم : ما بترمسني
راشد : برايه انا خلاف بخليها اترمسج انتي قولي الحين
ريم : اااااااااا
شما : ( شكلها شوي وبتصيح ) ريمووه لا تقولين
ريم : خلاص خلاص ما بقول بلاج
راشد : ريمووه
ريم : مب رامسه حراام عليك البنت شوي وبتصيح
راشد : خلاص عيل ما نبا انعرف كله ولا ادموووعها الغاليه
ريم : رشووود اشوفك وايد ماخذ راحتك
راشد : جب يلا جلبي ويهك انا بزي الحين
ريم : اووه اتعرف بزي بعد
راشد : جييه شو قالولج ياي من السيح
ريم : ههههههه حلوه منك .. يلا برايك ( وبندت عنه )
شما : شو الكلمه اللي مايدانيها
ريم : بنت العرب
شما : ( عرفت ليش وتمت تضحك )
ريم : بلاج
شما : اااا لا ماشي
وعند الرياييل
حمدان : ها قيس علومك
راشد ( اطالعه بطرف عينه وصد عنه )
حمدان : بلاك تطالعني جذيه
راشد : ما ادلك
حمدان : يعني عشان قتلك قيس ... خلاص ولا تزعل روميو
راشد : حموود ترا ان قبضتك يا ويلك
حمدان : شوو تبانا انتدافن جدام الخلق تباهم يتعايزون عنك شو
راشد : اتخيل يتعايزون
حمدان : عادي
راشد : بموووووت
حمدان : حشا ما يسوا عليك
راشد : اااااااااه ما يسوى عليه لو تعرف بمصابي ما بتقول ما يسوى عليك
حمدان : انزين خلاص فكنا من مصابك ترا البنت وبتاخذها وانتهى الموضوع
راشد : اففف متى بيي المطوع وبنملج
حمدان : حشا يالعيله
راشد : اففف يا ليت اليوم العرس مب الملجه
حمدان : ههههه ... اقوول شرايك انعرس ارباعه الشهر الياي
راشد : جان زين
حمدان : هههههه زاهب ما شا الله لا ابووي انا ما ابا حد يشاركني عرسي
راشد : اتحراني ميت عشكلك حتى انا ما ابا اعرس ويا حد ابا اسوي هذاك العرس اللي لا صار ولا استوا عرس راشد بن سعيد لازم يكون غير عن كل الاعراس
حمدان : يلا ... والله كبرنا يا رشوود وعرسنا
راشد : عن الخرط بعدنا ما عرسنا
حمدان : ويا هالويه يعني تستهبل يعني خلاص جريب
واييهم سلطان ولد عم شما
سلطان : السلام عليكم
راشد وحمدان : وعليك السلام
سلطان : ها المعرس علومك
راشد : علوم الخير بس هذا المطوع مب طايع ايي عشان نملج ونخلص
سلطان : هههههه ...
راشد : اقول بو مييد ... سهيل ما يا من دبي
سلطان : اااا لا
حمدان : ما بيي يعني
سلطان : ما ادله بس ما ظني
وتمو يسولفون
وشوي ووصل مايد ويايب ابوه وامه وخواته .... ويوم يايات البنات ينزلن من الموتر ناصر كان مجابل الموتر وشاف ميره
ناصر : منصور هذي هي
منصور : منو
ناصر : البنت اللي كانت اترمسك
منصور :أي وحده
ناصر : اللي كانت اترمسك على اساس انها ريم
منصور صد بسرعه عشان يشوفها بس ما شافها لانها حدرت البيت
ناصر : البنت طلعت اخت مايد يعني بنت خال راشد
منصور : معقوله ..
ناصر : هيه انا متاكد لاني شايفنها زين هذاك اليوم يوم كانت اتقولي السالفه
وعالساعه 8 يا المطوع واملجو
راشد نش ووياه ابوه وعمه ( بو حمد ) وخلاف تم يوايه ربعه
حمدان : مبروك يا بو سناد
راشد : الله يبارك فحياتك
منصور : مبروك يا النسيب
راشد : الله يبارك فيك يلا الدور عليك انت وناصر
ناصر : لا انا بعدني ما افكر في العرس الحين خلوني اعيش حياتي
راشد : لين متى
ناصر : يوم بتي حزتها
حمدان : انت برايك منصور لازم يعرس الحين ويانا انا وراشد
منصور ( وفخاطره ) انا كنت بعرس ويا راشد بس انت خربت عليه
ناصر ( شاف ان ويه منصور اتغير وحب يغير السالفه ) يلا قومو الشباب مشتلين يتريونا خاري يبون ايولون
راشد : يلا
وظهرو خاري وبدت الربشه واليوله عند الشباب وما تم حد ما يال عشان راشد .. وكلهم كانو يحدونه يبونه اييول وهو مب طايع
هزاع : بو سناد يلا نبا يوله
راشد : اليوم اليوله الكم
شوي ويا بو عبد الله وقابض عصا في ايده وقبض راشد من ايده ودخل وياه في نص الرزفه
راشد : ابوويه
بو عبد الله : انا حالف اييول وياك في عرسك
منصور ربع ياب عصا وعطاها راشد
وتم راشد اييول ويا ابوه وشوي وحدر وياهم بو حمد والشباب كلهم ما تم شيبه ولا شباب ما يال
وخلاف حدرو الخيمه يتعشون
وداخل عند الحريم
ام حمد : هند غناتي سيري قولي حق شما تنزل الحين
هند : انشا الله خالتي
سارت هند فوق
هند : يلا عروستنا انزلي
شما : الحين
هند ( هزت راسها بمعني هيه )
شما : لا ما ابا
يا حميد ولد عبد الله وتم واقف عند باب الحجره ويطالع شما
ريم : حميد حبيبي تعال سلم على عمووه شما هذي حرمة راشد
حميد : انتي حرمة عمي لاسد
شما : هيه حبيبي
حميد : انتي مينونه
شما : ليش
حميد : ليس تاخدين عمي لاسد بيدربج
الكل : هههههههههههه
شما :ليش هو كله يضرب
حميد : هيه كله يدلب عمووه ليم
ريم : هههههه
شما : صدق
ريم : ما عليج بس انا بس انتي غير الغلا كله عنده بيبزيج
شما ( استحت )
هند : يلا انتن عن هالرمسه اللي ما منها فايده يلا انزلن

[آڷصّغيرۉنہْ ™]

نزلت شما
والكل كان عينه عليها ويسمي عليها من حلاها ابهرت الكل بطلتها عليهم كان شكلها غير ( كانت لابسه فستان ذهبي ... وشعرها فاتحتنه ... ما شا الله شعرها طويل شوي وبيوصل ركبها ... مشت بين الحريم ويت ويلست على الكرسي ... )
ام عبد الله : بسم الله عليج صليت بج عالرسول قمر ظاهره
شما : مشكوره عمتي
ريم : هاه علومج
شما : تدرين احس روحي بتظهر
ريم : خلي الحين عقب شوي يوم بيحدر راشد شوفي شو بيستويبج .. يوم اقولج هذاك اليوم عن اللي احس به تضحكين عليه
شما : سكتي عني روحي يالسه انتفض
وعند الرياييل
الرياييل خلصو العشا وردو اييولون
منصور : وين راشد
حمدان : سار البيت
منصور : شو يسوي
حمدان : يعني ما اتعرفه رشوود سار يبدل ثيابه ويعدل الكشخه قبل لا يحدر داخل
منصور : والله انه متفيج
شوي وياهم راشد
هزاع : حشا انت ظاهر من باريس غاليري
راشد : ليش
هزاع : ريحه العطور اتفوح من بعيد
راشد : اتحسسني انك ما كنت تروح فيني ريحة عطر من قبل
منصور : بو سنيده يلا ما بتدخل
راشد : الحين
ناصر : والله اذا ما تبا ترا عادي مب لازم
راشد : لا ابا منو قالكم يلا عيل (ومشى جدامهم وتمو يضحكوون علييه )
سار راشد وياه ابوه وعمه ( بو حمد ) وحمد وناصر ومنصور
راشد اول ما حدر نسا الكل وتم يمشي صوب شما وعينه عليها .. وهي كانت منزله راسها ... راشد يا ووقف جدامها وحبها عراسها
وتم واقف محله
ريم : رشوود قوم من جدامها
راشد : ها .. هيه اوكي ( ووقف عدالها وعينه عليها )
يو بو عبد الله وبو حمد وسلمو على شما وخلاف حمد وناصر ومنصور
ميره من شافت ناصر ومنصور اتيبست محلها ما كانت تدري انهم توام
سلامه : ريمووه منو هذيلا الثنينه
ريم : يعني منو بيكونون اخوان شمووه
سلامه : توام
ريم : اكييد ما اتشوفينهم نفس الشي
سلامه : حلويين
ريم : سلامووه اصطلبي
سلامه : لا مب قصدي
ميره كانت واقفه وتطالعهم تبا اتعرف أي واحد منهم منصور بس ماقدرت
بو عبد الله وبوحمد وحمد وناصر ومنصور اظهرو عنهم
راشد يبا يشوف ويه شما وهي منزله راسها
راشد : واخيرا غدينا لبعض راشد لشما .. وشما لراشد
شما : ...............
راشد : انزين ارفعي ويهج شوي خليني اشوفه
شما رفعت ويها شوي
راشد : اااااه يا ويل حالي من هالمحيا
شما ( ابتسمت )
راشد : شوو انتي حالفه ما ترمسين اليوم
شما : ............................
راشد : امايه الحين شما حرمتي ما يستوي اشلها واروح
ام حمد : لا يستوي تراها من اليوم حليلتك
شما رفعت راسها وصدت صوبه وهي محرجه
راشد : اندوكم الويه اسولف وياج يا بنت الحلال ... مسرعج حرجتي
شما : ردت نزلت راسها
راشد : شما
شما ( وبصوت واطي ) : نعم
راشد : فديت هالمنطوق انا
شما : صدت عنه الصوب الثاني وهي منزله راسها
ريم : رشوود خف عالبنت اخافها تنخش تحت القنفه من المستحى
شما ( ضحكت )
راشد : لا خليت من هالضحكه
شوي ويابت ريم الدبله والشبكه عشان راشد يلبسهن شما
عطته الدبله
راشد : في أي صبع يحطونها هاي
ريم : رشوود لا تفضحنا هنيه ( واشرت له عالصبع )
وخلاف تم يلبسها العقد وما عرف يسكره
راشد (وبصووت مسموع ): امااايه هذا ما طاع يسكر
الحريم كلهن تمن يضحكن عليه
راشد : افااااا استويت مضحكه والسبه انتي ويا هالراس
شما ( صدت صوبه وهي مستغربه منه وايد خذ عليها )
راشد ( هالمره اول مره يشوف فيها ويه شما زين ) ثرج احلى من ما كنت اتوقع .. دخيلج لا تنزلين راسج خليني اشوفه زين خليني اشبع عيوني من عيونج
شما ( ما قدرت تتحمل رمست راشد ... استحت ونزلت راسها )
راشد : حرام عليج خليني اشوف ويهج
ويت حرمه تبا اتسلم على شما .. شما ما رامت اتنش الها لان راشد كان يالس على فستانها ... وهي مستحيه اترمسه
شما : راشد قوم عن فستاني ابا انش
راشد ( انتبه لعمره انه يالس على فستانها ولز عنها .. وهي وقفت للحرمه وهو تم يالس )
راشد : ويل حالي من هالزول
ريم : رشوود انت عيبتك السالفه .. يلا عطنا مقفاك
راشد : يعني اظهر
ريم : لا ادخل
راشد : اوكي انتي نتفاهم في البيت
ريم : شمووه شوفييه بيضربني
راشد : واااي اتروعت
شما تمت تطالعه بعين
راشد : اقول شما انتي لابسه عدسات والا هذا لون عيونج
ريم : اسالني انا لابسه عدسات
راشد : افاااااا وانا مستانس على عمري اقول حرمتي عيونها عسليه
ريم : عيونها سود شرات عيونك
راشد : دام انج شرات عيوني عيل خلاص عيونج حلوه
شما ( اتنرفزت من راشد ) عفكره انت وايد مصدق عمرك
ريم : ها ها ها اااااااي جعمته
راشد نش وظهر عنهم
ريم : اوووه شكله بو سناد حرج
شما : ابيييه
ريم : الحين ابيييه انا لازم اعطيج كورس في التعامل مع راشد
شما : والحين شو الراي هذا من صدقه حرج
ريم :شكله جييه
شما : برايه
ريم :حرام عليج
وعالساعه 11 تقريبا الكل روح واخر حد تام راشد وهله ......
عبد الله وحرمته وعياله روحو .. ولحقوهم بو عبد الله وام عبد الله
وتمو راشد وريم
ريم ( يت بتركب السياره ) ها رشوود علومك
راشد ( كان مسولها طاف ... وسار صوب دبة موتره وفتحها ونزل منها بكس عوود احمر وعطاه ريم
ريم : شوو هذا
راشد ( اطالعها بطرف عينه ومشى عنها وركب الموتر )
ريم شلت البكس وحدرت الصاله وعطته البشكاره وقالتلها اتودييه حق شما وردت وركبت الموتر
ريم : بلاك
راشد : ........................
ريم : انته منصدقك زعلت
راشد ( وبصوت عالي ) ممكن اتصخين لين اوصلج البيت
ريم : انزييين
شوي ووصلو البيت
ريم : انت ما بتنزل
راشد : انزلي بسرعه
ريم : انزين خلاص
نزلت ريم من الموتر وراشد ظهر من البيت
ريم : ابيييه هذا حرج ... اففف .. الحين شو اسوي
وتمت واقفه ويايه بتتصل بحمدان وشافت ليت موتر عند الباب وحدرت الصاله بسرعه
ورد عليها حمدان
حمدان : هلا
ريم : اهلين
حمدان : بلاج اتناهين
ريم : لا ماشي
حمدان : ههههههه
ريم : بلاك تضحك ؟؟؟
حمدان : تراني شفتج وانتي تربعين تدخلين البيت
ريم : ليكون
حمدان : شفتج ويييييييييييييييو
ريم : سباااااااال .... سبااااااال ما احبك
حمدان : افااا انا الحين سبال ما عليه اتمونين الشيخه
ريم : شو هالحركات
حمدان : أي حركات شو فيها واحد بيشوف حرمته حرااام
ريم : هيه حرااام
حمدان : اقول علومه المعرس
ريم :هيه ذكرتني راشد ظهر من البيت وهو محرج
حمدان : افاااااا منو حرج به
ريم : شما
حمدان : شووو .. كيف
ريم قالتله السالفه
حمدان : وانا اقول انتي على منو ظاهره تحرجين من ادنات الدون ثرج ظاهره على رشوود
ريم : والله انك متفيج
حمدان : اوكي غناتي انا بخليج الحين بتصل به
ريم : اوكي خلاف اتصل بي
حمدان : انشا الله ( وبند عنها واتصل براشد ) مرحبا
راشد : هلا
حمدان : انت وين
راشد : احوط في الشوارع
حمدان : وقف مكان بييك
راشد : خلاص بترياك في الشيشه
حمدان : خلاص ياينك
راشد وقف في الشيشه يتريا حمدان وشوي وياه
نزل حمدان من موتره وركب ويا راشد
راشد : وين تبانا انسير
حمدان : ما ادلك
راشد : انحوط في الشوارع
حمدان : زين
وتمو يحوطون في الشوارع ويسولفون
حمدان : ترا والله السالفه ما تسوى انت حرجت عليها
راشد : انت اتعرف اني ما اداني حد يرمسني جذييه
حمدان : الحين مب هاي البنت اللي ذليتنا ابها تباها واتحبها وحالتك لله والحين توك مالج عليها تحرج عليها
راشد : شسويبها حرجت بي
حمدان : والحين شو الراي
راشد : الراي حي
حمدان : اتصل ابها
راشد : ما با
حمدان : والله اني ما عرفت لك

[آڷصّغيرۉنہْ ™]

وفي بيت بو عبد الله
شما متصله بريم
شما : وينو اخوج
ريم : واتقولينها عالبراد
شما : ليش
ريم : حدرني في البيت وظهر
شما : وين سار هالحزه
ريم : وانا شدراني انت اتحرجييبه وانا انهزب
شما : هزبج
ريم : هيه من ارمسه ايهب في ويهي
شما : يعني هو من صدقه حرج
ريم : لا والله وانتي اتحرين انه يلعب وياج انتي ما اتعرفين راشد يوم يحرج محد يرمسه
شما : انزين انا شو قلت الحين
ريم : شما انتي ما تعرفين راشد ... راشد من يوم هو ياهل محد يقوله لا ولا حد يرمسه باسلوب خايس ولا حد يحط عليه .... ولا حد يرفع حسه عليه .. هو جذييه ربا خلاص انتي الحين استويتي حرمته خلاص لازم اتحاسبين على كلامج شوي وانتي اترمسينه ..
شما ( شوي وبتصيح ) : انزين انا ما قصدت ازعله
ريم : شمووه اتصليبه وراضييه
شما : مستحييل ... كيف اتصل به هو اللي لازم يتصل بي
ريم : جانج بتميين اتكابرين الله يعين انتو الثنينه كيف بتعيشون ارباعه
وتمن يسولفن

وفي موتر راشد
حمدان : بو سناد ردني صوب موتري خلني بسير البيت فيني ارقاد
راشد : زين
وسار راشد بس الشيشه كانت عالشارع الثاني ... راشد وقف الموتر
حمدان : شله وقفت
راشد : ما اروم اسير لين الدوار وارد انزل هنيه واركب ريولك لين موترك
حمدان : في ذمتك
راشد تم يتبسم حق حمدان
حمدان : مب منك مني انا اللي ياي وياك
راشد : محد قالك روحك متصل بي اتقولي بييك
حمدان : ويا هالويه ( ونزل حمدان ويا من ورا الموتر .... راشد سوا ريس بريك عليه وروح )
حمدان : ما علييييييه يالهرم
سار حمدان صوب موتره ورد البيت واتصل بريم
ريم : هلا
حمدان : اهلين
ريم : بلاه صوتك
حمدان : اخوج السبال رد البيت
ريم : منو راشد
حمدان : وحد غيره
ريم : شكله مسوبك شي
حمدان : الا ... بس بروييه
ريم : ها رضا على شما
حمدان : لا
ريم : افااا وانا قلت انت بتروم عليه وبتقنعه
حمدان : يزووول
ريم : الّه شو مسوبك
حمدان : ماشي المهم انا برقد الحين .. تصبحين عخير
ريم : وانت من هله
وبندت عنه

[آڷصّغيرۉنہْ ™]

وفي بيت بو حمد
شما يالسه وقابضه تيلفونها تتريا راشد يتصل ابها
وسارت تطالع الهديه اللي يايبنها الها ( كان يايبلها تيلفون وساعه وعطورات ... وفي اخر البكس كان برواز طلعته وكانت فيه صورة راشد .... الصوره وايد حلوه كان لابس كندوره سودا ومتسفر بسفره بيضا وحاط ريل عريل وحاط ادييه على ريله وابتسامته في الصوره وايد حلوه
شما تمت قابضه الصوره وتطالعها وهي متخبله على شكل راشد في الصوره وكانت ورقه محطوطه على طرف البرواز شما طلعت الورقه وتمت تقراها ..
القوس قوسك والسهام اسهامك ما لي على رمش تسله قوه
انا اسيرك واقف قدامك واللي تبا اتسويه فيه سوه
وثقت في قلبك وطيب انسامك ما ظن تظلم وانت فيك مروه
قلبي رهيف ولا يروم هيامك توه تعلم كيف يعشق توه
قلب قبضته لا ترص احكامك خفف على قلب حكمت بجوه
يفداك لكنه يشيل احلامك ملكك ولا لي منه غير مخوه
بك زين من راسك يا لين ابهامك والليل ياخذ من صباحك ضوه
ما يحجب الويه الصبوح الثامك طلتك دايم يالحلا محلوه
شوي وتسمع دق على باب حجرتها ردت الصوره في البكس وسكرته بسرعه وسارت تفتح الباب
شما : منصور
منصور : عوذ بالله بلاج متروعه
شما : لا بس
منصور : لا بس ولا غيره ... فيج رقاد
شما : اااا لا
منصور : حتى انا تعالي بنيلس في الصاله وبنسولف
شما : اوكي
وسارو يلسو في الصاله وتمو يسولفون
ناصر كان في حجرته شوي وبيرقد وسمع صوتهم في الصاله وظهرالهم كان شكله حدث ولا حرج ظاهر الهم بوزار وفانيله والكشه حالتها لله
ناصر ( ويالس يحك ويهه ) انتو ما رقدو
منصور : عوذ بالله ... اهبي من ويهك عنبوه ظاهرلنا اتقول ارضي روعتنا
ناصر : شووف اذا انا اروع اترا انت شراتي اتروع بعد
منصور : جب انا اغوى عنك
ناصر : اتخسي الا انت
شما : اييه انتو جنكم قاصيين على عماركم وايد تراكم توام وتشابهون وما شي فرق مبينكم
ناصر : لا منو قالج شي فرق امبينا اصلا
منصور : الله يسامحج ياماااايه ما لقيتي الا تيبين هاليرذ ويايه
ناصر : انا يرذ يالطيطار
منصور : والله لو يايبه بنت ويايه توييم جان زين
ناصر : اصلا لو يايبه وياك بنت جان انته اسمك ناصر هب منصور
منصور : ليش يعني
ناصر : تراهم مسميني انا قبلك اولا باسم يدي الا انت جييه سموك اونه اسم جريب من اسمي
منصور : اصلا غلطت حياتهم ان سمووك انت عيدي ... يدي يباله سمي ونعم مب انت
ناصر : اييه انت لا اتخليني احطك بدال عالابجوره
منصور : ها هاي انت تحطني بدال الابجوره انا احطك بدال هالزوليه
ناصر : اتهبي
شما : اووووب .. اوووب .. هدوو اللعب بلاكم
منصور : ما تشوفين هالعله
ناصر : يعل العله فجبدك
منصور : في جبد العدو انشا الله
ناصر : تدرون انا الغلطان اللي ياينكم ولا حد يشوف ويوهكم قبل لا يرقد طيرتو الرقاد من عيني
منصور : اذا نحن طيرنا الرقاد من عينك .. نحن امره صابنا ارق ما بنرقد اليوم
شوي ويظهر الهم حمد من حجرته والشرار يظهرمن عينه
حمد : انتو ما تستحون على ويوهكم ما اتقولون في ناس في البيت يبون يرقدون ..
منصور : ياخويه بعدها الساعه 1
حمد : الساعه وحده عند البطاليه شراتكم مب نحن من انش الفير ما نرقد .. اشوف كل واحد يحدر حجرته جدامي
شما : تصبحون عخير ( وحدرت حجرتها )
وناصر ومنصور سارو حجرهم
شما ما رقدت تمت تتريا راشد يتصل ابها بس هو ما اتصل ويت حزة صلاة الفير ... نشت شما وصلت وخلاف ارقدت

[آڷصّغيرۉنہْ ™]

اليوم الثاني
وفي بيت بو عبد الله
الساعه 4 العصر
راشد توه نازل من فوق
راشد : السلام عليكم
الكل : وعليكم السلام
بو عبد الله : انت وين اليوم ؟؟
راشد : عشبريتي
بو عبد الله : راقد للحين انا اتحراك ظهرت من البيت
راشد : لا راقد
ريم : عاد رشوود الحين استراح خلاص ملجه وملج لازم بيرقد
راشد : ما يخصه
عبد الله : ( ويظهر تيلفونه من مخباه ) اقول بو سناد تيلفوني ما ادري بلاه مشفر اطالعه
راشد : هات ( يلس راشد يطالع التيلفون ) شكله يباله فورمات
عبد الله : لا تقول ... فيه واايد اشيا اباهن
راشد : والله شسويبك مب مسيفات في الميموري
عبد الله : مب كل شي
راشد : تريا خلني اشوف جان اروم احولهن عالميموري
عبد الله : والحين شغايل
راشد : ما ينفع ... تدري انا بوديلك اياه محل التيلفونات وبشوفهم
عبد الله : خلاص عيل الحيه عندك
بو عبد الله : راشد ترانا عقب عرس اختك مسافرين
راشد : زين .. خلاص عيل انا بخلص امور السفر
بو عبد الله : ما اترياك خلصتهن
راشد : يا بعدي والله
ريم : لا والله وشله ما اتسافرون الحين عشان اسير وياكم
راشد : وين .. وين رازه ويهج .. خلي حموود يسفرج نحن الحين ما لنا حايه فيج
ريم : لا والله مالي حايه ابا اسافر وياكم
راشد : عوذ بالله شها اللزقه انتي متى بتفجيين
بو عبد الله : والله ما شي خلاف بنحجزلكم ويانا انتي وحمدان
ريم : ياااااااااااااااااي وناسه
راشد : يا ذي النشبه بعد ويانا ... ابويه خلهم يجلون على عمرهم ويسيرون ارواحهم
بو عبد الله : عنبوه جييه انا من استوت وانا اسفرها الحين تباني اعيز عنها واجل ابها على غيري
ريم : فدييت باباتي
عبد الله : مصلحجيه ما تتفدى ابويه الا اذا مسولها شي
ريم : انتو ما لكم حايه
راشد : انزين عيل تامروني بشي
بو عبد الله : سلامك
عبد الله : وين
راشد : بخطف المكتب شوي من زمان ما نهيت مخلي الشغل على حمدان حليله
عبد الله : زين
وظهر راشد واربعت وراه ريم وركبت في الموتر وياه
راشد : خير
ريم : رمست شمووه
راشد : لا
ريم :رشوود عاد لين الحين زعلان
راشد : ومنو قالج اني زعلان
ريم : عيل شو انسمي اللي اتسوييه مب معبرنها موول وهي حليلها من الصبح تتصل بي تتخبرني عنك
راشد : والله انا ما احييد ان الواحد من يملج لازم يرمس حرمته
ريم : انا اللي احييده ان ابوها واخوانها مرخصينك انك اترمسها
راشد : هيه انزين بس انا ما ابا
ريم : حرام عليج البنت من البارحه وهي اتقطع في عمرها
راشد : اووه زين يعني هي اتعرف انها غلطت
ريم : والحين ما بتسويلها
راشد : يصير خير انشا الله .. يلا انتي الحين انزلي خليني اسير
ريم : اوكي يلا الله يحفظك
ظهر راشد من البيت وسار صوب المكتب
حمدان : الحمد لله عالسلامه نور المكتب الشيخ راشد زين يوم ذكرت درب المكتب انا قلت نسيته من زمان ما ييت
راشد : حموود مب وقتك
حمدان : اسكت انا روحي منقهر منك من البارحه ... يلا دام انك ييت خلص هالاوراق انا بسير
راشد : وين .. وين بتسير
حمدان : بحوط
راشد : ايلس ويايه يا ريال روحي ضايج
حمدان : خير انشا الله شو مضيجبك
راشد : ابا اسمع صوتها
حمدان : منيه هاي
راشد : شما بعد منو
حمدان : تبا تسمع صوتها .. يعني هي مشكله اتصل ابها
راشد : ما ابا
حمدان : ترا انت شي في خاطرك هب خالي ... عيل انت اللي تتريا اليوم اللي تاخذها فيه عشان اترمسها والحين ما تبا اترمسها
راشد : انا بقولك بس انت مشخله سيده بتسير اتخر السالفه عند ريمووه
حمدان : افااا وهاي هقوتك فيني ما احيدني ظهرت شي من اسرارك
راشد : يا ريال مب قصدي .. انا قصدي اخافك تزلق جدامها بالسالفه
حمدان : بو سنيده انت قول اللي في خاطرك وما يهمك سرك في بير
راشد : تدري انا شله ما ابا ارمسها
حمدان : شله
راشد : اباها اتحس باللي كنت احسبه يوم انا اباها وهي مب معبرتني الحين هي تترياني اتصل ابها وانا مب معبرنها بس عشان اتعرف اني ما كنت العب عليها يوم اقولها اني اتعذب بسبتها خلها اتيرب واتعذب خلاف بتصل ابها عيل انت تتحرا انا سهل عليه اني ما اسمع صوتها انا لو الود ودي جان ارمسها من نصبح لين نمسي
حمدان : والله انك مب هين ... بس حرام عليك البنت اتغمض الصراحه ريم كل ساعه متصلتبي رمس راشد خله يرضا على شما وما ادري شوو
راشد : خل عاد ريمووه ما ترضى عليها
حمدان : حليلهن ربع
راشد : اقول حمدان عندك سكتون
حمدان : لا .. شله
راشد : يعني شله بسير اذبح الخلق .. بسير اصييد
حمدان : تعال انا احييد ان عندك
راشد : هيه ... غلطته على واحد من الشباب
حمدان : انزين عمي ما عنده
راشد : ابويه عنده شوزن انا ابا سكتون
حمدان : هيه تعال احمد عنده
راشد : احمد
حمدان : ما غيره راعي الهير
راشد : العامري
حمدان : هيه
راشد : زين عيل انا بسويله وبتخبره ( واتصل باحمد )
احمد : مرحبا
راشد : مرحبتين ... كيف الحال
احمد : يسرك ما نشكي باس ... انته علومك ؟؟
راشد : علوم الخير ..
احمد : يا مرحبا الساع
راشد : المرحب باجي .... بو شهاب بتخبرك انت عندك سكتون ..
احمد : نعاااام
راشد : ما عليك اماره بغيته شوي وباجر برده لك
احمد : ما طلبت .. الحين بييب لك ايااه
راشد : لا .. لا تعبل ععمرك انا بيي اشله
احمد : لا عباله ولا شي انا امبوني بيي صوبكم
راشد : خلاص عيل حياك الله
احمد : يلا عيل في داعت الله
راشد : الله يحفظك
وبند عنه
حمدان : اقولك ترا يبالنا ناخذ مواتر يداد
راشد : يعني مثل شو
حمدان : ما اعرف .. بس ترا نحن عندنا ميزانيه موترين قو بس اذا مواتر عاديه انروم ناخذ ثلاث والا اربع
راشد : زين .. انا ما عندي خلاف
حمدان : والا تدري بناخذهن قبل العيد خير
راشد : والله عكيفك اللي تشوفه

[آڷصّغيرۉنہْ ™]

وفي بيت بو حمد
شما قابضه صورة راشد ويالسه تطالعها
شما : اااااخ منك حراام عليك اللي اتسويه فيني هالكثر زعل ... ( ويرن تيلفونها وردت عليه بسرعه اتحرا انه راشد )
شما : الو
ريم : هلا
شما : ريم
ريم : لا يدي ...
شما : عن الاستهبال
ريم : شكلج كنتي اتريينه يتصل بج
شما : ااااا تبين الصدق هيه
ريم : مقواج اشكره اتقوليلي هيه
شما : شو فيها اتريا ريلي يتصل بي
ريم : لين الحين ما اتصل بج
شما : لا
ريم : تدرين انا اول مره ادري ان رشوود هالكثر عنيد ما احيده صح يحرج بس شوي ويرضا بس هالمره يزعل عليج ولين الحين غريبه
شما : اااه ... شو تبيني اسوي
ريم : والله انا قتلج اتصليبه ما طعتي
شما : هيه عشان يتحراني عاقه بعمري عليه ما ابا اذا يبى هو بيتصل واذا ما يبا الرب عليه حافظ مب لازم في وايد عرسو وما رمسو بعض عقب الملجه ... وتبين الصدق احسن
ريم : هههه والله انج قاصه على عمرج اونه احسن
شما : ( حرجت ) لا منو قالج والله انه احسن شو يعني تبيني اربع وراه عشان يرمسني
ريم : انزين شمووه بلاج حرجتي
شما : ريم انا بخليج الحين خلاف برمسج
ريم : اوكي يلا بااي
شما : بااي
شما بندت عن ريم وتمت اتصيح

