.. ليش ..؟!

[!!.•°غلا قلبي °•.!!]

شحالكم ؟ عساكم الا بخير ..*
ولهت ع النقاش معاكم هههه من زمان مافتحت جي موضوع قوي :image5:
موضوعي هالمره والله اني مستحيه حتى اني افتحه ..
لكن مجبوره افتحه يمكن نحصل حل ولا سبب مقنع لهاي الظاهره او المصيبه
ممكن نسميها بعد ..

ماراح اطول عليكم .. *


الموضوع :

الصلاة من يوم ما نحن صغار واهلنا علمونا عليها . الصلاه ومنو مايعرف الصلاه بذمتكم
هي الي تريح قلب الانسان وتنور دربه وتعطيه كل مايتمناه . الصلاه الي ننسئل عليه
فالقبر يوم ماراح نحصل وقتها ع مفر عسب ما نجاوب ع هالسؤال ..

ليش قمنا نسمع شباب وبنات مايصلون ؟
ليش قمنا نسمع ام عندها يهال ماتصلي ؟
ليش قمنا نسمع ابو هم مايصلي ؟

ليش هالشي قمنا نسمعه ؟

والله ماعرف وين ابدي بكلامي .. بس صار موقف وخلاني افتح الموضوع :malet:
ابلة الدين سئلتنا قالت بصراحه كم بنت ماتصلي ..
ماتتخيلون كم بنت رفعت ايدها واعترفت انها ماتصلي ..!!

7 بنات .. وكلهم اعذارهم ماتدخل المخ مثل مايقولون " العذر اقبح من الذنب "
ليش نلهي عمرنا عن الصلاه ؟
4 ركعات ولا 3 ركعات ياخي ركعتين الصبح شو بنخسر لو صلينا وجابلنا ربنا شوي
انا مصدومه صدقوني مب عارفه الابو كيف ينام وهو مرتاح وولده مايصلي
الام كيف تحطي راسها وتنام وبنتها ماتدري كيف توقف جدام ربها لو ساعه

شو العذر ؟
ماشي توعيه ؟ انا اشوف البرامج والكتب وغير المناهج المدرسيه هاي بروحها تكفي
الياهل الي عمره 4 سنوات قام يركض ع السياده يبا يصلي .. ام وحده عمرها 17 ولا 18 ويمكن 14
ماتروم ساعه تقوم وتجابل ربها وتصلي ..

سؤالي لكم : :022:

ليش هذا الاستهتار ف الصلاه ؟

هاي موضه انه ماقاموا يصلون ولا شو السالفه ؟

ليش مانفكر انه ممكن نموت اي وقت ؟

شو الي يخلي البنت ولا الولد يلتهون عن صلاتهم ؟


انت / انتي ..

بأمانه بينكم وبين نفسكم ..

" صلاتكم هي حياتكم ولا حياتكم ووناستكم قبل صلاتكم "


السموحه اذا رمستي تزعل ..
تفاعلكم يهمني " :ax:"

[آڷصّغيرۉنہْ ™]

ليش هذا الاستهتار ف الصلاه ؟ يمكن المرض ولـآغيرره ولاشي لـآآهي الانسـآآن بأس ماتوقع شي أهم
عن الصلااااااه في الدنيااا [ النسياااان مب حراااااام ] .. وبس

هاي موضه انه ماقاموا يصلون ولا شو السالفه ؟ لا الحمدالله مااعندنااا محد يصلي وناادر
واذا حد ماصلى نذكره ونناازع بعد :q8:

ليش مانفكر انه ممكن نموت اي وقت ؟ بالعكس انا من النووع الي ايني هذاا التفكيييير وآآيد 2222:

شو الي يخلي البنت ولا الولد يلتهون عن صلاتهم ؟ المسن والخراااابيط مال الحييينهـ ولا مسلسلااات الله يهديييه بس
ويصلحهووووووم ويهدي اليميييع


الصرآآآحـ‘ ه مووضووع أحببتـ‘ه ويستااهل أنه ينعرض هوون
تسلميين الشيـخــ‘ه

:001:

[ڪآشَـפֿـه ۈمفلسٍـہ]

كلن لاهي بحياته ولا ناسي صلاته

وايدين مروا عليه ما يصلو ويقول عادي عندهم


الله يهدي اليميع:q10:

[خرزة]

السموحه اذا رمستي تزعل ..
كيف تزعل ؟؟
كلامج صح ؟؟
بس صرآحة ما توقعت ان فية ناس لها الجرأه يوم قلتي ان بنات صفكم رفعوا ايدهم ؟؟
تسلمين عالطرح
نتريا الزود منج
الصلاة يا اخواني الصلاة ؟؟:q10:

[شجون الامارات]

[ !!.•°غلا قلبي °•.!! ]

:;3333:

موضوعج فمحلـ’ه ..

وكل الاسئله جوابها واحد .. قلة الوازع الديني ..
واشك انه موضه ههههه ..
والي يستوي الحين فهالدنيا .. كله لن الناس ايمانها ضعيف ..

[ الصلاه هي الفرق بين المسلم والكافر ]

والله يهدي اليميع ان شاءالله ..

وربي لاهانج على الطرح
:001:

[دقه خفوقي]

علييج نوور شجوون ..
سبقتني شجوون ..
قله وازع الدييييني ..

لا حرام لا تقوولين مووضه ..
ان شاء الله .. الله يهديييهم ..
ويجعلهم من مقيييمييين الصلاوات رب العالمييين ..
اللهم ثبتنا ع دييينك وجعلنا من مقييمين صلاتك .. [ آميييييييييييييييين ]

وتسلمييين ع هييط الطرح ..