.. موضوعي ----> يتريا طلتكم ..

[!!.•°غلا قلبي °•.!!]

السلام عليكم اعضائي الحلوين ..

عساكم الا بخير ومرتاحين وبصحه وسلامه يارب .. " :q8: "
بتوله عليكم -----> مب وقتج بعدين بعدين .. " :image5: " ع العموم


xx

هالمره بغيت اطرح موضوع يمكن بعضنا مب مفتكر فيه ويمكن مايشوفه موضوع مهم نتناقش عليه
بس بنظري احسه موضوع نحن نغيب عنا وااايد وهو لازم نرمس فيه ..

الموضوع :


" لا تسوين , لا تلبسين , غطي شعرج , ممنوع الفون ..الخ" -----> ها بالنسبه للبنت
" لا تتأخر ع البيت , سير الجامعه , ذاكر , لا ترابع هالشله , ليش ماترد ع الفون ؟ ..الخ "

--------> ها بالنسبه للولد

هالعبارات اكيد نحن نسمعها ف حياتنا من اهلنا ومافي بنت ولا ولد اهلها ما يقولولها شي من هالقبيل
هالشي اذا دل اكيد يدل ع خوف اهلنا علينا ومعزتنا ف قلوبهم واشقد هم مهتمين فينا ..
بس البعض يشوف انه هالشي تخريف و سخافات ومال اول وغيره انا بخبركم سالفه صارت وخلتني افتح هالموضوع ..


كنا يالسين شلة بنات ونسوالف بنت قالت اهلي ما يخلوني اخذ فون الحينه بعدني صغيره ..
نطت الثانيه قالت اوه اهلج معقدين وماعندهم سالفه انا اهلي عادي عندهم صح انهم ساعات
لازم يعرفون منو يتصل حقي جان تقول الثالثه : ماعندج سالفه اهلج معقدين اكثر عيل ومتخلفين .. الخ

وكملوا السوالف ع هالنمط ..

سؤالي لكم حبايبي :



بذمتكم ليش نحن نخلي اهلنا جدام الغير معقدين وماعندهم سالفه ؟


ليش مانقدر نرضا بنمط تفكير اهلنا ونعيش ع هالاساس ونخليهم يفتخرون فينا يوم بيكبرون؟


ليش نخلي الغير يستخف بأهلنا ويرمسون عنهم ع انهم معقدين و متخلفين ؟


xx



-------> يمكن ماعرفت كيف اصيغ اسلوبي اكثر و اوصل المعلومه بس الي ابا اقوله
ليش هالايام ما نرضا بالي يقولونه اهلنا حتى لو كانوا مثلا : جاهلين ولا مب متعلمين ولا غيره ..
مايخصه الثقه صدقوني بس خوفهم علينا واهتمامهم ماله اي قيمه عندنا ليش ؟


والله مابيفيدنا ف هالزمن غير رمست اهلنا الي منها نقدر نحافظ ع عمرنا ..
" اسمحولي طولت عليكم واسفه لو رمستي زعلت حد "
بس حبيت اطرح هالشي ف خاطري :ax:

[Ŝũρềя ʒήź]

يب يب كلامج صح ..
بس مرات اهلنا ما يفهون الموضوع عدل و يمكن يعقدون السالفه و لكن هي ما تستاهل
و يبونا نعيش شرات ما هم عاشوا يعني ف زمانهم و جي ..
بس الحين الزمن تغير و لازم اهلنا يفهمون ه الشي و يحاولون يتعودون عليه و جي ..
و السموحه ع القصور .. ^^
3>

[« ح‘ـكۈومَـہ »]

:nosweat:

صدق جيـهـ ح‘ــآلتنـآ ,,
وح‘ـتى أنـآ استوى الموقف شرات قصتج جدآمي لوول ,,
بصرآحهـ ..!

أنـآ عن نفسـي مـآدآني زيـآده فلسفه من الـأهل ..!
خصوصـآ إنه دوم فـ بآلهم الزمن خربآن والنآس محد ينفعك ,,

وأكره شي اذا حد ينصح ولا يدري شسالفه !:malet:
بس صدق اهل ع العين والراس ويخافون ع مصلحتنا ماقلنا شي ومالنا غيرهم اصلا ^^
بس يعني الشخص اذا وصل عمر محدد خلاص يعرف يكون ف ما يحتاي حشره هله ..

وبث :image5:


:ax:

[شجون الامارات]

[ !!.•°غلا قلبي °•.!! ]

بذمتكم ليش نحن نخلي اهلنا جدام الغير معقدين وماعندهم سالفه ؟

صراحه هذا يعتمد على الشخص .. اذا هو جيه بيقول ليش وليش .. ولي يتبع الناس اسميه بيتعب ..

ليش مانقدر نرضا بنمط تفكير اهلنا ونعيش ع هالاساس ونخليهم يفتخرون فينا يوم بيكبرون؟

الحمدالله عني انا راضيه .. ويمكن الحين حد يقول ليش حن غير ليش حن ممنوع بس يوم يخالط لناس ويسمع البلاوي وكل شي
بيعرف انه الي يسونه هله لصالحهم ..