وفي العين مول
ناصر ومنصور يالسين في الكوفي
منصور : اقول متى تبانا انسافر
ناصر : ما ادلك بس عقب عرس حمدان
منصور : نعم
ناصر : اييه ترا نحن لازم انحضر العرس .. حمدان خوينا وراشد نسيبنا
منصور : افففففف
ناصر : هب تيلس اتافف لي
منصور : اووه اطالع منو ياي
ناصر : منو
منصور : بو سنيده
راشد : مرحبا
منصور : مرحبتين الساع ( وقامو يوايهونه )
راشد : شحالكم
ناصر : يسرك حالنا
راشد : اقول شرايكم انسير نرمي
منصور : زين ما عندنا خلاف
ناصر : تعال نحن وين حطينا الشوزن ما لنا
منصور : ما ادلك اخر مره احيده عندك
ناصر : لا تقول وين فريناه
منصور : ايوااا الشيخ ناصر ضيعته كيفك انته اتحمل مسؤوليته جان شله حد وجتلبه حد ابه
ناصر : ايه هب تستهبل صدق ما ادله وين
منصور : هيه والله
راشد : استريحو تراكم هذاك اليوم مخلينه في العزبه
ناصر : هيه صح نسيت
منصور : عيل قومو خلونا انسير
راشد : لا اتريو بيينا احمد بييب لي سكتون
ناصر : احمد
راشد : العامري
منصور : زين ... اقول بو سنيده ما بتسافر السنه
راشد : لا بسافر بس عقب عرس حمدان
ناصر : تونا انا ومنصور بعد نطري السفر وانقول ما بنسافر الا عقب عرس حمدان
ناصر : انتو اشرايكم انسافر ارباعه
راشد : الساعه الطيبه ... نحن بنسير لندن
منصور : لا ليش لندن
ناصر : هيه انت راق علك اشهور هناك عايفنها انا ابا اسير
منصور : خلاص عيل امرنا لله لندن .. لندن
راشد : خلاص عيل انا برمس شركه الطيران وبحجزلكم ويانا
ناصر : انت بتسير ويا هلك
راشد : لا .. الا انا وابويه بنسير السنه .. عبد الله عنده شغل وبيتم هو وعياله وامايه بتم وياهم ... الا اضني المعاريس بيون ويانا
منصور : ( انعفس ويهه )
ناصر : ( يته ضحكه )
راشد : بلاكم واحد انتفخ والثاني يتبسم
ناصر : ههههههههه
منصور : نصوور بس عاد
راشد : بلاكم
ناصر : لا ما شي بس انا ذكرت سالفه
راشد : وانتو ارواحكم ولا ويا الاهل
ناصر : لا نحن ارواحنا
راشد : مفتكين من العثره
ناصر : ها هذو بو شهاب وصل
احمد : مرحبا
راشد : مرحبين
احمد : كيف الحال
راشد : يسرك
منصور : ما نشكي باس
ناصر : دام ان بو شهاب وصل يلا انقوم انسير
احمد : زين
راشد : لا بوي عنبوه توك واصل ما شربناك شي
احمد : يطولي بعمرك توني شارب ريد بل
راشد : ما يستوي
احمد : والله لو ابا ما بستحي بس والله توني شارب
راشد : خلاص عيل انتوكل على الله
نشو الشباب وسارو صوب مواترهم
احمد : بو سنيده تعال بعطيك السكتون
راشد : جييه ما بتخاوينا
احمد : لا اباكم تسمحولي ورايه شغل
راشد : مسموح ( وسار وياه وعطاه السكتون وحطه في موتره )
راشد : شباب انتو اجدموني وانا بسير البيت وبيي في الفتك
ناصر : زين انترياك في عزبتنا
راشد : خلاص عيل
سار راشد البيت وياهم العزبه بالفتك
منصور : بو سنيده يبت السجب
راشد : هيه بتلقاه عالسيت
تمو يرمون لين المغرب وخلاف يلسو وتمو يسولفون
منصور : اقول تعالو انحدر الميلس هلكت من الحر
ناصر : هيه والله
راشد : يلا عيل قومو
سارو ويلسو في الميلس
منصور : حيها الحياه
ويرن تيلفون منصور
منصور : هلا
شما : اهلين انتو وين
راشد كان يالس عدال منصور وسمع صوت شما
منصور : نحن فالعزبه
شما : في العزبه ... شو اتسوون
منصور : هذا رشوود معزر علينا الا انسير نرمي
شما ( من سمعت اسم راشد اتيبست )
منصور : حوووه وين سرتي
شما : ها .. لا ويااك .. عاد استبطيناكم ما رديتو البيت
منصور : بني عقب المغرب
شما : زين
منصور : اقول زهبولنا العشا ترا راشد بيي يتعشى عندنا اليوم
راشد : منو قال
منصور : مب عكيفك
شما : خلاص انشا الله بسويلكم العشا اللي يعيبكم
ناصر ( ويباغم عشان تسمعه شما ) شموووه سويلنا بيتزا
شما : انزين بسوي كل شي يعيبكم
منصور : يلا عيل برايج
شما : اوكي باااي
منصور : بااي
وبند عنها
راشد : حوووه انت منو قال اني بتعشى عندكم
منصور : انا اقولك
راشد : ليش هو عكيفك
منصور : ورفجه
راشد : يا ريال اتلوم
منصور : شله اتلوم ..انت قبل اتينا الحين يوم غديت نسيبنا اتلوم .. بو سنيده ترا الحين البيت بيتك لو اتينا أي حزه مرحبا بك
راشد : خلاص امري لله
ناصر : اذن اضني ولا
راشد : ( يطالع ساعته ) هيه
منصور : قومو عيل خلونا انصلي خلاف انسير البيت
نشو يصلون وصلابهم منصور ... وعقب الصلاه
راشد : يلا انسير
منصور : توكلنا على الله
وردو صوب بيوتهم ... راشد لف صوب بيتهم ... واتصل به منصور
منصور : جييه ابوي وين سرت
راشد : بسير البيت بسبح وببدل وخلاف بييكم
منصور : هييه بس هب تنذل فينا اتي ها
راشد : خلاص يا ريال قتلك بيي
منصور : يلا عيل برايك
وبند عنه

وفي بيت بو حمد
شما قابضه صورة راشد ويالسه تطالعها
شما : اااااخ منك حراام عليك اللي اتسويه فيني هالكثر زعل ... ( ويرن تيلفونها وردت عليه بسرعه اتحرا انه راشد )
شما : الو
ريم : هلا
شما : ريم
ريم : لا يدي ...
شما : عن الاستهبال
ريم : شكلج كنتي اتريينه يتصل بج
شما : ااااا تبين الصدق هيه
ريم : مقواج اشكره اتقوليلي هيه
شما : شو فيها اتريا ريلي يتصل بي
ريم : لين الحين ما اتصل بج
شما : لا
ريم : تدرين انا اول مره ادري ان رشوود هالكثر عنيد ما احيده صح يحرج بس شوي ويرضا بس هالمره يزعل عليج ولين الحين غريبه
شما : اااه ... شو تبيني اسوي
ريم : والله انا قتلج اتصليبه ما طعتي
شما : هيه عشان يتحراني عاقه بعمري عليه ما ابا اذا يبى هو بيتصل واذا ما يبا الرب عليه حافظ مب لازم في وايد عرسو وما رمسو بعض عقب الملجه ... وتبين الصدق احسن
ريم : هههه والله انج قاصه على عمرج اونه احسن
شما : ( حرجت ) لا منو قالج والله انه احسن شو يعني تبيني اربع وراه عشان يرمسني
ريم : انزين شمووه بلاج حرجتي
شما : ريم انا بخليج الحين خلاف برمسج
ريم : اوكي يلا بااي
شما : بااي
شما بندت عن ريم وتمت اتصيح

وفي العين مول
ناصر ومنصور يالسين في الكوفي
منصور : اقول متى تبانا انسافر
ناصر : ما ادلك بس عقب عرس حمدان
منصور : نعم
ناصر : اييه ترا نحن لازم انحضر العرس .. حمدان خوينا وراشد نسيبنا
منصور : افففففف
ناصر : هب تيلس اتافف لي
منصور : اووه اطالع منو ياي
ناصر : منو
منصور : بو سنيده
راشد : مرحبا
منصور : مرحبتين الساع ( وقامو يوايهونه )
راشد : شحالكم
ناصر : يسرك حالنا
راشد : اقول شرايكم انسير نرمي
منصور : زين ما عندنا خلاف
ناصر : تعال نحن وين حطينا الشوزن ما لنا
منصور : ما ادلك اخر مره احيده عندك
ناصر : لا تقول وين فريناه
منصور : ايوااا الشيخ ناصر ضيعته كيفك انته اتحمل مسؤوليته جان شله حد وجتلبه حد ابه
ناصر : ايه هب تستهبل صدق ما ادله وين
منصور : هيه والله
راشد : استريحو تراكم هذاك اليوم مخلينه في العزبه
ناصر : هيه صح نسيت
منصور : عيل قومو خلونا انسير
راشد : لا اتريو بيينا احمد بييب لي سكتون
ناصر : احمد
راشد : العامري
منصور : زين ... اقول بو سنيده ما بتسافر السنه
راشد : لا بسافر بس عقب عرس حمدان
ناصر : تونا انا ومنصور بعد نطري السفر وانقول ما بنسافر الا عقب عرس حمدان
ناصر : انتو اشرايكم انسافر ارباعه
راشد : الساعه الطيبه ... نحن بنسير لندن
منصور : لا ليش لندن
ناصر : هيه انت راق علك اشهور هناك عايفنها انا ابا اسير
منصور : خلاص عيل امرنا لله لندن .. لندن
راشد : خلاص عيل انا برمس شركه الطيران وبحجزلكم ويانا
ناصر : انت بتسير ويا هلك
راشد : لا .. الا انا وابويه بنسير السنه .. عبد الله عنده شغل وبيتم هو وعياله وامايه بتم وياهم ... الا اضني المعاريس بيون ويانا
منصور : ( انعفس ويهه )
ناصر : ( يته ضحكه )
راشد : بلاكم واحد انتفخ والثاني يتبسم
ناصر : ههههههههه
منصور : نصوور بس عاد
راشد : بلاكم
ناصر : لا ما شي بس انا ذكرت سالفه
راشد : وانتو ارواحكم ولا ويا الاهل
ناصر : لا نحن ارواحنا
راشد : مفتكين من العثره
ناصر : ها هذو بو شهاب وصل
احمد : مرحبا
راشد : مرحبين
احمد : كيف الحال
راشد : يسرك
منصور : ما نشكي باس
ناصر : دام ان بو شهاب وصل يلا انقوم انسير
احمد : زين
راشد : لا بوي عنبوه توك واصل ما شربناك شي
احمد : يطولي بعمرك توني شارب ريد بل
راشد : ما يستوي
احمد : والله لو ابا ما بستحي بس والله توني شارب
راشد : خلاص عيل انتوكل على الله
نشو الشباب وسارو صوب مواترهم
احمد : بو سنيده تعال بعطيك السكتون
راشد : جييه ما بتخاوينا
احمد : لا اباكم تسمحولي ورايه شغل
راشد : مسموح ( وسار وياه وعطاه السكتون وحطه في موتره )
راشد : شباب انتو اجدموني وانا بسير البيت وبيي في الفتك
ناصر : زين انترياك في عزبتنا
راشد : خلاص عيل
سار راشد البيت وياهم العزبه بالفتك
منصور : بو سنيده يبت السجب
راشد : هيه بتلقاه عالسيت
تمو يرمون لين المغرب وخلاف يلسو وتمو يسولفون
منصور : اقول تعالو انحدر الميلس هلكت من الحر
ناصر : هيه والله
راشد : يلا عيل قومو
سارو ويلسو في الميلس
منصور : حيها الحياه
ويرن تيلفون منصور
منصور : هلا
شما : اهلين انتو وين
راشد كان يالس عدال منصور وسمع صوت شما
منصور : نحن فالعزبه
شما : في العزبه ... شو اتسوون
منصور : هذا رشوود معزر علينا الا انسير نرمي
شما ( من سمعت اسم راشد اتيبست )
منصور : حوووه وين سرتي
شما : ها .. لا ويااك .. عاد استبطيناكم ما رديتو البيت
منصور : بني عقب المغرب
شما : زين
منصور : اقول زهبولنا العشا ترا راشد بيي يتعشى عندنا اليوم
راشد : منو قال
منصور : مب عكيفك
شما : خلاص انشا الله بسويلكم العشا اللي يعيبكم
ناصر ( ويباغم عشان تسمعه شما ) شموووه سويلنا بيتزا
شما : انزين بسوي كل شي يعيبكم
منصور : يلا عيل برايج
شما : اوكي باااي
منصور : بااي
وبند عنها
راشد : حوووه انت منو قال اني بتعشى عندكم
منصور : انا اقولك
راشد : ليش هو عكيفك
منصور : ورفجه
راشد : يا ريال اتلوم
منصور : شله اتلوم ..انت قبل اتينا الحين يوم غديت نسيبنا اتلوم .. بو سنيده ترا الحين البيت بيتك لو اتينا أي حزه مرحبا بك
راشد : خلاص امري لله
ناصر : اذن اضني ولا
راشد : ( يطالع ساعته ) هيه
منصور : قومو عيل خلونا انصلي خلاف انسير البيت
نشو يصلون وصلابهم منصور ... وعقب الصلاه
راشد : يلا انسير
منصور : توكلنا على الله
وردو صوب بيوتهم ... راشد لف صوب بيتهم ... واتصل به منصور
منصور : جييه ابوي وين سرت
راشد : بسير البيت بسبح وببدل وخلاف بييكم
منصور : هييه بس هب تنذل فينا اتي ها
راشد : خلاص يا ريال قتلك بيي
منصور : يلا عيل برايك
وبند عنه

وفي بيت بو حمد
شما قابضه صورة راشد ويالسه تطالعها
شما : اااااخ منك حراام عليك اللي اتسويه فيني هالكثر زعل ... ( ويرن تيلفونها وردت عليه بسرعه اتحرا انه راشد )
شما : الو
ريم : هلا
شما : ريم
ريم : لا يدي ...
شما : عن الاستهبال
ريم : شكلج كنتي اتريينه يتصل بج
شما : ااااا تبين الصدق هيه
ريم : مقواج اشكره اتقوليلي هيه
شما : شو فيها اتريا ريلي يتصل بي
ريم : لين الحين ما اتصل بج
شما : لا
ريم : تدرين انا اول مره ادري ان رشوود هالكثر عنيد ما احيده صح يحرج بس شوي ويرضا بس هالمره يزعل عليج ولين الحين غريبه
شما : اااه ... شو تبيني اسوي
ريم : والله انا قتلج اتصليبه ما طعتي
شما : هيه عشان يتحراني عاقه بعمري عليه ما ابا اذا يبى هو بيتصل واذا ما يبا الرب عليه حافظ مب لازم في وايد عرسو وما رمسو بعض عقب الملجه ... وتبين الصدق احسن
ريم : هههه والله انج قاصه على عمرج اونه احسن
شما : ( حرجت ) لا منو قالج والله انه احسن شو يعني تبيني اربع وراه عشان يرمسني
ريم : انزين شمووه بلاج حرجتي
شما : ريم انا بخليج الحين خلاف برمسج
ريم : اوكي يلا بااي
شما : بااي
شما بندت عن ريم وتمت اتصيح

وفي العين مول
ناصر ومنصور يالسين في الكوفي
منصور : اقول متى تبانا انسافر
ناصر : ما ادلك بس عقب عرس حمدان
منصور : نعم
ناصر : اييه ترا نحن لازم انحضر العرس .. حمدان خوينا وراشد نسيبنا
منصور : افففففف
ناصر : هب تيلس اتافف لي
منصور : اووه اطالع منو ياي
ناصر : منو
منصور : بو سنيده
راشد : مرحبا
منصور : مرحبتين الساع ( وقامو يوايهونه )
راشد : شحالكم
ناصر : يسرك حالنا
راشد : اقول شرايكم انسير نرمي
منصور : زين ما عندنا خلاف
ناصر : تعال نحن وين حطينا الشوزن ما لنا
منصور : ما ادلك اخر مره احيده عندك
ناصر : لا تقول وين فريناه
منصور : ايوااا الشيخ ناصر ضيعته كيفك انته اتحمل مسؤوليته جان شله حد وجتلبه حد ابه
ناصر : ايه هب تستهبل صدق ما ادله وين
منصور : هيه والله
راشد : استريحو تراكم هذاك اليوم مخلينه في العزبه
ناصر : هيه صح نسيت
منصور : عيل قومو خلونا انسير
راشد : لا اتريو بيينا احمد بييب لي سكتون
ناصر : احمد
راشد : العامري
منصور : زين ... اقول بو سنيده ما بتسافر السنه
راشد : لا بسافر بس عقب عرس حمدان
ناصر : تونا انا ومنصور بعد نطري السفر وانقول ما بنسافر الا عقب عرس حمدان
ناصر : انتو اشرايكم انسافر ارباعه
راشد : الساعه الطيبه ... نحن بنسير لندن
منصور : لا ليش لندن
ناصر : هيه انت راق علك اشهور هناك عايفنها انا ابا اسير
منصور : خلاص عيل امرنا لله لندن .. لندن
راشد : خلاص عيل انا برمس شركه الطيران وبحجزلكم ويانا
ناصر : انت بتسير ويا هلك
راشد : لا .. الا انا وابويه بنسير السنه .. عبد الله عنده شغل وبيتم هو وعياله وامايه بتم وياهم ... الا اضني المعاريس بيون ويانا
منصور : ( انعفس ويهه )
ناصر : ( يته ضحكه )
راشد : بلاكم واحد انتفخ والثاني يتبسم
ناصر : ههههههههه
منصور : نصوور بس عاد
راشد : بلاكم
ناصر : لا ما شي بس انا ذكرت سالفه
راشد : وانتو ارواحكم ولا ويا الاهل
ناصر : لا نحن ارواحنا
راشد : مفتكين من العثره
ناصر : ها هذو بو شهاب وصل
احمد : مرحبا
راشد : مرحبين
احمد : كيف الحال
راشد : يسرك
منصور : ما نشكي باس
ناصر : دام ان بو شهاب وصل يلا انقوم انسير
احمد : زين
راشد : لا بوي عنبوه توك واصل ما شربناك شي
احمد : يطولي بعمرك توني شارب ريد بل
راشد : ما يستوي
احمد : والله لو ابا ما بستحي بس والله توني شارب
راشد : خلاص عيل انتوكل على الله
نشو الشباب وسارو صوب مواترهم
احمد : بو سنيده تعال بعطيك السكتون
راشد : جييه ما بتخاوينا
احمد : لا اباكم تسمحولي ورايه شغل
راشد : مسموح ( وسار وياه وعطاه السكتون وحطه في موتره )
راشد : شباب انتو اجدموني وانا بسير البيت وبيي في الفتك
ناصر : زين انترياك في عزبتنا
راشد : خلاص عيل
سار راشد البيت وياهم العزبه بالفتك
منصور : بو سنيده يبت السجب
راشد : هيه بتلقاه عالسيت
تمو يرمون لين المغرب وخلاف يلسو وتمو يسولفون
منصور : اقول تعالو انحدر الميلس هلكت من الحر
ناصر : هيه والله
راشد : يلا عيل قومو
سارو ويلسو في الميلس
منصور : حيها الحياه
ويرن تيلفون منصور
منصور : هلا
شما : اهلين انتو وين
راشد كان يالس عدال منصور وسمع صوت شما
منصور : نحن فالعزبه
شما : في العزبه ... شو اتسوون
منصور : هذا رشوود معزر علينا الا انسير نرمي
شما ( من سمعت اسم راشد اتيبست )
منصور : حوووه وين سرتي
شما : ها .. لا ويااك .. عاد استبطيناكم ما رديتو البيت
منصور : بني عقب المغرب
شما : زين
منصور : اقول زهبولنا العشا ترا راشد بيي يتعشى عندنا اليوم
راشد : منو قال
منصور : مب عكيفك
شما : خلاص انشا الله بسويلكم العشا اللي يعيبكم
ناصر ( ويباغم عشان تسمعه شما ) شموووه سويلنا بيتزا
شما : انزين بسوي كل شي يعيبكم
منصور : يلا عيل برايج
شما : اوكي باااي
منصور : بااي
وبند عنها
راشد : حوووه انت منو قال اني بتعشى عندكم
منصور : انا اقولك
راشد : ليش هو عكيفك
منصور : ورفجه
راشد : يا ريال اتلوم
منصور : شله اتلوم ..انت قبل اتينا الحين يوم غديت نسيبنا اتلوم .. بو سنيده ترا الحين البيت بيتك لو اتينا أي حزه مرحبا بك
راشد : خلاص امري لله
ناصر : اذن اضني ولا
راشد : ( يطالع ساعته ) هيه
منصور : قومو عيل خلونا انصلي خلاف انسير البيت
نشو يصلون وصلابهم منصور ... وعقب الصلاه
راشد : يلا انسير
منصور : توكلنا على الله
وردو صوب بيوتهم ... راشد لف صوب بيتهم ... واتصل به منصور
منصور : جييه ابوي وين سرت
راشد : بسير البيت بسبح وببدل وخلاف بييكم
منصور : هييه بس هب تنذل فينا اتي ها
راشد : خلاص يا ريال قتلك بيي
منصور : يلا عيل برايك
وبند عنه


وفي بيت بو حمد
شما قابضه صورة راشد ويالسه تطالعها
شما : اااااخ منك حراام عليك اللي اتسويه فيني هالكثر زعل ... ( ويرن تيلفونها وردت عليه بسرعه اتحرا انه راشد )
شما : الو
ريم : هلا
شما : ريم
ريم : لا يدي ...
شما : عن الاستهبال
ريم : شكلج كنتي اتريينه يتصل بج
شما : ااااا تبين الصدق هيه
ريم : مقواج اشكره اتقوليلي هيه
شما : شو فيها اتريا ريلي يتصل بي
ريم : لين الحين ما اتصل بج
شما : لا
ريم : تدرين انا اول مره ادري ان رشوود هالكثر عنيد ما احيده صح يحرج بس شوي ويرضا بس هالمره يزعل عليج ولين الحين غريبه
شما : اااه ... شو تبيني اسوي
ريم : والله انا قتلج اتصليبه ما طعتي
شما : هيه عشان يتحراني عاقه بعمري عليه ما ابا اذا يبى هو بيتصل واذا ما يبا الرب عليه حافظ مب لازم في وايد عرسو وما رمسو بعض عقب الملجه ... وتبين الصدق احسن
ريم : هههه والله انج قاصه على عمرج اونه احسن
شما : ( حرجت ) لا منو قالج والله انه احسن شو يعني تبيني اربع وراه عشان يرمسني
ريم : انزين شمووه بلاج حرجتي
شما : ريم انا بخليج الحين خلاف برمسج
ريم : اوكي يلا بااي
شما : بااي
شما بندت عن ريم وتمت اتصيح

وفي العين مول
ناصر ومنصور يالسين في الكوفي
منصور : اقول متى تبانا انسافر
ناصر : ما ادلك بس عقب عرس حمدان
منصور : نعم
ناصر : اييه ترا نحن لازم انحضر العرس .. حمدان خوينا وراشد نسيبنا
منصور : افففففف
ناصر : هب تيلس اتافف لي
منصور : اووه اطالع منو ياي
ناصر : منو
منصور : بو سنيده
راشد : مرحبا
منصور : مرحبتين الساع ( وقامو يوايهونه )
راشد : شحالكم
ناصر : يسرك حالنا
راشد : اقول شرايكم انسير نرمي
منصور : زين ما عندنا خلاف
ناصر : تعال نحن وين حطينا الشوزن ما لنا
منصور : ما ادلك اخر مره احيده عندك
ناصر : لا تقول وين فريناه
منصور : ايوااا الشيخ ناصر ضيعته كيفك انته اتحمل مسؤوليته جان شله حد وجتلبه حد ابه
ناصر : ايه هب تستهبل صدق ما ادله وين
منصور : هيه والله
راشد : استريحو تراكم هذاك اليوم مخلينه في العزبه
ناصر : هيه صح نسيت
منصور : عيل قومو خلونا انسير
راشد : لا اتريو بيينا احمد بييب لي سكتون
ناصر : احمد
راشد : العامري
منصور : زين ... اقول بو سنيده ما بتسافر السنه
راشد : لا بسافر بس عقب عرس حمدان
ناصر : تونا انا ومنصور بعد نطري السفر وانقول ما بنسافر الا عقب عرس حمدان
ناصر : انتو اشرايكم انسافر ارباعه
راشد : الساعه الطيبه ... نحن بنسير لندن
منصور : لا ليش لندن
ناصر : هيه انت راق علك اشهور هناك عايفنها انا ابا اسير
منصور : خلاص عيل امرنا لله لندن .. لندن
راشد : خلاص عيل انا برمس شركه الطيران وبحجزلكم ويانا
ناصر : انت بتسير ويا هلك
راشد : لا .. الا انا وابويه بنسير السنه .. عبد الله عنده شغل وبيتم هو وعياله وامايه بتم وياهم ... الا اضني المعاريس بيون ويانا
منصور : ( انعفس ويهه )
ناصر : ( يته ضحكه )
راشد : بلاكم واحد انتفخ والثاني يتبسم
ناصر : ههههههههه
منصور : نصوور بس عاد
راشد : بلاكم
ناصر : لا ما شي بس انا ذكرت سالفه
راشد : وانتو ارواحكم ولا ويا الاهل
ناصر : لا نحن ارواحنا
راشد : مفتكين من العثره
ناصر : ها هذو بو شهاب وصل
احمد : مرحبا
راشد : مرحبين
احمد : كيف الحال
راشد : يسرك
منصور : ما نشكي باس
ناصر : دام ان بو شهاب وصل يلا انقوم انسير
احمد : زين
راشد : لا بوي عنبوه توك واصل ما شربناك شي
احمد : يطولي بعمرك توني شارب ريد بل
راشد : ما يستوي
احمد : والله لو ابا ما بستحي بس والله توني شارب
راشد : خلاص عيل انتوكل على الله
نشو الشباب وسارو صوب مواترهم
احمد : بو سنيده تعال بعطيك السكتون
راشد : جييه ما بتخاوينا
احمد : لا اباكم تسمحولي ورايه شغل
راشد : مسموح ( وسار وياه وعطاه السكتون وحطه في موتره )
راشد : شباب انتو اجدموني وانا بسير البيت وبيي في الفتك
ناصر : زين انترياك في عزبتنا
راشد : خلاص عيل
سار راشد البيت وياهم العزبه بالفتك
منصور : بو سنيده يبت السجب
راشد : هيه بتلقاه عالسيت
تمو يرمون لين المغرب وخلاف يلسو وتمو يسولفون
منصور : اقول تعالو انحدر الميلس هلكت من الحر
ناصر : هيه والله
راشد : يلا عيل قومو
سارو ويلسو في الميلس
منصور : حيها الحياه
ويرن تيلفون منصور
منصور : هلا
شما : اهلين انتو وين
راشد كان يالس عدال منصور وسمع صوت شما
منصور : نحن فالعزبه
شما : في العزبه ... شو اتسوون
منصور : هذا رشوود معزر علينا الا انسير نرمي
شما ( من سمعت اسم راشد اتيبست )
منصور : حوووه وين سرتي
شما : ها .. لا ويااك .. عاد استبطيناكم ما رديتو البيت
منصور : بني عقب المغرب
شما : زين
منصور : اقول زهبولنا العشا ترا راشد بيي يتعشى عندنا اليوم
راشد : منو قال
منصور : مب عكيفك
شما : خلاص انشا الله بسويلكم العشا اللي يعيبكم
ناصر ( ويباغم عشان تسمعه شما ) شموووه سويلنا بيتزا
شما : انزين بسوي كل شي يعيبكم
منصور : يلا عيل برايج
شما : اوكي باااي
منصور : بااي
وبند عنها
راشد : حوووه انت منو قال اني بتعشى عندكم
منصور : انا اقولك
راشد : ليش هو عكيفك
منصور : ورفجه
راشد : يا ريال اتلوم
منصور : شله اتلوم ..انت قبل اتينا الحين يوم غديت نسيبنا اتلوم .. بو سنيده ترا الحين البيت بيتك لو اتينا أي حزه مرحبا بك
راشد : خلاص امري لله
ناصر : اذن اضني ولا
راشد : ( يطالع ساعته ) هيه
منصور : قومو عيل خلونا انصلي خلاف انسير البيت
نشو يصلون وصلابهم منصور ... وعقب الصلاه
راشد : يلا انسير
منصور : توكلنا على الله
وردو صوب بيوتهم ... راشد لف صوب بيتهم ... واتصل به منصور
منصور : جييه ابوي وين سرت
راشد : بسير البيت بسبح وببدل وخلاف بييكم
منصور : هييه بس هب تنذل فينا اتي ها
راشد : خلاص يا ريال قتلك بيي
منصور : يلا عيل برايك
وبند عنه

[آڷصّغيرۉنہْ ™]

براشد حدر بيتهم اتسبح واتلبس ونزل الصاله
ريم : وين ما شا الله .. اشوفك كاشخ
راشد : بسير عند قوم منصور معزوم عالعشا
ريم : اووه اووه من الحين بدينا عزايم وحاله
راشد : والله انج متفيجه .. اصلا لو ما ارفجو جان ما بسير
ريم : وانا اقول اتصل بشمووه ايقولولي في المطبخ .. ثرها اتعابل العشا
راشد : ما اضني
ريم : ليش حرام عليك اصلا شمووه في هالسوالف رقم واحد
راشد : انتي رمستيها اليوم
ريم : هيه
راشد : شو قالت لج
ريم : مثل شوو
راشد : ما اداني اللي يستهبلون
ريم : تقصد عنك ليش ما رمستها
راشد : هيه
ريم : اتقول عادي وبعد احسن مب لازم اترمسك قبل العرس
راشد : في ذمتج
ريم : لا اقص عليك عيل
راشد : اوكي برايها حتى انا عادي عندي ( ونش وظهر وسار صوب بيت بو حمد)

وفي بيت بو حمد
منصور : ها شما عشاكم زاهب
شما : هيه
منصور : زين عيل .. ترا راشد عوصول
شما : اوكي يوم بيوصل قول حق البشاكير يودولكم العشا في الميلس .. انا بسير اسبح
منصور : اوكي ... ( شوي ويسمع الهرن عند الباب )
ناصر : هذوه راشد وصل
منصور : تعال انسير له ( وسارو عند راشد وقربوبه في الميلس)
شما كانت في حجرتها فوق وتطالعهم من فوق لين حدرو الميلس
شما : ااااااااخ منك يا راشد كل يوم احبك اكثر واكثر .. انت شوو سويت بي عقب ما كنت ميت عليه وانا مب معبرتنك الحين استوا العكس بس ليش جييه اااااااه

وفي الميلس
حطو العشا ويلسو يتعشون ... ويحدر عليهم سلطان ولد عم ناصر ومنصور
سلطان : هنهم
الكل : وانت منهم
منصور : اقرب عا ما حظر
سلطان : لا يطولي بعمرك ما اشتهي
راشد ( قبض قطعة بيتزا ومدها صوب سلطان ) : منقوله يا بو مييد
سلطان : اا مقبوله
راشد ( ونش عن السفره ) اكرمكم الله
منصور : وين ما كلت
راشد : يطولي بعماركم .. بسني ما خليت شي ما كلته
منصور : ياله اللي يقول عدمت العيشه
وخلاف نشو كلهم عن العشا ويلسو يسولفون
سلطان : اقول بو سنيده شو الشغل وياك
راشد : والله الحمد لله الشغل ما شي
سلطان : عاد يقولون سوق السيارات طايح عالايام
راشد : لا الحمد لله نحن شغلنا ما شي البيع طايح لاكن التاجيير اوكي
سلطان : غريبه
منصور : يا ريال اذكر الله عن تنظل نسيبنا
سلطان : ما شا الله والله يوفقه انا ما قلت شي بس اتخبره
منصور : اتخبره بس لا اتفهر فييه
راشد : بلاكم هبوتو في الريال المسكين ما قال شي
ناصر : اقول قومو بنسير انسلم على يدتي
راشد : وانا اترخص الحين
منصور : لا وين تعال بنسير وياك صووب يدتي
وسارو صوب عفرا
الكل : السلام عليكم
عفرا : وعليكم السلام ( وسارو وحبوها عراسها )
منصور : شحالج يدتي
عفرا : بخير وسهاله ... اقول منصور منو عالفرخ اللي وياكم
راشد ( وبصوت واطي ) استويت فرخ بعد
ناصر : ههههههه
منصور : يدتي ما عرفتيه هذا راشد ريل شما
عفرا : هيه شحالك ابويه
راشد : بخير يسرج الحال .. انتي شحالج
عفرا : الحمد لله .. وشحال ابوك وامك
راشد : بخير وسهاله يسلمون عليج
عفرا : ربي يسلمهم من الشر ... تعالو انتو موتر منو منكم هذا اللي شال الدنيا بصوته جنه عريبي حادر علينا
راشد ( تم يحك لحيته لان الموتر موتره )
منصور : يدتي مب موتر حد اضني انتي سمعتي موتر خاطف بالشارع
عفرا : لا ابويه بتلعبون عليه انتو بعدني ما خرفت صوت الموتر في الحوي .. ادله انه الكم يالهروم ما عليه انزين جان ما خبرت ابوكم وخليته يشل الموتر عنكم عنبوه اذيه
منصور : يدتي والله انه مب النا
راشد : السموحه منج يدتي .. ترا الموتر موتريه
عفرا : موترك .. عنبوه بلاه صوته جذييه انت هلك ما يستاذون من صوته .. خلاف بتاخذ بنتنا بصم اذنيها من صوته
راشد اتلوم وما عرف شو ايقول
سلطان ( يبا ايغير السالفه يوم شاف ان راشد اتلوم ) : يدتي يسلم عليج سهيل رمسته قبل شوي
عفرا : الله يسلمه .. جييه ما يتصل بي المهروم .. من سار صوب خاله ما سمعت صوته ولا ياني
سلطان : يدتي ترا لاهي بالشغل انشا الله يوم بيفضى بيي
عفرا : بو سنيده
راشد : لبيه
عفرا : هالله هالله بشما نحن ما بديناك على سهيل الا انا نباك اداريها وتسعدها
راشد : !!!!!!!!!!!!!

