ّ دمعة الرجــل ..إهــانه ام فخــر .!!

[شوق العين]

السلام عليكم ورحمة الله وبركاته


موضوعي من عنوانه ..!

البارحه جفت موقف هزني .! :tears:

وحبيت اليوم اطرح عليكم هالسؤال ..!


شو رايكم بالرجل الذي يبكي .!

سواء كان اخ , اب , احد الاقارب , ....إلخ .!!
هل دمعة الرجل تهز رجولــــته .!!



مجرد قصه صارت في واقعي انا ..! :blushing:

(دمعة الرجل عزيزه)

سألت مره امايه .!

امايه :- في حياتج جفتي ابويه وهو يصيح .!
قالت لي:- جفته مره وانفطر قلبي عليه .!
سألتهاا :-ليش ؟

قالت:- دمعة الريال ما تنزل مني والدرب إلا إذا فعلا في شي كبير .!
قلت :- بس ماما مب عيب الريال تنزل دموعه .!
قالت :- والريال ماله قلب ماله مشاعر ....!


*طبعا هاذيك الاياام انا كنت صغيره و ابويه نزلت دموعه على فراق ابووووه لمن توفى .!




فلسفتي :-

وايدين يتعقدون ان بكاء الرجل ضعف منه !
ولكني أراه وسيله للراحه النفسيه ..البعض يقول ان الرجل لازم اتكون كرامته قويه بحيث يتماسك وما يبكي امام الآخرين ..!
والمفروض انه ما يضعف امام اي مشكله تواجهه ..
ولكن .!
هل نسوا هؤلاء انه فالنهاايه كائن حي .!
ويحتااج انه يعبر عن نفسه ومشاعره ؟؟
ومن رأيي يرجع هالتفكير إلى البيئه اللي نعيش فيهاا وطبيعة تفكيرنا في مجتمعاتناا اللي تعتبر الرجل الذي يبكي كأنه استسلم وتنازل عن رجولته ..!
انا اعرف ان بكاء المرأه اكثر بكثير من بكاء الرجل .!

ولكــــن هناك مواقف لا تعرف التفريق بين الجنيسين .!!
وطبعا ذكرت موقف فالقصه اللي كتبتهااا ..!


اترك لكم المنبر

طبعا بجوف منكم المؤيد والمعاارض

وطبعا شعاري :

اختــلاف الآراء .. لا يفسد للود قضيه .!


تقبلوا فلسفتي .!
شواقه.! :blushing:

[شجون الامارات]

السلام عليكم ورحمة الله وبركاته

صدقها الام لان الريال مايبكي منيه والدرب .. لدموعه شي جوي وشي مؤثر نفس موت ابوه ..

والريال مستحيل يبكي جدام حد ..

ونفس الشيخ محمد بن زايد بكي يوم ابوه الشيخ زايد مات الله يرحمه

لاهنتي على الموضوع

[آسيرة آבـزآني]

ولكــــن هناك مواقف لا تعرف التفريق بين الجنيسين .!!


صحــ .. و الريال انسان له قلب و احاسيس و مشاعر و هب عيب يصيحــ ..


يسلمؤؤؤؤؤؤؤؤ خيتؤؤؤؤؤؤؤؤؤ ؤ لـــآ هنتي ع آلمـؤضــؤع آلطـــرررررررررر ..

[Ğàℓβ éℓ3ŋâ]

الرجل ما يبكي الا في المواقف الكبيرة عكس النساء..

لأنه بطبيعه يفكر بعقله وليس قلبه...

يعطيج العافيه ع الطرح

تقبلي مروري

[شوق العين]

شجون الامارات ([فقط الأعضاء المسجلين والمفعلين يمكنهم رؤية الوصلات])

&

آلبرنسيسه ([فقط الأعضاء المسجلين والمفعلين يمكنهم رؤية الوصلات])


&


Ğàℓβ éℓ3ŋâ ([فقط الأعضاء المسجلين والمفعلين يمكنهم رؤية الوصلات])


مروكم اسعدني حبايبي .!
نورتوا الموضوع بطلتكم الحلوه ...!!!

[!!وليفة الجرح!!]

دمعة الرجل صعبة.. واذا انهمرت ماهي إلا تعبير عن مشاعر صادقة من الصميم
وتعبير عما في قلبه.. وقمة الاحساسه بالحب وروعته
فـ قمة الحب عندما تترجم بالدموع،،
الرجل عندما يبكي لا يعد ذلك نقصاناً من رجولته
بل العكس فمن حقه البكاء فهو ليس مجرد من الأحاسيس


وسلمتي خيييتو ع الطرح
ويعطيج العافيه
تقبلي مرووري

[شوق العين]

2222:\\سلمتوا (file://\\سلمتوا) عالمرور الغاوي

[•°°ورد جوري°°•]

أصعب شي بنسبه لي أجوووف دمعت الرجل .. قوووووويه من الخاطر .. وأهو أكييييد بني آدم وله أحساس ومشاعر لازم يبكي في مواقف تستدعي البكاء بس مو مثل البنت .. عاد نحن على الدقه خخخخخخ .. ^_^

يسلموو على الطرح .. وأكيد دمعة الرجل مو أهانه ..

[شوق العين]

ورد جوري
نورتي البقعه الغلا .!
لا تحرمينا من هالطله الحلوه :ax:

[!!.•°غلا قلبي °•.!!]

تسلمين حبوبه ع الطرح
ونترقب منج الزود
الريال شرات الحرمه يحس وفيه شويت حساسيه
بس ماتطلع اي وقت
يعني بس فالمواقف الصعبه والي يحس فيها خلاص مايقدر ايود عمره
بس الحرمه هههههههههههه ما شاء الله عليها مسكته ف الصياح :image5:

[The Queen]

طبعا دمعته الرجل عاديه وطبيعيه >>لاه انساان من لحم ودم

وو الرجوله مب يعني اقوول جاسي وبليا ااحساااااس



يسلمووؤؤ

[بنت شيوخـ ما تخاوي دلوخـ]

الريال انسان ليه احساس ومشاعر نحن نقول انه قوي وما يصير يصيح أنا بعد شفت اخوي مره يصيح عشان فقد ربيعه الغالي يلي أعتبره أخوي أنا بعد صحت بس مو مثله حرق قلبي يوم شفته يصيح ما كنت اتوقع كنت احسبه قوي وما يهزه شيء بس صدمني وعرفت ان دمعته ما تنزل ألا أذا شيء كبير استوى وياااه

حبيبتي تسلمين على الطرح ولا عدمناج

[بنت راك دلع]

بنسبالي فخر مو عيب الريال يبكي
ويسلمو ع الطرح الحلو ويعطيج الف عافيه

[ﮍﯜﺢﺒڼ ڇټپ]

وعليكم السلام ورحمة الله وبركاته..~

اولا احب اشكرج اختي شواقي عالموضوع الفنتك

و ثانيا الصراحه صدقها امج

دمعة الريال ما تنزل بدون سبب الا اذا كان شي شي يعني

شي كبير مستوى و لا ما بيصيح الريال على شي تافه ماله داعي
والريال له احساس و مشاعر مثله مثل غيره

و احب اشكرج عالموضوع مرة ثانية و الف الف سلامه يارب

و تسلمين
خويج راي البوش