ليش نخلي الغير يستخف بأهلنا ويرمسون عنهم ع انهم معقدين و متخلفين ؟

انا مابقول المتخلف لي مشدد ولا المتخلف لي منفتح وايد ..
التشديد وايد مب زين والانفتاح وايد مب زين

خير الامور اوسطها ...

سلمت يمناج على الطرح المميز :122:

[آلـῳـولعيه]

السلام عليكم ورحمة الله وبركاته


رؤؤعه المووضوع ..

سسوري بس هاي إلي تقول " معقدين " >> مريضضه لوول ..

احسس حرام الاهل مالهم خص ..

يعني يربون عيالهم احسن تربيه >> بعض الاهل ماايدرؤن ع عيالهم >>>>>> صح مربينهم احسسن تربيه ........ بس جدام اهلهم فيس وراهم فيس .<<


والاهل مابيشددون مني والدرب > من خوفهم عليهم ..

اعرف ناسس كانوو محد شراتهم اهلهم واايد اوكييه >>

بسسسسس :malet: ماايعرفوون عن البلاوي الي تصير من وراهم .. !!!!!!!

الله يهديهم ..

لوو نرمس لين باجر مابنخلص ماقوول غير الله يهديهم حبيبتي ..

هااي ربيعتج عطيهااا كف ع راسها بتصطلب ههههههههههههههههه


لاهنتي :ax:

[الوليف]

الموضوع جميل ويستاهل النقاش ..
ماقصرتي يعطيج الـ ع ـافيه ..
^^

اذا الاهالي نصحونا هم ادرى بمصلحتنا ..
نحن مانحس بعطم النصيحه احين بس يوم نكبر نعرف معنى كلامهم ..

انا مابتكلم عن غيري بتكلم عن نفسي ..
يوم كنت صغير كنت اسمع نصايح مالها اول ولا تالي وكنت دوم اضايق من هذا الموال يوم كبرت فهمت معنى كلامهم
وتحسفت على كل لحضه كنت اضايق فيها يوم اسمع النصايح .. والدليـل على خوفهم علينا ..

كل واحد بيعرف هـ الشي يوم بيعرس وبيونه عيال ..
بنخاف عليهم وبنصهم مثلن ماكانوا اهاليتنا ينصحونا ..

وهذا دليل انه جميع الاهالي هب معقدين بس انهم يخافون عليكم :001:

السموحه طولت عليكم ..
يعطيج الـ ع ـافيه

[آڷصّغيرۉنہْ ™]

بذمتكم ليش نحن نخلي اهلنا جدام الغير معقدين وماعندهم سالفه ؟

والله على حسب الموووودِ // ترى بعضهم يوم يكوونوون مستاانسين من اهلهم ( يكوووننوون غالين )
بس يوم مايلبوولهم الطلباات ( طااااااف ) :oh:



ليش مانقدر نرضا بنمط تفكير اهلنا ونعيش ع هالاساس ونخليهم يفتخرون فينا يوم بيكبرون؟

>>> ترى كل انساان يبا الي في بااالهـ .. والاهل احياانا يرفضوون 2222:


ليش نخلي الغير يستخف بأهلنا ويرمسون عنهم ع انهم معقدين و متخلفين ؟


لـآآتعليييييق .. ><

[غِربـۃ زمَـانِ]

السلام عليـڪم ۈ رحمـۃ الله
يسعـِد لي صباحـڪم و مسـآڪم : بالخيــِر ۈ الطاعـۃ )|*

،

أنا مريت ع الموضــوع قبـل .. بس الحين بررد عليـه ^^

بذمتكم ليش نحن نخلي اهلنا جدام الغير معقدين وماعندهم سالفه ؟
طبعا انا لمـآ قريت الموضوع و الموقف اللي استوى وياج مع البنات .. استغربت / أن و لا وحده دافعت عن أهلها لما قالوا لها إن أهلج معقدين و ماعرف كييف ..! :malet:

لو شو مــآ سووآ أهلي فيني { مستحييييل ارضى حد يقول عنهم متخلفين و معقدين و ما عرف كيف .!
و اللي يخلي أهله جدآم الغير أنهم معقدين / فاسمحلي انته فاهم أهلك غلط .. بونك انته معقد دامك هب فاهم مقصدهم ..

ليش مانقدر نرضا بنمط تفكير اهلنا ونعيش ع هالاساس ونخليهم يفتخرون فينا يوم بيكبرون؟
اللي مب عايبتنه رمسسه أهله .. بيتحجج بأنه نحن نعيش عصر و زمن غير عن زمن أباءنا و أمهاتنا ..أنا ويااه فهالشي
بس مب ياخذه ع اســآس سبب رئيسي و يقتنع فيـه ../ لا بالعكس.. ساعات اتكوون هالعاده اليديده اللي أهلنا مب راضيين فيها اتضر فينـآ .. و هم أدرى بالحال ..
و إذا في شي يبا يسويه و واثق انه بينفعـه / يحاول يفهم هله .. و أكيد بيتفهمونه

وبس أنا هاا رآيي ..
و أشكرج غلايـه ع موآضيــعَ النـآش اللي تطرحينـهـآ
و نتريــآ القضيـه اليايـة / لا هنتي شيختي
؛

ۈ السمۈحـۃ عَ القصۈر