[آڷصّغيرۉنہْ ™]

ْْالـــبارت التـــــاسع عــــ19ـشـِر ْْْ

لعيونكم *________________*

عفرا : هالله هالله بشما نحن ما بديناك على سهيل الا انا نباك اداريها وتسعدها
راشد استغرب لانه ما كان يدري ان سهيل خاطب شما من قبله وتم يتلفت ويطالع ناصر ومنصور ...
راشد : اسمحولي الحين انا اترخص عنكم
عفرا : وين ما اتقهويت
راشد : يطولي بعمرج قهوتج مشروبه .. مع السلامه
عفرا : الله يحفظك
ظهر راشد وظهر وراه منصور
منصور : راشد
راشد : شله ما قلتولي ان سهيل كان يبا شما
منصور : لان اصلا ما صار شي
راشد : كيف ما صار شي انا الحين عرفت شله هو طاف لشاره هذاك اليوم وبقا ينفد عمره
منصور : ما يخصه نحن رادينه قبل لا تي انت وتخطبها
راشد : وين تباني اودي ويهي من سهيل الحين
منصور : وانت بتم طول عمرك جييه اتفكر بغيرك ياخي فكر بعمرك لو مره وحده الحين ما ينفع الكلام خلاص شما غدت حرمتك انت والا شكلك ندمان
راشد : لا حشى لب ندمان ولا عمري بندم بس ياخي اللوم يقطعني الريال بقى ينفد عمره وخلاف خلا بيته وهله وسار بيت خاله ...
منصور : راشد قتلك انته ما يخصك نحن رادينه قبل لا اتي انت واتخطبها
راشد : كيف
منصور : خلنا نظهر من البيت وبقولك ( ركبو سياره راشد وظهر من البيت ومنصور قال حق راشد السالفه اللي خلتهم يردوون سهيل
راشد : منصور ورفجك انتو ما رديتوه عشاني
منصور: والله .. والا تبانا انيوزه اختنا وهو قايللها هالرمسه
راشد : لا طبعا
منصور : راشد وترا عفكره سهيل يوم كان في المستشفى قال لخوانه انك انت تستاهل شما وبتكون الها اخير عنه
راشد : انشا الله وتمو يحوطون شوي

وفي بيت بو حمد
شما كالعاده اتريا راشد يتصل ابها .. واتصلت ابها ريم
شما : مرحبا
ريم : مرحبتين .. شحالج
شما : بخير
ريم : ها بشري ما اتصل
شما : ريم بس فكيني من هالسالفه لا اتصل ولا بيتصل بعد
ريم : شله عاد
شما : تساليني انا
ريم : هو يا يتعشى عندكم
شما :هيه
ريم : وانتي سويتي الهم العشا
شما : هيه
ريم : ما عليج لا ترا اخويه يتغلى
شما : برايه انزين انا عادي عندي ولا همني اصلا
ريم : في ذمتج
شما : ريمووه عن الاستهبال
وتمن يسولفن شوي وخلاف سكرن عن بعض
وعالساعه 11 راشد رد البيت وكانو هله كلهم يالسين في الصاله
راشد : السلام عليكم
الكل : وعليكم السلام
ريم : ما شا الله راشد بن سعيد راد البيت من وقت اليوم
راشد : اسمحولي انا تعبان بسير ارقد
بو عبد الله : راشد
راشد : نعم ابويه
بو عبد الله : متى تبا العرس
راشد : ما دلكم
بو عبد الله : انا اليوم سرت الصالات ادور حجز ولقيت عقب العيد بسبوع
راشد : ياله يا ابويه انت ساير شله معبل على عمرك جان قتلي وانا بسير
بو عبد الله : عاد انا لقيت ما عندي شغله وقلت اسير اشوف ها شرايك
راشد : والله زين ... بس ما جنه بعيد انا ابا قبل رمضان
ريم : يا خي استهدا بالله البنت وين اتروم اتزهب في كمن اسبوع
راشد : شو هو هالزهاب ما يخلص في 3 اسابيع
ريم : لا طبعا أي خياييط هذيل اللي بيخلصون الها الثياب بهالسرعه
راشد : ييي ها هو لازم ثياب يداد تلبس اللي عندها واتفكنا
ام عبد الله : ما يستوي يبويه لازم تبالها وقت والا نحن نبى نفرح بك اليوم قبل باجر
راشد : خلاص عيل بنعتمد عقب العيد
ريم : بعده ما عندها وقت
راشد : جييه عنبوه شوو بتسوي .. لو بنبني بيت جان زهب
ريم : قويه عاد
بو عبد الله : خلاص عيل عقب العيد .. وانتي يا ام عبد الله قولي لام حمد
ام عبد الله : انشا الله
راشد : والحين اسمحولي بسير ارقد
بو عبد الله : راشد
راشد : نعم
بو عبد الله : بلاك
راشد : ما شي
بو عبد الله : عاد ما حييدك ترقد من هالحزه شي يعورك
راشد : لا حشى بس تعبان شويه
بو عبد الله : برايك عيل
راشد : تصبحون عخير
الكل : وانت من هله
سار راشد حجرته وطاح عالشبريه .. وخلاف قبض تيلفونه يبا يتصل حق شما وخلاف اتعايز
راشد : لا برايها خل روحها تتصل بي

وفي بيت بوحمد
شما طايحه عالشبريه .. وقابضه تيلفونها وتبا تتصل حق راشد بس متردده
شما : برايه خل روحه يتصل بي
وفي نفس اللحظه كل واحد قبض تيلفونه واتصل بالثاني ... بس طبعا رد الهم مشغول
راشد : هذي منو ترمس هالحزه
..................
شما : هذا منو يرمس هالحزه
كل واحد منهم وطى تيلفونه ورقد

ومرن الايام ......وراشد وشما على نفس الحاله كل واحد منهم يعز نفسه عالثاني
وريم وحمدان يحاولون وياهم عشان يرمسون بعض .. بس بدوون فايده

[آڷصّغيرۉنہْ ™]

وبعد اسبوع
يوم الاربعاء
وفي بيت بو عبد الله.. الساعه 3 الظهر .. ريم يالسه اترمس شما
شما : ها غسلتي حناج
ريم : هيه سكتي اسمي لاعة جبدي اقول حق امايه بغسله اتقولي لا بعده خليه شوي ما صبغ وما ادري شوو لاعة جبدي اضني يلستني ساعتين ما ادري ثلاث بحنايه
شما : ههههه .. حليلج ... مشكله عاد العرايس
ريم : خلج .. تراني بيلس اعيب عليج يوم بتتحنين حق عرسج
شما : ليش والله انا انسانه على هوايه متى ما ابا بغسله ما بشاور حد
ريم : انزين ما عليه جان ما خبرت امج عليج .. ولا تدرين بطرش لج امايه يوم بتتحنين عاد مشكله حرمة ولدها بتيلس لج يلسه
شما : لا دخيلج انا ما اداني حد يقولي شو اسوي
ريم : غربلا رشوود الثاني .. الله يعين عيالكم شقا اضني ما يرّمّسون ...
شما : برايهم فديتهم ... غصبن عنكم ما يرّمّسون عيال شما بنت سيف
ريم : لاااااااااااا مستحيل يا ربيي انتو شو اللي عقكم على بعض رشوود الثاني ..انا مرابعتنج من سنين ما اكتشفت فيج هالصفات الا الحين ... ثرج خقاقه وانا ما ادري
شما : حراام عليج انا خقاقه
ريم : لا حشى ... هيه تعالي انتي اتحنيتي
شما : ليش
ريم : جييه الشيخه ما بتيين العرس باجر
شما : لا
ريم : اتخسيين عرسي وما تيينه
شما : اييه لا احس عمري غلط ان ييت شوو بيقولون الخلق هاي بعدها ما خذوها واتي اعراسهم
ريم : وانتي شعليج والله يايه عرس ربيعتج
شما : والله ما ادري بشوف امايه
ريم : يلا الحين سيري شاوريها وردي عليه اترياج
شما : اوكي ( وسارت شاورت انها وردت اتصلت بريم )
ريم : ها بشري
شما : ااااااا
ريم : شوو
شما : هي قالت لي عادي بس
ريم : بس شوو
شما : اا قالت لي شاوري ريلج
ريم : خلاص عيل بتيين
شما : واخووج
ريم : والله اخويه ما بيقول شي
شما : انزين ومنو انشا الله بيرمسه
ريم : انتي اتصلي به وشاوريه وانا متاكده انه ما بيردج
شما : وايد واثقه
ريم : اكيييد .. اخويه واعرفه ما يرد حد
شما : هيه وااايد
ريم : جد ردج في شي
شما : ثره هو رمسني عشان يردني
ريم : يلا لا شمووه اتصليبه وشاوريه
شما : آآسفه .... برايه مب يايه العرس ولا اتصل به
ريم : شمووه عن النحاسه
شما : الحين بالله عليج منو اللي متناحس انا والا هو
ريم : تبين الصدق انتو الثنيه
شما : لا والله
ريم : هيه ... اقولج انا بشاوره اوكي
شما : بس اذا ما طاع لا تيلسين تترجينه واايد
ريم : وانتي شله حاطه في بالج انه ما بيطيع
شما : ما ادري
ريم : يلا عيل برايج انا بسير اشاوره
شما : هو في البيت الحين
ريم : اضني .. الظهر وين بيسير اكييد يالس في حجرته ويسمع شلات ... ولا يكتب قصيد
شما : ليش هو شاعر
ريم : هيه .. ليش انتي ما تدرين
شما : لا اشدراني
ريم : ما جد اخوانج طرو جدامج
شما : لا
ريم : انزين يلا برايج ( وبندت عنها وسارت صوب حجرة راشد وتمت ادق الباب )
راشد : منوو
ريم : انا
راشد : منو انتي
ريم ( فتحت الباب وحدرت ) يعني كم بنت عندكم في البيت
راشد : والله وانا اشدراني ان بنت اللي عند الباب
ريم : لا والله يعني تسمع حسي
راشد : عادي ما يفرق عن حس عبد الله
ريم : ويا هالويه
راشد : نعم ويه منو
ريم : ويهي والله ويهي
راشد : هيه اتحرا بعد
ريم : انزين رشوودي
راشد : اصغر عيالج ويا هالويه اسمي راشد
ريم : عدااال
راشد : نعم
ريم : آآسفه والله آسفه
راشد : خير شتبين
ريم : طالبتنك طلبه قول تم
راشد : مب قايل اخافج اتوهقيني خلاف
ريم : والله ما وهقتك بشي هو شي عادي عندك
راشد : انزين قولي وخلاف بشووف
ريم : ما اتردني
راشد : انشا الله ما اردج
ريم : ااااااا شما
راشد [فقط الأعضاء المسجلين والمفعلين يمكنهم رؤية الوصلات] وبخوف ) بلاها
ريم : ما بلاها شي بس
راشد : بس شوو
ريم : شما تبا اتي عرسي ويوم شاورت امها قالتها عادي بس قالتها شاوري ريلج قبل
راشد : انزين
ريم :شوو انزين بعد عادي ولا لا
راشد : امها ما قالت الها شاوري ريلج
ريم: هيه
راشد : عيل شله ما تشاورني
ريم : لا والله تراني انا الحين يالسه اشاورك
راشد : لا اباها روحها اتشاورني
ريم : ما بطيع
راشد : والله كيفها
ريم : رشوود عن هالحركات
راشد : انا ما سويت شي اذا تبا اتسير رقم تيلفوني واتعرفه خل تتصل بي مب اطرش مراسيل عنها ... ولا ماشي سيره
ريم : شوو هالنحاسه
راشد : انا ما اتناحست
ريم : يا ربييي منكم نفس الرمسه حشى الله يعيين عيالكم شقا بيظهرون
راشد : عيال راشد بن سعيد بيظهرون شوخج
ريم :واااااااااااااااااااااااي انتو بتخبلوبي
راشد : عنبوه هالحس بلاج اتباغمين
ريم : انا بتخبل منكم ارمسها اتقولي رمسه ايي ارمسك اتقولي نفس الرمسه
راشد : انزين اذا خلصتي اللي عندج جلبي ويهج
ريم : انزين شوو اقول الها
راشد : قتلج اللي عندي
ريم : قالت ما بيوافج
راشد : انا ما قلت اني مب موافج .. لانها اصلا ما شاورتني .. يوم بتشاورني بتسمع الرد مني ..
ريم : افففففففف ( وظهرت من الحجره وسارت حجرتها واتصلت بشما وقالتلها رمسة راشد )
شما : ريمووه دخيلج سامحيني ما بيي
ريم : انزين انتي جربي شوو بتخسرين
شما : لا والله تبيني انا اتصل به .. حلوه هاي الحين انتو منو اللي اتصل منكم حق الثاني قبل انتي اتصلتي بحمدان والا هو اللي اتصل
ريم : .............
شما : هو اللي اتصل صح
ريم : هيه
شما ( واتغير صوتها وشوي وبتصيح ) : ها وتبيني انا اتصل به جييه ابووي انا مب ذليل هالكثر عشان اتصل به جني عاقه عمري عليه ما جنه هو اللي ... ( وسكتت )
ريم : هو شوو
شما وبدت اتصيح
ريم : شمووه خلاص لا اتصيحين
شما : ما تبيني اصيح ما اتشوفين اخوج شو يسويبي يعني يبا يذلني قوليله مب شما بنت سيف اللي تنذل .. البنات اللي يملجن كل وحده اترمس ريلها الا انا محد مسولي سالفه ... ابويه ييلس يتخبرني عنه يتحراني ارمسه وانا ايلس اجذب علييه واقول أي شي
ريم : انزين جان قلتيله انج ما اترمسينه عادي
شما : اقوله انه ما يرمسني شو تبينه يقول واخوج مترخص منه عشان يرمسني
ريم : تبين الصدق انا مليت منكم كل واحد منكم راكب راسه وما بذنه ماي انا شو اسوي الكم .. كان ودي ان ربيعتي الروح بالروح اتكون حاضره ويايه عرسي وتفرح ويايه ..بس للاسف .. يلا برايج الحين انا بخليج
شما : اوكي بااي
ريم : بااي
وبندت عنها
ودخل راشد على ريم
راشد : بلاج منتفخه
ريم : حرااام عليك
راشد : بسم الله بلاج عليه
ريم : حرام عليك اللي اتسويه في شما
راشد : جييه شو سويت
ريم يلست اتخبره اللي استوى بينها وبين شما
ريم : والله لو سمعتها وهي اتصيح جان بيتقطع قلبك عليها
راشد ( وفخاطره ) بدون ما اسمعها انا الحين قلبي يتقطع عليها
ريم : تبا الصدق هي وياها حق انت اللي لازم تتصل ابها مب هي
راشد : تدرين والله ما يا في بالي انها بتزعل جذييه .. والله انا مب قصدي اذلها ولا شي بس
ريم: بس شوو
راشد : ما شي انا خلاص انا بحلها
ريم : خلاص الحيه عندك
راشد رد حجرته واتصل بشما
شما اول ما شافت رقمه عالتيلفون اتيبست وما صدقت عيونها وتم تيلفونها يرن واايد بس هي ما ردت .. راشد بند عنها وطرش الها مسج ~ شما وغلاتي اتردين عليه ... ادري انج زعلانه مني السموحه منج ~ ورد يتصل ابها .. هي عقب ما قرت المسج ردت عليه

[آڷصّغيرۉنہْ ™]

راشد : الوووو
شما : ....................
راشد : شما وغلاتج ما كان قصدي اللي سويته .. دخيلج اسمحيلي .. انا ما ادري انج بتزعلين .. اصلا انا ما عندي سبب للي سويته
شما : .................
راشد : شما دخيلك ارمسي لا تعذبيني اكثر مما انا متعذب بحبج
شما ( وهي اتصيح ) : لا تجذب عليه تميت اتقولي احبج واحبج لين ما خليتني اصدقك .. انت جذااب
راشد : شما دخيلج لا اتصيحين ما اقدر اسمعج وانت اتصيحين ... وصدقيني والله اني ما اقص عليج والله اني احبج .. وعمري ما قتلج شي وجذبت عليج فييه
شما : عيل ليش سويت فيني جذييه .. خليتني اتعلق فيك واترياك تتصل بي اتريا اسمع صوتك وانت مب معبرني
راشد : هذا اللي كنت اباااه شفتي كيف انتي تميتي تترييني شفتي انتي شقا تعذبتي وانتي بعيده عني انا كنت جذييه .. انتي كمن يوم ما رمت تتحملين عيل انا شوو اقول اللي شهور وانا اتريا اسمع صوتج .. شهور وانا اتعذب اتريا اليوم اللي اتكونين فيه لي ... شفتي يوم انا كنت اقولج اني اتعذب كنتي ما تصدقيني .. الحين حسيتي بالعذاب اللي انا كنت اتعذبه
شما : تمت اتصيح
راشد : شما غلايه دخيلج لا اتصيحين والله ان قلبي يتقطع ..
شما : يعني انت لين الحين اتحبني
راشد : اكيييد شقا ما احبج وانتي دنياي كلها .. انتي حرمتي وام عيالي باذن الله ..
شما : ( هدت شوي )
راشد : ااااه متى بيي اليوم اللي بشوفهم فيه جدامي ... اباهم كلهم يشبهوني
شما : لا والله
راشد : هيه
شما : لا الاولاد يشبهونك والبنات يشبهني
راشد : لا حراام عليج انا ما ابا حد يتعذب شرات عذابي
شما : ليش
راشد : لان اللي بيشوفهن عينه ما بتشوف غيرهن وبينسا شي اسمه بناات
شما : يعني انت نسيت شي اسمه بنااات
راشد : لا طبعا
شما : نعااااااام .. توك اتقول انه ينسى شي اسمه بنات
راشد : هيه .. هذا اللي يشوف بنيه ... بس انا شفت ملاك
شما ( استحت )
راشد : والله اني غبي واهبل
شما : ليش ؟؟؟
راشد : عيل في حد يحق له يسمع هالصوت ويحرم عمره منه غيري ( وتم يشل )
( انت محبوبي انا ومعزبي في كل حزه .......
وانت راس المال ويحيطك قفوقي باهتمامه ..
مدري ليه اقدر على وصلك ولكن اتنزه .......
هل اخاف من الهجر ولا اخاف من الندامه ..
مدري ليه اشعر بان الهجر من بعد المعزه..
يرسم افذهني علامه من علامات القيامه ...
لا تهزه خل قلبي افمكانه لا تهزه ............
سو ما تبغي تسوي فيه لكن باحترامه .....) وسوالم
شما : راشد
راشد : عيون راشد .. قلب راشد ... روح راشد
شما : ( استحت ) ايه عاد
راشد : امري غناتي
شما : ااا عشان عرس ريم
راشد : وهذا طلب تطلبينه انتي لو تامرين على روحي اعطيج اياها وما تهمني ... انتي من اليوم وساير اتسوين اللي تبينه باذن الله عمري ما بردج عن شي انتي تبينه
شما : مشكور
راشد : تشكرين على شوو انا اللي لازم اشكرج انج في حياتي .. انتي اللي سويتي لحياتي طعم ولون والا انا امبوني احس بعمري عايش الا جذه
شما : راشد بس عاد انا ما اعرف شوو اقولك
راشد : قولي انج اتحبيني
شما سيده بندت التيلفون عنه
راشد : فديتها .. فديتها .. فديتها .. صدق اني غبي حارم عمري من صوتها هالكثر
شما سيده اتصلت بريم وقالتها انها وراشد واخيرا رمسو بعض وانه وافق على سيرتها العرس
ريم : ما قتلج رشوود مستحيل يرفض .. والحين خلاص ما عندج علثه سيري سوي زهبي عمرج حق باجر
شما : اوكي
وبندت عنها
ريم سيده اربعت عند راشد
ريم : يلا خبرني شو استوا
راشد : في شو
ريم : كيف اتراضيتو
راشد : ليش نحن ثرنا متى اتزاعلنا .. اقول لج شي ممكن تجلبين ويهج وتظهرين من الحجره احسن لج
ريم : رشوود عن الاستهبال
راشد : اييه انتي تراج وايد تغلطين هالايام وانا ما اقول لج شي الحشيمه لحمدان مب لج
ريم : لا والله يعني شو بتسوي
راشد : شو بسوي لحظه شوي انا برويج شو بسوي ( ووقف )
ريم : آآآآآآآآآآآآآآآآ لا خلاص ( واربعت عنه ونزلت تحت وهو يربع وراها )
راشد : تعالي اقولج
ريم : لا خلاص دخيلك .. والله آسفه .. دخيلك والله ما اعيدها
وكان ابوها يالس في الصاله .. اربعت ويلست عداله
ريم : ابويه .. شوفه بيضربني
بو عبد الله : منو هذا اللي ما يستحي يضرب بنتي ( وصد وشاف راشد ) بلاك على اختك
راشد : ما شي ابويه نحن يالسين انسولف
بو عبد الله : روحها الحين بتسير عنا وانت يالس اتضاربها
راشد : يا بويه الساعه الطيبه يوم بنفتك من ويها في البيت
ريم : لا والله يالسه عجبدك يالهرم
راشد : نتفاهم بعدين
بو عبد الله : راشد خف على اختك
راشد : تعالو انا مواعد الحلاق نسيته .. الله يخسه
ريم : اووه اطورتو بعد قمتو اتواعدوون حلاليق
راشد : ها ها ها .. سخيفه بس انا الحين مب فاض لج ( وسار حجرته واتلبس وسار الحلاق )
والساعه 11 فليل
شما يالسه اترمس ريم
شما : اووه ريموه بد االعد التنازلي
ريم : هيه يلا اسكتي عني روحي حالتي لله
شما : ههههه حليلج
ريم : تدرين حمدان اليوم حرق التيلفون من كثر ما يتصل وانا مسوتله طااف
شما : ليش عاد
ريم : بس جييه . تعرفين حركااات
شما : ايواا .. ايوااا ثرج هب هينه
ريم : منو ربيعتي
شما : حليلي ما اروم اسوي ربع اللي اتسوينه
ريم : تدرين احس عمري ضايجه .. بعد هاي هندووه نحسه ما طاعت اتي اونه تبا اتعدل في بوظبي .. وميوود السبال متناحس هو الثاني وماطاع اييب قوم ميرووه
شما : ليش عاد
ريم : ترا مهااري ما تبا اتي .. عاد مهاري دلوعة ميوود يسمع رمستها
شما : ياله ياله يالبطره
ريم : شفتي عاد
شما : ياليت حد من خواني مبزني جييه
ريم : سكتي عاد هذييل عيال العين ما يتبرضون حق حد هبابهم بعمراهم ولبسهم وسياييرهم
شما : هي والله صدقتي
شما سمعت صوت سيايير يحدرن البيت واربعت صوب الدريشه تطالع منو
شما( وهي مستانسه ) : راشد
ريم : بلاه
شما : عندنا
ريم : عندكم شو يسوي
شما : اشدراني توه حادر البيت ويا اخواني
تحت عند الشباب
منصور نزل من موتره وكان حاط اغنية صوت المحب .. راشد الماجد
وتم ايول ونزل ناصر وتم ايول وياه وراشد فتح باب موتره ويالس يطالعهم ومب طايع ايول وياهم لانه تعبان
شما سيده طرشت له مسج ~ عشان خاطري يول وياهم ~ راشد سيده صد فوق وشاف ان شما يالسه تطالعهم من الدريشه
راشد نزل من الموتر وفتح دبة موتره وظهر السلاح وتم ايول وياهم وعينه فوق عند شما ... شوي ويحدر البيت حمدان ولد عم ناصر ومنصور
حمدان : شعندكم مرتبشين
ناصر : داقنا الهوا
راشد : حمدان ويانا
حمدان : لا ابووي خلوني بعيد
منصور : حمدان عن الاستهبال يلا
راشد سار صوب حمدان وقبضه بيده وتم ايول وياه ... شوي والريال ارتبش بروحه وتم ايول بفروخته
ناصر وقف عطرف وتم يصورهم ... وراشد ومنصور متقاودين وايولون ويغنون ... وخلصت الاغنيه .. وراشد سار صوب موتره شما اتحرته بيسير ..بس هو طرش الها مسج ~ اهدااااااااء ~
منصور : بو سنيده وين سرت
راشد : ياي ياي (وحط اغنية صياد الاسود .. عيضة .. ونزل ايول ويا الشباب .. شما كانت تبى تسمع الاغنيه بس ما تنسمع سارت بندت ليت الحجره وفتحت الدريشة شوي عشان تسمع الاغنيه
~يا ونيس اللي يا بشرى الصباح يا وعد محتار ما بين الوعود
كل ما اقبل صباح الحب راح مع وميض البرقا وهزف الرعود
من يعوض فيك يا سيد الملاح وانت يا المزيون لي سر الوجود
العشق موصوف في الدنيا مباح خلنا في دنياه نرحم في صعود
فيك نوع الحب غير والانشراح بان ما تخفيه نكران وجحود
لو يقولون العواذل ذا مزاح قلت لا والله بل هذي وعود
يا غزال الدار يزهو بالوشاح مب عجب لو صرت صياد الاسود
صدني من دون جند ولا سلاح غير باهداب السحر وعيون سود
غصنك المايس تداعبه الرياح وانا عودي مثل عودك صار عود
تحتني مدرك مغرق بالجراح مسهر عيوني وخلق الله رقود~
واخر الاغنيه كالعاده تمو يرمون .. وفي اخر رميه لراشد
راشد : آآآآ ( وطاح سلاحه جدامه )
ناصر ومنصور وحمدان ربعو صوبه
منصور : بو سنيده بلاك
راشد : لا ما شي بس انخلعت ادييه
شما فوق تامه بتموووت ما اتعرف شوو اللي صاب راشد .. هي اتشوفه يالس وقابض ادييه .. والكل واقف حوله
منصور : تبانا انوديك المستشفى
راشد : عنبوه ما يحتاي .. انتو ما عندكم غير المستشفى .... بس انت قبض ادييه من هنيه ويرها
حمدان : لا ما يسوون جييه عن يكسرها لك
راشد : عنبوه ثرك اتفاولت الي بخير .. ما عليه شر انشا الله .. يلا منصور
منصور قبض ايد راشد ويرها واتركبت
منصور : ها شوو
راشد : لا خلاص اوكي الحين ( ونش من مكانهن وتم يحرك ايده .. يمرنها شوي .. ويوم صد فوق ما قدر يشوف شما لانها كانت مبنده الليت )
منصور : شباب غربو الميلس
حدرو الشباب الميلس وتمو يسولفون وخلاف اتعشو

[آڷصّغيرۉنہْ ™]

وفي بيت بو عبد الله
ريم اترمس ميره بنت خالها
ريم : اوووف ميرووه والله اني ضايجه
ميره : شوو مضيجبج
ريم : مليت وانا روحي ابا حد ييلس ويايه انتن ما ييتن وهندووه بعد ما يت
وتحدر سياره البيت
ريم : صوت موتر .. بس هذا مب صوت موتر راشد
ميره : انزين سيري اطالعي منو
ريم ( سارت صوب الدريشه وتمت تطالع تحت )
ميره : ها منو
ريم : ما ادري محد نزل من الموتر
شوي وتنزل ميره من الموتر وتمت تطالع صوب دريشة حجرة ريم
ميره : ها الحين حد نزل
ريم : اااااااااا .. ميرووووه يالسباله .( وبندت عنها وقبضت شيلها واربعت صوبهم تحت وسيده سارت ولوت على ميره وكانت مستانسه واايد انهم يو )
مايد : ها يبتلج اياهن
ريم : عقب شوو عقب ما لاعت جبدي وانا احن
مايد : انا اللي لاعت جبدي من كثر ما يحنن عليه
ريم : انزين غربو شوو بتمون واقفين عند الباب
مايد : راشد وين
ريم : ما ادله تلقاه ويا ربعه
مايد : خلاص انا بتصل له وبشوفه وين وبسير له
ريم : اوكي
حدرن البنات داخل ومايد اتصل براشد و راشد قاله انه في بيت قوم منصور وسار له

في بيت بو حمد
مايد يا عند الشباب
منصور : وشحالك يا مايد
مايد : بخير يسرك الحال
ناصر : وين هالقطاعه يا ريال
مايد : شو نسوي لاهين في هالدنيا
راشد : اللي يسمعك لاهي ويا العيال والحلال
مايد : جييه والشغل يخلي الواحد يسوي شي
راشد : ياله .. ياله اتعلث لو تبى ما يردك شي
مايد : بعدكم لو عدالي بوصلكم .. الا انا خط العين ما ادانييه
منصور : ياله يرزى عليه خط العين .. الا هو نص ساعه
مايد : هي نص ساعه عندكم انتو الا انا الصراحه ما اروم
راشد : ولد الخال لا يكون اتروع
مايد : تبا الصدق اتروع عنبوه الروح غاليه
راشد : ميوود .. ميوود انت شو اخر شي اتييبه
مايد : 180 على خط سريع .. واذا كنت بروحي بعد
منصور : مسكيين .. 180 ..
ناصر : ها ها هاي
راشد : هذي نحن انييبها من دوار لي دوار
مايد : انتو خبايل
حمدان : خلو الريال عنكم عنبوه طحتوبه .. يعني لازم اتخبلوبه شراتكم .. الريال عاقل شلكم فيه
ناصر : شباب تلعبون كيرم
راشد : زين
نش ناصر ياب الكيرم وحطها
منصور : اووه نحن خمسه شو الراي
حمدان : انا ما بلعب
منصور : خلاص عيل انا وراشد ارباعه ونصوور ومايد ارباعه
ناصر : اوكي .. ( ناصر قبض الفودر وتم يحط وارفعه شوي صوب منصور )
منصور : اييييه خيستنا
ناصر : اووه اسمحلي ما شفتك
راشد : ههههه
وتم يلعبون والدور الاول فازو منصور وراشد
راشد : ايواااا .. خلاص لا تحاولون ويانا ما اترومونا
ناصر : لا لا خلونا نلعب دوور ثاني
منصور : يا ريال خلاص مالكم نصيب ويانا
راشد : لا لا خلهم .. خلهم روحم يبونا نلشطهم لشاط اليوم
ناصر : وايد واثقين من عماركم
راشد : كيفنا
ناصر : ما عليه انزين ان ما قلبناكم اليوم
منصور : هيه يوم بيبيض الديج
ناصر : وان غلبناكم الحين
منصور : الكم اللي تبونه
ناصر : بنقع قوطي الفودر فعينك
منصور : اوكي
وتمو يلعبون الدور الثاني
راشد : غربلك اللاااه يا منصور وهقتنا يا ريال
منصور : اسكت الحظ هالمره والله انه ويانا
ناصر ( لعب اخر مره وفاز عليهم ) هييييييييييييييييي .. فزت عليكم
راشد نش من مكانه وربع
منصور : فوقه
راشد : الشرده نص المريله
وشردو راشد ومنصور من الميلس وناصر يربع وراهم
ناصر : ها شردتو الحين تعالو اقولكم
راشد : لا دخيلك ورايه عرس باجر تبى اتشوه بي
منصور : انسولف وياك يا ريال .. نصوور لك اللي تباه بس ايلس
ناصر : ما شي ابا اطلع هالخقه اللي فيكم
راشد : انزين انا مالي حايه هذا اخوك اللي رامس
ناصر : اخويه ولا غيره كلكم اليوم
حمدان : خلهم عنك
راشد يوم شاف ناصر لاهي ويا حمدان فتح موتره وعفد فيه وغفل البيبان
ناصر : ( يا صوبه وتم يخشح الباب ) فتح الباب اقولك
راشد : هب فاتحنه
ناصر : اوكي وين بتسير بلقاك بلقاك
منصور كان واقف ويطالع ناصر وراشد وما درى الا بناصر ياي يربع صوبه
منصور : وااااا ( ويربع عنه ) نصور بس والله اني هلكت من الربعان
ناصر : والله انا ماقتلك اربع تعال اقولك
راشد سار صوبهم في موتره ( ونزل الدريشه ) ايي التوام اتصافو بروحكم انا ساير الحين
منصور : اييي النذل بتخليني بروحي
راشد : كيفك ( وروح عنه ومايد ظهر وراه )
واول ما ظهر راشد من البيت اتصلت به شما
راشد : هلا والله
شما : اهلين
راشد : بعدج واعيه
شما : اتريااك يوم بترقد برقد
راشد : ااااخ منو قدي انا
شما : تعال شو صابها ايدك
راشد : انخلعت
شما : انزين
راشد : خشعها لي منصور وركبها
شما : حسيبك ربي .. لو كسرها لك هذا روحه دفش
راشد : جان ييتي انتي
شما : اتخيل
راشد : عادي ليش
شما : اللاااااه جدام اخواني وولد عمي يايتنك
راشد : ليش عادي انتي حرمتي
شما : انزين خلنا من هالسالفه وبلاكم بعد توكم اتراوقون
راشد : ههههههههه
شما : شله تضحك
راشد : ذكرت السالفه
شما : شو السالفه
راشد : اقولج سيري الحقي على منصور نصوور يبى ينقع قوطي الفودر فعينه
شما : اييي ليش
راشد : انتي الحقي عليه الحين انا بالمووت شردت عنه
شما : اوكي انا بسير الهم الحين .. يلا باااي
راشد : وينج
شما : نعم
راشد : هب ترقدين يوم بوصل البيت بتصل بج
شما : اوكي اترياااك
راشد : احبج
شما : ...............
راشد : بلاج صخيتي قولي شي
شما : بااااااي ( وبندت عنه )
راشد : فديتها والله ( واتصل بمايد )
راشد : هلا ميوود اقول انت اتعشيت
مايد : لا
شد : انزين تعال ورايه بنسير ناخذ بيتزا
مايد : اوكي
وسارو الشيشه عشان ياخذون من البيتزا هت

وفي بيت بو عبد الله
ميره : يلا لا قومن نبى نسوي شي انا مليت من اليلسه والسوالف
سلامه : شوو تبنا انسوي
ريم : اااااا تلعبن صايح
ميره : هيييييي
سلامه : مال اول
ريم : جب لا وناااسه
سلامه : اوكي
ميره : مهاااري وين
سلامه : رقدت
ميره : وين
سلامه : في حجرة هنوود
ريم : اوكي يلا الحين بننزل بس شوي شوي هب تسون صووت عن حد يجكنا
ميره : اوكي
ظهرن من الحجرة وتمن يمشن شوي شوي عالدري لين ما وصلن تحت وظهرن من الصاله
ريم : اوووف تعدينا منطقة الخطر
ميره : شوو ها انتو بيتكم عالشارع .. الحين اللي بيخطف بيشوفنا
ريم : اقولكن قومن بنسكر الباب
سلامه : اوكي
سارن وسكرن باب الحوي
وبدن يلعبن صايح .. في الدور الاول سلامه اللي تغمض وريم وميره هن اللي يندسن
وشوي ويو راشد ومايد
راشد : شياهم اليوم مسكرين الباب
مايد : بوسنيده شو السالفه
راشد : اشدراني ( نزل راشد بيفتح الباب وما رام لانه ما ينفتح الا من داخل ) ما ينفج
مايد : والحين شو الرااي
راشد : والله الرااي حي
مايد : تدري خلنا انوقف مواترنا خاري
راشد : لا انا ما اوقف موتري خاري
مايد : يا ريال وش بيصيبه ... الحين الكل رقد منو بيي يفتح النا الباب
راشد : خلاص عيل ( وقفو راشد ومايد مواترهم عالباب )
مايد : والحين شقا انحدر
راشد : ما شي غيرها .. نشقح ليدار
مايد : اللاااااه وناسه ذكرتني بايام المدرسه
راشد : لا انت تم محلك انا بشقح وبفتح لك الباب
مايد : زين
راشد : اقول تراني بصعد عموترك
مايد : عادي
راشد صعد عالموتر وشقح داخل من صوب القراجات وسمع حشرة البنات في الحوي
راشد : يييي ثرهن هن اللي مسكرات الباب عنا المهرومات .. انا بادبكن .. مايد .. مايد
مايد : ها بلاك
راشد : اقولك اشقح ورايه
مايد : جييه افتح الباب احسن
راشد : انت شقح وخلاف بخبرك
مايد : زين .. ( وشقح اليدار ويا عند راشد ) ها شو السالفه
راشد : هذيل البقر اللي مسكرات عنا الباب
مايد : غربلهن الله شوو يسون لي هالحزه في الحوي
راشد : ميوود
مايد : ها
راشد : عليهن
مايد : عليهن
راشد ومايد كل واحد اتلثم بغترته وتمو يمشوون ورا السيايير لين ما وصلو صوبهن وراشد ربع من جدام الفله وسار صوب الملاحق
ميره : انا يييت ( ميره شافت ان في حد عند سياره بو عبد الله تتحرا وحده من البنات سارت تمشي صوبه اونها بتزخها .. شوي وينقز الها مايد ويسد على حلجها عشان ما اتباغم )
ميره : اييييييييييييي ... ايييييييييي
مايد : (بطل اللثام عن ويهه ) شو اتسون عالحزه خاري
ميره : ميوود .. سبال روعتني
مايد : جب صخي عن حد يشوفنا
ميره : وليش يعني ما تبى حد يشوفنا
مايد : خلاف بتعرفين
وصوب راشد سلامه كانت مندسه ورا المطبخ يا راشد وقبضها من ايدها وسحبها
راشد : هب اتباغمين ان راشد
سلامه : راشد شو يايبنك هنيه
راشد : انتي تعالي خلاف انتفاهم ... تعالي حدري المطبخ
سلامه : ليش
راشد : انتي احدري الحين
سلامه احدرت المطبخ وكانو ميره ومايد يالسين داخله
ميره وسلامه : شو السالفه
راشد : قرن هنييه ويا ويلكن ان ظهر منكن صووت ولا ظهرتن من هنييه
ميره : ريمووه وين
مايد : اصلا ريمووه المستهدفه من هذا كله
راشد : اييه انتن اتراني قلتلكن بزوالكن اذا ما سمعتن رمستي
ميره : خلاص ما بنظهر
ظهرو مايد وراشد من عندهن وسارو صوب الفله
ريم المسكينه شافت الهول فاضي يت ووقفت
ريم : صاييييح .. ( وتمت تتريا ميره وسلامه اين بس محد ياها ) ميرووه .. سلاموووه .. وين سرتن .. اييه الله يغربلكن تعالن وتمت تدور عالفله ادور هن ..
ريم : ميرووه .. سلامه .. هذيل وين سارن .. افف يعلهن السم ادلهن يستهبلن عليه يا ويلهن مني
شوي ويظهر الها راشد من جدامها بس هو كان متلثم .. وتم يتمشى صوبها ..ريم صدت بتشرد وظهر الها مايد من وراها وبعد هو الثاني كان متلثم
ريم : تمت واقفه محلها وصاخه ... متيبسه من الزيغه
مايد وراشد يتريونها اتباغم بس ما بغمت
ريم حطت اديييها على عيونها .. المسكينه تتحرا عمرها يتراوالها
وهدت اييدها وبعدها اتشوفهم
ريم : آآآآآآآآآآ

[آڷصّغيرۉنہْ ™]

راشد : غربل هالله ( وربع صوبها وسكر على حلجها .. وبطل اللثام عن ويهه )
ريم : رشوود .. ( وهي اتناشق ) خااا ..يس .. والله ..لخبر .. عليك ..ابوو ..يه
مايد : غربلك الله يا رشوود اندووك شقا اتناشق جنها عنز مذبوحه
ريم : وانت .. ويا ..يالس...بال ..
راشد : والله انتي روحج مستخفه عيل شو اتسون لي هالحزه خاري
ريم : يالسات نلعب .. وين ميرووه وسلامووه
مايد : اووه نسيناهن بسير ازقرهن
سار مايد زقر ميره وسلامه وحدرو كلهم الصاله
ريم : كلاااب ان ما خبرت ابويه عليكم قلبي طااح من محله
راشد : تستاهلين .. وشله مسكراات الباب عنا
ريم : ونحن اشدرانا انكم ما بيتو
راشد : لا والله يعني ما اتشوفن مواترنا
مايد : تعال نسينا البيتزا في السياره
راشد : فايج اتحاتي البيتزا انا احاتي موتري اللي موقفنه خاري
مايد : حشى ولدك مب موترك
راشد ( طلع سويج موتره من مخباه ) ميوود دخل موتري ويااك ما ارووم
مايد : هيي بيدار ابووك انا
راشد : ميوود ياخي سو خير في حياتك لو مره وحده
سلامه : تباني انا ادخلك ايااه
راشد : جييه وانتي اتسوقين بعد
مايد : هيه ادريوليه فنانه سليم
راشد : لا بووي موتري اباا
سلامه : كيفك .. انا قلت بخدمك
راشد : خلاص انزين بس شوي شوي عموتري يا ويلج ان ياه شي
سلامه : حشى محد عنده موتر غيرك
راشد : هيي انزين انتي دوري جان ريتي شرات موتري تعالي ارمسي
مايد : ااااخ يالخقه درينا عاد موترك مزود وحاله
راشد : يار الله موتريه انا لو ابيعكم انتو كلكم ما تيبولي موتري
سلامه : بس لا خلصنا تباني ادخلك موترك ولا لا
راشد : انزين يودي
سارو مايد وسلامه ودخلو المواتر .. وحدرو الصاله
ميره : اللااااااااه بيتزا انا يوعانه ( واربعت صوب مايد وخذتها عنه )
راشد : اسميج انج ما تعرفين السنع .. اهاااا الرياييل قبل خلاف الحريم
ميره : حتى في الاكل عندكم هالسوالف حشى مب حياه هاي ريمووه انتي شقا عايشه وياهم
ريم : شوو تبيني اسوي المبلااي ينستر
راشد : ياله يعلني بلا هالويه جييه الشيخه مب عايبتنج حياتنا
ريم : لا اخوويه افااا عليك اتعرف آآخذ فلانه على قد عقلها
راشد : هيه اتحريت
ويلسو كلهن ياكلون ويسولفون
سلامه : البيتزا عندكم هنيه فنانه مب شراات اللي عندنا في دبي
راشد : شوو اليديد في الموضوع اصلا كل شي عندنا فنان شراتنا
ميره : ترا انت وااايد شايف عمرك
راشد : يحقلي الشيخه راشد بن سعيد وما تبيني اشوف عمري
ريم : اييه لا انتو لو فتحتو هالسالفه ما بتخلصون فكونا
ويرن تيلفون راشد .. راشد نش عنهم بسرعه
راشد : مرحبا السااع
شما : هلا ... بلاك ترمس بشوي شوي
راشد : اتريي بسير الحجرة وبتصل لج اوكي الغاليه
شما : اوكي .. بااي
راشد : بااي
ورد صوبهم
ريم : منو متصل بك
راشد ( ويطالعها بعين ) لا والله وانتي شلج
ريم : اكيييد اللي في بالي
راشد : ومنو اللي في بالج انشا الله
ميره : الشيخه شما بعد منو
راشد : الحمد لله يوم اتعرفيين انها الشيخه شما وبعدين مب هي لو هي ببند عنها وبرد اجابل شيفكم
ريم : علينا
راشد : اقول تصبحون عخير انا ساير ارقد
وسار راشد حجرته .. واتصل بشما
شما : هلا
راشد : اهلين
شما : ها ييت حجرتك
راشد : هيه
شما : شو اتقرقع اسمع اصوات عدالك
راشد : اطلع البوك و التيلفون من الكندوره وافصخ الساعه
شما : تعال انت كم تيلفون عند
راشد : اااا ... ما ادري
شما : شوو .. كيف ما تدري
راشد : ما عديتهن
شما : ليكون انت شراات نصور ومنصور
راشد : لا .. انا عندي اكثر عنهم
شما : لا والله وشله هالكثر منو اترمس ابهن
راشد : وااايديين
شما : بس واايدين .. ما شي وايداات
راشد : افااا اتحيديني جذييه
شما : والله ما ادلك .. عيل اشله يمييع التيلفونات
راشد : يا بنت الحلال حركااات
شما : والله ما يندرا بك ... يعني تبا اتفهمني انك ما جد رمست بنات
راشد : اااا
شما : لا اعترف .. قول انك رمست
راشد : هيه رمست
شما ( حرجت ) لا والله ومستانس بعد بكل قواات عين اتقولي هيه رمست
راشد : عيل تبيني اجذب عليج
شما : لا لا تجذب .. بس اجتلني قهر اوكي .. يلا باااي ( وبندت عنه )
راشد : ههههههه
ويدخل عليه مايد
مايد : عوذ بالله بلاك تضحك
راشد : ههه .. لا ماشي
وحدر مايد الحجره وطاح عالشبريه
مايد : ااااه فيني ارقاد من القلب
راشد : اوكي ارقد عيل ( وياي بيظهر من الحجره )
مايد : وين ابها
راشد : لا هنييه بس بيلس في الصاله برمس بالتيلفون
مايد : زين
ظهر راشد ويلس في الصاله واتصل بشما بس هي ما ردت عليه
وتم يتصل ابها لين ما ردت
راشد : ( ويغني )
(يا زعلان يازعلان خليت قلبي حيران
ماقلت لك يا حبيبي بطل دلع من زمان )
شما : هيه وانت ما عندك غير هالشغله الا تبى اتراضيني بشله ولا باغنيه .. ما برضا يعني ما برضا
راشد :
(لا اتخلي راسك عنيد..
كثر الدلع ما يفيد ......
يا ماخذ العمر كلاه ....
غيرك انا ما اريد .....)
شما : رشوود عاد .. تراني طفرت منك
راشد : شو اسمي شو اسمي
شما : اوووووووف
راشد : هب هب هيدي يا بنت الحلال بطيريني
شما : يا ربيييي منك
راشد : ان ما رضيتي ما بييني ارقاد .. اهون عليج ما ارقد الليله
شما : ااااااخ
وفي هاللحظه سلامه ظاهره من حجرة هند لانها راقده فيها تبى اتسير صوب ريم وميره .. وسمعت راشد وهو يرمس شما
راشد : احبج
شما : راشد
راشد : احبج
شما : بس عاااد
راشد : احبج
شما (مستحيه ومب عارفه شو اتسوي) خلاص انزين انا رضيت سر ارقد وفكني
راشد : احبج
شما : ااااخ تصبح عخير
راشد : بعد احبج
شما ( بندت التيلفون )
راشد : فديتها .. احبها .. احبها .. احبها ( وحدر حجرته ورقد )
اما سلامه فردت الحجرة وتمت اتصييح
سلامه : اااخ يا راشد طول عمري اتريا اليوم اللي اتقولي فيه انك اتحبني ..بس ما كنت ابا اسمعك وانت اتقولها الغيري..

[آڷصّغيرۉنہْ ™]

وفي بيت بو حمد
شما طلعت صورة راشد وتمت تطالعها
شما : ااااخ منك لو اتزعلني احبك .. لو اتسوي اللي اتسويه فيني بتم احبك

اليوم الثاني
يوم عرس ريم وحمدان
ريم ناشه من الصبح ..او بالاحرا هيه ما ارقدت زين هذاك اليوم
ام عبد الله : ها العروس ناشه من وقت اليوم
ريم : امايه سكتي عني انا ثرني رقدت .. الا ابويه وين
ام عبد الله : سرح العزبه
ريم : افف ملل شو ها الكل رقوود
ام عبد الله : خليهم يرقدون
ريم : ما با بسير اوعي ميرووه
ام عبد الله : عهواج
ريم سارت حجرتها
ريم : ميرووووه
ميره : اممم
ريم : ميرووووه نشي عنبوه هالكثر رقاد
ميره نشت اتطالعت تيلفونها وشافت ان الساعه بعدها 8 وردت طاحت واتلحفت
ريم : اييه نشي عاد
ميره : انتي شتبين .. عنبوه شو ناشنج من الفير خليني ارقد
ريم : اففف ( واتفرها بالكوشنه ) رقدي رقدو عليج بقب
وظهرت من الحجره ويايه بتنزل تحت
سلامه : ريمووه
ريم : الحمد لله في حد ناش في البيت
سلامه : شو ناشنج من الحين غريبه
ريم : سيري لا اصلا انا ما رقدت
سلامه : يحليلج والله يا ريمووه والله واستويتي عروس
ريم : خلج انتي من هالرمسه تعالي بننزل تحت
سلامه : انزين
نزلن ريم وسلامه تحت وتمن يسولفن
والساعه 1 الظهر
سارت ريم وامها وبنات خالها القاعه لان هناك بتيها مال الصالون

وفي بيت بو حمدان
عنود : حمدان يلا قم ودنا الصالون
حمدان : جييه وين الدريول
عنود : ما ادلك وين مطرشنه
حمدان : اوووه نسيت .. انزين يلا وين اختج
عنود : فوق الحين بتي
حمدان : يلا عيل اترياكن في الموتر
عنود : اوكي
سارت عنود وزقرت عهود وركبن الموتر
حمدان : وين صالونكن هذا
عهود : صالون دار الزين
حمدان : أي واحد هذا بعد .. وين مكانه
عهود : اشدراني انا ما ادله بالضبط اتعرفني بعدني ما ادل في العين زين
عنود : حمووود بلاك اللي مودنا ايااااه من يومين
حمدان : ايوااا هيه خلاص دليته
ووداهن الصالون ويوم نزلهن اتصل براشد
....
مايد : رشووود تيلفونك يرن
راشد : هممممم
مايد : اييه اذانا تيلفونك
راشد : اففف ( ورد عالتيلفون )
حمدان : سنه لين اترد عالتيلفون
راشد : ( وصوته صدق صوت واحد ناش من الرقاد ) انت بلاك شو تبى
حمدان : ويا ويهك خاطريه مره اتصل بك اتكون مب راقد
راشد : ياخي انت بلاك حاسدني حتى عالرقاد
حمدان : ياخي ضايج قم بنسير المول
راشد : والله انك متفيج حموود سر انسدح عشبريك وارقد ..يمدحونه الرقاد والله .. يلا باااي ( وبند عنه )
حمدان : مسود الويه بند عني ( ورد اتصل به )
راشد : حموود دخيلك ابا ارقد
حمدان : عنبوه بسك رقاد من البارحه راقد قم ياخي
راشد : ما ارووم
حمدان : والحين عيل شو الراي
راشد : ميوود
مايد : هااا
راشد : ميوود انت شبعت ارقاد صح
مايد : لا
راشد : ميوود تراك نشيت خلاص ما بترقد الحين
مايد : انزين
راشد : قم اسبح واكشخ وسر المول ويا المعرس تراه طفرني
مايد : انزين
راشد : ها .. اكوووه ميوود بيسير وياك اوكي الحين يلا الحين اجلب ويهك وخلني اكمل ارقادي
حمدان : حشى انا عمري ما شفت حد يرقد كثرك
راشد : هبي اذكر الله يلا اشوفك خلاف
حمدان : اوكي برايك ( وبند عنه )
راشد كمل ارقاده ومايد نش وسار المول عند حمدان
حمدان : بعده رشوود راقد
مايد : هييه
حمدان : جييه متى راقد هذا
مايد : ما ادري بس اضني عالساعه وحده وحده وشي رقدنا
حمدان : ياله انا راقد الساعه اربع ناش الساعه 12
مايد : عاد انت معرس غير
وتمو يسولفون
الساعه 9 فليل
احمد : مبروكين الربع
حمدان وراشد : الله يبارك في حياتك
احمد : بو سناد وانت متى عرسك
راشد : عقب العيد باذن الله
احمد : يلا الله يتمم عخير ... تبون الصدق خلاص اقتنعت بعرس
راشد : واخيرا
احمد : والله انتو اليهال عرستو وانا بيطلع الشيب في راسي وبعدني ما عرست
راشد : نعم منو يهال
احمد : ياخي مب قصدي اقصد انكم اصغر مني
راشد : هيه اتحريت
ويا صوبهم ربيعهم محمد الحرسوسي
محمد : بو سنيده
راشد : لبيه
محمد : بلاك واقف هناك انت مكانك في نص الحربيه
راشد : خلاف خلاف
محمد : شو خلاف بعد يوم بيسيرون العرب
احمد : بو جاسم خله يخاف العقال يطيح مشكله بتخترب الكشخه
راشد : ويا ويهك عاد غياض |(ن) لك بيول بوجاسم فرلي السلاح
وخذ السلاح عن محمد ولف الغتره على العقال وثبتها شرات المتسفر وتم ايول وعاد راشد من ايول شوي شو ايوده وتمت الربشه عند الشباب ... الكل مستانس الا منصور واقف بعيد ويطالع حمدان ومنقهر
ناصر : منصور يلا تعال بنيول
منصور : ( وبضيجه ) مابا
ناصر : انا لله نحن ما خلصنا من هالسالفه
منصور : اتشوف حمدان
ناصر : هيه بلااه
منصور : انا اللي لازم اكون مكانه الحين

[آڷصّغيرۉنہْ ™]

ناصر : منصور عاد الحين الكلام ما يفيد .. واذا بتم على هالحال روح اخير لك
منصور : وهذا اللي بيستوي ..شوف انا بسير وان سالك عني راشد قله اني تعبت وسرت
ناصر : وشله ما اترخص منه قبل لا اتسير
منصور : يعني ما اتعرف راشد ما بيخليني اسير بييلس لي عشا وما عشا .. ومايصير اتسير وما ادري شو وانت تعرف سوالف راشد
ناصر : خلاص انزين انت سر وانا بقوله
منصور : اوكي يلا برايك ( ومشى عنه )
ناصر : منصور
منصور ( صد صوبه )
ناصر : هب تسرع وانتبه للدرب
منصور ( ابتسم وسار عنه )
ناصر : الله يعينك يا خويه ( وسار ناصر صوب الشباب )

وعند الحريم
في الحجرة عند ريم
ريم : اييييه ما ابا ادخل القاعه
سلامه : لا والله
ميره : ريموووه اشردي اشردي
ريم : يبالي
شما : اوكي انتي اربعي وانا بشل الفستان وراج
سلامه : ههههههه ما اتخيل
شما : اللاااااه وناسه اتخيلو ... لا وحمدان يربع ورانا
ريم : خلي حمدان حتى رشوود من بيشوفج بيربع ورانا
شما : ويا ويهج
ميره : اوكي انتن افصخن نعولكن وانا بشلهن
الكل : ههههههههههههه
شما : اسمينا عشنا الدوور
ريم : لا ابووي منو قالكن بشرد ريلي وابااااه
شما : اندوكم الوقحه
ريم : ليييش عادي ريلي احبه
شما :اااااا ... انتي ما تستحين
ريم : لا والله يعني انتي ما تبين رشوود وما اتحبينه
شما : .........................
ميره : وااااااااا... استحت
شما : انتن مهرومات تدرن ولا لا
ريم : ما شا الله ما وحاله رشوود يعلمج هالالفاظ
شما : ليش هو يستخدم هالالفاظ وايد
ميره : ياااله رشوووود دكشنري في هالسوالف
ريم : الا موسوعه قولي
شما : جنكن يالساات تغلطن على ريلي
ريم : ايوااا .. ايوااا وينك يا خويه اتي تسمع اللي يدافعون عنك
وتدخل عليهم عنود اخت حمدان
عنود : مرحبا
الكل : مرحبتين
عنود : ماشا الله على عروستنا قمر طالعه
ريم : مشكوره الغاليه
عنود : يلا عاد الحين ايقولولج ادخلي
ريم : لاااااااااا شو عايلنهم بعده وقت
عنود : جييه الغاليه الساعه وصلت 10 متى ناويه تدخلين
ميره : ريموووه يلا اتشجعي يا خويتي الله ينصرج انشا الله
شما : جييه الغاليه داخله ساحت حرب
سلامه : ايي انتن عن هالهذره الزايده يلا قومن
ودخلت ريم القاعه .. وكانت طالعه قمر وفستانها وايد روعه وميكبها احلى وكانت فاتحه شعرها والكل كان يسمي عليه من طوله ويوم يلست عالكوشه تمن بنات عمها وبنات خالها اين يسلمن عليها ويتصورن وياها وهي كانت تبى شما اتيي تصور وياها بس شما مب طايعه .. وعقب محايل البنات الها سارت الها واتصورت وياها وخلاف انزلن البنات من عالكوشه
ميره : شمووه شمووه
شما : هااا
ميره : اطالعي اكوووه رشوود طالع في الشاشه
شما صدت بسرعه تطالعه ولاحظت ان الكل يالس يطالعه والحريم ياشرن عليه ويرمسن واتصلت به
ورد عليها
راشد : هلا والله بالغلا
شما : اهلين .. راشد قوم من جدام الكيمرا
راشد : ليش
شما : بس
راشد : اذا ما قلتي مب قايم ( وبالعماله سار ووقف جدام الكيمرا وهو يرزف بالعصا ويرمسها )
شما : يعني شو هالعناد
راشد : عيل قولي ليش
شما : كلهم يالسين يشوفونك وانا ما اباهم يشوفونك
راشد : تغارين عليه
شما : لا
راشد : جذابه
شما : راشد
راشد : عيونه خلاص غناتي انتي تامرين امر بقوم عن الكيمرا ( وقام عن الكيمرا )
شما : يلا عيل برايك
راشد : اوكي بااي
شما : بااي
ميره : ايوااااا سمعتج
شما : ميرووه عن الفضايح
ميره : تدرون شمووه شو كانت اتقول حق راشد
عنود وسلامه : شووو
ميره : انه
شما : ميرووه وغلات والديج ما ترمسين
ميره : خلاص يا حرمه اسولف وياج اصلا انا ما سمعت شي
شما : سباله

عند الرياييل
هزاع : منصور ما عليك اماره تعال شل ويايه هالطاوله مطفرتنا ونحن نخطف
ناصر ( ابتسم وسار يشل وياه الطاوله )
راشد : يالخديه هذا ناصر هب منصور
هزاع : والله .. اشدراني انا ما اعرف الواحد يوم القاه روحه يوم هم ارباعه يمكن اميز امبينهم شوي
راشد : تعال منصور وين انا ما شفته يوم حدرنا نتعشى
ناصر : هيه تم راسه يعوره وسار البيت
راشد : وما اتعشى
ناصر : لا
راشد : هذا اخوك يستهبل
ناصر : بو سنيده اسمحله هو امبونه تعبان بس عشان خاطرك يا العرس
احمد : بو سنيده
راشد : نعم
احمد : ابوك يباك
سار راشد صوب ابووه
راشد : نعم ابويه
بو عبد الله : يلا بندخل ويا حمدان ما بتي ويانا
راشد : كيف ما بيي وياكم اصلا انا اولكم
مايد : المعرس وانا ما ادري
راشد : طب حلجك انته
حمدان : يلا عمي
راشد : ايوااا عاش ياخي شكلك فنان بالبشت .. جنك خفاش يمشي على ريول
حمدان : ويا هالشيفه يا السلق انا اتحراك الحين بتمدحني
بو حمدان : عنبوه بلاكم اتناقرون شنكم عدايل
مايد : هههههههههه .. حلوه منك عمي
راشد : ( ويعيب على ضحكة مايد ) هههه عيبتك ياليرذ
عبدالله : الحين بالله عليكم هذا ويه رياييل بيعرسون وبيشلون مسؤولية بيت وحرمة وعيال
راشد : آآآآ شو رايكم يندخل وايد احسن
ودخلو حمدان وابوه وبو عبد الله وعبد الله وراشد
حمدان حب ريم عراسها ووقف عدالها ويو الباقين وسلمو عليها ووقفو وياهم يتصورون ..بو حمدان وبو عبد الله وعبد الله سيده اظهرو .. الا راشد تم ويا حمدان وريم ويسولف
راشد : ريمووه شتبينه هالصفرد تعالي ردي ويايه البيت .. الحين ويا منوه بضارب
ريم : .............
حمدان :انا صفرد يالغراب
راشد : ريموووه ريلج يسبني ترضيين عليه
ريم ( هزت راسها بمعنى لا )
راشد : واااا طلعت منها واحد صفر
حمدان : شوو انسوي امرنا لله محد يبانا في هالدنيا
راشد ( اجدم ووايه حمدان وحب ريم عراسها ) مبروكين انشا الله والله يوفقكم ريمووه هب تصدقين ترا انا وحموود دووم جذييه تراها الا سلوالف وعلوم هيي ( وخذ من باقة ريم ورده ) عادي صح
ريم : اكييد لو تباها كلها
وياي بينزل عن الكوشه واتلقاله حميد عند دري الكوشه
راشد : هلا والله .. فديت الكاشخين انا ( وشله )
ام عبد الله : راشد
راشد : نعم امايه
ام عبد الله : تعال هنيه حرماات بيسلمن عليك
راشد : انشا الله
عفرا( يدت شما ) : شحالك ابويه
راشد : مرحبا والله شحالج يدتي
عفرا : بخير وسهاله انتي وين من زمان ما ريتك شله ما اتييني انا قلت الحين بو سنيده بيغدي اخير من عيالي وبييني دووم
راشد : اعرف اني مقصر وياج بس لاهين ترانا بس انشا الله كل يوم بتلقيني عندج لين ما بييج يوم وبتروقيني
عفرا : ياااله يا ولدي انا اروقك انا الا ابااك اتييني
بو عبد الله : جان الا راشد بيتم يسولف لين يلوع لج بجبدج وبتروقينه
عفرا : لا فديته بوسنيده يلسته ما تنمل
راشد : يلا عيل انا اترخص الحين .. تامروني بشي
الكل : سلامتك
راشد ( وهو ياي بيظهر عينه ادوور يبى يشوف شما بس ما شافها )
راشد : حميد
حميد : ها عمي
راشد : حميد حبيبي انت تعرف شما
حميد : منو هاااي
راشد : حميد عمووه شما حرمتي ما تعرفها
حميد : هيه هدييج الحلوه لبيعت عمووه ليم
راشد : يالهرم اتغازل حرمتي جدامي
حميد : سووو
راشد : لا ماشي يعني انت اتعرفها
حميد : هيه
راشد : وينيه
حميد : يالسه منااااااااك ( ويؤشر على اخر القاعه )
راشد : حزن شوو ميلسنها هناك .. انزين شوف خذ هالورده سر عطها اياها وحبها منيه ( ويؤشر على خده ) وقوللها من عند عمي راشد .. اوكي
حميد ( نطر عيونه ) عمي عييب
راشد : استوت السالفه الحين هالياهل بيعلمني العيب .. حبيبي عادي هاي حرمتي
حميد : اوكي
وسار حميد عند شما وراشد ظهر من القاعه
حميد : عمووه سما
شما : نعم حبيبي
حميد : تعالي هنيه
شما ( اجدمت صوبه ويلست )
حميد ( حبها على خدها وعطاها الورده ) هاي من عند عمي لاسد
شما ( استحت وما عرفت شوو اتسوي
ميره : اوووووووووووب ..اوووووووووب شو هناك
شما : غربلاتج يا ميروه اللي كله فاضحتني
ميره : ياويلي عالرمنسيه انا اول مره اشووف ولد بدو رومنسي جذييه مع ان احييد رشوود دفش وخقاق انتي شقا رمتي تيبين راسه
عنود : ايه جييه طايحين من عينج عيال البدو
سلامه : اوكي ما عليه ان ما خبرت راشد وخليته يلعب بج لعب اليوم
ميره : لا دخيلج بعد ريموه محد اتااازرني بيطلع خباله كله عليه
شما : احسن تستاهلين خله يادبج
ميره : خلاص يا بوكم سحبت كلامي .. اندوكم ريمووه شقا مستحيه
عنود : لا تحاولين تغيرين السالفه
وعالساعه 12 الكل روح
وخاري عند السيايير منصور يا يشل يدته و امه وشما لان ناصر روح عنهم وراشد من شافه سار له
راشد : جييه روحت
منصور : تعبان ما رمت ايلس روحه راسي يعورني وصوت الاغاني زاده
راشد : الحين شوو
منصور : والله الحمد لله احسن شوي
وشوي ويظهرن ميره وسلامه من القاعه وهن كانن مب متغشيات وهن اصلا ما يتغشن راشد من شافهن
راشد : اييييه ( واشر بايده على ويهه بمعنى اتغشن بس منصور شاف ميره واتذكر ان ناصر قايلله ان هاي اللي كانت اترمسه .. وشافهن يركبن موتر مايد واتاكد انهن خوات مايد )وشوي وظهرن عفرا وام حمد وشما من القاعه وراشد شق الحلج من شاف شما لا وكانت شاله الورده اللي طرشها الها
عفرا : شو ياينه بهالموتر اللي ما اداانييه
راشد : جييه يدتي الرنج فنان حق الكشخه
عفرا : ياله بالستر الحين حتى المواتر سويتو فيهن كشخه
منصور : يدتي قولي حق راشد موتري بلاه
عفرا :جنه جدر هريس مركب عالضو
راشد ( هلك من الضحك وتم متقبض عالبونيت ويضحك وراشد من النوع يوم يضحك يختفن عيونه ) لان موتر منصور اسود ومن تحت عليح حركات فير
منصور : عيبتك
راشد : هههههههه
منصور : خيبه بس بلاك يدتي الله يهديج شو سويتي بالريال
عفرا : ما سويت به شي
ام حمد : يلا عسانا انشوفك يوم عرسك
راشد سيده صد صوب شما
عفرا : والله الريال معرس الا انتو الحين اتسوونها سالفه قبل يملج ويشلها ويااه
راشد : هيه والله يدتي شفتي عاد مخليني اطمش عالعرب الكل عرس وانا اطالع
عفرا : ما عليه انزين ترا شما حليلتك الحين شلها وسر
راشد : والله ( وسار صوب شما وقبضها من ايدها وهي اتحاول اتيرايدها من ايده بس مارامت كان قابضنها بقو )
منصور : ياله يا رشوود ما صدقت
شما : ( بصوت واطي ) امااايه
ام حمد : بلاج تراه ريلج خلاص انا قبل ابوج ملج عليه وشلني ويااه
شما : امايه من صدقج
راشد : ايه بلاج اتحرينا انقص عليج
شما ( تمت اتحايل راشد تبى اطلع ايدها من ايده بس مارامت ويوم نزلت راسها طاحت الغشاه عن ويها
راشد من شافها اتخبل خبال وتم يطالعها وهو ميت عليها .. وصد صوب منصور واشر له براسه انه يمشي
منصور ما صدق دق الموتر سلف وروح عن مدخل القاعه
شما ( وبصوت واطي وشوي وبتصيح ) منصوور
راشد : بلاج خلاص منصور روح الحين انتي بتسيرين ويايه
شما ( تمت اتهز راسها بمعنى لا وعيونها امتلت دموووع )
راشد : شما

[آڷصّغيرۉنہْ ™]

~ْ الـــــــــباآآرت العشـــــــــ20ــــرين ْْ~

شما ( وبصوت واطي وشوي وبتصيح ) منصوور
راشد : بلاج خلاص منصور روح الحين انتي بتسيرين ويايه
شما ( تمت اتهز راسها بمعنى لا وعيونها امتلت دموووع )
راشد : شما
شوي ويرد منصور .. هو ظهر عالشارع ورد دخل مره ثانيه
منصور نزل الجامه من صوب عفرا
منصور : ها شما بتيين ويانا ولا بتسيرين وياه
راشد : لا هي خلاص قالت بتسير ويايه
شما بطلت ايد راشد بقو واربعت واركبت الموتر
راشد تم يضحك عليها
عفرا : يلا ابوويه مع السلامه
راشد : الله يحفظكم
وروحو وفي السياره
شما تمت اتصيح
عفرا : وااابويه انا عيل انتي يوم العرس شو بتسوين بترديين ويانا
شما : اوكي .. يا .. منصور .. السبال هئ هئ ان ما خبرت ابويه
اييي هئ هئ
ام حمد : عنبوه ما يسوى عليج انسولف وياج نحن

وعند القاعه
ريم وحمدان يايين بيروحون
راشد : ها سايريين
حمدان : هيه
راشد : يلا الله يحفظكم
وسارو بوظبي بيباتون هناك كمن يوم وخلاف بيسافرون
وراشد وامه ردو البيت
راشد : اوووه انتو هنيه
هزاع : هيه ما اروم اضرب خط هالحزه
راشد : حيكم والله شو كاضنكم تسرون هالحزه .. اا عمي سار
هزاع : هييه قلتلهم باتو ما طاعو
راشد : جييه
هزاع : اشدراني به
راشد : الا مايد وين
هند : ما يو هنيه
راشد : شوو ولا ياب البنات
هند : لا
راشد : جييه عنبوه وين سارو ظاهرين قبلي بوايد
هند : اتصل به شوفهم وين
راشد ( اتصل بمايد )
مايد :هلا
راشد : انت وين من متى ظاهر وين سرت
مايد : اااا انا شكلي شكلي في العوير
راشد : رديت دبي
مايد : هيييه
راشد : تستهبل عنبوه شو مسرنك هالحزه
مايد : شو يعني عادي
راشد : انزين شله ما بتو
مايد : الحين مب شراات قبل .. قبل اترا البنات ويا ريم الحين مب حلوه يعني جييه البنات بايتات والبيت ما فيه الا شباب
راشد : شوو هالتفكير يا ميوود انا ما احييدك جييه
مايد : مب جييه بس فضييحه في ابوك وعبد الله هذيل اللي انا متلوم منهم
راشد : تدري انك تستهبل
مايد : يلا لا خلاص انا الحين وصلت شوي وبوصل البيت
راشد : يلا توصلون السلامه
مايد : الله يسلمك
وبند عنه
وراشد سار حجرته واتصل بشما قبل لايرقد بس هي ما ردت عليه
راشد : هاي بلاها ما ترد
شوي وطرشت له مسج ~ تصبح عخير~
راشد : اوووووووه هاي شكلها ازعلت ( ورد يتصل ابها بس ماردت وتم يتصل ابها وااايد وهي يوم اذاها بالتيلفونات بندت التيلفون ) افااا بندته اوكي يا شميم انا ارويج ( واتصل بمنصور )
راشد : مرحبا
منصور : مرحبتين
راشد : وين
منصور : في البيت
راشد : ليكون راقد وغثيتك
منصور : لا بعدني ما رقدت
راشد : زين عيل .. منصور ما عليك اماره اباك اتودي التيلفون حق شما
منصور : ليش وين تيلفونها
راشد : مبندتنه
منصور : ما احيدها
راشد : تراها ازعلت
منصور : على
راشد : عالحركه اللي سويناها فيها عند القاعه
منصور : هيييي اسميها سوت النا مناحه في السياره
راشد : في ذمتك
منصور : والله
راشد : ما اتوقعت انها بتصيح
منصور : اختي حساسه ظاهره عليه
راشد :شووو .. ظاهره على منوو
منصور : عليه
راشد : شحالك انت بخير
منصور : ويا هالويه
راشد : انزين يلا ودلها التيلفون
منصور : رشوود ما اروم حجرتها بعيد عن حجرتي اتصل حق نصوور حجرته اقرب
راشد : غربل هالويه اللي يقول بتصب بترول لين توصل ترا الا وياك في نفس البيت بعد اشقا بعيد وما بعيد
منصور : اففف انزين اتريا
( ونش منصور وسار صوب حجرة شما ودق الباب )
منصور : شماااا ... شموووه ... شموووتي
راشد :ايه لا ادلع حرمتي
منصور : والله احيد انها اختي قبل لا تستوي حرمتك
شما فتحت الباب
شما : خير
منصور : اووه الحلوه بعدها زعلانه
راشد : اييه لا اتقول الها الحلوه اغاار
منصور : هههه ... انزين الخسفه
شما : ؟؟؟؟؟
راشد : خسفه حرمتك
منصور : ياخي ما عرفت لك
شما : شوو السالفه
منصور ( ويمد التيلفون صوبها ) يودي
شما : منوو
منصور : ريلج بعد منوو
شما : ما ابا ارمسه وقوله ما يتصل بي لاني ما ابا اسمع صوته انزين ( وحدرت الحجره وسكرت الباب )
منصور : راشد ااا
راشد :سمعت كل شي .. خلاص عيل يلا برايك ( وبند عنه وهو مضايج من اسلوب شما )
منصور : شما
شما : قتلك ما برمسه
منصور : اصلا هو بند بطلي الباب برمسج
شما ( بطلت الباب ودخل منصور عندها )
منصور : تدرين ان راشد اتضايق
شما : براايه
منصور : يعني شله هالحركااات
شما : اسالو عماركم انتو الثنينه
منصور : هو ما سوى شي غلط وتراج حليلته يعني عادي
شما : بس انا عندي مب عادي حليلته عقب العرس بس داام اني في بيت ابويه ما يخصه فيني
منصور : حشى ما يسوى عليه
شما : لا يسوى داام انه بياخذ شما بنت سيف يحمد ربه
منصور : تبين الصدق انتي اللي لازم اتحمدين ربج ان راشد ماخذنج انتي تدرين ان الشباب كلهم يحسدونا ان راشد ناسبنا الكل كان يتمنى ان راشد ياخذ اخته ( وظهر عنها )
شما تمت اتصيح لان هييي اصلا ما يهون عليها راشد اتزعله بس غصبا عنها بس عزة نفسها ما تسمح الها ان هيي اللي تراضييه وتمت ضايجه ومب عارفه شوو اتسوي ومب لاقيه حد تشتكي له لان هيي مالها الا ريم

[آڷصّغيرۉنہْ ™]

اليوم الثاني ... الساعه 10 الصبح
وفي بيت بو عبد الله
راشد توه ناش من الرقاد ونزل تحت
بو عبد الله : راشد !!!
راشد : صباحك الخير ابوويه
بو عبد الله : صباحك النور .. بلاك
راشد : ماشي !!
بو عبد الله : ناش من وقت ما احييدك ..شي يعورك
راشد : لا بس شبعت ارقااد
بو عبد الله : زين حيك
ام عبد الله : راشد تعال ابوويه بتريق
راشد : لا امااايه ما اشتهي باخذ لي فنيان قهوه يفجج لي راسي
ام عبد الله : شتباها القهوه من الصبح .. خذ لك كووب حليب عيل اخير
راشد : لا امايه ما ابا
بو عبد الله : اقول راشد
راشد : نعم ابوويه
بو عبد الله : اكدت الحجز حق لندن
راشد : هيه ورا باجر
بو عبد الله : زين وحجزت حق حمدان وريم
راشد : لا
بو عبد الله : جييه
راشد : حمدان ما طااع واصلا هو حاجز على استراليا اليوم فليل
ام عبد الله : عيل ريمووه ما قالت ليي
راشد : اضني هي روحها ما تدري
بو عبد الله : جييه ما حجز ويانا اخير له
راشد : ابوويه خلهم معارييس يبون يكشتون ارواحهم
بو عبد الله : برايهم .. عيل انا وانت ارواحنا بنسير
راشد : ابويه ناصر ومنصور بيسيرون ويانا
بو عبد الله : زين خير عن لا انتم ارواحنا انا السيره اللي ما فيها يمعه ما ادانييها
هزاع : ( توه نازل من فوق ) ها وين بتسيرون
راشد : لندن
هزاع : حراام عليكم ليش يعني تبوون تقهروني الكل يسافر وانا تام محلي
راشد : والله محد قالك احجز وسافر
هزاع : هيه ترا انا عكيفي خلها مستوره ياخي وبعدين الاسبوع الياي بيبدا الدواام
راشد : لا تقول
هزاع : بقول
راشد : الله يعينكم
هزاع : يلا الله المستعان الله يطوف هالسنتين عخير وبنخلص من هالعثره .. الا منو بيسير وياكم اسمع يمعه
راشد : ناصر ومنصور
هزاع : اووه عمي بتخاوي الشباب عيل هالسنه
بو عبد الله : اكتم .. شو اتشوفني شيبه جدامك
راشد : ابويه شيخ الشباب اصلا
هزاع :عيل عمي لازم تلبس شراتهم بناطلين وقمصان
بو عبد الله : بعدني ما قدييت بنغالي البس هاللبس
راشد ( ويحط ايده على ويهه ) :ااااي طراق
هزاع : هههههه
راشد : ابوويه الله يهديك يعني اللي يلبس بناطلين سميته بنغالي
بو عبد الله : عيل شوو منو اتشووف انت يلبس هاللبس غيرهم
راشد : انا اسير اخير لي قبل لا استوي هندي الحين
هزاع : هههههه
راشد : تامروني بشي
الكل : سلامتك
راشد : هيه امايه ظهرولي الشنطه السودا العوده وحطولي اياها في حجرتي
ام عبد الله : انشا الله
وظهر راشد من البيت وسار المكتب
وهناك ياه ريال يبا ياجر له موتر
الريال : السلام عليكم
راشد : وعليكم السلام
الريال : كيف الحال
راشد : يسرج ومن صوبك
الريال : طيب طاب حالك .. انت راعي المكتب
راشد : هي نعم هالمكتب لي و لخويي
الريال : زين .. يطولي بعمرك انا ابا ااجر الرنج الاسود
راشد : رنج ؟؟ .. ابراهيم ( اللي يشتغل في المحل )
ابراهيم : نعم
راشد : ابراهيم الرنج موجود
ابراهيم : لا
راشد : اسمحلي اخويه بس الرنج مب موجود ماجر
الريال : كيف ماجر ليش الرنج اللي واقف عند الباب مب الكم
راشد : أي واحد
الريال : الرنج الاسود
راشد : هييي انت تقصد هالرنج .. يطولي بعمرك هذا موتري مب للايجار
الريال : موترك !! .. انزين ما بتاجرني اياه
راشد : شقا ااجرك اياه .. مايستوي هذا موتري
الريال : دخيلك الشيمه بس اليوم اباااه وبدفع لك جيمة اسبوع شو قلت
راشد : الحيه مب حية فلوس لكن هالموتر لي انا ان عطيتك ايااه شو يتم عندي
الريال : انت ترا عندك هالمواتر كلها خذ لك واحد لين باجر طلبتك الشيمه اتاجرني ايااه
راشد : خلاص تم بس انا ما باجرك ايااه انت خذه استعمله وخلاف رده
الريال : لا ما يصير لازم تاخذ عنه فلووس
راشد : ما اطييع انت اني اخذ فلووس عن موتري ترا هذيلك المواتر نحن ماخذينهن حق تاجير بس موتري والله ما اجرته
الريال : انزين يود( وطلع هويته من مخباه ) يودها عندك باجر تراني برد لك موترك
راشد : انا ما اخذ شي عالرياييل انت قلت بترده باجر خلاص انا مصدقنك
الريال : في ذمتي اني ماريت ريال شراتك .. ونعم فيك .. يا حظ ابوك فيك
راشد : مشكور
الريال : الا انت من ولده
راشد : انا راشد بن سعيد ال.............
الريال : ليكون انت ولد بو عبد الله المضمر
راشد : هيي نعم
الريال : انا اشهد انه رباااك .. سلم لي عليه
راشد : منو الريال
الريال : قوله سالم المنصوري راعي مرغم وهو بيعرفني
راشد : سلام يبلغ بخير ..انزين غرب عندنا البيت وبتسلم عليه بروحك
سالم : لا اسمح لي معزووم عند عرب روحي متحير الا موتري خان فيني واخترب وفريته في الصناعيه وباجر بيخلص .. عاد اسمح لي خذت موترك
راشد : لا ما عليه
سالم : يلا عيل في داعت الله
راشد : الرب عليك حافظ
وسار الريال وشوي وناصر يحدر المكتب
ناصر : انت هنييه
راشد : لا هنااك
ناصر : عن السخافه عيل منوو ظاهر بموترك
راشد : ريال
ناصر : منو هالريال
راشد : ما اعرفه بس اضني انه يعرف ابويه ياي يبى ياجر موتري
ناصر :واجرته
راشد : ما اطييع انت عطيته اياه بيستعمله لين باجر وبيرده
ناصر : والحين بتم بلا موتر
راشد : حلوه منك .. عيل هالمواتر اللي موقفات خاري شو خانتهن
ناصر : انزين انا ياي ابا الهمر
راشد : ( طلع سويج الهمر من الدرج وفره على ناصر ) يود
ناصر : انا ياي ااجر
راشد : انتو بلاكم طالعيلي بهالاسطوانه اليوم انا ااجر الغرب ما ااجر هلي
ناصر : لا بووي عيل ما ابااه
راشد : نصوور عن هالحركاات
ناصر : عيل تباني اخذه جذييه بدون ما ادفع شي .. مابا
راشد : اييك راي
ناصر :ِ شوو
راشد : انت خذ الهمر وانا باخذ موترك لين الريال يرد لي موتري
ناصر : جان جييه خلاص عيل
راشد : اقول ما بتسيرون مكان العصر
ناصر : جييه منصور ما قالك
راشد : عن شوو
ناصر : ترانا متفقين انسير الفجيره يومين
راشد : عشان جييه تبا الهمر
ناصر : هيه .. عالساعه 4 خلك جاهز بنظهر
راشد : لا ابووي ما فيني
ناصر : جييه
راشد : ما فيني عالمبيت
ناصر : جييه الشباب كلهم بيسيرون وناسه يا ريال
راشد : ما ارووم
ويرن تيلفون ناصر
ناصر : هذا منصور ( ويرد عليه ) هلا منصور
منصور : اهلين .. وين
ناصر : عند راشد في المكتب ياي اخذ الهمر
منصور : قتله عن السيره
ناصر : هيه ما يبى يسير
منصور : افاا ليش
ناصر : ما يبى يبات هناك
منصور : تبى الصدق حتى انا مب في خاطري السيره بس قلت دام كلكم بتسيرون ما بتم قطيعه روحي فالعين والحين دام ان راشد بيتم انا مب ساير
ناصر : هييي استوت السالفه الحين كل واحد بيقولي ما بسير تدرون مب منكم مني انا اللي معزم ابكم
منصور : اقول برايك عيل ( وبند عنه وناصر شل الهمر وسار عن راشد وراشد خذ موتر ناصر )

وعالساعه 4 العصر
ناصر ظهر ويا الشباب وسارو الفجيره
وفي بيت بو عبد الله
راشد : ابويه يسلم عليك سالم النصوري
بو عبد الله : سالم المنصوري ؟؟
راشد : يقول راعي مرغم
بو عبد الله : هيه الله يسلمه وين ريته
راشد : ياني اليوم المكتب يبى ياجر له موتر وما يت عينه الا على موتري
بو عبد الله : واجرته ايااه
راشد : ما اطييع انت قتله خذه استعمله ورده
بو عبد الله : بعدي والله جييه ابااك
راشد : افاا عليك تربيتك
ويرن تيلفون راشد .. راشد شل تيلفونه وظهر يرمس خاري
راشد : مرحبا
منصور : مرحبتين شحالك
راشد : يسرك الحال .. انت علومك
منصور: علوم الخير
راشد : وين ؟
منصور : في البيت
راشد : شو اتسوي
منصور : اطالع التلفزيون ..
راشد : متفيج
منصور : عيل شوو عندي من الشغله
راشد : والشيخه بعدها زعلانه والا رضت
منصور : اسكت انا روحي محرج عليها من البارحه
راشد : انزين منصور ااا
منصور : قول شو عندك
راشد : تبى الصدق مستحي
منصور : افاا عليك تستحي مني
راشد : ما ادري اذا يحق لي اطلب هالشي منك والا لا
منصور : راشد قول
راشد : اقول طوف طوف
منصور : والله لا اتقول عيل
راشد تم يقوله شو يبى
منصور : ااا
راشد : حقك اذا قت لي لا
منصور : مب جيييه بس
راشد : خلاص انسى انا قلت لان انت حلفت عليه
منصور : شووف الحين امايه محد في البيت وابويه بعد وحمد في بوظبي ونصوور سار يعني محد في البيت غيري وهيي انا عادي عندي بس اخافها هيي اتفتن .. وخلاف يحرج علينا الشيبه شو بنسوي به
راشد : جان الا الخوف منها خلها عليه
منصور : خلاص عيل انتلاقا
راشد : اوكي
( وبند عنه )
منصور : شمااااا
شما : ها ها بلاك
منصور : اقول ما تبين اتسيرين مبزره
شما : هيه ابا
منصور : انزين يلا البسي عباتج بسرعه .. وتعالي اترياج في الموتر
شما : اوكي ( سارت شما لبست عباتها وركبت الموتر ومنصور اتصل بامه وقال الها انه شل شما وياه وسارو صوب مبزره )
منصور : اليوم الجو اوكي ماشي حر واايد
شما : هيه وناسه ... وبعد محد هنيه موول
منصور : اصلا محد ايي هالوقت الشباب اييون فليل
شما : .. اووه هذا مب جنه نصووور هناك
منصور : هيه
ويرن تيلفون منصور وكان راشد اللي متصل
منصور : اوووه لا اتقول .. خلاص عيل انا بييكم الحين .. انشا الله
شما : شو السالفه
منصور : واحد من الربع مسوي حادث انا لازم اسير له الحين
شما : لا حرااام تونا يايين
منصور : اففف انزين والحين شو اسوي
شما : منصور حرااام
منصور : انزين شرايج اتسيرين تركبين ويا نصوور
شما : اوكي
منصور لحق موتر ناصر .. ونزلت شما عنه .. واول ما انزلت يت قصتها على ويها من المهب
منصور : يلا باااي انا ساير
شما : باااي
منصور حرك بسرعه وشما تمت تتمشى سايره صوب موتر ناصر وفتحت الباب واركبت وهي اتعابل افعباتها
شما : حشى طيرتني هالمهب ( وصدت صوب ناصر ) اااا
راشد : مرحبا الساع ..شحالج الشيخه شما
شما : ااا.. انت ..شوو السالفه
راشد حرك الموتر بسرعه
شما : راشد وقف
راشد : ليش
شما : بنزل
راشد : ليش تنزلين
شما : اقولك وقف
راشد : انتي اتخبلتي وين بتنزلين هنيه ومحد عندج
شما : ما يخصك فيني
راشد : الحين انتي اللي يايه وراكبه ويايه انا ما قصبتج
شما : انا كنت اتحراا ناصر في الموتر .ليكون هالحركه منك انت ومنصور
راشد : أي حركه .. انا شفتج نازله من الموتر ويايه صوبي وقفت
شما : راشد
راشد : عيون راشد
شما : اتصل حق منصور خله ايي
راشد : ليش
شما : شووو ليش بعد
راشد : اوكي بس بشرط
شما : اشرط قول اللي تباه بسوي لك أي شي
راشد : صدق
شما : هيه
راشد ( جدم ويهه صوبها ) ابا بوسه
شما : ايييي (وحطت ايدها على ويها)
راشد : ههههههه .... ها شو قلتي
شما : مستحيل
راشد : اوكي عيل انتي مطره اتميين ويايه
شما : شو اتم وياك راشد عطني تيلفونك
راشد : هئ ما بعطييج
شما : راشد حراام عليك
راشد : حراام عليه ولا عليج
شما : انا شوو سويت بك ليش اتسوي فيني جذييه
راشد : شوو سويتي بي .. قولي شوو ما سويتي بي
شما : راشد حراام عليك عطني التيلفون
راشد : بتزعلين مره ثانيه
شما : لا
راشد : انزيين قوليلي احبك
شما : راااشد
راشد : اوكي ( راشد اجدم بالموتر في ساحه وتم يخمس بالموتر
شما ما ادااااني هالسوالف وااايد )
شما : آآآآآآآ راشد حرام عليك بس خلاص دخيلك
راشد : اتحبيني
شما : آآآآ رااااشد
راشد : اتحبيني
شما( وهي اتباغم ) : آآآه آآه ... انت اتحرا عمرك بهالحركات بتخليني احبك .. انت تدري اني كل يوم اكرهك زووود... تدري اني ندمااانه اني وافقت عليك ... انا قلت بياخذني ريال مب ياهل ويسوي حركااات يهال .. انت انسان لعاب مب قد المسؤوليه اذا انت ضاري على حركااات التلعييب هذي انا مب جييه تفهم ..

[آڷصّغيرۉنہْ ™]

الــــــــبارت الحادي والعشـــ21ــرين
شما( وهي اتباغم ) : آآآه آآه ... انت اتحرا عمرك بهالحركات بتخليني احبك .. انت تدري اني كل يوم اكرهك زووود... تدري اني ندمااانه اني وافقت عليك ... انا قلت بياخذني ريال مب ياهل ويسوي حركااات يهال .. انت انسان لعاب مب قد المسؤوليه اذا انت ضاري على حركااات التلعييب هذي انا مب جييه تفهم ..
راشد وقف الموتر واتيبس مكانه وحس كلام شما سجاااجين في صدره .. واتمنى الموت ولا انه يسمع هالكلام منها ما كان يتوقع انه جييه في نظرها .. ومن قهره ضرب السكان بقو ... ونزل من الموتر واتساند عالبونييت ونزل راسه
شما : ااا راشد ( وحطت ايدها على ويهها ) انا شو قلت انا كيف قتله هالكلام ( ورفعت راسها وتمت تطالعه شكله كان واايد يغمض انصدم في الانسانه اللي يحبها انصدم من كلامها ما كان يتوقع منها هالكلام )
راشد لين الحين مب مصدق اللي سمعه منها ويحس ان الكلام ينعاد عليه كل ثانيه ( ورفع ايده وحطها على اذنه )
شما افتحت الباب ونزلت من السياره وسارت صوب راشد وهي متردده
شما : راا..اا..شد
راشد منزل راسه ويطالع تحت
شما ( وهي اتصيح ) : راا...ااشد .. انا ..آآ ..سفه
راشد : ........
شما : راش..د رد .. عليه ( راشد لا تعليق ) راااشد دخيلك رد عليه لا اتم جيييه
راشد : ........
شما : والله ما كنت اقصد صدقني بس انا يوم احرج ما اعرف شوو اقول دخييلك سامحني
راشد : ..............
شما : ( حطت ايدها على جتوف راشد وتمت اتهزه ) رااااشد ارمس لا اتعذبني اكثر .... قتلك ما كنت اقصد .. حراااام علييك ارمس
راشد : ( رفع راسه وقبض اياادي شما ونزلهن عن جتوفه وظهر تيلفونه من مخباااه وعطاه شما ) اتصلي باخوج ايي يشلج ( وصد عنها الصوب الثاني )
شما : راااشد لا تزعل عليه انا احبك والله اني احبك بس انا ما اعرف شو اللي خلاني اقولك هالرمسه دخيلك انا ما اقدر اتحمل اشوفك مضايج وزعلان عليه
راشد : .........................
شما : ( يلست عالارض وانفجرت من الصياح وحطت ايديها على ويهها )
راشد ما تحمل يسمعها وهي اتصيح صد صوبها ويوم شافها يالسه عالارض اتجدم صوبها ويلس جدامها
راشد : ( وبصوت كله حب وحنان ) شما .. حياتي خلاص لا اتصيحين انا مب زعلان منج
شما ارفعت راسها ويوم شافت راشد هو ابتسم الها طبعا ابتسامته كانت قصبا عنه لان اللي فيه ما يخلييه يبتسم بس هو ابتسم الها عشان يهديها ... على كل اللي قالته له بعدها ما تهون عليه
شما : راااا ..شد ( وطاحت في حضنه وتمت اتصيح ... راشد مب مصدق )
شما : اييييئ اييئ ائ ائ راشد.. لا.. اتخليني .. انا.. احبك .. انت خليتني ..احبك قصبا عني ..
راشد ( قبض شما ورفعها عن صدره وكانت قصتها نازله على ويها ... مد ايده ورفع قصتها من على ويها ومسح دموعها بايده )
شما انتي غلايه وانتي تدرين اني احبج وانا يوم سويت وياج هالحركه ما كان قصدي شي انا بغيت اراضيج وبس .. واسمحيلي اذا ضايقتج
شما : كل يوم اكتشف فيك شي يخليني احبك زوود .. انا اللي غلطت عليك وانت اللي اتسامح مني ( وتمت اتصيح )
راشد : شما خلاص عاد ( وباسها بين عيونها ) يلا غناتي خلينا انسير ( وقامو واركبو السياره )
راشد : شما حياتي امسحي دموعج عن ايي منصور ويشوفج على هالحال ( راشد قبض تيلفونه واتصل بمنصور )
راشد : انت وين
منصور : عشر دقايق وبيي
راشد : جييه وين سرت
منصور : قضيت شغله والحين بيي
راشد : يلا عيل نترياك
منصور : اوكي بااي
راشد : بااي ( وبند عنه ) اا ترا منصور يباله عشر دقايق لين ايي ... تبين تشربين شي .. نخطف صوب الكافيتيريا
شما : لا مابا شي
راشد ( لف صوب الكافيتريا ) : انا بنزل اخذ لي شي بارد
شما : اوكي
نزل راشد الكافيتريا
شما : ااااااخ مني انا شو سويت راشد بعده مضايج
راشد بالعماله طول داخل .. شما استبطته .. وتمت ادق هرانه ..شوي وظهر راشد من داخل وسوى عمره يرمس بالتيلفون وهو اصلا محد يرمسه ويا صوب الموتر وفتح الباب وكان ماخذلها بيبسي لانه يعيبها وحطه في الموتر وهو يرمس عشان يوهمها انه صدق يرمس في التيلفون وسكر الباب وتم يتمشى جدام الموتر واونه يرمس وكان يشرب ريد بول ويضحك .. وهو من داخله محد يعلم بحاله شقا مضايق
شما : اووووف هذا منو يرمس هالكثر
ويا موتر صوبهم
راشد اشر لشما عشان تتغشا
نزل من الموتر ريال وكان شال وياه ولد صغير وسار صوب راشد وسلم عليه
راشد : شحالك
زايد : يسرك الحال
راشد : هذا ولدك
زايد : هيه هذا مايد
راشد ( شل مايد من عند ابوه ) : ياله فديته محلاه ( وتم يلاعبه )
شما يالسه اتشوف راشد وهو يلعب الياهل وجنه ابوه ومستانس وياه لان راشد بطبعه طيب ويحب اليهال ويحن عليهم حتى اليهال يتعلقونه
زايد : عقبال ما نلاعب ولدك
راشد : باذن الله
زايد : الا متى العرس انشا الله
راشد : عقب العيد
زايد : يلا الله يتمم عخير .. عاد الحين اسمحلنا بنسير ( ويا بيشل ولده من عند راشد بس ولده ما يبا وتم يصيح يبا راشد )
راشد ( قبض مايد ولوى عليه ) فديته .. خلاص حبيبي ما بيشلك
زايد : طاع الهرم ما يباني
راشد : انزين خله عندي
زايد : شو اخليه عندك
راشد : جييه انزين عادي
زايد : وين تبا بيخبل بك
راشد : انته خله عندي وما بتخسر شي
زايد : اصلا شوفه الحين بجفي عنه بيصيح ( وجفا زايد اونه بيسير صوب السياره )
مايد ( ويسوي باااي حق ابووه ) بااي بابا
راشد : هههههه
زايد : اندوك الهرم ما صدق
راشد : يا ريال خله الولد يباني
زايد : والله ولدي وانا اعرفه كل ساعه على حال يوم بيتم يباغم شو بتسويبه .. تراه لغب
راشد : ههههه .. برايه ظاري على ولد عبد الله
زايد : اسمي انت ما تنرام
راشد : يلا انزين انا بحطلك ايااه في الموتر
زايد : بتسوي فيني خير
سار راشد ويلس مايد في الموتر عدال ابووه وسار عنه بس مايد كان ما يبى يبى يتم عند راشد .. وخلاف روحو
راشد ( فخاطره ) والحين شو اسوي ما عندي عذر لازم ارد الموتر ) ورد وركب في الموتر وتم يطالع برع وهو ساكت
و شما مستغربه من راشد
راشد : منصور اتحير
شما : لهالدرجه لايعه جبدك مني
راشد ( صد صوبها ) انا
شما : ما ادلك
راشد : مب انتي اللي تبين جييه .. مب انتي اللي ما تبين اتميين وياايه
شما : ....................
راشد : عفكره ترا انا ما سويت شي غلط وانتي حليلتي وان شليتج الحين محد يروم يقولي شي ... هذا وانتي حرمتي سميتيني لعاب .. بس ما اقول الا الله يسامحج ( ورد صد عنها الصوب الثاني )
شما : قتلك اني كنت محرجه وما اعرف شوو اقول
راشد : واذا انتي محرجه تجرحيني عاادي
شما : مب انت راشد الاولي انت راشد ثاني
راشد : ليييش
شما : وين راشد اللي كان يقولي انا احبج وانا بعزج وعمري ما بزعل عليج انت اتغيرت وما قمت اتحبني الحين
راشد : ( صد صوبها وقبض ايدها وحطها على صدره ) انا ما احبج ... اصلا هالقلب ما ينبض الا بحبج ... بس قلبج اللي ما يحس ( ورد صد عنها الصوب الثاني )
راشد : اكوووه منصور وصل
شما ( فتحت الباب واجدمت صوب راشد وباسته على خده ونزلت بسرعه من الموتر وركبت ويا منصور )
راشد تم متيبس مكانه وحس ان قلبه فز من مكاانه
راشد : ااااااااااااخ ما اروووم ازعل عليها ياربيي امووووت انا في هالانسانه ) ( ومشى ورا منصور )

[آڷصّغيرۉنہْ ™]

في موتر منصور
شما تمت ساكته ومنصور مستغرب منها لانه كان متوقع انها تيلس تضارب وياه
منصور : طاع رشوود السبال يالس يديم لي يباني اسابق
شما : اتخسووووووون
منصور : طاع السبال يحرق عليه انا بروييه ( ولحق راشد وتمو يسابقون )
شما : منصور ساير ولا اتسابق
منصور : هو اللي بدا
شما : انت ساير وهو بيساير بعد حراام عليكم تبون تنفدوون عماركم
منصور : قولي حق ريلج
شما : ان ما سايرت والله لا ازعل علييك ولا ارمسك بعد
منصور : اوووف انزيين خلاص بساير ( وساير منصور وراشد ساير بعد وعادل موتر منصور ونزل الجامه .. ومنصور نزل له الجامه اللي صوب شما )
راشد : ها هاااااي ما ترووم تسبقني
منصور : زين الحين ضحكتي عليه هالسبال
راشد : منو السبال
منصور : نسيبي
راشد : هيه اتحريت .. هييييه يعني انا نسيبك
شما : ههههه
راشد : افاااا الشيخه شما ترضيين يقول عني سبال
شما ( هزت راسها بمعنى لا )
راشد : شي طيب الصراحه عيل اسطعييه طرااق عني لاني ما الحقه
منصور : هيييه اتروم هيه جان ما تباني افرها في الشارع
راشد : اتخسي انت جان ما تباني احطك تحت التاير
منصور : اقول اجلب ويهك خلنا انرد البيت اتحيرنا
راشد : اوكي حافظنكم الله
ورد منصور وشما البيت وراشد تم يحوط في الشوارع
واتصل به حمدان
راشد : حيه المعرس
حمدان : الله يحييك
راشد : شحالكم
حمدان :يسرك الحال انت ويين
راشد : كشات في شوارع العين
حمدان : بسك الشوارع بتشتكي منك من كثر ما تحوط عليها
راشد : ههههه حلوه منك
حمدان : يعني يوم انت فاضي هالكثر وما عندك شغله شله ما تجابل المكتب
راشد : سر لا الصبح مجابلنه
حمدان : ما ضني
راشد : اسال ابراهيم اذا ما اتصدق
حمدان : خلاص يا ريال صدقتك .. انزين ترا نحن عندكم في البيت تعال
راشد : والله شو يايبنكم
حمدان : عنبوه ما تبانا
راشد : لا مب جييه بس ما طولتو
حمدان : انت نسيت ان اليوم طيارتنا
راشد : هيه صح
حمدان : عاد اختك واتعرفها يوم قلتلها انا بنسافر سوت لي سالفه .. جييه ما اتقول لي وانا ما زهبت عمري وما ادري شوو عفانا الله اختك مب مال مفاجااات
راشد : والحين اكييد يايه اتشل اثيابها مال السفر
حمدان : شدرااك
راشد : اختي واعرفها انا مجابلنها 17 سنه لين ما لاعت جبدي منها
حمدان : حراام عليك
راشد : الحين حراام عليك .. اخاف عقب كمن يوم اتي اتقولي تعال شل اختك عني
حمدان : ما اسويها وانا ولد سلطان
راشد : بعدي والله
حمدان : انزين يلا تعال بنيلس انسولف ويااك شوي
راشد : انشا الله الحين بيي
حمدان : يلا عيل اترياك
راشد : اوكي باااي
حمدان: باااي
( وبند عنه وسار راشد صوب البيت وحدر الصاله )
راشد : ( واتوايه ويا حمدان ) يا مرحبا الساع
حمدان : الله يرحب بك عفظله
راشد : وينم عنك عيل
حمدان : عمي سار العزبه وعمتي ويا ريم فوق ترتب وياها اغراضها
راشد : ما ريت هزاع وهند
حمدان : لا
راشد : جييه وين سارو ليكون روحو
حمدان : ما ادلهم
راشد : انت مزهب اغراضك
حمدان : هيه قايل حق اختي اتزهب لي اياها
راشد : الله يعين هالاخت حتى وانت معرس تباها اترتب لك نحن عيل شله ميوزيينك حرمه شوو خانتها
حمدان : الله يهديك هالحرمه خلها اترتب اغراضها قبل
راشد : هههههه .. هيه والله صدقت تلقاها مخبله بامايه فوق خطف خلنا انسير الهم
حمدان : لا فضيحه
راشد : أي فضيحه وبعدين محد في البيت غير ريم وامايه
حمدان : اوكي ( وسارو صوب حجرة ريم )
ريم : امااايه احط اسكارفاات والا البس شيل سوود احسن
ام عبد الله : ما ادلج عكيفج
ريم : انزين امايه تعالي اطالعي هالابوات شو احلى شي فيهن
راشد : شو رايج اتشلينهن كلهن
ريم : ما تسد الشنطه .. اووه رشووود ( وسارت اتسلم عليه )
راشد : شحالج العروس
ريم : بخير وسهاله .. انت شحالج ؟؟
راشد : تمام الحمد لله .. حمدان احدر بلاك واقف عند الباب
حمدان : والعثره شوو امسويه بالحجره
( ريم كانت تقريبا جابه الكبتات كلهن ويالسه اطلع الها لبس )
ريم : رشود انته شله يايبنه فضحتنا يا خي
راشد : لا خليه يتعود من الحين .. ترا عفكره عند كل طلعه لازم هالحاله تستوي
حمدان : لا ما عليك ذاك قبل بس الحين غير ( ويقمز لريم ) صح ولا لا
ام عبد الله : وينج بس هالثياب اللي تبينهن
ريم : اضني بشووف اذا ريت شي ثاني بطلعه
ام عبد الله : انزين انا بسير اعطيهن البشكاره عشان تكويهن لج
راشد : امايه انتي بتشلينهن خليهن بنزقر جوهره بتي اتشل هن روحها
ام عبد الله : لا دخيلك خلني اسير
راشد : حليلها امايه تبا تشرد عن ريمووه
طلعت ام عبد الله عنهم
ريم : انزين اقولكم أي ساعه البس
حمدان : البسي لج ساعه عمليه هب ساعه شكبرها وحاله
ريم : رشوود أي وحده
راشد : البسي الاقنر اللي شرات مالي
ريم : أي وحده
راشد : اللي ماخذنهن عبد الله اللي رجاليه ونسائية ارباعه
ريم : هيه ذكرتهن .. صح هاي اوووكي
حمدان : شوو الحين خلصتي ولا بعدج
ريم : اااا تقريبا بس لين يخلصون يكوون لي اثيابي
حمدان : اسميها سالفه بعدنا لازم انسير البيت اغراضي هناك وخلاف بنسير بوظبي
راشد : بوظبي لييش
حمدان : تراني حاجز على مطاار بوظبي
راشد : ما عندك سالفه جان حجزت عالعين
حمدان : ما شي حجز
ويرن تيلفون راشد وهو ظهر في الصاله عشان يرمس بالتيلفون
ريم طلعت بوكس كله نظارات ويالسه ادور الها نظارات اوكي
حمدان : اوووه نظارتي
ريم : شوووو
حمدان ( طلع نظاره من البكس ) هذي نظارتي
ريم : لا
حمدان : هيه
ريم : نظارتك شو بييبها عندي
حمدان : هاي مب النظاره اللي ما خذتنها من عند حميد
ريم : هيه
حمدان : هاي نظارتي انا عاطنه اياااها وانتي خذتيها عنه
ريم : شدرااك
حمدان : هو قالي انج خذتيها عنه
ريم : آآآآآآآآآآآآآآ .... يالفضيحه حسيت عمري حراميه انزين خلاص خذها
حمدان : لا حشى من صوبج تفدا هالعيون الحلوه
ريم :حمدان
حمدان : ههه فديت اللي يستحون انا
ريم يلست اتكمل اتحد اغراضها وحمدان يالس عدالها ويطالعها
ريم : حمدان
حمدان : عيونه
ريم : لا تطالعني ما اعرف اسوي شي وحد يطالعني
حمدان : غصبا عني ولا حد يشوف هالويه وما يطالعه
ريم : اييه عااد
رد راشد ودخل عليهم
راشد : الساعه كم طيارتكم
حمدان : 11
راشد : حي ... منو بيودييكم المطار
حمدان : ارواحنا وبخلي الموتر في المطار
راشد : شله انا ما عندي شغله بودييكم
حمدان : لا ما نبى انعبل علييك
راشد : لا عباله ولا شي اصلا انا روحي ضايج وابا اسير مكان
حمدان : اوكي خلاص عيل
وخلاف راشد وحمدان نزلو الصاله يكملون سوالفهم وريم يلست اتحد اغراضها وعالساعه 6 ونص خلصت ريم
راشد : اووه واخيرا
ريم : اصلا انتو تحمدوون ربكم اني خلصت في هالوقت والا انا اسبوع وما يسدني
حمدان : انزين يلا عيل نسير
ام عبد الله : وين ما يلستو
حمدان : بسير عند هلي شوي
راشد : متى تبانا انسير
حمدان : ما اعرف تسع ونص زيين
راشد : خلاص عيل الساعه تسع ونص بييكم
حمدان : اوكي .. يلا عيل نسلم عليج عمتي ( وسلم على ام عبد الله ) سلمي على عمي وعبد الله
ام عبد الله : سلام يبلغ بخير
ريم : يلا امايه مع السلامه
ام عبد الله : الله يحفظكم ... عاد ما وصييك يا حمدان على بنيتي
حمدان : لا اتوصيين حرييص ريم فعيوني
وسارو عنهم

[آڷصّغيرۉنہْ ™]

وفي الموتر
حمدان : ناخذ النا لفه قبل لا انسير
ريم : عراحتك
وتم يحوطون في الشوارع شوي وخطف حمدان الشيشه يصب بترول
حمدان : تبين شي
ريم : لا
حمدان : ما تبين شي باارد
ريم : اوكي هات لي ايس كريم
حمدان :شو بعد
ريم : بس ما ابا شي
نزل حمدان الشيشه وكان وقتها منصور في الشيشه واتلاقا وياحمدان وسلم عليه بس من ورا خاطره .. حمدان يتشرا ومنصور ميت من القهر وهو ايشوفه يحط من كل شي ثنيه لانه يعرف ان له ولريم .. وكلهم ظهرو نفس الوقت .. وحمدان ركب الموتر
ريم : جان رقدت بعد داخل
حمدان : ههههه.. يعني هالكثر اتحيرت علييج
منصور يوم شاف حمدان وهو يضحك مات من القهر وحرك موتره بسرعه
حمدان : ريم حياتي بطليلي الريد بول
ريم : وانت شرات رشوود ويا هالريد بول يقولولكم مب زيين
حمدان : عاد زين ولا غيره الحين خلاص اتعودنا عليه وبعدين خليه ينشطني شوي ورانا سهره اليوم
ريم : اوكي يود
حمدان : مشكوره يا بنت سعيد
حمدان : شرايج انسير مبزره شوي
ريم : اوكي
وسارو صوب مبزره وتمو يتحوطون
ريم : اقول حمدان خلنا ننزل
حمدان : ااا اوكي
وقفو الموتر ونزلو يتمشون وبالصدفه ان منصور بعد كان ياي مبزره وشافهم بس هم ما يشوفونه
منصور : ااااخ يا ربي ليش يستوييبي جييه انا شارد عشان انساها وهي تطلع لي في كل مكان
حمدان وريم كانو يتمشون وريم يالسه تاكل الايس كريم مالها وهو يسولفون ويضحكون ومستانسين
ريم : حمداني بطل حلجك ( ويايه بتعطييه ايس كريم ) لا هاي فيها مكسرات انا باكلها
حمدان : ويا ويهج
ريم : ههههه
حمدان : هاتي الايس كريم
ريم : ما بعطييك مالي
حمدان : جب انا شارنه بفلوسي
ريم شردت عنه وجان يروقها ويوم زخها طاح الايس كريم عالارض
ريم :حراااام ايس كريمي
حمدان : من نحاسج طااح
ريم : ( وترفع راسها ) احسن
حمدان : ( حط ايده على خشمها وحاس الها راسها ) ويا هالخشم
ريم : ودك انته بخشمي ( وقبضة خشمها ) طويل اطول من خشمك
حمدان وريم : هههههههههه
منصور : اااااخ ااااااااخ انتو تضحكون وكل ضحكه تضحكونها سجين تنقرس في قلبي
وحرك سيارته وخطف عدالهم طاير
ريم سيده اتغشت
حمدان : هذا منصور
ريم : بلاه طاير جذييه
حمدان : اشدراي ... الا غريبه اتغشيتي
ريم : شوو ما تباني اتغشا
حمدان : لا اكييد اباج تتغشين بس احييدج قبل العرس ما كنتي تتغشين
ريم : بس انا الحين معرسه .. وبعدين انا تراني كنت حالات يوم اتغشى وعشره لا
حمدان : تراني احييدج .. وعلى حظي ذاك اليوم ما كنتي متغشيه وخليتيني اتخبل علييج
ريم : ههههههه
وتمو يتمشون شوي وخلاف سارو بيتهم
عنود : اااا هلا والله بالمعاريس ( وسلمت عليهم ) شحالكم
حمدان : بخير وسهاله انتو شحالكم
عنود : الحمد لله بخير .. عهووووود عهوووود تعالي حمدان يا
عهود من سمعت حمدان يت بسرعه
عهود : حمدان ( ولوت عليه )
حمدان : هلا والله بالغاليه شحالج
عهود : بخير دام اني اشوفك
ريم واقفه وتطالع حمدان وخواته وكيف هن متعلقات فيه وهو وايد يحبهن .. ويت عهود وسلمت عليها
حمدان : عيل ابويه وامايه وين
عنود : سارو بيت عمي
حمدان : ليش
عنود :بس جييه
حمدان : هيه زين
عنود : جييه انتو بتمون واقفين تعالو يلسو
حمدان : عنود رتبتيلي الشنطه
عنود : هيه
حمدان : مشكوره الغاليه
عنود : ما سويت شي وجان عالشنطه تراني متعوده
وشوي ويو بو حمدان وام حمدان ويلسو يسولفون وياهم
ريم كانت مستحيه منهم واايد واتحس عمرها غريبه امبينهم
عنود : ريم بلاج ساكته
ريم : ماشي
حمدان ( ويرمس ريم بصوت واطي ) تبينا انسير فوق
ريم : ما اعرف كيفك
حمدان : يلا عيل نحن انترخص بنسير فوق نريح شوي لين خلاف
بو حمدان : مرخوصين ابويه
سارو حمدان وريم فوق واول ما ادخلو قسمهم ريم عيبها الديكور
ريم : انت اللي معدل الحجره
حمدان : لا العمال
ريم : تتسيخف .. انا قصدي يعني ذوقك
حمدان : ادري بس روحي استهبل .. هيه انا ..عيبج الحجره
ريم : هيه حلوه
حمدان : ااا ادري ما عيبنج الالوان انا سالت راشد عن لون حجرتج كنت ابا اسوي لج شراتها ويوم قالي وردي قلت ما يستوي اسوي وردي
ريم : لا والله عيبني
حمدان : صدق
ريم : هيه
هو حاط ورق جدران بيج وسايد واحد بني والستاير والاكسسوارات تركواز
حمدان : هيه ترا خواتي رتبن اغراضج في الكبت
ريم : ليش عبلن على عمارهم جان خلنهن انا برتب هن
حمدان : اسمحيلي عاد الحين ابا اجيك على شنطتي حطتلي كل الاغراض ولا لا
يلس حمدان يجيك على اغراضه
ريم : بتحدر تسبح الحين والا انا احدر
حمدان : لا انتي احدري انا ابا اريح شوي
حمدان طاح عالشبريه وريم حدرت تسبح .. ويوم طلعت حمدان كان راقد وقفت جدام المنظره ويالسه اتسحي شعرها .. وشوي ويا حمدان من وراها ولوى عليها و باسها على خدها
حمدان : نعيما حياتي
ريم : الله ينعم عليك .. روعتني انا اتحريتك رقدت
حمدان : غفلت ما رقدت
ريم : يلا عيل احدر اسبح وخلنا ننزل فضيحه تاميين فوق ونحن بنسافر عنهم
حمدان : على هالخشم .. انزين تعالي ما اعرف شوو البس تعالي طلعيلي شي عذوقج
ريم : اوكي
سارت ريم ويالسه تطالع ثياب حمدان اللي في الكبت
ريم : شرايك بهالبدي حلو
حمدان : شوو البس ويا بنطلون جنز ولا عادي
ريم : عندك بنطلون بيج
حمدان :امممم .. هيه
ريم : عيل البسه وياه بيطلع حلو
حمدان : اوكي
حدر حمدان يسبح ويوم ظهر كانت ريم جاهزه ويوم شافها اتخبل عليها لان لبسها والميك الاب اللي حاطتنه طالع واايد حلو عليها
حمدان : وش ذا الذي عيني تشوفه نور البدر او مطلع الشمس
ريم ( استحت ) : عن هالسوالف انت ويلا خلص
حمدان : شوو اتراني جاهز يعني شوو تبيني اسوي زوود
ريم : انزين سح شعرك والبس جوتييك
حمدان : ما اروم
ريم : لا والله شو ما تروم هذي بعد
حمدان : انتي سحيلي شعري
ريم : اوكي تعال انزين ( وسحت له شعره ودخلت المشط في السده )
حمدان : وين المشط
ريم : شتباه بعد تراني سحيت لك شعرك
حمدان : هاتي بعدني ما عدلت لحيتي وحيايي
ريم : يي اسميكم سالفه الحين اللحيه شو ينعدل فيها
حمدان : لا لازم لزووم الكشخه
ريم : وانت يعني لازم هالكثر تتعدل
حمدان : عيل شقايل شو تبين الناس يقولون عني
ريم : الناس ها
حمدان : اووه الحلوين شكلهم يغاروون
ريم : لا ما اغار
حمدان [فقط الأعضاء المسجلين والمفعلين يمكنهم رؤية الوصلات] حمدان اجدم وحبها عراسها ) حد عنده هالقمر ويهمونه الباقيين
ريم ( استحت ) : اقول شرايك ننزل وااايد احسن
ونزلو تحت
عنود : اوووه ما شا الله على اخويه شو هالكشخه كلها
بو حمدان : ما تعيبوني يوم اتنكرون بعماركم بهاللبس
حمدان : ابويه ترانا بنسافر .. تبانا نلبس عند الاستراليين كندوره وسفره
بو حمدان : هيه جييه بلاها الكندوره والسفره تظهرك واحد سنافي مب هاللبس اتم لي شرات الطليلي
ريم : ههههههه
حمدان : عيبج
ريم : ذكرني بابويه فديته شرات الحاله ويا راشد
وتمو يسولفون
وعالساعه 9.5يا راشد عشان يودييهم المطار وسارو صوب بوظبي
في الدرب راشد مرتبش
حمدان : دخيلك روحه راسي يعوني بند المسجل والا قصر
راشد : جييه بلاه راسك .. ريمووه شوو سويتي بالريال
ريم : بلاك اصلا انا ما ادري ان راسه يعوره
راشد : راسه يعوره من حشرج
حمدان : بلاك عحرمتي حليلها ما سوت شي بس انا راسي يعوني من قلت الرقاد
راشد : يلا الحين في الطياره وط راسك وارقد
حمدان : شكلي جييه
ريم : لا والله وانا شو تباني اسوي ادق عوود
راشد : حتى انتي ارقدي
حمدان : هيه انتي من البارحه ما رقتي
ريم : لا ما اداني ارقد في الطياره
راشد : ولا بتدرين بعمرج
ريم : لا ما برقد
راشد : عيل شوو بتسوين الدرب طويل وبتنزلون ماليزيا ترانزيت
وشوي ووصلهم راشد المطار ورد العين وهو راد كان يسمع اغنيه راشد الماجد يا حبي افهم واتذكر شما واتصل ابها
شما : هلا
راشد من سمع صوتها حط التيلفون صوب المسجل عشان تسمع الاغنيه
يا حبي افهم انك بخافقي شي وان العيون اللي تحبك سهارى
يا ضي عين اللي يحبك ويا ضي كل الدروب اللي بعيني حيارى
انت الذي ما يشبهك في الملا حي ما الوم من سماك سيد العذارى
يا بو عيون كلما ناضرت في اتوه وسط الناعسات السكارى
راشد : فهمتي
شما : هيه
راشد : اكييييد
شما : هيه
راشد : يعني خلاص تصافينا
شما : عهواك اذا تبانا انتصافا بانتصافا
راشد : يعني ما تعرفيين ردي
شما : وانت ما تعرف ردي
راشد : سؤال انتي شو مسوتبي
شما : ليش يعني
راشد : ما ارووم ازعل عليج ولو ابا قلبي ما يطاوعني
شما : قلبك ظهر احن منك عليه
راشد : لا والله
شما : هيه والله
راشد ( ويتنهد ) ااااااااااه
شما : سلامتك من الااااه
راشد : وانت سالمه
شما : شو رديت من بوظبي
راشد : ؟؟؟ وانتي شدراج اني ساير بوظبي
شما : اا قلبي قالي
راشد : فديت قلبج انا .. بس لا جد جد شدراج
شما : ريم قالتلي
راشد : حشى يهالبنت ما تروم ما ترمسج .. حتى وهي عروس
شما : عنبوه بتحسدنا على ربعتنا بعد
راشد : حشى مب ربعه هاااي
شما : حليلها هي اصلا متصله اتسلم عليه قبل لا تسافر
راشد : اهاااا ... اصلا ما عندها سالفه
شما : شووو
راشد : ليكون انتي بعد بتيلسيلي يوم بنعرس الا اترمسينها واترمسين ربيعاتج
شما : هيه عيل شوو
راشد : اتخسيين جان ما تبيني اشل تيلفونج واكسره ان شفتج ترمسين به جدامي
شما : خيبه خيبه مايسوى عليك
راشد : لا يسوى انا ما ابا حد يسمع صوتج غيري
شما : ياله ياله هالرمسه الا الحين اخاف خلاف اتعافني
راشد : انا اعافج انا اعاف الدنيا ولا اعافج

[آڷصّغيرۉنہْ ™]

شما : صدق
راشد : هيه صدق
شما : تعال انت صدق بتسافر ورا باجر
راشد : هيه
شما( اخترب مودها )
راشد : بلاج صخيتي
شما : لا ماشي
راشد : ما تبيني اسافر
شما : اا لا مب جييه
راشد : عيل
شما : اذا سافرت بتكون بعيد عني يعني هنيه اقدر ارمسك في أي وقت ومراات اقدر اشوفك
راشد : صح اني بكون بعيد بس قلبي عندج وحتى لو هناك كل ما تبين اترمسيني اتصلي ليل نهار عادي
شما : اخافك اتنازعني
راشد : ليش انازعج ؟؟
شما : لان انت ما تداني حد يوعييك من الرقاد
راشد : ههههههههه .. غربل الله ريمووه هي قالت لج
شما : هيه
راشد : هذا عالباقين بس انتي عسل عليه لو وعيتيني اصلا انا من قدي اذا انش عصوتج
شما ( استحت ) شاعر ما اقدر ارد عليك
راشد : تقدرين
شما : كيف
راشد : قوليلي احبك ترا هالكلمه تسوى الشعر وبحوره عندي
شما : عيل احبك ( وبندت التيلفون )
راشد : يا ربيييييي هالانسانه بتذبحني ناويه عليه انا متاكد ياله فديت هالصوت وهالمنطق ااااااااااااااااااخ احبها
ورد البيت وكانو هزاع وهند هناك
راشد : تعالو انتو وين اختفيتو انا اتحريتكم رديتو بوظبي
هزاع : لا نحن سرنا قضينا شغله وردينا
راشد : يو ريم وحمدان وكانو يبون يسلمون عليكم
هند : هيه اتصلت بي ريم من المطار
هزاع : يحليلها ريموه بعدني مب مصدق انها عرست
هند : هااي سنة الحياه
راشد : والله الها فيه في البيت
هزاع : مشكله عاد ريمووه دلوعة العايله لو انها خبيل وهبيله بس مكانها غير
هند : هيه والله
راشد : عقبالي انشا الله جييه يوم عرسي تيلسون تتذكروني وتتمدوحني وتفتقدوني في البيت
هزاع : ما عندنا سالفه اذا ذكرناك
راشد : ويا ويهك
هزاع : بعدين تعال البنت غير تراها تظهر من البيت انت تراك الا بتم محلك
راشد : شدراك يمكن ابني لي بيت جييه واسكن روحي
هزاع : قصورك توك معرس تربع تسكن في بيت روحك عنبوه هذو عبد الله سوا عيال وبعده مب هاين عليه يظهر من البيت
راشد : لا يعني جييه يوم بييني ولد واحد ببني لي بيت
هزاع : عهالطاري باركلي بستوي ابوو
راشد : في ذمك
هزاع : هيه هند حامل
راشد : والله .. مبروكيين
هزاع : الله يبارك في حياتك .. عقبالك
راشد : اااااميييين يا ربيي .... شوفي اذا ولد اتسمونه راشد
هزاع : هيه نحن مقصرين من راشد ثاني نحن واحد وملوع بجبدنا هالدور ثنينه
راشد : ودك انت يوم بتسمي ولدك عليه بييك ولد سنافي
هزاع : شراااتك مابا
راشد : سر لا ما يستوي انا اسمي ولدي راشد
هند : اتخيل انت بس
راشد : عادي انا راشد بن سعيد وهو راشد بن راشد
هزاع : يديده هاااي بعدين تعال ترا انت واايد عاشق اسمك يعني
راشد : ما تسوااه انت اسمي يوم يقولون اقبل راشد اتحس بهييبه مب اقبل هزاع
هزاع : جب انت جب
راشد : لا تدرون لازم اتسمون اسم يبدا بحرف الهاء لان انت هزاع وهي هند
هزاع : ااا شي اسم يبدا بحرف الهاء
هند :تدرون انكم متعبليين الحين اتريو لين انعرف بنت ولا ولد
هزاع : ولد باذن الله
راشد : حصلت اسم بحرف الهاء
هزاع : شوو
راشد : هناد
هزاع : هناد جييه عايشين في الخمسينات
راشد : ول لا الحين الكل جييه يسمون اسامي غريبه
هزاع : ما عليه انت يوم بتييب عيال سمهم عراحتك
راشد : اوكي خلاص عيل ..الحين عاد اسمحولي انا تعبان بسير ارقد .. تصبحون عخير
هزاع وهند : وانت من هله
سار راشد حجرته ورقد

اليوم الثاني
هزاع وهند ردو بوظبي و راشد نش وسار المكتب وشوي وياه سالم المنصوري ورد له موتره .. والظهر رد البيت
بو عبد الله : ها ابويه زهبت اغراضك حق السفر
راشد : لا
بو عبد الله : شو اتريا ما شي وقت
راشد : الحين عقب الغدا ما عندي شغله بيلس ارتبهن .. هيه امايه طرشتو ثيابي ليداد الدوبي
ام عبد الله : هيه
راشد : زين .. الا متى بيخلصهن
ام عبد الله : ما ادري بس انا من كمن يوم مطرشتنهن لازم يخلصهن الحين
راشد : زين عيل بسوي حق كريمووه يسير اييبهن
( واتصل بكريم الدريول عشان يسير اييب له ثيابه وعقب الغدا سار حجرته وتم يطلع الاغراض اللي يباهن وجوهره اترتب له ايااهن
جوهره : راشييد انت شيل زياده بنطلون
راشد : الله يغربلج .. كم مره قتلج اسمي راشد مب راشييد عنبوه من 10 سنين عندنا وبعدج ما تقوليين اسمي عدل .. انزين كم بنطلون استون الحين
جوهره : 15
راشد : ما يكفن
جوهره : انت كم يوم سير
راشد : 15
جوهره : كلاس زين كفي
راشد : لا ما يكفن
جوهره : انت ما في سوي غسيل مناك
راشد : لا منو بيغسلي هناك جوهره محد جفتي عاد
جوهره : هرااام
راشد : والله صدقت الدور بعد
وتدخل عليهم فطيم حرمة عبد الله
فطيم : ها راشد ما تبالك مساعده
راشد : لا جوهره ما تقصر يطولي بعمرها انا بدونها اضييع
فطيم : ههههههه .. جان تباني اسوي لك شي تراني حاظره
راشد : لا مشكوره .. بس اذا بتسيرين اترتبين شنطة ابويه عن امايه
فطيم : رتبتها وخلصت
راشد : متى
فطيم : توه
راشد : وحالكم
فطيم : يعني الله يهديك شنطت عمي شو يبالها بييلس يحط البناطلين والبديات ترا كلهن كنادير وغتر
راشد : هيه والله مب نحن اللي معثريين عمارنا
فطيم : يلا عيل برايك جان ما تبا شي بسير اشوف عيالي
راشد : تعالي هذيل عيالج انا ما اشوفهم واايد
فطيم : اسكت عبد الله هازبنهم ومب مخلنهم ينزلون تراهم من ينزلون تلقاهم يلعبون خاري في هالحر خلهم مجابليين العابهم واايد اخير
راشد : الله يعينهم عليكم
وظهرت عنه فطيم
جوهره : وين جاكييت انت ما في حطي
راشد : اوووه ذكرتيني الجاكيتات تحت ... شوفي انت حطي هالاغراض في الشنطه وانا بسير اييب لي جاكيتات وبيي
جوهره : زين
نزل راشد في الحجره اللي تحت لان نص اغراضه هو يحطهن فيها لان الكبتات في حجرته مترسه وفج الكبت ويالس يدور له جاكيتات .. ورن تيلفونه وكانت شما اللي متصله
راشد( رد عليها وحط تيلفونه عند اذنه وتم مثبتنه بجتفه ويالس يطالع الجاكيتات ) الووو
شما : هلا ..
راشد : اهلين
شما : بلاك
راشد : عيزااان
شما : شوو معيزنك
راشد : يالس ارتب ثيابي حق السفر
شما : هيه انا توني مخلصه ارتب شنطة منصور
راشد : ييه يييه انتي اترتبين شنطة منصور وانا ريلج مخلتني على تجلا عمري وجوهره
شما : يعني شوو الراي تباني ايي ارتب لك اغراضك
راشد : هيه
شما : اتخيل
راشد : لا الغاليه فديتج ما ابا اعبل عليج
شما : وحليلها جوهره اترتب لك اغراضك
راشد : هيه
شما : واتعرف
راشد : انا من كمن سنه وهي اترتب لي اغراضي يت عهالمره .. اصلا هي شو اتسوي انا افر الها الثياب وهي اتكويهن وتربعهن واتحطهن في الشنطه
شما : حليلها ريمووه لو هي هنيه جان رتبت لك اغراضك
راشد : هيه ما يحتااي
شما : ليش
راشد : اصلا ريمووه مالها حايه في شي اصلا نحن ما نبا منها شي هي خلها اتخلص عمرها ونحن بنرتاااح
شما : ههههههه
راشد : فديت هالضحكه انا
شما :شو اتسوي اسمع قرقعه
راشد : صاعد فوق حجرتي
شما : هيه زين
راشد : جوهره يودي هذيل حطيهن
جوهره : راشييييد ما في مكان
راشد : غربل هالبشكاره اللي ما ادري متى بتقول اسمي زين
شما : جييه شو اتسمييك
راشد : راشيييد جني بنغالي
شما : ههههههه
راشد : ايييه شوي شوي
شما : شو السالفه

[آڷصّغيرۉنہْ ™]

راشد : هاي العله يوم اتحط الجواتي تدعسهن بيجسفن خلاف
شما : ياهي حاله
راشد : وشو اتسويين الحين
شما : ماشي اتريا ناصر ايي عشان ارتب له اغراضه
راشد : وهذييل اخوانج ما يعرفوون يبرضون على عمارهم لازم يتعبونج يعني
شما : واااايد اهمك
راشد : يعني ما تدرين
شما : لا ما ادري
جوهره : شو هدا انت وااجد سوي قرقر تعال سوي ترتييب ويا انا
شما : هاي بلاها
راشد : اونه لا ترمس تعال افزعني
شما : هيه صح صدقها انا عطلتك خلص شغلك ابرك
راشد : ياله فدييتج جان التعطيل بيخليني اسمع صوتج عطليني طول اليوم
شما : ( استحت) ما اتخلي سوالفك .. يلا برايك
راشد : الله يحفظج
وبند عنها ويلس يكمل يحط اغراضه

اليوم الثاني
الساعه 7 المغرب
وفي بيت بو عبد الله
راشد نازل من حجرته
بو عبد الله : ها ابويه جاهز
راشد : هيه ... الا وين اغراضنا
بو عبد الله : في الموتر
راشد : انزين ابويه انا بسير اييب ناصر ومنصور
بو عبد الله : بنسير ارباعه
راشد : شله هم لين ييلسون يحطون اغراضهم وحالتهم لله بتم تترياهم انت تم هنيه وبييك خلاف
بو عبد الله : زين
راشد : سلم على امه وعلى عبد الله ( وسار صوب بيت بو حمد .. واول ما وصل تم يدق هرانه )
منصور : هذووه رشوود يا
ناصر ( زقر البشاكيير عشان يحطن شنطهم في السياره )
بو حمد : جييه راشد ما بيحدر
منصور : ما اضني
بو حمد : جييه خله ايي بنسلم علييه وخله يسلم على حرمته قبل ما يسيير
شما ما اتوقعت من ابوها هالحركه
ظهر منصور حق راشد
راشد : لا والله زين يوم ظهرت لاطعيني هنيه جني دريولكم ويا هالويوه
منصور :تدري انا كنت يايبلك خبر حلو بس الحين شكلي بتعايز
راشد : شووو ؟؟
منصور : ابويه يقولك احدر بيسلم عليك ويقولك سلم على حرمتك قبل لا اتسير
راشد : في ذمتك
منصور : والله
نزل راشد من الموتر
راشد : ااا ابا كاب
منصور : ماشي شمس في بيتنا
راشد : ياربي يالسخافه .. ابا الحف الكشه فضيحه احدر داخل جذييه
منصور : ياله بالستر .. تعال ابوي تعال
حدر راشد الصاله ويا منصور
راشد : السلام عليكم
الكل : وعليكم السلام
راشد ( سار وايه عمه وعمته ) وشحالكم
بو حمد : يسرك الحال
شما كانت واقفه بعيد عنهم .. راشد صد صوبها ورفع الها ايده بعنى انه يسلم عليها
راشد : السلام عليج
شما : وعليك السلام
بو حمد : وين ابوك عيل
راشد : ابويه في البيت
بو حمد : يا حيه بيخاويكم ... الا انا بتم
راشد : شله ما اتي ويانا
بو حمد : وين ايي ومنو بيتم وياهن هذيل ( ويقصد ام حمد وشما )
راشد ( فخاطره ) بنشلهن ويانا
راشد : عيل حمد وين
بو حمد : حمد اتحييده ما ييلس من بوظبي لدبي ويا اشغاله
راشد : هيه يحيه والله ( وصد صوب منصور ) ها انسير
منصور : اتوكلنا على الله
راشد : يلا عيل انسلم عليكم ( وسلمو عليهم ويايين بيظهرون )
شما كانت واقفه عند الباب اتوايه اخوانها وظهرو هم جدام راشد .. وهم في بيتهم الصاله راده عن الباب
راشد : وانا ما لي نصيب
شما ( اجدمت ووايهته )
راشد : تامريني بشي الغاليه
شما : الله يحفظك
وروحو وخطفو على بو عبد الله وشلوه وسارو صوب المطار وكانو شالين وياهم كريم الدريول عشان يرد الموتر
وشما هذاك اليوم ما ياها رقاد وكل شوي تتصل براشد اتشوفهم وصلو ولا لا
شما : اووووف بعده مسكر متى بيوصلون
وعالساعه 4 الفير اتصلت به ورد عليها
شما : الحمد لله عالسلامه
راشد : الله يسلمج
شما : متى وصلتو
راشد : تونا اصلا توني فاتح التيلفون ورن شوو شكلج ما رقدتي
شما : ما ياني ارقاد
راشد : هالكثر فراقي مؤثر
شما :.............
راشد : غناتي اسولف وياج
شما : يلا برايك الحين خلصو اموركم
راشد : اوكي في داعت الله
شما: الله يحفظك
وبندت عنه وكان ما شي باجي عن الاذان اتريت الاذان وصلت الفير وخلاف ارقدت

وعقب اسبوعيين
في بيت بو حمدان ... الساعه 8 فليل
ريم وحمدان راديين من السفر
بو حمدان : تستاهلون السلامه
حمدان : الله يسلمك يا بويه
عنود : عسا استانستو
ريم : الحمد لله
ويلسو شوي وياهم وخلاف سارو حجرتهم يرتاحون شوي
حمدان ( طايح عالشبريه ) ااااااااااخ
ريم : بلاك
حمدان : تعبان
ريم : شو متعبنك يلا احدر اسبح وخلنا انسير بيتنا
حمدان : ليش اليوم خليها باجر انا تعبان
ريم : لا ابووي ما شي انا الحين بسير
حمدان : شو يودينا الحين فليل الصباح رباح
ريم : بعده المغرب
حمدان : عاد انا ما اروم اسير
ريم : برايك بسوي حق دريولنا ايي يشلني
حمدان ( حرج ) عاد انا قلت ما شي سيره اليوم يعني ما شي سيره
ريم : لا والله
حمدان : هيه والله
ريم : مب عكيفك انا بسير
حمدان : انتي سيري وشوفي شو بيستوي
ريم : شو بتسوي يعني
حمدان : جربي وشوفي ( وحدر الحمام يسبح ويوم ظهر )
ريم كانت يالسه عالشبريه وصاده عنه الصوب الثاني
حمدان ( وقف جداام المنظره ويالس يسحي شعره )
عنود ( ادق الباب )
حمدان : منوو
عنود : حمدان امايه مسوتلكم عشا انزلو اتعشو
حمدان : انزين الحين نازليين
عنود : اوكي ( وروحت )
حمدان :قومي بننزل
ريم : ................
حمدان : شو ما تسمعين
ريم : ما ابا
حمدان : جييه ما تبين الحين امايه معبله على عمرها ومسوتلنا العشا وما تبينا انسير نتعشا ..
ريم : امك ما تبى اتزعلها .. وانا امايه حتى السلام ما تباني اسير اسلم عليها
حمدان : والله انا قتلج باجر بودييج وبعدين اذا ما تبين اتعشين برايج ( وظهر وهو محرج وسكر الباب بقو ونزل يتعشى )
ام حمدان : ابويه عيل وين حرمتك
حمدان : ااا اتقول ما تبى عشا
ام حمدان : جييه بلاها شي يعورها
حمدان : لا بس مصدعه من عقب الدرب وتبا اتريح شوي
وشوي ويسمعون هرن عند الباب
بو حمدان : منو ياي الحين
ريم : عمي هذا دريولنا انا بسير اسلم على امايه

[آڷصّغيرۉنہْ ™]

الـــــــــبآآرت الثاني والعشرين

اتريا تقييماتكم هالمره

ام حمدان : ابويه عيل وين حرمتك
حمدان : ااا اتقول ما تبى عشا
ام حمدان : جييه بلاها شي يعورها
حمدان : لا بس مصدعه من عقب الدرب وتبا اتريح شوي
وشوي ويسمعون هرن عند الباب
بو حمدان : منو ياي الحين
ريم : عمي هذا دريولنا انا بسير اسلم على امايه
حمدان منصدم من حركة ريم ما اتوقع انها بتكسر كلامه وبتسير
بو حمدان : حمدان جييه ما تودي حرمتك عيل
ريم : حمدان تعبان ما يروم يسير وهو قالي اتصلي حق الدريول ايي يودييج
بو حمدان : زين الله يحفظج
وظهرت ريم وسارت بيتهم
حمدان لين الحين مب مصدق اللي سوته ريم
ام حمدان : حمدان ابويه جييه ما تاكل
حمدان : بس الحمد لله شبعت

وفي بيت بو عبد الله
ام عبد الله : شحالج الغاليه
ريم : بخير وسهاله انتي شحالج
ام عبد الله : الحمد لله
ريم : شووو محد عندج
ام عبد الله : لا فطيم موجوده بس سارت اترقد عيالها
ريم : هيه .. الا ابويه وراشد متى بيون
ام عبد الله : باجر باذن الله
ريم : باجر .. زين متولهه على ابويه
وشوي وتنزل فطيم من فوق
فطيم : ريم ... الحمد لله علة السلامه
ريم : الله يسلمج ( ونشت اتسلم عليها )
فطيم : متى ييتو
ريم : العصر واصله طيارتنا
ام عبد الله : يلا عيل برايكن انا بسير
ريم : امايه وين
ام عبد الله : عذيجه يارتنا مسويه عزيمه بنتها مربي وبسير الها
ريم : ماشا الله جواهر ربت .. شو يابت
ام عبد الله : يابت بنت
ريم : بركه شو سموها
ام عبد الله : اماني
وسارت ام عبد الله العزيمه
فطيم : ها ريم واخبارج بعد
ريم : ما عندي اخبار
فطيم : وشحال حمدان
ريم : .............
فطيم : بلاج سكتي
شوي وريم تمت اتصييح
فطيم : ريم بلاج .. حمدان بلاه شي
ريم تمت اتهز راسها بمعنى لا
فطيم : عيل شو
ريم : اتضاربت وياه
فطيم : شوو .. ما وحالكم
ريم يلست اتخبر فطيم بالسالفه
فطيم : ريم ترا انتي بعد غلطتي يوم قالج لا جان سمعتي رمسته
ريم : لا والله يعني لو قايلتله بسير مكان ما ادري شوو بيسوي انا الا قتله بنسير نسلم على امايه شوي وبنرد .. ويقولي تعبان وما اروم
فطيم : انزين يمكن هو صدق تعبان وما يروم
ريم : جييه انا وين بودييه السلع ترا الفرق بين بيتنا وبيتهم 5 دقايق ويمكن اقل
فطيم : والحين شوو
ريم : ما اعرف
فطيم : بترديين
ريم : لا طبعا اذا يباني ايي يشلني روحه
فطيم : واذا ما يا
ريم : والله برايه بيت ابويه يشلني
فطيم : ريم شو هالرمسه بعد
ريم : عيل شو تبيني اسوي
فطيم : ردي البيت
ريم : مستحييل
فطيم : انزين اتصلي به وخلييه ايي يشلج
ريم : ما ابا
فطيم : ريم لا اتميين اتعانديين
ريم : لا والله عيل شو تبيني اذل عمري له
فطيم : يا ربيي من هالعايله وانتو كلكم جييه الا اتحروون الكل يبا يذلكم
ريم : آآآسفه لا تحاولين ويايه اذا يبا ايي روحه
فطيم : وامج تدري
ريم : لا طبعا ولا تقوليلها
فطيم : اااخ منج انتي
وشوي ويرن تيلفون ريم
فطيم : شوو هو اتصل
ريم : لا هاي عنود اخته
فطيم : انزين ردي عليها شوفي بلاها
ريم : ردت عليها ) هلا عنود
عنود : اهلين .. انتي وين
ريم : عند امايه
عنود : ريم شي مستوي بينج وبين حمدان
ريم : ااا ليش هو قالج شي
عنود : لا

[آڷصّغيرۉنہْ ™]

وفي بيت بو عبد الله
بو عبد الله وراشد توهم وااصلين
ريم : باباتي ( وتربع وتلوي عليه )
بو عبد الله : فديت بنيتي انا
وخلاف سارت اتسلم على راشد
راشد : وشحالكم
ام عبد الله : بخير دام انا انشوفكم
بو عبد الله : هند ما يت
ام عبد الله : لا بااجر بيوون
راشد : فطيم وين شوق وحميد
فطيم : رقوود
راشد : شله مرقدتنهم من الحين
فطيم : شوو اسوي بعبد الله ما يبا يرد البيت ويلقاهم واعيين
راشد : حشى الله يعينهم هالثنينه عليكم
بو عبد الله : الا عبد الله وين
فطيم : توني ارمسه يااي
بو عبد الله : زين انا بسير اسبح وبييكم
راشد : هييه وانا بعد
سار راشد حجرته واتصل بشما
شما : الوو
راشد : مشتاق لي وانا بعد مشتاق لك
شما : الحمد لله عالسلامه
راشد : الله يسلمج .. شحالج الغاليه
شما : بخير يسرك حالي
راشد : اخوانج وصلو
شما : هييه
راشد : ااااااااخ والله كنت اتمنى ان هالسفره اتكون ويااج مب ويا هالعلل اخوانج
شما : حراام عليك بلاك على اخواني
راشد : من اشوفهم انقهر
شما : ليش
راشد : اتذكر اني بعيد عنج
شما ( استحت )
راشد : ودي بشوفك يالغلا لو ثواني
شما : ايييييه عاااد تراني ما اروم على الشعرا
راشد : ولا انتي الشعر يروم علييج ... لو يكتبون الشعرا سنين ما يوصفون حلاج
شما ( ميته من المستحى )
راشد : اااااااااخ متى بيي العيد
شما : ليش ؟؟؟
راشد : لان عقبه عرسنا وخلاص بكون لج وانتي لي
شما : ااا تعال انت وين صخه عدالك
راشد : في حجرتي ياي بسبح وببدل
شما : ااا يلا عيل بخليك انا الحين في داعت الله
راشد : الله يحفظج
راشد رد نزل تحت
حمدان : ها بلاك ردييت
راشد : بسير الحلاق قبل ... ااا امايه سويج موتري ويين
ام عبد الله : ما ادله مب عندي
راشد : جييه وين سار
ام عبد الله : ما ادلك وين حطييته
راشد : ليكون فوق وانا ما دورته زيين
حمدان : تباني اودييك
راشد : لا شله
حمدان : انزين خذ موتري
راشد : اوكي ( وخذ عنه السويج وسار الحلاق ورد البيت وسبح وبدل ونزل تحت )
ريم : نعيما خيي
راشد : الله ينعم علييج ... (وواقف جدام المنظره يطالع عمره ) ياااله صدق ان الكندوره والسفره ما شي اخير عنهن ..
بو عبد الله : توك تدري
راشد : اوووه عاد الحين ابويه بيستلمني
ام عبد الله : ريته سويج موترك
راشد : هيه .. يلا انا اترخص الحين
ام عبد الله : وين ما اتعشيت
راشد : امايه ما اشتهي
حمدان : وين بتسير الحين
راشد : بحوط
حمدان : وانت ما شبعت حوااطه
راشد : لا بووي بسير احووط في شوارع العين ... تامروني بشي
الكل : سلامتك
وظهر عنهم
وقبل سار الشيشه يصب بترول وكان بو حمد في الشيشه .. راشد من شافه نزل يسلم عليه
بو حمد : الحمد لله عالسلامه
راشد : الله يسلمك .. وشحالك يا عمي ؟
بو حمد : يسرك حالي انت شحالك وشحال ابوك
راشد : ما نشكي بااس
بو حمد : وين ما شا الله
راشد : ما شي اتحوط شوي
بو حمد : عيل بتعشا عندنا
راشد : اااا يطولي بعمرك يا عمي بس ما اشتهي عشا
بو حمد : اتردني
راشد : ما اردك وانا راشد بن سعيد
بو حمد : يلا عيل الحقني البيت
راشد : انشا الله
وسارو البيت
راشد تم واقف عند الباب
بو حمد : اقرب ابويه ما عندنا حد غريب وانت ولدنا
دخل بو حمد وشما اول ما شافته اربعت صوبه
شما : ابويه شوف نصوور شو سوابي ( وكانو يظاربون على ريموت التلفزيون وناصر يرها من شعرها وخذ عنها الريموت )
وشوي ويحدر راشد ورا بو حمد ... واول ما شاف شما كان يبا يضحك بس ميود عمره
شما انصدمت يوم شافته واتلومت لانها بلا شيله لا وشعرها مستوي كشه بسبة ناصر ... واربعت وسارت فوق
بو حمد : انت المهروم شو مسوي بختك
راشد ( من وراه يسويله ماعليه )
ناصر : ههههههههههه
بو حمد : شو يضحك
ناصر : لا ماشي
بو حمد : وين اخوك
ناصر : ما ادله
بو حمد : شقا بعد ما ادله
ناصر : منصووووووووووور ...منصووووووووور
منصور ( وهو نازل عالدري ) وسم بلااااك
ناصر : سم يسمك ... ابويه يسال عنك
منصور ( يوم شاف راشد ) وانت بعد شو يايبنك خلنا نريح منك شوي لايعه جبودنا من مقابلك
بو حمد : شوو هالرمسه بعد .. يوم بيي بيتك ارمس هرم وااحد انتو متى بتعلموون اطبااع الرياييل
راشد : اا عمي منصور يسولف وانا متعود عهالسوالف
منصور : هييه صح ابويه انا اسولف
بو حمد : ناصر قول حق امك يزهبون النا العشا
ناصر : انشا الله
وحطولهم العشا وتمو يتعشون ويوم خلصو
راشد يالس يغسل ايده في المغاسل مال ميلس الحريم ... وشما يوم شافته محد في الصاله نزلت تبى اتسير عند امها وهي سايره صوب المطبخ .. راشد كان ظاهر من ميلس الحريم وشافها خاطفه جدامه يا من وراها وغمض على عيونها
راشد : منو انااا
شما ( بطلت ايده عن عينها وصدت صوبه ) انت من وين طلعت
راشد : من هنيه ( واجدم صوبها وباسها على خدها )
شما : ايييه
راشد : بلاج
شما : لو ايي حد من خواني
راشد : وخير انشا الله حرمتي وكيفي
شما : اااااخ منك ( ويايه بتسير عنه وهو وقف جدامها وما خلاها اتسير )
راشد : وين الشيخه
شما : بسير عند امااايه
راشد : ما شي سيره
شما : شووووو؟؟؟؟
راشد : اول شي بوسه
شما : نعم
راشد : عفانا الله جني ما ادري شو طالب ... اصلا البوسه لازم اتي منج لاني يقولون اني راد من السفر اليوم
شما : راشد
راشد : شوو
شما : خلني اسير
راشد : ماشي اول بوسه وعقب كيفج سيري
منصور : راااشد
شما من سمعت صوت منصور شردت ومنصور يا صوب راشد وشاف شما وهي سايره
منصور : شوو اتسوي
راشد : ماشي اتغسل
منصور : متاكد انك تتغسل
راشد : منصور
منصور : انت ما تنخلا بروحك في البيت انا اقول الريال اتحير
راشد : ويا ويهك خطف خطف
وسارو الصاله وتمو يسولفون

[آڷصّغيرۉنہْ ™]

اليوم الثاني
وفي بيت بو حمد الساعه 5 العصر
منصور : نصووور قم سر ويايه ما ابا اسير بروحي
ناصر : ما اروم
منصور : نصور عن الاستهبال
ناصر :قتلك ما اروم
منصور : غربل هالويه
ناصر : ويهك
شما : بلاكم انا خاطري مره اشوفكم ما تضاربون
منصور : اخوج هالكلب اقولج قم بنسير دبي مب طايع لو هو اللي قايللي جان سرت ويااه
ناصر : ياخي البارحه بعدنا راديين من السفر شو يودينا دبي عنبوه هذا هب ضييج اللي صايبنك
منصور : انتي ريلج ويين
شما : ما ادله
منصور : جييه ما ادلينه
شما : ما رمسته اليوم
منصور : ها علينا رشوود ما يرمسج ما اضني
ناصر : قبل قولي بتقصيين علينا .. الا عقب ما شفنااه في لندن شقا يرمسج .. حشى التيلفون مايهده
منصور : هيه والله
شما : اييه عاد
منصور : ههه تستحين اختييي
شما : تدرون انكم سبلان وما ينيلس وياكم
( وسارت عنهم )
منصور : يعني ما بتسير
ناصر : لا
منصور : التعن بسير بروحي بس اشوفج اتقولي اسير ويااك مكان
ناصر : ان قتلك لا اتسير
منصور : ويا هالشيفه ( وظهر عنه وسار دبي _ مول الامارات _ )
منصور كان يتمشى وكانو جدامه شباب اثنينه ملعوزيين بنت ومب مخلينها في حالها ومنصور تم يطالعهم
والبنت حدرت محل وحدرو وراها وتم واقفين عدالها ويسوولها حركاااات منصور ياي بيخطف عدال المحل وانتبه ان البنت هيي ميره
ميره : شوو انتو ما تستحون
الشباب : لا
وهي سوت الهم طاف ويالسه تطالع العطور وواحد اجرا واونه بيشل العطر اللي عندها وقبض ايدها
ميره : آآآآآآآآ يا حيوان
منصور ما تحمل اللي يستوي جدامه حدر المحل
منصور : ايييه انتو شوو هالحقاره اللي فيكم هالكثر ما تمت مرااايل في البلاد
ميره : من ..صو..ر
الشباب : رياييل غصبا عنك
منصور : لو انت ريال اللي ما ترضاه على خواتك ما تضراااه على بنات العرب
الشباب : وانت شوو يخصك فيها
منصور : والله هاااي بنت يرانا
الشباب سيده ظهرو من المحل
وميره تامه متيبسه محلها
منصور : ميره انتي ليش تمشين روحج وين اخوج وخواتج
ميره : هاا ... خواتي هنيه بس سارن محل ثاني
منصور : مره ثانيه لا تمشين روحج
ميره : انشا الله
وميره يايه بتظهر من المحل
ميره ( وصدت صوب منصور ) : منصور
منصور : هلا
ميره : مشكور
منصور : العفو
ميره ظهرت من المحل
ومنصور شاف انها كانت مختاره عطوور وما خذتهن
منصور : هالعطور البنت اللي توها طلعت مختارتنهم
راعي المحل : ايواا
منصور : ااا انزين ممكن اتحطلي ايااهن وابا بعد اتحطلي وياهن كمن وااحد ازياده بس ابا شي حلوو
راعي المحل : اوكي
منصور خذ العطور وتم يدور ميره ويوم ما لقاها ااا ذكر ان رقمها لين الحين عنده في التيلفون واتصل ابها
ميره ( اول ما شافت رقمه اترددت اترد ولا لا بس خلاف ردت ) الووو
منصور : هلا ااا ميره ممكن طلب
ميره : اكيييد
منصور : ممكن اتيين الكوفي اللي عند لسكي
ميره : ااا ليش
منصور : انتي تعالي
ميره : اسمحلي ما اقدر
منصور :ميره دخييلج
ميره : اا اوكي بيي
وسارت هناك منصور وطا الكيس على طاوله ووقف بعيد شوي ويوم يت ميره ما شافته وهو شافها وطرش الها مسج ~ ميره شلي الكيس لحمر تراه لج ~ ميره تمت تتلفت ادور منصور بس ما شافته وشلت الكيس واتصلت به بس هو ما رد عليها وخلاف ردت البيت ويوم شافت العطور عرفت انهم لعطور اللي كانت بتاخذهن وبعد وياهن عطوور زياده
سلامه : اللاااااه شو هالعطور كلهن
ميره : حلوااات
سلامه : تعالي خليني اشوفهن .... ياااي حلوه ريحتهن .. الا متى خذتييهن
ميره : يوم سرت عنج
سلامه : وشله ما قلتيلي بتسيرين تاخذيين عطور جان سرت ويااج
ميره : ما ادلج انج تبين عطوور
سلامه ( خذت العطور اللي ماخذنهن منصور زيااده ) انزين عطيني هذيل
ميره : اتخسين كله ولا هذييل
سلامه : ليش يعني
ميره : بس كيفي
سلامه : وليي لا ما ابا من عندج شي روحي باخذ

[آڷصّغيرۉنہْ ™]

الساعه 10 فليل في بيت بو حمد
شما اترمس راشد
راشد : ماشي سيره يعني ماشي سيره
شما :ليش انزين
راشد : لا والله انتي اتعرفيين العين موول شقا مترووس شباب
شما : انزين انا شلي فيهم
راشد : انتي اكييد مالج فيهم بس هم منو يضمنهم
شما : اففف وانا الحين من ويين اخذ لي لبس ماشي باجي عن الجامعة غير اسبوع
راشد : سيري دبي سيري بوظبي سيري أي مكاان الا العين موول لا
شما : والله انا ودي بس منو بيوديني
راشد : واخوانج
شما : ياله جان ما يودوني
راشد : انزين انا بودييج
شما : اتخيل
راشد : جييه شو يعني ريلج
شما : ها ها ها حلوه منك
راشد : انزين انا بخلي منصور يودييج قصبا عنه
شما : ما بيطييع لا اتعب عمرك
راشد : غصبا عنه مب طيبن منه .. يلا الحين برايج انا بتصل به
شما : اوكي ( وبند عنها واتصل بمنصور )
راشد : مرحبا
منصور : اهليين
راشد : شحالك
منصور : يسرك الحال ومن صوبك
راشد : ما اشكي باااس ... وين
منصور : راد من دبي
راشد : ويوم انت ساير دبي شله ما اتودي شما ويااك
منصور : وشله اوديها
راشد : تبا تشرا حق الجامعه واونه تبا اتسير العين موول وانا قلتلها ماشي سيره
منصور : انزين
راشد : ودها باجر يا دبي يا بوظبي اتشرا
منصور : ما اروووم خل نصوور يوديها
راشد : الحين يوم انت العاقل مب متسخر الها تبى نصوور يودييها ولا لو اتخلوني انا بودييها وما بخليييها على تجلاكم تذلل الكم
منصور : ااااخ تدري الشي الاوكي ان شما بتعرس اني بفتك من ودني وييبني
راشد : والله هي اللي بتفتك من مذلتكم .. يا خي حراام عليكم الا اخت وحده عندكم وبعد مب متسخرين الها لا وبعد بتعرس الحين يعني لا بتودونها ولا بتييبونها حسسوها اشوي انكم اخوانها
منصور : خلاص يا بوويه خلاص سويتلي سالفه بودييها وين ما تبى باجر من الصبح لين فليل بحوط ابها
راشد : هيه جييه اباك .. ااا الا وين بتوديها
منصور : ليش
راشد : اا جيه
منصور : ادريبك تبى تلحقنا بس مب قايللك
راشد : ياخي شهاللعانه
منصور : كيفي
راشد : انزين اجلب ويهك .. باااي
منصور : باااي
ورد واتصل بشما وقال الها ان منصور بيوديها
شما : قول والله
راشد : والله
شما : كييف قدرت تقنعه
راشد : والله انج متفيجه الحين انتي شو تبين بهاسالفه الا قوليلي وين بتسيرين
شما : ما ادله وين بيوديني
راشد : المكان اللي انتي تبينه
شما : خلاص عيل مول الامارات
راشد : لا مول الامارات لا
شما : يا ربييي شوفيه هذا بعد
راشد : بس انا ما ابااج اتسيرين موول الامارات شو تبين من هناك كل شي موجود في المولات الثانيه
شما : ابا اخذ شنط
راشد : لا تاخذيين شنط
شما : ليش انشا الله
راشد : انا يايبلج من لندن ... الحين بييب لج اياااهن اوكي
شما : اوكي مشكوور
راشد : على شوو حيااتي ما سويت شي
شما : عبلت على عمرك
راشد : لا عباله ولا شي كل شي يرخص لعيوون الغالي
شما : ...............
راشد : ااا منو في البيت عندج
شما : امااايه
راشد : بس
شما : هيه
راشد : انزين انا بيي الحين
شما : شووو ليش
راشد : شو ما تبيني ايي
شما : لا مب جييه حياك الله بس
راشد : بس شوو
شما : اووووه
راشد : هههههه خلاص اذا ما تبيني ايي مب ياي
شما : لا عادي تعال
راشد : اوكي
شما ( يالسه في الصاله وحد تم يدق الباب ) حد يدق الباب
راشد : منو ياينكم الحين
شما : اشدراني اففف مول مب وقته
راشد : انزين سيري شوفي منووه والا اقولج لا لا اتسيرين يمكن ريال
شما : ريال شوو بييبه يدق باب الصاله .. بعدين ما ادري شله يدقون الباب .. الباب مفتوح ما ادري ليش ما يحدرون
راشد : انزين يمكن مقفول
شما : مقفول ما اضني ما احييد بابنا حد يقفله
راشد : انزين يلا برايج عيل سيري شوفي منو يدق الباب
شما : اوكي بااااي

[آڷصّغيرۉنہْ ™]

البارت الثالث والعشرون



سارت شما وفتحت الباب وشافت جدامها باقة ورد عوووده
شوي ويطلعلها راشد من ورا الباقه
راشد : هالورد لاحلى ورده في الكون
شما : اااا راشد !!!
راشد : هيه راشد
شما حاطه ايدها على ويها من المستحى
راشد : بوقف وااايد عند الباب
شما : ااا اغرب
شما خذت الباقه عن راشد ووطتها عالطاوله وراشد يا من وراها ولوى عليها وباسها على خذها
شما ( وتسير بعيد عن راشد ) ايييه
راشد : بلاج
شما : الحين لو يت امايه وشافتنا
راشد : عادي
شما : عادي !!
راشد : هيه شوو يعني
شما : يا ربييي منك انت ياللي ما تستحي
راشد ( ياي بيظهر من الصاله )
شما : وين
راشد : لا تخافين مب ساير ما شبعت منج اصلا بس بسير السياره بييب شي وبيي
شما : اوكي
سار راشد موتره وياب بكس عوود لونه فوشي ومخطط باسود وكان يايب حق شما هديه من لندن وعطاها ايااه
شما : مشكور
راشد : على شووو بس اذا مصره تشكريني لا مانع ( وجدم ويهه صوبها ) عطيني بوسه
شما : اييييييييييه
راشد : هههههههههه خلاص يا امي لا ابا شي
وشوي واتي ام حمد
ام حمد : مرحبا الساع
راشد : المرحب باجي
ام حمد : ما شا الله بو سنيده عندنا
راشد : شحالج عمتي
ام حمد : بخير وسهاله .. ( واتصد صوب شما ) شله ما قلتيلي ان راشد بيي عشان ازهب له العشا
شما : انا ما ادله انه بيي
راشد : هيه انا ماقلتلها وبعدين تراني ما با شي
ام حمد : لا بووي ما يستوي بسير ازهب لك العشا
راشد : عمتي دخييلج ما با عشا
ام حمد : جييه
راشد : بس اليوم امااايه متوصيه فينا مب مخليه شي مب مسوتنه عالغدا ونحن عاد متولهين عاكل البلاد بخينا بخه
ام حمد : بالهني بس هذاك الغدا
راشد : غدا بس لين الحين محله ولين باجر فليل محد يقولي كل شي
ام حمد : يا الله بالستر
شما : انزين بسوييلك عصير
راشد : اااا جان عصير ما عليه
شما حدرت المطبخ التحضيري وسوت حق راشد عصير
وام حمد رن تيلفون البيت وردت عليه ويلست ترمس
شما ( خلصت العصير ) اتفضل
راشد ( ويوم يا بياخذ العصير من ايدها قبض ايدها ) دام فضلج
شما ( وبصووت واطي ) طفس
راشد ( غمز الها بعينه ) تسلم ايدج
شما : عيبك
راشد : هيه بس ينقصه شكر
شما : والله بسير اييب لك
راشد : لا ما يحتاي انتي حطي صبعج فيه ويسد
شما : راشد اصطلب امايه هنيه
وتم يسولف عندهم شوي ويوم يا بيظهر مشت شما وياه لين الباب وهو طلع ظرف من مخباه وعطاه شما
شما : شو هذا
راشد : مصروفج
شما : لا ما با عليك شي وانا ما عليه قصيريه
راشد : ادري ما عليج قصيره بس انتي حرمتي انا وانا المسؤول عنج اوكي .
شما : بس
راشد : بدون بس .... يلا مع السلامه
شما : الله يحفظك

واليوم الثاني
منصور ودا شما بوظبي عشان تتشرا
واليوم اللي عقبه سارت اتكمل تسجيلها في الجامعه
وريم وحمدان سارو بوظبي عشان الدراسه

وعقب ثلاث ايااام
في بيت بو عبد الله
راشد طايح عالقنفه في الصاله ويطالع التيلفزيون
ام عبد الله حادره الصاله تتحرطم
راشد : امايه بلااج
ام عبد الله : عالعله كريمووه قايلتله بسير الجمعيه طاس ساير العزبه
راشد : انزين امايه شله حارقه اعصابج انا بودييج يلا لبسي عباتج وتعالي
سارت ام عبد الله لبست عباتها وسارت الجمعيه ويا راشد
وفي الجمعيه راشد يرمس شما
شما : شو هالحشره عدالك انت وين ؟؟
راشد : في الجمعيه ويا امايه
شما : غريبه شو مودنك الجمعيه
راشد : مودي امايه الدريول ساير العزبه
شما : حيك والله
راشد : ترا هاي اول مره واخر مره انشاالله
ام عبد الله: جييه
راشد : امايه نحن كملنا الحين ساعه وانتي مب طايعه اتخلصين للحين مازره سلتين وبعدها مب سادنها
شما : حليلها ياخي تشرا حق رمضان انت بلاك
راشد : خيبه نحن ناكل كل هذا
شما : ها غير هالوديه بتلقاها عشر مراات سايره الجمعيه
راشد : حشى بيزات ابويه هالشهر كلهن عالجمعيه
شما : يعني هي بتاخذ حقها ترا الكم وبعدين انتو الرياييل ييتمعون في بيتكم يعني لازم
راشد : شدرااني ... امايه انا بسير باخذ لي ريد بول انزين
ام عبد الله : زين اتسوي سر خلني اعرف اتشرا
راشد : امايه طلعت تبا الفكاك مني
شما : جانك مقصص عليها من ساعه لازم تبى الفكاك منك بعدين انت تعال انا لاحظت انك واايد تشرب ريد بول
راشد : هييه يعيبني وبعدين يخليني مصحصح
شما : انت ما تدري انه مب زيين
راشد : ياله اشتغلتي انتي بعد نصايح سادتني امايه
شما : هيه انتو اللي بيقول شي حق مصلحتكم ما يعيبكم
راشد : انزين انتي بلاج حرجتي
شما : ما حرجت
راشد : قولي والله
شما : ما بحلف
راشد : اللااااااه كاكاو ذكرت يوم كنا صغار انا وريمووه يوم اني الجمعيه ما نظهر من هالمكان مال الكاكاو
شما : هههههههههه
راشد : اااااااخ حليلها ريموووه سارت بوظبي عنا
شما : متوله عليها
راشد : تبين الصدق هيه غير يوم ايلس اسولف ويا ها واضارب وياها فن بس انتي لا اتقوليلها خلاف بتصدق عمرها
شما : هههههههههه لا اطمن ما بقول الها
راشد : انا باخذ كاكاو تبين
شما : لا ثانكس
راشد : افففف انتي لين متى بتمين جذييه
شما : ليش
راشد : شله تستحين مني عادي انا ريلج .. خلاص شوفي انا بييبلج شي على ذووقي باخذ لج كل الكاكاوات اللي يعيبني
شما : انزين مابا
راشد : جب مب عكيفج
وترس الها كيس كلها كاكاو
وخلاف امه خلصت تتشرا وردو البيت وكان حميد يلعب في الحوي راشد وقف جدام المطبخ عشان ينزلون الاغراض من سيارته
وحميد يا يربع صوبه
حميد : عمي لاسد سلني وياك
راشد : اوكي تعال ( ويوم خلصو ينزلون الاغراض من الموتر راشد شل حميد وسارو صوب بيت بو حمد )
راشد : حميد حبيبي شوف شل هالكيس وسير داخل وعطه شما اوكي
حميد : اوكي
حميد شل الكيس وحدر الصاله وكانو ناصر ومنصور يالسين في الصاله
منصور : هلا والله حيا الله حميد
حميد اجدم صوبهم وتم كل ساعه يطالع واحد منهم

[آڷصّغيرۉنہْ ™]

حميد ( شهق )
منصور : بلاك حبيبي
حميد : ثنينه نفس واحد ( بمعني انه يتشابهون )
ناصر ومنصور هلكو من الضحك
حميد : يود هدا حق سما
منصور : حبيبي انت منو يايبنك
حميد : عمي لاسد
منصور : هو وين الحين
حميد : برع
منصور شل حميد وظهر عند راشد وهو بعده يضحك عالسالفه وسلم على راشد
راشد : بلاك تضحك
منصور : على حميد
راشد : جييه بلااه
منصور : يوم شافنا انا ونصوور يالسين ارباعه تم كل ساعه يطالع واحد فينا وشهق جان يقول النا اونه اثنينه نفس واحد
راشد : هههههه حلوه منك يا ولد اخويه .. بعدين جييه هاي مب اول مره يشوفكم
منصور : اضني لانا كنا ارباعه ومحد غيرنا عشان جييه شافنا عدل
راشد : يلا عيل نحن بنسير .. يلا حميد اركب
وسارو عنهم ومنصور رد داخل
ناصر : منصور تعال كاكاو جان تبا
منصور عفد عند ناصر .. شوي وتنزل شما ويوم شافت الكاكاو
شما : منو يايبلكم كاكاو
منصور : ريلج
شما : آآآ يعني هذا مالي
ناصر : ونحن اخوانج
شما : لا والله

ومرن هالايام عخير وهل شهر رمضان
وبدت الدراسه
هند يت العين عشان الجامعه ولان هزاع في الكليه
وريم وحمدان طول الاسبوع في بوظبي وماايوون الا في الويك اند وراشد يوم يدااوم في الجامعه ويوم لا والمكتب مسوله اكبر طاااف وفليل ييلس في ميلسهم لان الرياييل ييتمعون عندهم بس عقب الساعه 12 كل يوم بخيمة حد من الشباب ليين الفير .. وترا اذا شما رامت عليه ووعته نش ومرات يبند التيلفون عنها

يوم الخميس
في بيت بو حمدان
ريم وحمدان توهم يايين من بوظبي
ام حمدان : يلا عيالي سيرو حطو اغراضكم وبدلو ترا ماشي باجي عن الفطور
حمدان : انشا الله امايه
وساور فوق
ريم : عقب الفطور بسير بيت ابويه بسلم على هنوده قبل لا ايي هزاع ويشلها
حمدان : خليها عقب صلاة التراويح تونا يايين من بوظبي يعني لازم نيلس ويا هلي شوي
ريم : انزين ترا باجر وورا باجر عندهم حراام من زمان ما اتلاقيت ويا هنوده انا اسير بوظبي هي اتي العين انا ايي العين هي اتسير بوظبي اليوم دام انها موجوده خلني اسير اسلم عليها
حمدان : انشا الله على هالخشم
ريم : فديت خشمك انا
وعقب الفطور سارت ريم بيت ابوها
راشد : ها حموود علومك
حمدان : علووم الخير والله انت علومك
راشد : طيبه
ريم ( ترمس بالتيلفون ) ياااااااااااااااااااي
راشد : ويعه بلاااج
حمدان : اييه لا تقول حق حرمتي ويعه
راشد : وااااي ابويه واايد زغت منك
ريم : قوم خالي بييون
راشد : يييي ها وهذا اللي مفرحنج واايد
ريم : هيه
راشد : امايه عيل انا هاليومين بحجز في الفندق وببات هناك لين الاحد
ام عبد الله : ياااله بالستر جييه
راشد : ترا مالي بارض على هبل البنات
ريم ( وبدلع ): حمداان عادي اباات هنيه اليوم
حمدان ( منقالت له ريم جذييه اعتفس ويهه وما عرف شو بيقول ما يروم يقول الها لا جدام اهلها ) كيفج ( وهو من هناك ما يباها اتباات لانه يتلوم في هله لان ريم ما تيلس وياهم واايد كله عند اهلها )
راشد ( حس بحمدان انه ما يباها اتباات ) وشله اتباتين هنيه انشا الله
ريم : ميرووه بتي
راشد : بس عيل ... ما شي مبيت سيري باتي فبيتكم
ريم : مب عكيفك
راشد : اوكي نتفاهم خلاف
ريم : ما تروم اتسوي بي شي ( وسارت عنهم )
حمدان : عيل سمحولي الحين انا اترخص
بو عبد الله : وين يا ريال
حمدان : بسير بعد هلي ما يلست وياهم بسير شوي البيت وخلاف بيي الميلس
راشد : لا بووي اليوم ماشي ميلس احمد العامري اليوم يبانا عنده في الهير
حمدان : خلاص عيل يوم بتي اتسير اخطف عليه
راشد : خلاص تم
وظهر حمدان وكان مضايج لانه ما يعرف شو بيقول حق هله ... وراشد ظهر وراه
راشد : حمدان
حمدان : نعم
راشد : ابااك في سالفه
حمدان : قول
راشد : اركب الموتر خلنا نرمس
واركبو الموتر
راشد : اااا حمدان انا ادري انك ما تبى ريم اتباات
حمدان : لا مب جييه
راشد : اعرف بس مثل ما اتشووف ابويه بزاها واايد ومحد رايم عليها واللي تباه اتسوييه
حمدان : اااه ادري
راشد : لا اتشل في خاطرك عليها وبعدين اتراها ياهل
حمدان : لا حشى انا مب شال في خاطري ولا شي بس ..
راشد : بس شوو
حمدان : انا عادي عندي انها اتبات ولو تبى اتم الويك اند كله بس انا اتلوم في هلي لانها ما تيلس وياهم من انرد هنيه تراها اتم عندكم
راشد : ادلك بس تدري انا الحين بخليها اتييك لا اتسير اترياها
حمدان : بو سنيده لا برايها هي لو تبى من خاطرها جان يت
راشد : مب عكيفها غصبا عنها بتي
حمدان : يعني انت ما اتعرف اختك لو غصبتها عالشي شو بتسوي بتم اتصيح وحالتها لله وانا ابويه ما يغصبني وانا ابويه ما يقولي لا وهالحاله اتعرفها
راشد : شكلك ذايق الويل منها
حمدان : اتعودت
راشد : احس انا بليناك
حمدان : لا حراام عليك ريم مب بلوه بس تراها دلووعه شوي
راشد : قصدك وااايد
حمدان : ههههه
راشد : اترياها اوكي الحين بزقرلك اياها
حمدان : راشد
راشد : ماعليك ما بقصبها بتيك برضاها
حمدان : جان زين
راشد حدر الصاله
راشد : وين ريم
هند : في حجرتها
راشد ربع الها فوق
راشد : ريم
ريم : هلا
راشد : تعالي برمسج شوي
ريم : شوو
راشد : ممكن تلبسين عباتج وتسيرين ويا ريلج
ريم: ليش هو قالي باتي
راشد : انتي اتعرفين انه ما قالها برضاه وانتي جبرتيه يوم سالتيه جدامنا
ريم : لا منو قالك
راشد : ريم انتي الحين وحده معرسه يعني لازم اتخلين عنج سوالف اليهال .. يعني الحين حلوه هالحركه انتي طول الاسبوع في بوظبي ويوم اتردوون هنيه اتيين عندنا
ريم : شو يعني ما تبوني ايي
راشد : ريم انتي اتعرفين ان مب هذا قصدي .. انتي ما تيلسين ويا اهل حمدان موول وترا فضيحه شو تبينهم يقولون عنج ويعني حمدان يستاهل منج انج اتلومينه في هله
ريم : ااا لا
راشد : عيل يلا لبسي عباتج وسيري تراه يترياج في الموتر ولا تطريله شي خلج عادي اوكي
ريم : اوكي
راشد : جييه ابااج
ريم لبست عباتها وانزلت تحت واول ما ظهرت من باب الصاله
حمدان في الموتر كان متاكد انها بتي تتحرطم وما تبا اتسير و ان راشد هو اللي قصبها
ريم ركبت الموتر وهو ساكته
حمدان من شافها ساكته اتاكد ان صدق راشد قصبها والمسكين اتضايج وحرك الموتر وسارو صوب بيتهم
شوي
ريم : بلاك ساكت
حمدان : شو تبيني اقول
ريم : أي شي
حمدان : اااا ريم انا ادري انج ما تبين اتردين البيت بس
ريم : منو قالك اني ما ابا ارد
حمدان : اااا
ريم : لا تتحرا اني يايه غصبا عني وانت اتعرف اني ما انغصب عشي انا يايه برضايه
حمدان : اكيييد
ريم : هي والله
حمدان ( استانس )
ريم : انت تدري اني ما اقصد اني ما ايلس وياهلك بس انا متعلقه واايد في بنات خالي واحب يلستهم وسوالفهم
حمدان : ادري
ريم : يعني مب زعلان عليه
حمدان : لا طبعا
وردو بيتهم
وفليل كانت يمعة الشباب عند احمد العامري في الهير
والشباب متعوديين في يمعاتهم كل واحد اييب له شي راشد هالمره خذ الهم بيتزا لان اليمعه عوده كان ماخذ عشر
راشد : حد يقوم ينزل ويايه
سيف : انزين قم انا بسير ويااك
وسارو اييبون البيتزا من الموتر
احمد : ياله يا بو سنيده شله معبل ععمرك هالكثر
راشد : شو يايب عاد انا انا جيييه ومتلوم
احمد : هذا كله ومتلوم عيل انت شو تبا اتييب
وتم الشباب يسولفون ويلعبون بته
احمد : حمدان هات النا بيتزا ثانيه هاي خلصت
حمدان : ايييه بتموتون الحين من بديتو تلعبون خلصتو ثلاث
سيف : هييه حراام عليكم بتمعدونا
احمد : تبى كل ما تبى ول
شوي ويو ناصر ومنصور وسلمو ويلسو عدال اللي يلعبون
منصور : الكوت الثاني انا بلعب
ناصر : وانا بعد
احمد : زين
ويلسو يكملون يلعبون وياكلون
منصور : احمدووه خلصت عنا البيتزا بسك
احمد : عليكم خساره بو سنيده اللي ماخذنهن
منصور : اسميك ما سويت خير يا راشد بيمووت علينا هذا كثر ما ياكل
احمد : انا العب وابذل جهد عشان جييه اييوع بسرعه
الكل : هههههههههههه

وعقب يومين
في بيت بو حمدان .. الساعه 4 العصر
عنود : حمدان انتو ما سرتو
حمدان : لا ما بنسير هالاسبوع
عنود : جييه ما شي دواام
حمدان : شي بس ما فيني الاهن ثلاث اياام وعقب ترا العيد يعني مب لازم
عنود : يحيكم والله مريحين عماركم .. عيل خلاص حتى انا ما بدااوم
ام حمدان : لا الغاليه بداومين
عنود : امايه دخييلج
ام حمدان : ماشي الا هي اخر سنه لج شو هالبطره بعد
عنود : حمدان قول الها
حمدان : ما يخصني

وفي بيت بو عبد الله
راشد طايح في الصاله يطالع التيلفزيون
واتصلت به شما
راشد : هلا والله
شما : اهلين .. شحالك
راشد : بخير
شما : وين
راشد : في البيت
شما : اه في البيت غريبه ما احييدك ما تظهر
راشد : سكتي عني انا اليوم خارج نطاق الخدمه ما اروم اسوي شي
شما ( اتروعت عليه ) جيييه بلاك شي يعورك
راشد : لا يوعان
شما : ههههههه
راشد : شله تضحكين
شما : روعتني انا قلت شي فيك الحين
راشد : والله اني ميت يوم هذا المطوع لو ما اذن بسرعه تراني بفطر
شما : عادي يستوي تفطر
راشد : صدق
شما : هي ترا ليس على المجنون حرج
راشد : ويا ويهج الحين انا مينون
شما : هههههه اسولف وياك
راشد : انزين ما جذبتي تراني مينون
شما : شوووو
راشد : مينون في حبج
شما ( استحت ) : اااااخ منك
راشد : اااااااااه يوعاااااااان
ام عبد الله : بلاك اتباغم
راشد : امايه يوعان
ام عبد الله : يعني اليوعان ييلس يباغم عنبوه يهال يصومون ما يقولون يوعانين وانت الريال يالسلي يوعان ويوعان ( وسارت عنه )

[آڷصّغيرۉنہْ ™]

راشد : امايه هزبتني
شما : ههههههههههه تستاهل
راشد : اصلا امايه شكلها روحها يوعانه ولا شو اللي محرجبها وخلاها اتنازعني
شما : ههههههه ... انزين تباني اسوي لك شي
راشد : امممم... سويلي .. سويلي امم
شما : شو انزين
راشد : ما اعرف بس أي شي من ايدج الحلوه
شما : اوكي عاد تفطر من اللي انا بسويه
راشد : افااا عليج وما بخلي حد ياكل منه بعد
شما : عيل يلا برايك بسير المطبخ
راشد : اوكي باااي
شما : بااااي
وراشد تم يطالع التيلفزيون
وقبل الاذان بشوي
البشاكير يرتبن الفطور عالسفره
وراشد واقف عندهم
ام عبد الله : انت بلااك اليوم اذيه
راشد : يوعااان .. شو في هالصنيه
ام عبد الله : مجبوس لحم
راشد : افف عليه
بو عبد الله : راشد يلا سر اتمسح ماشي باجي عن الاذان
راشد : انشا الله ( سار راشد اتمسح وهو راد كان ياذن )
راشد : الله اكبر واعظم ( وسار صوب السفره )
ام عبد الله : وين ابووي خذلك ماي وتمره وسر صل وخلاف تعال
راشد : خليني اكل لي شي خفيف عالاقل ( وسار وكل له فطااير وخلاف سارو المسيد وردو يفطرون )
راشد ( نسى سالفة ان شما مطرشتله فطور ويلس ياكل من اللي مسويينه في بيتهم ) العين ترقب في المغطاااي واتعاف شي دووم مكشوف .... شو في هذيلاك الصياني
ام عبد الله : اووه نسيناهن هذيل مطرشينهن بيت بو حمد
راشد : اوووه نسيت
ام عبد الله : شوو
راشد : لا ماشي (ونش وياب الصياني وحطهن جدامه ويلس ياكل منهن )
عبد الله : عطني من هالمعكرونه
راشد : مابا هذا مطرش حقي
عبد الله : ويا ويهك
راشد : والله طباخ حرمتي يوم بتطبخ حرمتك ما باكل
ام عبد الله : وهالفطاير اللي تاكلهن من ساعه منو مسونهن الا فطيم
عبد الله : ها عيل كلت
راشد : خلاص عيل لاني كلت من مال حرمتك بعطييك شوي
وعقب الفطور راشد سار حجرته واتصل بشما
شما : هلا
راشد : تسلم ايدج على هالاكل الطيب
شما : عيبك
راشد : اكييد أي شي ايي منج لازم يعيبني لو سم انشا الله
شما : هني وعافيه حبيبي
راشد : ها شو قلتي
شما : شوو
راشد : شو قلتي توه
شما : هني وعافيه
راشد : لا الكلمه اللي عقب
شما : ااااااا لا ما شي بالغلط ( وبندت التيلفون في ويهه )
راشد : يا ربيي من هالبنت بتخبل بي اااااااااااااخ منها احبها

وفي بيت بو حمد
الساعه 10 فليل
منصور : يا خي انت ويين ما نشوفك
حمد : لاهي بالمشاغل
منصور :حشى مب شغل هذا انت ما تقر موول
حمد : شوو اسوي يوم بتشتغل بتعرف
منصور : لا بووي جان الشغل جييه ما ابااه
بو حمد : هيه ترا كيفك انت اصلا انتو لو قاديلي رياييل وتفزعون اخوكم جان ما استوى الشغل عليه جييه
منصور : ابويه انت اتعرف انا نحن ما نعرف
بو حمد : يعني هو كان يعرف يوم طرشته بوظبي وعمره 18 سنه وقبضته الشغل كله
ناصر : الصراحه عفيا عليك يا خويه لو انا والله ما بيظويكم شي من ورايه
بو حمد : انتو ما ادري متى يتقدولي رياييل اعتمد عليهم
ام حمد : بنيوزهم عشان يعقلون
ناصر : لا انا اخر شي افكر فيه العرس
منصور : والله اذا بتيوزوني ان جاهز
شما وناصر : شووووو
منصور : هيه شو يعني بعرس
ناصر : ياخي بعدك 19 سنه شو اتعرس
منصور : اكووه راشد عيل عمره 19 وحمدان بعد وكلهم عرسو
بو حمد : والله الساعه الطيبه اذا تبى اتعرس انا ابا افرح ابكم
شما : بس اذا منصور لازم ناصر بعد
ناصر : لا بوووي بعيد
منصور : ليش يعني
شما : عشان انسوي الكم عرس جماااعي وانا افضل انكم تاخذون توم بعد
منصور : لابوووي مب ساد هو شراتي وملوع بجبدي بعد حرمته اتي تشبه حرمتي
الكل : ههههههههه
ناصر : ومنو قالك اصلا اني بعرس
ام حمد : خلاص عيل وانا بدور لك حرمه
منصور ( اهنيه اتخسبق لانه حاط وحده في باله بس ما يعرف شقا يقول الهم وعشان جييه يوم شما سارت فوق سار وراها )

[آڷصّغيرۉنہْ ™]

لبارت الرابع و العشروون

منصور : شما
شما : هلا
منصور : ابااج في سالفه
شما : اوكي تعال بنيلس هنيه
منصور : ااااا شما اتعرفين اخت مايد
شما : أي مايد
منصور : ال........... عيال خال راشد
شما : هيه ليش
منصور : انا اباااها
شما : كيف وانت شعرفك فيها
منصور : شفتها مره ويا اخوها وعيبتني
شما : سلامه
منصور : لا ميره
شما : ؟؟؟؟؟؟؟؟؟ هاااا ..ِشوووو .. وكيف عرفت اسمها
منصور : سمعت اخوها يزقرها
شما : اوكي انزين شله ما قلت حق امايه
منصور : ترا هذا اللي ابااه منج .. انتي قولي لامايه عنها
شما : اوكي
وشما سارت ورمست امها عن ميره
ام حمد : والله والنعم ابهم انا اضني شايفتنها مره
شما : انزين شو رايج اتخطبينها حق منصور
ام حمد : انزين انا ما عندي مانع بس خلينا انشاور اخوج قبل
شما : انا شاورته
ام حمد : متى
شما : توني
ام حمد : ووافق
شما : هيه
ام حمد : خلاص عيل بشاور ابوج وبقوللكم
شما : اوكي
ام حمد شاورت بو حمد وقررو انهم يخطبونها عقب العيد
منصور : في ذمج
شما : والله طاعو وقالو بيخطبولك عقب العيد
منصور ( استانس واااايد )

وليلة العيد
في خياط الرياييل .. الساعه 9 فليل
راشد : كيف ما في خلاص انا الحين من متى مفصل
الخياط : راشد والله انت معلووم في زياده شغل الحين عيد
راشد : زياده شغل ولا غيره ثيابي شله ما تخلصهن قبل انا مفصل من اول رمضان الحين
الخياط : والله شو يسوي انا الحين
راشد : الحين انا عميل مالك كل شهر افصل عندك عشر كنادير وجييه اتسوي فيني انا غلطان افصل عندكم يمييع الخياييط هنيه ومخلنهم كلهم وايي افصل عندك
الخياط : انزين انت سير واحد ساعه اييجي .. انا روحي سوي خياطه حقك
راشد : ساعه
خياط : انشا الله
طلع راشد من الخياط وهو مصنف علييه .. وعقب ساعه رد و كان الخياط مخلصله ثيابه وسار البيت
راشد : جوهراااه .. جوهراااه
جوهره : ها شو في
راشد : يودي ثيابي هذيل خلي كريمووه يوديهن الدوبي
جوهره : زين
وياي بيظهر
بو عبد الله : راشد
راشد : نعم ابويه
بو عبد الله : وين ساير هالحزه
راشد : ابويه بسير عند الشباب
بو عبد الله : يا بويه ارقد باجر العيد يوم بوعييك حق الصلاه ما بطييع اتنش
راشد : لا مايهمك بنش ... يلا مع السلامه
بو عبد الله : الله يحفظك
راشد ظهر من البيت واتصل بـ شما
شما : ها خلصن ثيابك
راشد : هيه الله يلعنه خلصهن
شما : مب زيين لا تلعن
راشد : استغفر الله العظيم .. قهرني عيل انا من متى مفصل وما يخلصهن
شما : انزين خلاص الحين هو خلصهن لك
راشد : عقب شوو عقب ما رفع لي ضغطي
شما : الحين انت وين
راشد : توني ظاهر من البيت بسير صوب الشباب
شما : الحين .. جان رقدت اخير لك
راشد : تعالي على هالطاري فديتج وعيني باجر حق الصلاه
شما : انشا الله
راشد : يلا غناتي انا بنزل عند الشباب الحين .. تصبحين عخير
شما : وانت من اهله

اليوم الثاني
يوم العيد
في بيت بو عبد الله
بو عبد الله وعبد الله وراشد توهم رادين من الصلاه
بو عبد الله وعبد الله حدرو داخل اربعولهم حميد وشوق ... ( يهال حق العيديه )
بو عبد الله : هلا هلا بعيالي ( وايهوه وسيده طلع الهم العيديه من مخباه وعبد الله بعد) وراشد تم عند الباب يرمس شما
راشد : مباركن عيدج
شما : عساك من العايدين والسالمين
راشد :وشحالج ؟؟
شما : يسرك الحال
راشد : يا مرحبا الساع والله
شما : ااا راشد اسمحلي الحين ابويه واخواني ردو من المصلى بسير اسلم عليهم
راشد : برايج غناتي .. الله يحفظج ( وبند عنها وحدرداخل )
حميد : عمي خسمك ( ووايه راشد )
راشد ( طلع بوكه من مخبااه) شوف انت حط ايدك في البوك واللي بيظهر خذه
عبد الله : ولو ظهرت له خمس
راشد : برايه هذا حظه ... اصلا هذا لو انا عندي خمس
عبد الله : اونه عاد رجل الاعمال ما يتعامل الا بالنيطان
راشد : يلا
حميد حط ايده في البوك وظهر له الف
راشد : اااخ هذا من وين يا
عبد الله : كيفك عاد ... عشان ولدي كل شي بيظهر
راشد : انزين يلا الحين دور شوق ( شوق المسكينه ظهرت الها اميه )
فطيم : والبنات حليلهن دووم ما كول حقهن
راشد : هههههههه ... افاااا عليج كم شوق عندنا ( وظهر الها الف )
حميد : ليس هي ثنينه وانا واحد
راشد : ييها استوت السالفه .. عيال عبود تراكم ما تنعطوون ويه بتفقروني ناويين
عبد الله : اصغر عيالك عبوود
راشد : يا خويه اليوم عيد ما نبى نظارب اجلها إلى وقت لاحق
فطيم :هههههه .. حلوه هاي وقت لاحق
بو عبد الله : ياله فديت ريم اللي هالحزه تلقون صوتها في البيت كله
ويرن تيلفون بو عبد الله وكانت ريم اللي متصله
بو عبد الله : هذي ريم
راشد : لو طاري مليون يا بويه
بو عبد الله (رد عليها ) السلام عليكم
ريم : مرحبا ابويه .. مباركن عيدك
بو عبد الله : عساج من عوادت العيد
ريم : وشحالك
بو عبد الله : بخير وسهاله ناقصني شوفج متى بتينا
ريم : ما ادري بحمدان بس انشا الله عقب شوي
بو عبد الله : زين .. زين
ريم : امايه عدالك
بو عبد الله : هيه هذي ( وعطاها التيلفون ... ريم رمست امها و باركتلها بالعيد وخلاف عبد الله وراشد )
بو عبد الله : يلا عيالي خلونا انسير الميلس الحين بيون الرياييل
وسار بو عبد الله وعياله الميلس لانهم متعوديين ريوق العيد يكون في بيتهم ... وعقب ما روحو عنهم الرياييل ... يو حمدان وريم وسلمو عليهم
راشد سار عنهم وخطف على ربعه اللي ما لقاهم وسلم عليهم وخلاف سار صوب بيت بو حمد ... واول ما حدر الحوي لقى ام حمد ظاهره بتسير صوب عفرا
راشد : السلام عليج عمتي
ام حمد : وعليك السلام
راشد : مباركن عيدج
ام حمد : عساك من العايدين والسالمين
راشد : جنج الا سايره صوب يدتي
ام حمد : هيه نعم
راشد : عيل بسير وياااج
سار ويا ام حمد عند عفرا وسلم عليها وخلاف رد صوب بيت بو حمد واتصل بشما عشان تظهر له ويسلم عليها بس هيه ما ردت على التيلفون
راشد : يا ربيي هاي وين ناطره تيلفونها بعد
ورن تيلفون راشد
حمدان : بوسناد وين سرت
راشد : موجود
حمدان : يقولك ابوك سر البيت لان رياييل هناك
راشد : ليش انتو وين
حمدان : وصلنا زاخر نسلم
راشد : انزين
راشد رد البيت وجابل الرياييل لين رد ابوه .. وخلاف حدر الصاله وكانت ريم هناك
ريم : ها خيي بلاك
راشد : اتصل بشما وما اترد عليه
ريم : غريبه توني عيل مرمستنها
راشد : شدراااني
ريم : انزين شرايج اتوديني اسلم عليها
راشد : زين تعالي
وسارو صوب بيت بو حمد
ريم حدرت داخل وشما كانت يالسه في الصاله وسلمت عليها
ريم : تعالي خاري راشد يبا يسلم عليج
شما : مابظهر له
ريم : ليش
شما : بس جييه ما ابااه يشوفني لين العرس
ريم : طاع الحركااات
شما : ولا برمسه بعد
ريم : حرااام عليج تبين رشوود يتخبل
شما : لا اتخافين ما بيستويي به شي
ريم : يلا عراحتج
شما : ماشا الله ريموووه لابسه مغربي اول مره
ريم : سكتي روحه لايعه جبدي منه بس اماايه الله يهديها الا تفصلين مغربي اونه انتي عرووس ما تباني البس بدل
شما : هههههههه حليلج متولينج
ريم : ما عليه ترا ياينج الدور

[آڷصّغيرۉنہْ ™]

وشوي ومنصور نازل من فوق ويحدر الصاله ...ريم اول ما شافته صدت عنه واتغشت .. منصور اتيبس مكانه يوم شافها
منصور : ااا السموحه ما كنت ادري ان حد هنيييه
ريم : مسموح
منصور ( مات يوم سمع صوتها ومن اللوم رد صعد فوق ) ويسمعون دق هرانه عند الباب
ريم : اووه هذا راشد نسيته .. متاكده ما تبين تظهرين له
شما : هيه وقوليله ما يتصل تراني ما برد عليه
ريم : يلا عيل مع السلامه
شما : الله يحفظج
ريم ظهرت عند راشد
راشد : جييه وين شما
ريم : ما تبا تظهر
راشد : شووووو
ريم : واتقول لك لا تتصل ابها
راشد : ليش يعني
ريم : ما تباك اتشوفها ولا اترمسها لين العرس
راشد : لا والله تستهبل هاااي .. اوكي يا بنت سيف انا لج
وردو البيت ... وعقب صلاة الظهر الرياييل كلهم اتيمعو بيت بو حمد لان الغدا عنده
وعالساعه 2 الكل روح
وبو حمد وعياله حدرو داخل
شما كانت يالسه ادخن الصاله
منصور : شما سيري دخني الميلس من عقب الغدا
شما : انشا الله
سارت شما ادخن الميلس ... ووطت المدخن عالطاوله ويالسه اتعدل الكوشنات المخربه ...
ويا حد من وراها وغمض على عيونها ويشل
حلاة العيد من عايدت مزيون.... جمال العيد له صارت حلاوة
اشوفه شوف واكحل به ...عيون يريح القلب لو تحت الغشاوة
شما : راشد
راشد : ( شل ايده من على عيونها ولفها صوبه وحبها عراسها )
وتبين تحرميني من هالويه في يوم العيد
شما : انت كيف ييت هنيه
راشد : بريولي
شما ( وبابتسامه ) ما تخلي سوالفك ( ونزلت راسها وطاحت غصلات من شعرها على ويها )
راشد : (مد ايده وخوز الغصل من على ويها ورفع راسها ) ااااااااااخ من هالعيون
شما : راشد انا لازم اسير الحين
راشد : حراام عليج بعدني ما شبعت من شوفج
شما : بتشبع مني وبتعافني بعد
راشد : اعاف الدنيا ولا اعافج
شما يايه بتسير
راشد : شما
شما : لبيه
راشد : لبيتي في منى تعالي شوي
شما : اتغربت صوبه
وطلع الها من مخباه ظرف فيه فلوس
شما : شو ها
راشد : عيديج
شما : شووو
راشد : شوو اللي شوو قلت شي غلط ..عيديج
شما : بس انا ماابا عليك شي
راشد : ترا ما يرد الكريم الا اللئيم
شما ( خذت الظرف ) : مشكور ( وسارت عنه )
راشد رد البيت
شما اول ما حدرت الصاله كان منصور يالس
شما : انت تدري
منصور : عن شووو ( والخديه ما رام يود عمره وضحك وجييه شما اتاكدت ان هو ورا السالفه )
شما : يالسباااااااااال ( وتربع صوبه وهو شرد عنها )

وفي بيت بو عبد الله
الساعه12 فليل
راشد توه راد البيت .. والكل كانو ميتمعين حتى ريم وحمدان عندهم
راشد : السلام عليكم
الكل : وعليكم السلام
راشد : ماشا الله متيمعين
بو عبد الله : ترا باجر بنسير بوظبي بتي ويانا
راشد : انا اصلا قايل اني بسير باجر العصر
بو عبد الله : نحن بنسير من الصبح
راشد : من الصبح .. لا ما اظني اسير بس بلحقكم بعدين
بو عبد الله : زين
حمدان : تعال انت وين سرت العصر
راشد : سرت اركب خيل
حمدان : والله انك متفيج
راشد : هيه انزين متفيج
بو عبد الله : عاد الحين لازم تبدى ترتب حق العرس
راشد : انشا الله .. هيه صح ابويه تراني كنسلت الحجز في القاعه
الكل : شووووو
بو عبد الله : لييش
راشد : لا تخافون كنسلت الحجز ما كنسلت العرس
ريم : وداام انت كنسلت الحجز كيف بتعرس
راشد : ابا العرس يكووون في خياام
ريم : خياااام !!!!
راشد : هيه خيااام
حمدان : وشلك بالعثره
بو عبد الله : عراحتك ... بس ما يواحيلك اتخلص ترتيبات الخيام وترا ماشي باجي عن العرس
راشد : لا اتخاااف تراني مزهب كل شي
ريم : وليش ما قلت النا من قبل
راشد : كيفي
ريم : انا مب فاهمه ليش تبى فخيااام
راشد : كيفي خلاف بتعرفون
وتمو يسولفون شوي وريم وحمدان ردو بيتهم
اليوم الثاني
شما اترمس ريم
شما : ريمووه تعالي عندي
ريم : استحيي
شما : والله ان محد في البيت كلهم سارو الهير بيت خالي وانا تامه روحي
ريم : اممممم ... انزين بشوف حمدان
شما : انزين ردي عليه خبر اوكي
ريم : اوكي
ريم شاورت حمدان ووداها عند شما
شما : تو ما نور البيت
ريم : منور بهله
شما : وين تبينا نيلس هنيه ولا في حجرتي
ريم : فحجرتج اخير
وسارن فوق وفجن اللاااااب ويلسن يطالعن صورهن في المدرسه
ريم : ههههههههه .. ها الصوره يوم كنا مطروديين من حصه العربي
شما : هييه هههههه طاع اشكالنا سيلانياااات
ريم : ابييييييييييييه هاي في الهيلي من وين يبتيها
شما : كنت مصورتنها في تيلفوني طاع شكل فطووووم هههههه
ريم : هذا الفيديو يوم اضارب ويا فطوووم في الحصه شغليه شغليه
شما : ههه طاع اشكالكن كل وحده اتير شعر الثانيه هههه
ريم : نحن نظارب ونصور وابلة العربي احيدها ما تدري عن شي
شما : هيه خديه تراها
ريم : هيه وانتي فالحه اتصورينا وانتي مب مصوره عمرج
شما : منو قالج مصوره ويااج يوم في مبزره
ريم : هيه وين الصور
شما : تذكرين يوم نشرد عن البنات وانترابع بروحنا
ريم : هيه
وتمن يطالعن الصور ويضحكن عليهن
ريم : تدرين ان رشوود زعل امس
شما : ليش ؟؟؟
ريم : يوم ما طعتي تطلعيله
شما : هيه واااايد
ريم : ؟؟؟؟؟؟؟
شما : ليش ما تدرين عن اللي سواااه
ريم : لااا
شما يلست اتقوللها السالفه
ريم : عفيا عليه اخويه
شما : مستانسه ويا ويهج
ريم : والحين اترمسينه
شما :ااا هيه
ريم : وين اللي ما بترمسه لين العرس
شما : يعني ما اتعرفين اخووج .. وتبين الصدق ما اصبر
ريم : وااااااااااااااااااااااا شموووه تطلع منها هالرمسه وينك يا خويه
وشوي ويسمعن صوت سياره حدرت البيت
ريم : هذا صوت رنج
شما : ليكووون
ريم : منووو
شما اربعت تحت وريم وراها
شما يوم اظهرت خاري كان واحد واقف في الحوي وعاطنها ظهره
شما : هووو ( واربعت وحطت ايدها على عيونه ) انا وحده اتحبك واتمووووت فيك .. ومتولهه علييك وايد
وريم واقفه عند باب الصاله واتشوفها
سهيل قف شعر ينبه وحس ان قلبه انخشع من مكانه وهد ايدها وصد صوبها

[آلعيون الجـٍآآرحه]

السلام عليكم ورحمة الله وبركاته
يسلمووووووووووووووووووووووو
الله ياعطيج العافيه ع القصه
الحلوه مراسي خيتو ع مجهودج
موفق بإذن الله ... لك مني أجمل تحية . :001: